Reset search
Südamerika 2022Südamerika 2022
SatelliteEdit route

Südamerika 2022

November - December 2022
A 53-day adventure by Sarah & Julia Read more
  • 53footprints
  • 7countries
  • 53days
  • 384photos
  • 0videos
  • 32.8kkilometers
  • 26.3kkilometers
Follow Calendar Share Bucket list
Date descending
  • Südamerika 2022
    Day 53

    s Ändi vonere onvergässleche Reis

    December 29, 2022 in Switzerland ⋅ ☁️ 10 °C

    Üsi knapp 2monatig Reis god höt metem 11stöndige Diräktflog (met 1h Zwöschestopp in Liberia) z Änd.😯 Mer hend insgesamt 6 Länder bsuecht 🇵🇾🇧🇷🇦🇷🇧🇴🇨🇱🇨🇷, 26'300km Loftstrecki gfloge✈️, 6500km Landstrecki gfahre ond debi gäge die 100Stond im Bus verbrocht 🚌.
    Üsi Reis hed üs vom Fameliebsuech in Paraguay zode Iguazu-Fäll ond wiiter noch Nordargentinie gfüehrt, womer Landschafte i vellne verschedene Farbe (grüen, rot, mehrfarbig) bestuunt hend ond vell Fleisch gässe hend.☺️🌊🌈 Wiiter esches dör Bolivie met allne Vulkän, onterschedlech farbige Lagune ond de riiisige Salzwüesti. 🗻🏞️🧂Im Norde vo Chile hemmer denn d Atacama-Wüesti döffe erkondige. 🏜️ Als Kontrast dezue esch d Grossstadt Santiago gstande ond üse ersti Strandbsuech ade Köste vo Chile. ☀️🌴 De Abschloss vode Reis hed Costa Rica beldet: Rägewald, Vulkan, Strand, exotischi Tier, tropischi Fröcht ond Wiehnachte met de Gastfamelie.🥰🏝️🐒🦥🍍🍌 So schliesst sech de Chreis ond mer send met emene lachende ond emene brüelende Oug zrog id Schwiiz greist.🥲🤗❤️    Read more

    See translation
  • Südamerika 2022
    Day 52

    Adiós amigos

    December 28, 2022 in Costa Rica ⋅ ⛅ 25 °C

    Bi mystischer Morgestemmig hemmer Dulce Nombre met Sack ond Pack (aber leider ohni Frijoles 😥) hender üs gloh. 👋 De Absched esch üs bedne ond au de Familie ned ganz eifach gfalle. 🥺 Mer wösset, dass för üs do in Costa Rica Töre ond Härz emmer offe stönd. 🥰 Die 5-stöndig Busfahrt vo Nicoya uf San José esch ohni Zwöschefäll ond Staus öber Böhni gange. 🚌 Bide Migrationskontrolle hemmer es bekannts Gsecht hender de Plexiglasschiibe weder gseh. 🤣 De Zollbeamte José hed üs sogar ou weder erkönnt. 😮 Üses letschti Gäld hemmer ide Floghafeshops i diversi Sache investiert. 💸 Natürlich send au die verschednige Degustationsmöglichkeite (Kaffi, Schoggi, usw.) vo üs ned onberüehrt blobe. 😋 Boarding completed ond Tschüss. 🛫Read more

    See translation
  • Südamerika 2022
    Day 51

    Es letschts Mou Strand

    December 27, 2022 in Costa Rica ⋅ ⛅ 29 °C

    S erste mou sett längerem hemmer höt weder sälber zMorge gmacht: Joghurt met fröscher Ananas ond Banane.🍌🍍 Nochär semmer no es letschts Mou a Strand, womer üs es schöns Schatteplätzli onder ere Palme gsuecht hend.🌴 Ongloublech wie warm doses am Morge scho cha si.🥵 Gäge Mettag semmer de nomou dör d Souvenir-Läde ond hend die letschte Iichöif tätiget.🛍️ Usgröschtet metemne feine, chüele Frocht-Shake hemmer üs denn metem Bus ufe Wäg zrog uf Nicoya gmacht.🥤 Mer hend am Morge no devo gred, dosmers ned gschafft hend Chicharrones z ässe ond de verzellt üs s Gastmami ufem Heiwäg vo Nicoya, dos si genau das för höt planet hend.🤩 Chum dehei, semmer onder d Duschi ghöpft ond hend üs vo Sand ond Salz befreit.🛀 Als nöchsts esch üsi Onterrechtsstond im vo Hand Tortilla mache agseid gse.🫓🌽 Mer hend das rächt guet gmeisteret ond so hed zom Glöck niemmer mösse hongere.💪🏼 Zode Tortillas heds frittierts Fleisch (Tendelones) ond Späck (Chicharrones) gä, wo im Öl ufem Füür verosse gmacht worde send.🥩 Als Dessert send de ou no Platanos usem Garte frittiert worde.🍌 Nochem Ässe esch scho de ersti Absched agstande: Tante ond d Grosseltere.🥹 Wöus morn früeh los god ufe Heiwäg, hemmer üs no as Packe gmacht - d Rocksäck stönd parat...🎒Read more

    See translation
  • Südamerika 2022
    Day 50

    Sámara

    December 26, 2022 in Costa Rica ⋅ ⛅ 29 °C

    Zom Abschloss vo üsere Reis fahremer för ei Nacht uf Sámara.🏖️ Nochdem mer bes zo de teerte Stross brocht worde send, hemmer ufe Bus gwartet, wo de prompt a üs verbi gfahre esch ond erst wiiter vore gstoppet hed.🚌 E chorze Morgespurt spöter semmer scho im Bus gsässe, wo üs inere Stond bes zode Küste brocht hed.🏃🏽‍♀️ S erste Hostel womer agstüret hend esch e volle Erfolg gse ond mer hend diräkt chönne ichecke.💪🏼 Met de packte Strandtäsche semmer denn uf en erfolgrichi Souvenir-Jagd.💸 De Räscht vom Tag hemmer am Strand im Palme-Schatte ond im Wasser verbrocht.🌴🌊 Zom zMettag heds es Ceviche gä 🐟🦐🦑 ond pönktlech zom Sonneontergang hemmer üs dörd Cocktail-Charte probiert.🍹 Mer merkt trotz warme Temperature glich no dos Wiehnachte esch, wells sehr vell Lüüt am Strand hed. Es esch rächt onterhaltsam gse, de vöune Surfer zuezluege, wo fascht inenand inegfahre send. 🏄‍♂️Read more

    See translation
  • Südamerika 2022
    Day 49

    Schwiizertag

    December 25, 2022 in Costa Rica ⋅ ☀️ 29 °C

    Alli Wönsch wärdet höt erföllt. 🪄 S'Mami hed sech e Zopf gwönscht ond d Julissa Spaghetti Carbonara. 🥖🍝Somet hed üses Morgeprogramm metem Mache vom Sonntigszopf gstartet.💪 Bes dä bachet gsi esch, heds de doch no Tico-Zmorge gäh als chliini Stärkig. 🍚🫘 D Warteziit hemmer jewiils ide Hängematte im Garte öberbröckt. Om d Mettagsziit esch de Zopf ändlech fertig gsi ond de au sofort agschnette worde. 🔪För üs Schwiizer ganz traditionell met Konfi för Ticos daf Dulce de Leche doch au ned fähle. 😋 Satt vo dem feine Snack, heds nüt Zmettag meh brucht. Am Nomittag hed d Julia no e chorze ärztliche Iisatz gha ond im Grossvater sini Fäde ade Augebraue zoge. 🪡 Wie scho ganz gwohnt, hemmer nochhär ide Schaukelstüehl es Kaffi tronke. ☕️ D Julissa hed üs ufe Rondfahrt öbers Land vode Grosseltere metgno. 🛻 Näbe vellne Melonefälder ond andere Fröcht, hends au no Weidland ond Teak-Holz. 🍉🍈 Drufabe hemmer üs is Choche vom Wiehnachtsmenü gstörzt. 👩‍🍳 Quizfrage: Werd gfroorne Rahm bi heisse Temperatuure stiif ? - Teilwiis.🤨 Die ganz Familie esch zämmecho ond hed Salot, Zopf, Carbonara ond d Limettecreme in höchste Tön globt.🥰 Sogar d Fröndin vom Randy (Franciny) hemmer no döffe könnelehre.😄 De Obe lömmer onderem Stärnehemmel lo usklenge. 🌠 De besti Abgang bietet wohl die beide öber 80-Jährige Grosseltere s zwöite ufem Töff. 🏍
    Es grosses Rätsel vo dere Reis hed höt de Grossvater ufklärt. Wieso stellet d Lüüt met Wasser gföllti PET-Fläsche vors Huus? 🤓    Read more

    See translation
  • Südamerika 2022
    Day 48

    Feliz Navidad

    December 24, 2022 in Costa Rica ⋅ ☀️ 29 °C

    Am Morge hemmer zämme met de Julissa en Wiehnachtsspaziergang of de Högel henderem Huus gmacht. 🚶‍♀️Dä hed e super Ussecht öber s ganze Land vode Familie bote. 🌾 Sogar im Grossvater sini Melone-Fälder hemmer vo obe gseh. 🍉 Zrog bide Grosseltere esch d Julia of de Orangebaum gstege, zom üs es paar feini Orange z'pflöcke. 🍊 Natürlich hemmer de die au grad probiert - Ticos dönd eigentlich nome de Saft is Muul usdröcke. Als wär das ned scho gnueg Köstlechkeit, hend sie ou no chlini Banane henderem Huus - die send onschlagbar fein gsi. 🍌 Zor Feier des Tages hemmer üs entschede, e Rondi Yoga of de Wese vorem Huus z'mache - gesagt, getan.🧘‍♀️ Zode Zmettsgsziit semmer metere Portion Ässe los, zom das ide Julia ihrem Gastvater of d Boustell z'brenge.👷 För üs heds Härdöpfustock met Fesch gä.🐟 De Nomittag verbrengemer so ruhig ond gmüetlich, wiemer das nonie amne 24. Dezämber erläbt hend. 🤗 Am Obe semmer bi Verwandte vode Grosseltere in Santa Cruz iiglade. 🎄Es Fäst met vellne Ticos, traditioneller Musig ond guetem Ässe. 🪕 Wiehnachte mol komplett andersch. 🌴🌟Read more

    See translation
  • Südamerika 2022
    Day 47

    Esch wörklech Wiehnachte?

    December 23, 2022 in Costa Rica ⋅ ☀️ 30 °C

    Zom zMorge hemmer die wiehnachtlech Spezialität Tamales döffe probiere.😋 Das esch en Maismasse, gföllt met Fleisch, in Bananeblätter igschlage.🫔 Aschliessend heds Rompope (Eierlikör) zom probiere gä, wo d Tante gester gmacht hed.🥚🍶 Mer hend jo Ferie, de döfemer scho am morge trenke.😂 Nochär semmer uf Nicoya go Busbillet ond Läbensmettu poste.🛒 Ufem Heiwäg hed de d Julia as Stüür döffe, als Vorbereitig ufe Obe. Die erst ond letschti Fahrstond hed s Gastmami öberzügt. 💪🏼 Nochemne Zwöschestopp bide Grosseltere heds zMettag gä: weder e nöii, feini Art Casado.🫘🍚🍈 De Nommitag hemmer bide Grosseltere ide Schaukelstüehl met Kaffee & Brot ond emne Schlöfli verbrocht.😴☕ Am obe hemmer üs de metem Outo ufe Wäg gmacht a die zwoit Klassezämekonft, das mou z Nicoya met de Lüüt wo do wohnid.🥳 Hed sech usegstellt, dos si sech onderenand ide Zwöscheziit ou nie me gse hend.🤯 Ufem Heiwäg hemmer nor eis vo vellne Schlagloch verwötscht 🫡 ond so hed ou s Gastmami beruhigt chönne go schlofe. Mer fröid üs uf mou en spezielli Art Wiehnachte.🎄Read more

    See translation
  • Südamerika 2022
    Day 46

    Am schönste Strand vode Wält

    December 22, 2022 in Costa Rica ⋅ ⛅ 29 °C

    Höt hemmer s erste Mou ohni Wecker stelle usgschlofe ond send tatsächlech am 8i uf. 🤷🏽‍♀️ Nochem feine zMorge vom Mami (Gallo Pinto, Rüehrei, Maistortilla ond Platanos maduros usem Garte) hemmer üs metem Mami ond de Julissa ufe Wäg gmacht a Strand.🏝️ Zerst hemmer e Zwöschestopp z Sámara gmacht, send dör d Souvenirlädeli gschländeret ond hend de Strand agluegt.☀️ Dä esch scho wonderschön gse ond d Julia hed aköndiget dos de nöchst no schöner werd. 7km spöter, ade Playa Carrillo hed d Sarah verstande, was gmeint gse esch - WOW! 🤩 So Stränd könnt mer söscht höchstens usem Feriekatalog. Ewige Sandstrand, en Allee us Palme, stahlblaus Wasser ond praktisch kei Lüüt.🌴🌊 So hemmer de Tag im Palme-Schatte verbrocht, send im lauwarme Wasser go bade ond hend zom zMettag Thun-Sandwich gnosse.😍 Ufem Heiwäg hemmer no bim andere Grosi (Abuela Poy) verbi gluegt, wo ou ganz ide Nöchi wohnt.🧓🏾 Weder bide Abuela Gaby hed üs d Tante Grace zeigt, wie si Crocante (en Roulade met Noss-Caramel) macht.😋 Das hemmer de ou grad probiert zonere Tasse Kafi im Schoukelstuehl.☕ Zom zNacht heds wie emmer Casado gä.🍚🫘🍳Read more

    See translation
  • Südamerika 2022
    Day 45

    Dulce Nombre, Nicoya

    December 21, 2022 in Costa Rica ⋅ ⛅ 30 °C

    Nochdem mer jetzt ei Woche chrüz ond quer dörs Land greist send, esch höt de Tag cho zom zode Gastfamelie vode Julia zreise. 🤗 Met vier verschedene Büss semmer vo La Fortuna öber Tilarán, Cañas ond Liberia bes uf Nicoya gfahre. 🚌 Noch 7h Reis semmer denn z Nicoya acho, wo ide Julia eres Gastmami (Giselle) ond d Schwöster (Julissa) üs abgholt hend. 🥰 Bim erste Träffe sett 7 Johr send d Ouge ou chli füecht worde. 🥹 Schliesslech esches metem Outo wiiter gange uf Dulce Nombre, emmer wiiter us de Zivilisation use öber d Ärdstrosse. 🏡 Im Dorf hed sech ned vell veränderet - wie scho vor 10 Johr geds emmer no kei Empfang ond Internetzuegang ond d Büss fahred sogar no sältener als 2x am Tag - ongloublech. 😯 Nochere feine Stärkig met Salot, Riis ond Bohne esches ou scho uf gange zom de rästliche Familie 'Hola' z säge. 🙋🏽‍♀️ D Grosseltere (Gaby & Luva) hend sech riisig gfreut, d Julia weder z gseh. 😍 Ufem Schaukelstuehl met Bleck of de schöni Garte send Gschechte ond Neuigkeite ustuuscht worde. 🌸🌴 De Gastbrüeder (Randy) esch ou no met sim Töff vorgfahre - d Julia hed zerst mösse abwarte wär onderem Helm zom vorschiin chonnt. 🫣 De 'Bueb' vo vor 10 Johr esch mettlerwiile nömm ei Chopf chliiner, sondern zwe Chöpf grösser. 🤯 Zom Znacht semmer weder zrogg zom Eigeheim gloffe, wo vom Gastvater (Henry) liebevoll renoviert worde esch.🔨 Es hed e neui Chochi, neui Böde, e neui Terasse, e anderi Wandfarb - verständlech, dass de oberi Stock wiiterhiin e Boustell esch. 🙈 De Obe hemmer uf de Terasse lo usklenge, zämme metem Onkel (Heiner) ond de Tante (Grace) ond natürlech em treue Hond Lupo. 🐶 Mer verbrenged die nöchste Täg gmüetlech met de Famelie. 🥰Read more

    See translation
  • Südamerika 2022
    Day 44

    La Fortuna

    December 20, 2022 in Costa Rica ⋅ 🌧 24 °C

    Zom Zmorge semmer höt mitemne traditionelle Grecht verwöhnt worde - Gallo Pinto.🫘🍚 De Touri-Shuttle hed üs zomne Nationalpark mit Hängebrogge gfahre - Místico Arenal. 🌁 So semmer 2h dör de Rägewald gloffe ond hend Flora & Fauna bestuunt. 🌺 Obwohl mir kei Guide buechet gha hend, heds so vell Groppe omegha, dass mir au chli hend chönne zuelose. 🤓 Zo üsem Glöck hemmer es Gröppli Monos araña (Klammeraffe) ide höche Bäumwipfle erspäht. 🦧Osserdem hemmer no anderi Tier gseh: de berüehmti blaui Schmätterling Morfo azul 🦋, Coati 🦡, Kolibris ond gaanz vell Ameisi🐜. Die schaukelnde Brogge hend e atemberaubendi Ussecht ufe Vulkan Arenal sowie of de ganzi Rägewald bote ⛰️🌿. S Schaukle hemmer ohni Problem wäggsteckt - esch jo ned üsi erst Hängebrogg gsi. 🤠 Wiiter esches zom El Silencio gange - en Wanderwäg mit Secht ofe Vulkan ond de See sowie e Wäg dörs Lavagstei. 🥾 Mir send chli gliiner metem Wäg fertig gsi ond hend üs entschede, nochem Fuultier - Oso perezoso- usschau z halte. 🦥🦥 Tatsächlech esch üsi Asträngig belohnt worde ond mir hend zwöi gseh. 🤩 Devo esch sogar eis wach gsii ond hed schön id Kamera blinzlet. Do sech die Tier chuum beweget, well ihre Alltag zomne Grossteil us Schlofe bestood, esches extrem schwerig si osserhalb vode Paarigsziit z'Gsecht z'becho. De Parkwächter hed üs ned mol glaubt, dasmer no e wiitere gseh hend - erst s Foti hed ihn de devo öberzügt. 👀 Zom die schwäre Bei z' entspanne hemmer üs es Bad im ca. 35°C warme Flosswasser vom Choyin definitiv verdient.🛁 Üse einzig Tag in La Fortuna hemmer zo 100% usgnötzt! 💪 Täsche send packt ond morn goz wiiter. 🙋‍♀️Read more

    See translation
  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English