Reset search
Vietnam & Philippinen 2023Vietnam & Philippinen 2023
SatelliteEdit route

Vietnam & Philippinen 2023

September - October 2023
A 22-day adventure by Janine Read more
  • 57footprints
  • 4countries
  • 22days
  • 469photos
  • 13videos
  • 14.6kkilometers
  • 12.1kkilometers
Follow Calendar Share Bucket list
Date ascending
  • TravelerVietnam & Philippinen 2023
    Day 6

    love to travel.💛

    September 22, 2023 in Vietnam ⋅ 🌙 26 °C

    Wies verlangt wird simmer den um die 20:00 Uhr, also e Stund zfrüeh am „Busbahnhof“ gsi. Da simmer vo ihheimische Chind mit Spieli guet unterhalte worde und somit isch die Wartezit au wie im Flug vergange.🥰
    Luschtig, dFreud ah dem Nachtbus wird aber immer chliner. Bi de erschte Fahrt hemmer üses Glück mit dem ultra coole Bus fascht nöd chöne fasse und hüt stigmer mit Bedenke in Bus ih und hoffet, dass die Nacht oder anderscht gseit die lange 9 Stunde schnell und ohni Zwüschefall vergönd und mir wenns ganz guet chunt, viellicht no es paar Stündli schlafe chönd.🥲

    Trotzdem spart mer eso extrem viel Zit wemmer über dNacht chan witerreise. Mir nutzet die Zit de Tag dur lieber umno viel meh Ihdrück vo dem beidruckende Land und dere spannende Kultur zgseh. Mir fokussieret üs uf Ihdrück wo üsi Auge zum strahle bringet, uf all die Moment wo üs es Lächle is Gsicht zauberet und eifach uf die gmeinsami Zit wo mir i vollschte Züg gnüsset, üs erfüllt und zfriede stellt.❤️ Usserdem sind mir devo überzoge dassmer eso am meischte chan erlebe und was gits schöners als all die Erinnerige & Ihdrück derfe mitheizneh? 🫶

    01:37 Uhr, Guetnacht usem fahrende herte Bett mit de Decki wo nach nassem Hund schmöckt.🌝

    07:15 Uhr, wunderschöne guete Morge „Hôi An“ 🔮🎎    Read more

    See translation
  • TravelerVietnam & Philippinen 2023
    Day 7

    Ankunft Hôi An. 🎎🔮🪆

    September 23, 2023 in Vietnam ⋅ ⛅ 32 °C

    dNicole isch weg de Buechig im Vorrus scho öfters mit de Lien, de Hotelbsitzerin vom „Greenriverside Oasis Villa“ in Kontakt gsi. Am halbi 07:30 Uhr isch den de Nicole ihri Chatkollegin ihtrudlet und mir hend dank de Nicole ihrere ufbaute Fründschaft zu de Lien scho am 07:30 Uhr statt erscht am 14:00 Uhr derfe ihchecke. Nach dere lange Fahrt hemmer zerscht grad mal Kafimaschine gstartet und üs e erfrischendi Duschi gönnt. Jetzt gsend ja alli schowieder ganz anderscht us.🧖‍♀️😄 Nachdem de letscht Schluck Kafi trunke worde isch hemmer üs mitm Radl uf de Weg ines zMorgebeizli gmacht weles dNicole im Vorus usegsuecht & üse Gschmack voll übertroffe het.🍓🥑 Ahschlüssend simmer witer id „Schneiderstadt“ gradlet. Während mir is Städtli gfahre sind isch en Roller mit zwei Fraue nebet üs hergfahre. Sie hend üs vo ihrere Schniderei und ihrem Familiebetrieb vorgschwärmt und hend üs schlussendlich au dezue überredet, zum ihne zfolge und de Betrieb ahzluege cho. Da es Chleidigsstuck schnidere sowiso uf üsere to do Liste gstande isch, sind mir dene zwei top Verkäuferine wo Tourischte sogar uf Räder ahsprechet, in Betrieb gfolgt.Read more

    See translation
  • TravelerVietnam & Philippinen 2023
    Day 7

    Die Schneiderstadt.👗✂️

    September 23, 2023 in Vietnam ⋅ ⛅ 32 °C

    Chum bi däre riesige Märthalle ahcho het üs ä herzlichi Schniderin dHanna empfange, dVelos us de Händ gno, Kafi und Wasser ahbote und all Büecher mit ihrne Werch uf de Tisch gleit. Die Dameblazer i de Usstellig wo qualitativ sehr hochwertig usgseh hend sind üs direkt is Aug gstoche und üs isch klar gsi, so en Blazer mit dazueghörige Hose wemmer üs schnidere lah. Wommer den de Schnitt & de Stoff gwählt hend ischs ad Farbpalette gange. Das isch definitiv de schwerschti Entscheid gsi wills eso viel verschiedeni und schöni Farbe gha het.🌈 Mir hend üs den aber doch no je chöne für e Farb entscheide und ahschlüssend het dHanna dMäss innerhalb vo 20 Sekunde gno. Da mir morn Abig wieder abreiset muss dHanna Gas ghe und die drü Ahzüg uf morn Morge schnidere. Morn am 10ni chömmer üsi Ahzüg den gho ahprobiere und falls no Änderige vorgno werde müend, wird dHanna die bis zum spötere Namittag mache. Jetzt simmer sehr gspannt was üs morn Morge erwartet, uf all Fäll freuet mir üs jetzt scho uf üsi Dameahzüg. 🎀Read more

    See translation
  • TravelerVietnam & Philippinen 2023
    Day 7

    Central Market.

    September 23, 2023 in Vietnam ⋅ ⛅ 32 °C

    Am Nami simmer dur en grosse Märt zmitzt i de wunderschöne Altstadt, weli übrigens die einzig echti Altstadt isch wo im Vietnamchrieg nöd zerstört worde isch, gschlenderet. Die chline Gässli wie au dStrasse sind überall mit kunterbunte Lampions, Laterne & Teeliechtli dekoriert, weli die Altstadt au sehr herzig & heimelig machet. Vo Gmües, Frücht, Fisch, Nudle zu Chuchiartikel, Werchzüg bis zu Chleider, Schueh und Hygieneartikel isch uf dem Märt alles zfinde. Natürlich sind die viele Souvenirläde mit de immer wieder 10 gliche Artikel nöd züberseh. 🎎🪆De sogenannti „Non La“, de Huet uf de Manu ihrem Rugge, isch übrigens au eine vo dene 10 Souvenirartikel.🥹 Da momentan kei Reisezit und eher Regezit (bis jetzt max. 5min am Tag gregnet) in Vietnam isch, hend mirs Glück gha, dass de Märt nöd wie i de Hauptsaison, überlade gsi isch mit Tourischte.Read more

    See translation
  • TravelerVietnam & Philippinen 2023
    11
    Day 7

    D‘Stadt vo de 1000 Laterndli.✨

    September 23, 2023 in Vietnam ⋅ ☁️ 28 °C

    Das Städtli het am Namittag scho en unglaubliche Charme gha aber wommer den am Abig nachem Sunneuntergang für de zNacht wieder ih de Altstadt ihtroffe sind, hets üs für en churze Moment alli gfrore. Überall Liechtli, Lampiön und Laterne wo kunterbunt lüchtet und dem Altstädtli e heimeligi, romantischi und magischi Stimmig verleitet. E Bootsfahrt über de Fluss mit dem wunderschöne Ambiente hemmer üs nöd wele entgha lah. Per Zuefall hemmer dSchniderin vo hüt morge no ahtroffe, welli üs denn als Dankeschön fürd Ufträg, unbedingt no Glückslaternli het welle schenke. 🫶🏽 Mitm Laterndli simmer ufs gschmückte Ruederboot gstige. Während dere Zit ufm Fluss mit dene vielne Liechtli, dere Rueh und dere atemberaubende Stimmig hemmer üs ine anderi Welt verleite lah. Schlussendlich hend mir sChärzli vo üsem Glückslaterndli derfe ahzünde und bevor mirs ufm Fluss la gleite la hend, hend mir üs öpis derfe wünsche. Wemmer fescht drah glaube duet, werdet alli die Wünsch vo dene Glückslaterndli lut de ihheimische Fraue in Erfüllig gha.🙏🏽💫Read more

    See translation
  • TravelerVietnam & Philippinen 2023
    Day 8

    Pellerinetag 🌧️

    September 24, 2023 in Vietnam ⋅ 🌧 28 °C

    Gester Abig hemmer den no e Wösch gmacht und ufm Balkon aufghänkt. Natürli ischs gnau i dere Nacht go regne und go stürme cho. Während dManu & ich tüf und fescht gschlafe hend isch dNicole am morge am halbi 2 verwachet und het üsi Chleider, wenigschdens en Teil devo no chöne vorem Rege rette. Wommer am Morge verwachet sind, sind den ah de Fenschter, am Ventilator und überem Fernseh überall Unterwösch ghanget.👙 Nicole you made our day.😂
    Hüt Morge hemmers nomal miteme zMorge vom Hotel wele peobiere. Nöd schlecht glueget hemmer, wommer uf de zMorgecharte au en normale und nöd asiatische zMorge het chöne wähle. Mir hend üs für Rüehrei, Baquette, Butter und Konfi entschiede. Zums Rüehrei nochli salze hani uf de Nicole ihre guetgmeinti Tipp gloset und de Deckel vom Salzdösli probiert zöffne will de Streuer verchlemmt gsi isch. Danke Nicole, nögschtmal derfsch den de Deckel wo der de ganzi Inhalt grad entgege chunt, selber ufdue.🤪 Dezue here hets en feine, frischpresste Orangesaft und en Kafi ghe. Wommer nochli Brot nahbstellt hend, hends den en Crépe bracht wills Brot usgange isch. Ungwohnt zum zMorge aber huere schlimm weg eimal.😆 Plötzli hemmer den chli müesse prässiere willmer am 10ni bi de Schniderin i de Stadt hend müesse si. Usgrüschtet mit de Pellerine simmer den ufs Velo gstige und is Städtli gradlet. Bi de Schniderin hend üs den die massgschniderete Ahzüg erwartet. Au wenn no zwei, drü Ahpassige gmacht werde müend simmer vo de Arbet und de Qualität total begeisteret gsi und hend sogar grad nomal en Ahzug im gliche Schnitt aber inere andere Farb dezue bstellt. Hüt am 4i seget dÄnderige & de neu Ahzug gmacht & mir chenget den alles nomal ahprobiere.☺️    Read more

    See translation
  • TravelerVietnam & Philippinen 2023
    Day 8

    basketboat.

    September 24, 2023 in Vietnam ⋅ 🌧 29 °C

    Sobalds echli regnerisch oder sehr heiss wird, verchrüchet sich dVietnamese i ihres dehei oder lachet de Tourischte wo im strömende Rege ufm Velo verbifahret, völlig unverständlich und fragend zue. Vom Wetter lönd mir üs üses Tagesgrogramm aber nöd versaue. Ganz im Gegeteil. Üse erschti Schlechtwettertag und die abchüelende Temperature hend mir hüt sehr chöne gnüsse! Ihpackt i de Pellerine, de Adilette im Velochörbli und em Strahle im Gsicht simmer dur de bisiwarm Rege richtig Coconutriver gradlet. Da het üs e „Basketboat Tour“ ufm Fluss erwartet. Dutzendi farbefrohi Kokosnussbötli belade mit Tourischte, sind über de sogenannti Kokosnussfluss gfahre und hend es mega schöns Farbespiel zwüschet Fluss und Natur erschaffe.
    💛💚🧡💜❤️💙

    d’Böötlipadler sind herzlichi Vietnamese gsi. Tourischte gfötelet hend die sympatische, asiatische Locals aber no fascht lieber als dass sie ihres Kokosnuss- Böötli vorwärts bewegt hend. Immer und immer wieder händs üsi Handys wele und hend uf die schnelle eifach mal schnell 30-40 Fötelis vo üs gmacht. Wie Fotimodels hend mir Ihri Posing- Vorschläg müesse befolge und mit „ohh beautiful, beautiful“ hends üs üsi kommendi Modelkarriere bestätigt. Sisch uh herzig und guet gmeint gsi, aber wommer den bi gschätzte 130 Fötelis ahcho sind hets üs den entgültig glanget und mir hend die Shootingsession abbroche. 📸 Trotzdem hend mir die farbefeohi Flusstour mega cool gfunde & chönd si wüeklich numme witerempfehle. 🥰🛶

    Leider hemmer hüt wieder gseh, dass i dem Land eso wenig Wert uf dNatur gleit wird. Segets leeri Petfläsche, Papiersäck, Ziggistümmel oder andere Abfall, alles wird ohni Bedenke eifach direkt in Fluss gschmisse und so uf die Schnelle entsorgt. 😌🌱    Read more

    See translation
  • TravelerVietnam & Philippinen 2023
    Day 8

    Hôi An.⚡️

    September 24, 2023 in Vietnam ⋅ 🌧 27 °C

    Ufm Fluss hemmer mitm Wetter grad no Glück gha. Chum an Land ahcho hets den ahfah gwitttere und shet abeglärt wie us Chüble.⚡️Mir hend den Unterschlupf imne Reschti gsuecht und hend mal die dutzende „Modelfotis“ ussortiert. Ahschlüssend hemmer üsi nögschte Stops vo üsere Reis feschtgleit und hend den no de Inlandflug uf Hanoi buecht. Wo den de Rege und vorallem sGwitter nahlah het, hemmer sVelo packt und sind is Städtli zu üsne Ahzüg gfahre. Isch amel no luschtig gsi wie mir üs bim Weg id Stadt einig gsi sind. Die eint het gseit mir münd nach links, die ander het gmeint nach rechts und die dritt het gseit gradus.🤦🏻‍♀️😂 Leider hend de Manu & mir dHose immernonig ganz passt und es hend witeri Ahpassige müsse vorgno werde.🪡🧶 Mir hend üs i dere Zit imne Beizli mit Summerrolle gstärkt, sind e Stund spöter üsi perfekt sitzende Ahzüg gho abhole und sind ahschlüssend indisch gho zNachtesse.🇮🇳Read more

    See translation
  • TravelerVietnam & Philippinen 2023
    Day 9

    Bana Hill. ✋🏻🐉🧚‍♀️🧝‍♀️🦄

    September 25, 2023 in Vietnam ⋅ 🌧 25 °C

    „Jedi Reis het en Reinfall“ über die Wort vo de Nicole hemmer nachem hütige Usflug no paarmal chöne lache.😅 Dassmer die Hand wod Brugg hebt (Golden Bridge) wend gho ahluege isch scho sit Tag eis klar gsi. Bewertige uf Trip Advisor sind alli super und meh als zufriedestellend gsi und shet denah dönt als wers es absoluts Muess zum mit de Gondle i de Bana Hill Park zgha. Hüt Namittag simmer denn in Da Nang ahcho und viel meh als zu dä Golden Bridge zgah hemmer i dere Stadt nöd planet. Drum isch au klar gsi dassmer hüt trotz schlechtem Wetter de Tagesusflug zu dere bekannte Hand mache werdet.✋🏻Mitm Taxi simmer den knapp 50 min zum Bana Hill Park gfahre. DVeribarig mitm Taxifahrer isch gsi, dass mir ihn für 5h buechet und jedi witeri Stund würmer den zuesätzlich no mit umgrechnet knappe CHF 3 drufzahle. Am Schalter hend mir den die übertürte Tourischteprise fürs Gondeli zahlt und sind als einzigi Europäer mitere asiatische Menschemasse uf 1486 M.ü.M gfahre. Wieso mir die einzige Europäer gsi sind isch üs den bewusst worde wommer i dem asiatische, kindische Disneyland ahcho sind. Dä ganzi Anime, Mangafigure und Fantasyschei** het üs gar nöd zuegseit und mir hend überhaupt nöd chöne nahvollzieh wie die Asiate ab dene Figure & Skulpture so duredreiht sind & fascht ihre Verstand verlore hend.🧚‍♀️🧝‍♀️🐲 Mir sind froh gsi isches nochli neblig gsi so hettmer all das „fantastische“ Züg wenigschdens echli weniger guet gseh.😂 Eis Ziel hend mir gha, und zwar üsi Golden Bridge zfinde und nacher schnellstmöglich wieder vo da zverschwinde. Das mit de Zit au chüel worde isch, irgendwie eis Chaos gherrscht het und dWegbeschriebige so schlecht ahghe gsi sind, sind mir ganz hektisch dur de Park girrt/gstresst.😂😵‍💫 Nach mehrere Ahläuf hend mir üsi Hand den doch no gfunde und hends den schlussendli auno gschafft, es Föteli ohni asiatischi Tourischte zmache.😆
    Mit emne usglehnte Hotelschirm weniger, hemmer den die Platform erliechteret chöne verlah und sind mitm Gondeli wider is Tal gfahre wommer üs zerschtmal bimne Kafi wieder echli gfange hend.😱🧟‍♂️🐉 Im Nachhinein hemmer den bemerkt dass die supertolle Bewertige uf Trip Advisor wie au die Ussag dassmer mind. 6h i dem Park bliebe sött, nur vo asiatische Tourischte verfasst worde sind. Mir wüsset uf was mir üs bi de nögschte „Sehenswürdigkeite“ achte werdet.😋    Read more

    See translation
  • TravelerVietnam & Philippinen 2023
    Day 9

    Hotel Menora Premium, Da Nang.

    September 25, 2023 in Vietnam ⋅ 🌧 27 °C

    Nachem zMorge simmer hüt mitm Taxi witers richtig „Da Nang“ gfahre. E knappi Stund Fahrtzit für 450‘000 vietnamesischi Dong, umgrechnet also knapp 20 CHF.
    Willmer no vor de offizielle Check In Zit ahcho sind, hemmer sGepäck wieder chöne hinder de Rezeption verstaue. Usgrüschtet mit drü usglehnte Schirm vom Hotel hend mir den wieder es Taxi für de Weg zu de Bana Hill gsuecht. Wommer den en Deal mitm Taxifahrer usgmacht hend und mir üs schlussendlich au einig worde sind, sind mir Richtig Bana Hill Park gfahre.✋🏻Geg die 17:00 Uhr simmer wieder bim Hotel ihtroffe, hend chöne ihchecke und den hemmer üs nach dem regnerische, tramatisierende und eher chüele Tag uf e heissi Duschi gfreut.🤭 Wo dManu denn als erschts under de Duschi gstande isch und festgstellt het, dasses numme ischalts Wasser git, hend dNicole und ich üs dezue entschiede, de Versuech mit de heisse Duschi den erscht nachem zNacht nomal zprobiere. Überrascht bini gsi woni gseh han, dasmer i dem Hotelzimmer sogar es Dusch WC (au wenns keis vo de Geberit isch) und nöd nur e Handbrause montiert hend. 🐳🙏🏽 Nachmne feine thailändische zNacht hemmer defür umso länger swarme Wasser under de Duschi gnosse.🚿Read more

    See translation
  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English