- Show trip
- Add to bucket listRemove from bucket list
- Share
- Jul 6, 2024
- ⛅ 22 °C
- Altitude: 2,444 m
PeruCuscoMachupicchuMachu PicchuMachu Picchu13°9’49” S 72°32’42” W
Camino Inka to Machu Picchu
![](http://d2k8htqlk8yn1a.cloudfront.net/img/flags-png/pe.png)
I ha lang überleit wini die vier Tag Inka Trail gschid ine Bitrag verpacke ohni daser z läng wird. Was mer uf däm guet 45km länge Trail erlebt hei, chame gar nid imne Bitrag verfasse, me muess es selber erlebt ha.
Trotz mim schwache Mage bini sehr motiviert gstartet. Dr erst Tag isch im Verglich zum Reste no eher gmüetlech u z loufe isch sehr gäbig gange.
Dr zwöit Tag isch dr strängst, da me am längste louft, aus berguf und me passiert dr höchst Punkt vom Trail, d Dead Womans Pass uf 4'215 M ü. M. Mi Mage het scho am Morge ume nid so wöue u i bi drum sehr langsam losgloffe. Zwüschine isch mau besser worde, aber die huere Stägetritte ufe si scho sehr sträng si. Churz vorem Pass isch mer ume chli übel worde u i ha es Pöiseli brucht. Wonis de ändlech ufe Pass gschafft ha, bini so erliechteret gsi u so glade mit Emotione dasi eifach gredi use ha afa gränne. D Guides u dGruppe heimi de tröstet u mer Muet gmacht. Offebar passiert ds nid nume mir dert obe. Umso glücklecher bini gsi womer de z Basecamp am Nami erreicht hei.
Dr Dritt Tag isch besser gsi u i ha viel meh Energie gha. Landschaftlich isch das dr schönst Tag gsi vo aune.
Am vierte Tag simer am 3 am Morge uf zum packe und losloufe. Dür das simer scho früeh a üsem eigentliche Ziel acho. Mir hei e Tour gmacht dür Machu Picchu u si mega beidruckt gsi.
I ha i dene vier Tag viel über d Inkas erfahre. Dr Wäg dert here het mi meh beidruckt aus Machu Picchu säuber. Me gseht no so viel meh Ruine unterwegs, wo derzue ghöre weme sech für die Kultur intressiert. Zudem bini überrascht gsi vo mir säuber u wasi aus cha erreiche weni gnue Wille ha. Üsi Pumas Crew (üse Gruppenme) isch wine Family gsi, me het sech gegesitig motiviert und unterstützt. Üsi zwei Guides, Raùl und Katy, si immer für üs da gsi. Üsi zwei Chöch hei immer hammer Esse zuebereitet u gluegt dases a nüt fehlt. U üsi 18 Porters (Träger) hei z ganze Material ire wahnsinns Gschwindigkeit vo A nach B treit u derfür gsorget, das aus isch parat gsi we mir achöme. Ohne die Crew im Hintergrund isch sone Wanderig nid möglich. Dankbar, Glücklech, Müed und mit viele Idrück simer in Cusco acho u froh gsi, mau ume chönne ga zdusche.Read more
Traveler Mega idrücklech! 😍 proud of you 👏🏼🥰
Traveler richtig richtig stolz uf euch! es gseht fantastisch us <3
Traveler Bi sehr stolz uf eu u gseht wunderschön us🥰🥰
Traveler Was fürne leischtig 💪🏼