Südamerika

Jenny und ich hend üs Südamerika, mitem Rucksack, vorgnoh. もっと詳しく

フォローする概要カレンダー写真共有

最新のものから

旅行の開始
2022年10月10日
Südamerika 旅行者
Tag 1: Anreise
2022年10月10日, エクアドル ⋅ ⛅ 15 °C
Reis guet überstande und guet ahchooo:)
Sind zersch über Madrid gfloge, dett hemmer den 2h Ufenthalt gha, bis mer wiiter uf Quito in 10 Stund sind. De Flug isch sehr ahgnehm gsi, doch überall am Bode isch Abfall glegge…
Wo mir acho sind, simmer guet dur Passkontrolle cho, hend eh Simcharte kauft und sind mitem Taxi für 26$ zu üsm Airbnb cho. De Segundo, het eus üses mega herzige Airbnb zeigt mit super usblick uf Quito. Am 20:00 simmer denn scho iihgschlafe…もっと詳しく
翻訳をご覧ください
0いいね
Südamerika 旅行者
Tag 2: Quito
2022年10月11日, エクアドル ⋅ ☁️ 19 °C
Sind drum scho am 6i am Morge wach gsi. Aber au scho paarmal ih de Nacht ufgwacht. Denn simmer abe is Centro Historico gloffe. Bim Plaza grande simmer ines feins Kaffi go zmörgele. Denn hets sightseeing ahgfange. Leider sind alli Chile zue gsi. Mir sind denn aber zum andere Stadtteil Mariscal gloffe, de isch chli Moderner. Es hett en wunderbare Mercado Artisal gha und s’Nachtlebe isch au dete. Ufm Rückweg simmer id Basilisca del Voto Nacional. Det hemmer sozege z’oberst obe ufm Turm uf de Terasse es Bier chöne trinke. Denn simmer zrug zum Plaza Grande gloffe. Es het defintiv meh lüt gha, als am Morge. Äh Strass isch voller Mercados gsi. Bi sonere Frau hemmer auna feine Mangos gesse. Au bim Piaza Grande hetts es Huus mot wunderbarem Innehif gha. Det im 3te Stock hemmer fein znacht gesse.
Znacht bim Hasta la vuelta Señor. Ihgschlafe bini wieder am 9ni bis 6i. Bin aber Mehrmalsufgwachtもっと詳しく
翻訳をご覧ください
0いいね
Südamerika 旅行者
Tag 3: Quito
2022年10月12日, エクアドル ⋅ ☁️ 11 °C
Sind wieder relativ früeh ihde Stadt gsi und hend üs det en Kaffi gnah, nach dem mir ih eusem Airbnb zmorge gesse hend.
Mir sind denn mitem Taxi zu de Teleferico gfahre und hend dete d‘Seilbahn für uf de Berg gna. Uf 4000 M.ü.m sind scho die wenige Höhemeter ahstrengend. Mir hend d‘Ussicht gnosse und hend es Föteli mit de Giretze gmacht. Nacher simmer wieder abe und hen Tickets für de Hop on Hop off Bus kauft. Mir hend recht lang müsse warte und hend fasch nüm glaubt er chunt. Es hett den auna recht ahgfange regne. Mir sind denn mit dem Bus uf de Huusberg (Panecillo) go de Engel (Virgen de Panecillo) go ahluege. Leider isch alles 1 riiise Baustell gsi und es hett mega gwitteret. Denn simer wieder mitem Bus 1 Rundi dur Quito gfahre. Mir sind ah ihchaufsläde verbii gfahre wo sooo viel Moderner gsi sind. Zrugg am Plaza Grande simmer eh Gmüeslasagne go esse. Denn simmer hei und hend ahgfange üsi Reis gnauer z‘plane:)もっと詳しく
翻訳をご覧ください
0いいね
Südamerika 旅行者
Tag 4: Otovalo
2022年10月13日, エクアドル ⋅ 🌧 14 °C
Wie immer simmer geg die 5i wach worde. Uf die halbi 9ni simmer ide Stadt en Kaffi go neh und hend eus denn uf die ersti Busreis gmacht. Zersch simmer mit de normale ÖV (1h Bus für 0.35$) zum Busbahnhof gange. Det isch recht viel los gsi und viel Lüt hend uf dus iihgredet. Mir sind denn aber gliich an normale Schalter und hend 6$ zahlt für 2.5h Busfahrt. In Otavalo ahcho simmer grad is Hostel go ihchegge und sind denn chli umegloffe. Zum Plaza del Poncho wo jede Samschtig de grössti Märt vo ganz Latinamerika stattfindet. Nacjer simmerna zumene andere Märt go Frücht chaufe. Mir hend denn überleit gha na zum Wasserfall vo Peluche z‘laufe. Das wär aber 1h gsi und s‘Wetter het nid soooo guet usgseh. Drum simmer den eifach en Kaffi go neh (Tayta Wasi) , es Bier go neh (Espresso Rio Intag) und go Znacht esse (erstuunlich feini Pizza ohni Tomatesauce in La Nona Deli). Otavalo isch sehr süess. Es het uuuh viel herzigi Restaurants und Kaffis. Mir hends sehr guet gha mitenand. Hend viel chöne Lache und zemme rede!もっと詳しく
翻訳をご覧ください
0いいね
Südamerika 旅行者
Tag 5: Otovalo
2022年10月14日, エクアドル ⋅ 🌧 11 °C
Hüt simmer wie immer wieder geg die 6i wach gsi und hend na sa es Stündli im Bett Podcast glost. De Zmorge isch ersch am 7:30 offe gsi, drum simmer vorher na rasch uf Dachterrasse vo üsem Hostel und hend d‘Ussicht gnosse. Bim zmorge hemmer die erste Schwiizer troffe. Wie am Vorabig mitem Chef vom Hostel abgmacht fahrt er eus am 8:30 zu de Laguna Cuicocha. Det wartet 14km und 500 Höhemeter uf eus. Uf 3000 m.ü.m. bringt üs das echt us de puste. S‘Wetter het recht uftah und es isch wunderschön gsi. De Chef het üs au wieder abgholt und denn simmer grad direkt uf de Busbahnhof richtig Quito. Wie immer isches lut gsi und d‘Lüt hend uf eus ihgredet. De Bus uf Quito isch grad abgfahre und mit chli renne het er namal für eus ahghalte. In Quito Terminal Carcelén hemmer wieder de gwöhnlich Bus richtig Altstadt gnoh. Mir sind chli früehner Usgstiige und hend im Usgangsfiertel en Znacht gha. Nacher simmer chli heigloffe, aber sind denn gschwind ufs Taxi umgstiige. Dihei hemmer nachli Handwösch gmacht und sind tatsächlich s‘erst mal nach de 8i im Bett glegge!もっと詳しく
翻訳をご覧ください
0いいね
Südamerika 旅行者
Tag 6: Quito
2022年10月15日, エクアドル ⋅ 🌧 14 °C
Wie immer bini scho am halbi 7ni wach gsi. Müehsam hemmer de Morge umebracht bis mer denn wieder ih üses Lieblingskaffi am Plaza Grande en Cappuccino gnoh hend. Mer hett gmerkt das Samschtig isch. D‘Strasse sind viel voller gsi. Nacher hemmer eus uf de Weg gmacht zumene Busbahnhof. Mir hend welle zum Mitad del Mundo. Aber au de Busbahnhof isch voller Locals gsi und viel hend eus druf hiigwiise, dass mer guet uf eus ufpasse sötted. Nach 1 mal umstiege und 1h30min Busfahre simmer ahcho. Ufem Weg simmer vorallem geg de Schluss ah ganz spezielle Wohnquartier verbii gfahre. Alles die gliiche Hüser, ihghaged ih eim Gebiet mit ganz Moderner Infrastruktur. Het überhaupt nid zu de Umgebig passt. De Park chostet normalerwiis 5$ aber will das Wuchenend „Oktoberfest“ isch, hemmer chöne gratis gah. Das sogenannte Oktoberfest isch sone art Streetfoodfestival gsi und vieli Länder vo Süd-/Mittelamerika hend en eigene Stand gha und auna en Volkstanz vorgfüehrt. S‘Monument selber isch nid mega spektakulär gsi. Au s‘Muesum drin isch nid so spannend gsi. Ufem Heiweg simmer chli früehner usgstiige, will mer na die ultra krasse Ihchaufszentre hend welle ahluege. Die Disparitäte ih dem Land sind uuh mega krass. Det hemmer ihde Mall eh uuh feins Pistaziecookie und en Kaffi gnoh. Nacher simmer langsam ih das Viertel, wo mir üses Airbnb gha hend: Centro Historico. Det hemmer eus es schöns Restaurant gsuecht. Nachem Znacht simmer heigloffe und hend ahgfange packe. D‘Vorfreud für Galapagos-Insle sind gross!!もっと詳しく
翻訳をご覧ください
0いいね
Südamerika 旅行者
Tag 7: Galapagos – Baltras à Santa Cruz
2022年10月16日, エクアドル ⋅ ⛅ 22 °C
Scho am 5:00 het hüt euse Wecker gschelled, denn am 5:30 het de Taxifahrer scho uf eus gwartet. Nochli müed sitzemer is Taxi und fahred richtig Flughafe. Doch d‘Müedigkeit isch schnell weg als de wunderbari Taxifahrer im Chreisel nid blinkt und in en andere inefahrt🤦🏻‍♀️ Zum Glück nid wiiters schlimm, aber die 2 Fahrer höred nid uf diskutiere, bis mir mal schüch seged, dass mir eich am Flughafe müend… d‘Schlange am Galapagosschalter isch lang. Mir hend zersch eh Transitkontrolle müesse chaufe, denn s‘Gepäck durchlüchte lah und ersch denn hemmer as Check-In chöne. Aber alles het klapped. Mitere zwüschelandig in Quayaquil simmer uf de Galapagosinsle Baltras Island ahcho. Es git sehr spezielle Regle um die Insle z‘schütze. Euses Gepäck isch au speziell desinfiziert worde und binere Dütsche Touristin hends müehsam de Pfeffermünz us de Wasserfläsche gfischt😂. De Guide vo üsem Boot het eus den abgholt. Mir sind zu eusere Gruppe cho wo alles eher jungi sind, ussert 1 elters Päärli. Mir sind am Tag 1 scho zunere andere Insle Santa Cruz gfahre. Der simmer ahm Strand Bachas Beach entlang gloffe, hend es paar Tierli gseh und sind go schnorchle. D‘Lüt sind alli sehr nett und ich freu mich uf das wo chunt. S‘Boot duet au immer recht schaukle. Ich bin gspanne, wenn ich s‘erst mal umghei…
Funfact: Flamingos werded pink will sie die Farb dur ihres Esse ufnehmed.もっと詳しく
翻訳をご覧ください
0いいね
Südamerika 旅行者

Tag 8: Galapagos - Genovesa Island
2022年10月17日, エクアドル ⋅ ⛅ 22 °C
Ih de Nacht is Boot zu de andere Insle gfhare ih 6h. Es hett crazy gwelled und es isch gar nid ahgnehm gsi zum schlafe. D’Gfahr usem Bett z’gheie hett würklich bestande😂 Au de hütig Tag het früeh ahgfange. Am 6:00 hetts nämlich zmorge geh und am 7:00 simmer mit de Böötli (Dinghis) ahs Ufer vo de Insle gfahre. De Strand het James Bay gheisse und isch imene Caldera gsi, wo die einte wänd ihbroche sind, dass s‘Meer inecho isch. Also het Genovesa Island sozege d‘Form vonere Sichle gha. Ufm Strand hets überall Seeleue und gaaanz viel Vögel gha. Nacher simmer vom Strand us go Schnorchle. Langsam chanis Schnorchle gnüsse, au wenns amel recht schnell chalt wird. Grad drufabe hends üs mit de Böötli anen andere Ort ih dere Bay gfahre, wo mir bim Schnorchle Hammerhead-Skarks und de Galapagos-Shark gseh hend. Nachem Z‘Mittag hets en chliine Nap geh, bevor mir zum 3te Schnorchelgang gfahre sind. Det henmer Schildkrötli und Roche gseh. Denn simmer chli zu de Felserige Landschaft gfahre zum eh chlini Wanderig go mache und no meh Vögel z‘bestuune. Ufm Rückweg zum Boot isch grad d‘Sunne untergange und bi dem klare Himmel isches eifach wunderbari Stimmig gsi. Bim znacht hetts Sushi zur Vorspiis geh. Generell isch s‘esse uh fein. Ich als Vegi iss zwar vorallem nur Gmües, aber trotzdem seeehr fein. Nacher hends ufm Boot no gschnell d‘Liechter abgstellt, dass mer chönd de Sternehimmel bestuune. Vo Sternschnuppe zu Satellite, de Saturn, Jupiter hemmer würklich alles gseh. Üse Guide de Javier macht alles sehr guet und lustig! Was er alles weiss isch crazy. Am 9ni simmer wieder is Bett. Aber bi dem Wellegang wirds iihschlafe sicher nid so eifach…もっと詳しく
翻訳をご覧ください
0いいね
Südamerika 旅行者

Tag 9: Galapagos - Bartolomé Island
2022年10月18日, エクアドル ⋅ ⛅ 23 °C
D‘Nacht isch wieder Maximal schwankig gsi. Trotzdem hemmer die Nacht chli besser chöne schlafe. Wieder am 6i het de Tag mitem zmorge ahgfange. Nacher simer grad ufd Bartolomé Island gfahre, dass mir die erst Gruppe sind und d‘Insle mit Ussicht für eus hend. Ufem Weg zum Usdichtspunkt vom Sullivan Bay us, het üse Guide eus vieles über d‘Entstehig vo de Galapagos verzehlt. D‘Ussicht isch Atemberaubend gsi, wie ufm andere Planet. Zrugg ufm Böötli hemmer eus ready für de erst Schnorchelgang gmacht. Sie hend eus ahne Stell gfahre, wo mer mit viel Glück Pinguine gsehnd. De Schnorchelgang isch atemberaubend gsi. Obwohl s‘Wasser würklich arschchalt gsi isch, hemmer jedes mögliche Tier gseh. Ahgfange hetts das 4 Seeleue eus eich die ganz Ziit begleitet hend und mit eus gschwumme sind. Mängisch hends üs sogar id Flosse bisse. Schildkrote hemmer gseh und de white-tipped shark au. Aber s‘Highlight isch de Pinguin gsi, wo wie de Blitz nebed eus durs Wasser gsurred isch. Also en sehr glungene Schnorchel gsi. Am Namittag simmet na uf es erstarrts Lavafeld go laufe. Mehr hett richtig d‘Lavaspure im Gestei gseh und de Bode isch warm vom drunderliggende Lava gsi. Vorem Znacht simmer no 2h gfahre. Das heisst ih de Nacht mömmer nid fahre und es wird Usnahmswiis mal eh ruihgi Nacht! Bim Znacht hemmets ih de Gruppe richtig lustig gha und nachem znacht hemmer au na mit de Crew Uno gspilt. Wos dusse scho lang dunkel gsi isch hemmer no ganz viel Seeleue, Haifisch, Pelikane und Babyschildchrötli gseh um euses Boot chreise. Es isch wiedermal en glungene Tag z‘end gange!
Funfact: De churzie Taucherahzug heisst Shortie.もっと詳しく
翻訳をご覧ください
0いいね
Südamerika 旅行者

Tag 10: Galapagos - Santa Cruz Island
2022年10月19日, エクアドル ⋅ ⛅ 21 °C
Die Nacht isch wunderbar gsi. Da mer gester am Namitag gfahre sind, simmer die Nacht nur ih de Bucht gstande und s‘Schiff isch drum ganz ruhig gsi. S‘Zmorge isch wie jede Tag bombastisch gsi. D‘Crew git sich würklich uh mega müeh, dass mir eus amel wohlfühled. Denn simmer grad uf Dinghys gabge und sind dur Black Turtles Cove gfahre. Das isch en Mangrove-Wald gsi. Wommer chlii tüüf drin gsi sind, hemmer au de Motor abgstellt und sind Paddlet. Es isch eih Ruhe gsi und eifach wunderbar. Mir hend unzähligi vo Meeresschildkrötli gseh und Roche. S‘Highlight isch aber en Baby White-Tipped-Shark gsi. Natürlich hemmer auna ganz viel Vögel gseh… Zrugg ufem Boot simmer na 2h wiiter ah de Küste entlang gfahre, bevors Zmittag geh hett. Na mit vollem Buch simmer go schnorchle. Viel schöni Fischli und ein Seeleu hemmer gseh. Denn hemmer na eh chlini Wanderig dur de Dragon Hill gmacht. De Name chunt vo de Iguanas wo im Land, oder au ufm Wasser lebed. Nebed de viele Iguanas hemmer eh wunderbari Landschaft mit Flamingos und Geisse gseh. Zrugg an Board simmer wieder wiiter mitm Boot gfahre. Ganzi 5 Stund. Irgendwenn hetts gheisse es gäbi Znacht. Obwohl das Boot so unglaublich gschaukled het. Es het glaub niemer würklich öppis gesse und es sind all nacher nomal go ahneligge. Au ich bin würklich churz vorem chötzle gsi😂 Am 8i simmer denn am Hafen Puerto Ayora ahcho. Nah bis nah sind wieder alli us ihrne Zimmer cho und zum Glück het üs Crew s‘esse warmbhalte und mir hends dasmal richtig chöne gnüsse. Denn hemmer bis am 10ni chli chöne s‘Städli unsicher mache und sind alli zemme es Bier go neh. Langsam verstaht mer sich sehr guet ihnde Gruppe. Sehr schaf, reised die meiste morn scho ab…もっと詳しく
翻訳をご覧ください
0いいね
Südamerika 旅行者

Tag 11: Galapagos Santa Cruz Island
2022年10月20日, エクアドル ⋅ ⛅ 21 °C
Nachem turbulente Abig gester hani super gschlafe. Sogar ohni 1 mal ufzwache bis de Wecker glüte het. Zum Zmorge hets Pancakes geh. Nacher simmer ufd Insle is Darwin Research Center. Det hemmer viel drüber glernt wies d‘riese Landschildchröte vom Ussterbe grettet hend und mit was für Probleme d‘Inslene hützutags z‘kämpfe hend. Natürlich hemmer au ganz viel Schildchrote gseh. Isch aber na komisch gsi Tier hinter Gitter zgseh, anstatt ide freie Wildbahn. Denn isch d‘Hälfti vo de Gruppe abgreisst und die ander Hälfti het chöne im Städli bliibe. Abgreisst sind die 2 Österichischi Cousine (Sophie & Kathi), 1 Schwiizer (Jonas), ein Engländer (Ayusch) und es Holländisches Päärli (Paulette und Bernard). Leider alles die Junge… Mir sind neuemeds en Kaffi go neh und hend na es Tishi kauft. Denn sind neui Gruppenmitglieder dezuegstosse. Es chinesisches Päärli wo eich kei Englisch chan und d‘Frau Tier nid gern hett (keine weiss wieso sie denn da sind?!?!) und na en Amerikaner wo chli zviel freud ah Vögel hett. Zum Glück isch de Andy (en junge Dütsche) nanig abgreisst. Susch hend üs all junge verlah usser na das härzige eltere Päärli us Dänemark. Jetzt wos au chli weniger Lüüt het, düend sie sich üs gegenüber meh öffne und verzehled ganz viel. Am Namitag simer chli id Berge gfahre. Det hemmer d‘Schildchrote in freier Wildbahn gseh. Es het uh viel gha. Wie Sand am Meer. Sie sind würklich riisig gsi und chönd bis zu 450kg werde und über 200 Jahr alt. Denn hemmer na es wilds Büsi gseh. Üse Guide het üs gseit, dass sie immer froh sind, wenn so Huustier vo de Galapagosinsle wegchömed. Am liebste hetti sie grad mitheignoh, wäri nid na 2 Mönet unterwegs… zrugg ufem Boot hets wieder en chliine Snack geh und vorem znacht het ps de Guide, wie jede Tag, en chliine Usblick uf de nögst Tag geh und gseit, was für Aktivitäte uf eus warte werded. Zum Znacht hani wieder eh mega feini Extrawurst als Vegetarierin becho.もっと詳しく
翻訳をご覧ください
0いいね
Südamerika 旅行者

Tag 12: Galapgos - Floreana Island
2022年10月21日, エクアドル ⋅ ⛅ 20 °C
De Tag het ganz ahgnehm am 7ni am Morge gstartet. Da mer über d‘Nacht wieder gfahre sind, hani nid sooo prickelnd gschlafe. Churz nachem feine zmorge, simmer bide Insle Floreana ad Postoffice bay. Mit de Dinghys simmer chli ah de Küste entlang gfahre. Det hemmer viel Seeleue mit viel chliine Babys gseh. Und zu de Postoffice bay ghört au es Postoffice. Oder eifach en eher schäbige Briefchaste wo all Touries ihri Postcharte chönd inedue, aber nur wenns defür 2 anderi wieder mitnehmed, ih das Land wo sie ih nöchster Ziit reised. Mir hend eusi 3 det lah und defür 8 anderi für id de Schwiiz mitgnoh. Ich bin gspanne wie langs gaht, bis au eusi ahchömded. Denn simmer no es Lavatunnel go ahluege, wod ohni Taschelampe nid wiit cho wärsch. Nacher simmer vom Strand us no go schnorchle. Nebed unzählige Wasserschildchrötli hemmer tatsächlich nah 3 Pinguine gseh, wo uuh nöch ah eus verbiigschwumme sind und überhaupt kei Angst gha hend. Zrug an Board hets au scho glii wieder zmittag geh. Doch chum hends eus d‘Suppe serviert, chunt üse Guide und seit mir sölled schnell usecho und luege. Das Bild wird ich niemeh vergesse. Sicher über 100 Delfine sind üsem Boot nahgjagt und sind überall uegumpt. Mer hetts amels sogar ghört Miipe. Mir sind usem stuune fasch nüm usecho. Doch das sind wohl zviel Tier für’d Frau vom Chines gsi. Sie isch ih dere Ziit im Zimmer gsi und het uf üs geartet…. Nacheme chliine Mittagsnap ufem Deck simmer zumene wiitere Schnorchelgang ah de Devil‘s Crown. Zmitzt im Meer hemmer um paar Gsteinsbrocke chöne schnorchle, wo chli usgseh hend wie eh Chrone. D‘Strömig und de Wellegang sind echt tricky gsi. Trotzdem hemmer en white-tipped-shark, 2 Roche und wieder mal ganz viel Fischis und Meeresschildchrötli gseh. Die Stund isch umegange wie im Flug. Denn simmer no mit de Dinghys an Punto Cormoran. Det simmer anere Lagune mit Flamingos verbii gloffe ahnen wunderbare Strand. Mir hend eh perfekti Ahbigsstimmig chöne gnüsse. Im seichte Wasser hetts nomal paar Roche und Meeresschildis gha. Zrug an Board hets wieder Sushi zum Apero geh und ich als Vegi ha wieder eh wunderbars extra-Sushi becho. De Choch de Walter verwöhnt eus würklich vo A nach Z! Am Abig sind wieder es paar Galapagos-Sharks um euses Boot gschwumme. En glungene Tag gaht z‘end.
Funfact: In Ecuador duet mer frisches Popcorn id Chürbissuppe. Sehr fein!もっと詳しく
翻訳をご覧ください
0いいね
Südamerika 旅行者

Tag 13: Galapagos - Espanola Island
2022年10月22日, エクアドル ⋅ ⛅ 19 °C
D‘Nacht hüt währed em Segle isch wiedermal maximal Schwankig gsi. Wo mer am Morge am 6:30 hend welle go zmörgele, isches dusse au immerno so wulchig gsi, mer hett gar kei Lust gha zum ihn Tag starte. Trotzdem simmer am halbi 8i mit de Dinghys ufd Española Insle. Am Strand Punta Suarez hets scho tausend Seeleue mit ihrne Babys gha. Uf de Wanderig hemmer na paar Meeresiguanas, Albatrossen und generell viel Vögel gseh, was üse Vogelfan sehr greud het. Zrugg an Board hets en chliine Powernap und Lunch geh. Denn simmer zu üsem letzte Tauchgang gfahre. S‘Wasser isch arschchalt gsi und viel hemmer nid gseh. Defür hemmer immer ih so Höhlene chöne inetauche. Denn simmerna ahnen schöne Strand Gardener Bay gfahre zum chlli chille. Aber ah dem Strand sind 3 toti Seeleue glege und ganz viel Flüüge. Also nid sehr iihladend. Nacher simmer wieder 4h gsegled richtig Insle Santa Cruz. Das heisst es wird ih de Nacht nid gsegled und das find ich super! Uf de Znacht hend sich alli Crewmitglieder wieder richtig schön useputzt und es het en Abschiedsdrink geh. Zum Znacht hetts Hamburger geh und für mich eh feini gfüllti Aubergine jnd zum Dessert en Chueche. De Choch staht gfühlt amel de ganz Tag ih de Chuchi zum eus das Esse chene ahnezaubere. Am Abig hemmer no dörfe is Städli vo de Insle Santa Cruz. Mir sind chli umegloffe und s‘ältere dänische Ehepaar het üs allne na es Bier spendiert. Alles ih allem en seehr glungene Abig gsi und en perfekte Abschluss für die wunderbari Reis!もっと詳しく
翻訳をご覧ください
0いいね
Südamerika 旅行者
Tag 14: Galapagos - Santa Cruz —> Quito
2022年10月23日, エクアドル ⋅ ☁️ 14 °C
Hüt morge simmer nachere ruhige Nacht ufm Boot wieder am 6i ufgstande zum packe. Nachem Zmorge isches los gange. Mitem Bus simmer is Interpretation Center. Ufere grosse Charte het üse Guide eus nomal erchlärt wo mir gnau duregfahre sind und mir hend alles nochli Revue passiere lah. Vo 13 Insle hemmer 6 dörfe go bsueche. Nacher hemmer imene Museum nochli Gschicht vo de Galapagos chöne lese. Vode Entstehig, zude Besiedlig bis zude hütige Problem wo d‘Mensche uf die Inslene bracht hend. Denn simmer an Flughafe gfahre und es het gheisse Abschied neh. D‘Crew isch immer super süess gsi. Eusi Yacht Eden isch au eini vo de wenige Schiff, wo vo Locals betriebe wird und drum die lokali Wirtschaft unterstützt. Vo üsem dütsche Migo de Andy und em herzige Dänische Päärli isch de Abschied eher schwierig gsi. Die beide alte hend sogar müesse weine… De Flughafe isch de chlinst wos je hets gits. Mit 2 Gates chasch zum Flugzüg laufe und selber ihstiige. De Flug isch tiptop gsi und mitem Taxi simmer den vor euses Hostel The Secret Garden Quito gfahre worde. Mir hend churz ihcheggt eusi Wösch abgeh und sind id Stadt en Znacht go hole. Mir hend versuecht chli z‘überlegge was mer die nögste Täg wennd mache und wie mer am beste in Amazonas chömed. Mir hend denn beschlosse mir fröged eifach mal im Hostel nah, da die sehr viel Toure ahbüütet. Ca. am 8i hett sich ein Mitarbeiter für eus Ziit gnoh. Mir hend chli de wiiteri Verlauf versproche und er hett üs na überreded scho ah dem Abig in Amazonas zgah. Die einti Tour fahri am 11i am Abig ab. Also hemmer üsi Reservation im Hostel glöst und heimlich üsi Rucksäck usem Schlafsal gholt und Better flach gstriiche, das niemer gseht, das mir mal da gsi sind^^ denn hemmer de Frau vom Wöschsalon es zünftigs Trinkgeld geh, dassi psi Wösch no vorem 11i cha fertig mache. De Priis: üsi Wösch isch eher gschrumpt wegem heftige tumblere😂 Trotzdem het alles meh oder weniger klapped und mir sind am 11i im Bus gsi und hend üs uf die langi fahrz vorbereitet. Hoffentlich chömmer chli schalfe.もっと詳しく
翻訳をご覧ください
0いいね
Südamerika 旅行者

Tag 15: Amazonas Cuyabeno
2022年10月24日, エクアドル ⋅ ⛅ 27 °C
D‘Busfahrt het gfühlt nie ufghört. Am halbi 9ni simmer in Lago Agrio ahcho. Det hemmer churz es Stündli ghaltet und mir hend en feine Zmorge becho. Denn simmer nomal bis öppe am 12i wiiter gfahre bis mer zum Ihgang vom Nationalpark Cuybeno cho sind. Det hend üs die Guides vo de einzelne Lodges abgholt. Zu üsere Lodge Pirañia sind nurno 2 anderi cho. Denn simmer ufeme Böötli 2h lang de Rio Cuyabeno entlang gfahre. Ufem Weg simmer scho paar mal ahghalte zums Wildlife z‘beguetacht. 2 verschideni Affe hemmer gseh (Parahuago und de Masoalehalleaff), Papageie und anderi Vögel. Mir sind eifach so tüüfer und tüüfer ih de Wald inegfahre. Mer cha sichs chum vorstelle. Denn simmer bi üsere Lodge ahcho. Euse Guide, de Miguel, het eus empfange. Er isch Füür und Flame für de Amazonas, voller Energie und gseht us wie en richtige Abentüürer. Es sind na 3 anderi Jungi da gsi. 2 Fraue us Düütschland ( Angi und Ariana) und ein Maah us Kanada (Chris) Hend aber all 3 en nette iihdruck gmacht. Ich denk mir werded guet zgang cho. Es hett Zmittag geh und mir hend üsi Zimmer bezoge. Es isch eh uhuere Hitz. Nacher hemmer us parat gmacht für s‘erste Amazonas-Abentüür. Mitem gliiche Motorboot, wies eus gholt hend simmer richtig einere Laguune gfahre. Ufem Weg hemmer cho en Caiman gseh und es 3-Fingerfuultier. Bi dere Lagune simmer nid s‘einzig Schiffli gsi. Vo allne Lodges ih dere Umgbig sinds cho. Und denn hemmer tatsächlich s‘Glück gha es paar pinke Delfine z‘geh, wie sie ad Oberflächi chömed go schnuufe. Ich bin uf Ecuador mit keim Gedank dassi überhaupt wird Delfine gseh & jetzt au no die 😍 es isch eh wunderbari Abigstimmig gsi und während d‘Sunne untergange isch hend mir zmitzt im Amazonas chöne is Wasser springe und go bade. Es isch unglaublich gsi. Wos den ganz dunkel gsi isch simmer na in Wald selber. Nach gaaanz viel Riesespinn und Frösch spöter simmer wieder zu eusem Boot cho und hend eus uf de Weg zrugg gmacht. Aber de Weg zrugg isch bis ez glaub mis Highlight gsi. Ich ha nonie so en klaare Sternehimmel gsh mit nid nur eim Wülchi. Es isch würklich Atemberaubend gsi. Am 8i simmer den ca. zrugg bide Lodge gsi. Es hett Znacht geh (s‘Esse isch au da wieder sehr fein und mini Vegiwünsch werded berücksichtigt) und de Guide het üs de Morgig Tag erchlärt. Müed simmer is Bett gfalle und zum getoss vom Amazonas ihpfusst.
Funfact: Die pinke Delfine sind nur pink will mer ihres Bluetgfässsystem deunder gseht. Und wenn sie ufgregt etc. sind, werdeds halt „rot“もっと詳しく
翻訳をご覧ください
0いいね
Südamerika 旅行者

Tag 16: Amazonas Cuyabeno
2022年10月25日, エクアドル ⋅ ⛅ 31 °C
Die Nacht hani pfuused wie en Stei und es isch nid mal sooo heiss gsi wie denkt. De zmorge am 8i isch sehr fein gsi und churz drufabe simmer mitem Motorboot wieder dur das Flusssystem im Amazonas gfahre. Nid lang isches gange und es Rudel mit sicher 15 Djorongos-Affe het über eusem Chopf de Fluss welle überquere, dicht gfolgt vo Totechopfäffli. Mir sind nachli wiiter gfahre und hend den zumene Ruederboot gwächsled. Denn simmer zunere wiitere Laguune gruederet. Sie isch Riesig gsi, aber nid so tüüf wie die ander, drum hemmer leider nid chöne schwümme. Aber überall sind einzelni Bäum usem Wasser gragt. Das hett sehr nice usgseh. Denn hemmer en chliine Abstecher in Wald gmacht. Da isch er nid soo tropisch gsi. Mir hend es paar Spure gseh und eh Frucht gesse^^ Nacher hemmer de gaaaanz Weg müesse zruggpaddle, was eim ewiigs vorcho isch. Ufem Weg sind üs auno paar Papageie über de Chopf gfloge und en Tucan hemmer auna gseh:) Nachem zmittag hemmer 2h gnapped und denn simmer mitem Boot s‘erstmal ih die ander Richtig vom Fluss gfahre. Mir sind ah ganz viel verschiedene Lodges verbiidüüst bis mer denn bimene iiheimische Dorf ahcho sind. Es isch krass wie euse Guide das Flusssystem kennt. Als wärs üses Strassenetzt. Bi de iiheimische Familie hemmer zersch miteme Schamman chli chöne rede und Frage stelle und denn het er na es Ritual mit eus gmacht. Die Sach isch mer aber eher komisch vorcho, will er vorher na in ganz normale Chleider umegloffe isch und sich währendem Ritaul immer nach de verbiifahrende Böötli umglueged hett… Nacher hemmer bi de andere Familie us de Yucawurzle es feins Fladebrot gmacht. Debii hemmer Zuckerrohr chöne Snacke und en anderi iiheimischi Frucht, sie seged ihre IceCreamFrucht. Ufem Heiweg simmer wieder unter de Atemberaubende Milchstrass umedüst. Zum Glück isch de Heiweg 1h gange und mir hend gnueg Ziit gha de Moment völlig zgnüsse. Nachem Znacht hemmer nachli mit de 2 Dütsche Fraue gredet und sind denn gli ihgschlafe.
Funfact of the Day:
Als Schaman gilt mer, wemmer sich ab 18 jede Monet sicher 1 Mal Ayuasca inepfifft zum „sin Körper z‘reinige“. Das heisst jede cha eich Schaman werde.もっと詳しく
翻訳をご覧ください
0いいね
Südamerika 旅行者

Tag 17: Amazonas Cuyabeno
2022年10月26日, エクアドル ⋅ ⛅ 30 °C
Die Nacht isch einiges heisser gsi und dementsprechend hani nid sooo guet gschlafe. Aber am 6:00 isch eh scho Tagwach gsi. Mir sind mitem Böötli zu de Lagune füre zum de Sunneufgang ahzluege. Ufem weg hemmer wieder die oinke Delphine gse. Sogar es Baby isch unterwegs gsi. Ganz viel Affe hend natürlich au nid dörfe fehle. Mir sind eis vo de einzige Boot gsi wo unterwegs gsi isch. Nachem Zmorge sind die Düütsche abgreist und mir hend eus anere andere Gruppe müsse ahschlüsse. Mir sind wieder mitem Paddelboot use und hend en Halt gmacht für eh chliini Wanderig. Mir sind maximal dur de Busch gloffe. Ih dem Wald sind 5 verschiedni Ökosystem gsi und das hemmer au gmerkt. Vo Laubwald zum maximale Sumpf über de Äquator zum tropische Regewald. Denn simmer wieder alllles zruggpaddled. Zum Glück hett eus es Motorboot für die letzte Kilometer mitgnoh. Nacheme lange Mittagsnap Simmer wieder mitem Motorboot chli d‘Lagune go erkunde, hend während em Sunneuntergang en Schwumm gnacht und sind wos stockdunkel gsi isch nomal chli dur de Dschungel gloffe. Euse Guide isch echt en nice:) Er hett immer sooo viel Energie und isch nur am rede und am verzehle. Mer merkt richtig wie Füür und Flamme er für de Amazonas isch. Er will eus würklich s‘beste Erlebnis schenke, dass au mir (Touris us de ganze Welt) merked, dasses wichtig isch de Wald z‘beschütze 🌳
Funfact: Papageie chönd bis zu 80 Jahr alt werde, sind aber Emotional uf de gliiche Ebeni wie es 3 Jöhrigs chind. Sie lebed Monogam und wenn ihre Partner stirbt, cha de ander us truur au glii sterbe.もっと詳しく
翻訳をご覧ください
0いいね
Südamerika 旅行者
Tag 18: Amazonas Cuyabeno —> Quito
2022年10月27日, エクアドル ⋅ ☁️ 15 °C
Hüt isch de Tag vo de Abreis. Weg vom Dschungel. Drum het üs euse Guide am 6i am Mlrge nomal uf eh privati Bootsfahrt entfüehrt. Mitere Tasse Kaffi ide Hand hett er eus richtig Süde in en enge Gang vom Fluss gfüehrt wo mer wieder in Gnuss vo grosse Vögel, Brüllaffene (wo anschienend sehr selte sind) und Paraguaco cho. Nach dem mir zruggpadled sind hets en feine Zmorge geh. Am 9:30 het üs den wieder s‘Boot abgholt wo eus ih 2h an Parkihgang Cuyabeno bracht het. Am 12i isch euse Bus zrugg nach Quito gfahre. Miteme Halt für en Znacht am 6i simmer am 11i am Abig endlich im Hostel ahcho. Mir sind eus de Luxus vo de Hostel nachbdere Urwaldlodge gar nüm gwöhnt gsi😂 Us de Duschi sind meh als 3 Tröpfli usecho und au s‘Wasser isch klar gsi. Au bide Spüelig hemmer nüm 20 Min müesse warte bis mer sie es 2ts Mal cha betätige. Das ih dem Hostel au mega guets WLan gha het, hemmer die Situation no gnutzt und hend chli id Schwiiz telefoniert. Doch da es scho so spat gsi isch, hets im Hostel selber nüm soo viel Möglichkeite gha zum bequem Ahnesitze. Zersch bini ih de Lobby gsi, bis en neue Gast vollgas in Chübel kotzt het und nüm het welle ufhöre. Denn bini ih euse Schlafsaal zrugg. Det sind aber na 3 sich am komplett besuufe gsi und hend sich gegesiitig ihri Lebensgschichte verzehlt und wie unglüchlich sie doch sind. Mer het gar nid nöd chöne zuelose. Wo denn au die is Bett sind (geg die 2 am Morge) hend au mir üsi Telefonat beendet. Zum Grüsch vo 2ne wo grad no Sex im Zimmer gha hend, hemmer üsi Ohrestöpsel montiert und sind den iihpfused. Also: Das Hostel isch eh rechti Partymeile und nid umbedingt z‘empfehle.もっと詳しく
翻訳をご覧ください
0いいね
Südamerika 旅行者
Tag 19: Quito —> Latacunga
2022年10月28日, エクアドル ⋅ ☁️ 16 °C
Nach dem mir gester spat is Bett sind, hemmer de Wecker ersch uf die halbi 9ni gstellt. Denn simmer uf de Rooftopbar vom Hostel The Secret Garden go Zmorge esse. Nach dem mer Uscheckt hend, het üsi Backpackreis gfühlt ersch ez ahgfange. Endlich hemmer Quito richtig Süde verlah und sind mitm Bus nach Latacunga. Nach 3 Stund fahrt und eimal umstiige simmer ahcho. Mir hend den grad im nögste Hostel Tiana Café ihcheggt. Da zahlemer 18$ für eus beidi für 1 Nacht. Die Priise überrasched eus immer wieder ufs neue. Denn simmer chli dur‘s Städli selber gloffe, das git aber nid sooo viel her. Im Kaffi Leche y Miel hemmer endlich wiedermal feine Kaffi trunke. Dezue hets zum Zvieri en Cheescake und Pancakes geh. Chessecake isch glaubs eifach nid so ihri Spezialität und mir hend beschlosse da in Südamerika niemeh en Cheesecake z‘bstelle… Nacher hemmer na all üsi To-Dos abgarbeitet. Sind üsi Sim-Chartene go uflade, hend gnueg Geld abghebt und sind chli Snacks für die nögste 3 Täg go poste. Zum Znacht simmer is El Gringo y la Gorda. Det isch grad Happy Hour gsi und drum hets zum Znacht en Mojito geh und dezue eh riise Schüssle Thai-Salat wo würklich unglaublich geil gsi isch. Für die 2 Salöt und 2 Mojitos hemmer wieder nur knapp 20$ zahlt. Hett sich also glohnt. Zrugg im Hostel hemmer packt und eus gnueg informiert für üses nögste Vorha. Mir wend nämlich ih 3 Täg vo da us zum Quilotoa-Loop laufe. Dassmer gnueg fit sind, simmer dasmal gnueg früeh is Bett.もっと詳しく
翻訳をご覧ください
0いいね
Südamerika 旅行者

Tag 20: Latacunga —> Isinlivi
2022年10月29日, エクアドル ⋅ ⛅ 13 °C
Hüt isches sowiit und mir startet üsi Wanderig zum Quilotoa-loop. Am Morge geg die 8i nehmemer de Bus nach Sigchos und det gahts los. Landschaft isch wunderbar. Überall uf de Hügel hetts Felder, woe wahrschindlich kein Traktor ahnechunt. S‘Wetter isch au wunderbar und d‘Sunne brennt abe. Die hütig Etappe isch sehr machbar gsi. Bis uf ein Ahstiig wo mer ca. 500 Höhemeter uf ein Schlurz hend müesse mache. Mir sind denn aber scho geg die 3 ide Lodge gsi und de Znacht hetts ersch am 7ni geh. Mir hends guehe WLan gnutzt und wieder heiahglühte und ich han sogar Tula vor d‘Linse bechoo😍 Denn simmer im Städtli en Lade go sueche und hend üs es Glace und paar Snacks gegönnt. De Znacht isch denn au sehr fein gsi und mir sind denn gli drufabe is Bett. Da ide Berge chüelts am Abig recht ab und ich bin froh gsi, hani mini Thermounterwösch debii gha.もっと詳しく
翻訳をご覧ください
0いいね
Südamerika 旅行者

Tag 21: Isinlivi —> Chugchilán
2022年10月30日, エクアドル ⋅ ⛅ 12 °C
Nachere chalte, aber wunderbare Nacht hemmer am 7:30 zmorge serviert becho. 1 Stund spöter hemmer usscheggt. Mir hend 40$ zahlt für es eignigs Zimmer mit Bad. Zmorge, Znacht und eh Lunchbox isch inbegriffe gsi. Für eus beidi. Die Priise erstuned eus immer wieder ufs neue. Denn simmer losgloffe und hend die 2 Etappe ahgfange. S‘Wetter isch wieder wunderbar gsi und d‘Sunne het unglaublich abebrennt. Nach ca 2 Stund hemmer scho 3/4 vo de Wanderig gschafft. Mir hend eus scho gwundered, wieso sie seged es gächi 5 Stund. Doch gli hemmers usegfunde; wills wiedermal wunderbar duruf gange isch. Und zwar zünftig. Long Story short. Mir hend schlussendlich glich 4.5 Stund gha und sind den ziemlich fertig in Chuchilan ahcho. Es sind ma 400 Meter zu üsem Hostel gange und das sind würklich die längste 400 Meter ih mim ganze Lebe gsi. Mir hend ih üsem Hostel Cloud Forest ihcheggt. Mir hend es 4er Zimmer für eus becho. Natürlich hetts den zersch wieder es Glace und es chüels Cola geh. Da mer wieder scho am 2i bim Hostel gsi sind und de Znacht am 7ni ahgsetzt isch, hemmer wieder chli telefoniert und Städtli chli ahgluegt. Bim Znacht hemmer wieder es paar bekannti Gsichter vom letzte Hostel gseh aber au paar neui. Es isch na ahgnehm gsi z‘ghöre, dass anderi genau so müeh gha hend. Mir hend denn chli schiss vode nöchste und letzte Etappe becho, da mir vo 3000 m.ü.M. Uf 4000 m.ü.M. münd laufe und die Ande echt hügelig sind und mer au immer wieder recht viel durab muen zwüsched dure. Drum simmer früeh is Bett zum eus stärche.もっと詳しく
翻訳をご覧ください
1いいね
Südamerika 旅行者
Tag 22: Chugchilàn —> Quilotoa-Loop
2022年10月31日, エクアドル ⋅ ⛅ 10 °C
Mir sind wieder möglichst früeh go Zmorge esse, dass mer denn würklich de ganzi Tag ziit hend für‘d Wanderig. Mir hend en unglaublich nice Zmorge becho mit ganz viel Frücht, 2 Pancakes und es Omlette. Mir hend wieder es Lunchpaket kauft und hend wieder genau gliich viel fürs Hostel zahlt wie gester. Genau am 8:15 simmer abgloffe. Mir sind nid die einzige gsi. Glii isch scho de ersti derbi Ufstiig cho. Mir und 2 anderi Gruppene hend üs immer wieder gegesiitig überhollt, wärend die andere völlig fertig am Wegrande gstande sind. Usser eh Gruppe vo Franzose wo sozege det duruf gseckled sind. Nachem erste Ufstiig isches wieder recht lang graduus gange und mir hend alli andere Gruppe abghenkt. Obwohl d‘Sunne wieder maximal abebrennt het und es immer stetig duruf und wieder durab isch hemmers nid als mega schlimm empfunde. Aber mir hend immer denkt, mir münd langsam laufe und üsi Chräft für de letzti happig Ufstiig ufspare. Aber ganz plötzlich, nach nur 4 Stund, simmer eifach det gsi. Völlig unerwartet isch de mächtig Karsee det gsi und d‘Ussicht isch überwältigend gsi. Mir hend Zmittag gesse und nah bis nah sind na die andere Gruppene dobe ahcho. Doch s‘Dörfli und de Bus wieder zrugg uf Latacunga sind nid ganz uf de andere Siite vom See gsi. Denn hemmer nomal 1 Stündli ah de Kliffe na müesse laufe, wo scho kriminell gsi isch. Im Dörfli hemmer üs den na es Gipfelbier bstellt und hend denn de Bus am 3 wieder zrugg gnoh. Zrugg ih üsem Hostel hemmer zersch eh wunderbari Duschi gnoh und hend üs denn uf de Weg gmacht zum im Städli neumeds go fein Znacht esse.もっと詳しく
翻訳をご覧ください
0いいね
Südamerika 旅行者
1
Tag 23
2022年11月1日, エクアドル ⋅ ⛅ 17 °C
Hüt morge simmer mit de Anderne us üsm Schlafsaal ufgwacht. Mir hend üs parat gmacht und will mir kei Zmorge inklusive gha hend und euse Bus uf Baños ersch am 12i gfahre isch, simmer is Städli go Brunche. Im Cactus Caffe simmer richtig verwöhnt worde mit Waffle, Müesli etc. Det hemmer na eis Päärli troffe, wo mir immer wieder uf de Wanderig troffe hend. Gli hemmer eus den uf de Weg zum Busbahnhof gmacht, wo eus denn au wieder die Gruppe vo Franzose schmunzelnd entgegegloffe sind (hemmer au bi de Wanderig es paar Mal gseh). Mer merkt das da in Latacunga d‘Touris nur sind wegem Quilotoa-Loop. Nach 3 Stund Busfahrt simmer in Baños ahcho. Es isch es sehr süesses Städli. Mal nid so gross und überloffe. Mir hend ih üsm Hostel Erupcion ihcheggt und eusi Chleider id Wöscherei geh. Mir sind denn chli durd Gasse gloffe und sind is Amori Caffee, wo eus scho sehr empfole worde isch. Det sötts nämlich die besti heissi Schoggi geh. Und das isch sie au gsi. Ich ha eh wiisi Schoggi bstellt und soe isch unglaublich lecker gsi. Zrugg im Hotel hemmer es paar Toure für die nögste Täg buecht und üs für de Abig parat gmacht.もっと詳しく
翻訳をご覧ください
旅行者 gseht lecker us
2022/11/04返信する
1いいね
Südamerika 旅行者

Tag 24: Baños
2022年11月2日, エクアドル ⋅ ☁️ 10 °C
Da mer wieder biziite Wach gsi sind, simmer scho am 8i gl Zmorge esse. Zu euesem entsetzte hetts dusse gregnet und es isch mega bewölkt gsi. Da Baños vorallem bekannt isch für sini Outdoor-Aktivitäte, hetts nid so es grosse Ahgebot für Indoor-Aktivitäte. Das hemmer gnutzt und sind ines Kaffi gsesse und hend eus Peru gwidmet. Mir jend chli ahgfange eh Route uszarbeite und sind woeder sehr ghyped uf das wo no chunt. Am Nammitag geg die halbi 3 hemmer aber wieder eh Tour buecht gha. Mir sind vor eusem Hostel abgholt worde und sind denn chli id Berge go Paraglide. Leider isches immerno eher bewölkt gsi und d‘Fernsicht isch nid soooo prickelnd gsi. Generell isches chli eh komischi Organisation gsi, da mer nid würklich vo A nach B gfloge sind, sondern eifach chli um de Gipfel und denn wieder am gliiche Ort abe sind. Jenny isch zersch gange und ihri Landig isch alles andere als sanft gsi😂 Bi mir hetts zum Glück glanged. Wo mer denn wieder zrugg gsi sind, hemmer bi üs bim Hostel uf de Rooftopbar en Apero gnoh und sind nacher na go indisch esse im Sher e Punjab. Sehr fein gsi. Schlussendlich simmer glich wieder am 9ni im Bett gsi, spöter schaffemers eifach nid.もっと詳しく
翻訳をご覧ください
1いいね
Südamerika 旅行者
Tag 25: Baños
2022年11月3日, エクアドル ⋅ ☁️ 14 °C
Hüt hemmer usnahmswiis wieder mal müesse früeh ufstah. Am 8i simmer go zmorge esse im Hostel und am 9ni het eus de Bus abgholt zum go Riverrafte ufem Pastaua River. Eh Gruppe Dütschi Jungs us üsm Hostel sind au mitchoo. Mit em einte simmer au in Amazonas gange. Es wird wahrschindlich au nid s‘letzt Mal sie wo mer ihn gsehnd, da er genau die gliich Ruute macht wie miir. S‘Riverraft isch unglaublich cool gsi. De Fluss isch recht lässig gsi und mir hend einiges z‘due gha, das üses Böötli nid kipped. En Kajakfahrer, wo amel chli vorusfahrt und seit wie d‘Strömige sind, hetts defür aber voll gnoh. Er isch den zu üsem Böötli gschwumme und starch wie ich bin, hani ihn natürlich uezoge💪🏻 Nacher isch die ganzi Gruppe no go Zmittag esse zemme. Mir hend wieder ehr vieli Lüt kenne glernt, wo genau die gliiche Sache vorhend wie mir. Zrugg im Hostel hemmer eus grad wieder parat gmacht, hend üsi Lieblings heissi Schoggi zum mitneh gholt und sind uf de Bus zum Casa de l‘Arbol. Eh berüehmti Schaukle uf de Berge wo mer mit wunderbare Ussicht sött chöne schaukle. Natürlich simmer wieder maximal im Nebelmeer gsi und mer het genau gar nüt gseh. Zrugg im Hostel hemmer dusched und üs chli mit üsne Zimmermitbewohner ustuusched. Euses Problem: Es isch grad de nationali Independenceday in Ecuador und ih allne grössere Städt sind scho alli Hostel usbueched oder uh mega tüür und mir hend natürlich für die nögst Nacht no nüt gha. Da uf de Strasse da in Baños scho einiges los gsi isch, hemmer denkt mir bewältiged das Problem miteme Mojito ih de Hand. Zersch simmer na ide Pizzeria Leoni eh feini Holzoffepizza go esse und nacher simmer id Tikabar. Mir hend en wunderbare Sitzplatz dusse gha und hend alli Lüt dusse chöne beobachte verbiilaufe. Mir hend na es Päärli wiedergseh, womer uf de Wanderig zum Quilotoaloop kenneglernt hend. Mir hend mal d‘Nummere usduusched, au sie gönd nacher uf Peru. Schlussendlich hemmer üs den ufd Suechi nacheme Schlafplatz gmacht und hend eh wunderbari zwüschelösig gfunde. Mir werded morn für 2 Nächt uf Riobamba gah und vo det us denn de höchsti Berg vo de Welt, de Chimborazo bestiige🙌🏻 Mir sind denn nach paar Drinks wieder is Hostel und usnahmswiis nid die erste im Bett gsii☺️もっと詳しく
翻訳をご覧ください
2いいね

もっと詳しく