Babymoon Norway

Hüt simmer zrugg uf Tromsø gfahre, und usser dass mer dStadt noch 4 Täg Pampa mit anderne Auge aluegt, gits nöd viel neus zverzelle, drum füettered mier de Footprint hüt mit e paar allgemeine Beobachtige und persönliche Anekdote 😇

Bild 1) Am Strand vu Sommaroy isch üs da überblibsel vumene Seeigel ufgfalle. Zerst hend mier üs nüt debie denkt, wo mier denn aber bim spaziere würkli überall sotigi gfunde hend, egal öb am Wasser oder ufem Hügel, hend mier möse feststelle, dass dVögel die wohl holed und denn us de Luft keie lönd 🙈

Bild 2) Die schwimmend Sauna befindet sich im Hafe vu Tromsø und isch währed Corona ufcho.
Die wahnsinnige do obe, gönd denn au würkli use und ab is Wasser 🥶

Bild 3) Im Hotel uf Sommaroy het dHeizig im Zimmer nöd würkli funktioniert. Es isch eifach nie über 19.5 Grad gange, wa denn doch bitz frisch isch 😂 Als klassischi Bünzlischwizer simmers natürli go melde und hend denkt, dass mier e anders Zimmer überkömmed. Aber nichts da! De mobili Heizkörper isch dLösig gsi 😜 dViola het sich tot glacht, woni mit dem i de Ha d zrugg richtig Zimmer trottet bi 🙈😂 Im Nochhinein mömmer aber sege, es isch mega en smarte und effektive Weg gsi zums Problem löse 💪

Bild 4) Do obe gits die so genannte Polarmöwe, und die Viecher sind rieeeesiig 😱 locker me als dopplet so gross wie die Möwe wommer kenned 🙃 aber au viel schönner 😍

Bild 5) Entlang vu de Küste gits überall die Aquafarme, wo zur Lachszucht verwendet werded.

Bild 6) Kulinarisch isches do obe vorallem vöd Viola bitz e challenge, und e richtig traditionelli Kuchi hends au nöd hemmer glernt. Da gsehtmer au a de Uswahl vum hütige zNacht 😜

Bild 7) De zMorge het i jedem Hotel e bitz anderst usgseh isch aber eigetli immer mega fein gsi 😇 am herzigste hemmers denn aber doch im Kafi vum Camping gfunde, wommer im Lüchtturm pfuset hend, fast wie dehei 🤩

Bild 8) E schös Kafi isch mega schwer zfinde, und e glebti Kafikultur suecht mer do obe vergebes. Jedes Kafi machts eso wies gad Lust und Lune hend. Die einte tönd no Schoggi in Latte, die andere hend en zwor uf de Karte, serviered denn aber doch eher en Capuccino 😂 Defür gits ufgrund vu de "summerliche" Temperature do obe, fast überall an Iced Coffee 😂

Bild 9) I de meiste Restaurant in Tromsø isches normal zum sini Bstellig über en QR Code zmache und au gad zzahle. Da macht die ganz Gschicht eher unpersönlich und machts fast unmöglich zum Sonderwünsch abringe, isch aber natürli sehr effizient und es spart enorm Geld bim Personal

Bild 10) Bargeld brucht mer do obe gad emol gar niene! Es isch eigetlich sogar sehr ungern gseh, wie üs en Taxifahrer am Afang gseit het. Drum simmer sehr dankbar um üsi neu Karte vu Neon gsi wo kei Transaktionsgebühre het 💪En savoir plus