Reset search
WeltreisWeltreis
SatelliteEdit route

Weltreis

April - October 2018
A 175-day adventure by Sämy und Martina Read more
+6
  • 225footprints
  • 14countries
  • 175days
  • 1.1kphotos
  • 0videos
  • 65.0kkilometers
  • 53.8kkilometers
Follow Calendar Share Bucket list
Date ascending
  • TravelerWeltreis
    Day 16

    HillsNek Safari in Amakhala Game Reserve

    May 4, 2018 in South Africa ⋅ ⛅ 14 °C

    Ab hüt Mittag gniessemer eusi 48h Luxus Safari, in dr HillsNek Lodge in dr Amakhala Game Reserve, en relativ chline Park nebed Addo Elephant NP (btw, chli heisst 8'000 Hektare...) es isch eifach traumhaft da, mer hend es riesigs Zelt mit allem Komfort (inkl. Badwanne und elektrische Heizdechi für die chalte Nächt), super Esse und jede Tag 2x 3h Safari mit eignem Guide... herrlich! Bim hütige Abig-Drive hemmer au zum erschte Mal 3 Löwinne gseh, fuul i dr Abigsunne am zämäkuschle.
    Das Camp isch rächt chli, d.h. maximal 8 Gäst sind da, das machts sehr gmüetlich. Etz sitzemer grad vorem offene Für und sind am aperöle :)*    Read more

    See translation
  • TravelerWeltreis
    Day 17

    Wild Africa Pt.1

    May 5, 2018 in South Africa ⋅ ⛅ 25 °C

    Geschter Abig simmer vu de Schakal in Schlaf gjault worde und hüt morge vor de 5i het eus s Brülle vumene Leu gweckt - was fürne Grüschkulisse! Nid vil später simmer mit Kaffee für euse morgentliche Game Drive gweckt worde. Ganz dick hemmer eus ipackt, dusse hets sogar Froscht am Bode gha! Und das bi 30 Grad de Tag dure... mit Ponchos und Bettfläsche hemmer eus denn ufe Weg gmacht, die Leue ga sueche wo eus am Morge gweckt hend. Dismal hemmer die ganz Leuefamily gseh, mitem verwöhnte Männli, immernu am Fuulenze. Die Leue sind nid gross anderscht wie eusi Huschatze, de ganz Tag am Schlafe und sich Putze.
    Später hemmer Elefante, Giraffe, Rhinos, Monkeys (wo übrigends en Art Affe isch, nid Affe im Allgemeine), Schakal, Gnus und nu vil anders gseh.
    Derna sind mier mit Fuulenze dra gsi inkl. iischalter Abchüelig im Pool.
    Bim Game Drive am Abig hemmer eus vorgno Cheetas zgseh (Geparde)... 3 Vans hend nachem einte Männli gsuecht, schlussendlich het ne de eint Guide im tiefe Gras gfunde, praktisch unsichtbar für eusi ungschuelti Auge. Nach Sunneundergang isch de Gepard denn ufgstande und het sich gmächlich ufe Weg gmacht... s Warte uf das prächtige Tier het sich meh als glohnt!
    Etz gniessemer euse letschte Abig i dr Luxus Lodge, schmieded Plän für morn und freued eus uf de letscht Game Drive morn Morge.    Read more

    See translation
  • TravelerWeltreis
    Day 18

    Addendum to HillsNek

    May 6, 2018 in South Africa ⋅ ☀️ 14 °C

    Es paar Täg nach eusere HillsNek Safari hemmer nu Föteli vu eusere Safari Truppe becho:
    Becky & Mike us Texas und Tennessee, sie het liebenswert vil gschwätzt und er isch ab und zue eifach igschlafe. Sie hend druf beharrt, asmer uf dr Klippe vu eusem letschte Morning Drive nu gschnell hürated...
    Jo & Brian usem Westkap in Südafrika, nur knapp 20km vu de Safari Lodge entfernt. Sie sind richtigi südafrikanischi Farmer, inkl. Apartheid und jetzigs Umdenke, und hend vu ihre Chind die vil zu türi Safari gschenkt becho. De Brian het sehr vil über Land und Lüt gwüsst zverzelle und isch glaubs au chli froh um chli Publikum gsi.
    Und denn nu zwei klassischi Schwabe... mit ihne hemmer eus zwar en Jeep teilt, aber trotzdem hemmer eus nid emal ihri Näme chenne merke... er isch durch luts "Oh Gott" bi jedem chline Schüttle ufgfalle, sie durch sensationell schlechti Englisch-Kenntnis.
    Megane & Byron sind eusi zwei Rangers gsi. D Megane het sich um eus und d Schwabe kümmeret, isch eher wortkarg gsi, aber het sehr vil über de Busch und Tier chenne verzelle. Si sig offebar sogar im südafrikanische Militär gsi, bevor sie d Usbildig zum Ranger gmacht het.    Read more

    See translation
  • TravelerWeltreis
    Day 18

    Adrenaline Day

    May 6, 2018 in South Africa ⋅ ⛅ 14 °C

    Was fürne Tag! Hüt sind eusi Adrenalin Reserve und Nerve zünftig strapaziert worde...
    De Tag het wiederum mit vil Schakal-Gjaul und Löwe-Gebrüll agfange. Ufem morgendliche Game Drive hemmer dismal au de Leu us zimlicher Nöchi chenne gseh, es wunderschöns Tier! Nachher simmer ufen Lookout mit endloser Wiitsicht ga käfele und denn wiiter ufd Suechi nach Elefante. Au da hemmer numal Glück gha und hend en Teil vu de Herde im Gebüsch entdeckt. Zwei Männli hend denn ganz i dr Nöchi vu eusem Jeep afange striite (ca. 10m, all Rüssel usgfahre), wo denn de eint verlore het, heter us luter Fruscht uf eus los welle! Da het d Megane, euse Ranger, de schnell messe Gas gä zum eus id Sicherheit zbringe.
    Nacheme ruhige Zmorge und Abschied vu dr Lodge Truppe und Gäst simmer denn wiitergfahre, in Norde, Richtig Drakensberge. Es isch en relativ wiite Weg und mer hend scho hüt so wiit wie möglich welle cho und en Unterkunft inere Guest Farm i dr Nöchi vu Maclearen buecht. De erschti Teil vu dr Fahrt isch sehr malerisch gsi, unendlichi Wiitene, sanfti Hügel und immer wieder Townships und langwierigi Baustellene. Nachdem mer eus mal churz uf en Pass verfahre hend, het eus Google zwei möglichi Route zu der Guest Farm vorgschlage: ei längeri durch d Stadt und ei chürzeri Überland. Zerscht hemmer der Überland Route nid so recht traut, die Dirt Roads sind nid all im glich guete Zuestand und mit eusem Toyota Corolla simmer nid grad Offroad-tauglich... doch d Abzwigig uf die Überland Route het en guete Idruck gmacht, isch afänglich sogar nu teert gsi, somit hemmer eus für die vermeitlich chürzer Route entschiede. Definitiv en Fehlentscheid! Nach de erschte paar Kilometer isch die Strass nüm teert gsi, nach ca. 15km isch si eher Traktor- als Corolla-tauglich gsi... aber mer hend nüm zrugg welle, es isch nämli scho dunkel gsi und mer hend dänkt vil schlimmer chas ja nüm werde... naja, summa summarum, nach einigem Gfluech, liechter Hysterie, vil Fahrgfühl vum Sämy und paar unliebsami Begegnige vum Auto-Underbode mit afrikanische Stei und Bode, hemmers denn endlich in die Guest Farm gschafft! Mer sind sehr härzlich empfange worde und entspanned eusi strapazierte Nerve am offne Für miteme ghörige Schluck Dessertwii vu Klein Constantia... all is well that ends well!    Read more

    See translation
  • TravelerWeltreis
    Day 19

    Sani Pass

    May 7, 2018 in South Africa ⋅ 🌙 15 °C

    Sehr entspannt simmer hüt Morge uf dr Guest Farm ufgwacht. D Bsitzerin Linky het eus verzellt as vor zwei Wuche en andere Gast über die lang Dirt Road zuechegfahre isch, wohlverstande mimne 4WD, der heig aber ufem Weg en Pneu verlore... euse Corolla isch halt en Survivor mime exzellente Fahrer :)
    Derna simmer scho gli wiiter in Norde gfahre, Richtig Drakensberge. Wieder sehr schöni hügligi Graslandschafte mit gschwungene Strasse und verstreute Dörfer.
    I dr Nöchi vu Underberg lit de Sani Pass wo vu Südafrika uf Lesotho füehrt, leider au nur 4WD tauglich. Trotzdem simmer so wit euse Corolla eus treit het der Pass duruf und sind mit schöne Ussichte uf die Dracheberg belohnt worde. Ufem Weg zrugg is Tal hemmer en schöni Lodge mit Golfplatz entdeckt und sind ga frage öb si nu Platz heiged. Churzerhand het sich die Rezeptionistin uf fascht 50% Discount iglah und so logieremer hüt mit Blick ufd Usläufer vu de Drakensberge mit integriertem 18-Loch Golfplatz.*    Read more

    See translation
  • TravelerWeltreis
    Day 20

    Northern Drakensberge

    May 8, 2018 in South Africa ⋅ ⛅ 15 °C

    Das 50% Discount Hotel vu geschter Nacht het es grandioses 2x2m Bett gha, fascht scho komatösi 10h hemmer gschlafe!
    Nachem Zmorge hemmer 9 Loch Golf gspilt (für ganzi 8CHF pro Person), mit herrlichem Blick ufd Drakensberge. Derfür asmer beid es halbs Jahr nüm spilt hend und eus 15-jährigi Schläger teilt hend, hemmer gar nid so schlecht troffe!
    Am Mittag simmer denn wiitergfahre, immernu in Norde, zum Royal Natal National Park. Der isch bekannt für die vile Wanderige, somit simmer im Moment nu unsicher öbmer es paar Täg wend da blibe oder vorem Kruger NP nu and Küste, uf Santa Lucia, wend ga... *    Read more

    See translation
  • TravelerWeltreis
    Day 21

    Amphitheatre / Tugela Falls Pt.1

    May 9, 2018 in South Africa ⋅ ⛅ 17 °C

    De Norde vu de Drakensberge isch v.a. wegem "Amphitheater" bekannt, en 4km langi Bergketti mit 1'000m Drop uf dr einte Siite. Det derab flüsst de Tugela River und bildet de zweithöchsti Wasserfall vu dr Welt.
    Die Wanderig uf das Amphitheater hemmer eigentlich alei welle mache, aber leider het eus da euse Corolla wieder en Strich durch d Rechnig gmacht: de Zuegangsweg isch zum Teil in shitterem Zuestand, darum hemmer eus (also v.a. de Sämy) schweren Herzens für en guided Tour entschide. De Tour Guide isch en zimliche schräge Vogel gsi, en crazy Althippie wo wohl i sim Lebe chli zvil kifft und anderi Droge gno het. Somit isch die 6h Wanderig v.a. durch strubi Gschichte und vermuetlich spirituell hochstehends Gschwafel prägt gsi. Das het eus zwar nid nöcher zu Gott, aber doch mimne Schmunzle ufe Gipfel bracht.
    Nach liechtem Ufstieg isches plötzlich steil bergobsi gange, da simmer durch en Gröll-gfüllti Schlucht ufd Eastern Buttress vum Amphitheater klettered. Dobe het mer en sensationelle Usblick gha, eine wo de schönschte womer je gseh hend. Der Ablick het sogar de Schwizer Alpe (sogar vum Matterhorn) Konkurrenz gmacht!
    D Tugela Falls selber werded nur vu Regewasser gspist und sind darum im Moment eher dezimiert. Derna simmer über das Hochplateau uf die ander Siite und mit Stahlleitere wieder derab. Tolle Tag gsi!*    Read more

    See translation
  • TravelerWeltreis
    Day 22

    Tugela Gorge & Horseback Riding

    May 10, 2018 in South Africa ⋅ 🌙 6 °C

    Wasmer geschter vu obe ufem Amphitheater uf 3100m bestunt hend, hemmer hüt mittag i dr Tugela Gorge vu unne erkundet. Geschter hemmer zur gliche Zit dick ipackt am Wind und de Chälti trotzt (im Schatte sind nu Schnee und Iis glege), hüt simmer im iischalte Tugela River sogar ga bade!
    Die mehrstündig Wanderig zu de Pools underhalb em Steilhang isch sehr agnähm und malerisch gsi, hinder jedere Kurve het mer chli meh vum Amphitheater gseh. Am Schluss wartet kristallklars Wasser und schroffi Felswänd uf eim, sehr idrücklich!
    Derna simmer nu en Sunneundergangs-Tour mit Pferd ga mache. Für einisch isches nid en 0815-Chilbi-Ponyriite gsi, sogar mit eus bluetige Afänger sind eusi Guides flissig trabt, kantered (?) und galoppiert! Bi Sunneundergang hends eus nu Drinks und Snacks vorbereitet, so hemmers richtig la usklinge la. Super Erlebnis gsi! De Sämy möcht etz sogar richtig lerne riite, d Martina het nu grad es taubs Arsch :)*    Read more

    See translation
  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English