Restablecer búsqueda
Südamerika
  • Lea Weidmann

Südamerika

Jenny und ich hend üs Südamerika, mitem Rucksack, vorgnoh. Leer más
SeguirResumenCalendarioCompartirCompartirLista de deseos
Más recientes primero
  • Lea WeidmannSüdamerikaViajero

    Hani Machu Picchu ghört?

    28 de noviembre de 2022, Perú ⋅ ☁️ 14 °C

    Hüt isches sowiit! Am 4:45 het üse Wecker gschelled und mir hend üs rasch parat gmacht zum richtig Busstation z‘laufe. De ersti Bus fahrt bereits am 5:30 und mir wend sicher gnueg früeh det si, dass mer au ih de erste Büs platz hend. Es hett den zum Glück scho für de 2ti glanged und mir sind den de steili Berg 1300 Höhemeter duruf cruised. Hett mer theoretisch au chöne laufe, aber wer wett sich das scho geh🙃. Pünktlich am 6i sind den Tore ufgange und mir hend grad direkt zum erste Fotipunkt chöne gah. D‘Ussicht isch würklich unbeschriblich gsi. D‘Morgesunne het wunderbar uf d‘Ruine glüchtet und sozege kein Mensch isch fängs am durelaufe gsi. Mir hend wunderbari Föteli chöne mache und de Moment richtig chöne gnüsse. Neb de Ruinestadt hend mir auno de Berg Machu Picchu welle duruf laufe. Es het umd Stadt 2 Berge. De Huayna Picchu (junger Berg) und de „eigentlichi“ Machu Picchu (alter Berg). Pünktlich am 7ni hemmer eus für de Ufstig am Ihgang ihgschriibe. Det hetts auna en Zettel gha, das de Ufstieg vo 655 Höhemeter uf 3085 müM in 2670 Stegetritt z‘bewältige isch. Das hemmer denn au nach genau 1.5 Stunde gschafft. Es isch au nid mal sooo mega streng gsi und d‘Ussicht zwüscheddure natürlich wiedermal überwältigend. Mir sind die 3&4 Mensche gsi wo dobe ufm Gipfel ahcho sind. Zum verschnuufe hemmer den üses Sandwich gesse und es Gipfelbier het au nid dörfe fehle. Spöter bim abelaufe hend üsi Bei amel soo fest zitteret, wenn mir churz stahbliibe sind😂 Es sind üs au langsam recht viel Mensche entgegegloffe und mir sind richtig froh, simmer so früeh losgange und hend de Gipfel für eus ellei gha. Wieder ide Ruinestadt ahcho hetts au meh Lüt gha. Mir hend eus den na en Tourguide gnoh für de Rundgang ide Stadt selber. Natürlich bini, wie immer, erstuunt über das Inka-Volk. Ich bin richtig gspanne, was mer ih dem „heilige Tal“ no meh über sie erfahre werded. Öppe geg die halbi 2 simmer wieder in Aguas Calientes gsi. Mir sind denn grad ines Resti (El Museo de Papa) mit Fernseh ghockt, ide hoffnig nochli vom Schwiizmatch chöne mitzneh, aber hend de leider verpasst. Mir hend im Resti eh Portion Nachos bstellt, aber die „Chips“ hend meh Ähnlichkeite zu Fasnachtschüechli gha, also zu würkliche Chips… defür isch d‘Guacamole geil gsi. Denn simmer zrugg is Hostel hend rasch dusched und chli chillt. Geg die 6i simmer wieder is Dörfli zrugg und sind bim italiener (Incontri) go richtig feini Gnoccis go esse. Doch mer het üs ahgmerkt wie fertig mir sind. Entweder mir hend eus vor lache nüm chöne erhole, oder mir sind eifach det ghocked und hend chli id Nacht usegstarrt. Nacher hemmer na en Pisco inere Bar welle nä, wo au chli öppis lauft. Schlussendlich simmer aber inere echt schmudlige Bar (Orquidea’s Grill) glandet🙃. De Pisco isch aber glich fein, zwar stark, gsi. Am 9ni simmer den müed is Bett gfalle und sind froh, chömmer morn bis am halbi 8i usschlafe.Leer más

    Ver traducción
  • Lea WeidmannSüdamerikaViajero
    Agrarkomplex
    Pisac DörfliUssicht is heilige Tal

    Ab is Valle Segrado

    29 de noviembre de 2022, Perú ⋅ ☁️ 16 °C

    Nachere würklich miserable Nacht (shoutouts gönd use ade Barkeeper vo Gester) hemmer das wunderbare Örtli Aguas Calientes müesse verlah. Nach dem mir im Hostel gesse hend, simmer am 10vor 9ni wieder uf de Zug. Da zwüsches Cusco und dem Dörfli verchehrt nur de PeruRail. Euse Guide ufem Machu Picchu het gester erchlärt, das die Linie eigentlich de Britte ghört und de ganz Gwünn drum uf England gaht und d‘Locals, auf ein neues, devo nid chönd profitiere… Ih eusem Zugwagon isches dasmal richtig Luut gsi. Irgend eh Gruppe vo 10 Lüüt het eis Chäferfest gha und mir hend fast nid normal chöne mitenand rede🥲 zum Glück isches nid allzulang gange und mir sind in Ollantaytambo ahcho. Ollantaytambo ghört (wie au de Machu Picchu) zum Valle Segrado - s‘heilie Tal vo de Inkas. S‘Tal zieht sich entlang vom Rio Urubamba und isch dazumal fliessig vo de Inkas gnutzt worde. Nach dem mir ih eusem Hostel ihcheggt hend, hemmer eus uf de Weg gmacht, das Tal chli z‘erkunde. Für hüt hemmer welle uf Pisaq und dete s‘Dörfli und sini Inkaruine ahluege. Zum det ahnecho hemmer ih 3 verschiedeni Büs mösse. Als Büs sinds eich nid gsi sondern eher so VW-Büs wo 12 Sitzplätz drin hend. Aber wär ja langwillig wen au würklich nur 12 Lüt chönd mitfahre. Drum hets ameö bis zu 22 Lüt det drin gha😂 Pisac selber isch es sehr süesses Dörfli gsi. Inkaruine meets Hippies, echli so het ihres Motto usgseh mit all dene süesse Kaffis. Da mir beide eher uf de Schnorre gsi sind, weg de churze Nacht undem Macchu Pichu ufstiig, hemmer eus de Bsuech da sehr gmüetlich vorgstellt. Doch wo mer zu de Inkaruine gloffe sind, seit eus de Dude am Empfang so: ja ihr chönd ez 2h uelaufe und den wieder 1h abelaufe. Mir hend genau gwüsst, das mached mir nid… mir sind den müehsam de Hoger wenigstens es bizeli durufkragslet und hend de wunderbari Agrarkomplex mit all dene Terassene bestuunt. Nachem Abstieg simmer den na is Kaffi El Encanto en feine Kaffi-Bananeshake go neh. Vom Kaffi us hemmer na wunderbar ih de botanisch Garte inegseh. Während de Rückfahrt ih dene Minibüs het grad d‘Abigsunne is Tal glüchtet und d‘Bergspitze mega schön belüchtet. Ich verstah wieso d‘Inka sich das Tal usgsuecht hend😅 Zrugg in Ollantaytambo simmer imene Resti go Znacht esse und ahschlüssend na neumeds (Sunshine Cafe) go Dessert esse. Mir hend det es Stuck Rüeblichueche und es Stuck Apple-Crumblechueche gnoh und sie sind würklich soooooo feeein gsi😍 Es hett uuh mega gmundet! Relativ früeh, aber trotzdem todmüed simmer den ih euses Bett gfalle.Leer más

    Ver traducción
  • Lea WeidmannSüdamerikaViajero
    Mirador im Tal
    MoraySalzterrasse vo MarasMarasChincheronChincheron

    Dur‘s Tal zrugg uf Cusco

    30 de noviembre de 2022, Perú ⋅ ⛅ 20 °C

    Hüt Morge hemmer absolut kein stress gha und hend eifach mal in Ruhe usgschlafe. Geg die halbi 9ni simmer im Hostel go Zmorge esse. Es sind na öppe 5 anderi det scho am esse gsi und jede isch chli komischer als de ander gsi😅 was chli schad gsi isch, will mit 3 vo ihne werdemer de hütigi Tag verbringe. Mir hend nämlich es Taxi bstellt, wo eus dur s‘Tal fahrt und bi allne wichtige Sehenswürdigkeite churz ahhaltet und eus Ziit laht zums ahluege und eus am Schluss in Cusco wieder abladed. Am halbi 10ni simmer losgfahre und glii zu eusem erste Halt cho. Es isch es Terrasseartigs Loch im Bode gsi mitem Name Moray. Mit dem hend Inkas s‘Klima vo de Küste au ide Berge chöne imitiere, zum au Coca-Blätter waschse lah. Denn simmer zu de Salzterassene vo Maras gfahre. Det wird in über 3000 Pools verschiedeni Salze hergstellt. Spöter simmer no zunere Alpakafarm, wo mer de Prozess gseh hend, vom Alpaka schäre bis zumene schöne Pulli. De letzti Halt hemmer in Chinchero gmacht. Ebefalls en ehemaligi Inkastadt, wo en wichtige Inka residiert hett.
    Geg die 4i simmer in Cusci ahcho und mir sind direkt im Plaza des Armas en Iiskaffi go neh. Nacher simmer wieder is gliiche Hostel (Homman) go iihvhecke, da mer det auna euse grosse Rucksack lah hend. Mir hend grad wieder eh Wösch ufgeh und sind go Dusche. Go Znacht simmer imene richtig feine Resti go esse. Eigentlich isches eher eh Tacoria gsi (also Mexikanisch) aber sie hend au richtig feins indisches Esse uf de Charte gha. Also isches doch es Curry worde👀. Nacher simmer no ines irish Pub (Mollys) gsesse mit live Musik. Es isch fascht so ne Art Usgang gsi für eus💪🏻 Es hett es paar Rundene Drinks und 4-Gewinnt geh, bis mir denn geg die halbi 12i wieder zrugg is Hostel sind.    Leer más

    Ver traducción
  • Lea WeidmannSüdamerikaViajero
    Q'enko: Heiliger Stein
    Q'enkoTambomachayPuka PukaraUssicht vo SaqsayhuamanSaqsayhuaman

    Stadttag in Cusco

    1 de diciembre de 2022, Perú ⋅ ☀️ 21 °C

    Es isch tatsächlich scho Dezember. Es isch unglaublich wie schnell die Ziit da umegaht. Und bi dene tägliche 25 Grad isches au schwär in Wiehnachtsstimmig zverfalle. Aber Cusco git sich da ganz viel Müeh. Überall lauft Wiehnachtsmusig und au de Plaza des Armas isch gschmückt mit Wiehnachtsbelüchtig. Mir hend de Tag ganz ruhig gstartet und sind zersch mal go fein Zmorge esse. Nacher hemmer die 4 berüehmte Inkaruine rund um Cusco welle go ahluege. Z‘Fuess und mitm öffentliche Bus hemmer eus uf de Weg gmacht.
    Station 1: Saqsayhuaman
    Eh Festig wo bizli erhöht isch in Cusco. Sie isch Teil vo de Muur rund um Cusco gsi und isch genau bim Aug vom Puma gsi (Cusco het d’Form vomene Puma gha) Also isch sie mit ihrne 3 Wachtürm sicher gmacht gsi zum Usschau halte. D‘ Festig isch baut worde us riise Stei, wo bis zu 12.5 Tonne schwer sind und so perfekt gformt sind, das sie super inenand inepassed.
    Station 2: Puka Pukara
    Heisst in Quechua „rote Festung“, da d‘Stei wohl mal rot gsi sind.👀 Es isch wahrschindlich mal en militärische Stützpunkt gsi und mer het Ware glageret wo über d‘Staffeteläufer ustuscht worde sind. (Staffeteläufer hend dazumals es schnells Postsystem garantiert. Ih dem sie wie inere Staffete über d‘Ande grennt sind und sich so abgwechslet hend.
    Station 3: Tambomachay
    En Tempel wo binere natürliche Wasserquelle erbaut worde isch. Isch wahrschindlich als Weihwasser für heiligi Zeremonie gnutzt worde.
    Station 4: Q‘enko
    Isch um en grosse heilige Stei baue, wo wahrschindlich mal en Puma dargstellte het. (Kondor het die Überirdisch Welt dargstellt, Schlange die Unterirdisch und de Puma die irdisch. Ente als Verbindigstier, will sie cha laufe, schwümme und flüge.) Es isch en grosse Felskomplex mit viel Schnitzereien ih de Stei. Inere Hölli hets au en Art Altar, wo drum Opfergabe vermuete laht.
    Nachdem mir das alles Besichtigedhend simmer zrugg an Plaza des Armas und hend en Kaffi gnoh. Nacher simmerno ines Muesum, wo chli d‘Entwicklig vo Cusco dargstellt het bis zrigg id Steiziit. Es Schoggimuseum hemmer auno mitngnoh, wo mir viel hend dörfe probiere, unter anderem au en Schoggi-Tee. Nacher simmer langsam is Hostel zrugg und hend eusi Rücksäch umpackt. Da es in nögster Ziit wohl so heiss bliebt, hemmer die dicke Sache ganz une in Koffer verdammt. Nacher simmer wieder los und hend bim Inka Grill es glas Wiisii zum Apero gnoh. Genau ih dere Ziit hets in Cusco grad en Stromusfall für öppe 20 Minute geh und es isch grad richtig schön gsi uf dere Terrasse z‘sitze. Go Znachtesse simmer bim italiener La Bodega wos eh richtig geili Lasagne geh het. Nacher simmer im Molly‘s nomal uf en Schlumi und den gli zrugg is Hostel go Pfuuse.    Leer más

    Ver traducción
  • Lea WeidmannSüdamerikaViajero

    Stadttag in Cusco 2.0

    2 de diciembre de 2022, Perú ⋅ ☀️ 19 °C

    Hüt bini wieder früeh wach gsi. Am 7ni hani es Telefondate gha und bin mer vorher na en Kaffi go hole. Mir hend den so de ganz Morge chli im Hostel verchillt, bis mer denn am 10ni hend müesse uschecke. Mir sind denn is Kafi La Rabona go Zmörgele. Eigentlich hemmer denn na es Museum welle mitneh, aber das isch den grad am umbaue gsii… Denn simmer halt direkt an Mercado San Pedro. Eh riise Halle mit ganz viel Souvenir-, oder Essensständ. Langsam aber sicher chömmer ahfange Souvenirs chaufe, ohni sie no 300 Jahr müesse mitzschleicke. Geg die 2 hemmer den welle ine Bar hocke, zum de Schwiiz Match luege. Mit viel liebi hemmer eus den es chliises Vegetarisches Resti (Greens) usglese wo au Mezzeteller ahbütet. Mir sind den ineghocked, mit Sicht uf de Fernseh, numme zum den müesse feststelle, dass ja Brasilie vs. Kamerun glichziitig lauft und sich da in Südamerika absolut niemer für d‘Schwiiz intressiert🤦🏻‍♀️🤦🏻‍♀️ Ih de Pause hemmer den Location gwechslet ihne Sportsbar (Papa Cho’s) mit meeega viel Fernseh. Mir hend den mega lieb gfröged, öbs nid zumindest uf eim Fernseh chönd de Schwiizmatch laufe lah. Natürlich nid, obwohl die halb Bar leer gsi isch👀 denn hemmer üs ufm Handy es VPN ihgriichtet und ihn so glueged… defintiv spannender gsi als de ander Match😅. Nacher simmer nomal chli umegloffe, hend üs na en Kaffi gholt, sind go dusche und geg die halbi 7ni wieder is Papa Cho‘s gsesse. Mir hend am Namitag scho gseh, was für geili Burger die ahbüütet. Nacher hemmer eus wieder chli umd Planig vo de nögste Täg kümmered. Mir hend Hostels und Büs buecht. Bis mer denn gmerkt hend, dass mer üs bim einte Hostel um en Tag verplant hend😂 Storniere hemmer irgendwie nüm chöne, jetzt bliibemer halt in Puno en Tag länger… Geg die 9ni hemmer eus den vom Hostel us es Taxi as Busterminal gnoh. Hüt hemmer üsi 2t letzti Nachtbusfahrt vo eusere ganze Reis… Isch en Teil wo mir sicher nid vermisse werded…Leer más

    Ver traducción
  • Lea WeidmannSüdamerikaViajero
    Küstevibes in Taquile
    Wunderbar "authentischi" InsleSchwümmendi Insle Uros

    Ab as Meer… ääh See!

    3 de diciembre de 2022, Perú ⋅ ☀️ 12 °C

    D‘Nachtbusfahrt isch wiedermal maximal unchillig gsi. Die erste 2 Stunde hemmer eus eine abgfrohre und nacher isches immer heisser und heisser worde, bises fasch nüm uszhalte gsi isch. Am halbi 6i am Morge simmer den in Puno ahcho. Mir hend am Busbahnhof den grad no s‘Billet für die nögst Busfahrt uf Copacabana glöst und sind den mitem Taxi is Hostel Iguana gfahre. Mir hend den det zum Glück no dörfe de Zmorge mitesse, will am 7ni simmer den scho für eusi Tagestour abgholt worde. Mitem Auto simmer an Hafe vom Titicacasee und den vo det uf es Boot. Mir sind den mitem Boot zu de bekannte schwümmende Insle Uros gfahre und hend det „d‘Mensche wo ez na det Lebed“ chöne go bsueche. Ich schriib das in Ahfüehrigszeiche, will mir doch seeehr sicher sind, das det druf gar niemer me lebt. Es het alles gwürkt wie eis Theaterspiel und „d‘Wohnige“ wo mer hend dörfe ahluege sind überhaupt nid authentisch gsi… Aber bim spötere Ustusch mit anderne Tourteilnehmer, hemmer vlt au eifach chli Pech mit de Insle gha. Nacher simmer mitem Boot 1.5h zunere andere, aber richtige Insle Taquile gfahre. Au det het wieder eis Schauspiel stattgfunde und die iiheimische hend für eus tanzed und gsunge. Mir sind denn nachli umd d‘Insle gloffe und d‘Ussicht isch natürlich wieder wunderschön gsi. Au mitem Wetter hemmer wieder Glück gha. Mir hend den imene chline Resti en feine Zmittag becho. Mir hend eus uf de Tour na mit einere Schwiizerin de Giulia und 2 dütschi Jungs ahgfründed, mit dene mirs echt na lustig gha hend. Geg die halbi 3 hemmer eus wieder ufs Boot begeh und sind wieder zrugg uf Puno cruised, wo mer am 4i ahcho sind. Im Hostel hemmer schnell üses Zimmer bezoge und sind mit de Giulia uf en Kaffi im Cafe Bar de la Casa del Corregidor. Mir sind dete denn recht verhocked und hend grad no Znacht gesse det und chli Bieberbandi gspielt. Im Gspröch hemmer usegfunde, dass Giulia au in Samara ih de Sprachschuel und sozege bide gliiche Gastmuetter gsi isch wie ich😱 Zuefäll gits! Aber ez hani nurno es umso grösser Verlange wiedermal det hii z‘gah und luege wie sich das Dörfli verändered het.Leer más

    Ver traducción
  • Lea WeidmannSüdamerikaViajero

    Puno am Titicacasee

    4 de diciembre de 2022, Perú ⋅ ⛅ 17 °C

    Hüt simmer wieder eher fuul in Tag gstartet. Mir sind geg die halbi 8i abe go Zmorge esse und sind grad im Gmeinschaftsruum bliibe. Während ich chli telefonkert han, het Jenny chli Wiehnachtsgschänkli bstellt. Geg die 11 simmer den losgloffe. Mir sind chli as Ufer vom Titicacasee und dem chli entlanggloffe, bevor mer den wieder chli is Städtli sind. Per Zuefall simmer no ahnem riise Frücht/Gmües Märt ahnegloffe, wo eifach wieder jede Stand s‘gliiche verchauft… Mir sind den wieder is gliiche Kaffi vo Gester und sind det recht lang verwiiled. Hend viel privati Sache erlediged und au en chliine Dessert gesse. Leider isch weder de Rüeblichueche, no de Nutellacheesecake fein gsi, was eus chli truurig gmacht het. Mir hend au einigi Rundene Bieberbandi (euses go-to Spieli) gspielt, bevor mer zrugg is Hostel sind. Det isches eifach immer eh sauchälti. Spöter simmer im La Casona en Znacht go näh und sind wieder relativ früeh im Hostel gsi. Nachere (zum Glück) heisse Duschi hemmer de Tag beendet.Leer más

    Ver traducción
  • Lea WeidmannSüdamerikaViajero

    Fazit Peru

    5 de diciembre de 2022, Bolivia ⋅ ⛅ 7 °C

    Knapp en Monet hemmer ez in Peru 🇵🇪 verbracht gha. Es isch wieder ah de Ziit die chliine Fakte z‘teile, wo mir ih dere Ziit über Peru glernt hend.

    - Goldzäh sind kei Einzelheit. 🦷
    - Videos losst mer au im Bus ohni Chopfhörer. 🎞
    - Für in Nachtbus nehmed d‘Lüüt immer sone fetti Decki mit, obwohls eh Sauhitz det ine isch. 🔥
    - Inka Cola isch gäl und hässlich und de Name nid wert. 🥴
    - Sie essed viel Glace und ih jedem Gschmack 🍦
    - Sie hend keis Mass für wärmi und leged sich immer viel z‘ ah. 🧥
    - Meerschweinli werded nid als Huustier ghalte, sondern gesse. 🐹
    - Es hett viel Casinos. 🎰
    - Pizza söll mer immer für 2 Persone bstelle. 🍕
    - D‘Fraue hend sehr langi Haar. Mängisch pflegt mängisch nid. 👩
    - Lima isch sehr suuber, en Grund isch sicher, will sie jede Morge d‘Strasse wüsched? 🧹
    - Panetone wird maximal ghyped. Vorallem ah Wiehnachte isches nid wegzdenke. 🍰
    - Tourguides musch eifach immer nahrenne, will sies jedes mal so cheibe pressant händ. 🏃‍♂️
    - Es schiint, als chönt ich min Name nid sege, will vieli Emilia verstönd. 🤦🏻‍♀️
    - Ohni Bodewelle - kei Strass. 🛣    Leer más

    Ver traducción
  • Lea WeidmannSüdamerikaViajero

    Ersti Halt in Bolivie

    5 de diciembre de 2022, Bolivia ⋅ ⛅ 9 °C

    Hüt hemmer wieder biziite müesse ufstah. Am 6i het eus die herzig Frau vom Hostel Zmorge versproche. Nacher simmer as Busterminal cruised und hend eusi letzte Soles für Snacks usgeh. Für 30 Soles bechunt mer echt viel Snacks😂 Denn simmer in Bus iihgstiige. D‘Fahrt uf Copacabana gaht zu Glück nur ca 2h. Wo mer ahde bolivische Grenze ahcho sind, hemmer alli müesse uusstiige und bim Migrationszenter vo Peru de Ustrittsstempfel hole. Denn hemmer 100m über d‘Grenzi zu Bolivie laufe und dete de bolivischi Stempfel hole. Au de Grenzübergang isch eher en Witz gsi, da üs nieneds eh Frag gstellt worde isch👀 In Copacabana ahcho hemmer zersch ih üsem Hostel welle ihchecke. Es mega chliises, härzigs Meitli isch hinter de Threse gstande und het üsi Passports verlangt und mitem Check-in ahgfange… Irgendwenn isch den na d‘Muetter cho und alles isch chli offizieller worde. Sie het eus au verzehlt, dass ganz Copacabana grad en knappe Wasservorrat hegi, da im Hostel s‘WC aber gaht und zum Dusche, münd mer eus eifach vorher gschnell melde, dass sie s‘warm Wasser cha ahstelle. Mir sind denn nacher chli ahbe as Seeufer, wo scho sehr Küstevibes het. Imene Kaffi mit mega schönere Dachterrasse hemmer en Cappucino bstellt, wo aber eher eh Zuckermilch mit Schlagrahm gsi isch. Denn simmer go Geld abhebe: de Bolivanischi Boliviano oder au churz BOB. Die Südamerikaner gebed sich sehr müeh mit ihrne Währige, will überall hetts süessi Tierli druff. Denn simmer no ih somene ultrashady Lade go eh neui Simcharte go hole. D‘Frau hett üs alles sehr unkompliziert über es uuuralts Nokiahandy chöne uflade. Mir hend grad müesse zruggdenke in Peru, wo mer na en Vertrag hend müesse unterschriibe (au miteme Fingerabdruck) und sie mit mim Passport dur de ganz Lade gseckled isch. Ich glaub die hend eus det chli verarscht..👀 Mir sind denn chli durs s‘Städtli gloffe und hend grad no dur es Schaufenster ines Resti s‘Penaltyschüsse vor Kroatie-Japan mitgnoh:)
    Am Nammitag geg die 4i simmer en chliine Ussichtspunkt durufgloffe. Zwar nur 100 Höhemeter, aber die hend ps wiedermal gschlisse. D‘Ussicht isch sehr schön gsi und mer gseht da bim Titicacasee würklich s‘ander Endi vom Ufer nid. Mir hend denn de Sunneuntergang chli gnosse und sind nacher is Panamerican go Znachtesse. S‘Esse isch ganz okeii gsi:) Mir hend üs denn nachl über La Paz, eusi nögsti Station informiert und es Hostel bueched👌🏻 wieder relativ früeh und zum Glück nachere warme Duschi simmer is Bett glegge. Leider isch euses Fenster würklich grad! anere Strasselampe plaziert gsi, so isches nie dunkel gsi ih üsem Zimmer. Irgendwenn hemmer de Schlaf aber den gfunde.    Leer más

    Ver traducción
  • Lea WeidmannSüdamerikaViajero

    Wanderig uf de Isla del Sol

    6 de diciembre de 2022, Bolivia ⋅ ⛅ 10 °C

    Nach dem mir ih dem helle Zimmer gschlafe hend, hemmer im Hostel Zmorge gesse und sind geg die 9ni an Hafe abe. Mir sind denn ih euses Böötli gsesse, wo eus uf‘d Isla del Sol bringt. Bim ahstah isch schnell klar worde, dasses nid für jede im Boot selber Platz het, es paar münd na dusse sitze und da s‘Wetter nid guet gsi isch, hemmer ghofft, dass das nid mir werded si. Zum „Glück“ hemmer na ide letzte Reihe Platz becho. Trotzdem sind die nögste 2 Stund hiifahrt nid läss gsi. Natürlich hend au die obedra gmerkt, dasses chalt isch und hend den au welle inestah. Bis mer denn Tür nüm hett chöne zuemache und es drum au zu eus gwindet und gregned het. Das isch aber s‘chliiner Problem gsi, wills genau obe ade Jenny ihrem Sitzplatz maximal inetropft het😂 Mir hend denn mit Regejacke und anderem Stoff, das so versuecht ufzhalte, dass Jenny nid komplett nass wird. De Task isch eus nur teilwies glückt. Wo mer denn ahcho sind hemmer eus grad uf de Weg gmacht. Mir sind im Norde ahcho und hend welle bis ganz in Süde vo de Insle laufe. Das chan mer nanig sit langem, da sich d‘Dörfer vo Nord und Süd sich so fest verstritte hend, das sogar mal eh Touristin spurlos verschwunde isch👀 Aber ez isch d‘Situation wieder okeii. Vom 11 bis am 14 simmer dere wunderbare Landschaft entlang gloffe. S‘Boot wieder zrugg uf Copacabana isch aber ersch am 16 gfahre. Denn hemmer ah dem Hafe nachli Ziit müesse totschlah und hend chli glesse. Ufem Heiweg hemmer den na de trurig Live-Ticker zu Schwiiz Portugal mitverfolgt. Geg die 18 simmer den im Restaurant Bek wieder go Tacos esse. Dezue hemmer eh riiise Portion Guacamole bechoo😍 De Abig hemmer im Hostel na verbracht ih dem mir ganz viel vo üsne To-Do abgarbeitet hend.Leer más

    Ver traducción
  • Lea WeidmannSüdamerikaViajero
    Üse Bus schiffled devo.
    Teleferico-StationStadt La PazMercado in La Paz

    Ab id Grossstadt La Paz

    7 de diciembre de 2022, Bolivia ⋅ ☁️ 14 °C

    Natürlich simmer wie eh und jeh saufrüeh wach gsi. Mir hend denn im Hostel Zmorge gesse und sind mit Sack und Pack zu de Busstation gloffe und sind det ines Kaffi zum Ziit nachli totschlah. De Kaffi isch leider echt nid guet gsi und so hemmer trurig chli Bieberbandi gspielt. . Am 11i isch den euse Bus nach La Paz gfahre und ich chan sege, das isch echt de engsti Bus gsi, woni je gseh han. Wenni normal grad gsesse bin, hani mini Chnüü dem vor mir in Rugge grammt😅 drum simmer die ganz Fahrt wie en Chrüppel det ine ghockt😂 Zum Glück sinds nur 3.5 Stunde. Die sind aber in San Pedro am Titicacasee unterbroche worde. Mir hend nämlich alli müesse usstiige, damit sie de Bus uf sones, meh oder weniger stabils, Floss hend chöne verfrachte, mit dem sie denn über de Titicacasee gfahre sind. Mir hend miteme normale Boot chöne gah. Das Ganze het schochli kriminell usgseh, aber es hett zum Glück alles klapped. Gli simmer den ih dere Grossstadt ahcho. La Paz zieht sich über es riiise Tal und sogar die einte Felswänd sind wild verbaut worde. Je höcher obe d‘Hüüser stönd, desto ärmer wirds Viertel. So het sich es ganz neus Stadtdistrikt gründet: El Alto. Das isch mittlerwiile grösser als La Paz selber. Da aber ständig neui Backsteihüüsli am Rand entstönd isches schwär zum sege, wieviel Mensche det tatsächlich wohned. Da sich La Paz aber scho uf 3800 müM befindet, hett mer um d‘Bewohner chli z‘entlaste es gewaltigs Seilbahnsystem als ÖV baut. Mittlerwiile hets 11 Linie. Das ganze het mer au nur mit Hilf vonere östricherische Firma chöne finanziere. Wo mir mitem Bus den uf El Alto inegfahre sind het sich en gewaltige Blick ufdah. Im Tal une hemmer scho die moderne Hochhüser gseh und überall die verschiedene Telefericos 🚡. Jedi Linie het eh anderi Farb. De Bus het eus den ah irgend eh Strass usegrüehrt und mir hend es Taxi is Hostel gnah. Mir hend churz ihcheckt und sind den id Stadt gloffd. Zersch hemmer na ah üsem Bankomat des Vertrauens welle Geld uselah, aber de isch den tatsächlich abgstürzt und het de Jenny ihri Bankcharte nüm welle usegeh. Die Frau hinter eus isch zum Glück sehr herzig gsi und het eus us dere Situation gholfe. Nacher simmer chli umegloffe und hend eus versuecht chli en Überblick über die riiise Stadt z‘verschaffe. Go Znachtesse simmer im Carrot Tree, wo wieder voller Touris gsi isch, wo mir schomal gseh hend. S‘Esse isch ganz oke gsi und mir sind sogar no nach de 8i!!!! unterwegs gsi.Leer más

    Ver traducción
  • Lea WeidmannSüdamerikaViajero
    Teleferico Linie Blau
    Teleferico Linie GelbDe riise Märt vo de Teleferico usAutoteilistandDe Märt uf El AltoLa Paz vo El Alto usMercado RodriguesGfängnis San Pedro, grad nebed em Plaza Sucre

    Stadttag in El Alto und La Paz

    8 de diciembre de 2022, Bolivia ⋅ ☁️ 11 °C

    De Tag simmer hüt mit spezielle News gstartet. Mir hend mitübercho das de Präsident vo Peru festgnoh worde isch (mer het en Staatsstreich vermuetet etc…) Ez isch glaubs rechte tumult ih dem Land. Vorallem in Lima. Zum Glück sind mir ez scho in Bolivie… Go Zmörgele simmer im Cafe del Mundo. Am 10ni simmer den zum Plaza Sucre gloffe, will det üsi Free-Walking Tour gstartet het. Direkt am Plaza Sucre isch au grad s‘Gfängnis vo La Paz: San Pedro. Das Gfängnis isch ursprünglich für 400 Insasse gmacht gsi. Mittlerwiile umfassts aber bis zu 3000 Häftling uf nur 10 Poliziste. So isches wie eh eigeni Stadt wo sich selber mit Präsident und Vizepräsident etc verwaltet. Sie hend au es eignigs Kokslabor det ine😂. Sogar d‘Familie dörf mitem Vater det wohne. Wieso au immer sie das wänd? Wiiter simmer dur de Mercado Rodriges gloffe, wos au ih jedere grössere Stadt da het. Ganz normali Läde so wie mirs mitem Coop kenned, gits da selte. Denn simmer no dur de Mercado de las Brujas gloffe. En eher unheimliche Märt. Überall hets toti Baby-Lamas zum verchaufe gha. Da Bolivie es sehr abergläubisches Land isch, werded die immerna für spezielli Ritual verbrennt. Wemmer sich nämlich öppis wünscht, chamer das und chli Alkohol verbrenne und Pacha Mama (Mother Earth) schmöckt denn usem Rauch use, was mer will. Baby-Lamas werded au hüüfig brucht um d‘Muetter Erde vorem Huusbau nach Erlaubnis zfröge, will s‘Land eich nid dir ghört, sondern ihre. De Gedanke dehinter findi eich na cool, d‘Umsetzig eher weniger. Nach de Free-Walking Tour hemmer mit de Teleferico chli welle umefrääse. De grossi Märt in El Alto wos jede Dunschtig und Sunntig git, het sich da grad anerbote. Mir hend zersch mit de violette und den mit de silbrige Linie müesse fahre. De Märt hemmer scho vo wiitem gseh, de isch soo gross gsi. Würklich de ganzi Stadtteil isch voller Ständ gsi. Egal was mer suecht, mer findets dete. Und das mein ich so wie ichs seg. Es git würklich alles. Vo Chleider zu de chliinste Autoteili bis hii zu Tieraccessoires. Nacher simmer mit de silbrige und gelbe Linie zunere Mall gfahre imene chli neuere und suubere Stadtteil. Ih dere Mall hemmer nur eis Ziel gha und zwar de Cinnabon. Das Kaffi het Jenny no vo Amerika kennt und es sötti dete die feinste Zimtrolle überhaupt ha. Maximal ghyped hemmer 2 bstellt und sie sind würklich unglaublich geil gsi. De Umweg det hii het sich defintiv glohnt gha. Mit de blaue Linie simmer den zrugg id Altstadt gfahre. Ich bin echt beeidruckt vo dem Teleferico-System. Es isch au alles richtig suuber und modern und funktioniert ihwand frei. Mer merkt richtig, dasses s’Chronjuwell vo de Stadt isch. Nacher hemmer eich nachli welle dur de Mercado spaziere und Souvenir poste, aber mir sind so fix und fertig vo dere kack Höchi gsi. Jede Steggetritt macht dich eifach fertig und langsam hemmer d‘Schnauze voll. Mir hend grad googled wie höch Sucre isch und wo mer glese hend, dass sie „nur“ uf 2800 müM isch, simmer grad chli zfriedener gsi. Uf all Fäll simmer den zersch is Hostel chli go usruebe. Hunger hemmer nach dere Cinnamon Roll eh nanig gha… irgendwenn so uf die halbi 8i hemmer eus nomal usegschleppt und sind im greens Bolivia eh Bowl go esse. Zrugg im Hostel hemmer dusched und na müesse packe. Da mer morn eh Tagestour mached und denn direkt as Busterminal gönd, isch s‘packe eh chliini Heruusforderig gsi. Da mer morn au früeh mönd ufstah, isches gar nid sooo schlimm gsi, simmer am 9ni schowieder im Nest gsi^^Leer más

    Ver traducción
  • Lea WeidmannSüdamerikaViajero

    Death Road

    9 de diciembre de 2022, Bolivia ⋅ ⛅ 25 °C

    Hüt het euse Wecker am viertel vor 7ni glüütet. Mir hend eusi Sache packt und uscheckt. Am viertelab 7ni het eus euse Tourguide für de hütig Tag abgholt. Mir gönd nämlich go Bike! Im Tourbus isch scho es schwiizer Päärli gsesse, wo mir ez auscho paar Mal gseh hend. Es französisches Päärli wo mer auscho gseh hend, sind auno zue gstiige und scho het sichs ahgfühlt wie sone Art Reunion. Mir sind mitem Bus zum Startpunkt vo eusere Route gfahre. In La Cumbre uf 4700 müM hemmer uf eusi Mountainbikes gwechsled. Vor eus ligged ca. 61 km aber zum Glück alles durab. Euses Ziel isch nämlich nur uf 1200 müM. Die Strecki wird au liebevoll „the death road“ gnennt und isch 1995 au die gföhlichsti Strass überhaupt gsi. Bis jetzt sind scho 3000 Lüt gstorbe, wo det dure gfahre sind und Kurvene sind nach ihrem Herkunftsland benennt worde. Aber jetzt isch natürlich alles sicherer worde. Mir hend die Kilometer in ca 4h mit ganz viel Pausene und Snacks hinter eus bracht und es isch richtig schön gsi, wiedermal chli Velo z‘fahre. Aber ganz ohni Unfäll isches glich nid gange. Eine us de Gruppe isch recht dumm uf d‘Rippe gheit und het drum nacher au welle in Spital und bimene andere isch währendem fahre s‘Velo usenand gheit😂 Aber trotz allem
    chönd mir eus stolz survivers of the death road nenne. Ufem Rückweg richtig La Paz hemmer imene Resti na ghaltet und hend Zmittag gesse und chöne dusche. 3h hemmer ca müesse fahre bis sie eus am Busterminal usegrüehrt hend. Mir hend aber na vorig Ziit gha bis de Bus schlussendlich fahrt und hend drum bimene Imbisstand no 2 Empanadas und en Tee gholt. Wo mir denn pünktlich 19:30 bim Büro vo eusere Buslinie gsi sind und s‘Billet geh hend, hend die 2 unglaublich sympathische Fraue s‘Billet gnoh und zersch mal nüt gseit und gmacht. Mir hend denn mal schüch nahgfröged was mer ez mönd mache und sie hend denn gseit: Ja de Bus fahri nid, sie sueched grad en andere mir müend eus ez chli gedulde🤦🏻‍♀️ Da mir gwüsst hend, das all Büs uf Sucre am 8i fahred und keine spöter simmer grad chli gnervt und gstresst gsi. Mir hend den s‘Geld zruggverlangt und selber en andere gsuecht. Öppe s‘4te Hüüsli hett na 2 Plätz für eus gha und mir hend na chöne in Bus stiige. Obwohl de denn eh knappi Stund verspötig gha het, simmer froh gsi, hemmer na en Weg us La Paz gfunde.    Leer más

    Ver traducción
  • Lea WeidmannSüdamerikaViajero

    Sucre

    10 de diciembre de 2022, Bolivia ⋅ ⛅ 26 °C

    Obwohl de Nachtbus doch mit viel verspötig losgfahre isch, simmer am Morge pünktlich in Sucre ahcho. De Jus isch au sehr bequem gsi, aber sm Morge het er recht ahgafange stinke… Mir sind drum sehr froh gsi, simmer endlich ahcho und hend chöne usstiege. Mitem Taxi simmer den is Hostel Kultur Cafe Berlin gfahre. Isch zwar eher es Partyhostel, aber es het na gueti Bewertige gha und es isch nur eis vo de wenige gsi, wo mer cha wäsche. S‘Zimmer wo mir becho hend, isch aber komplette Schrott. Es isch würklich irgend eh Abstellchammer zhinderst hine vom Gländ und würklich grad vor de Tür sinds irgend eh Wand am baue und üsi Tür isch voller Lehmsprützer😅 Naja wenigstens simmer sowiit weg vom Gebäude, dass mer d‘Musig ihde Nacht nid werded ghöre…
    Mir sind den im WOW go Zmorge esse und sind denn bizeli Umegloffe. Doch d‘Stadt isch irgendwie am schlafe gsi und sozege alli Läde hend zuegha. Am 14:30 simmer den wieder ah die obligatorischi Free-Walking Tour. Üse Guide isch gegenüber Bolivie sehr kritisch gsi und het üs die einte Gschichte useme ganz andere Blickwinkel verzehlt, wie sie us La Paz. Mir sind bi de Tour dur de Märt gloffe und hend feini Mango und en Saft chöne probiere. Geendet het sie ufeme chline Ussichtspunkt, wo mer schön uf Sucre abegseh hend. Det obe hets au X Hochziite gha, wo grad ihres Fotoshooting gha hend Au wenn Sucre die schönsti Stadt Bolivie sött sie, het sie eus nanig mega überzoge. Lieht vlt. am Verkehr und dasses kei Fuessgängerzone het. Au wenn sie als Hauptstadt giltet isch sie viel chliiner, defür einiges übersichtlicher als La Paz. Am Abig simmer ih de Joyride Bar es Bier und en Burger go neh. Geg die 8i simmer zrugg is Hostel wo d‘Musig scho luut iihgstellt gsi isch. Aber viel Lüt sind nanig det gsi… Mir sind denn go dusche und nochli uf Terrasse gsesse um s‘WLan nachli gnüsse, bevor mir sind go pfuuse.    Leer más

    Ver traducción
  • Lea WeidmannSüdamerikaViajero

    Fuule Tag in Sucre

    11 de diciembre de 2022, Bolivia ⋅ 🌧 12 °C

    De Tag hemmer geg die halbi 9ni gstartet und sim im Hostel go zmörgele. S‘Buffet isch echt sehr lecker. Es hett ganz viel Frücht und Co. Nacher hemmer den ahde Reception üsi Wösch welle go hole und det isch grad na en andere Schwiizer ghocket, wo mer über Erzählige vo de Giulia kenned😂 Da s‘dusse Regned und all Läde wegem Sunntig eh zue hend simmer z‘dritte ines Kaffi ghocked. Mir sind det chli verhocked und hend natürlich chli Bieberbandi gspielt. Irgendenn wo mer den s‘Bedürniss gha hend chli umezlaufe, simmer zum Friedhof gloffe, wo eus de Guide vo de Free-Walking Tour empfohle het. Er isch würklich sehr schön gsi und mit ganz viel Liebi gmacht worde. Wos wieder ahgfange het Regne simmer zrugg is Hostel und hend chli üsi To-Do Liste abgarbeitet. Geg die halbi 7ni simmer wieder z‘dritte is La Florina go Znacht esse. Wo mer zrugg is Hostel cho sind, isch natürlich wieder d‘Höll los gsi. Mir hend eus dem ahgschlosse und hend auna es Bier gnoh. Geg die halbi 11 simmer den go Dusche. Nacheme Telefon bini ersch sm halbi 1 is Bett!! So Öppis hets nanie geh…Leer más

    Ver traducción
  • Lea WeidmannSüdamerikaViajero

    Weg vo Sucre, ab uf Potosí

    12 de diciembre de 2022, Bolivia ⋅ ☁️ 12 °C

    Nachere guete Nacht simmer am halbi 9ni go zmörgele. Nacher simmer amene chliine Projektli nahgange, wo Jenny und ich scho sit afangs Reis als Idee hend und ez da in Sucre endlich hend chöne umsetzte. Drufabe simmer den imene Kaffi miteme Stuck Chueche und eme Iced Latte go druf ahstosse. Da mer am Namitag mitem Bus ma hend welle uf Potosí reise, hemmer nüm viel Ziit welle verlüüre und sind zrugg is Hostel. Denn simmer genau wieder uf de Marc gstosse. Er isch grad chli am verzwiifle gsi, will sin Heiflug vo Lima isch und er drum wieder glii uf Peru het welle. Da de Präsident ja mittlerwiile hinter Gitter isch, hends zumene Landesstreik ufgforderet und anderi Touris brichtet, dasses grad eh richtigi Katastrophe dete isch. Zum Glück hend mir nurna de Süde vor Auge. Mir sind natürlich gspanne, wo es ihn ez na aneverschlaht. Er hett üs versproche, er haltet eus ufm laufende. Mir sind den mitem Taxi ad Terminal und hend üs in Bus nach Potosí gsetzt. D‘Busfahrt isch ganz okeii gsi, länger als mir erwartet hend. Am halbi 9ni simmer mitm Taxi zum Hostel Los Faroles gfahre und ufem Weg hemmer scho gseh, das da in Potosí einiges meh los isch, also in Sucre. Mir hend eus den grad nochli uf Gass begeh und sind dur ein Wiehnachtsmärt gloffe, wo voller Christbaumchugle und LED-Liechter gsi isch. Wiiter obe hemmer namal en Platz gfunde wo fest gschmückt gsi isch und überall hetts glüüchtet. Mir sind denn grad chli in Wiehnachtsmärt-Vibe verfalle. Nacher zrugg im Hostel simmer schön go dusche und gnüssed sit langem wiedermal es eignigs Zimmer🙈Leer más

    Ver traducción
  • Lea WeidmannSüdamerikaViajero

    Vo Potosí wiiter uf Uyuni

    13 de diciembre de 2022, Bolivia ⋅ ☁️ 19 °C

    Hüt simmer extra am 8i go Zmorge esse, will mer am 9ni wieder eh Free-Walking Tour da in Potosí hend welle mache. Wo mer uscheckt hend und denn bim Treffpunkt gstande sind, isch aber leider nie en Guide für die Tour cho. Denn simmer halt chli selber umegloffe. Unter anderem simmer ahnen Ussichtspunkt wo mir wunderbar ahn Cerro Rico gseh hend. Oder au wie die Iheimische ihn nennend: De Berg wo‘d Mensche frisst. Eigentlich hemmer d‘Free-Walking Tour vor allem weg dem Berg und sini Gschicht welle mache. Aber da üs ez kein Guide die Informatione cha geh, hemmer sie üs selber beschaffed. Mir sind ihnes Kaffi ghockt und denn hani es paar Reiseblogs usegsuecht und d‘Märlistund het chöne losgah. Im 16 Jahrhundert isch Potosí eine vo de riichtste und bedüütenste Städt überhaupt gsi und das het sie vorallem wegem Silber und Erzvorkomme ih dem Berg chöne bedanke. Sogar s‘US-Dollar Zeiche stammt vomene Stempfel usere Münzraffinere, wo mer eifach s‘ I und s‘S überenand gleit het: $. Wo denn de Pizarro cho isch, hett natürlich die ganz Üsbüütig ahgfange und Potosí hett ah bedüütig verlore. Über 8 Mio. Mensch sind ih de Mine bis hüt ih dem Berg ums Lebe cho und es dchaffed immerno über 12‘000 Lüt det ihne, 2000 devo unter 18i. Ich bin froh, hemmer eus geg eh Füehrig zu dene Miine entschiede. Au wenn die sogenannte Mineros sehr guet verdiened zahleds de Job früehner oder spöter mitem Lebe. Wo mer den gnueg vo dene erschütternde Nachrichte glese hend, simmer mitem Taxi zum Terminal. Leider aber zum falsche und so simmer miteme andere Taxi wieder dur d‘Stadt tuckerled. Am 12:30 simmer losgfahre richtig Uyuni. De Bus isch sehr bequem gsi und so hemmer viel chöne schlafe. Uyuni isch irgend eh Stadt wos usem nüt, zmitzt ide Wüesti baut hend, und so gseht sie au us. Mir hend den einigi Reisebüros abklappered, bis mer den s‘best Ahgebot für die 3-Tägigi Uyuni Salzwüesti-Tour becho hend. Nacher simmer imene süesse Resti Tika go eh feini Erdnusssuppe und würklich sehr geili Pommes go esse. Churz drufabe simmer is Hostel und hend eus ready für d‘Nacht gmacht.Leer más

    Ver traducción
  • Lea WeidmannSüdamerikaViajero
    11

    Jeep-Tour Tag 1

    14 de diciembre de 2022, Bolivia ⋅ ☀️ 19 °C

    Hüt hemmer beid gschlafe wie en Stei. Und das auno sehr lang. Am 9ni simmer im Hostel go Zmorge esse und bizli spöter isch eini vo üsem Tourbüro verbiicho und het s‘Geld für die 3-Tages Jeep Tour welle, wo mer gester buecht hend. Pünktlich am halbi 11 isch üse Guide, de Arnoldo eus mitem Jeep go abhole. Üsi Gruppe bestaht no useme Basler, en Kanadier und 2 Bolivianer. Sind alles sehr liebi und herzigi. De ersti Stopp hemmer bimene Zug-Friedhof gmacht. Det sind vieli alti Züg gstande, wo früehner s‘Silber vo z.B Potosi au uf Chile transportiert hend. Denn simmer mitem Auto ab id Salzwüesti. Es isch sehr ihdrücklich gsi, wennd eifach so id wiiti hesch chöne luege und nüt anders gseh hesch. Mir hend eus denn au Ziit gnoh, so lustigi Perspektive Fotis z‘mache. Bimene andere Halt hets weg de letzte Regetäg Pfützene am Bode gha und es het sich alles sehr schön gspieglet. S‘Wetter isch aber immer schlecher worde und es isch richtigi Weltuntergangsstimmig gsi. Eigentlich wär na plannt gsi, de Sunneuntergang z‘luege. Das hemmer aber den wegem schlechte Wetter sii lah. Mir sind denn wiiter is Hostel für d‘Nacht gfahre. Das isch komplett us Salz baue gsi. Am 8i hets Znacht geh und nach de Duschi simmer scho is Bett gange.Leer más

    Ver traducción
  • Lea WeidmannSüdamerikaViajero
    Laguna BlancaChinchillaLustigi SteiformationLaguna Colorado1Sunneuntergang bi de Unterkunft

    Jeep-Tour Tag 2

    15 de diciembre de 2022, Bolivia ⋅ 🌧 11 °C

    Hüt het de Wecker eus am 6:30 usem schlaf grisse. Mir hend ih dem Salzhostel en Zmorge becho und sind denn scho glii ih euse Jeep ghocked. En lange Tag staht vor eus mit vielne Ussichtspünkt. Mir sind extra so früeh los, dass mir jewiils die Erste bi dd schöne Lagune sind. Mir sind de ganz Tag dur s‘Hochland vo Bolivie gfahre, hend unglaublich schöns Wetter gha und d‘Ussicht isch würklich unbeschriblich schön gsi. Wenn amel na e Herde Vicuñas über d‘Strass gseckled isch, hani mich gfühlt wie ihnere Arte Doku. Mir hend denn immer wieder diversi Hält gmacht bi Lagune mit viel Flamingos, oder Pünkt mit schöner Ussicht ufd Vulkän rundume. Eimal isch üse Fahrer mal ahghalte, wilm er het mösse ufs WC. Mir hends nid chegged und sind au all usgstiige. Per Zuefall hemmer denn ganz viel Chinchillas gseh umehüpfe und plötzlich sind denn na ganz viel anderi Jeeps det gstande und gend die süesse Tierli bewunderet… Defintiv nid so abgloffe, wie sich das de Fahrer vorgstellt hett😂. Öppe geg die 5i simmer ih de Unterkunft ahcho, wo würklich zmitz im nirgendwo gsi isch und chli wie eh Bruchbuude usgseh het. Aber es het tatsächlich en Art Spielruum gha, wo mir denn bis zum Znacht am 7ni chli töggelet hend und es Bier gnah hend. Zum Znacht het üse Guide eus na eh Fläsche Rotwii spendiert, das de letzt Abig gsi isch. Mir sind denn na „lang“ wach gsi und hends ih de Gruppe sehr lustig gha. Bevor mer am 10ni sind go pfuuse hemmer dusse na de Sternehimmel gnosse. Es isch keis Wülchli ume gsi und mer het wieder Sache gseh, wie de Astroidegürtel und de Mars. Au 2, 3 Sternschnuppe sind duregrasst.Leer más

    Ver traducción
  • Lea WeidmannSüdamerikaViajero

    Jeep Tour Tag 3

    16 de diciembre de 2022, Chile ⋅ ☀️ 28 °C

    Hüt simmer am halbi 5i go zmörgele. De Grund: die Geysire, wo mer wennd go ahluege, sind nur am Morge würklich aktiv. Wo mer no uf de Zmorge gwartet hend, simmer chli usegstand und de Sternehimmel isch ganz en andere gsi. D‘Erde dreht sich also tatsächlich. Jetzt het eus de Mond und d‘Milchstrass ahglacht. Bi de Geysire selber hemmer den eh mystische Morgestimmig chöne gnüsse. Überall het de Bode blubberet und Rauch isch ufgstiige. Nacher hemmer binere andere Lagune zue chöne ih natürliche Hot-Tubs go Bade. Während mir das bis zu 40 Grad warme Wasser hend chöne gnüsse, sind nöch nebeddra wieder es paar Flamingos umestolziert. Ufem Weg zu de nögste und letste Lagune hemmer zmitzt ih de Wüesti nomal en Halt gmacht und no s‘letzt Gruppebild gschosse. Bi de Laguna Blanca hets den gheisse Abschied neh. Jenny und Ich sind die einzige ide Gruppe gsi, wo uf Chile übere und nid wieder zrugg uf Uyuni gönd. Au wenn mer die Lüt nur 3 Täg kenned, hemmers glich sehr guet gha und es fühlt sich amel ah, als hett mer viiiel meh Ziit mitenand verbracht. So sind mir den ihnen andere Jeep gsesse, wo eus ad Grenze bringt. Wie immer sehr inoffiziell und ohni jeglichi Frage, sind eus die Migration-Stempel in Pass klatsch worde. Geg die 12i simmer den in San Pedro de Atacama ahcho. Wunderbari 30 Grad hend eus uf de Chopf klatscht. Nach dem mir ih eusem Hostel Campo Base Ihcheckt hend simmer chli durs Dörfli gloffe und hend de nögsti Tag da verplant. Natürlich simmer wieder ih eusi 2 Schwiizerpäärli inegloffe, wl glichzitig wie mir die Jeep-Tour gmacht hend. Spöter simmer nomal is Hostel und hend chli Pauss gmacht bis zum Znacht. Dich irgendwie isch Hüt en ganz komische Tag gsi. Mir sind völlig fertig gsi und hend nüt würklich ufd Reihe bracht. Nachem Znacht simmer froh gsi, hemmer endlich chöne go Dusche und go pfuuse.Leer más

    Ver traducción
  • Lea WeidmannSüdamerikaViajero
    Geysir el Tatio bi -7 Grad!!!
    Geysir el TatioRio Putana mit Vulkan PutanaLagune CejasLaguna PiedraLaguna TebenquicheSan Pedro de Atacama

    Tag der Touren

    17 de diciembre de 2022, Chile ⋅ ⛅ 26 °C

    Die ersti Nacht im Chile isch guet aber churz gsi. Am halbi 5i simmer scho für die ersti Tour abgholt worde. Mir hend welle Geysir El Tatio go ahluege. Und am beste macht mer das ganz früeh am Morge wenns no arschchalt, dass mer die Wasserdampfsüüle guet gseht. Eus isch au gseit worde, dasses chalt wird. Aber mit -7 Grad hemmer nid grechnet😂 D‘Geysire sind au würklich schön und iihdrücklich gsi und de Wasserdampf zum Glück au schön warm. So het mer d‘Jenny und mich immer ih dene Süüle gfunde. Glii isch aber denn d‘Sunne füre cho und het eus ufgwärmt. Üse Guide isch au na witzig gsi. En Dütsche wo vo 10 Jahr uf Chile usgwanderet isch und jetzt nid hei chan, will sink Tochter z‘jung isch und er sie so nid dörf mitneh. Er het viel mit eus gred und sini Meinig zum dem Land nid würklich chöne verstecke😅 De Zmorge hemmer den zmitzt ih de Berglandschaft ufeme schöne Parkplatz gnoh. Sie hend ufeme Campingtischli es härzigs Buffet ufgstellt und ufeme Gaschochet no Rüehrei für alli gmacht. Ufm Heiweg hemmer na 2 Stopps gmacht. De Ersti direkt bim Rio Putana zue und mer het au wunderbar uf de Vulkan Putana gseh. Am Fluss zue hend na paar Vicuñas grased und es isch wiedermal en wunderbare ahblick gsi. De 2ti Halt hemmer binere Lagune mit viel Flamingos gmacht. Da die Lagune eher tüüf gsi isch, hend d‘Flamingos wie Ente müesse schwümme und ihre Chopf is Wasser due, dass ihre Schwanz so useraggt. Das hani bi Flamingos 🦩 ez au nanie gseh. Am 12i ca simmer wieder bi San Pedro de Atacama gsi. Mir sind churz is Hostel, hend chli chillt und eus für d‘Namitagstour parat gmacht. Bevor die gstartet hend simmer na is Roots Cafe en Smoothie als stärkig go trinke. De Guide für eusi Namitagstour isch sehr en komische gsi. Und da sozege all andere us eusere Gruppe portugiesisch gredt hend, hett er mit ihne au portugiesisch gredt und mir hend nie cheggt um was dasses grad gaht. Mir hend eus denn versuecht uf d‘Landschaft konzentriere und üs nid z‘fest weg üsere Gruppe ufregge. Zersch hemmer d‘Lagune Cejas chöne bewundere. Det lebed immerna Bakterie wos scho sit de Dinoziit git. Drum dorf mer det au nid drin bade. Aber grad bide Lagune Piedra nebeddra scho. Sie het so en hööche Salzghalt, dass mer det drinn grad schwebt unds mega ahstrengend gsi isch sini Füess Unterwasser z‘bhalte. Wo mer nacher use sind, isch üse Körper au schneewiis vom Salz gsi. Zum Glück hets dete na eh Duschi gha. Nacher simmer na zunere grössere Lagune Tebenquiche gfahre. Ufem Heiweg hemmer au wieder ufeme Parkplatz ghalte und es het en chliine Apero geh. Es isch nid soo gsi, als hettemer gross Bock druf gha no länger mit dene Lüt Ziit z‘verbringe aber de Apero isch echt sehr härzig gsi. Es het für alli en Pisco Sour geh und dezue Chips mkt Guacamole, Chäs, Olive und na viiiles meh. Am halbi 8i simmer wieder im Städtli zrugg gsi und mir sind den grad wieder is Roots Cafe gsesse für en feine Veggie Burger. Wo mer den vor de Tür vo eusem Hostel gstande sind hemmer scho ghört, wie alli det im Innehof hocked und mitenand reded. Au da hett mer eus wieder ahgmerkt, dass mer echt langsam chli Reisemüed werded, will mer grad so kei Lust gha hend wieder mit dene müesse zschwätze und connecte. 😂 Mir hend eus denn lieslig ah ihne verbiigschliiche und hend jegliche Blickkontakt vermiide. Nachem dusche hemmer eus den ines ruhigeres Eggli zruggzoge und nachli organisatorischi Sache gmacht. Mir hend wieder über Peru gredt und nahglese wie schlimm d‘Sitution det isch. Mir hend na kontakt zu de Giulia, wo immerna in Cusco festhockt und hofft vorem 22.12 uf Lima z‘cho für ihre Rückflug. En andere Schwiizer, wo au am 22 vo Lima zriggflügt isch zum Glück na in Bolivie und versuecht Ziit da chli totschlah. Er flügt ez fürs WM-Final uf Argentinie. Es isch komisch z‘lese wie d‘Lüüt ah Orte feststecked, wo mir na vor paar Täg gsi sind. Früeh und müed simmer den is Bett.Leer más

    Ver traducción
  • Lea WeidmannSüdamerikaViajero

    WM-Final in Calama

    18 de diciembre de 2022, Chile ⋅ ☀️ 22 °C

    Hüt hemmer eus s‘komplette usschlafe gönnt. Mir sind zwar am 8i scho wach gsi, aber well grested. Denn simmer im Hostel go Zmorge esse und es isch echt de fetisti Zmorge wo mer imene Hostel becho hend. Ahgfange demit, dasses tatsächlich Milch geh het und keis Milchpulver zum ahrüehre😅 Denn hetts tatsächlich Nutella gha und chli Fruchtsalat und sie het jedem Frisch eh Crepe gmacht😍 Mir hend üs Büch voll gschlage und de schöni Morge gnosse. Am 11:40 isch den euse Bus uf Calama gfahre. 2 Stund lang simmer eifach dur die Atacamawüesti gfahre, wo die trochenisti Wüesti vo de Welt isch. Immer wieder simmer ah riise Solar- und Windräderkomplex verbiigfahre. Calama isch au wieder eh grösseri Stadt, wos usem nüt ih die Wüesti gstampft hend. Mir sind denn grad direkt an Flughafe, da mer vo da uf Santiago de Chile flüged. Wo mer usgstiige sind hemmer üs grad innes Kaffi mit Fernseh gsetzt. S‘Final isch scho ide 70 Minute gsi und mir sind grad pünktlich uf‘s 2-0 cho wo glii den zumene 2-2 worde isch. Während de erste Verlängerig simmer den rasch dur d‘Sicherheitskontrolle und hend eus den im Flughafe vor de eint Fernseh gsteölt, wos scho eh riise Truube gha hett. Wo s‘Bording ahgfange het, hetts eich niemer intressiert. S‘Penaltyschüsse isch da viel spannender gsi. D‘Lüt wo grad frisch glandet sind, sind amel grad usem Flügzüg gseckled und zu eus an Fernseh gstande. Es isch würklich sauspannend gsi und de ganz Flughafe, inkl. Mitarbeiter, hend mitzittered und sich mit Argentinie mitgfreut. Wennd überleisch: Mir sind grad zmitzt ide Atacamawüesti und alli lueged uf de Fernseh, uf de gliich Match wie all andere Mensche uf de Welt und sind mit so viel Emotione und Freud debii… Ich glaub kein andere Alass susch schafft das.
    Nacher hemmer s‘Boarding na gschwind hinter üs bracht und sind sogar mit chli verspöötig losgfloge. Geg die halbi 6i simmer in Santiago ahcho. Mir sind denn mitem Bus mal id Stadt gfahre und hend die letzte Kilometer mitem Taxi gmacht. S‘chilenische Spanisch isch echt andersch. Ich verstahns wenig bis gar nid😂. Da mir ih dere Stadt 4 Nächt verbringed unds euse letzt Stopp isch hemmer eus für es Airbnb entschiede und mir hend echt s‘best vom best buecht. Mir sind imene Block im 9te Stock zmitzt im Zentrum. Hend en Balkon mit super Ussicht und mir hend beid es eignigs Zimmer mitem eigene Bad. Das Ganze hemmer genau für 45€ pro Nacht buecht. Nacher simmer na gschwind neumeds go Znacht sueche und hend eus sofort wie dihei gfühlt. Mer bechunt ih dere Stadt nüt vom suschtige südamerikanische Chaos mitüber, es het eher en europäische Flair. Au d‘Abigstimmig het perfekt mitgspielt. Nachere feine Pizza simmer wieder zrugg id Wohnig, hend eus iihgrichtet und sind glii go pfuuse.    Leer más

    Ver traducción
  • Lea WeidmannSüdamerikaViajero

    Stadttag in Santiago de Chile

    19 de diciembre de 2022, Chile ⋅ ☀️ 27 °C

    Hüt hemmer wieder richtig usgschlafe. Nach dem mir beid gester müeh gha hend mit ihschlafe mit plötzlich soooo viel Privatsphäre😅 Geg die halbi 10ni simmer id Stadt use und hend im Wanderland Cafe en feine Avocado-Toast und Scones zum Zmorge schnabuliert. Am 11i het d‘Free-Walking Tour ahgfange. Mir hend die verschieden Stadtteil abklappered und na ganz viel Vorschläg vom Guide becho. Mir sind nacher direkt somne Vorschlag nahgange und zum Mercado La Vega Central. De isch au ziemlich riesig gsi und de Bsuech wert. Det hets au ganz viel Chatze gha, um ide Nacht d‘Müüsli det z‘jage. Ih dere Halle chasch au jedes Nahrigsmittel, wo‘d je chöntsch bruuche. Wo mer us de Halme cho sind, hets grad paar Blöck wiiter zünftig brennt. Eh riiise Rauchwulke isch in Himmel gstiige und paar Füürwehrautos sind ah eus verbiigflizzt. Mir hend eus nid beeire lah und sind zrugg is Stadtzentrum. Det hetts gwimmlet vor Lüt. Was eim aber nid cha wundere, da über 8 mio. Mensche da wohned. Jedi Gass mit Läde het ih de Mitti nomal 2 chlini Strasse mit Ständ, wo‘d Lüt ihri Sache verchaufed. Mer weiss amel gar nid wo luege. Mir hend denn glii müesse in Starbucks flüchte um chli abezcho. Es sind au dusse knap 30 Grad gsi😅. Nacher simmer namal dur‘d Läde gschlenderet und hend s‘eint oder ander kauft, wie z.B. eh Handyhülle, wo mis Handy nid mal drin Platz hett🤦🏻‍♀️🤦🏻‍♀️. Mir hend den eusi Iihchäuf rasch is Airbnb bracht bevor mer wieder ufd Gass sind. Ihmene feine Resti hemmer dusse en Falafelsalat und en maximalfeine Sangria gschlürft. Uf de Heiweg hets na es Glace geh und denn simmer na inen Lade, um Zmorge für morn poste. Zrugg im Airbnb hemmer wieder es huere Fest gha und üs vor Lache fasch nüm chöne erhole😂. Drufabe simmer den am 11i is Bett. Morn gahts wieder früeh los…Leer más

    Ver traducción
  • Lea WeidmannSüdamerikaViajero

    Streetart ah de Pazifikküste

    20 de diciembre de 2022, Chile ⋅ ☀️ 21 °C

    Hüt staht die letzti Tour ah. Mir sind am halbi 7ni vom Guide abgholt und richtig Pazifikküste gfahre worde. Zersch hets aber na en Kaffihalt geh. S‘erste Ziel isch d‘Stadt Valparaiso direkt ah de Küste zue gsi. Die isch sehr bekannt für ihri Streetart. Ufm Weg hemmer üsi Gruppe und de Guide chli kenneglernt. De Guide isch en riiiise Schnorri und lost am liebste sich selber zue. Gruppe isch relativ gross und het sochli Rentner-Vibes. Mir hend mit niemer würklich gredt. In Valparaiso selber hemmer en chliine Spaziergang gmacht dur die verwinklete Gässli und ihr Streetart. Währendbii het de Guide es Böxli mitgnoh und die ganz Ziit dür eus chilenischi Musig laufe lah und debii nur bizli cringe tanzed. Zmittag hets den ih de 2te Stadt geh in Viña del Mar. Mir hend au direkt bi de Küste zue ghalte. D‘Freiziit hemmer gnutzt um na sletzt mal am Strand entlang z‘laufe und d‘Füess chli is Wasser z‘hebe. Ufm Rückweg hemmer beidi pfuused. Wo mer in Santiago ahcho sind, simmer grad direkt zu sonere Pommesbude, wo‘s letzti uuh ahgstande sind. Mer het det eh zünftigi Portion Pommes becho und 2 Toppings het mer dezue na chöne welle. Isch würklich na sehr fein gsi. Im Airbnb hemmer üs na rasch frisch gmacht und sind denn nomal is Partyviertel füre. Det simmer ih sone fancy Wii-Bar und hend sones Probierpaket mit 3 Gläser chilenischi Rotwii (Jenny het Wiswii gnoh) bstellt. Dezue no so en geile Brownie mitere Peanutbutter Creme und Glace. Nacher hemmer na d‘Bar gwechsled und hend dd Abig bimene Glas Sangria und Spieli usklinge lah.Leer más

    Ver traducción
  • Lea WeidmannSüdamerikaViajero

    Letzti Tag in Santigo

    21 de diciembre de 2022, Chile ⋅ ☀️ 31 °C

    Hüt isch ganz klar en ruhige und gmüetliche Tag ahgseit gsi. Mir hend uspfuused und eus irgendwenn uf de Weg gmacht wieder im Wonderland Cafe en feine AvocadoToast z‘esse. Nacher hemmer grad welle uf de chliini Huusberg Cerro Santa Lucia ufelaufe, solangs nanig sooo heiss isch. Mir sind die wenige Steggetritt uegloffe, ohni eus grad d‘Lunge usezchotze. Hoch lebe die Küste 🙌🏻 D‘Ussicht isch au sehr schön gsi und mer hett bis ad Sandhügel am Rand vo de Stadt gseh. Au s‘Liecht hett eim z‘erchenne geh, dassmer zmitzt ih de Wüesti sind. Nacher hemmer ine Mall welle gah, da mers de Tag dur ih de Stadt selber eh fasch nid ushaltet. Mir sind denn entlang am Fluss Mapoche füre gloffe. D‘Mall isch riiisiig gsi und bumsvolle. D‘Lüt sind wohl chli im Wiehnachtsstress gsi. Im oberste Stock hets sone Foodmeile gha, mit sicher ca 50 verschiedene Foodständ. Geg de Mittag isch würklich gfühlt jede einzelni Tisch det bsetzt gsi und überall sinds ahgstande. Mir hend eus bim Cinnabun wieder eh feini Zimtrolle gholt.
    Wo mer den us de Mall use sind, het eus d‘Sunne wieder fasch erschlage. Mir hend üs denn dezue entschiide mit de Metro zruggzfahre. Am Abig simmer ines Resti go Ramen esse. Während em esse simmer na vonere Dragqueen-Perfomence unterbroche worde. Was unteranderem zeigt, wie weltoffener die Stadt isch, im Gegesatz zu de andere latinamerikanische Städt, wo mir hend dörfe bsueche.
    Nacher simmerna im Partygässli en letzte Pisco Sour und en Sangria go neh und hend üs en schöne Abschluss für die Reis gmacht…    Leer más

    Ver traducción