Reset search
Mirj's Travel ActionMirj's Travel Action
SatelliteEdit route
Follow me I follow back, pls Read more Wange City
  • TravelerBali-Tourismus
    1
    Day 20

    Truurige Abschied defür Bre's ide Wänd

    August 7, 2023 in Indonesia ⋅ ☀️ 28 °C

    Relativ uninteressant. Chli Canggu-shoppe und d Lia und Dana verabschiede. Sie begebe sich uf de witti Pfad vor Heireis.
    Murn ischs de be eus au sowit.. :(

    Während em Bitrag schriebe hemmer grad churz e Zwüschefall gha. Es chrabblet überall, mer vermuete ergendwelchi Marderartigi Viecher ide Wänd. Und als ob das ned längt das sie churz usgrastet si und einisch rund ums Zimmer gsecklet si, het de no eine s Lustig gfunde ide Wand hinder eusem Bett sones räudigs Grüsch zmache als würder eus Schadefreudig uslache. Si grad churz alli Türe go bschliesse.

    Fazit zu Canggu: isch nix. z Vell verkehr, sWasser isch grusig und mer hend Viecher ide Wänd. Bisher ungeilst Ort womer gsi si in ganz Indonesie. Aber s Apartement isch würkli wunderschön gsi!    Read more

    See translation
  • TravelerBali-Tourismus
    1
    Day 19

    Beach Club für Riichi

    August 6, 2023 in Indonesia ⋅ ☀️ 28 °C

    Hüt hemmer eus gfühlt wie richtigi VIP's ih dem Beach Club Finns. Au wills eifach überall het müesse druffe stoh. Uf de Schirme, Decki, Tüechli...
    Für 2 Millione (120Chf) hemmer e VIP Platz ufem Rase gha und für das Geld chönne de ganz Tag konsumiere. Het zwar de ned glängt, mir hend eus gegönnt.

    Trotzdem: einmal und nie wieder. Aber wenigstens hemmer Brintey Spears live gseh.
    Am Schluss hets eus de usem VIP Bereich zoge zude Gringverdiener, will Party dert eifach meh gloffe isch.

    Zrugg im Hotel hemmer de no eusi Tinder ufdoh und versuecht cooli Lüt zämeztrommle. Het demit gändet, dass 2 ganz komischi NFT Düdschi, mitem Stumpe eusi Mangosteen gmopst hend. De Moses (eine vo dene) het de de Lädi ehri kritischi frog "aso duesch de du eif Gäld vom eine Ort zum andere schiebe?" mit jo beantwortet. Wosi nach ere knappe Stund vo selber gange sind, (De Boris het sich nid wohl gfühl - ebbe de einzig Satz woni ghört ha vo ehm ih dere Zit) het sich de eint no es Aloe Vera Blatt usem Garte gstrutzt. De hätte eig no e Gruppe Schwizer sölle cho. Sind sie de au, aber vell zspot und zfrüeh weder gange. De hemmer halt no Ego Party gmacht und si de go nächtige.    Read more

    See translation
  • TravelerBali-Tourismus
    123
    Day 18

    plötzli chötzli ufem Schiffli

    August 5, 2023 in Indonesia ⋅ ⛅ 28 °C

    Uscheckt usem Hotel und jetzt heissts Tschüss Gili Trawangan, next step Canggu.

    Aber zerrsch zude Fähri und dert fohts Unheil ah.. Über 1 Stund ide Hitz gwartet, damit mer nochher chönne dur die Menschemasse zrugg zum Office laufe um neui Boarding Päss go hole. Hend uf nes anders Schiff müesse, well euses sich ergendwie ned cho. Ischs untergange? mer wösses ned.
    Denne Ab uf d Fähri semmer zerrsch mol de ganz wäg über Gili Air uf Lombok und ersch vo dert direkt übere Richtig Bali Padang bai. 2h isch allea guet gange, d Lädi hed friedlich pennt und ich öbbedie chli übel aber total fine. Ergendwenn hets mi au usgnockt und e bi ihgschlofe und plötzli werdi mit nem verzwiflete "Mirj" usem schlof grisse. Kridebleich, zittrig, d Händ nümme gspürt, speiübel ischs de lädi gange und mit nem mega liebe Typ vom Schiff simmef z dritt hindeuse bim Schiff und hend probiert sie weder zum läbe zbringe. Er het ihre sicher e halb stund de ganz Körper inklusive Kopf/hoor mit nem Öl Massiert und ich ha probiert z helfe wos goht.
    Ergendwenn hets de au s Plötzli Chötzli id Plastiktüte geh und d Lüt um eus ume hend de Sicherheitsabstand stehts bibhalte. Mer hends de gschafft, d Fähri osch ahcho und d Lädi hemmer safe usem Schiff usebrocht. Nachdem ih eusi Rucksäck organisiert ha, hemmer am Bode no es Stündli chillt zum chli abefahre und eus de ufe Wäg gmacht zum es Taxi sueche. Vo geplante Ahkunftszit vo 13:30 ischer mittlerwile scho halbi 5i gsi und mer hend gwüsst mer müessr no 2h autofahre.
    Die Fahrt isch defür de relativ guet glaufe und endli simmer ahcho bide Dana und de Lia im AirBnB.
    Freudiges Wiedersehen, und nachem Begrüessigs schwätzli simmer go ässe und de hemmer eig no welle ih usgang. Isch jedoch alles zue am 12i daher simmer de e privati Poolparty go mache bi eus dehei. 3 Franzose si no cho joine, aber die hemmer de gekonnt weder probiert usezschmeisse. Het ned so gmatcht zwüsche eus.
    Murn gömmer de velech de Beachclub go stürme dure Tag.
    Is Meer gömmer aber safe ned so, Canggu/Seminyak und Region do isch ned würkli bekannt fürs subere Meerwasser grad au will do anschinend Hauptkanalisatione is Meer fliesse. Do wotsch ned wörkli e sip ne devo.    Read more

    See translation
  • TravelerBali-Tourismus
    2
    1
    Day 18

    eifach nüt

    August 5, 2023 in Indonesia ⋅ 🌙 26 °C

    De titel seit alles. Poolhänge, sünnele, ässe, ganz wild gäge obe no churz id 'stadt' füre und de grad weder zrugg und ab is Bett. Gmüetliche letzte Gili T. - Tag, murn ab nach Canggu.

    See translation
  • TravelerBali-Tourismus
    1
    121
    Day 17

    stärbendi Wahlrösser

    August 4, 2023 in Indonesia ⋅ ⛅ 28 °C

    Do no eusi Ästhetische Bilder vo eusem Schnorcheltripp.
    Mer liebe se!

    See translation
  • TravelerBali-Tourismus
    12
    Day 16

    Schnorchle und süffle

    August 3, 2023 in Indonesia ⋅ ☀️ 28 °C

    Richtig gegönnt am Zmorgebuffet, semmer vollgfrässe zum Hafe für eusi Schnorcheltour. Isch nice gsi. Erste Halt bide Unterwasserstatue uf Gili Meno, bi mer vorcho wie im ne Piranha Becki wo öbber Brotchrume inerüehrt, wills so viel lüt uf eim Fleck gha hend wo durenandgschwumme si.
    Nachher ah chli abgschiedenere Ört simmer go turtles Tauche, ha paar gseh, si hübsch. (Fotis gits de no, sobald sie de Link ufelade)

    Weder am hafe hemmer eus e Manicüre gönnt und de simmer ab is Hotel d Bar go stürme. Git e richtig geile drink mit früsche frücht und iis. Chli wir en slushy.
    Rrady mache und de ab id Stadt simmer gefühlt bide Tourististe Bar hange blibe und hend dert chli gsoundet. Ergendwenn isch es aber de verleidet und mer si mot de Velo quer über d Insle ane leere Strand go nackt bade. Just for the vibe.    Read more

    See translation
  • TravelerBali-Tourismus
    1
    Day 16

    zrugg im Chueche

    August 3, 2023 in Indonesia ⋅ 🌙 26 °C

    Nachem gestrige Schreck simmer hüt morge freudig weder zrugg ufs Schiff und de ab richtig Gili Trawangan.
    Dert ahcho hemmer am Hafe erstmol uf Dana und Lia troffe, wo d Insle grad am verloh sind gsi. Freudigi minütli spöter hend sich eusi Wäge aber scho weder trennt, me gseht sich aber ja am Samsti scho weder wenn met mit ihne zäme die letzte Täg verbringe.

    Mer si jetzt wörk weder voll im Chueche. Vorher no Touris am miede und jetzt zmittzt drinne.
    Uf de Gili Insle chame nur z Fuess, Velo oder mit de Kutsche (was mer mega weak finde wäg de arme Ross) dich fortbewege. Daher direkt bis am Samsti es Velo gmietet und de voll belade mitem Rucki einisch halb um d Insle düset und de ab is Hotel. Mer fühle eus do super und si no is Meer go bädele, hend frei Bier und Snacks bide Poolparty gha und mit locals connected. Denoch no ab chli go fire, aber ned z lang, well eme wönd murn am 8ti uf und de fett go s Buffet stürme und denoch ab go schnorchle.    Read more

    See translation
  • TravelerBali-Tourismus
    1
    4
    Day 14

    Lost in Lombok

    August 1, 2023 in Indonesia ⋅ ☁️ 28 °C

    Was en Verwirrte Tag.
    Zerrsch d Abreis vo Nusa Penida, schreiendi Chind ufem Schiff nach Lombok und Verabschidig vode Jana bim Zwüschehalt uf de Gili Air Insle. Mer wärde die tolli Zwätschge vermisse, sone coole Zägg gsi!
    Bis dohe no alles ganz nice, bis mer in Lombok si ahcho.

    Euse Plan isch gsi:
    1 Nacht ide nöchi vom Hafe übernachte, am nöchste Tag e schnorcheltrip bide Gilis und denne uf Kuta (Süde vo Lombok) go surfe, chille, Usflügle.
    Mer hend gester no gschwind e Unterkunft uf Lombok buecht defür. Guet das mer aber grundsätzli ke blasse hend vo dere Insle und was wie wo mer do ebbis wette mache, bzw. wases do alles het.

    Im Bangsal Harbour simmer zerrsch mal komplett belageret worde, will alli eus unbedinngt hend welle zu eusere Destination fahre. Mer hend eig zerrsch welle was go ässe, aber es het eif nüt wo ned mega sketchi usgseht. Guet de semmer halt glich met eim mit, womer de no easy hend müesse abehandle willer sone höche pris het welle. De simmer scho mit nem würkli unguete Gfühl losgfahre und wemmer wie me ih Seich use. Schlussendli über d Schotterpiste zwüsche de Chue düre hets eus de gfüehrt.
    Im Hotel ahcho hemmer eif nur paar hüsli und susch relativ vell unfertigs gseh. E Rezeption hets keni und es isch eus eif sone "Bueb" mitem Ipad entgegecho und hed eus ih euses Zimmer gstellt. Relativ lost hemmer erstmal uf euses Läbe müesse klarcho und hend au realisiert, das mer so im Gaggo usse sind und eig garnüt mache chönned. Mer hend de welle de Schnorchelusflug vo lombok us bueche für murn, aber oh wunder, gits keine. Nur vode Gilis, also hätte mer met de Fähri weder übere müesse.

    Ebbe ih 2h hemmer eusi Reiseplanig (wo eig eh ned existent isch) komplett übere Huufe grüehrt und neui Möglichkeite gsuecht.
    Fazit: Mer blibe bis murn und de ab ufs Schiff Richtig Gili Trawangan. Kuta in Lombok hemmer gstriche. Dört blibe mer de bis am Samsti und de gahts ab uf Canggu/Bali mit de Dana und de Lia die letzte Täg duretänzle.

    De Obe het trotz dem ganze Drama no sehr schön gändet. Mer hend es Anders Hotel ide nöchi und dört hets es super Restaurant. Be emne wunderschöne Sonneuntergang hemmer se obe usklinge loh und es het mi Wortwörtlich zu Träne grüehrt.
    Mengisch mues me ebe flexibel sie und eifach s beste drus mache.    Read more

    See translation
  • TravelerBali-Tourismus
    21121
    Day 13

    Mer folge de Masse

    July 31, 2023 in Indonesia ⋅ ⛅ 25 °C

    Früeh am morge simmer uf und hend eus ufe Roller gschwunge um zum Atuh Veach zcho. Sunneufgang luege isch ahgseit.
    Dur d Wolke hemmers ned so chönne gseh wie mersgärn gha hätte aber isch de glich no ganz schön gsi.
    Nachher het eus de Hunger und de Läär Tank weder chli zrugg is Landinnere tribe und nachdem mer die Bedürfnis gstillt hend simmer no zum Diamond beach. Scho liecht gschockt vo dene ganze Touris am halb 9 am morge hemmer de Ihtritt glich zahlt und joa was sell me säge. de Strand wär uf jedefall mega schön und mer hend Instaworthy pics gmacht, aber so ahstoh das e Stäge chasch abelaufe und DAS BILD chasch schiesse defür das de hanz Rotz weder chasch ufelaufe.. nöö
    Denne semmer no losdüseg zum Kelingking Beach. Das isch wohl DÄ Felse in Nusa Penida, wieso au immer. Dert ahcho ih de Masse hets eus grad abglöscht und ha churz mi Arm vöre gstreckt, es Bild gmacht und de simmer weder uf d Roller und devo.

    Me mues dezue säge, s allerschönste ah dere Insle isch für mich s Rollerfahre gsi. eifach Quer durs land gseht me unglaublich schöni Landachafte, Wälder und me isch teils elei umegfahre. Au dur die ganze Dörfli cruise, öbbedie ahhalte um e Plastikfläsche Tank bi paar Kiddys z chaufe, und eifach de Moment z gniesse. Jedoch isch grad ade Küste und bide Hotspots s Fahre nümm so geil gsi wills übersäht isch gsi vo dene SUV wo Touriste umekutschiere. Eine am Andere noche, alles isch voll gsi vo dene riese Autos.

    Usklinge loh hemmer de Tag am Crystal Beach, womer au si go bädele und nachem churze Bsuech im Hotel no ab id Penida Colada Beach Bar go foode.    Read more

    See translation
  • TravelerBali-Tourismus
    1
    Day 12

    Neui Insle, Neui Roller

    July 30, 2023 in Indonesia ⋅ ⛅ 28 °C

    Tschüss Ubud, hello Nusa Penida.

    Mitem Gojek uf Sanur Harbour und denne ab uf die 30minütig Fähri nach Nusa Penida.
    Im Hotel hemmer de direkt nach Rollervermietig gfrogt und si drufab zerrsch 100 Mal gfrogt wurde ob mir de da würkli chöned.
    Anschinend rote sie de Touris ab in Nusa Penida selber zfahre will d Strosse sehr eng und kaputt sind und d Lüt teils sehr schnell fahret. Das, will die meiste Touris nur Tagesusflüg dohe mache und denne en Privatfahrer miete wo sie ah alli Instaspots bringt. Damit au alles ih ein Tag inepasst fahre die de ame wie d Säu.
    Mir wages trotzdem und hend eus die zwei neue Flitzerlis gschnappet. Es isch scho Nomitag und mer hend denkt mache no gmüetli e Usflug a Gamat Bay und nachher gömmer de go Znacht ässe.
    Relativ wit obe hemmer d Roller abgstellt und hend no e rächti Bergwanderig durab müesse mache. Aber es het sich glohnt! Go bade simmer zwar ned, es isch low tide gsi und dert hets relativ vell Koralle/Riff und Seeigel 😅 Aber d Füess bädelet und schöni Müscheli gsuecht. Zudem eif de Ort gnosse, wunderschön und keini Lüt!

    Nachher simmer no im me fancy Resti go Burger ässe (sehr indonesisch 🥸). Aber nach 10 Täg fried rice/ Nasi goreng etc darf da au weder mol sii.
    Erst am 10 semmer de weder zum Hotel inegschneit und hend vorher no gwitzlet, ob sie eusi Ruckdack usgrumet und s Zimmer neu vermietet hend, will sie velech denkt hätte, die gsemmer nieme..

    Aber no churze Roller Realtalk:
    Es isch scho ahspruchsvoll, aber lang ned so schlimm wie sie dir weiss mached. Aber es isch total verständli sind sie vorsichtig, will es git gnueg lüt wo sich eif zviel zuetraue und de hesch de salat. Aber mir machts total Spass und mer gönd immer uf Nummer sicher.    Read more

    See translation

Join us:

FindPenguins for iOSFindPenguins for Android

  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English