Очистить поиск
Zentral- und Südamerika
  • Andrea Sempach
  • Marietta Aeschlimann
  • Andrea Sempach
  • Marietta Aeschlimann

Zentral- und Südamerika

Mir hei lang gwartet uf die Reis und üse Troum wird äntlech wahr. Üses grosse Ziel isch Spanisch z lehre. Drzue umereise und öpis gseh vo dere Wäut. Читать далее
+3
ПодписатьсяОбзорОбзорКалендарьКалендарьФотографииФотографииПоделитьсяПоделитьсяКорзина
Сначала новые
  • Zentral- und Südamerika
    Das isch d Sicht uf d Kathedrale vo üsem Hostel us🙌🏼
    Wunderschöni Farbe und Gebäude😊Überau wemä bi dä Gebäude ine luegt entdeckt mä wunderschöni Innehöf🌸🌿Taxi mau angers😬Das isch äbe no Märit 😅No ä chliinä Einblick vo üsem Hostel😁Ja, üses Hostel het sogar ä Pool🏊‍♀️

    Granada - die Kolonialstadt

    23 апреля 2023 г., Никарагуа ⋅ ☀️ 30 °C

    Sit paar Täg si mir in Granada ungerwegs. Es isch ganz ä schöni, pflegti und vorauem suberi Stadt. Granada isch 1524 vo dä Spanier gründet worde. D Stadt het eine vo dä bedütenschte Häfen vo Zentralamerika gha, da d’Handelsroute vom Nicaraguasee übere Rio San Juan verlüffe isch und schlussendlich id Karibik gmündet isch. Während der Zit isch d Stadt mehrmals vo Piraten plünderet worde😅
    Mir si di bekannti Kathedrale vo Granada ga aluege und hei scho gstuunet wie schön die isch - vorauem d Grössi isch fürnes Gebäude in Zentralamerika schono imposant. Augemein isch d Stadt sehr farbenfroh und der Kolonialstil trifft mä a jedem Eggä ah.
    Es het üs auso sehr guet gfaue!    Читать далее

    Посмотреть перевод
  • Zentral- und Südamerika
    1Das wär iz äbe d Lava wome da ganz unger gseht😅
    Laguna de Apoyo vo obe😊Das isch das Hostel bim See, wo mir der Tag hei verbracht⛱️Das isch vore bim See, wo mä het chönne ga bade odr chli ga sii☀️Mega schön die Blueme🌸Das isch dr Märit vo usse! Hinger dra fingt mä äbe de das riise Labyrinth😅1

    Volcán Masaya, Laguna de Apoyo& Masaya

    23 апреля 2023 г., Никарагуа ⋅ ⛅ 28 °C

    Vo Granada us hei mir paar Usflüg gmacht. Bire Abetour si mir der Volcán Masaya ga aluege. Z spezielle bi däm isch gsi, das mä wes ihdunklet het vo obe d‘Lava het gseh. Aso mä het chönne ufere Plattform am Rand vom Krater härestah und de het mä ganz wiit unger di heissi Lava gseh brodlä😅 Hei mir beidi no niä gseh und isch schono ihdrücklech gsi.

    Ä witeri Tagestour isch zu der Laguna de Apoyo gsi. Das isch ä See wo im nä Krater vom nä Vulkan isch entstande. Mir si dert eifach chli ga bade und heis eifach gnosse i däm warme Wasser chli chönne z verwile😁🏊‍♀️ Mir si dert düre Tag bim nä wunderschöne Hostel gsi. Es isch sehr schön pflegt mit viune Pfanze, schöni Strandbar und Liegestühl vore am Strand bim See⛱️☀️

    1 Namitag si mir när no uf eigeti Fust mit dä Chicken Bus uf Masaya gfahre. Das isch di nächscht grösseri Stadt nach Granada. Dert si mir vorauem wäge dä bekannte Märite häre. Dr eint Markt isch bekannt, wöu er viu verschidni handgfertigti Souvenirs, Töpfli, Schüsseli&Figure us Holz und Ton ahbiete. Dr zweit Markt wo mir si ga aluege het ä huufä Chleider, Schueh und Läbesmittu ahbote. Er isch eifach ungloublech gross gsi dä Markt und mir si absolut di einzige Tourischte gsi wo dert dür das riise Labyrinth vo dä Gässli vom Markt si düregschuenet😅 Isch würkli ihdrücklech gsi u glichzitig ou fasch erdrückend - es het sooo viu Sache gha, das isch wahnsinnig gsi🙈    Читать далее

    Посмотреть перевод
  • Zentral- und Südamerika
    Aso ga fische sisi viu hiä🎣
    1Wär gseht dä härzig chliin Bsuecher, wo aube mit üs düschelet het?🤣Das isch de öpe no ä Busfahrplan😄🤙🏽Sunneungergäng si hiä leider nid so spektakulär gsi😉Üsi Sicht vo üsem Hostel - dasch am Morge gsi, wunderschön und zfride😎Kafi am Morge isch scho ein Muss, aso ohni geit bi üs nüt😅🙌🏼

    Las Peñitas

    26 апреля 2023 г., Никарагуа ⋅ 🌙 29 °C

    Mir si sit paar Täg in Las Peñitas. Dä Ort isch vorauem bekannt fürs Surfe. Üses Hostel isch direkt am Meer gsi, perfekti Lag, perfekti Sicht, perfekte Vibe! Wo mir si ahcho hei mir zwar grad nid so viu gmerkt vo däm „perfekte Vibe“, wöu mir öpe ä Tag Stromusfau hei gha u de ständig dä lärmig Generator isch glüffe..wo äbe dä guet Vibe zersch chli het zerstört😅😂

    Mir hei das Hostel abr wäge däm nid wöue abschribä u heis när würkli sehr schön gha und hei hiä paar gueti Lüt troffe odr ou wieder troffe vo vorherige Hostel😊 Es isch immer wieder spannend wie viu die glichi Reiseroute hei und mä cha sech so guet ustuusche und macht ab für sech när irgendwo irgendwenn im nä angere Land wieder z treffe😊

    Es isch üs scho meh ufgfaue, vorauem hiä sehr bewusst worde, wie viu Froue eigentlech ungerwegs si und reise (i dä meischte Fäll ou allei) - viu meh aus Manne. Mir hei üs ou Gedanke gmacht wieso das so isch, abr ufene bstimmti Begründig si mir nid gstosse.

    Uf jede Fau hei mir ussert Surfe, id Yoga Klass ga, Bade, Schnörrä u es Bierli trinke nid viu meh gmacht 😂🙌🏼    Читать далее

    Посмотреть перевод
  • Zentral- und Südamerika
    1Lache isch doch gsung😅Nid ganz glichgross😅Seestern entdeckt ufem Dach 🙈Kabusalat🤯Aso es gseht ja schono guet us, abr die blödi Waffle het üs zu 100% enttüscht🙈De chliin Groot hei mir ono gfunge🙌🏼😄Dasch üses Grüppli gsi bir Free Walking Tour😊

    León

    1 мая 2023 г., Никарагуа ⋅ ☁️ 33 °C

    Mir hei üse letscht Tag in Nicaragua in León (gründig 1524) verbracht. Es isch sehr ä interessanti Stadt und bekannt aus Stadt der Literatur, Poete und Kunst. Der berüehmt Dichter Rubén Dario het si Wohnsitz in León gha.

    Zersch si mir d Kathedrale vo León ga aluege. Si isch wunderschön und die gröschti vo Zentralamerika. Usse wie inne isch si ganz wiis. Mir hei sä inne und ou uf z Dach chönne ga aluege und dert si mir praktisch für üs allei gsi u hei Fotoshooting gmacht🤣 🙌🏼

    När simer no dür d Strasse glüffe u si d Stadt ga erkunde. Hei no schöni Graffitis gfunge, wo ou mit der ganze Gschicht vom Land verbunge si.

    Am spätere Namitag hei mir no ä Free Walking Tour dür d Stadt gmacht mitem nä Guide. Er het üs diversi Orte & Denkmal zeigt und viu über d Gschicht vor Stadt und ou über d Gschicht vo Nicaragua verzeut. Es isch scho bedenklech wie korrupt das hiä isch und abr d Lüt trotzdem z gfüehl hei es steckt ä guet funktionierendi Demokratie drhinger. Abr das isch grundsätzlech nüt neus gsi für üs, wöu üs das während der Reis dür Nicaragua entweder scho isch ufgfaue odr üs d’Lüt hei verzeut wie das so louft da. Es isch nume erschreckend gsi z ghöre vom Guide, wie fescht korrupt dases isch ahand vo paarne Beispiel. 😬
    Was abr ou trurig isch, dass mä eifach ou z gfühel het becho, dass d‘Regierig absichtlech zweni macht für d Lüt; viu zweni Schuelplätz/Usbildigsmüglechkeite, schlächti Infrastruktur, schlächti medizinischi Versorgig und drzue chunnt es git i däm Land kener Zitige - dämentsprächend isch ou dr Informationsfluss!

    Trotzdem isches es schöns Land mitere grosse Gschicht, viunä nätte und intellektuelle Lüt, mit schöne Plätzli zum verwilä und mit viuu Potential! 🌸☀️⛱️🐠    Читать далее

    Посмотреть перевод
  • Zentral- und Südamerika
    Shit happens 😅
    Ja dä Platz hets scho brucht🙌🏼

    Von León nach La Ceiba (Honduras)

    2 мая 2023 г., Гондурас ⋅ ☁️ 32 °C

    Am Zischtig si mir am Morge (3:30) früäh in León vom nä Shuttle abgholt worde für nach La Ceiba in Honduras. D Fahrt isch tiptop gange und mir si ohni witeres über d Grenze cho. 😁 Es isch eifach cheibä lang gange - mir si chli meh aus 12 Stung ungerwegs gsi. Üse Shuttle isch zum Glück nid usbuecht gsi, mir si nume z viert gsi u hei somit gäbig Platz gha für üs chli uszbreite und ou für chli z schlafe😅
    Das die politischi Situation in Honduras recht ahgspannt isch hei mir ou sehr schnäu gmerkt. D Regierig geit gäge die Drogenbandene vor und setzt für das z’Militär und Polizei ih für z.B. Strassekontrolle dürezfüähre. Üses Shuttle hei si ou paar mau ahghaute und einisch hei si wöue ineluege wär da so drin hockt und hei eifach ihri Kontrolle gmacht. Es isch ou ufgfalle, dass überau Militär im Einsatz isch und ou viu Lüt mit Pistole&Holster umeloufe. Das het üs ufene Art ou chli es komischs gfühel gä. 😬

    Uf jede Fau hei mir in La Ceiba üses Zimmer bezoge und promt hetsech Äschi ufem WC ihbschlosse. Sam het när am Personal müesse ga säge, si müesse cho d Tür ufbschliesse😅 Der Ma het uf das ufe grad der Türknauf usgwächslet😅🙌🏼 Jaa..so chas ga😄

    By the way; heit dir scho mau Chiquita Banane vo Honduras gässe? Aso di si hiä de schono grad chli besser vor Chuscht her 😉    Читать далее

    Посмотреть перевод
  • Zentral- und Südamerika

    Ferry vo La Ceiba nach Utila

    4 мая 2023 г., Гондурас ⋅ 🌬 29 °C

    Aso Ferry fahre fägt schono, ömu wes eim nüt macht, so vo wäge Seechrank wärde u so😅🙌🏼 Abr mir si guet ahcho uf dere schöne Insle u zwar ohni am Ueli rüäfe odr dä Chräiä ga mögä🤣

    Ja mir säge nume eis..another day in paradise 😎☀️🌸⛱️

    Morn geits ab zu eim vo dene gfüehlt 100 Dive Center😅 Sam macht afe mau wieder ä Refresher und Äschi macht ä Discoveri Dive. 🤿🐠    Читать далее

    Посмотреть перевод
  • Zentral- und Südamerika
    Natürli hets aus belohnig nid nume dr Uswiis gä sondern ou no es super T-shirt😄🤙🏽
    Wunderbari Stimmig vor üsem Night Dive😊Theorie het o müesse glehrt si😅

    Advanced Open Water Diver

    6 мая 2023 г., Гондурас ⋅ 🌬 29 °C

    Da mir nid dr glich Kurs bsuecht hei, schribi iz was ig so ha erläbt während am Kurs zum Advanced Open Water Diver.

    Am Friti hani zersch mau wieder ä Refresher müesse mache da ig scho sit 5 Jahr nüm bi ga touche. Isch tiptop gsi u het mir grad ume aus glehrte i Erinnerig grüeft. Am Samschti hei mir ä Theorie Teil gha am Vormittag und am Nami hei mir 2i Dives gmacht und am Abe de no dr Night Dive. Würkli seehr cool gsi ir Nacht z touche, es isch eifach der Wahnsinn gsi!😅
    Am Samschti si mir scho nach dä 7bnä am Morge los für di zwe nächschte Dives. Der erscht isch der Deep Dive gsi, da si mir abe bis uf 30 Meter zum nä grosse Schiffswrack toucht - sehr spannend was dert aus so läbt und wachst uf däm Schiff. 🐠🐟
    Am Mändig Morge hei mir no 2 Fun Dives gmacht u da hei mir zimmli viu cooli Tierli gseh und de hani einisch meh müesse säge die Ungerwasserwelt isch eifach faszinierend.😄🙌🏼

    Bi au dene Dives hani folgendi Tierli gseh; Turtles, Lobster, Eagle Ray, Shark, Baracuda, Snails, Moray und sehr viu verschidni farbigi Fische🐠🐟

    Ig mache iz no der Rescue Diver di nächschte paar Täg und wirde somit no witeri Touchgäng mache😊🤙🏽    Читать далее

    Посмотреть перевод
  • Zentral- und Südamerika
    2Erste Itrag i mis Tauch Logbüechli, nach äm SchnuppertauchgangCertified Open Water divers😁👏Ds Boot Miss BehaveAdvanced Open Water divers😊🤿

    Open Water & Advanced Open Water

    14 мая 2023 г., Гондурас ⋅ ☁️ 29 °C

    So ou ig möcht no vo mirä Zit uf Utila verzöue.
    Wiu ig vorher no nie taucht ha, ha ig zersch mau ä Schnuppertauchgang gmacht. Da hani hurti di paar wichtigstä Sache glehrt u när geits ou scho ab is Meer bis 10m tief. Ig muess sägä am afang hets mi scho chli komisch u beklemmend tünkt. Aber sobald ig gmerkt ha das es mit äm schnuufä auso funktioniert😆, hani schnell erkennt wie faszinieränd di Unterwasserwelt isch. Und woni no die grossi, blindi Schlidkrötä namens Batman gseh ha, hani eigentlich scho gwüsst das es öppis für mi isch. Wobi ig mir mit dr definitve Entscheidig glich no chli Zit ha glah, bis ig mi vor welligä Bootsfahrt erhohlt ha😅🤢.
    Am nächste Tag hani mit äm Open Water Kurs agfange, wo zersch us viel Theorie und Üebigä im Pool besteit. När hei mir ds glehrte aber bi vier Dives im offene Meer dörfe umsetze und de si mir bereits scho offizielli certified Open Water Divers gsi😁 🤿.

    Da es mir so guet gfalle het, hani de ou no grad dr Advanced Open Water Kurs gmacht. Ir Nacht ds Tauche isch also scho es genials Erlebnis!    Читать далее

    Посмотреть перевод
  • Zentral- und Südamerika
    Üses Rettigstoucher Team 😎💪🏼🛟Ja mir hei viu Szenarie düregfüährt😅Ig wär de diä ganz links😂Im Hingergrund wär äbe das grosse Schiffsfrack😊🙌🏼Chli floate fägt schono😄So gseht das 30 Meter unger Wasser us😁So öpis hei aui ono müesse mache, damit das eim äbe besser im Chopf blibt🙌🏼

    Rescue Diver 🛟🚤

    15 мая 2023 г., Гондурас ⋅ ⛅ 28 °C

    Sam; I‘ve done and I‘m done🛟😎

    Aso ig mues scho säge, dä Rettigstoucher isch auso ke Zuckerschläcke gsi 😅 Aso ig bi körperlech scho a mini Grenze cho, vorauem wemä allei ä bewusstlosi Person bi Wellegang ufenes Boot mues ufeschrissä 🙈

    D Rollenspiel im confined water si echt cool gsi (panicked diver, tired diver, underwater or surface) und het mega spass gmacht, abr di Üäbige si soo viu stränger wemä äbe när dusse isch im Open Water wos mega Wellegang het und du säuber extrem iz Schnuufä chunnsch und du die Person au 5 Sekunde sötsch beatme, wieder zeuä, drzue zum Boot zrügschwümme und dene glichzitig no d Usrüschtig abzieh..damit sä äbe de chasch uf z Boot ufezieh😅
    Der Erste Hilfe Kurs hani ono müesse mache (Emergency First Response (EFR®)) u da hei mir 1 Tag gmacht mit Üäbige und Theorie 😊

    Aso die ganzi Sach isch 5 Tag gange. Viu im Wasser gsi, ä huufä Theorie & 2 Teschts hei mir gha und ig bi jedä Abe zimmli uf dä Fäuge glüffe 😅
    Abr ig bi froh hani das gmacht, ig füähle mi iz no mau viu wöhler ungerwasser und ha die Sicherheit & Gwüssheit dasi öperem ou chönnt häufe😄

    🛟..Diver, Diver, I‘m a rescue diver.. may I help you?..🛟    Читать далее

    Посмотреть перевод
  • Zentral- und Südamerika
    Di si eifach soo härzig🐒
    Wunderschön die Farbe🦜1Das wär iz äbe dä Pirat gsi Coxen😅1Ja gseh hetmä nüme viu😂

    Gumbalimba Park Roatan Honduras

    18 мая 2023 г., Гондурас ⋅ ☀️ 29 °C

    Nach Utila si mir no uf d Nachbarsinsle gange, nämli uf Roatan. Dert hei mir am erschte Tag dä Gumbalimba Park bsuecht! Das isch sone Tierpark gsi wo Kapuzineräffli und Macaw Papageie sech frei bewege und mir d Glägeheit hei gha die dörfe z Bsueche und dörfe z häbe😊
    Es isch auso ganz härzig gsi und het üs ungloublech gfaue, vorauem die intensive Farbe vo dä Papageie und wie guet die Äffli chöi chlättere u wie fescht si sech mit ihrne härzige Händli, Füessli und am Schwanz chöi häbe😊 Isch auso für üs es super tolls Erläbnis gsi🦜🐒

    Näbscht däm hei mir bi dere Tour ono chli öpis über d Gschicht vo Roatan glehrt und natürli ou über d Tier;

    ☝🏼Die Papageie wärde bis zu 180 jährig
    ☝🏼D Landeswährig vo Honduras „Lempira“ isch dr Name gsi vom nä Indigene Held wo gäge die Spanische Kolonie het kämpft
    ☝🏼Coxen Hole isch dr Ort uf der Insle wo d Fährene vom Festland ahchöme und isch benannt nachemne berühmte Pirat „Coxen“ wo schinbar ä Hacken aus Hand het gha, es Bei us Holz und nume no eis Oug. Z’luschtige odr z’tragische dran isch, dass er sis Oug sech säuber het usgstoche wöu er schiins (so wie äuä jedä Pirat) dermasse z‘viu het trunke, dass er nüme het gwüsst daser ä Hacken statt ä Hand het und im Oug het wöue ribä u somit äs Oug het gfäuht🙈
    ☝🏼We Hochsaison isch chöme am Tag bis zu 600 Bsuecher i dä Park, wöu die Insle Anlaufsteu isch vo dene grosse Cruise Schiff - da chame sech dä Mönscheuflouf garnid vorsteue..abr zum Glück si mir so z säges einzig gsi a däm Tag u hei aus für üs gha😅    Читать далее

    Посмотреть перевод
  • Zentral- und Südamerika
    Hey, wär bisch de du?
    Wetsch es Müntschi?💋Nei, gang wäg, ha ke Interesse‼️Ok, akzeptiert🫡Friends again😉🥳🐒2

    Churzkonversation mitem Kapuzineräffli

    18 мая 2023 г., Гондурас

    Jaja mä hets probiert, abr er het nid wöue😎

    Посмотреть перевод
  • Zentral- und Südamerika
    Sunneungergang ufem Boot vorem Nightdive isch wunderschöön🥰
    Ein bisschen Spass muss sein😜Karibik pur🏝️Üses Roatan Grüppli🙌🏼😄Üses Touchcenter😄Just another day in Paradise🏝️

    Roatan

    24 мая 2023 г., Гондурас ⋅ ☀️ 29 °C

    Jaja das Roatan het üs ou sehr guet gfaue! Mir si jedä Tag mehreri Stung im Wasser gsi entweder am Touche odr de ono geng am Schnorchlä😅
    Die Ungerwasserwäut isch eifach ä Wäut für sich und het üs eifach faszinierd😊
    Mir hei bi üsem Hotel mega cooli Lüt troffe (Österrich, Brasilie und Ecuador) und si meischtens z 5fte höch ungerwegs gsi! De hei mir am einte Tag ä Roller gmietet und si uf der Insel vo Ort zu Ort umegfahre. U natürli si mir scho wieder inä Polizeikontrolle cho (Sam isch wieder gfahre..de isch das scho fasch klar gsi)😎 Abr das mau hei si ke Gäud wöue😅    Читать далее

    Посмотреть перевод
  • Zentral- und Südamerika
    1Arca de Santa Catalina
    1Iglesia de la MercedRoyal Palace of the Captains General

    Antigua, Guatemala

    28 мая 2023 г., Гватемала ⋅ 🌧 23 °C

    Ize si mir scho sitere Wuche in Antigua Guatemala😊 Mir gö hiä afe mau 4 Wuche id Spanisch Schuel. Mir beidi si ire Gastfamilie und beidi hei 1 zu 1 Unterricht. Dr Ahfang isch streng gsi abr iz ischmä langsam dri cho u chasech ömu scho veiächli verständige😅🙌🏼

    Antigua isch ganz ä wunderbari Stadt (1545m) und natürli ou prägt vor Kolonialzit, faszinierendi Architektur und Gschicht. Es isch sehr schön, alt und malerisch. Es het überau ä huufe Farbe prägt dür d Maya Kultur, mä louft überau uf Pflastersteine und mä cha sech schnäu i dene chliine, härzige Hingerhöfli verloufe. Antigua isch umgä vo 3 Vulkän und dr Vulkan Fuego isch vor ca. 4 Wuche i dä Schlagzile gsi, wöu er wieder mau öpis het wöue mäude (6km Aschewulke usgspukt, zimmli aktiv😉)

    Es isch d Houptstadt gsi vo dä spanische Kolonien vo ganz Zentralamerika u somit hetsi ä grossi Bedütig gha.
    Sit 1979 ghört die antiki Stadt zum UNESCO Weltkulturerbe☝🏼😄    Читать далее

    Посмотреть перевод
  • Zentral- und Südamerika

    El Paredón

    10 июня 2023 г., Гватемала ⋅ ☁️ 31 °C

    Da mir im Moment immer no in Antigua si hei mir hurti ä Usflug gmacht über z Wucheend zum Meer uf El Paredón!
    Z Spezielle isch gsi, dass der Sand dunku isch😊 Für Surfer isches ä beliebte Surfspot. Abr da d Konditione vo dä Welle für üs nid optimal si gsi, hei mirs la si mit Surfe und si drfür meischtens i däm schöne Pool am bädlä gsi🙌🏼🍸😎
    Am Sunntig Abe si mir ume zrüg cho uf Antigua und si ize wieder fliessig am Spanisch lehrä ir Schuel😊    Читать далее

    Посмотреть перевод
  • Zentral- und Südamerika
    Üses lieblings Kafi darf nid fähle zum lehrä🙌🏼 (ds isch üsi säuber gmachti Schoggi)
    Aso d Proportioneverteilig stimmt wieder mau nid😅1Ruinas de Catedral San José1Typischi Hochzitschleidig vo Guatemala 😄Ruinas de Catedral San José1Isch guet macht mau öper chli ä Morerei dert 😂🍫

    Antigua 🇬🇹

    16 июня 2023 г., Гватемала ⋅ 🌧 25 °C

    Da mir wäge der Schuel längers in Antigua si, hei mir natürli ou Zit für die Stadt ahzluege und a viune Aktivitäte teilznä😄
    🔸Mir si ga Schoggi mache, aso mir hei ä Kurs bsuecht „From Bean to Bar“🍫 Mir hei viu glehrt über die ganze Schritte vor rohe Bohne, übers Röste bis mä schlussendlich die fertigi Tafele ir Hang het! Abr ganz ehrlech, d Schoggi isch de nid so fein gsi 🙈 Abr het guet usgseh..👀
    🔸Mir hei are Schuelaktivität mitgmacht, wo si üs ganz viu über die traditionelle Maya Hochzite verzeut hei
    🔸Mir si im nationale Art Muesum gsi; Mueso Nacional de Arte de Guatemala
    🔸D Ruine vor Catedral San José hei mir ou bsuecht. Die Kathedrale wär ursprünglech sehr viu grösser gsi, abr da es immer wieder zu Naturkatrastrophene isch cho (Erbebe und Vulkanusbrüch), isch d Kathedrale nid immer vollständig ufbout worde.

    Es isch auso spannend da und es git no viu meh z gseh😊🙌🏼    Читать далее

    Посмотреть перевод
  • Zentral- und Südamerika
    Eifach nume schön gsi🙌🏼😎
    1Schono chic di chliinä Hüsli😉Paar Lütlis vor Schuel🙌🏼😎Aso wie wei mir iz no härestah?😂Äschi gseht mä ono ganz chliin😄

    Hobbitenango & Ruinas Santa Clara

    18 июня 2023 г., Гватемала ⋅ ☀️ 21 °C

    Am Wucheend hei mir vo Antigua us diversi Usflüg gmacht. Am Samschti Namitag si mir zu dä Ruine vor Convento Santa Clara gange. Das si d Überräschte vore grosse Klosteralag vom 18. Jahrhundert inkl. Chiuchä. Es isch wunderschön gsi und mä hetsech fasch chli i die Zit zrügversetzt gfüehlt. Z‘schöne dranne si vorauem die verschidne Fassade & Chiuchäbögen, wo je nach Liechteinfall ganz verschieden usgseh😊

    Am Sunntig hei mir ä Usflug zum „Hobbitenango“ gmacht. Das isch ä Ort wosi chliini Hobbithüsli bouä hei und mä cha ga d Ussicht gniesse plus diversi Aktivitäte mache wie Mini Golf spiele odr Bogenschiessen. Mä gseht uf Antigua abe und het Sicht uf 5 Vulkän 👀🙌🏼 Der Gandalf hätte mir ono gseh, abr dä Cheib het no äxtra Gäud wöue fürnes Foto - ischnis du när grad chli z blöd gsi😅    Читать далее

    Посмотреть перевод
  • Zentral- und Südamerika
    Wunderschöni Sicht a üsem Abschlussabe in Antigua🍸🙌🏼
    Das isch d'Gastmama vo Sam😄Das si üsi Lehrer gsi🙌🏼Das isch üses Schuelzimmer gsi😊Da si aube die feine Pousesnacks zuebereitet worde☺️Das si d Lüt vo Sam's Homestay gsi🥰Äschis Gastfamiliä und ihri HomestayerD'Lehrerin und z Schuelzimmer vor Sam😁Es isch Lehrertag gsi und de heisi üsi Lehrer mit Gschänkli und Musik überrascht😁🎁💐Antigua und Vulkan Agua

    Adiós Antigua 🇬🇹

    30 июня 2023 г., Гватемала ⋅ ☁️ 20 °C

    Nach 5 Wuche Schuel hei mir Abschied gno vo Antigua😊 Mir hei ä wunderschöni Zit gha und heis sehr gnosse! Mir hei beidi ä super nätti Gastfamilie gha und heis ou sehr guet preicht mit dä angere Studente. Es het üs bau chli hert gha tschüss z säge und z ga, abr äbe „es la vida“ das ghört äbe chli drzue🤷🏼‍♀️😬
    Üsi Schuelzit da isch ou sehr guet gsi. Mir hei eis zu eis Ungerricht gha und üses Schuelzimmer isch im nä schöne Garte gsi. Zwüschezitlech isch mä mängisch vo Eichhörndli odr vo grosse Frösche, Kolibris odr vo angere Vögu ungerbroche worde. 🦜🐸🐿️ Es isch ä angeri Art vo Schuel gsi und der Einzuungerricht het üs ou sehr ghulfe grösseri Sprachfortschritte z mache😄
    Mir würde beidi sofort wieder ga und würde jedem die Stadt und d Sprachschuel empfähle 😄❤️    Читать далее

    Посмотреть перевод
  • Zentral- und Südamerika
    Das isch der Fuego bi Nacht..wunderschön wemä die Lava gseht 🙌🏼
    Der Weg zrüg zum Basecamp mit Sicht uf Antigua 🎆✨Üses Zeltlager im Basecamp⛺️Das isch di einti Kollegin vo Sam's Homestay 😄Das isch üses z Mittag gsi wosi hei vorbereitet zum mitnä😄Der Fuego 🙌🏼Wohlverdients Bier nach üsere stränge Wanderig😄Bim abega het üs wieder mau es Hundi begleitet😄Der Fuego 🌋Sunrise ufem Acatenango mit Sicht ufe Vulkan Agua und Antigua😄

    Vulkan Acatenango & Fuego

    1 июля 2023 г., Гватемала ⋅ ☁️ 13 °C

    Mir hei ä 2 Tages-Tour gmacht ufe Vulkan Acatenango (Guatemala), wo direkt näbem aktive, lavasprühende Vulkan Fuego isch. Gstartet si mir uf ca. 2300m.ü.M. mitere Gruppe vo öpe 30 Lüt und si schlussendlich uf 3736m.ü.M. ufe glüffe zum Basecamp 😰🥶
    Es isch recht streng gsi, da mir nachem eigentleche Ufstieg zum Basecamp no mau ä Hike hei gmacht (Freiwillig und für die Wanderig heisech nume no 11 Lüt gmäudet) und zwar zum Vulkan Fuego und das si de no mau 5h wandere gsi für häre und zrüg. Grund; mir hei necher zum Fuego häre wöue wäge dere Lava und wöus bi Nacht eifach ungloublech schön usgseht🙌🏼🌋
    Mir si ca. am 22:30 Uhr am Abe zrüg cho zum Basecamp, hei z Nacht übercho und si när grad iz Bett. Übernachtet hei mir im nä Zelt und die Zelt si gschützt gsi ire grosse Kabine.
    Am 3:45 Uhr isch wieder Tagwach gsi u de si mir no ganz ufe Vulkan Acatenango uechä glüffe uf 3967m.ü.M. ga der Sunneufgang luege😄 Dert obe isches wahnsinnig chaut gsi und üser Bei si langsam recht müed gsi..
    Ahschliessend si mir wieder zrüg zum Basecamp und dert hets no z Morge gä. Es het Pancakes gä - die isch am Morge früäch eine äxtra cho bringe.. dä isch äuä irgendwie uechä gseklet 🙈👀🤔 Nachem z Morge hei mir üs o grad ufe Weg gmacht zrüg id Zivilisation😄 Unger ahcho hets no es Welcome Back Bier gä..wohlverdient nach öpe 14h reini Wanderzit innert 24h😅😱
    Aso für üs hetsech das auimal glohnt und heis dert obe trotzdem dases ca. 0 Grad Celsius isch gsi sehr gnosse! Es isch einzigartig und würkli atemberoubend - und ja, wenn chunnt mä am nä lavasprühende Vulkan scho soo nach und cha sones wäuts Naturspektakel beobachte? 😅🌋
    Näbscht däm hei mir natürli o chli müesse schmunzle.. da die Gruppene so gross si gsi, hets natürli o Lüt drbi gha wo no niä si ga wandere! Ja und das isch für üs Schwizer Bärggänger es zuesätzlechs Schouspiel gsi 😂🙈    Читать далее

    Посмотреть перевод
  • Zentral- und Südamerika
    San Juan de Laguna ☂️
    Aussicht bim Indian Nose ☀️Das isch üses härzige Hundi gsi🥰Gwüss no gmüätlech gsi😜D Ching hei geng mega freud gha am Hundi😊Überau i dene Dörfli hets mega schöni Graffitis gha 🙌🏼Der See isch umgä vo viele Vulkän🌋Das isch d Michelle u mir si grad ungerwegs mitem nä Boottaxi😄Panajachel☀️Das si d Froue d'Dymphy & Lucy vo Sam's Homestay😄Indian Nose 🙌🏼

    Lake Atitlan, Guatemala 🇬🇹

    7 июля 2023 г., Гватемала ⋅ ☁️ 23 °C

    Nach der Vulkan Wanderig si mir direkt zum Lake Atitlan gange. Dert si mir vorauem die chlinä härzige Dörfli rund ume See ga ahluege. Die Dörfli si zum Teil sehr farbig gsi und gwüssi si so Hippie-Dörfli gsi, wo o richtigi Hippies wohne ☮️✌️ Vo Dorf zu Dorf isch mä mitem Boottaxi ungerwegs gsi - o das isch immer es Abentüür gsi, wöu die Bootfahrer ke Speedlimite hei kennt u zum Teil vougas über die Welle si gfahre und üses Böötli de zwüschiche ä Abflug het gno🙈😂 —> Äckägstabi vorprogrammiert 🙄

    Am einte Morge hei mir ganz früäch ä Morgewanderig gmacht zum Ussichtspunkt Indian Nose. Vo dert hei mir ä sehr schöni Sicht gha ufe See und uf d Dörfli. 🏞️

    Z gröschte Highlight isch gsi, dass mir uf der Strass ä chliinä Welpe hei gfunge, ganz allei, verlasse und wahrschindli usgetzt. Es het grägnet und mir hei dä nid eifach chönne sim Schicksal überlah. Mir hei nä mitgno und hei nä ufpäppelet. Er het Fuetter übercho und hei nä paar mau düschelet mit Flohschampoo 😅😂 Di zwöi Froue wo no mit üs si greist am ahfang (d’Lucy vo England & d’Dymphy vo Holland si beidi mit der Sam im Homestay gsi in Antigua) hei schlussendlich dr Hund mitgno und d Familie vor Lucy wird das chliinä Hundi iz uf England hole 😄 Ende gut alles gut für dä chlin, härzig Welpe🥰

    Im zweite Teil vor Wuche isch no ä Schwizerin (Si heisst Michelle u chunnt usem schöne Glarnerland) zu üs gstosse für paar Täg mit üs in Guatemala umezreise. Si hei mir in Tamarindo (Costa Rica) i üsere erschte Wuche vor Reis kenne glehrt ☺️ immer wieder schön wie sech die Wege chrüze😄

    Aus i auem simer eigentlech z lang a däm See gsi u trotzdem dasses viu härzigi Örtli het gha, müesse mir säge, a üsnä Schwizer Gwässer gfauts üs viuu besser u mä wird o nid grad chrank wemä dri geit ga bade😎😆🙈    Читать далее

    Посмотреть перевод
  • Zentral- und Südamerika
    Üse spontan Theaterbsuech 🎭Aussicht uf Xela 😄Aso bevor mä es Kafi het chönne ga nä, hetmä scho hurti müesse d Täsche kontrolliere 😜Chicken Bus Terminal 😅Mercado in ChichiMercado in ChichiMercado in Chichi

    Xela - Beschrieb top - Realität flop

    12 июля 2023 г., Гватемала ⋅ ☁️ 19 °C

    Mir si witergreist i di zweitgröschti Stadt vo Guatemala und zwar nach Quetzaltenango (Xela). Es ghet gheisse, die Stadt heig ä guete Mix vom Charme vo Antigua und am Grossstadtläbe vo Guatemala City (Guate). U da mir so fan si vo Antigua hei mir gseit; guet da gömer😁Da hei mir abr när müesse säge, dass mir nüt vo däm Vibe hei mitbecho u dasmäs o grad so guet hät chönne lasi😅
    Item bi witem; mir si d Stadt glich ga aluege und si ufenes auts, schöns Theater gstosse usem Jahr 1895. Zuefälligerwis het grad ä eutere Herr ä chlini Tour dür z Theater gfüehrt und üs erklärt und zeigt i welnä Eggä vom Theater Xela‘s High Society sech normalerwiis ufhautet. 😄
    Am zweitä Tag si mir wieder mau chli mit dä Chicken Bus ungerwegs gsi. Mir si nach Chichicastenango (Chichi) gange, wöu dert jede Donnschti und Sunntig dr gröscht Märit vo Zentralamerika isch. Zersch hei mir dänkt; es wird öpe so z gliche si wie uf jedem Märit. Abr hei müesse säge, dä het üs nid enttüscht und es isch würkli ä schöne Märit gsi! D Busfahrt häre u zrüg isch wie immer abentürlech und ohni Speedlimite gsi😅
    Ir zweite Nacht het üs es Erdbebe usem Schlaf grisse. Uf z mau het z Bett ahfah hudle und z ganze Huus het bebt. Isch nid witers schlimm gsi, wöu z Epizentrum 189km vor Küste (bei Salina Cruz, Oaxaca, Mexico) im pazifische Ozean entfernt isch gsi - aso eigentlech wit entfernt, abr trotzdem spürbar, da es uf der Richterskala ä Stärki vo 6.5 het gha. 😳
    Am Samschti Namitag hei mir du när ar Michelle wieder Tschüss gseit, da mir witergreist si mitem nä Nightbus nach Flores, Guatemala. D Michelle isch ab Guate witergfloge i di Dominikanischi Republik.😄    Читать далее

    Посмотреть перевод
  • Zentral- und Südamerika
    So härzig die Nasebärli 🥰
    Das isch d Maya Stadt vo obe🛕Eifach so schön dä Jungle 😄Es paar Nasebärli bi dä Temple 🛕FloresFlores - scho recht farbig, glicht bau meh dene Hüsli vom nä Rummelplatz 😅Wieder mau es angers Hundi gseh..abr nid mitgno das mau😂🐶

    Flores & Tikal

    17 июля 2023 г., Гватемала ⋅ ☁️ 26 °C

    Nach paar Wuche eher im Süde vo Guatemala si mir iz no ganz im Norde vom Land ahcho. Es isch üse letscht Ort wo mir bsuecht hei bevor mir über d’Grenze uf Belize gö😄
    Flores isch ganz es härzigs, chliises Dörfli mit viune farbige Hüsli. 🏡 Süsch würkts eher chli verschlafe und es isch wieder heiss, aso mir si da definitiv wieder im tropische Gebiet 😅

    Mir hei da houptsächlech ä Stopp gmacht wäge dä bekannte Maya Ruine vo Tikal (Weltkultur- und Weltnaturerbe). Für die z gseh hei mir ä Tour buechet u hei wieder zimmli früäch uf müesse. Si am Morge am 2:15 Uhr ufgstange u si när am 3 losgfahre, damit mir der Sunneufgang im Park nid verpasse.
    Dert ahcho hei mir nid schlecht gstuunet wie wunderschöön, ihdrücklech und gross Temple vo dä Mayas si🛕 Di meischte Temple si zwüsche 800 und 600 vor Christus erbout worde. D Gründer si aus Chünige gsi us dere Zit. Rund 80% vo aune Temple vo Tikal si no ungerem dichte Jungle verdeckt und wärde o nid ufdeckt. Obwou mir sehr viu vo dene Pyramide hei chönne gseh, gäbs no viu meh z entdecke.

    Näbscht dene Maya Ruine isch natürli der Jungle sehr schön gsi. Mir hei paar Tierli gseh und vorauem ghört. 🙉👂es isch würkli sehr luut am Morge am 5fi und wär denn no chli schläfrig isch gsi, isch sicher wach worde dür z Gebrüll vo dä Brüllaffe 😅

    Mir hei die Tour mit der Lucy und der Dymphy gmacht. Mir hei mit ihne abgmacht, das mir üs in Flores wieder träffe. Si hei drum wägem Hundi no ä chline Umweg müesse mache. Si hei ä Tipp übercho, das ä guatemaltekischi Familie Interesse het das Hundi ufznä. Wosi hei gseh wie schön dases bi dere Familie isch, heisi entschiedä, dä Welpe geit nid uf England sondern blibt bi dere nätte Familie 🐶
    Am Abe si mir aui zäme no mau ga ässe u när hei mir üs definitiv verabschidet😄 Si reise beidi när i verschidni richtige witers.    Читать далее

    Посмотреть перевод
  • Zentral- und Südamerika
    San Ignacio 🏡
    Maya Ruine vo Cahal PechMaya Ruine vo XunantunichÜberblick vo dä Maya Ruine vo XunantunichStäge ufe zum 42 Meter TempelDä Tempel isch 42 Meter höch🛕Das isch es Wiibli😄🦎Das isch der Nachwuchs wo scho fasch 2i jährig isch😄Häbä hetmä natürli ou dörfe😄🦎So frässe isch doch geng schön😜

    San Ignacio, Belize 🇧🇿

    20 июля 2023 г., Белиз ⋅ ☁️ 31 °C

    Nach fasch 7 Wuche Guatemala si mir witersgreist uf Belize. Dr erst Stopp isch in San Ignacio gsi. Es Städtli churz nach der Grenze vo Guatemala nach Belize. Es isch härzig, abr louft nid viu. D’Lüt si grad ume viu angers aus no in Guatemala. Si si viu grösser und hei ihri Wurzle viufach us Afrika und offizielli Landessprach isch Englisch. Landeswährig isch Belize Dollar und mä erkennt di Britischi Commonwealth Zuegehörigkeit uf aune Münze und Nötli - d Queen isch öpe überau druffe (no)😅 Z‘ Land isch sehr grüen und es schiint meh Rücksicht uf d‘Umwelt gno z wärde, wöus ufgrumter isch und weniger Dräck a dä Strassenränder het.

    Vo San Ignacio us si mir no witeri Maya Temple ga ahluege, wo chliner si gsi aus die in Flores/Tikal, abr ou sehr interessant. 🛕🙌🏼

    Am einte Tag hei mir sones Iguana Rescue Center bsuecht. 🦎 Dert tüäsi jungi Iguanas ufzieh und mit 2 jährig freilah, abr ou verletzti Tier wieder ufpäppelä und wieder id Wildnis freila. Di Tier wärde bis zu 20jährig und chöi bis zu 2 Meter läng wärde. Z‘interessantischte a dene Tier isch, dass si chöi useläse weles Gschlächt si möchte si. Das heisst, we si männlech si, chöi si sech entscheide wiiblech z si. Die Umwandlig geit abr nume einisch im gsamte Läbe vom nä Iguana. Das mache si denn wesi merke es het entweder kes Wibli odr Mändli meh ir Umgäbig umso d Population z‘erhaute. 🧐    Читать далее

    Посмотреть перевод
  • Zentral- und Südamerika
    Wunderschön dä Pelikan 🙌🏼
    Sehr fein gsi😄🙌🏼Einisch hets no Lobster gä, super guet gsi😄🙌🏼1So isches würkli sehr gmüätlech😅Sam isch no bissä worde 😂Nurse Shark 🦈

    Caye Caulker, Belize 🇧🇿

    27 июля 2023 г., Белиз ⋅ ☀️ 30 °C

    Caye Caulker isch ä Insle in Belize und ä beliebti Feriedestination, vorauem für d Amerikaner. Mä geit dert häre wägem Touche oder Schnrochlä. Vo dert us chame das bekannte "Blue Hole" (grosses Sinkloch vor der Küste vo Belize) entweder mitem nä Flüger oder während am nä Touchgang ga ahluege. Nid nume das, sondern au z zweitgröschte Riff vor Welt chame vor der Küste vo Belize ga bestune. 😄

    Z Blue Hole si mir us Prinzip nid ga aluege. Näbscht däm dass es eifach "Schweineteuer" isch, isches vorauem eifach ä "Turi Abzoki", hei mir z gfüehl gha. Di Dive Center wo dä Touchgang bim Blue Hole ahbiete, näme eifach zum Teil Lüt mit wo chum Toucherfahrig hei, bringe die vor Ort uf 40m abe (obwou mir bezwifle, dasmä iz meh gseht uf 40m aus uf die 30m wo ömu für üser Touchprevets erloubt si ;ä😉), wo isch hiä der Sicherheitsaspekt? Es geit nume ums Geld 😉

    Uf jede Fau hei mir üs für angeri Toure entschlosse. Mir si 2i mau ga touche und einisch hei mir no ä Schnorkel Tour gmacht 😁🙌🏼 Es isch wunderschön gsi und mir hei sehr viu gseh vo däm Marine Sealife und si total begeischteret gsi, was das Riff alles z biete het.
    Hiä mau ä Uflischtig was mir aus hei dörfe gseh (das si iz nume die grosse Tier):
    Reef Sharks, Nurse Sharks, Turtles, Seacow (Manatee), Stingrays, Eagle Rays, Freshwater Crocodile, Lobster, Shipwreck    Читать далее

    Посмотреть перевод
  • Zentral- und Südamerika
    Bacalar mit Sicht uf d Lagunä
    Da simer ga bade🙌🏼💦 Isch schön warm gsi z Wasser und a dere Stell nid so töif😄Üses SegelbootUssicht über d LagunäMaya Ruine vo Tulum simer ono ga ahluege🛕4Beispielbild der Cenote "Dos Ojos" 😄1Das isch üsi Schwizer Jassrundi gsi🇨🇭♦️⁉️TulumChli mit Büsi gspielt hei mir ono😄

    Bacalar & Tulum🇲🇽

    1 августа 2023 г., Мексика ⋅ ⛅ 33 °C

    Nach Caye Caulker hei mir Belize verlah u si när witers greist nach Bacalar in Mexico. Isch houptsächlech bekannt für die wunderschöni Süsswasser Lagunä😄 Abr z Städtli isch süsch nüt speziells, würkt sehr verschlafe. Mir hei da ä Segeltrip buechet. Da heisi üs gseit, es sig wunderschön (isches ja o) und chli umweltfründlecher wöu mä ja duet seglä - Fakt isch, mir si öpe 3/4 vom Weg nume mitem Motor gfahre und gsäglet würkli nume ä chliini Strecki. Abr drfür isch z Bier guet gsi und d Lagunä zum Bade zimmli nice😜🍺

    Anschliessend si mir witers uf Tulum. Das isch 2-3h entfernt vo Bacalar. Tulum isch bekannt für ihri Cenote. Die Cenote gseh us wie grossi Löcher gfüllt mit Süsswasser. In Würklechkeit sis grossi Kavernen us Kalkstei, die dür dä Meteoriten Einschlag vor der mexikanische Halbinsle Yucatan si entstande vor rund 66 Millionen Jahr. Wäge däm Einschlag hets töifi, ungerirdischi Vertiefige gä. Das Ungerwasserhöhlesystem isch witlöifig und die Cenotes si zum Teil mitenang verbunde.
    Mir si da natürli ga touche - woow, eifach wunderschön, faszinierend und überwäutigend! Es isch dunku gsi, hei abr ä Taschenlampe gha und zum Teil het z Tagesliecht düregschimmeret und de hei mir gseh was sech aus i däm spannende Höhlesystem befindet😄🙌🏼 Leider hei mir vo däm kener eigete Fotis, abr hei glich eis als Beispiel usem Internet ufeglade vo üsere Cenote „Dos Ojos“💦

    Ja när isch no erschtä Auguscht gsi u dä hei mir natürli ono gfiiret. (Für die wo nid Schwizer si u das läse, am 1. Auguscht isch Nationalfiirtag vor Schwiz) 🇨🇭 Sam het ja äxtra d Schwizer Fahne mitgno 🤩 Wie es der „Reiner Zufall“ het wöue, si mir i däm Hostel genau denn a zwe Schwizer häre glüffe. (U vorher sit Wuchene kener Schwizer meh troffe ungerwegs) Uf jedefau häts so söue si, dass mir z viert hei chönne 1. Auguscht fiire und sogar drzue hei chönne jasse mitem nä feinä Bierli😜 Was wosch no meh🙌🏼 Und ja, ds cha o nid mänge säge, er heig dr 1. Auguscht gfiiret in Mexico u drzue no gjasset😂🇨🇭    Читать далее

    Посмотреть перевод