Borboas trip

Hüt hämer zwei Sache vor. Eimal Xochimilco, det cha mer mit bunte Bötli die schwümmende Gärte bsueche und s zweite ischs Casa Azul, s dihei vo de Frida Kahlo.
Mir sind also am Morge mit em Uber los für uf Xochimilco und hend em Fahrer gseit, dass mer zum Haupt Embarcadero, e Art Anlegestell fürt Schiff, wend. Es git öpe 4 verschiedeni. Im Internet hämer gläse, dass es Boot für e Rundfahrt rund 600 Pesos chosted, aso rund 30.- Fr.
Churz bevor mer am Ziel acho sind, isch eine uf em Velo zu eusem Auto cho und het sehr penetrant gmeint, die Anlegestell, wo mir hi wänd, isch gschlosse wegemene Fest. Es gäbi aber e anderi Anlegestell, wo offe segi. Da d Semana Santa, aso d Osterwuche, grad afangt, isch das nöd so verkehrt gsi. De Uberfahrer isch au unsicher gsi wie mir. Er het eus aber versicheret, dass es sicher segi. Mir händ mit ihm abgmacht, mir gönds go aluege und wenns eus komisch vorchunnt, gömer wieder. Det acho hämer d Böötli gse und und get au es paar Mänsche und Lädeli gha.
Aso simer usgstiege und sind zum Vermieter vo de Böötli. Er het eus 3 verschiedeni Route vorgschlage, wo aber alli über 2500 Pesos, aso ca 120.- kosted hend. Aso fast 3x soviel wies im Internet gheisse get😂🤷‍♀️ Da mir eus vorallem uft Sicherheit vo dem Ort fokussiert händ, hämer nöd tschägget, dass das au eifach en chline Scam chönnt sie, und sie eifach viel meh als üblich chönnted verlange. Da de Uberfahrer scho weg gsi isch, und mer uf kein Fall es Taxi vo de Strass derf ne (sind gfährlich), und mir i dere Gägend, wo mer nöd känned, nöd eifach händ wele umelaufe, hämer versuecht, d Pris abezhandle. Am Schluss hämer 60.- Fr. zahlt, s doppelte wie suscht, aber immerhin d Helfti was sie händ wele. Naja da mir wiedermal i ne Turifalle glofe sind und kei anderi Wahl meh gha gend, isch das den euse Priis halt gsi🤦‍♀️😂😂😂

D Fahrt mit em Böötli isch aber würkli mega toll gsi. Euse Kapitän het, wie in Venedig, s Böötli mit emene Holzpfahl ageh und so simmer dur die Wasserstrasse gleited. Euse Kapitän isch en junge Mexikaner gsi. Uf sim Platz hämer es Ritschratsch entdeckt und bim gnauere hiluege au Gras und er het rächt glasigi Auge gha😅 wo mer uf em Hauptkanal acho sind, hets zwei Böötli mit Mexikanerinne vo Oaxaca gha, wo fliessig zu luter musig tanzend, gsunge und Mezcal gschöttled hend (es isch 10i am Morge gsi). Vo Boot zu Boot händs eus au Schöttli gschänkt, wo mir gern gno händ. Nach enere witere Rundi simer au in Trinklune gsi und händ e Michelada teilt, Bier mit Limettesaft und Tabasco. Es isch richtig luschtig gsi und mir händ den rasch au eis höckle gha. Was für es amüsants Böötli mir gsi sind, zwei agrüschleti Turis und en bekiffte Gondeleri😂😂😂
Mir händ den bimene Garte no en Halt gmacht und händ Schlange, Kameleon und e Tierart, wos nur dete git, chöne aluege. Axolotl, das sind mölch wos nur in mexiko git.

Wieder zrug simer mit emene Uber witer zum Casa Azul. Da mer richtig Hunger gha hend, simer no schnäll bim Markt e Torte (Sandwich) und e Quesedilla für uf de Weg go hole. Bizli zspaat, oder in Mexico ebe genau richtig, hämer no mit eusem Timeslot is Museum ine chöne.
Das Huus, wo d Frida gläbt het isch wüki wunderschön und richtig farbig. Es het aber richtig viel Mänsche gha, das eus d Lust zum alles Läse und gnau aluege bizli vergange isch. Zuegeh euses Morgerüschli isch sicher au nöd ganz unschuldig dra gsi🙈😂
Nach em gmüetliche spaziergang simer nomal a de mega tolli Markt und hend seinte oder andere no krämlet.Lue lisää