- Pokaż wyprawę
- Dodaj do listy postanowieńUsuń z listy postanowień
- Dzielić
- 19 cze 2024, 15:24
- 🌧 27 °C
- Wysokość: Poziom morza
PanamaProvincia de Bocas del ToroPorvenirGrassy Bank9°20’27” N 82°14’21” W
Isla Colon, Bocas del Toro
![](http://d2k8htqlk8yn1a.cloudfront.net/img/flags-png/pa.png)
In Bocas acho semmer mol beidi go dusche, hend e Powernap gmachd ond denn fein go ässe ond ab i Usgang. Es esch zemmli wild done im Usgang ond am nöchschte Tag hemmers entsprechend echli gmerkt, aber es esch ächt en coole erschde Obe gsi, womer scho vell Lüt atroffe hend.
Am nöchschte Tag hemmer ned werkli vell möge mache (kooomisch). Mer send eifach echli s Dörfli abgloffe, bem Hostel zue is Meer ghüpft, chli Yoga gmachd, fein gässe ond tronke.
Am zwöite Tag hemmer denn de Peta (Peter) kenneglehrt wo üs jedi erdänklech Tour hed welle atreie ond för jede Tag en Aktivität för üs parat gha hätt. Er esch sehr en loschdige gsi ond mer hed guet chönne met ehm verhandle. Tatsächlech hemmer denn au einigi Sache öber ehn bueched.
Am 3te Tag hemmer en Tauchgang gmachd. För mech eschs s erste mol Scuba Diving gsi ond en mega Erfahrig! Mer hend em Stingray gseh, en Muräne, ganz vell Fischli ond Seesterne. Be also scho froh hemmer kei Haie gseh, ha soscht scho teilwis liiiechti Panik gha i dene 14 Meter onde. Mer hend au es gsonknigs Chiquita Banana Schiffsriff gseh, wo super Bode gsi esch för neus Korall zom wachse. Wow!!! Dass d Liv met debi gsi esch wo de Master hed ond scho 78 Tauchgäbg hed mech feschd beruhigt.
Am Nomi hemmer üs no Velos gschnappt ond send met üsere neue Fröndin; de Franzi vo München a Bluff Beach gfahre. Wonderschön! D Franzi hemmer am erste Obe im Club scho atroffe ond denn per Zuefall weder bem Scuba Diving ond denn grad för de Nomi ond nöchschte Tag auno abgmachd.
Am nöchschte Tag semmer met de Franzi go surfe. Au das hemmer öber de Peta lo organisiere. De Jonny üse Surflehrer hed üs alles super erklärt ond mer hend die eint oder ander Welle guet verwötscht. Am Obe semmer no anes Beerpong Turnier gange ond chorz vorem Finale leider usgschede. Vlt. gschider för üsi Lebere...
Am letschde Tag nomol gemütlich, usschlofe, zmörgele, chli bädele, es chorzes (aber intensivs) Workout. , es Billiardspel. Ond denn hemmer natürli no de Schwizernati zuegluegt. Mer send erstunt gsi dass sie das do usstrahled, aber esch super gsi! Am Obe fein go ässe ond denn i Usgang. Karaokeobe. Mer hend de letschd Obe nomol feschd gnosse.
Höt am Donstig hend sech üsi Wäge trennt. Zerscht semmer nomol zämme go Zmörgele, ufs Speedboat ond de Shuttle, zämme öber d Grenze uf Sixaola ond denn Tschüssi🥲. D Liv esch witer uf Puerto Viejo ond ech be zrogg uf San Jose wo Morn min Flüger zrogg hei god. D Fahrt so ganz ellei esch mer vell vell länger vorcho als bem härego. De Busfahrer esch aber ganz en liebe gsi, mer hend vell gredet ond ech ha 2,3 gueti Podcasts glost ond gschlofe. Etz beni weder im Selina Hostel, das kenni jo scho ond sogar weder s gliche Zemmer.
Ech ben ready för hei! 🫶 Czytaj więcej
Podróżnik Gueti Heimreise 😍
Podróżnik Guete flog
Podróżnik
🔥🔥🔥