Reset search
Südamerika 2022Südamerika 2022
SatelliteEdit route

Südamerika 2022

November - December 2022
A 53-day adventure by Sarah & Julia Read more
  • 53footprints
  • 7countries
  • 53days
  • 384photos
  • 0videos
  • 32.8kkilometers
  • 26.3kkilometers
Follow Calendar Share Bucket list
Date ascending
  • Südamerika 2022
    Day 11

    Salta - Tag 1

    November 17, 2022 in Argentina ⋅ ⛅ 35 °C

    Nochere holprige Nacht met wenig Schlof semmer schlossändli in Salta acho. 😵‍💫 De wahrschindlich einzig Uber-Fahrer vo Salta hed üs zom Prisamata Hostel brocht. Met chli weniger Gepäck am Rögge möchemer üs uf Erkondigstour - vor allem noch Kaffi. ☕️ Obwohl mir schochli müed gsi send, raffemer üs uf zom bi hitzige Temperature (gfühlt 38°C) die 1070 Stägetritt ufe San Bernardo z'erklimme. 🔥 De Chopf glüehend vor Hitz suechemer üs es erfröschends Zmittag ond send ide Salad-Bar föndig worde.🥗 Jetzt hemmer üs e chüehli Duschi aber wörklech verdient. ❄️ Zrogg im Hostel hemmer üs ad Planig vode nöchste Täg gmacht. Gar ned so eifach, sech zwösche dene vellne Agebot z'entscheide. 🤔 Zom Znacht heds zom erste Mol öppis sälber kochets gääh - d Julia hed ihri bewärti Spaghetti Carbonara änezauberet. 😍 Mir hoffet etz ofe erholsami Nacht im 8er Schlag. 😴Read more

    See translation
  • Südamerika 2022
    Day 12

    Quebrada de las Conchas

    November 18, 2022 in Argentina ⋅ ⛅ 30 °C

    Höt Morge hemmer als ersts, mou schlofendi Hostel-Mitarbeiter verschreckt 🤯 - immerhin hed är verschlofe ond ned mir. Als Dank deför heds halt nome för es schnells Kaffi ond es gfrornigs Medialuna 🥐 glänget. Imne Büssli voll Touris semmer öber Cerrillos, la Merced, el Caril, la Viña, Alemanía id Quebradas glangt. Ufem Wäg hed de Tourguide vode Gschecht vo dene Ort ond de Tabakindustrie verzellt.🤓 Acho i dere wonderschöne Landschaft semmer usem Stuune chum meh usecho.🤩 Met x Föteli ufem Handy erreichemer om d' Mittagsziit Cafayate. Aber Zmittag heds no lang ned gäh, zerst hemmer döffe ide Finca el Recreo argentinische Wii degustiere - fast wie rechtigi Sommeliers. 🍷 No e chorze Zwöschestopp imne Lade för Gwörz ond Trochefröcht ond de heds ändlich öppis z' Ässe gäh. Au kulinarisch gömmer uf Entdeckigstour mir probieret Locro, Cabra, Humitas ond öbersüesses Dessert. 🌽 Nochere schnelle Stadttour esches de ou scho weder ufe Heiwäg gange. D' Röckfahrt dörs gliiche Gebiet esch aber alles anderi als längwiilig gsii. Bimne chliine medizinische Zwöschefall (es esch alles guet cho) hed sech de usegstellt, dass 6 vo 16 Persone i dem Auto Ärzt gsi send. 😅👩‍⚕️ Dör üsi neue Bekanntschafte hemmer erfahre, dasses in Argentinie verschedeni Gäldwächselkörs git - guet z' Wösse. 🤑Read more

    See translation
  • Südamerika 2022
    Day 13

    Salta - Tag 2

    November 19, 2022 in Argentina ⋅ ⛅ 32 °C

    Höt semmer ines neus Hostel omzoge. Entsprächend hemmer de Morge gmüetlech gstartet ond vor allem met Packe verbrocht.🎒 D Rocksäck abglade im Ferienhaus Hostel hemmer üs ufe Wäg gmacht, zom üses Portemonnaie uffölle. 👛 Leider hed d Bank nor chlini Schiine gha, entsprächend gföllt send üsi Täsche gse.💰 Nochdem mer de no d Tour för morn buechet ond zMettag gässe hend, semmer chli dör d Stadt gloufe bes mer s nöie Zemmer hend chönne bezieh.🛏️ Höt möchemers wie d Argentinier ond möched Siesta; metemne guete Buech.🧘🏽‍♀️ Förs zNacht suechemer üs ez en Peña met musikalischer/tänzerischer Onterhaltig. 💃Read more

    See translation
  • Südamerika 2022
    Day 14

    Quebrada de Humahuaca

    November 20, 2022 in Argentina ⋅ ☀️ 17 °C

    Nochere warme Nacht semmer weder mou pönktlech parat gse för üse Tagesusflog.🇨🇭 Öberraschenderwiis esch de Guide aber no pönktlecher gse ond so heds för keis zMorge me glänget.😱 Metem Büssli esches losgange id Ande-Region. Verbi amene Amazonas-Rägewald-Usläufer semmer uf Purmamarca glangt. Det hemmer Ziit gha zom s idrocksvolle UNESCO-Wältkulturerbe, die 7-farbige Bärge z bestuune.😍 Als nöchste Zwöschestopp hemmer im härzige Dörfli Tilcara ghalte, womer üs metere Tortilla Rellenada gstärcht hend.🌮 Fun Fact: vom Guide hemmer erfahre, dos det zemlech die glich Fasnacht gfiiret werd wie bi üs.🥳👹 Ufem wiitere Wäg hemmer binere Keramik-Fabrik gstoppet, womer s Konsthandwärk ond die onzählige Unikat erklärt becho hend. Mer hend ou Bekanntschaft gmacht met de härzige, flauschige Tier us de Ande: de Lamas.🦙 Als letschte Stopp semmer z Humahuaca itroffe ond hend e Stadtbesechtigong uf 3012M.ü.M. gmacht.⛰️ Zom zMettag hemmers de gwogt Lama-Schnitzeli z probiere... es esch erstunlech zart gse.😋 Dezue semmer met traditioneller Folklore-Musig onterhalte worde.🪕 Ufem Röckwäg heds no en Halt in Maimara gä, zom näbe de farbige Bärge ou die spezielli Art Friedhof könnezlehre.🪦 Die wärded nämlech ufemne Högel oberhalb vom Dorf agleid, demet s Grondwasser ned kontaminiert werd.🧐 Müed ond voller Idröck semmer weder z Salta acho ond lönd de Obe im Hostel metere Fläsche argentinischem Wiii usklinge. 🍷Read more

    See translation
  • Südamerika 2022
    Day 15

    Salta - Tag 3

    November 21, 2022 in Argentina ⋅ ⛅ 21 °C

    Es hed mehreri Grönd gäh, dass höt kes grosses Programm planet gsi esch. Einersiits esch höt in Argentinie en Fiirtig, anderersiits stoot üsi nöchsti Etappe bevor ond mir hend no mösse fertig organisiere. 🤩 Glöcklicherwiis heds höt grad au no gräägnet.☔️ Die chüele Temperatuure chömmet üs glääge, so chömmer au weder mol chli abchüele noch dene heisse Nächt im Saunazimmer.⛄️🔥 Leider hend höt alli Wäschereie zue, drom heissts Hand alegge ond sälber wäsche 🧼🧺 De Nomittag verbringemer demit, üsi Ässensräste z'verpotze, s nöchste Busticket z'poste ond es Käffeli go z' trinke.🥰 Gäge Obe hed de üse Buuch glost uf argentinischi Grillade - Parilla - gha.😛 Jetzt bruuchts definitiv e Verdauigsschlof. 💭Read more

    See translation
  • Südamerika 2022
    Day 16

    La Quiaca

    November 22, 2022 in Argentina ⋅ ⛅ 12 °C

    Chuum usem Bett, heds üs diräkt vor de Färnseh zoge. ⚽️ Leider hed Argentinie öberraschend gäge d'Saudis verlore. 😯 (nationali Krise!) Im Gägesatz zode Argentinier hed das üsem Tag ke Abbroch do ond mir send mitem packte Rocksack zode Busstation marschiert. Die 7-stöndig Busfahrt esch alles anderi als längwiilig gsi mit dem schöne Panorama vode Ande-Region. 😍 All paar Kilometer send einsami Dörfli us Bachsteibaute, Lama-Härde und Friedhöf uftaucht. 🦙 Gäge Obe semmer in La Quiaca acho, was ufe ersti Blick rächt usgstorbe gwerkt hed - sogar d Strohballe send öber d Strosse gfloge. 🏜 Uf dene 3400 m.ü.M eschs Klima dütlich chüeler ond d Loft dönner. 🥶 D Sarah hed sogar blaui Finger ond Lippe gha, aber au de Julia eschs Schnuufe chli schwärer gfalle. Mir gönnet üs weder mou chli Luxus und nänd üs es Privatzimmer mit Bad zom gliiche Priis wie vorhär s 8Bett-Zimmer ohni Bad. 😏 SEHR hongrig hemmer üs of d'Suechi nochemne Restaurant gmacht. 😤 Zom Glöck hed eis för üs d Chochi chli gliiner ufgmacht. 🤩 Weder ufgwärmt vonere heisse Duschi erholemer üs, bevor mir morn Morge d Gränze noch Bolivie öberqueret. 🇧🇴Read more

    See translation
  • Südamerika 2022
    Day 17

    Tupiza - Tag 1

    November 23, 2022 in Bolivia ⋅ ☁️ 19 °C

    Nochere troumriiche Nacht (Höheloft?) eschs zFuess losgange rechtig Gränze noch Bolivie.🇦🇷👟🇧🇴 Chum öber d Brogg semmer ide Ziitzone e Stond zrog, hend e nöii Währig ond ou alles andere werkt rächt anderst. 🧱 Üses planete Abentür, metem Zog uf Tupiza z reise hed amene abglägne Bahngleis es Ändi gfonde.😥 Schiinbar fahrt dä Zog scho lang nömm.🤦🏽‍♀️ Darom nähmemer üses bewährte Transportmettu: de Bus.🚌 Während mer ufd Abfahrt wartid geds no es (wahrschinli) authentischs bolivianischs zMettag inere Strosse-Beiz.😋 Im Busbahnhof eschs zue ond här gange wie ufemne Märt: jede hed sini Destinatione, Abfahrte ond Priise omegruefe zom Chonde zgwönne.🔊 Eimol meh hed üs d Busfahrt dör spektakulärs Panorama gfüehrt.⛰️ Z Tupiza esch grad üsi ersti Aloufstell e volle Erfolg gse ond mer hend es Zemmer för 2 Nächt klar gmacht.✔️ S Glöck schiint höt uf üsere Siite zsi, mer hend sehr schnell öber Facebook e Reisegroppe gfonde, womer üs förne Tour chönd aschliesse.✔️ Nochemne chorze Spaziergang dörs Städtli voller Awaltskanzleie, heds üs ine Pizzeria zoge, zom weder mou öppis Bekannts z ässe. 🍕Read more

    See translation
  • Südamerika 2022
    Day 18

    Tupiza - Tag 2

    November 24, 2022 in Bolivia ⋅ ⛅ 23 °C

    Üses Ziel vo höt, esch s Gipfelchrüüz vom Cerro La Cruz. ✝️ Mitere Wägbeschriibig vo üsem Hostel-Bsitzer möchemer üs uf d Suechi nochem richtige Ufstiig, was sich als gar ned so eifach usestellt. 🕵‍♀️D Markierig esch öppe glich dörftig wie d Wäägbefestigong. Zom Glöck semmer schwendelfrei ond hend guets Schuehwärk. 🥾 Mit nome einisch Verlaufe ond vellne Schnuufpausene schaffemers schliesslich ufe Gipfel. D Ussicht esch omwärfend, es meega Panorama met onzählige Farbe. 😍 Ufem Wäg zom Bankomat hemmer per Zuefall es Strössli met vellne iiheimische Beizli gfonde. Mir hend üs de sehr priiswärt mitemne traditionelle Zmittag lo verchöstige. 🍲 Die Portione semmer üs halt scho ned so gwöhnt, d Vorspiis hätti bi wiitem scho glänget gha. 🤰 Drom bruchemer höt definitiv e chli Siesta . Nochdem mir för die kommende 4 Täg alles organisiert hend, möchemer üs uf d Suechi noch Gmües. 🥕 Per Zuefall laufemer ane schöne Määrt äne, wo all üsi kulinarische gsonde Träum erföllt wärdet. 🤗 Die nöchste 4 Täg wärdet vellversprächend aber leider esches ongwöss, ob mir üch regelmässig chönd ufem Laufende halte. 🫡
    Tschüss bis spötistens nöchst Woche.👋    Read more

    See translation
  • Südamerika 2022
    Day 19

    Naturspektakel Bolivien - Tag 1

    November 25, 2022 in Bolivia ⋅ ☁️ 15 °C

    Quebrada de Palala - El Sillar - Aguana Pampa - Cerillos - Pueblo El Encanto - Río San Pablo - San Antonio de Lipez - Ruinas Pueblo Fantasmo - Laguna Morejón - Quentena Chico

    Höt esch üse 4-Tages-Trip dör Bolivie losgange. 🤩 Üse Guide de Roman hed üs ond üsi vier Reise-Gspändli (Joyce & JB, Alice & Alexia) met sim 4x4 Jeep abgholt, alles ufem Dach befestiget ond s Ässe för die nöchste Täg glade.🛻 Zom zwoite zMorge ufem Sillar hed üse Guide üs es typisch bolivianischs zMorge präsentiert: es warms, süesses Maispüree (Tojori). 🌽 De ersti Schlock esch wie do üblech ad Muetter Ärde gange.🌱🌎 Mer hend de ca. 400km Strecki metem Outo zroggleid. Währenddem hemmer d Bärgchettene ond verschedensti imposanti Felsformatione bestuunt. 😯 Zudem semmer a onzählige frei läbende Lama-/ ond Vincuña-Herdene verbigfahre🦙, hend Chinchillas (Hase mit langem Schwanz)🐇, Strusse ond e spezielli Huehnart gse. Wiit ond breit heds kei Zivilisation gä, chum Mönsche ond ou kei Strossebeschelderig hemmer gse.👀 Entsprächend hed d Bio-Pause ufem offene Panorama-WC stattgfonde.🤠 Ohni z merke semmer plötzlech scho uf 5000M.ü.M. gse.🤯 Chorz druf esch die schöni Lagune im Tal uftoucht. Ez hed nömm vell gfählt bes zo üsere Onterkonft för die Nacht, zMetzt im Nirgendwo. Nochem feine zNacht ond 3-4 Gschechte vo üsem Guide semmer müed onder die 5-lagig Decki gschlöpft.😴Read more

    See translation
  • Südamerika 2022
    2
    Day 20

    Naturspektakel Bolivien - Tag 2

    November 26, 2022 in Bolivia ⋅ ⛅ 8 °C

    Laguna Colorada - Volcán y Geisers Sol de Mañana - Desierto de Dali - Termas - Laguna verde - Laguna blanca

    Tagwach esch am 6i am Morge gsi. Zor Verchöstigong heds Brot ond sogar Rüehrei gä. 🍳 Sobald de Jeep fertig glade gsi esch, hemmer üs weder ufe Wäg gmacht öber die weniger befahreni Route zode Laguna Colorado. Mir hend üs scho gfrogt, wieso mir ohni Stopp om die ganz Lagune omefahret, aber de agstüüreti Ussichtsponkt esches definitiv wärt gsi. 😍 Das muessmer eifach met de eigete Auge erläbt ha - onändlich vell Farbe ond e huufe Flamingos hend s Beld perfekt gmacht. 🦩 De Wäg hed üs wiiter zom Krater vom Vulkan gfüehrt, wo mir s'Broddle ond Rauche vode Geysir hend chönne beobachte - immer schön vorsichtig dasmer ned plötzli im 500° C heisse Magma landet. 🗻 De Honger stellemer bi üsere höttige Onterkonft, wo e atemberaubendi Ussicht ofe Salar de Chalviri bietet, ond gönd de rasch wiiter zode grüene ond wiise Lagune.🏞 Obwohl die beide Lagune ganz nöch binenand legget, esch die grüen Lagune voll mit Arsen ond dementsprächend geftig 🧪, deför esch die wiissi Lagune voll met Läbe 🐟. Grad pönktlich ofem Röckwäg schlots Wätter om ond so verbringemer de Obe im Schärme mit Wy ond Znacht bi spannende Gspröch zämme met üsere Groppe. 🍷 Ond wer häts dänkt, es hed sogar gschneit aber mir send jo schliesslich au uf 4730 m.ü.M. ❄️ De Schnee hed üs aber ned vomne obendliche Entspannigsbad ide Terme bi 37° C abghalte. 😊Read more

    See translation
  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English