Reset search
Vietnam & Philippinen 2023Vietnam & Philippinen 2023
SatelliteEdit route

Vietnam & Philippinen 2023

September - October 2023
A 22-day adventure by Janine Read more
  • 57footprints
  • 4countries
  • 22days
  • 469photos
  • 13videos
  • 14.6kkilometers
  • 12.1kkilometers
Follow Calendar Share Bucket list
Date descending
  • TravelerVietnam & Philippinen 2023
    Day 22

    Back in 🇨🇭, Fazit: 🌎

    October 8, 2023 in Switzerland ⋅ ⛅ 8 °C

    Nach wiitere 6h Flug simmer de z Züri am Flughafe glandet. Mit chli Freud, aber fascht chli meh Fernweh, hämmer üses Gepäck gholt und händ üs ufde Heiweg gmacht...

    ***FAZIT*** (copy n’ paste) vo de Nicole🤪)
    📃 überprüefet eues Visum bevor ihr flüget
    ✂️ Sackmässer, Chuchimässer, Schäre & Nagelfilene ghöret nöd is Handgepäck
    🛂 De Pass, sPortmonee & de Hus/Autoschlüssel vo dehei, wird immer amne guete & sichere Ort versorget
    🫂 D Lüüt sind überall sehr hilfsbereit und sehr fründlich gsi.
    👦🏻 dTaxifahrer gsehnd us wie minderjährigi Buebe
    🪆 dAsiate gsend alli fascht glich us, merket eu welle Taxifahrer eure gsi isch
    🛵 Hupä isch uf de Stosse es Kommunikationsmittel und wird all 30 Sekunde brucht.
    👙 zu sexy sind mir definitiv nie ahgleit gsi
    📢 Demos werded da sogar uf Roller und nöd z'Fuess abghalte.
    🇨🇭 für alli Bünzlis; Zum Morgesport wird i de Vietnamesische Städt i voller Lutstärchli au schwizer Jodelmusig gloset
    🚌 mindestens ei Fahrt mit somne ultramega geile oder später den weniger geile Nachtbus muss eifach gmacht werde
    🚕 vertrauet keim Rollertaxi, die nämmet eu us
    🧴 nemmet Sunnecréme vo deheime mit, in Vietnam kennets nur d15ml Tübli
    ☃️ mit Philippinische Sunnecreme lauft mer wie Schneemanne über dGasse
    💸 Wenn wie en Touri usgsehsch, sind Priise schnell mal höcher als normal - nöd vergässe, die sind verhandelbar.
    💳 Ade meiste Ort chammer nur Bar zahle. Leider händs de aber hüfig kei Geld zum retour gäh.
    💰 De Wechselkurs vor Ort isch besser, als wemmer s Geld vo dehei mit nimmt.
    🍍 D Frücht schmöcked 10x intensiver, als dehei.
    🍜 S Ässe isch immer de wahnsinn gsi. Mit frischem Gmüess und feine Gwürz.
    🍴Mässer kennt mer nöd, drum hämmer üsi Zmorgebrot amel mit de Gable gstriche.
    🍹 D Fruchtsäft schmöcked numol besser, wemmers ohni Zucker bstellt.
    🍞 Meh als 1 Schiibä Toast z ässe am Morge hät s Personal überall erstuunt.
    🥢 Mit Stäbli ässe chömmer ez.
    🌧 Regejacke kennt mer do nöd, für das gits ja Pellerine.
    🩴 Schueh ohni gueti Sohle sind uf de Strosse sehr rutschig wenns nass isch.
    👕 Handwösch schmöckt nur guet, wenn d Chleider au 100% troche werded nachher (was nöd immer eifsch isch, bi de höche Luftfüechtigkeit).
    🔋 Zum s Handy 50% lade, muemer minimum 2h ihplane.
    📦 Am Flughafe schaffeds eher im Schneggetempo und d Lüüt reised durchschnittlich mit öpä 5 Kartons zuäsätzlich zum Ufgabegepäck.
    ✈️ Wemmer am Flughafe usgrüeft wird, muesses nöd immer wege öpis negativem sii.
    ❤️ Mit de richtige Lüüt ah de Siite, isch es immer schön, egal wo mer isch, oder was passiert.

    Die 3 Wuche sind ume wie im Flug. Mer händ viel spannendi Sache gseh, liebi Lüüt känneglernt, vieli nüi Ort erkunded und hauptsächlich seh viel glachet. ❤️
    Mer händs 3te so lustig gha und händ die Ziit ih volle Züg gnosse. Freu mi scho uf die nächsti Reis mit üch Nemo und Manu. ☀️🥰    Read more

    See translation
  • TravelerVietnam & Philippinen 2023
    Day 21

    welcome again. 🇶🇦

    October 7, 2023 in Qatar ⋅ 🌙 32 °C

    Wo üsi Näme i de Durchsag vom Flughafe usgruefe worde sind, isch üs sHerz grad mal schnell id Hose gheit. So schnell simmer vom Ligemodus scho lang nümme ufgstande. Sisch den au keini 20 Sekunde gange wommer bi de Verantwortliche vom Gate gstande sind. 💨 Es überbuechts Flugzüg oder das mir ufm falsche Gate hocket, sind üsi Befürchtige gsi aber ganz im Gegeteil hend üs denn schlechti Nachrichte erwartet. Mir hends nöd ganz id Business oder id Premium economy Class gschafft, aber mitem Platzupgrade i die erschte Reihe mit meh Beifreiheit, hend mir üs scho sehr glücklich gschätzt. Churz nach Abflug hets den bi mir Fisch & Ris zum zNacht ghe und die andere beide hend sich für Pasta entschiede. Am Morge am halbi 2 isch den de Spiswage nomal cho und mir hend üs scho über en zMorge mit Brot und Konfi gfreut. Leider isch den szMorgebuffet nomal us Ris und Nudle bestande & drum hemmer gern ufs Ahgebot verzichtet. Nach 9.5 Stunde Podcasts im Ohr, (und gstreckte Bei😆) simmer den in Doha glandet und somit hemmer scho bizzeli meh als dHelfti vo üsere Flugzit hinter üs bracht. Für de drü stündig Zwüschestopp in Doha hemmer üs es Kafi für en chline zMorge gsuecht. Zum Glück ischs bimne chline zMorge bliebe denn die Prise sind ja da völlig überrisse. 3 Gipfeli und drü Fruchtbecher für 49 CHF. Lut google choschtet es Bier in Katar zwüschet 12 & 14 Euro. @Marcel Rohner, da hesch aber letscht Jahr ah de WM tüf i Täsche müesse griffe?🤪🍺⚽️
    Grad echli en Finanzschock wemmers mit de asiatische Prise vo de letschte 3 Wuche verglicht.💸 Fascht e halb Stund simmer denn dur de riesig, pompös Flughafe zum Gate gloffe. Am 02:35 Uhr nemmemer die letschte 7 Flugstunde, mit hoffentlich au es paar Schlafstunde, richtig Züri in Ahgriff.🇨🇭    Read more

    See translation
  • TravelerVietnam & Philippinen 2023
    Day 21

    Heiweg. 🇨🇭

    October 7, 2023 on the Philippines ⋅ ⛅ 31 °C

    Usem hütige Tag hemmer nüt meh spektakulärs gmacht. Mal echli gesse, käffelet, wieder gesse und nomal käffelet und um die 14:00 Uhr isches den scho bald mal an Flughafe gange. Obwohl sEnergielevel nach dem viele Esse höch het sölle si het üs am Flughafe allne zemme de Power gfehlt. 🥱 Bim Check In Schalter sind üs den aber alli Sicherige durrebrennt wommer erfahre hend wie viel Kilo üsi Gepäckstück zuegno hend.😂 Bääääm, dNicole oder bessergseit ihres Gepäck het nur 3 kg zuegnoh, uf das abe het si grad no schnell en Moove am Check In Schalter heregleit.💃💃Chum meh hebe hemmer üs chöne wommer ghört hend dass dManu und ich insgesamt 19 Kilo meh im Gepäck hend. Frieeeends freuet eu uf üsi Souvenirs.🤦🏻‍♀️😂 Und au dasmal simmer bi de Sicherheitskontrolle hänge bliebe. Dasmal het nöd üses Sackmässer Alarm gschlage sondern de Nicole ihres übergrosse, superorganisierte Handgepäck mit ihrne 7 Necessairlis het pipelet.🚨😂 Zum eine het si no Aloe vera Créme wo si als Geschenk kauft het, müesse abghe und sNagelset mit Schärli und Nagelfile het si grad au chöne zrugglah.😆 Inere Stund, am 18:35 Uhr gats den uf üse fascht 10 Stündig Flug richtig Doha. Wer hätte das gedacht, mir hends no so guet mitenand dassmer sogar (naja gezwungenermasse😂) bim Heiflug no alli nebetenand i einere Reihe hocket. 😂✈️🥰🫰🏽Read more

    See translation
  • TravelerVietnam & Philippinen 2023
    Day 20

    Ankunft Manila. 🏘️

    October 6, 2023 on the Philippines ⋅ ☁️ 28 °C

    Bi de Ahkunft in Manila hemmer den uf Tafle vom Gepäcksband glueget und will de Abflugsort Coron nonig drufgstande isch simmer eifach irgendwo nochli hereghöcklet. Nach öppe 15 Minute isch den en Mitarbeiter vom Flughafe uf üs zuehcho und het gfraget öb öppert vo eus dJanine De Pizzol isch. Nachdem ich ihm das bestätiget han hetter gmeint dass üses Gepäck no als einzigs umelit und ers vom Gepäckband weggnoh het. Ups so doof, de Abflughafe isch mit Busanga & nöd mit Coron betittlet gsi & drum hend mit de uf de Tafle nöd gfunde.🤷🏻‍♀️ Nachdem mirs und au sFlughafepersonal ziemlich luschtig gfunde hend simmer den mitm Taxi is Festive Hotel gfahre worde. Da mir erscht am 14:00 Uhr hend chöne ihchecke, hemmers Gepäck ah de Reception abghe und sind zerschtmal öpis go esse. Für die einte hets en zMorge und für die andere eher en zMittag geh.🍇🍚 Ahschlüssend simmer chli dur Gasse gschländeret und sind den bimne spezielle Ihchaufzentrum mit luter Grümpel ahcho. Nach zwei, drü Läde hemmers den gseh und mir hends üs imne Kafi gmüetlich gmacht. Ahschlüssend simmer zrugg zum Hotel, hend üs frisch gmacht & sind den mitm Taxi i das mega Ihchaufszenter is Mall of Asia und hend üs endlich mit langersehnte, coole Souvenirs chöne ihdecke. Natürli hemmers sustige shoppe au nöd ganz chöne si lah und schlussendlich het jede no zwei, drü Ihkaufstäschene mithei treit.😆🎽👞👙 Es absoluts Shoppingparadis wo jetzt scho voll mit Wiehnachtsdeko & Christmas Music usgstattet gsi isch.🤦🏻‍♀️🎅Read more

    See translation
  • TravelerVietnam & Philippinen 2023
    Day 20

    slums and wealth, manila.

    October 6, 2023 on the Philippines ⋅ ☁️ 30 °C

    Au wenn Manila nöd unbedingt freiwillig als Destination uf üsere Reis staht, hemmer die 1.5 Täg i de Hauptstadt müesse in Chauf neh willmer morn vo da heiwärts flüget. Die 20 Millione Mensche Stadt wird praktisch vo keine Tourischte als sehenswert empfohle und drum hend mir si eigentlich au welle umgah.🤷🏻‍♀️ Manila isch im Verglich zu de vietnamesische Städt wie bischpilswis Hanoi oder Ho Chi Minh aber harmlos.🤭 Zum eine herrscht viel weniger Chaos uf de Strasse womits viel ruhiger und weniger hektisch isch, usserdem fahrets da au Autos & nöd nur Töff. Zudem here hupet si au nöd ständig wied Vietnamese. Als öffentlichi Verkehrsmittel fahret alti, fabigi, amerikanischi Büs wo no für es ganz es cools Bild uf de Strasse sorget. 🚌 Während en grosse Teil vo dere Stadt chum über dRundi chunt, in Slums und i purer Armuet lebt, stönd nur wenigi km entfernt 50 stöckigi höchi Wulchechratzer und sgröschte Ihkaufszenter vo de Philippine oder anderscht gseit, s’5t gröschte Ihchaufszenter vo de Welt. Es Ihkaufszenter ufme 20 Hektar grossem Gländ wo über 500 verschiedeni Ihchaufsmöglichkeite und zuesätzlich no Arztpraxene, Kinos, e Isbahn & Mueseen ahbütet.
    Die Gegesetz vo arm und rich sind eifach gewaltig.😣    Read more

    See translation
  • TravelerVietnam & Philippinen 2023
    Day 20

    off to Manila. 🦋

    October 6, 2023 on the Philippines ⋅ ☁️ 26 °C

    Am 06:30 Uhr isch dFahrt zum Flughafe Busuanga in Coron losgange. Als chline zMorge hemmer vom Hotel no es paar Töstli uf de Weg becho. Nachere halb Stund hemmer de chli, verlassnig Flughafe erreicht und mir sind nebscht em Flughafepersonal die einzige Lüt a dem sogenannte Flughafe gsi. Dur das hemmer weder bim Check In no bi de Sicherheitskontrolle müesse ahstah. Wills aber eso en altmodische Flughafe gsi isch, und bi dene 6 Check In Schalter sogar no alles uf Papier gmacht worde isch, hemmer bim ihchecke fascht 15 Minute gha bissmer sGepäck mal hend chöne ufghe. sGepäck hemmer no zuesätzlich müesse zahle, aber sluschtige isch, dassmer nöd mit de Charte zahle chan, aber wemmer den Bargeld git, chönds weder useghe no wächsle.🤔💴 Um die 9ni ume simmer den abghobe und nach bizzli meh als ere Stund hemmer de Flughafe i de Hauptstadt erreicht.🇵🇭Read more

    See translation
  • TravelerVietnam & Philippinen 2023
    Day 19

    Al Fresco. 🍔

    October 5, 2023 on the Philippines ⋅ ☁️ 29 °C

    Nach dene 40 Minute Fahrt simmer den wieder im Hotel ahcho und hend denn zersch emal e Duschi gno und üs die dick, fettig, vietnamesisch Sunnecreme vom Körper gfäget.🤡 Nachdem mir no bizzli umegfuhlet sind simmer den los is Al Fresco Restaurant go zNacht esse. Willmer no so früeh drah gsi sind simmer die einzige slüt i dem schöne Reschti gsi. Nachdem viele Ris & de verschiedene Nudle bruchmer hüt wiedermal e anderi Konsistenz & Gschmacksrichtig. En feine, gschmacksvolle Vegiburger isch üs mit schlabrige, dünne, eher gschmackslose Pommes Fritli serviert worde.😂🍟 Nachem zNacht isches zrugg is Hotel gange, wo den packe ahgseit gsi isch. Nach knappe 15 Minute sind den dManu und ich fertig gsi und dNicole het e Stund spöter immerno ihri Chleider gfalltet. Dementsprechend sind dRucksäck au ziemlich unterschiedlich und mitere andere Ordnig ihgrumet worde.🤪 De Hunger het üs den nomal packt, aso ja eher dManu und ich mich, und drum isch den dManu nomal schnell los is Städtli und het üs mitere extra Portion Abigfrittlis versorget.🙈😂Read more

    See translation
  • TravelerVietnam & Philippinen 2023
    Day 19

    Cabo Beach. 🌞

    October 5, 2023 on the Philippines ⋅ 🌧 28 °C

    Wo hüt am Morge dSunne durs Fenschter duregschunne het, hemmer üses Glück fascht nöd chöne fasse.🌞 Hüt isch üse letscht Tag da am Meer und drum isch für üs klar gsi, dassmer so schnell wie möglich an Strand möchtet. Nachem zMorge hemmer üs ah de Reception informiert wele Strand am nöchschte lit und wiemmer döt hi chömet. De Cabo Strand lit 40min entfernt und mir hend dMöglichkeit entweder mitm Tricycle oder mit em Töff döt hi zgha. Churz drufabe simmer den mitm Tricycle richtig Strand gfahre. Über holprigi, nöd teerrti Nebegässli voller Stei und Schlamm simmer durs vermuetli ärmschte Viertel vo Coron, richtig Beach gfahre. Dasses kein Strand für Tourischte sondern eher für die Ihheimischi isch, hemmer den bi de Ahkunft gmerkt. Au wenns en sand/chis Strand gsi isch isch das versteckte Strandplätzli uh gmüetlich gsi da mir nebet 3,4 ihheimische au schön üse Friede gha hend.🌴 s‘Tricycle hettmer maximal für 3h Strandufenthalt chöne bueche. Währenddem de Tricyclefahrer i sim Chärreli ine gschlafe het, hend mir üs i dem bisiwarme Meerwasser „abküelt“. Sisch mega herzig zgseh gsi wie vier chlini Chind während dene drü Stund eifach nur miteme Stück Styropor und emne Stecke im Wasser gspielt hend. Keis Spielzüg, kein Ball und au kei Luftmatraze eifach nur es Stuck Abfall und trotzdem hends eso zfriede und überglücklich gwürkt.♥️ Churz bevor üsi drü Stund verbi gsi sind hemmer gseh, wie sich de Himmel vom blaue is graue und scho fascht is schwarze verfärbt. Mir hend üses Züg zemmepackt, sind is Tricycle ihgstige und nach knappe 5 Minute Fahrt hets den wieder wie us Chüble abegleert. Unglaublich wie schnell sich so viel Wasser uf de Strasse ahgsammlet het.Read more

    See translation
  • TravelerVietnam & Philippinen 2023
    Day 18

    Shipwreck, Corals & Rain.

    October 4, 2023 on the Philippines ⋅ 🌩️ 29 °C

    Während dem mir das versunkene Schiffsfrack unter Wasser betrachtet hend hemmer gmerkt dass dWälle immer stärker und stärker werdet. Plötzli simmer den zrugg ufs Boot grüeft worde und den isches keini 2 Minute gange und shet für knappi 5 Minute abeglärt wie us Chüble.💦 Das Boot isch weder mit Fenschter no mit Blachene oder sust öpisem usgstattet gsi und drum hets voll unders Deck gregnet und es isch vo Kopf bis Fuess übers Gepäck und Tüechli alles plutschnass worde.🌧️ Zerscht hemmer gmeint dInseltour muss wegem Wetter abbroche werde aber den isches nacher no witers zumne Lagoon gange. DManu und ich sind scho so bequem im pflutschnasse Tüechi ihgwicklet gsi, drum hets üs nümme ahgmacht is Wasser gha obwohl sWasser wärmer als dLuft gsi wär. Üse Oberschnorchler het aber nomal e Rundi durs Lagoon gmacht und nach knappe 40 Minute isches den retour richtig Hafe gange. 🛥️ Nachdem mir üs under de Duschi wieder ufgwärmt hend ischs los richtig zNachtesse gange. Über die komische, knackige Nudle hemmer no paarmal chöne lache obwohls eigentlich gar nöd schlecht gsi sind.🍜😂Read more

    See translation
  • TravelerVietnam & Philippinen 2023
    Day 18

    Coral Garden. 🪸

    October 4, 2023 on the Philippines ⋅ ☁️ 30 °C

    Wo die frischgfangene Fisch, sGmües, sFleisch und alli Zuetate zuebereitet und ahgrichtet worde sind, hets den en feine zMittag undermne gmüetliche Unterschlupf direkt am Strand ghe.🍚🐟Ahschlüssend hend mir d’Zit nochli mit bade verbracht und den isches nachere knappe Stund witers richtig Coral Garden gange.🪸 Da hemmer den üsi Taucherbrülle & dSchnorchel nomal montiert und sind i die schön Unterwasserwelt zu dene viele verschiedefarbige Fisch & de vielfältige Koralleriff ihtaucht.🪸🐡Read more

    See translation
  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English