Reset search
Jana DiggelmannJana Diggelmann
SatelliteEdit route
traveled in 7 countries Read more
  • TravelerBangkok-Kuta
    Day 41

    Morgen in Ubud

    September 11, 2017 in Indonesia ⋅ ⛅ 26 °C

    Hüt hend mer de morge in Ubus chene verbringe und am namitag am 2 sind mer zu eusem Letshte Ort uf Kuta. Hüt isch leider au üse letschti tag mit de Gruppe. Am morge sind ich de Jacob de Roge und de Ron zeme go zmorge esse und den an Pool. Mer hend müse am 12 uscheke und somit hend mers bis den nochli gnosse am Pool z sie. Uf die 12i hend mer eus den wieder a de Reception troffe für zum uscheke. Nachher sind mer go zmittag esse. Nach em esse hend mer nochli forig zit gha de Jacob und de Roger hend sich den eh massage mache lah und ich han mer i dere zit Shellac mache lah. Ich han mich chli gfühlt wie eh Prinzessin. Sie hend nemli z Zweite ah mine Häng garbeitet. Es isch aber au nid wirklich schön worde.Read more

    See translation
  • TravelerBangkok-Kuta
    Day 40

    Ab nach Ubud

    September 10, 2017 in Indonesia ⋅ ⛅ 24 °C

    Hüt sind mer nomol mit em Bus witer nach Ubud gfahre. Unterwegs hend mer en halt gmacht amene hügel wo mer uf zwei See gse hend. Dete hends au no ganz viel Tier gha wo mer chenti Bilder mit dene mache aber i han mi nid so traut gha. Den sind mer Witergfahre. Zmittag sind mer in es sozege "Behindertehaim" go esse die hend für eus kochet und no ufführige für eus gmacht. G Adventure unterstüzt die ebe wil ih ihrem glaube Behinderti Mensche die sind wo ih ihre frühnrige lebe ebis schlechts gmacht hend odr bös gsi sind. Uf jedefall hend fast alli fu eus au no es Cheteli odr so eppis postet zum die z understütze. Nachher sind mer den is Hotel gange. Am Namitag sind de jacob de Ron de Roger und ich den in Monkey Forrest gange. Dete hets so viel Affe gha und die sind fast chli aggresiv gsi. Ich und de Roger hend eus den no Banane kauft. Wen mer Banae gha het sind die eim uf de Rugge und uf d Schultere kletteret. Die sind mega herzig gsi. Nachher sind mer den nochli de Lädeli entlang gange. Den sind mer no go Esse am abig und spöter den no in Usgang. de Panji, Jacob Roger und ich hend de ganz abig no Billard gspielt gha. Es het mega spass gmacht gha.Read more

    See translation
  • TravelerBangkok-Kuta
    Day 39

    Relaxing Tag

    September 9, 2017 in Indonesia ⋅ ⛅ 13 °C

    Hüt hend mer eifach en Tag lang nur nix gmacht zumindist de Jacob de Roger und ich. Mer sind am Morge an Pool gange und sind eifach nur am Bädele gsi. Den sind d Jungs plötzli druf cho das en Cocktail trinke chented i han aber eigentlich no keine welle. Aber den isch Happy Hour gsi 2 zahle und eine gratis und den hets halt gheisse gha das i au eine trinke sell. Also hend mer am morge am 10 Ahfange Cocktails trinke und es isch den recht lustig no worde aber de nögsti hend mer den erst am abig am 5i gha. Mer sind eif sust die ganz ziit nochli am bädele gsi und brun werde odr hend zumindist versuecht gha. Am abig het euses hotel für eus verusse znacht parat gmacht gha und hend eus no es paar tanzschaue ahluege chene.Read more

    See translation
  • TravelerBangkok-Kuta
    Day 38

    Ab nach Bali

    September 8, 2017 in Indonesia ⋅ ⛅ 14 °C

    Hüt hend mer leider müse s surfcamp verlah obwohl alli gern nochli blibe wered. Aber die meiste hend au Muskelkater gha fum Surfe. Hüt gend mer entlich nach Bali und so setted d Feriestimmig und Relaxing stimmig chli meh ufcho het de Bunji gmeint. Wo mer ahcho sind in Pemuteran hend mer gmerkt es isch mega schön und alles isch mega herzig gmacht und au wie die ahgstellte mit eus umgange sind. I eusne zimmer isch soger s Bett mit eusem Name beschriebe gsi mit Bluemene und üsi Tüechli zumene Elephant zemme bastlet. Am Nammitag sind mer den no an schöne Pool gange und am Abig vor em Esse bini no id Massage gange. Es isch richtig entspannend gsi.Read more

    See translation
  • TravelerBangkok-Kuta
    Day 37

    Surfstunden

    September 7, 2017 in Indonesia ⋅ 🌙 16 °C

    Hüt morge hend mer es richtigs suppers amerikanisches Zmorge gha. Nach em Zmorge sind mer den zerst mol go Surfe probiere. Mer hend eus zerst noh müse ihwärme und üebe im Sand und do und donts ahlose. Es het eifacher tönt ales es isch. Die meisti zit ghait mer eifach nur is Wasser und das ganze isch no recht ahstrengend. Wil ich die ersti gsi bi wo perzuefall uf em Brett gstande isch fu eusere Gruppe han ich es tshirt fu ihne gwunne. Jedoch isch es im nachhinein nid immer so guet gloffe. Aber es het am abig es paar ganz lustigi föteli zum ahluege geh. Zum Zmittag sind alli sehr hungrig gsi und am namittag sind es paar fu eus eifach no zum strand go chli Bade. Am abig bini recht früeh is bett wili so müed gsi bin.Read more

    See translation
  • TravelerBangkok-Kuta
    Day 36

    Sonnenaufgang & ab zum surfercamp

    September 6, 2017 in Indonesia ⋅ ⛅ 30 °C

    Hüt morge sind mer am 3.30 abgfahre mit de cheaps in en Berg ufe wo mer setted die volli ussicht ha. Es isch mega mega chalt gsi ich han 2paar socke ahgha, 2paar Hose und 4paar Pulli. Mer sind zerst eppe 45min id Berge ufegfahre und nachher hend mer nomol es stückli müse laufe. Det hets scho lüt gha es mus eh recht eh beliebti sach sie. De bunji het mir am Roger und em Jacob aber en platzt zeigt wo niemert higaht wil mer het müse übers gitterklettere und den det chli durab aber det het mer chene sitze und mer het niemert um sich umegha. Nach dem sind mer wieder zrug is Hotel zmorge go esse und den sind mer grad abgfahre für is surfercamp. Mer sind de ganz tag gfahre und erst am abig ahcho. S Surfercamp isch supper. Es isch alles mega schön ihgrichtet und alles supper lüt. Znacht hets au en mega feine geeh sie hend immer Buffets gmacht. Wil alli müed gsi sind fum früeh ufstah und de ganzi tag fahre hend mer nur no es paar spieli gspielt gha.Read more

    See translation
  • TravelerBangkok-Kuta
    Day 35

    Traking im nationalpark von mt Bromo

    September 5, 2017 in Indonesia ⋅ ⛅ 21 °C

    Hüt laufed mer dum homestay zu eusem hotel dur de ganzi Ntionalpark fu mt Bromo. Es het zerst gheisse es segi eif nur 11km laufe. Aber us dene eif nur isch ned eh so eifach gsi. Zerst sind mer s dörfli no go ahluege und eh schuel. Nachher isch es den losgange. Mer sind dur de Jungel gloffe, dur d Safana und alles mögliche. Mer sind sehr steil duruf und au wieder sehr steil durab. Es isch richtig streng gsi. Nachere gwüsse ziit hend mer den maskene müse ahlege wegem staub und so isch das den no schwiriger worde zum schnufe. normali weg hets au nöd gha mer sind dur all gstrüp dure und au dur de Sand. Mini schueh hend sich ahfange mit Sand z fülle und es het überall ahfange riebsche. Aber trotzdem het de ganzi Tripp mega spass gmacht. Zum guete schluss sind mer no de Vulkan duruf gloffe was nomol mega streng gsi isch. Aber de isch aktiv gsi und es isch mega faszinierend gsi zum luege. Det obe hani den d schueh mol abzoge und usglert und han gmerkt dasi eh rechti blatere han. D schueh hani den für zum durablaufe nüme ahgleit. Une am Vulkan hend eus den entli Cheaps abgholt und no zum Hotel bracht. Alli sind nur so vor dreck gstande. Nachher warme Tuschi sind mer grad scho go esse wil mer morn morge am 3.30 gönd de sunneufgang go luege.Read more

    See translation
  • TravelerBangkok-Kuta
    Day 34

    Zug fahrt zum Homestay in MT Bromo

    September 4, 2017 in Indonesia ⋅ ⛅ 23 °C

    Hüt hend mer wieder derfe 8h Zug fahre und wie mer gmerkt hend hend mer s letshte mol 1Klass gfahre und hend zimli luxus gha. Mir sind demol z vierte imene abteil gsesse und hends sehr sehr eng gha. D ziit isch sehr langsam umegange. Mit de Ziit hend mer den ahfange Zaubertriks lerne mit de Charte so isch den wenschon d Zit chli umegange. Mer hend unterwegs no d Rainbow City gse das het mega cool usgse es isch alles ganz farbig ahgmalet gsi. Wo mer ahcho sind hend eus eusi Gastfamiliene abgholt. Üse fahrer isch chli en Raser gsi was mir nöd so ganz passt het. Uf jedefall sind mer ganz ufe id Berge gfahre. Mer aind zu 4 verschidene Homestay ufteilt worde. Üses Homestay isch s beste gsi wil bi eusem hends au grad für üs alli kocht und üses Homestay isch s einzige gsi miteme Sitzwc. Mir hend en mega guete Znacht becho aber in Mt Bromo isch es richtig chalt wils so wiit obe isch. Üsi familie het imene chline cholle öffeli versuecht z heisse aber mir sind alli recht greucheret worde. Nach em Znacht hends eus no es paar tradizione zeig und am schluss hend mir mit eusere familie no mega lang uno gspielt gha.Read more

    See translation
  • TravelerBangkok-Kuta
    Day 33

    zweiter Tag in Yogyakarta

    September 3, 2017 in Indonesia ⋅ 🌙 18 °C

    Wil hüt en sehr heisse Tag gsi isch hend mir eus gester überleit gha was mer mache chented wil mir ned umbedingt so hend welle d stadt go besichtige. Mir ich und de Roge sind den uf cave tubing gstosse. Am schluss isch die ganz gruppe mitcho und de Bunji hets eus no vertig organisiert. Zerst sind mer mit em Bus an en Ort gange und det sind mer den mit reife hinedrufgladet worde wie chüeh es het recht lustig usgse. Den sind mer zerst zu hölene und sind dur die dure mit de reife. Mer hend sehr viel Fledermüs und vieles anders gse .Den sind mer mit dene wäge wieder abgholt worde und den zum fluss brocht worde. Dete sind mer wieder mit dene reife umegfahre. Mer hend viel wasserfäll gse und zum schluss hend mer au no chene 8m durab is Wasser springe. Es het mega spass gmacht aber es het scho eh bitzeli weh tah. Am abig sind meralli zeme no go znacht esse und den ab is bett wils wieder en früeh morge git morn.Read more

    See translation
  • TravelerBangkok-Kuta
    Day 32

    Tag in Yogyakarta

    September 2, 2017 in Indonesia ⋅ 🌙 23 °C

    Hüt hend die wo hend welle d Tempel go Besichtige. Ich bin eine go besichtige und zwar de grösti hindu Tempel fu de Welt. Es isch absolut supper gsi. Aber mer hend meh als 200stege müse duruf und wieder durab laufe. Das isch sehr streng für mi gsi wili sit meh als 1nere wuche praktisch nüt esse chan und au Praktisch nix bi mirphalte chan. Mir hend no en Guid gha wo eus viel sache verzellt het über die verschidene Budas über dene ihri Hand haltig und vieles meh. Mer hend natürlich au wieder sehr viel Föteli müse mache mit de Ihheimische. Und so isch den de Morge scho ume gsi. Am mittag hend sich es paar dezue entschide as gliche Ort wie gester abig go Esse. Wil mir s esse dete so supper gfunde hend. I mage immer nonig so viel esse aber wenschon hani jetzt mol eppis normals zum esse bstellt. Am nammitag bin ich den nochli eleige de lädeli entlang und es het eh hufe wunderschöni sache gha. Nach dem ich wieder zrug gsi bin bini nomol chli an Pool üsi hitzi go gnüsse wo mir momentan hend. Am abig sind mer den mol in es Anders restaurant det hend mer au chene Billard spiele und mer hend den so euse abig nochli usklinge loh.Read more

    See translation

Join us:

FindPenguins for iOSFindPenguins for Android

  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English