Tilbakestill søk
Mirj's Travel ActionMirj's Travel Action
SatellittRediger rute
Follow me I follow back, pls Les mer Wange City
  • ReisendeBali-Tourismus
    2
    Dag 11

    Verzwifleti Suechi für ne Pulli

    29. juli 2023, Indonesia ⋅ ⛅ 27 °C

    Nüt Speziells: Ufgstande, WC, Zmörgelet, WC Märet, WC, Massage, WC, Märet, WC, Ässe, Märet, WC, Hotel, Chille, Schlofe und öbbedie mol no ufs WC.

    Hend hüt gmüetli gmacht und no so die letzte Bsorgige zUbud gmacht. Alles womer nach guetem Überlegge würkli hend welle poste isch mitcho. De Tag isch aber prägt gsi vode verzwiflete Suechi nach nem Pulli / Sweatshirt für d Jana. Sie goht no uf nes Schiff paar Täg und dert wird ufem Deck gschlofe. Da sie keine het isch da relativ nötig. Aber ebbis chani säge, usser so die linejäggli findsch in Ubud kei Langarm Oberteil bzw Pullis chaach vergässe. Daher müemer de halt witterluege.
    Murn isch Abreis und de gömmer no zu 3. zäme uf d Fähri übere uf Nusa Penida für 2 Nächt.    Les mer

    Se oversettelse
  • ReisendeBali-Tourismus
    1212214
    Dag 10

    Scooters on Tour

    28. juli 2023, Indonesia ⋅ ☁️ 24 °C

    Fasch Punkt halb 8 parat am Empfang hemmer euso Babys chönne in Empfang näh.
    Orange und Rot hend sie eus entgege glüchtet und zäme mit de blaue Helme (jo mami mer hend sie ah gha!) es wunderbars Farbkonzept bildet. Mer hend am Ahfang ufem Parkplatz paar struggles gha und de Typ vom Verleih hets eus wohl ned so zuetraut. Daher heder eus heimlich bis zur nächste Tankstell verfolgt, zum sicherstelle as mer ned scho nach 5 Minute im Grabe ligge.

    Nachem Tanke hemmer de chönne los düse und erst Stop sind Tegallalang Risterrasse. Da mdr so früeh si unterwägs gsi, hets fasch kei lüt gha und isch daher au relativ entspannt und schön gsi. Trotzdem: Touriste hot-spot. Weiss ned wievell Ris dert würkli no ahplanzt werd oder obs meh nur no show isch...

    Es Kaffi, en Bananepancake mit random Chäs druffe und es Plumskloh ohni Spüehlig defür mit Wasseechübu (perfekt wenn de schisser hesch) spöter, simmer ready gsi zum wittergoh. Ergend en Wasserfall sölls jetzt sie.

    Uf guet glück hani eifach mol eine usegsuecht und dert simmer de häregflitzt. Es het sone riese Spass gmacht met dene Scooter über die Strosse wo zum Teil gfäll gha hend, wo fasch a ne Klättersteg erinneret hend. Es het sich als Perfekte Entscheid usegstellt. Wunderbar abgläge im Wald mit perfekter Ussicht hets au es Resti gha wo mer zerrsch was trunke hend.
    Vo dert obeabe hemmer e chlini Wanderig gmacht zum Wasserfall, verbie ah no vell schönnere und au würklech bruchte Risterrasse. Ahcho sind did einzige touris womer ahteoffe hend grad ufem Abmarsch gsi und so hemmer de spontan es Nacktbädele gstartet. Undere Wasserfall stoh het me aber ned chönne, de häts dir äuä grad d Hut ab de chnoche grägnet.

    Im resti hemmer de spöter au no was gässe und de hemmer eus weder uf eusi motorisierte Ross gschwunge und si richtig Norde düset. Ziel: Lake Batur.
    Dert het me e wunderbari sicht ufe Mount Batur (Vulkan).

    Vo dert hemmer de weder 1h zrugg müesse metem Roller und s Fahre isch eis vo mine Highlights vom Tag. Es riese Erlebnis und e schöni Art d Insle z entdecke.

    Weder Im Hotel isches de scho Dunkel gsi und nachem kurze "ich ha min simkarte pin vergässe, mami schick mir min Puk" Drama simmer eig nur no flach is Bett gläge und sehne eus nach schlof.

    #riesetext    Les mer

    Se oversettelse
  • ReisendeBali-Tourismus
    1
    Dag 9

    Tschüss Ulu, Hallo Ubud

    27. juli 2023, Indonesia ⋅ ⛅ 27 °C

    Sadly hemmer eus müesse verabschiede, würkli sau geils Camp gsi und chas nur witter empfähle. (Rapture Surfcamp Padang)

    Met de Jana hemmer eus jetzt komplett zämegschlosse und reise sogar gmeinsam witter. Ab nach Ubud - Künstlerstadt vo Bali.
    Au bekannt für Rissterrasse, Monkeyforest (sone Rotz, als hätts ned gnueg Affe uf de Insle 😒) und Wasserfäll.

    Sponti hemmer am Zisti no es Futzbilligs Hotel zmittzt im Zentrum für insgesamt 50chf (3 persone/3 nächt) gegönnt. Nach 2h Autofahre simmer ahcho und erstmal chli go düre Markt schländere. Hend eig scho immer sgliche, aber luege chame jo. No was go Foode, Arnica creme für mini Chnöi chaufe und scho de erst länger Ufenthalt ufem Wc (vo mir 😢) spöter isches scho Zit fürs Bett. Murn simmer ganz Wild und miete e Scooter zum umedüse und d Wält in Ubud entdecke! Meh denne murn, oder so.    Les mer

    Se oversettelse
  • ReisendeBali-Tourismus
    Dag 8

    The Hatch und Pool Party, Again?

    26. juli 2023, Indonesia ⋅ ⛅ 25 °C

    Jo wie gseit simmer de no im Hatch ih Usgang. Vorher simmer no im White Monkey gsi aber die hend de am halbi 12 oder so zue gmacht. Ide Schwiz gömmer denne ame erst los für ih Usgang.😅
    Es isch easy nice gsi aber de richtig Spass het ersch de nachher weder im Camp ahgfange. Womer ahcho si sind eif paari vom Szaff und paar Gäst im Ufenthaltsberich am Karaokesinge gsi. E riese party hend verahstaltet umd bsöff gsi sind as hell.
    Aber so säge mer ned nei und sie direkt go joine.

    Mer si so lut gsi, dass am nächste Tag eini wäg dem abgreist isch, upsi.
    Joa aber die isch met ehrne 7000 Koffere und de Markeschüeli eh am falsche Ort gsi im Camp.

    Es si nomol 3 Schwizer ahgreist ah dem Tag und am Schluss ischs innere almost naky privat swiss Poolparty geendet. Was en letzte Obe.    Les mer

    Se oversettelse
  • ReisendeBali-Tourismus
    Dag 8

    I bi es Wrack, aber letzt Tag

    26. juli 2023, Indonesia ⋅ ☀️ 26 °C

    Letzt Tag Im Surfcamp isch ahbroche... Aber au hüt nomol ab is Wasser. Zerrsch weder zum Dreamland Beach aber dert wäre mer all druf gange bi dene Wälle.
    De hemmer gswitcht zum Jimbaran Beach, simmer au scho gsi am Ahfang. Ned sehr begeisteret drüber wills hert crowded isch gsi chömme mer dert ah und es het eif ke Wälle. Joa ai de glich is Wasser und hamer schön Fett de Arsch bi Low Tide uf de Stei im Wasser ufgschränzt. s Het aber schlemmer Blüetet als es wär. Jedoch hend ich und dLädi so krassi Storys vom Bali Wasser mit Infektionsgfahr ghört das be jedem neue Kratzer grad din Tot vor Auge gsehsch.

    Näbst mine ganze Wunde hani no zwei Chnöi womi langsam i Rollstuehl bringe, well sie so weh düend. 3 Tag Sea You Festival mit ununterbrochenem Tanzeund umegumpe macht sich bemerkbar. Aber wie d Surflehrer i.
    immer schön säge: Alles Gut? Alles Kaputt!

    Nachher zrugg im Camp hemmer chillt und eus denne Ready gmacht zum Sunset watching. Da d Surflehrer gefühlt eusi beste Kollege si worde und Locals sind kenne sie au die beste Spots (das wär de Punkt uf de Karte) und so hemmer e wunderschöne Sunneuntergang gseh und sogar no de Johanna (eini vom Staff) ere Geburi chli gfiiret. Nachher ab zum Camp, foode und Videoanalyse vom Surfe mache.
    Spöter simmer no ih Usgang aber do dezue en neue Footprint. (cha nur 2 Videos ufelade ... :/)    Les mer

    Se oversettelse
  • ReisendeBali-Tourismus
    112
    Dag 7

    Surfe im Traumland und Party am Pool

    25. juli 2023, Indonesia ⋅ 🌬 27 °C

    5i ufstoh... das z ghöre Längt scho für nes plötzli-chötzli. Das isch eher de Lädi ehres Ding. Es isch früeh goh ahgseit gsi und denne ab zum Dreamland beach. Ich has det super gfunde. Obwohl sie eim ultra Angst gmacht hend dases mega schlimmi Wälle het, aber es isch low tide gsi und relativ chillo millo.
    D Lädi het ehres Hardboard grockt au wenns chli z chli isch gsi und daher mega wabbelig. Und ich bi mitem grösste Softtop unterwägs gsi wo sie hend, aber has nice gfunde. hami chönne uf mini Körperhaltig fokussiere und es isch rechtig guet be mer gloffe.Zudem hani uf dem ding chönne sünnele während em Warte ufem Meer. Brun wärde isch alles..

    Relativ früeh zrugg semmer de no im Camp umegfulenzt und hend mit de Lüt chillt. s Ässe im Camp isch super und dert hemmer au noni so Panik vorem Bali-Belly müesse ha. Daher hemmer eus au relativ gegönnt.

    Zudem hemmer schwizer Zuewachs becho. En Zürcher 👀 Joa du chame ned ändere, aber er isch ganz nett.
    Mer si de mit paarne no zäme is the Hatch ad Game night go de zweitletzt Obe gniesse. Mer merke emmer wie meh, das d Lag vo dem Surfcamp eif Bombe isch.    Les mer

    Se oversettelse
  • ReisendeBali-Tourismus
    Dag 6

    Mer läbe no btw.

    24. juli 2023, Indonesia ⋅ ☀️ 27 °C

    Ha die letzt Täg chli verschwitzt ergendwie was ufezlade daher holi das jetzt no noche.

    Nachem Rest-Day Sunntig simmer am Mänti weder normal met Surflektione gstartet. Ab zum Balangan Beach. Isch no hübsch det,
    si aber ned würkli vell Bilder entstanden a dem Tag, scusi. Gönd de Strand susch eifach go google. De Zeche hani mer no ufgschnitte ade Felse, isch geil gsi.

    Aber do hets paar userwählti Bilder vo mer und am Al (Surflehrer). Kokosnuss gefällig?    Les mer

    Se oversettelse
  • ReisendeBali-Tourismus
    2123
    Dag 5

    Massage! und chli Tempel/Party stuff

    23. juli 2023, Indonesia ⋅ 🌬 26 °C

    Rest day!
    Nachem "Usschlofe" simmer hüt z dritt chli dur d Strosse gschlenderet.. Chli Shöpperle und so. Spöter hemmer no e Abstächer zum Uluwatu Tempel gmacht. S erste mol si d Lädi und ich übers Gojak app mitem Roller unterwägs gsi. Zwar nur hindedruffe aber es isch au e experience. Helm isch e selteheit und generell gits in Bali relativ wenig bis keini Verkehrsregle. Ha sogar ufgschnappt, dass die do gar kei Fahrprüefig müesse mache ~ very suspisious... Mer hend aber euse Spass gha und es het sogar Dokumentierends Material geh (sorry mami).
    De Tempel isch very Crowded.. aber härzigi Äffli hemmer gseh und super sexy Röckli ahgleit!.
    5i isch Treffpunkt Massage gsi! Finally🥳Es het so guet do, 60 minute ganzkörper Knetet vecho..
    Zrugg im Camp isch de pizza night gsi mitem andere Camp vo Rapture und usklinge loh hemmer de obe im Single Fin Club bi Uluwatu womer s erste mol oh dene Ferie chli d Sau usegloh hend. Isch nice gsi aber mer wärde morn bede nechste Surflektione de fehlend Schlof bemerke 😅    Les mer

  • ReisendeBali-Tourismus
    1
    Dag 4

    Schürfwunde und BBQ

    22. juli 2023, Indonesia ⋅ 🌬 25 °C

    Fasch verpennt hemmer eus zmorge inegschletzt und si de scho los zur erste Surflektion. Wieder bim Jimbaran beach sind d Welle hüt relativ nice gsi und has am morge voll die Erfolgserlebnis gha. Am nomi de nümme so. 🤷🏽‍♀️
    D lädi isch e stufe ufe und het witter usse ufem Meer alles gäh. Beidi simmer aber easy kaputt jetzt scho vom paddle und hend schürfige abde Bei vom soft top surfboard. DOberflächi het ebe sones weichs material mit Sgruktur und bem velle bewege ufem brätt ribscht das immer. Jetzt simmer invalid und bruche murn en rest day.☠️

    Am obe simmer zum andere Surfcamp vo Rapture gfahre und hend mit denen BBQ gässe. Nach spielerischem synchron-Klatsche und uf sound komischi Geste mache semmer de weder hei. Liechti Party stimmig wär da gsi aber jetzt simmer glich zfuul und gönne eus e mutz schlof. Kei surflektion murn, daher Wecker aus!👌🏼

    Murn isch Uluwatu watching ahgseit. Zerrsch gömmer e günstigi geili Massage ergendwo im ne Ecke go uftribe und lönd eus endli lo dureknäte. mer bruches! denne chli dies das ananas alles ahluege.    Les mer

    Se oversettelse
  • ReisendeBali-Tourismus
    Dag 3

    Wasserschlücke und Füürli am Strand

    21. juli 2023, Indonesia ⋅ ☀️ 28 °C

    6:15 weckt mi d ladina mit nem sanfte strichle. Top motiviert stoht sie scho früsch duschet vor mir und cha sich chum hebe vor vorfreud uf d surflektion.
    Ich ha 2 Ahläuf brucht aber dur de gestrig Dauerschlaf im Flugzüg beni eig au für mini Verhältnis zügig usem Bett cho.

    Kaffi, Bananapancakes, granola joghurt und Omelet spöter hocke mer im Bus zu eusere Surfdestination. Ab nach Jimbaran Beach. 🏝

    Alli sind easy druffe, d Surflehrer chömet met der is Wasser und zeiges dir super guet und d Welle sind au klar gange. d Lädi isch es versteckts Talent und fätzt die Wälle abe als wär sie vom Aff bisse..
    Ich bi au mal gstande😂 Bimi no am ihgroove. Aber Spass mache duets!

    After Surf hemmer eus geilo gebratene Riis im Camp gönnt und nachher isches direkt witter zum Thomas Beach womer es Bonfire mit drinks und food gha hend. Yoga am strand wär au ahkündet gsi aber die Lektion isch äuä verlohre gange ufem wäg. 🤷🏽‍♀️

    Ebbe am 10ni isch de weder zrugg gange und de hemmer eus e spontane schwumm im pool gönnt wo d lädi direkt scho de zweit vo erne Earplugs verlore het. Das heisst: Murn am morge 6:00 gits e schwumm im Pool zum de sueche 👍🏻    Les mer

    Se oversettelse

Bli med hos oss:

FindPenguins for iOSFindPenguins for Android

  • 2024© FindPenguins
  • Hjem
  • Om oss
  • Blogg
  • Gruppesporing
  • Presse
  • Vilkår
  • Personvern & Cookies
  • Support
  • Avtrykk
  • Norsk