West Highland Way

Mai 2023

155km z Fuess vo Glasgow nach Fort William 🏴󠁧󠁢󠁳󠁣󠁴󠁿 Weiterlesen

11Footprints
1Länder
12Tage
58Fotos
3Videos
3,0kKilometer
2,6kKilometer
142Kilometer
95Kilometer
89Kilometer

Folgen Kalender Teilen Bucket List

Datum aufsteigend

Reisender West Highland Way
- Reise anzeigen
- Zur Bucket List hinzufügenVon der Bucket List entfernen
- Teilen
- 01.05.2023, 20:00
- ☁️ 9 °C
- Höhe über NN: 58 m
- Schottland East Dunbartonshire Milngavie Milngavie Railway Station 55.940583, -4.31835755°56’26” N 4°19’6” W
Tag 1
Ankunft Milngavie
1. Mai 2023 in Schottland ⋅ ☁️ 9 °C
Nachdem mer en verspötete Flug vo Züri uf Heathrow, London gha hend und de eis ghetz dur de Flughafe zum no de Aschlussflug z verwütsche nach Glasgow, wo zum guete Glück au Verspötig gha hed, simer guet am Startpunkt vo üsere Wanderig acho. Jetzt heissts nomal dusche und d Nacht immne richtig Bett gnüsse, ab Morn gids nur no s Zelt.Weiterlesen
Gefällt 5 mal
Reisender West Highland Way
- Reise anzeigen
- Zur Bucket List hinzufügenVon der Bucket List entfernen
- Teilen
- 02.05.2023, 18:00
- ☁️ 13 °C
- Höhe über NN: 141 m
- Schottland Stirling Milton of Buchanan 56.098036, -4.50231456°5’53” N 4°30’8” W
Tag 2
1. Tag: Milngavie - Conic Hill
2. Mai 2023 in Schottland ⋅ ☁️ 13 °C
Hüt simer am 9ni losmarschiert mit üsne grosse Rucksäck. De Trail führt am Afang dur es schöns Waldgebiet und a unzählige Schafweide verbi. Ab Drymen lauft mer uf breite Forstweg und über en (gfühlt 100sti) Schafweid ine bis zum Fuess vom Conic Hill. Det hemer amne Fluss zue üses Zelt ufgschlage und üs fürd Nacht igrichtet. De selber gmachti Trekkingfood schmöckt tiptop. Da mer hüt 27km gschafft hed, gömmer beid sehr früeh is Bett.Weiterlesen
Gefällt 6 mal
Reisender West Highland Way
- Reise anzeigen
- Zur Bucket List hinzufügenVon der Bucket List entfernen
- Teilen
- 03.05.2023, 18:00
- ☁️ 13 °C
- Höhe über NN: 70 m
- Schottland Argyll and Bute Tarbet Tarbet Isle 56.20171, -4.68162656°12’6” N 4°40’54” W
Tag 3
2. Tag: Conic Hill - Rowchoish
3. Mai 2023 in Schottland ⋅ ☁️ 13 °C
Nachdem mer am Morge früeh grad über e Hügel ine sind, simer pünktlich uf Znünipause im Kaffi in Balmaha acho. Det heds es Päuseli und vor allem Kaffi gäh. Na ischs wiiter am Ufer vom Loch Lomond entlang gange bis zu de Schutzhütte in Rowchoish, i de nöchi vo dere hemer de au üses Zelt ufgschlage. Hüt hemer 23km gschafft, defür no es paar Höhemeter mitgno. Insgesamt hemer jetzt scho fast en Drittel vo de ganze Strecki gschafft.Weiterlesen
Gefällt 7 mal
Reisender West Highland Way
- Reise anzeigen
- Zur Bucket List hinzufügenVon der Bucket List entfernen
- Teilen
- 04.05.2023, 18:00
- 🌬 8 °C
- Höhe über NN: 189 m
- Schottland Stirling Crianlarich Glen Falloch 56.369897, -4.65637956°22’12” N 4°39’23” W
Tag 4
Tag 3: Rowchoish - Nirgendwo
4. Mai 2023 in Schottland ⋅ 🌬 8 °C
De hütigi Tag hed gmüetlich gstartet und de Trail hed üs a alte Ruine und wiiter am Ufer vom Loch Lomond entlang bis nach Inversnaid gführt. En Ort wo usme Hotel und me Bootssteg bestahd. Ab hie hed üses Reisebuech gseid es chunnd die schwierigsti Strecki vom ganze WHW. Mer sind los und hend üs am Afang no bitz über die Strecki lustig gmacht bis mer de doch beidi Händ hend müesse zum Hosesack us näh und mit üsne Rucksäck uf Kraxeltour sind. Am Nami hemer s Endi vom Loch Lomond erreicht, sind no schnell übere Pass Dubh Lochan gloffe (ganzi 100m.ü.M.😂) und hend üs de im Camping Beinglas Farm es zVieri gönnt. Na ischs nomal 6km am River Falloch entlang gange bis mier de Irgendwo im Nirgendwo üses Zelt ufgschlage hend.Weiterlesen
Gefällt 5 mal
Reisender West Highland Way
- Reise anzeigen
- Zur Bucket List hinzufügenVon der Bucket List entfernen
- Teilen
- 05.05.2023, 18:00
- ☁️ 11 °C
- Höhe über NN: 167 m
- Schottland Argyll and Bute Bridge of Orchy 56.517528, -4.76957156°31’3” N 4°46’10” W
1
Tag 5
Tag 4: Nirgendwo - Bridge of Orchy
5. Mai 2023 in Schottland ⋅ ☁️ 11 °C
Die letzt Nacht isch ned e so erholsam gsi, das die ganz Nacht gstürmt hed. Zu allem ane heds am Morge am 5i no agfange Rägne und bis nachm Mittag nömme ghört. Nach de grosse Überwindig de warmi Schlafsack z verlah und in Räge usezagh simer de losmarschiert, stetig berguf. Mer sind fast de ganz Morge dur en schöne Wald gwanderet, a Crainlarich verbi und immer wiiter bis mer zu dem Teil cho sind wo sie grad am Abholze sind. Mer sind wieder bergab nach Tyndrum und denn alles wieder Berguf ufere alte Militärstrass. Entlang dere hemer de au zum erste Mal schottischi Hochlandrinder gseh. Nach 24km simer de in Bridge of Orchy acho. Da es hie ned e so vell Möglichkeite gid zum Zelte, also eigentli nome näb em Hotel und mier nach em hütige Wind und Räge nüüt gäg es bitzli Wärmi hend hemer üs de für es Hotelzimmer entschiede. Jetzt hemer beidi grad die ersti Duschi nach 4 Täg gha und freued üs ufs zNacht.
Insgesamt hemer jetzt scho 96km vo de 155km gschafft 💪Weiterlesen
Reisender 😍👍🏻😁
05.05.23AntwortenÜbersetzen
Gefällt 6 mal
Reisender West Highland Way
- Reise anzeigen
- Zur Bucket List hinzufügenVon der Bucket List entfernen
- Teilen
- 06.05.2023, 18:00
- ☁️ 13 °C
- Höhe über NN: 243 m
- Schottland North Lorn 56.651222, -4.83912656°39’4” N 4°50’21” W
1
Tag 6
Tag 5: Bridge of Orchy - Kingshouse
6. Mai 2023 in Schottland ⋅ ☁️ 13 °C
Nachme feine zMorge im Hotel, simer hochmotiviert losgloffe. De Pass hemer im nu überquert gha und sind uf disere Siite über d Victoria Bridge und hend üs a langsami ufstig is Rannoch Moor gmacht. Mer sind 3h lang nonstop berguf gloffe am Rand vom Moor entlang und mer hend absolut nüüt gseh (kei Strass, kei Hüser, absolut nüüt vo Menschegmachts ussert üsem Weg) Zum aller erste Mal uf dere Wanderig simer wüki im totale Niemandsland gsi. Am Nami simer in Kingshouse acho (de Ort bestahd usme Hotel und me Camping) und hend det per Zuefall anderi Wanderer atroffe wo mer scho paar Mal gseh hend uf üsem Weg. Sie hend üs überredt det z bliebe und mit ihne z Campe und so ischs de uf einisch e lange Abig mit bitzli (vell) Bier worde.Weiterlesen
Reisender Wooa de esch ja riiisig 🤯
08.05.23AntwortenÜbersetzen
Gefällt 3 mal
Reisender West Highland Way
- Reise anzeigen
- Zur Bucket List hinzufügenVon der Bucket List entfernen
- Teilen
- 07.05.2023, 18:00
- ☁️ 16 °C
- Höhe über NN: 217 m
- Schottland Highland Allt na Lairige Mòire 56.756501, -5.10607656°45’23” N 5°6’22” W
Tag 7
Tag 6: Kingshouse - Schafweid
7. Mai 2023 in Schottland ⋅ ☁️ 16 °C
De Franco hed sin Kater gekonnt überspielt und so simer am 09.15 Uhr scho losmarschiert. Und wer hätis denkt, mer hend de ganz Tag, ich mein wüki de ganz, Sunneschiin gha. Und das in Schottland. Dur das wunderbare Wetter motiviert simer wie de Blitz Devils Staircase ufe und hend somit de höchsti Punkt vo de ganze Tour erreicht gha. Na simer gmüetlich uf Kinlochleven abespaziert und hend det i de Sunne zMittag gässe. Na simer ufere alte Militärstrass wieder berguf und hend de zweiti Pass Tigh-na-sleubhaich au grad mitgno. De liid imne unendlich lange Tal mit vellne Bächli und Ruine. S Wetter hed üs so vell Schwung gäh das mer hüt 27km gmacht hend und so vell Höhemeter wie no nie die letzte Täg. Mit Sunnebrand uf de Ärm und müede Füess hemers üs bi nöchendem Räge und Sturm irgendwo im Nüüt usse ufere Schafweid bequem gmacht.Weiterlesen
Wau wau wau😍 [Chantal Zurbriggen]
08.05.23Antworten
Gefällt 3 mal
Reisender West Highland Way
- Reise anzeigen
- Zur Bucket List hinzufügenVon der Bucket List entfernen
- Teilen
- 08.05.2023, 13:17
- Höhe über NN: 10 m
- Schottland Inverness-shire Fort William 56.81635, -5.11393856°48’59” N 5°6’50” W
Tag 8
Tag 7: Schafweid - Fort William
8. Mai 2023 in Schottland
Es hed die ganz Nacht gstürmt und grägnet, darum heds ned so cheibe vell Schlaf gäh. Am 08.20Uhr simer darum au scho wieder wiitermarschiert, dick ipackt i üsne Rägejaggene. Die letzte 11km uf Fort William hend sich ungemein zoge, will mer zerst ufere Schotterstrass mit Stei wo definitiv ned für de menschlich Fuess gmacht sind und na uf Belag id Stadt ine lauft. Aber hüt am 11i simer acho, todmüed, duregfrore und hungrig. Darum hockemer jetzt inere Pizzeria, freued üs ufs ässe und vor allem ufd Duschi nachher im Hotel. ABER MER HENDS GSCHAFFT! 155km i 6.5 Täg 🎉Weiterlesen
Reisender so guet 😍
08.05.23AntwortenÜbersetzen
Reisender 💪🥳
08.05.23AntwortenÜbersetzen
Reisender mega, ich gratulierä 👍🏻😁
08.05.23Antworten
2 weitere Kommentare
Gefällt 4 mal
Reisender West Highland Way
- Reise anzeigen
- Zur Bucket List hinzufügenVon der Bucket List entfernen
- Teilen
- 09.05.2023, 18:00
- ☁️ 13 °C
- Höhe über NN: 21 m
- Schottland Inverness-shire Fort William 56.817702, -5.11066456°49’4” N 5°6’38” W
Tag 9
Fort William
9. Mai 2023 in Schottland ⋅ ☁️ 13 °C
Am Mäntig Abig simer no mit üsne neue Kollege us Glasgow uf üsi Leistig go astosse, schlussendlich isch de einiges meh a Alkohol gflosse als ursprünglich planned und darum heds gaaaanz en gmüetliche Tag gäh. Mer sind am Morge e chli go Lädele und na is chliine Kino go Guardians of the Galaxy 3 luege. Mer sind genau 6 Persone im ganze Kino gsi 😂 na simer i de Pizzeria nebedra go ässe hole und hend üs uf e Weg is Airbnb gmacht. Det hemer de eifach no chli chillt und üs erholt (de Franco vor allem vo sim Kater)Weiterlesen
Gefällt 1 mal
Reisender West Highland Way
- Reise anzeigen
- Zur Bucket List hinzufügenVon der Bucket List entfernen
- Teilen
- 10.05.2023, 17:29
- ☁️ 13 °C
- Höhe über NN: 19 m
- Schottland Highland Lochyside Black Parks 56.830058, -5.08865656°49’48” N 5°5’19” W
Tag 10
Fort William 2.0
10. Mai 2023 in Schottland ⋅ ☁️ 13 °C
Hüt hed sich alles um Ässe & Trinke treid. Am Vormittag simer ines mega gmüetlichs Kafi go Ässe. De hemer versuecht usezgfinde wie mier mit em Bus vom Dorf zu de Whiskydistillery chömed. Nach einiger Verwirrig und vielem hi und her simer de im richtige Bus glandet. De Busfahrer isch so unterwegs gsi wie de in Harry Potter. Es hed üs ordentlich duregschüttlet und mer sind froh gsi wo mer wieder hend chönne usstiige. De simer d Ben Nevis Distillery go aluege und hend üs natürlich au durs Whisky Sortiment probiert. Nach dem simer no go d Highland Soap Company go aluege will mer festgstellt hend dass die grad i de nöchi isch. Det bin ich richtig in Chrömelluune cho und ha ganze vell Sache postet. Uf das abe simer is Kafi wo zum Soap Shop ghört ghocked und hend es zVieri gässe. Ich glaub mer hend jetzt beidi Diabetes, aber d Dessert sind einfach unglaublich lecker gsi. Aber weg dem ganze Ässe & Trinke hemer de gfunde mer laufed zrugg is Dorf. Uf üsem Weg isch uf einisch d Sunne fürecho und es isch e wunderschöne Spaziergang drus worde.Weiterlesen
Gefällt 3 mal