Reset search
Vietnam & Philippinen 2023Vietnam & Philippinen 2023
SatelliteEdit route

Vietnam & Philippinen 2023

September - October 2023
A 22-day adventure by Janine Read more
  • 57footprints
  • 4countries
  • 22days
  • 469photos
  • 13videos
  • 14.6kkilometers
  • 12.1kkilometers
Follow Calendar Share Bucket list
Date ascending
  • TravelerVietnam & Philippinen 2023
    Day 4

    Fishing Village. 🎏

    September 20, 2023 in Vietnam ⋅ ⛅ 27 °C

    De nögschti Stopp isch ah de Bucht vom Fischerdörfli in Mûi Né gsi, wommer slokale Lebe vo de Ihwohner hend derfe miterlebe oder bessergseit, ich han derfe miterlebe. Wills de anderne beidne am 07:30 Uhr scho zheiss gsi isch oder si vlt au eifach no zmüed gsi sind, hend si weret dem Stopp im Jeep gwartet. Es wer en churze plante Halt gsi aber mich het das local life eso beeidruckt und fasziniert drum isch dWartezit den e bizzeli länger usgfalle.🤭 Bsunders sehenswert isch das Dörfli vorallem am Morge willmer den die dutzende Fischer mit ihrne lebendige Tier seget das Krebs, Jakobsmuschle, Roche, Langustene oder anderie Meerestier vom Meer zrugchere gseht. DFischer chömet mit dene chline Rundbot zrugg as Land, entladet ihre Fang und übergänd die zahlriche Tier ihrne Fraue. DFraue sortieret die Muschle, Fisch & Krebs nach Grössi und wäget sie für Verkauf an Händler ab.🐡🦀
    Vom Gstank und dem viele Abfall derfmer sich au ah dem sehenswerte Platz nöd abschrecke lah.😌    Read more

    See translation
  • TravelerVietnam & Philippinen 2023
    Day 4

    Sûoi Hông.

    September 20, 2023 in Vietnam ⋅ ⛅ 28 °C

    De letschti Halt het üs anes Flüssli irgendwo im Wald gfüehrt.🌳 Was im erschte Moment nach trüebem, dreckigem Wasser usgseh het isch eigentlich klars Wasser gsi wo überen brun/rote Sand gflosse isch.
    sFlüssli isch vo Ihheimische no mit einzelne Souvenir, Glace und Getränkeständ umghe worde und somit het das Flüssli i dere wunderschöne Natur es herzigs, perfekts Ambiente becho.💗    Read more

    See translation
  • TravelerVietnam & Philippinen 2023
    Day 4

    Ab uf Nha Trang.✨

    September 20, 2023 in Vietnam ⋅ ⛅ 26 °C

    Planet wer gsi dassmer nach de Morgetour direkt is Städtli gönd go zMittag esse. Da mir aber alli eso heiss gha hend, hend mir üs lieber e Abchüelig im Pool gholt und ahschlüssend es Ründeli ufm Liegestuehl gschlafe. Wo den um dMittagszit ume de Hunger cho isch hemmer gmerkt dass üsi Entscheidig mitm fuhle Morge am Pool, nöd die bescht gsi isch will jetzt um die Zit keis Reschti für en zMittag meh offe het. Also hend dManu und ich üs es zweits Müesli mit Haferflocke und Frücht gmacht und dNicole het sich mit Frücht & Snacks verpflegt. Am Abig hemmer üs den umso meh uf en grosse feine zNacht gfreut wommer den au bezite becho & gnosse hend.😍 Churz nach de 19:30 Uhr simmer zrugg im Hotel ahcho und de Plan isch gsi bis am 23:30 Uhr durezhebe und nöd zschlafe will üs den de Nachtbus mitere circa 7 stündige Fahrt nach Nha Trang bringt. Lut Föteli hets eini aber nöd mal meh richtig is Bett gschafft und het scho vorem 20:30Uhr tüf gschlafe. Die andere zwei hend sich den au nümme viel länger chöne wachphalte, drum hend mir alli öppe glich glitte wo de Wecker am 23:00 Uhr gschellet het. Ez hoffmer nur wieder ufn bequeme Bus mit Better demit mer die 7 Stund Fahrt guet & vorallem bequem hinder üs bringe chönd.😴
    Lets go. 🚌    Read more

    See translation
  • TravelerVietnam & Philippinen 2023
    Day 4

    long way to sleep. 🚌

    September 20, 2023 in Vietnam ⋅ ⛅ 26 °C

    Wo den de Car vom Tam Hanh Travel ahzfahre cho isch und mir trotz Rege, dur dFenster dure dVorhäng und Better gseh hend, het üsi Freud nöd grösser chöne si. Tatsächlich hend mir für die vorussichtlich siebe stündig Fahrt wo üs nöd emal e 10ner Note kostet het, wieder en guet usgrüschtete Nachtbus mit Bett. Bim erschte Stopp hemmer festgstellt dass de Bus nöd numme für de Menschetransport denkt isch, sondern er da auno mit ganz hufe Paket, Schachtlene, Lebensmittel etc. gfüllt worde isch. Da sich dNicole Sorge gmacht het dass die War hinder eus nöd hebet, gaht sies viellicht spöter mal gho hebe.😂
    Churz nach Mitternacht hemmer üs e gueti Nacht gwünscht und während dem mir pfuset hend sind mir vo Minute zu Minute nöcher a üses Ziel cho.✨    Read more

    See translation
  • TravelerVietnam & Philippinen 2023
    Day 5

    Taxifahrt uf zwei Räder. 🛵

    September 21, 2023 in Vietnam ⋅ 🌙 24 °C

    Au wenn das mitm pfuse on the way nöd ganz klappet het hends den am Morge am viertel ab 4 alli Lüt & de ganz Grümpel usem Bus gschmisse und denn het niemert meh so richtig gwüsst was jetzt lauft. (siehe Föteli vo de Manu so i dem Sinn; Ich krache jede Moment zemme hahah) dManu & ich hend üs den mal uf dSuechi nacheme WC gmacht, da ja en WC Stopp nach 5.5 Stund zviel verlangt gsi wer. dNicole isch i dere Zit eifach no seeleruhig im Bus höckle bliebe bis si vomne Vietnames im Bus ine mehrfach i verschiedene Lutstärkene uf vietnamesisch ahgschroue und uf irgendöpis higwiese worde isch und sie nur „Minivan, Minivan“ verstande het, het sie den ihres Züg packt und uf üs vorem Bus gwartet.😂 All andere Lüt hends ines chliners Büsli verfrachtet aber i dem hend mir kei Platz meh gha. Spöter isch den nomal es chlises Büsli cho wo üs für es churzes Stückli mitgno het and ahschlüssend ah drü Rollerfahrer übergeh het. Mitm Backpack ufm Rugge hend mir also je bimne Rollerfahrer hinedruf derfe sitze. Die Taxifahrt uf zwei Räder weli direkt in Sunneufgang gfüehrt het, het üs schön Spass gmacht. 🌞 Wo die drü Herre üs den bim Hotel abglade hend und verhältnismässig viel zviel Geld verlangt hend, wo mir nöd mal debi gha hend isch üs denn sLache vergange. De eint Rollerfahrer het den druf bestande dassi mit ihm zum Bankomat fahre und ihm ihres gwünschte Geld die 1,5 Mio Vietnamesischi Dong uselah. Üs isch den nüt anders übrig bliebe als de „Deal“ zakzeptiere und ihne die umgrechnete 70 Franke zghe.💸Read more

    See translation
  • TravelerVietnam & Philippinen 2023
    Day 5

    but first coffee. ☕️

    September 21, 2023 in Vietnam ⋅ ⛅ 27 °C

    Da mir im Hotel erscht am Namittag am 2 chönd ihchecke, hemmer sGepäck ah de Rezeption abghe und sind ahschlüssend as Meer go luege wied Sunne ufgaht.🌞 Da mir nacher alli Luscht ufn Kafi gha hend, mir aber no viel zfrüeh drah gsi sind, hemmer zerscht mal müesse luege wos den es Kafi git wo um die Zit scho offe het. Mir hend denn es chlises, gmüetlichs Kafi zmitzt i de Stadt gfunde wommer mehreri Stunde drin verwilet hend. Die viele schöne grüene Pflanze, dHolzmöbel, das herzliche au wenn nöd english sprechende Personal und vorallem dSuberkeit nöd nur im Essbereich hends Ambiente perfekt gmacht.🌱 Da sZmorgeahgebot i dem Kafi nöd so üsne Vorstellige entsproche het simmer den uf die 10ni ines fancy Restaurant um de Egge züglet wommer den üsi Büch meh als vollgschlage hend. 🥑🍌🍓🍇 Ez gats den witers id Stadt uf Sunnecrémesuechi. Da weder dManu no ich ad Sunnecréme denkt hend & de Nicole ihri au immer weniger drin het, simmer sit Tage uf de suechi nachere Sunnecréme. Da dVietnamese sich eher vor de Sunne verstecket hemmer no kei Sunnecréme gfunde wo meh als 100ml beinhaltet.🤷🏻‍♀️Read more

    See translation
  • TravelerVietnam & Philippinen 2023
    Day 5

    Azura Gold Hotel.

    September 21, 2023 in Vietnam ⋅ ☀️ 31 °C

    Am Nami simmer alli ziemlich durre gsi & wenns den amel gar nümme gange isch hemmer üs binere Kafipause wieder chöne stärke. 😂 E halb Stund früehner hemmers mitm ihchecke im Hotel probiert was den au problemlos klappet het. Ih üsere Familie-Sweet wo da zmitzt i de Stadt aber au direkt am Strand lit, werdemer nur ei Nacht blibe wills morn Abig witers richtig „Hoi An“ gaht. Mir hend d’Bikinis montiert und hend de Namittag uf de Rooftop Terrasse am Pool gnosse. 🐟 Am Abig simmer den ines vietnamesischs Restaurant und hend wie immer sehr fein gesse.🍚Read more

    See translation
  • TravelerVietnam & Philippinen 2023
    Day 5

    ☠️🦟

    September 21, 2023 in Vietnam ⋅ 🌧 28 °C

    Nach de letschte schlaflose Nacht im Schlafbus hemmer üs umso meh uf die Nacht i dem weiche bequeme Bett mit dere liechte, kuschelige Decki gfreut. Schlafe so lang wiemmer chönd isch euse Plan gsi.
    Ziemlich schnell sind den alli ihpfuset. Bis am morge am halbi 1 dNicole voller Panik sLiecht ahgmacht het. Si hegi öpis am Arm gstoche und das grosse schwarze Fiech nacher au dWand durab laufe gseh. Bi dä Nicole & mir hend dAlarmglogge geschellet und mir hend üs ufd Suechi nach dem Insket gmacht. DManu het mit dem ganze weniger welle zdue ha. Sie het sich den eifach eimal uf die ander Site kehrt und het versuecht witerzschlafe. DNicole & Ich sind uf Kammerjagdt. Wommer den SBett bizzli fürezoge hend isch das circa 5-6cm geosse Fiech mit dene lange schwarze Fühler wieder fürezchrabble cho.🤢 Das Fiech irgendwie verusse zschaffe isch für üs beidi wegem Eckel unvollstellbar gsi. Mit de Nicole ihrne Adilette hanich dem Fiech den eis über sHinterteil ghaue. De Kopf & dFühler hend sich no witers bewegt drum het das Teil grad no eis uf de Chopf becho.😆
    Nach dem üses Adrenalin wieder gsunke isch hemmer üs wieder is Bett gleiht und ich bin den au ziemli schnell ihgschlafe. DNicole hingege isch nümm zur Rueh cho & het sich denn no einigi Minute oder sogar Stunde über das Tier informiert. Es seg e Kakerlake gsi. Die chan übrigens bis zu 10cm gross werde, chan flüge und zum Glück sind die Tier eher Einzelgänger somit hemmer au nöd müesse befürchte, dass sich no es ganzes Kakerlakenescht irgendwo i dem Zimmer befindet.🤭
    Dasmer am nögschte Morge hend müesse uschecke isch üs den aber au grad glich gsi.🫣    Read more

    See translation
  • TravelerVietnam & Philippinen 2023
    Day 6

    around the day.

    September 22, 2023 in Vietnam ⋅ ⛅ 30 °C

    Am halbi 10 hemmer üs den us de Federe gmacht und hend de Spissaal mitm „zMorgebuffet“ betrete. zMorgebuffet isch den bereits ufm Teller gsi. Zwei mikirigi Töschtli wo e gfühlti viertelstund im Ofe gsi sind und vermuetli gester Abig scho zuebereitet worde sind, mit Konfi & Butter.😄 Drachefrucht isch den churz drufabe no nahglieferet worde. Willmer nach dene paar Brösmeli no so Hunger gha hend und auchli meh vomne 4 Stern Hotel erwartet hend, hemmer den frech ahgfraget öbs no meh hend. Shet den grosszügigerwis jede no zwei Töschtli becho.🤭 sCheck Out im Hotel wer am 12:00Uhr gsi aber will üse Bus erscht am 21:00 Uhr fahrt, hend mir sHotel ahgfraget öbmer de Namittag no am Pool verbringe derfet und geg de Abig auno sBadzimmer inkl. Duschi bruche derfet. Unkompliziert und völlig selbstverständlich hends üs das genehmigt. Nacheme chilli Namittag am Pool simmer den bezite go zNachesse. Da mer bis jetzt immer sehr traditionell vietnamesich oder asiatisch gesse hend, hets hüt mal e kulturelli Abwechslig uf de Spischarte derfe ghe.
    Me gusto bien.🇲🇽🫔
    @sestri änni, s‘Esse isch sogar no besser gsi als in Mexicana.😅❤️    Read more

    See translation
  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English