Tyhjennä haku
SüdamerikaSüdamerika
SatelliittiMuokkaa reittiä

Südamerika

lokakuuta - joulukuuta 2022
Jenny und ich hend üs Südamerika, mitem Rucksack, vorgnoh. Lue lisää
  • 76jalanjäljet
  • 5maat
  • 75päivää
  • 297valokuvat
  • 10videot
  • 22,1kkilometriä
  • 14,5kkilometriä
Seuraa Kalenteri Jaa Toivelista
Päiväys ulos
  • MatkaajaSüdamerika
    Päivä 21

    Tag 21: Isinlivi —> Chugchilán

    30. lokakuuta 2022, Ecuador ⋅ ⛅ 12 °C

    Nachere chalte, aber wunderbare Nacht hemmer am 7:30 zmorge serviert becho. 1 Stund spöter hemmer usscheggt. Mir hend 40$ zahlt für es eignigs Zimmer mit Bad. Zmorge, Znacht und eh Lunchbox isch inbegriffe gsi. Für eus beidi. Die Priise erstuned eus immer wieder ufs neue. Denn simmer losgloffe und hend die 2 Etappe ahgfange. S‘Wetter isch wieder wunderbar gsi und d‘Sunne het unglaublich abebrennt. Nach ca 2 Stund hemmer scho 3/4 vo de Wanderig gschafft. Mir hend eus scho gwundered, wieso sie seged es gächi 5 Stund. Doch gli hemmers usegfunde; wills wiedermal wunderbar duruf gange isch. Und zwar zünftig. Long Story short. Mir hend schlussendlich glich 4.5 Stund gha und sind den ziemlich fertig in Chuchilan ahcho. Es sind ma 400 Meter zu üsem Hostel gange und das sind würklich die längste 400 Meter ih mim ganze Lebe gsi. Mir hend ih üsem Hostel Cloud Forest ihcheggt. Mir hend es 4er Zimmer für eus becho. Natürlich hetts den zersch wieder es Glace und es chüels Cola geh. Da mer wieder scho am 2i bim Hostel gsi sind und de Znacht am 7ni ahgsetzt isch, hemmer wieder chli telefoniert und Städtli chli ahgluegt. Bim Znacht hemmer wieder es paar bekannti Gsichter vom letzte Hostel gseh aber au paar neui. Es isch na ahgnehm gsi z‘ghöre, dass anderi genau so müeh gha hend. Mir hend denn chli schiss vode nöchste und letzte Etappe becho, da mir vo 3000 m.ü.M. Uf 4000 m.ü.M. münd laufe und die Ande echt hügelig sind und mer au immer wieder recht viel durab muen zwüsched dure. Drum simmer früeh is Bett zum eus stärche.Lue lisää

    Katso käännös
  • MatkaajaSüdamerika
    Päivä 22

    Tag 22: Chugchilàn —> Quilotoa-Loop

    31. lokakuuta 2022, Ecuador ⋅ ⛅ 10 °C

    Mir sind wieder möglichst früeh go Zmorge esse, dass mer denn würklich de ganzi Tag ziit hend für‘d Wanderig. Mir hend en unglaublich nice Zmorge becho mit ganz viel Frücht, 2 Pancakes und es Omlette. Mir hend wieder es Lunchpaket kauft und hend wieder genau gliich viel fürs Hostel zahlt wie gester. Genau am 8:15 simmer abgloffe. Mir sind nid die einzige gsi. Glii isch scho de ersti derbi Ufstiig cho. Mir und 2 anderi Gruppene hend üs immer wieder gegesiitig überhollt, wärend die andere völlig fertig am Wegrande gstande sind. Usser eh Gruppe vo Franzose wo sozege det duruf gseckled sind. Nachem erste Ufstiig isches wieder recht lang graduus gange und mir hend alli andere Gruppe abghenkt. Obwohl d‘Sunne wieder maximal abebrennt het und es immer stetig duruf und wieder durab isch hemmers nid als mega schlimm empfunde. Aber mir hend immer denkt, mir münd langsam laufe und üsi Chräft für de letzti happig Ufstiig ufspare. Aber ganz plötzlich, nach nur 4 Stund, simmer eifach det gsi. Völlig unerwartet isch de mächtig Karsee det gsi und d‘Ussicht isch überwältigend gsi. Mir hend Zmittag gesse und nah bis nah sind na die andere Gruppene dobe ahcho. Doch s‘Dörfli und de Bus wieder zrugg uf Latacunga sind nid ganz uf de andere Siite vom See gsi. Denn hemmer nomal 1 Stündli ah de Kliffe na müesse laufe, wo scho kriminell gsi isch. Im Dörfli hemmer üs den na es Gipfelbier bstellt und hend denn de Bus am 3 wieder zrugg gnoh. Zrugg ih üsem Hostel hemmer zersch eh wunderbari Duschi gnoh und hend üs denn uf de Weg gmacht zum im Städli neumeds go fein Znacht esse.Lue lisää

    Katso käännös
  • MatkaajaSüdamerika
    1
    Päivä 23

    Tag 23

    1. marraskuuta 2022, Ecuador ⋅ ⛅ 17 °C

    Hüt morge simmer mit de Anderne us üsm Schlafsaal ufgwacht. Mir hend üs parat gmacht und will mir kei Zmorge inklusive gha hend und euse Bus uf Baños ersch am 12i gfahre isch, simmer is Städli go Brunche. Im Cactus Caffe simmer richtig verwöhnt worde mit Waffle, Müesli etc. Det hemmer na eis Päärli troffe, wo mir immer wieder uf de Wanderig troffe hend. Gli hemmer eus den uf de Weg zum Busbahnhof gmacht, wo eus denn au wieder die Gruppe vo Franzose schmunzelnd entgegegloffe sind (hemmer au bi de Wanderig es paar Mal gseh). Mer merkt das da in Latacunga d‘Touris nur sind wegem Quilotoa-Loop. Nach 3 Stund Busfahrt simmer in Baños ahcho. Es isch es sehr süesses Städli. Mal nid so gross und überloffe. Mir hend ih üsm Hostel Erupcion ihcheggt und eusi Chleider id Wöscherei geh. Mir sind denn chli durd Gasse gloffe und sind is Amori Caffee, wo eus scho sehr empfole worde isch. Det sötts nämlich die besti heissi Schoggi geh. Und das isch sie au gsi. Ich ha eh wiisi Schoggi bstellt und soe isch unglaublich lecker gsi. Zrugg im Hotel hemmer es paar Toure für die nögste Täg buecht und üs für de Abig parat gmacht.Lue lisää

    Katso käännös
  • MatkaajaSüdamerika
    Päivä 24

    Tag 24: Baños

    2. marraskuuta 2022, Ecuador ⋅ ☁️ 10 °C

    Da mer wieder biziite Wach gsi sind, simmer scho am 8i gl Zmorge esse. Zu euesem entsetzte hetts dusse gregnet und es isch mega bewölkt gsi. Da Baños vorallem bekannt isch für sini Outdoor-Aktivitäte, hetts nid so es grosse Ahgebot für Indoor-Aktivitäte. Das hemmer gnutzt und sind ines Kaffi gsesse und hend eus Peru gwidmet. Mir jend chli ahgfange eh Route uszarbeite und sind woeder sehr ghyped uf das wo no chunt. Am Nammitag geg die halbi 3 hemmer aber wieder eh Tour buecht gha. Mir sind vor eusem Hostel abgholt worde und sind denn chli id Berge go Paraglide. Leider isches immerno eher bewölkt gsi und d‘Fernsicht isch nid soooo prickelnd gsi. Generell isches chli eh komischi Organisation gsi, da mer nid würklich vo A nach B gfloge sind, sondern eifach chli um de Gipfel und denn wieder am gliiche Ort abe sind. Jenny isch zersch gange und ihri Landig isch alles andere als sanft gsi😂 Bi mir hetts zum Glück glanged. Wo mer denn wieder zrugg gsi sind, hemmer bi üs bim Hostel uf de Rooftopbar en Apero gnoh und sind nacher na go indisch esse im Sher e Punjab. Sehr fein gsi. Schlussendlich simmer glich wieder am 9ni im Bett gsi, spöter schaffemers eifach nid.Lue lisää

    Katso käännös
  • MatkaajaSüdamerika
    Päivä 25

    Tag 25: Baños

    3. marraskuuta 2022, Ecuador ⋅ ☁️ 14 °C

    Hüt hemmer usnahmswiis wieder mal müesse früeh ufstah. Am 8i simmer go zmorge esse im Hostel und am 9ni het eus de Bus abgholt zum go Riverrafte ufem Pastaua River. Eh Gruppe Dütschi Jungs us üsm Hostel sind au mitchoo. Mit em einte simmer au in Amazonas gange. Es wird wahrschindlich au nid s‘letzt Mal sie wo mer ihn gsehnd, da er genau die gliich Ruute macht wie miir. S‘Riverraft isch unglaublich cool gsi. De Fluss isch recht lässig gsi und mir hend einiges z‘due gha, das üses Böötli nid kipped. En Kajakfahrer, wo amel chli vorusfahrt und seit wie d‘Strömige sind, hetts defür aber voll gnoh. Er isch den zu üsem Böötli gschwumme und starch wie ich bin, hani ihn natürlich uezoge💪🏻 Nacher isch die ganzi Gruppe no go Zmittag esse zemme. Mir hend wieder ehr vieli Lüt kenne glernt, wo genau die gliiche Sache vorhend wie mir. Zrugg im Hostel hemmer eus grad wieder parat gmacht, hend üsi Lieblings heissi Schoggi zum mitneh gholt und sind uf de Bus zum Casa de l‘Arbol. Eh berüehmti Schaukle uf de Berge wo mer mit wunderbare Ussicht sött chöne schaukle. Natürlich simmer wieder maximal im Nebelmeer gsi und mer het genau gar nüt gseh. Zrugg im Hostel hemmer dusched und üs chli mit üsne Zimmermitbewohner ustuusched. Euses Problem: Es isch grad de nationali Independenceday in Ecuador und ih allne grössere Städt sind scho alli Hostel usbueched oder uh mega tüür und mir hend natürlich für die nögst Nacht no nüt gha. Da uf de Strasse da in Baños scho einiges los gsi isch, hemmer denkt mir bewältiged das Problem miteme Mojito ih de Hand. Zersch simmer na ide Pizzeria Leoni eh feini Holzoffepizza go esse und nacher simmer id Tikabar. Mir hend en wunderbare Sitzplatz dusse gha und hend alli Lüt dusse chöne beobachte verbiilaufe. Mir hend na es Päärli wiedergseh, womer uf de Wanderig zum Quilotoaloop kenneglernt hend. Mir hend mal d‘Nummere usduusched, au sie gönd nacher uf Peru. Schlussendlich hemmer üs den ufd Suechi nacheme Schlafplatz gmacht und hend eh wunderbari zwüschelösig gfunde. Mir werded morn für 2 Nächt uf Riobamba gah und vo det us denn de höchsti Berg vo de Welt, de Chimborazo bestiige🙌🏻 Mir sind denn nach paar Drinks wieder is Hostel und usnahmswiis nid die erste im Bett gsii☺️Lue lisää

    Katso käännös
  • MatkaajaSüdamerika
    Päivä 26

    Tag 26: Riobamba

    4. marraskuuta 2022, Ecuador ⋅ ☁️ 17 °C

    Mir hend hüt es bizeli versuecht uszschlafe, aber es het nid sooo mega klapped. Am halbi 9ni simmer wieder bim Zmorge gsesse. Nacher simmer go Uschecke, hend aber s,grosse Gepäck na dete lah, da de Bus ersch am halbi 1 fahrt. D‘Stadt isch wieder pumpevolle gsi und nur mit viel Nerve hemmer es Kaffi gfunde. Mir sind denn doch sehr froh drüber, dass mir nid ide Hochsaison reised😅. D‘Busfahrt isch nacher nur eis Stündli gange und ich han Ziit gnutzt chli über Peru etc. nahzlese. In Riobamba ahcho simmer zu üsem Hotel gloffe und hend üses Gepäck deponiert. Mir hend denn no welle zumene Toure-Büro laufe, wo eus morn zu dem Berg sött bringe. Mir hend versuecht online z‘bueche, hend aber no nüt ghört gha. Mir sind 30min dur die Stadt gloffe, wo ich ez sicher chan sege, dasses die hässlichsti Stadt vo Ecuador isch. Es hett eh unglaublichi Smogbildig gha. Usser d‘Hüüser het mer gar nüt gseh und mer hett die ganzi Ziit Dreck ide Auge oder im Muul gha. De Spaziergang isch au für nüt gsi, da s‘ Büro zue gha het. Zum Glück hends aber ih dere Ziit uf eusi Online-Ahfrag reagiert und Tour sött klappe. Für de Rückweg hemmer es Taxi gnoh, da mer Dreck sogar scho uf de Huut und uf de Haare gseh het. S‘Hotel hemmer denn ersch wieder uf de Znacht verlah. De isch wiederum sehr fein gsii:)Lue lisää

    Katso käännös
  • MatkaajaSüdamerika
    Päivä 27

    Chimborazo

    5. marraskuuta 2022, Ecuador ⋅ ☁️ 7 °C

    Da üsi Tour uf de Chimborazo hüt scho am 8i ahgfange het, simmer scho am halbi 8i uf de Bei gsi. Üses Hotel het üs leider kei Zmorge ahbote, drum hemmer im Zimmer no gschnell es Brötli und en Öpfel gsnackt. Üse Guide, de Paul het eus den abgholt. Ufem Weg hemmer na 2 anderi ufglese und denn simmer langsam mitem Auto id Höchi. Uf 3600 müM hemmer de ersti Halt gmacht zum eus chli aahklimatisiere. Es isch ma en 2te Guide (au de Paul) mit 3 Touris dezuegstoose. Bi dem Halt hemmer ganz viel Föteli mit Lamas chöne mache, hend paar Ecuadorianischi Pflanze ahglueged und es Getränk (us Zimt, es heisst glaub Panela) am Lagerfüür chöne trinke, wo eus bim aklimatisiere sött helfe. Au da isches scho eh mega familiäri Stimmig gsi und die 2 Guides sind richtig herzig gsi. De 2ti Halt hemmer nomal chli höcher obe gmacht, binere richtig schöne Schlucht, wo au es paar Zelt gstande sind. Nacher simmer ab uf de höchsti Berg oder besser; de nöchsti Punkt ah de Sunne. Mitem Auto het mer bis zu 4800 müM chöne fahre. Ufere steinige Strass hemmer Kurve um Kurve gnoh und sind immer wiiter is Nebelmeer gfahre. Ufem Weg hemmer aber no paar wildi Vicuñas 🦙 gseh. Nacher hemmer den z‘Fuess müesse wiiter. Üsi Guides hend beschlosse, de steiler Weg z‘neh, will mir ahnschiinend eh starchi Gruppe sind👀 300 Höhemeter uf 1km hend uf eus gwartet. Es isch aber gar nid mal so streng gsi und mach 40 Minute hemmer scho de höchsti Punkt d‘Lagune Condor erreicht. Wiiter chunt mer ohni spezielli Usrüstig nid. Mir hend paar lässigi Fotene gmacht und d‘Ziit im Schnee gnosse. Denn hemmer eus wieder uf de Abeweg gmacht, de isch defintiv schneller gange. Da grad Fiirtäg in Ecuador sind, isches eh halbi Völkerwanderig gsi det obe und mer het würklich alles gseh. Chinderwäge, Fraue wo die höche Schueh na im Sack debii gha hend und und und… was aber alli gmeinsam gha hend, isch dassmer ihres Schnuufe scho vo 10m ghört hett😂 nacheme feine Zmittag hend üs eusi Guides no uf es Bier iihglade. Sie hend eus na d‘Main Road vo Riobamba zeiged und eus erchläred, dass de „Smog“ vo Gester Vulkanäsche gsi isch vonere Eruption wo chürzlich passiert isch. Hüt isches nämlich wieder viel sunniger gsi und d‘Stadt au gar nid mal soo hässlich. Trotzdem hemmer de Chimborazo no nie würklich gseh gha😂 au wemmer uegloffe sind, duen ich bizeli ah sinere existenz zwifle…Nachere churze Duschi im Hotel hemmer de Abig no mitere Crepe mit Nutella usklinge la.Lue lisää

    Katso käännös
  • MatkaajaSüdamerika
    Päivä 28

    Ab uf Cuenca

    6. marraskuuta 2022, Ecuador ⋅ ⛅ 20 °C

    Am Morge isches in Riobamba usnahmswiis mal nid bewölkt gsi. Wo mer eus mitem Gepäck uf de suechi nacheme feine Zmorge gmacht hend, hemmer chöne de blaui Himmel bestuune. Aber was mir nid hend chöne bestuune isch de Chimborazo gsi. Au de het mer hüt Morge nid gseh. Ich will ja nüt sege, aber en 6000 meter Berg sött mer doch gseh, wenner würklich existiere wür👀
    Nachem Zmorge hemmer bim Busbahnhof die letzte 2 Billet für de 11i Bus uf Cuenca becho und hend nur mit Müeh und Not die nögste 6.5 Stund umebracht. Mir hend denn ih eusem Hostel Mallki ihchegged. Es isch herzig, aber au nid grad mega suuber. Denn simmer ma chli is Städtli en Znacht go sueche. De ersti Iihdruck isch sehr süess. Es hett viel alti bautene und het ez endlich mal chli de Charme vomene Kolonial-Städtli und isch chli authentischer wie die andere Touri-Plätz. Ich freu mich scho druf, Cuenca bi Tag z‘erkunde.    Lue lisää

    Katso käännös
  • MatkaajaSüdamerika
    Päivä 29

    Cuenca erkunde

    7. marraskuuta 2022, Ecuador ⋅ ⛅ 18 °C

    Hüt bini ganz herzig vom Hostel-Büsi gweckt worde. Irgendöpper hetts wohl ih euse Schlafruum lah, und da ichs gester Abig scho sehr knuddled han, isches ih mis Bett gsprunge und isch nebed mir nomal ihpfuused. Geg die 8i simmer ihde Chuchi vo eusem Hostel gsi und hend üs Zmorge zuebereitet. Gli drufabe hemmer eus uf de Weg id Stadt gmacht. S‘Wetter isch wunderbar gsi und mir hend Cuenca bi blauem Himmel chöne gnüsse. Mir sind imene süesse Innehof zersch en Kaffi go neh. Am 11i simmer ahne Free-Walking-Tour und hend bis det nid scho zviel welle gseh🙈 wo mer denn nacher zum Treffpunkt gange sind hemmer nid chöne glaube wer au det staht. Es isch wieder das Päärli gsi, womer ufem Quolotoa-Loop und in Baños gseh hend. Die 2 sind würklich unglaublich sympathisch und es isch so witzig laufemer immer wieder ih sie ihne. D‘Walking Tour het sich echt glohnt. Eh Studentin het sie gfüert und eus sehr viel spannendi Facts und Gschichte über Cuenca verzehl. Nach de Tour simmer mit 2 anderne Schwiizer (Rico und Irina) uf en Ussichtspunkt gfahre. Bi de Chule Turi het mer echt en wunderbare Blick über d‘Stadt und d‘Berge gha. Mir sind na mitenand ines Resti mit wunderbarer Terasse go en chliine Snack go esse. Mir hends sehr guet mitenand gha und sind sicher öppe 3h det ghöckled. Es isch echt immer wieder lässig sich mit anderne chöne ustuusche und ihri bisherige Erlebnis z‘ghöre. Nacher hemmer no rasch es Taxi zum Busbahnhof gnoh, da mer s‘Busticket scho hend welle poste. Mir hend ez en Nachtbus uf Chiclayo in Peru wo ganzi 12h dethii het😅 De Bus sött aber sehr komfortabel sii, mir sind gspanne. De Grenzübergang stresst mich aber jetzt scho es bizeli. Da de Bus ersch am halbi 10 losfahrt, wirds sicher scho dunkel sii und da Jenny kei Spanisch cha, wirdi denn wieder für eus beid müesse denke. Ich hoff eifach es klapped alles…
    Aber nachem Terminal hemmer eus na mit de Suraya und em Tobi troffe. Es isch au wieder richtig schön gsi mitere guete Kollegin us de Schwiiz en schöne Abig chöne z‘verbringe. Mir hends würklich sehr guet gha mitenand und sie hend eus au sehr viel, vorallem für Bolivie, chöne empfehle.    Lue lisää

    Katso käännös
  • MatkaajaSüdamerika
    Päivä 30

    Fazit Ecuador

    8. marraskuuta 2022, Ecuador ⋅ ⛅ 32 °C

    Da mir jetzt Grenze vo Ecuador 🇪🇨 zu Peru 🇵🇪 passiert hend, möcht ich paar Sache festhalte, wo eus in Eucuador speziell ufgfalle sind:

    - Fraue sind nie schwanger, hend aber immer Chind🤰
    - D‘Chind hends nie im Chinderwage, sondern trägeds umständlich ih Tüecher ihgwickled. De einzig Chinderwage hemmer nur ufem Chimborazo gseh.
    - D‘Lüt sind eher chli und träged tendenziell viel z‘heissi Chleider. 🧥
    - D‘WC-Spüelig isch whack und meistens hend die öffentliche WCs nie alli 4: WC-Papier, Seife, Spüelig wo funktioniert und öppis zum Händ abtröchned. 🚻
    - Alli Fraue gsehnd glich us und träged tendenziell immer eh Chleidergrössi z‘chlii. 👗
    - Kei Uhr ide Öffentlichkeit stimmt, oder funktioniert. Au nid die uf de Chile 🕰
    - Sitzt mer inere Gruppe imene Restaurant wartet mer zwüsched de Gäng nid ufenand. Sobald mer fertig isch, wird eim de nögsti Gang bracht. 🍲
    - D‘Reformante hend in Südamerika dazumal en guete Job gmacht. Überall hets Chilene und die sind jedesmal unglaublich riich und es isch kein Einzelfall, wenn de Altar vergolded isch. Und wenns inere Stadt grad kei Platz meh für eh Chile het, macht mer sie eifach imene normale Blockhuus mit Plastikstüehl. Au vereinzelt ide Berge uf Wanderweg findet mer immer wieder en Minialtar oder en mini Jeseus-am-Chrüz. ⛪️
    - Süessigkeite werded maximal gfiired. Überall chamer sie chaufe und überall gits unglaubliches Gebäck, Tortene, Crepes, Wafflene, Milchshakes und Glaces. 🧁
    - Kaffi serviert mer nid ih Tassene sondern so komischi Gläser. ☕️
    - Es git überall so chlini Lädeli ider au Restaurant wo jedesmal s‘Gliiche verchaufed. 🥜
    - Es git au überall Strasseverchäufer, wo au immer s‘gliiche verchaufed, und au jedes Mal id Büs inestiiged ums dir welle z‘verchaufe. 🍬
    - Bankautomät sind immer maximal beliebt und es hett jedesmal eh riiiise Schlange vornedra. 💴
    - Wenn du irgend eh Tour buechsch oder susch es Vergahre, wo mer de Pass brucht, wird de meistens immer abgföteled und denn per Whatsapp wiiterverschiickt👀    Lue lisää

    Katso käännös
  • 2024© FindPenguins
  • Koti
  • Tietoa meistä
  • Blogi
  • Ryhmän seuranta
  • Lehdistö
  • Ehdot
  • Yksityisyys & Cookies
  • Tuki
  • Merkintä
  • Suomalainen