Fiji
Viseisei

Here you’ll find travel reports about Viseisei. Discover travel destinations in Fiji of travelers writing a travel blog on FindPenguins.

7 travelers at this place:

  • Day47

    FIJI - Viti Levu

    August 20 in Fiji ⋅ ⛅ 25 °C

    Im Hafen von Vuda Marina treffen wir auf Käpt'n Balu und seine Crew ( Lasse & Inga). Auf dem Markt kaufen wir Gemüse für 2,5 Wochen Segeln ein, Obst pflücken die Jungs unter Höchsteinsatz von den Bäumen. CJ wird noch schnell salon-fein gemacht und schon kann die Fahrt losgehen.

  • Day86

    Bula Fiji

    July 13, 2018 in Fiji ⋅ ⛅ 25 °C

    Nach zwei verspätete Flüg simmer hüt guet in Nadi in Fidschi acho. Scho am Flughafe wird mer vu fröhliche Musikante empfange und all Uniforme gsehnd eher wie verbleichti Hawaii Hemmli us :) Mer landet zwüsche nid allzu hoche, dicht bewachsne Berge, gseht die wiite Zuckerrohr-Felder - wieder imene sehr agnehme Klima.
    Nach churzer Fahrt hemmer euses Resort in Lautoka erreicht - ehrlich gseit memmer eus nachem ganze Luxus im Komaneka zerscht mal wieder anes "normals" 3* Hotel gwöhne! Lustigerwis het sHotel en Insle in Fuessform vorem Resti la ufschütte la, wohl als Symbolbild für de Name "First Landing".
    Die wichtigste paar Wörter uf Fidschianisch hemmer eus scho probiert zmerke... da numal als Gedankestützi: bula für hallo, vinaka für danke und moce (moke usgsproche) für tschüss.
    Read more

  • Day87

    Are we just too spoiled?

    July 14, 2018 in Fiji ⋅ ⛅ 25 °C

    Weg de 4h Zitverschiebig vu Indonesie uf Fidschi hemmer geschter Abig en liechte Jetlag gspürt... zerscht zimli kaputt und denn bis fascht znacht am 3 hellwach :( doch dernach hemmer herrlich gschlafe, in euser chline traditionelle Bure, umgebe vu höche Palme und Grüenzügs.
    Doch am Morge simmer chli entzauberet worde, irgendwie isch alles chli mau... sZmorge eher spärlich, für alles Warme mues mer zuesätzlich zahle, de Pool erinneret anes Familiehotel uf Malle oder de Kanare, de Strand isch zwar schön wiiss, aber ohne Ligene und wegem Riff resp. em Dreckwasser vum Hafe chamer nid schwimme... dAlag wär schön, aber scho chli älter und nid würkli guet gnutzt...
    Hm, simmer eifach vum Komaneka scho zverwöhnt? Mer hend gwüsst as mer zerscht "nur" imene 3* Hotel sind, mer hend kei Luxus erwarted... aber irgendwie isches nid recht gmüetlich und würklich was ztue gits au nid... de reued eus die knapp 250 CHF scho womer da jedi Nacht lend la ligge!
    DMartina fühlt sich scho ganz undankbar, wel mer ufeme schöne Inselarchipel sind, wo mer nid so eifach wieder anechunnt - und denn gfallts eim nid... aber ja, wemmer hoffe ases nur en temporäre Reise-Blues isch - oder as sich dHotels bessered!
    Jedefalls isch de Tag trotzdem wie im Flug ume. De Sämy het sinere "The Expands" Sucht gfrönt, dMartina es neus Buech agfange ("When life gives you lululemons") - und mit es paar Sunnestrahle kombiniert hemmers doch gar nid sooo schlecht!
    Zum Znacht am Strand hets nu polynesisch-mikronesischi Tänz gä, teilwis au mit Füür gsi - zimli idrückliche Abschluss vumene unspektakuläre Tag gsi :)*
    Read more

  • Day88

    Grey lazy day

    July 15, 2018 in Fiji ⋅ ⛅ 24 °C

    Numal hemmer komatös guet gschlafe - und eus trotz grauem Wetter am 8i scho usem Bett kämpft: de Sämy für es Skischuel-Telefonat, dMartina (wo etz 3 Täg nid graucht het!) für en Session BodyBoss... nach Zmorge und churze Fuessmassage hemmer eus wieder in üser Bure verchroche, de Sämy het am Business Konzept vu ConsiderItDone/ButlerBox gfiiled, dMartina wieder fascht es wiiters Buech fertigglese :)
    Mitti Namittag hemmer eus zunere Rundi Kayakfahre ufgrafft - und hend nid schlecht gstuunt, as bi Ebbe de Wasserstand guet 2m tiefer lit und sganze Riff ad Oberflächi tritt. Da gseht mer überall Bächli abfliesse, flissigi orangi einarmigi Krabbe am Fresse sammle und immer wieder grösseri Schlamm-farbeni Chrebs zwüsche de Felse. Zudem hemmer vum Kayak au chli bessere Iblick/Hörprobe vum indische Hochzit becho, wo hüt uf dr Fuess-Insle stattgfunde het. Sehr melodisch und farbig, wie gwohnt mit vil Tanz :)
    Vu de Agstellte hemmer erfahre, dass das en lokali Hochzit isch gsi - denn ca. dHälfti vu de Iwohner uf Fidschi stammed ursprünglich us Indie. DKolonialiste hend dInder als Arbeiter fürd Zuckerrohr-Plantage mitbracht (wohl au wel dFischianer nid grad für ihre Fliss bekannt sind) und vil sind au nach de obligate 5-10 Jahr harter Arbeit blibe. Etz bildets en wichtigi politischi Chraft uf Fidschi - was aber de Fidschianer gar nid passt. In de vergangne paar Jahrzehnt hets unzähligi Putsch gä, oft wel en Indisch-stämmige Präsident gwählt worde isch - sletscht Mal isch erscht im 2006 gsi!
    Euse letscht Abig da in Lautoka hemmer im Boatshed Resti verbracht, wo eus scho chli an Hawaii erinneret het. Etz sitzemer bimene Absacker i dr Bar (Mojito für de Sämy, Cognac fürd Martina) und lueged de usklingende indische Hochzit zue.*
    Read more

You might also know this place by the following names:

Viseisei

Join us:

FindPenguins for iOS FindPenguins for Android

Sign up now