Maui County

Good morniiing Maui 🥰 nachere wunderbare Nacht in Hana simmer mit eusem Jeep wieder in Norde ufbroche und hend dank euesem Uncle Shaka alli notwendige Spots ufem Weg det here dureglüüüüst. Leider hemmer all eusi 4 volle Wasserfläsche im Hotelzimmer vergesse (Misskommunikation) und uf dem 2.5 h Weg gits chum irgendwas zum chaufe, usser Bananebrot und Früchtesmoothies 😅 aber es chlises Wasser für 3.50 Dollar hetts doch no geh… z‘Morgeesse hett wie folgt usgseh; Bananebrot, Hibiskustee, Kokosnuss, Pouletbrüstli, Spareribs, Kokosnuss Innelebe, Kaffi und Mango Smoothie. Sehr eh abentürlichi Reihefolg 🤣 devor hemmer en Black Sand Beach (us Lavastei vomene ehemalige Vulkanusbruch) und nacher en Lava Tunnel (natürliche 1 km Weg unterirdisch durch ehemaligi Lava) besichtigt. Wieder e unglaublichi Natur uf Maui. Ahschlüssend inen Süesswasser Pool go abchüehle miteme schöne Wasserfall, hend eus lufttröchnet ih eusem Cabriolet-Jeep, denn erneuts früsch bachenigs Bananebrot gesse bi Aunty Sandy, en chline Trail zumene Regeboge Hibiskus wo wie bemalet usgseht gmacht, eus erneut e Abchüehlig bide Twin Falls gönnt und wiitere mehrere spektakuläre Highlights ahglüüüst - jedes einzelne Mal hemmer euses Jeep Dach müesse uf und ab baue - de HPS het dadebi echt e Sporteinheit an Tag gleit 🤣 und eeendlich nach 9 Stunde simmer i eusem Hotel in Maui ahcho, womer jetzt 4 Nächt bliebet 😊 en wunderbare Namittag/ Abig mit eusem erste Burger überhaupt uf Hawaii (und das isch echt e Kunst) hemmer erlebe derfe, zeme mit Live Musik und super guete und lustige Gspröch 🥹 etz gömmer ab go schleeeeseeee und seget; bis deeeeheeeennn 🤘🏼 (die Hand isch übrigends ganz populär da in Hawaii; Hang loose. Das passt zu jedere Situation da. Aber vorallem fürs Danke sege, zum Biispiel wenn dir es Auto de Vortritt laht oder uf d‘Siite fahrt, zum ihn z‘überhole 🤣) Shaka! 🤘🏼Read more