Reset search
Kanada en Alaska 2018
  • Marise Malherbe
  • Marise Malherbe

Kanada en Alaska 2018

Ouma is hierdie jaar 84 en wou nog altyd Alaska toe gaan. So nou gaan ons. Read more
FollowInsightsInsightsCalendarCalendarPhotosPhotosShareShareBucket list
Newest first
  • Trip start
    August 23, 2018
    Marise MalherbeKanada en Alaska 2018Marise Malherbe
    2

    Die reis tot in Kanada

    August 23, 2018 in Switzerland ⋅ ⛅ 25 °C

    Ons het 23 Aug gevlieg van JNB af om 19:25, nadat ek 15:30 eers ons paspoorte met Kanadese visas gekry het by die ambassade (met baie mooi praat en oortuiging). Gelukkig het tannie Sarie vir ouma, wat al van 11:00 op die lughawe sit, mooi opgepas. Hulle het ouma in 'n rolstoel gesit en oral heen gestoot, wat alles baie makliker gemaak het. Ons het al die lyne geskip en is eerste in die vliegtuie laat ingaan (die hele trip tot in Kanada). By JNB en Zurich het ons in die lounge gaan wag. Beide vlugte was omtrent 10ure elk. Alles het heel glad verloop.Read more

    See translation
  • Marise MalherbeKanada en Alaska 2018Marise Malherbe
    3
    22

    Ons kom by Bets-hulle aan

    August 24, 2018 in Canada ⋅ ⛅ 16 °C

    Die hele proses deur immigrasie in Vancouver was heel maklik. Ons moes net detail intik en foto's neem op 'n rekenaar en na sekuriteit gaan, waarna ons, ons bagasie gaan haal het en na die treinstasie ('Skyline' - werk basies soos Gautrein) is wat ons na die busstasie geneem het waar ons die bus gekry het na die Ferries toe. Oral langs die pad is blomme op die sypaadjies. Die mense was heeltyd hulpvaardig langs die pad en het ons gehelp met ons bagasie en geselsies aangeknoop. By BCFerries het ons die ferry gevat van Tsawwassen na Swartz Bay. Die ferry het ouma se verwagtinge oortref, in haar gedagtes het sy die prentjie van 'n hout 'vlot' gehad wat een kar op 'n slag oor die water neem, soos by Vic falls in Zimbabwe. Sy kon nie glo die groot 'gebou' gaan op die see ry en ons eiland toe neem nie. In die ferry het ons in die Pacific buffet restaurant gaan sit waar ons als mooi kon sien en lekker eetgoedjies kon geniet. Ons het ook orca's oppad gesien. Oral langs die 'pad' is eilande met huisies teen die see. By Swartz bay het Bets, Paul en Cordel ons kom kry. Baie drukkies en trane later is ons toe huis toe. 3 jaar is 'n baie lang tyd en dit voel nog steeds onwerklik om hulle te sien. Oppad huis toe het ons by Tim Horton's gestop vir 'n koffietjie en maple doughnuts en pastries. Amazing!!! Ons is toe na 'n 'lake' naby hulle huis waar mense glo salm vang. Hierdie was die eerste plekke waarheen hulle gegaan het toe hulle op die eiland gekom het. Ons is toe na hulle huis toe, wat tussen klomp bome en natuurskoon is. Chrissa het toe van die werk (ja, sy werk by 'n wynplaas, ek kan dit nie glo nie) af gekom en weer 'n tranedal veroorsaak. Paul het 'n vleisie gebraai en daarna het ons gaan slaap - pootuit, maar erg tevrede.Read more

    See translation
  • Marise MalherbeKanada en Alaska 2018Marise Malherbe

    Verken die eiland

    August 25, 2018 in Canada ⋅ ☁️ 14 °C

    Ouma het vroegoggend 'n stappie gevang in die tuin en die wêreld gaan verken. Paul het vir ons lekker ontbyt gemaak (dis altyd 'n bonus om by 'n chef te kuier). Ons het Bets-hulle se nuwe huis gaan kyk daarna. Daar is 'n massiewe boom wat hulle opsaag en meubels van gaan maak. Die boom het mierskade gehad onder en sou omval so toe moes dit afgekap word. Die huis is amper klaar. Dis 'n ongelooflike huis. Daar is nie woorde om dit te beskryf nie! Dis teen 'n dennewoud, wat grens aan die see. Die huis is bo-op 'n koppie, so mens se uitsig is die woud en see, en op 'n mooi dag, die berge in Amerika. Die huis is massief en erg mooi binne. Droomhuis. Ons het toe gery via 'n indiaan (first nations) village om Cordel se hokkie te gaan kyk. Dit was proewe vir die eiland span. Sy het so goed gespeel. Aandete was Wendy's burgers, want mens moet dit ten minste een keer eet terwyl mens in Kanada of Amerika is. Dit was nog lig tot amper 21:00 so ons het toe rondgery verby die strand na Sooke (die volgende dorp) en na stroompie toe om bere te soek, want ek wou 'n beer sien. Ons het net spore gesien uit die water uit, ongelukkig (volgens hulle, gelukkig). Langs die strand is oral voël beelde wat uit dryfhout gemaak is. Paul het ons gaan wys waar die salm gewoonlik inkom wanneer dit gereën het en hoe salm gewoontes werk. Daar is verskillende salm uit die Pacific. Die stroom waarheen ons gister was is waar Chum salm 'broei'. Hulle lewe net 4 jaar. Salm kom altyd terug na die stroom waar hulle gebore is om hulle eiers te lê en gaan dood na die eiers gelê is. Pienk salm kom net elke 2de jaar terug.Read more

    See translation
  • Marise MalherbeKanada en Alaska 2018Marise Malherbe
    2

    Rustige eiland dag

    August 26, 2018 in Canada ⋅ ☁️ 15 °C

    Vandag was net 'n rusdag so voor die Banff toer begin. Cordel het vanoggend weer hokkie gespeel. Daarna het ons Mariet (tannie Jo se kleindogter) gekry vir 'n koffietjie in die stad na ons by die kinders se skool verby gery het. Paul het bobotie gemaak en ons het gou gaan ry na ete sodat ek kan gereed wees om more met die huurkar Banff toe te ry aan die regterkant van die pad. Ons het klomp bokkies gesien en 'n vinnige draai gemaak by die strand. Vandag was baie administratief en ek het die finale vlugte en aktiwiteite se reëlings afgehandel. More is dit vroeg opstaan en Vancouver toe om die kar te kry.Read more

    See translation
  • Marise MalherbeKanada en Alaska 2018Marise Malherbe

    Roadtrip na Banff

    August 27, 2018 in Canada ⋅ ☁️ 17 °C

    Ons het douvoordag opgestaan en ferry toe gegaan om 'n kar te gaan haal by die lughawe in Vancouver. Op die ferry het ons weer Pacific buffet breakfast geëet. Ouma is erg beïndruk met die ferry en ete storie. Volgens haar is dit die ideale manier om gaste te bederf as hulle kom kuier ('n trip op die ferry met 'n buffet), dis volgens haar volmaak. Sy beveel ook aan dat alle dokters oorlaaide pasiënte soontoe stuur vir ontspanning. Verder het sy besluit, sou ek haar per ongeluk daar los, gaan sy 'n werkie kry op die boot en heen en weer ry. Sy is gelukkig tans nog werkloos en van die boot af. Van die lughawe af het ons gery (aan die regterkant van die pad nogal - vir almal wat bang is, dis glad nie so erg nie, mense maak 'n baie groter ophef daarvan as wat dit verdien) tot in Revelstoke, waar ons so 23:30 aangekom het. Ons bly by Mulvehill en dit lyk baie mooi, maar ons sal more verken. Dis teen 'n meer en mens hoor die water. Oppad het ons by Bridal falls gestop en in die begin van die bos gestap, maar nie tot by die watervalle nie, want ons tyd was baie beperk. Ons het toe, oppad na Kamloops, by Fountainview academy aangegaan. Ouma is mal oor hulle musiek, so toe koop sy 'n cd en DVD en ons kry 'n toer van die plek. By Kamloops het ons kos gekry en ek het self (vir die eerste keer) petrol (of soos hulle sê, gas) in die kar gegooi. Ouma het gedink dis baie snaaks, want volgens haar was my gesig baie gespanne. Oe, mens kry ook drive thru banke/atm's hier. Ons het toe uiteindelik veilig in Revelstoke aangekom na baie ure, en is nou pootuit.Read more

    See translation
  • Marise MalherbeKanada en Alaska 2018Marise Malherbe
    1

    Banff en die mere

    August 28, 2018 in Canada ⋅ ☁️ 12 °C

    Ons het rustig opgestaan en ontbyt geëet by die plek waar ons gebly het. Ouma het 'n stappie gevat en foto's gaan neem. Daar was 'n plaag van muskiete toe ek my kop by die deur uitsteek, so ek het net gehardloop, foto's geneem en terug gehardloop. Daarna het ons gery na Lake Louise, foto's geneem en verder gery na lake Minnewonka, waar ons op 'n cruise gegaan het. Die kleur van die water is turquoise agv die gletsers. Dis een van die grootste mere in Banff, omtrent 28km x 1km x 80m. Na die cruise het ons na Sulphur mountain gegaan waar ons met die Gondola gery het tot bo-op die berg. Die natuur was al die pad asemrowend. Ons het toe gekom tot in Calgary, waar ons vanaand en moreaand slaap.Read more

    See translation
  • Marise MalherbeKanada en Alaska 2018Marise Malherbe
    1

    Gletser en skywalk

    August 29, 2018 in Canada ⋅ 🌧 3 °C

    Ons het vroegoggend gery sodat ons betyds kan wees vir ons 12:45 gletser avontuur op mt Athabasca. Ons het met 'n bus gery tot by die 'all-terrain vehicles'. Daar is 24 van hulle in die wêreld. 22 is by mt Athabasca en 2 is op Antarktika. Die gletsers beweeg heeltyd, tussen 'n cm en 'n meter 'n dag. Die wrywing met die aarde maak dan 'rock flour' wat veroorsaak dat al die mere so turquoise is soos dit saam met die water afloop. Ons het gery met die all-terrain vehicle tot op die gletser en daar afgeklim en rondgeloop. Dit was baie glad, so ouma het foto's geneem en toe weer ingeklim. Hoër op op die gletser het die wind gewaai en dit was 'n reënerige dag, so dit was baie koud en nat... maar die moeite werd. Daar is gate in die gletser waar water val ('n mill) wat tot 100 meter diep kan wees, maar dis baie mooi. Die donker dele op die foto's wat lyk soos die onderkant van die berg by die gletsers is eintlik ys. Bome het net 30-60 groei dae per jaar by die gletsers so bome van omtrent 400 jaar oud lyk nog na jong boompies. Na die gletsers het ons die skywalk gaan doen. Dis 280m hoog met 'n glas dek. Die dek kan 2 boeing 747's se gewig hou, of 'n paar duisend bere of 'n paar miljoen eekhorings. Daar is baie bome wat doodgaan a.g.v. miniature beetles. Daarna is ons Sylvan lake toe en het by dr Elsabé-hulle gekuier. Sy het ons die dorp gewys, haar kliniek en noodeenheid en daarna het hulle die lekkerste salm gemaak vir aandete. Ouma meen dit was die hoogtepunt van die dag. Ons het nog niks wilde diere gesien nie, maar ons hou maar nog ons oë oop.Read more

    See translation
  • Marise MalherbeKanada en Alaska 2018Marise Malherbe
    1

    Reis missions

    August 30, 2018 in the United States ⋅ ☁️ 19 °C

    Lang dag. Mens moet glo vroeër in-check by die lughawe as wat mens jou bagasie ingee hier. Wat ek nie geweet het nie. Ons is toe letterlik 6 min laat daarvoor omdat ons die huurkar moes teruggee en nie die plek kon kry nie en moet toe ons vlug skuif. Daar is toe net plek vir 1 op die volgende vlug na Victoria. Ons vlieg toe Vancouver toe, net om uit te vind die ferries na Seattle (vanwaar ons vlieg na Alaska) werk nie vandag nie. Ons kry toe gelukkig 'n vlug van Victoria na Seattle, maar arme Betsie het al ons goed by die huis gelaai en ons opgetel by die Vancouver ferry en direk lughawe toe gevat, waar ons vinnig ons goed moes oorpak en in-check. Ons het met 'n klein vliegtuigie gevlieg Seattle toe, maar dis baie oulik en ek hou meer van dit. Van Seattle af het ons toe gevlieg na Anchorage waar ons 'n regte geel taxi gery het tot by ons verblyf. Ek sit 'n paar bonus foto's op van Banff, want vandag was net reis.Read more

  • Marise MalherbeKanada en Alaska 2018Marise Malherbe
    11

    Seward en die gletsers

    August 31, 2018 in the United States ⋅ ☀️ 15 °C

    Cristina van Mexico het ons by Qupqugiaq opgelaai en gevat na waar die bus ons gekry het. Sy is die Lyft bestuurder gewees - dit werk basies soos uber. By die bus het hulle ons tasse ingelaai en ons het gery na Seward (mens sê dit soos Stuart sonder die eerste T). Ons het ingecheck vir ons gletser toer en toe bietjie rondgeloop in die winkeltjies. Die gletser toer het 11:00 begin en ons het net na 17:00 teruggekom. Ons het orcas, seeleeus, puffins en see-otters gesien. Vir middagete het hulle buffet Salm en Primerib gegee, net na ons deur die gulf of Alaska is. Na ete het ons by die gletsers aangekom en rond gedobber en gesien hoe 'n paar klein stukkies 'calve'. Daar was 'n groot stuk wat besig was om af te breek, maar dit het te lank gevat. Die hele toer lank het 'n park 'ranger' (Lynne) kommentaar gelewer en inligting gegee. Hulle het toe margaritas (en ook sonder alkohol) bedien wat met gletser ys gemaak is. Die shuttle het ons toe gekry en gebring na die Windsong Lodge waar ons vanaand slaap.Read more

    See translation
  • Marise MalherbeKanada en Alaska 2018Marise Malherbe
    1

    Sled dog en Alaska railroad

    September 1, 2018 in the United States ⋅ ☀️ 14 °C

    Ons het begin met 'n lekker laat oggend. Ons het 10 uur met die shuttle ingegaan dorp toe en bietjie rondgeloop. 11 uur het ons toer begin met 'n klein bietjie geskiedenis oor Seward en toe is ons Idadaride toe, waar Seavey se Iditarod sleehonde is. Sy pa en sy seun ry ook. Hy, Mitch Seavey, het in 2017 die resies gewen, en ook die wêreldrekord gebreek. Hy het die meer as 1000 myl in 8 dae, 3 ure en 47 minute klaargemaak. Hulle slaap saam met die honde buite en maak kyk alles van elke hond deur elke keer wat hulle stop. Die honde is Alaska huskies, nie siberian huskies soos wat almal ken nie. Hulle is vinniger en kleiner as siberian huskies. Hulle oorsprong, omtrent 30 generasies terug is van straathonde uit Seattle wat gestuur is om werk te doen. Die resies word gehardloop met maksimum 14 honde en mag nie vervang word nie, so as hulle seerkry of siek word, word hulle uit die span gehaal. Hulle oefen nou al vir volgende jaar se resies in Maart. Die Seaveys is baie bekend en het vir 6 jaar in 'n ry gewen. Na die honde het ons middagete by Resurrection restaurant geëet en daarna is ons Exit Glacier toe. Oppad daarheen het ons 'n arend in haar nes met kleintjies gesien. Ons het ook 'n swart beer in die pad gesien. By exit glacier het ons gestap tot mens die gletser mooi kan sien en toe het ons teruggery en deur Seward gery. Daar word omtrent elke jaar 'n groot 'mural' geverf en Seward is bekend daarvoor. In 1964 was daar 'n baie groot aardbewing, 9.2. Dit is glo die tweede grootste een wat nog aangeteken is. Daarna was daar 'n tsunami in Seward en geen huise mag nou teen die water gebou word nie. Ons is toe met die alaska railroad trein terug Anchorage toe. Ons het baie gletsers gesien, een volkaan, 2 takbokke en waar 'n dorpie was wat met die aardbewing heeltemal weggesink het. Ons het ook naby Anchorage vinnig beluga walvisse gesien. Almal op die toer het ouma gelove en noem haar grandma. Sy het die een vietnamese meisie amper met die stapstok geslaan toe sy iets anders wil doen, toe sê die meisie 'whoa, grandma, I only met you now'. Ouma se blus is uit so slaap sy al.Read more

    See translation
  • Marise MalherbeKanada en Alaska 2018Marise Malherbe

    Rit na Denali

    September 2, 2018 in the United States ⋅ ☁️ 8 °C

    Ons het vanoggend op die trein geklim na Denali park toe. Die toergids het heeltyd inligting gegee langs die pad. Daar is mens wat heeltemal 'off the grid' bly en hulle enigste vervoer is die trein. Daar is 'n ooreenkoms dat hulle enige tyd die trein kan stop waar hulle bly. Ons het Denali mountain gesien oppad. Net 30% van mense wat na Alaska kom sien hom omdat hy so hoog is (die hoogste in Noord-Amerika) en basies sy eie weersisteem het. Ons het laatmiddag by Denali cabins aangekom en gaan vanaand net rustig wees. Ouma wil net heeltyd herfsblare en klippe afneem en wil nie hê ek moet haar afneem nie, so ek het nou maar die hele storie afgeneem. En ek sit weer 2 bonus foto's op, want ons het maar net gery vandag.Read more

    See translation
  • Marise MalherbeKanada en Alaska 2018Marise Malherbe

    Denali park en natuur toer

    September 3, 2018 in the United States ⋅ ⛅ 10 °C

    Ons het 07:00 met die shuttle na Park Village gegaan waar die bus ons opgetel het vir ons 'natural history tour'. Ons het gery na 'n hout 'cabin' waar mense in vroëer jare oorgeslaap het terwyl hulle met die sleëhonde gery het om voorraad aan te dra of te soek vir stropers. Daar het eenkeer 'n 'musher' met sy honde gery en in ys ingeval, met die slee en al die honde, behalwe die lei-hond, want hy was beseer en het los saam gehardloop. Toe die jond dit sien het hy begin blaf en krap en spring op die ys sodat die ander honde moet probeer uitkom. Hulle het toe sy voorbeeld gevolg en almal, met die slee en die musher uitgetrek. Ons het ook 'n uil by die huisie gesien. Daarna het ons verder deur die park gery en Steve, ons gids, het ons vertel van gebruike vir verskillende plante. Hy het 7 jaar in 'n 'native village' gebly. Ons het weer vir mount Denali gesien. Daarna het 'n Athabascan meisie ons kom vertel van die indiane se kultuur en geskeidenis. Oppad terug het ons 'caribou' gesien. Dis 'n soort takbok. Ons het toe rondgeloop by die visitor centre en daarna 'n sleehonde vertoning gaan kyk. Hulle is groter as die resies honde want hulle moet swaar goed rond sleep. Hulle is die enigste sleehonde wat nog werk, want Denali is 'n wilderness park, wat beteken die mens is net 'n toeskouer en mag geen voetspoor los nie. Dus kan hulle nie sneeumasjiene, ens gebruik nie. Dis ook glo makliker om meeste plekke met die honde te beweeg. Hulle vat gewoonlik goedere in die winter na 'n plek waar dit dan in die somer gebruik word, bv voorraad vir die bou van 'n brug. 'n Groot deel van Alaska se grond is permafrost, wat beteken die grond onder die heel boonste lagie is permanent gevries. Baie min plante kan dus daar groei. Van die honde af het ons teruggegaan hotel toe en toe het ons in down town gaan rondloop en huis toe gekom.Read more

    See translation
  • Marise MalherbeKanada en Alaska 2018Marise Malherbe

    Reis na Fairbanks

    September 4, 2018 in the United States ⋅ ☁️ 8 °C

    'n Bussie het ons vanoggend kom oplaai en Fairbanks toe gebring. Ons bly in 'n kothuis teen die Cheena rivier. Daar het netnou 'n dooie boom (nie stomp nie) afgedryf verby ons huis so die rivier loop nogal sterk. Ons het 'n kar gaan huur en visitor centre toe gegaan. Daar is baie goeie uitstallings van vroëer lewe in Alaska. Ons het toe WalMart toe gegaan en kos gekry vir more se toer. Nou gaan ons lekker vroeg slaap, want more moet ons 05:00 al ry. Die hotel het 'n lys van gaste wat hulle moet wakker bel as mens die noorderligte kan sien, so hulle sal ons bel, maar dis dig bewolk en reën tans.Read more

    See translation
  • Marise MalherbeKanada en Alaska 2018Marise Malherbe
    2
    1

    Noordpoolsirkel en verder Noord

    September 5, 2018 in the United States ⋅ ☁️ 7 °C

    Ons was vanoggend 05:30 by die North Alaska Tour Company vir ons 'Arctic circle fly/drive experience'. Ons het gery op Dalton highway, wat basies soos Suid-Afrika se paaie lyk, slaggate en grondpad en teerpad gemeng. Dit was aanvanklik net 'n pad vir die olie maatskappy, maar is toe oopgemaak vir die publiek. Baie min mense gebruik egter die pad, behalwe die trokke. Dit loop al langs die olie pyplyn. Dié het 3 jaar en 2 maande gevat om klaar te maak en vervoer olie van Prudhoe baai deur Alaska. Dis baie interessant, die olie in die pyp is warm, alhoewel die pyp as isoleerder dien. Gevolglik kon meer as 400 myl van die meer as 800 myl lange pyplyn nie ondergrond gebou word nie... die permafrost (grond wat permanent gevries is vir 2 of meer agtereenvolgende jare, waarvan meer as 80% van Alaska se grond op verskillende dieptes bestaan) sou smelt en dus te onstabiel wees. Hierdie dele is bo grond gebou, maar voorsorg moes getref word vir beweging ens. Ons eerste stop was by Joy, Alaska. 'n Gesin het hier vir hulle 'n huis gebou. 'n Ander gesin het ook 'n paar jaar later daar gaan bly. Die kinders het 'n lemonade stalletjie begin vir die trokke wat verby kom en begin geld maak so. Die pa het toe 'n winkeltjie ook oopgemaak. Die volgende stop was Yukon river camp, waar mense middagete kon bestel. Dis langs die Yukon rivier, wat amper 'n halfmyl breed is en vroëer as vervoer medium gedien het in die somer, en waar voertuie oorgery het in die winter. Daarna is ons Noordpoolsirkel toe, waar ons oor die 'lyn' geloop het en 'n sertifikaat gekry het wat sê dat ons daar was. Die laaste stop was in Coldfoot, wat nog verder Noord lê. Dis 'n klein winkeltjie, vulstasie, inligtingsentrum en oornagverblyf. Dit was vroëer, in die goud jare, groter, maar almal het na Wiseman getrek toe hulle meer goud daar ontdek het. Ons sou van hier af terugvlieg, maar die weer was te sleg, so ons moes toe terugry met 'n ander bussie. Ons kom toe eers 00:00 terug in Fairbanks. Ons het net gaan pak en toe vinnig via die Noordpool, waar ons gou na Santa Claus house en sy lewendige takbokke gaan kyk het, alhoewel dit toe was, lughawe toe gekom.Read more

    See translation
  • Marise MalherbeKanada en Alaska 2018Marise Malherbe

    Victoria en Butchart gardens

    September 6, 2018 in Canada ⋅ ☀️ 17 °C

    Ons het direk van die Noordpool af lughawe toe gery (mens kan nie 2 vlugte in een vakansie mis nie). Arme ouma het niks geslaap behalwe die bietjie op die bus gisteraand nie, maar sy sit mos sommer net so regop en dan sak die kop vooroor en sy slaap rustig. Ons het toe Victoria toe gevlieg, waar Bets ons kom haal het en Butchart gardens toe gevat het. Dit was iemand se tuine en word nou in stand gehou deur 'n kommittee. Daar is soveel detail, water, kleur en verskeidenheid, dis eintlik oorweldigend. Ons het toe na Chrissa se werk gegaan waar ons wyn (in ouma se geval, pynappel gegeurde sodawater) geproe het. Sy is mal oor haar werk en doen baie goed. Ons het toe vir Cordel en Matthew by die skool gaan oplaai en gaan kyk hoe Matt sokker oefen. Ons is toe huis toe waar Paul vir ons Giouvetsi gemaak het vir aandete (hoogtepunt, want dis my gunsteling).Read more

    See translation
  • Marise MalherbeKanada en Alaska 2018Marise Malherbe

    Craigdarroch en Miniature world

    September 7, 2018 in Canada ⋅ ⛅ 17 °C

    Ons het vir Cordel dokter toe gevat en toe terug skool toe. Hulle het 'n berg gaan uithardloop vir hokkie (of so iets). Ons en Chrissa (want sy het net een klas die oggend gehad) het toe dorp toe gegaan en Beavertails (dis 'n soort nagereg) geëet. Bets is toe bank toe en ek, ouma en Chrissa het deur Miniature world gaan stap. Daar is miniatuur uitstallings van oorloë, hoe 'n hout fabriek werk, feëverhale en nog baie meer. Dit was baie interessant. Daarna het ons en Betsie na Craigdarroch kasteel gegaan, wat gerestoreer is om mens 'n kykie in die lewenswyse van ryk mense in die ou tyd te gee. Dit was ongelooflik mooi, alhoewel Chrissa nooit daar sal wil bly nie. Ons het toe vir Cordel en Matthew gaan oplaai en by tannie Susan (Paul se tannie) en oom Jonn gaan eet.Read more

    See translation
  • Marise MalherbeKanada en Alaska 2018Marise Malherbe

    Sport, huis en kuier

    September 8, 2018 in Canada ⋅ ⛅ 15 °C

    Ons het Cordel se hokkie gaan kyk en daarna vir Chrissa gaan haal en haar hokkie gekyk (2 klein kampioene). Ons het toe weer na Bets-hulle se huis gery en gaan kyk hoe hulle gevorder het met die bouery... en ek het 'n 12 minute video gemaak van die huis (want dis hoe lank dit vat om als te verduidelik). Die elektriese- en waterwerke is ongelooflik. Daar is 'n hele kamer net vir dit. Paul en Bets het vir ons Matteson lake gaan wys. Ons het toe net rustig by die huis gekuier, waarna ek en Chrissa en Cordel ietsie gaan eet het by My Chosen Cafe, en bietjie 'girls night' gehad het. Ons het maar net gepak en klaargemaak om te slaapRead more

    See translation
  • Marise MalherbeKanada en Alaska 2018Marise Malherbe

    Laaste dag in Kanada

    September 9, 2018 in the United States ⋅ 🌧 15 °C

    Ons het heerlike ontbyt pita's gehad wat Paul gemaak het, chef style. Chrissa is toe werk toe en ons het gery om Matthew se sokker te gaan kyk. Hy speel VIPSL (een of ander premier league of so iets), maar hy is mal goed. Bets het ons toe afgelaai by die ferry (groot tranedal - nie ouma nie). Op die ferry het ons poutine geëet, want mens kan, volgens Betsie, nie Kanada verlaat sonder om dit te geproe het nie. Dit was vandag Metchosen dag (die area waar Bets-hulle bly). Chrissa het vandat hulle daar aangekom het elke jaar die 5km hardloop gewen (natuurlik). Matt het die eerste jaar (net 'n week na hulle om Kanada aangekom het en nie weet wat gaan vir wat nie) nooit by die einde uitgekom nie. Toe almal begin benoud raak sê Chrissa sy sal weer die roete hardloop en kyk waar hy kon verdwaal. Sy kry hom toe langs die pad, besig om bessies te eet. Dit het glo vir hom lekker gelyk en toe stop hy en eet bessies, vir langer as wat die resies aangehou het. Ons het toe lughawe toe gegaan en gevlieg tot in Seattle en is nou oppad New York toe.Read more

    See translation
  • Marise MalherbeKanada en Alaska 2018Marise Malherbe

    Johannesburg, South Africa

    September 10, 2018 in South Africa ⋅ ☀️ 16 °C

    Ons het in New York eers gewag vir my tas wat na 'n verkeerde belt gestuur is. Daarna het ons die lughawe shuttle gevat JFK toe deur New York. Dis baie groot, met baie verkeer, maar is presies soos dit op flieks lyk. Ons het toe huis toe gevlieg van JFK af vir meer as 14 ure. Oom Roelof-hulle het vir ouma gekry en laat incheck vir haar vlug Bloem toe, waar my pa en tannie Martli haar toe gekry het. Ons het 'n vinnige koffie en ontbyt by die Wimpy gekry saam met Pikkie en oom Roelof-hulle. Ek het verder met Pikkie gekuier en gaan incheck by die lounge en bietjie geslaap toe sy weg is. Nou is ek terug by die huis.Read more

    See translation
    Trip end
    September 11, 2018
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice