Resetuj wyszukiwanie
Üsi Australiäreis 22/23Üsi Australiäreis 22/23
SatelitaEdytuj trasę

Üsi Australiäreis 22/23

grudnia 2022 - marca 2023
Üses zwöitä Abentüür z Australiä. Nachdäm mir z'letschtä mau im 2019 vo Perth, dürä Nullarbor richtig Alice Spring, Cairns u när dr Ostküstä uf Sydney gfahrä si, göh mir dasmau Südaustralia u Tasmania gah erkundä. Czytaj więcej
  • 46ślady stóp
  • 3kraje
  • 85dni
  • 341zdjęcia
  • 2filmy
  • 26,1kkilometry
  • 16,3kkilometry
Obserwuj Kalendarz Dzielić Lista postanowień
Data rosnąco
  • PodróżnikÜsi Australiäreis 22/23
    Dzień 34

    Philipp Island

    11 stycznia 2023, Australia ⋅ 🌙 22 °C

    Hüt si mir chli d Philipp Island gah unsicher machä. Zersch si mir mau ines Kaffee am Strand gah z'Mörgelä u aaschliessend si mir chli a Strand gah liegä u gah bädelä 😎

    Wo mir när wieder trochä gsi si, hei mir üs nu chli bewegt u si dr Rhyll Inlet Walk gah machä. Für dä isches aber scho fasch z heiss gsi 🥵. Drum si mir nu chli i d Lädeli innä wos schön chüuh gsi isch u aaschliessend wieder a Strand.

    Da mir d Zyt chli vergässä hei u ds Restaurant wo mir hättä wöuä gah ässä scho totau überfüllt gsi isch u d Lüüt bis ufd Strass usä aagstangä si, hei mir üs churzerhand entschiidä online i däm Restaurant z bsteuä u när am Strand z ässä. Gueti Idee, schlächti Umsetzig. Aber wohär hättä mir söuä wüssä, dass si für d Spaghetti ke Bsteck mitgäbä? 🫣 Ja nu, de het dr Christian sini Pizza haut müessä teilä 😁     Czytaj więcej

    Zobacz tłumaczenie
  • PodróżnikÜsi Australiäreis 22/23
    Dzień 35

    Peninsula Hot Springs

    12 stycznia 2023, Australia ⋅ ⛅ 19 °C

    Hüt hei mirs üs mau so richtig lah guet gah u hei dr Tag bi dä Peninsula Hot Springs gnossä. Dert hets x-verschiednigi chliini, meischtens warmi bis heissi Quellänä so zwüschä 30-40°C u viu Plätz zum sich erholä, zmitts im Wald innä gha. Äs isch wunderschön u sehr entspannend gsi 😊.

    Nachdäm mir di meischtä warmä Quellenä usteschtet hei, si mir nu i Ice Cave gangä. Dert hets zwöi Rüüm, dr eint isch +4°C u dr anger -25°C. Das het sich aber niä so aagfüuht dert innä, äs isch eher schön erfrüschend gsi 😅.

    Leider isch dä hütig Tag so schnäu dürä gangä, dass mir sogar richtig verchlüpft si, dass mir über 8 Stung dert gsi si 🙈😁

    Drfür si mir jetzt am packä, wüu morn geiz de ab richtig Tasmaniä.     Czytaj więcej

    Zobacz tłumaczenie
  • PodróżnikÜsi Australiäreis 22/23
    11
    Dzień 36

    Ab in den Süden...

    13 stycznia 2023, Australia ⋅ ⛅ 23 °C

    Hüt morgä hets bi Zytä gheissä ufstah, fertig packä u när abfahrä richtig Flughafä. Obwouhs rächt viu Vercher dür Melbourne dürä gha het, si mir gliich rächt schnäu dert aacho u hei z Mietouto 🚘 chönnä abgäh.
    Bir Gepäckufgab hei mir chli müeh gha, wüu am Christian si Koffer übergwicht gha het 🤦‍♀️🤦‍♂️ (nach 3mau umpackä hei mirs de aber gliich nu gschafft 😅) aber drfür isches när tiptop gangä, bis mir bim Gate gsi si. Dert hei mir när ewigs gwartet bis d Cabin Crew cho isch, drum si mir när mit überer haubstung Verspätig ersch abgflogä.

    Nachem landä z Launceston het dr Zoll-Hund 🐶 rächt fröid am Christian gha u ischem grad nachägloffä 😅 aber da är nüd aagäh het, hets dr Zöllner aber nid gross interessiert 😊

    Wo mir äntlich z Outo hei chönnä holä, isches o scho wiiter richtig Unterkunft für di nächscht Wuchä gangä. Isch wunderschön u mir hei sogar scho äs paar Wallabies gseh 😍

    Jetzt gah i de nu dr Tag im Whirlpool gah lah usklingä 😊     Czytaj więcej

    Zobacz tłumaczenie
  • PodróżnikÜsi Australiäreis 22/23
    112
    Dzień 37

    Rund um Launceston

    14 stycznia 2023, Australia ⋅ ☀️ 22 °C

    Am Morgä si mir a Harvest Market in Launceston gangä chli gah dürä luegä. Äs het diversi Stäng gha mit Regionalem Gmües, Frücht, Chäs (Unger angerem Tilsiter u Greyerzer) u nu viu meh. Üser Vermieter vor Unterkunft hei dert ä Stang gha mit Koreanischä Pancakes, wo mir grad hei dörfä probierä. Di si super fein gsi, aber dummerwiis ha i vou uf miner Hosä tropfet vo dr Füllig, dass mir zrüg id Ungerkunft hei müessä, zum suuber aalegä 😩.
    Aber glücklicherwiis ha i müessä gah früsch aalegä, süsch hättä mir dr Echidna nid gseh gha 😃 Dä isch nämlich genau denn wo mir zrüg gfahrä si, ir Uffahrt zum Huus am Spazierä gsi 😁

    Nachem angers aalegä si mir zu dä Tamar Island gah loufä. Dert louft mä uf 3 Insäli u äs het mega viu Vögu umä gha. Vorauem viu schwarzi Schwän hei mir gseh gha. Ufem Wäg zrüg zum Outo hei mir de tatsächlich nu ä Schlangä 🐍 aatroffä, ä Lowland Copperhead, wo schön im Gras am Sünnelä gsi isch.

    Nachdäm si mir nu mau chli iz Städtli gah umäluegä, bevor mir wieder zrüg id Ungerkunft si. U während däm i dä Iitrag am schribä bi, hani nu Bsuech vomänä Wallaby 🦘 becho 😄     Czytaj więcej

    Zobacz tłumaczenie
  • PodróżnikÜsi Australiäreis 22/23
    Dzień 38

    Evandale und Cataract Gorge Reserve

    15 stycznia 2023, Australia ⋅ ☀️ 25 °C

    Dr Ken ud Sunny, üser Vermieter, hei üs dr Tip gäh, dass hüt z Evandale wieder ä Markt isch. Natürlich hei mir üs das nid lah entgah u hei üs prompt ufä Wäg dert härä gmacht 😃. Chum abgfahrä si mir aber grad id Polizeikontrollä cho, wo dr Christian het müessä blasä 🫣 (Nid wüu är komisch gfahrä oder bsoffä überächo isch, sondern hiä isches standard 😉). Da aber aues sowiit guet gsi isch, hei mir chönnä wiiterfahrä. U churz vorem Ziu tschaupet üs genau einä vou vor z Outo, zum Glück het dr Christian nu mögä brämsä 😑.

    Dr Markt säuber isch viu grösser gsi aus dä geschter, het aber o entsprächend viu meh Schrott gha. Mir si wieder Koreanischi Pancakes gsi gah holä, wo wieder mega fein gsi si 😋

    När si mir wiiter iz Cataract Gorge Reserve, wo mir ä chliini Wanderig si gah machä. Mir hei eini mitem Schwärägrad "Hard" usägläsä, aber sträng isches wieder nid würk gsi 🤷🏼‍♀️. Drfür hei mir grad 2 Echidnas, mega viu Pfauä mit Jungä, äs Wallaby u sogar nu ä Pinguin 🐧 gseh gha 😅.

    Wieder zrüg ir Ungerkunft hei mir wieder bsuech vomänä chliinä Wallaby becho. O das isch zum Teil mega nach a üs härä cho, mega härzig 🥰.     Czytaj więcej

    Zobacz tłumaczenie
  • PodróżnikÜsi Australiäreis 22/23
    1
    Dzień 39

    Grindelwald

    16 stycznia 2023, Australia ⋅ ☀️ 21 °C

    Das mir ke Heiweh bechömä, si mir hüt vorsorglich uf Grindelwald iz Swiss Village. D' Hüsli si würk schön im Chalet Style gsi u äs het einigi Subarus umä gha, aber süsch isches jetzt nid ganz so speziell gsi. Nid mau Fondue oder Raclette het mä dert becho 🤷🏼‍♀️. Drfür hets ä mega quuli Mini-Golf Bahn gha, wo mir natürlich grad usprobiert hei 😁

    Statt direkt wieder zrüg, hei mir ä chliinä Umwäg zur Hillwood Berries Farm gmacht. Das isch ä riesigi Beeri Farm mit Erdbeeri, Himbeeri, Brombeeri u Heidelbeeri. U da mä dert Pancakes mit früschä Beeri het chönnä ässä, hei mir üs das natürlich nid lah entgah 😋

    Am Namittag si mir nu mau chli iz Stedtli vo Launceston. Drbi hei mir festgesteut, dasses dert ja sogar Affä 🐒 im Park het 😅.
    Zum Abschluss vom Tag hei mir nu ä churzä Spaziergang am Seaport wöuä machä. Schlussändlich si mir aber einisch schier rund um d Stadt gloffä u ersch churz vorem iidunklä wieder zrüg id Wohnig cho.     Czytaj więcej

    Zobacz tłumaczenie
  • PodróżnikÜsi Australiäreis 22/23
    1
    Dzień 40

    Devonport und Sheffield

    17 stycznia 2023, Australia ⋅ ⛅ 21 °C

    Hüt hei mir wieder mau chli usgschlafä u hei üs nachem ufstah ufä Wäg richtig Devonport gmacht. Ufem Wäg isch aber nu d Anvers Chocolate Factory glägä, wo mir schnäu ä heissi Schoggi si gah trinkä. Diä isch zwar fein, aber für üsä Gschmack viu z süess gsi 😬. Drfür het mä dert chli chönnä zuäluegä wi si d Schoggi machä u sogar nu säuber chli probiärä.

    Bim Iigang vo Devonport si grad zwöi grossi Fährenä 🚢 im Hafä gsi, dass isch scho sehr iidrücklich gsi. När si mir grad wiiter zum Lüüchtturm. Vo dert us het mä hammer Sicht gha u mir hei grad chönnä zuäluegä, wi di eint Fähri 🚢 abgleit het. Aaschliessend si mir nu chli dür z Stedtli dürä gloffä u si öbbis chliises gsi gah zmittag ässä.

    Nachdäm hei mir üs o scho wieder ufä Rückwäg gmacht. Dasmau si mir aber nid ufem gliichä Wäg zrüg wie am morgä, sondern hei nu ä chliinä Umwäg über Sheffield gnu. Das isch äs mega härzigs Dörfli, wo mir super gfauä het. Mä het wunderbarä Blick ufä Mount Roland u überau a dä Wänd si schöni Gemälde gsi. Viu schöner aus di Graffiti-Kunst vo Melbourne.

    Dr Aabä hei mir hüt wieder mau mit üsnä liäblings Nachbuurä, dä Wallabies, lah usklingä 😊     Czytaj więcej

    Zobacz tłumaczenie
  • PodróżnikÜsi Australiäreis 22/23
    Dzień 41

    Platypus und Seahorses

    18 stycznia 2023, Australia ⋅ ☁️ 19 °C

    Da mä mega viu Glück bruucht um Platypusä ir Wiudnis z gseh, si mir hüt haut innä Uffangsstation gangä gah luegä. Dert hei mir sehr viu über diä speziellä Tier u über d Echidnas glernt 😃

    Grad näbem Platypus House isch nu z Seahorse World gsi, drum si mir dert onu grad gah luegä. O diä Tour isch wieder sehr lehrrich für üs gsi u mir hei viu Sachä erfahrä, wo mir über di Tier nu nid gwüsst hei. U mir hei tatsächlich eis dörfä uf dä Häng häbä 😁

    Am Namittag si mir nu uf George Town überä gfharä. Das isch di eutischti Australischi Stadt. Äs isch äs härzigs Städtli gsi mitemnä schönä Lüüchtturm u ärä Pinguin Kolonie. Hüt hets aber so extrem gwindet, dass mirs nid so lang dert usghautä hei. Äs het sogar dr neu Huet vom Christian mögä usem Outo gwindä wo är iigstiigä isch u i ha ihm när dörfä nachäsecklä😅     Czytaj więcej

    Zobacz tłumaczenie
  • PodróżnikÜsi Australiäreis 22/23
    1
    Dzień 42

    Trowunna Wildlife Sanctuary

    19 stycznia 2023, Australia ⋅ ⛅ 15 °C

    Da mir üs scho glii uf diversi Wanderigä begäbä, wei mir vorbereitet si, drum si mir hüt i Trowunna Wildlife Sanctuary gangä zum chli öbbis über d Tasmanischi Tüüflä z lernä. O di Tour isch wieder mau sehr ufschlussriich gsi u mir hei ä huufä glernt. U mir hei mau ä sones Tüüfeli dörfä striichelä. Erstuunlicherwiis isch z fälli vo denä mega fiin u weich 😃

    Näbscht Tüüfeli hei mir onu Wombat (dörfä striichelä 😍), Eastern Grey Kangaroos, Spotted-tail Quoll, Eastern Quoll, Potoroo, Kookaburra u nu ganz viu angeri Vögel gseh. Umä gha häts aber nu jehnschti angeri tasmanischi Tier, wo mir aber leider nid gseh hei. U vom Pademelon hei mir leider nur 1/4 gseh, wo grad dä Tüüfeli gfüetteret wordä isch 🤦🏼‍♀️

    Aaschliessend si mir nu id Melita Honey Farm 🍯 gangä. Dert het mä 40 verschiednigi Honig chönnä probierä, unger angerem Himbeer-Honig, Mandel-Honig, Manuka-Honig, Schoggie-Honig, Chili-Honig u nu ä huufä angeri. Di meischtä si aber nid so nach üsem gschmack gsi 😬 Zum probierä hei mir ä Nougat-Stängel kouft mit tasmanischem Honig, wo mir bedi würk sehr gärn gha hei.
    Ds Ambiente i derä Honey Farm isch aber super gsi, mä het aues becho dert, eifach i Bienli-Art . Usserdäm hets im Ladä innä nu äs eigets Biendli-Volk gha, womä chli het chönnä beobachtä.

    Ufem heiwäg hei mir nu ä churzä Zwüschästopp in Deloraine gmacht, wo mir si äs Kaffee gah trinkä.
    Jetzt si mir üser Köffer 🧳 wieder am packä, wüu morn geiz de richtig Ost-Küste 😎     Czytaj więcej

    Zobacz tłumaczenie
  • PodróżnikÜsi Australiäreis 22/23
    Dzień 43

    Bay of Fires

    20 stycznia 2023, Australia ⋅ ⛅ 17 °C

    Hüt hets bi üs wieder früech tagwach gäh, da mir nu hei müessä fertig packä. När isch üsi Reis wiitergangä ad Ostküste vo Tasmaniä. Dr Wäg isch rächt houperig gsi, Kilometerwiis isch nur Dirt Road gsi 😑 Zudäm isch üses Navi ufgrund vo schlächter Internetverbindig usgfauä u am Tank het mä chönnä zuäluegä wis immer weniger wordä isch 🙈 Nachdäm üsi Aaspannig immer meh gstiigä isch, si mir irgendwenn z St. Helens aacho u üser Närvä hei sich wieder chli beruhigt 😅

    Vo dert us isches richtig Strand gangä. Äs isch wiisä Sand mit türkisem Wasser u orangänä Steinä gsi, wunderschön 😍 Im Wasser hei mir sogar när nu ä Rochä gseh umäschwümmä 😁.
    Im Namittag innä hei mir üs när ufd Suechi nach üserer Unterkunft für di nächschtä paar Nächt gmacht. Vor Veranda us het mä hammer Ussicht uf z Meer u Wallabies hets o wieder umä 😊

    Jetzt si mir nu di nächschtä Tag am planä.

    Äs isch extrem, wi viu toti Tier hiä uf dr Strass liegä u aui fahrä nur drum umä oder sogar nu mau drüber. Hüt bini sogar säuber usgstiigä u ha äs tots Wallaby ab dr Strass zerrt. Das isch eifach nur truurig 😢😔     Czytaj więcej

    Zobacz tłumaczenie