Flitterwuche 2023 Nathi&Thömi

Juli - August 2023

Ein 38-Tage Abenteuer von Nathalie & Thomas Weiterlesen

39Footprints
2Länder
38Tage
570Fotos
24Videos
16,1kKilometer
9,8kKilometer

Folgen Kalender Teilen Bucket List

Datum aufsteigend

Flitterwuche 2023 Nathi&Thömi
- Reise anzeigen
- Zur Bucket List hinzufügenVon der Bucket List entfernen
- Teilen
- 04.08.2023
- ☀️ 23 °C
- Höhe über NN: 233 m
- Kanada Québec Laurentides Le Village Mont Plaisant 46.186198, -74.61309746°11’10” N 74°36’47” W
1 1
Tag 21
🏁Rennstrecke-Feeling in Mont Tremblant
4. August 2023 in Kanada ⋅ ☀️ 23 °C
Nach de lange Fahrt vo gestr, hemmr hüt bits uusgschlafe😴
Zerst simmr denn richtig Kaffi im Dörfli zum Zmörgele..☕️ so es cools Dörfli, hed eus alli grad begeisteret😊 es hed ganz viel Lädeli, Kaffis und Resteraunt und es isch en Autofreii Zone😍
Nachem Zmorge simmr mal uf Entdeckigstour im Touriste-Info Lade.. det chamr ganz viel verschiednigi Aktivitäte Bueche.. vo Kart Fahre, zu Klettere, zu Wassersportarte undundund… mier hend eus denn fürs Kart-Fahre entschiede🥳🏁
Und es hed sich richtig glohnt.. bi de Nathi sind grad Rennstrecki Gfühl ufcho..😍
Am Abig hemmr de eusi Wohnig usgnützt und selber Znacht koched und sind spöter no en Liechter-Musig Spaziergang go unterneh😊🎆gnennt „Tonga Lumina“🎆Weiterlesen
Reisender Woa voll cool🤩😄
05.08.23AntwortenÜbersetzen
Reisender Kuuli Sach 👍🏼
05.08.23Antworten
Gefällt 7 mal
Flitterwuche 2023 Nathi&Thömi
- Reise anzeigen
- Zur Bucket List hinzufügenVon der Bucket List entfernen
- Teilen
- 05.08.2023
- ⛅ 21 °C
- Höhe über NN: 251 m
- Kanada Québec Laurentides Mont-Tremblant Lac Miroir 46.210597, -74.58321846°12’38” N 74°34’60” W
Tag 22
Gmüetliche Tag in Mont Tremblant
5. August 2023 in Kanada ⋅ ⛅ 21 °C
Nacheme selber gmachte Zmorge i üsere Wohnig simmr gmüetlich los..
chli dur dLäde schlendere, Käffele, Glace Ässe und Mini Gölfle.. so hed de hütig Tag usgseh😅
Am Abig hemmr denn nomal selber Znacht koched.. so hemmr bits gsünder gässe😅🤭
Morn gahds de los zu eusere ledschte Unterkunft im Oste, nach Belleville🏞️Weiterlesen
Gefällt 5 mal
Flitterwuche 2023 Nathi&Thömi
- Reise anzeigen
- Zur Bucket List hinzufügenVon der Bucket List entfernen
- Teilen
- 06.08.2023
- ☁️ 27 °C
- Höhe über NN: 73 m
- Kanada Ontario Hastings County Belleville Zwick Island 44.15705, -77.3885244°9’25” N 77°23’19” W
Tag 23
Bade bi de Thousand Islands🏝️
6. August 2023 in Kanada ⋅ ☁️ 27 °C
Tschüssi Mont Tremblant, hüt verlömmer sQuebec Gebiet und fahred wiitr id Ontario Region. 3 1/2 Stund Autofahrt wartet uf eus… (ohni Halt grechnet)
Verbii a Ottawa und am Sankt Lorenz Strom entlang, fahremer richtig Thousand Islands.. det hemmr en Abstecher über dBrugg gmacht, wo churz drufab würdi de Grenzübergang zu de USA cho.. abr nenei das machemer ned.. 😅 mier gönd uf en Ussichtsturm, demit mer die wunderschöni Landschaft vo de Thousand Islands vo obe chönd ahluege..😍
Denn gahds wiitr entlang am Wasser, wo mer öbis Zmittag g’Ässe hend.. en richtig schöne Summertag hemmr verwütschd, dementsprechend hemmr au de Tag richtig gnosse😎 und mier hend eus alli faschd bits i die Thousand Island Region verliebt..🤭
En Auto halt wiitr, isch sBade bi de Thousand Island ahgstande🌊🥳 mit Schlangene als Bsuech… jap richtig gläse.. 3 Schlange hemmr bi dem churze Bade-Zwüschehalt im Wasser entdeckt😬🐍
Nachem Bade isches denn richtig Belleville, zu eusere ledschte Unterkunft gangä🙈 det simmr de nacheme churze Spaziergang nomal uusgibig imene Fisch-Resteraunt go Znachtässe..Muschle, Lachs, Crevette, warms Schoggiküechli…mmmmm😍🤤 so fein gsi..Weiterlesen
Vor allem s‘Schoggichüechli💕😋😂…Grüessli😘😘😘😘 [Mami]
07.08.23Antworten
Reisender Hihi ja das isch bsundrs gnosse worde🤭🥰
09.08.23Antworten
Gefällt 5 mal
Flitterwuche 2023 Nathi&Thömi
- Reise anzeigen
- Zur Bucket List hinzufügenVon der Bucket List entfernen
- Teilen
- 07.08.2023
- ☁️ 24 °C
- Höhe über NN: 198 m
- Kanada Ontario Centennial Park Flughafen Toronto-Pearson 43.686007, -79.62016143°41’10” N 79°37’13” W
2
Tag 24
Ledschti Tag im Oste..bye Toronto👋🏽
7. August 2023 in Kanada ⋅ ☁️ 24 °C
Hüt isch de ledschti Tag im Oste Kanada☹️ mier checked scho glii usem Hotel us und mached eus richtig Toronto.. dViola und de Fabi gönd no die gröschd Stadt vo Kanada sershtmal go erkunde.. i dere Ziit gönd dNathi und de Thömi id Hall of Fame, wo si bim ledschte Bsuech vor 3 Wuche leidr ned hend chönne Bsueche..🙈 so hend alli nomal ganz viel lessigi Ihdrück gsammled, bevors richtig Flughafe gangä isch☺️
Nomal die ledschti Fahrt gnüsse i eusem „Garutsch“ und bits de Power gspühre ufem Weg.. de Tank söll ja möglichst leer sii😊😜
Am Flughafe ahcho hend sich dViola und de Fabi scho glii mal verabschiedet, da si amene andere Ecke vom Flughafe hend müesse go ihchecke.. tschüssli🤗
dNathi und de Thömi hend sich de uf de Weg gmacht uf dSuechi nachem „Hahn-Air“ wo luut Zettel vo Tui ihri Fluggsellschaft isch..🤭 irgendwie ned uffindbar..🤨 fragemer doch mal nache.. irgendwie kennt die Fluggsellschaft da niemmr😂 abr dLösig isch zum Glück schnell ufcho.. mier flüged mid WestJet.. wo mid WJ uf eusem Dokument irgendwo drufestahd.. die sogenannti Hahn-Air gids gar ned… da söll mer no drus cho.. jetzt hed sich au erklärt, wieso mier gestr ned hend chönne online ihchecke😅 bim ahstah zur Gepäckufgab no churz online ihcheckt und festgstellt dass kei Sitz meh nebedenand gid🙁 das hed denn au die netti Dame bi de Gepäckufnahm gseh und gfragt öb mier de ned wönd nebedenand Reise… mier hend de gmeint, wenn möglich würdemer scho gern.. und si hed üs de au netterwiis no es Plätzli usegeh nebedenand😅 phuu glück gha..☺️ bi de Sicherheitskontrolle hemmr denn no en Proteinshake verschenkt, wo mer im Rucksack vergesse hend.. abr de Jung Typ hinder de Theke heds locker und luschdig gfunde und gmeint, de chanr guet für sich bruche😜💪🏼
De Rest vo de Reis isch tiptop gloffe.. bits komischi Sitznachbare gha, abr schuschd isch de Flug okey gsi😅 Abflug 20.00.. Ahkunft in Vancouver 22.03 Uhr (nach 5 Stund Flug).. hend de grad chönne sGepäck go hole + euses neue Auto für die zwei Wuche😊 dasmal isches en „GMC“ 😍 ab is Hotel und Guet Nacht🥰Weiterlesen
Reisender Schöne Ring vum beschte NHL Team🤩🟡⚫️💪🏽
09.08.23Antworten
Reisender Extra für dich gfötelet😜😜
09.08.23Antworten
Gefällt 5 mal
Flitterwuche 2023 Nathi&Thömi
- Reise anzeigen
- Zur Bucket List hinzufügenVon der Bucket List entfernen
- Teilen
- 08.08.2023, 16:30
- ☁️ 15 °C
- Höhe über NN: 672 m
- Kanada British Columbia Whistler Blackcomb Creek 50.11311, -122.95400250°6’47” N 122°57’14” W
Tag 25
Honeymoon🥰 Vancouver-Whistler🇨🇦
8. August 2023 in Kanada ⋅ ☁️ 15 °C
Usgschlafe gahds los.. chli go spaziere i de coole Stadt Vancouver🥰😍 am Hafe hemmr de eusi Fähri entdeckt, wo mer scho im Oste gseh hend😂 verfolgt die eus echt?!🤨🙈
Zmittag simmr im Resteraunt go ässe, wo mer scho im 2018 mega guet gfunde hend.. und es isch au hüt superfein gsi.. es hed Steak mid Sushi geh😍
Nach dere feine Verköstigung isch dFahrt los gangä richtig Whistler.. de Weste Kanada isch halt scho schöön🤭🥰 hend uf dem ershte Weg vo ungefähr 1 1/2 Stund Fahrziit scho wundrschööni Seene gseh wo mer de au Ziit gno hend zum ahluege und gnüsse🤩 a eim Ort hemmr de no welle bits am Fluss entlang go spaziere.. es isch de abr bim Welle blibe🤪 chum usgstige chund es Päärli entgege und seid dass mer müssdet ufpasse, es isch grad en Grizzly da unterwegs🫣🫣 hmm da ischs de Nathi nümm so wohl gsi, drum ischs de scho schnell mal richtig Auto gangä🙈 (wär zwar scho cool so en Bär zgseh, abr grad so ufem gliiche Weg bini grad ned so vorbereitet gsii)😅
zWhistler ahcho simmr überrascht worde mideme Prosecco und „Rocky Mountain Chocolate“ im Zimmr, für euse Honeymoon (Flitterwuche).. abr wie si uf das cho sind wüssemer noni😂🤷🏽‍♀️ will gseid odr gschribe hemmrs niened😂
Nachem Bädele verusse im Hotel Pool und Whirlpool ischs de uf Znachttour und de scho glii mal richtig Bett😴Weiterlesen
Gefällt 5 mal
Flitterwuche 2023 Nathi&Thömi
- Reise anzeigen
- Zur Bucket List hinzufügenVon der Bucket List entfernen
- Teilen
- 09.08.2023
- ☁️ 15 °C
- Höhe über NN: 672 m
- Kanada British Columbia Whistler Blackcomb Creek 50.113093, -122.95399650°6’47” N 122°57’14” W
Tag 26
Gmüetliche Regetag in Whistler🇨🇦
9. August 2023 in Kanada ⋅ ☁️ 15 °C
De Tag hüt hed viel Rege ahgseid.. drum hemmr eus entschiede eifach bits duur die viele Gässli zschlendere und dLäde d’uurzstööbere😊 zwüschedure no en Crêpe und Kaffi zur Stärchig😋
dKultur da isch schono cool und spannend.. vieli sind am Downhille, oder laufed im Trainer/Pijama umenand, top gstylt odr au eifach normal….ooder als Schott😂🧐🤷🏽‍♀️🙈
Am spötere Nami simmr de no de GreenLake en Spaziergang go mache..😍 uuschöni Farbe die Seene, hemmr scho bits vermisst im Oste🤭
Am Abig simmr denn imene Resti go ässe, wo mer selber hed chönne en Schüssle mid usgwählte Lebensmittel schöpfe und vo Grilleure la brötle lah..😍 de Thömi hed de sage und schreibe es Kilogramm Ässe gschöpft🤭😅
Mit volle Büüch hemmr eus denn is Hotel zrugbegeh..
ah ja apropoz Bäre.. da Whistler sehr bekannt isch für ihri Bäre simmr au immrwird go luege öb mer au eine gsehnd vom „Dörfli“ us richtig Berg.. und Luut Web sig au vor 5 Täg sogar eine dur sDorf duregloffe😂🙈Weiterlesen
Gefällt 5 mal
Flitterwuche 2023 Nathi&Thömi
- Reise anzeigen
- Zur Bucket List hinzufügenVon der Bucket List entfernen
- Teilen
- 10.08.2023
- ⛅ 21 °C
- Höhe über NN: 642 m
- Kanada British Columbia Aberdeen 50.651611, -120.37039250°39’6” N 120°22’13” W
Tag 27
🤠🐻Bäresichtig ufem Weg nach Kamloops🐻
10. August 2023 in Kanada ⋅ ⛅ 21 °C
Wiitr gahds richtig Kamploops🏞️🤠
De Weg unglaublich iihdrücklich.. Bergstrassene mid farblich wundrschöne See und Flüss.. Landschafte wo mer sich wie im Wilde Weste fühlt und mer au viel Saloons und Range gsehd🤠
„Und halt stopp, en Bäär, shazzi chasch bitte ahhalte..“😳 zwüsche dene Höf isch doch tatsächlich bits wiitr entfernt en Bääremuetter mid ihrne zwei Chliine unterwegs😍🐻🐻🐻 wuhuuu Bäre i de Wildnis gseh✅ hihi
Wiitr ischs gangä wo mer de au no 🦌, 🐐und vieli 🐿️ gseh hend..🥰
Im Hotel ahcho schnell ihcheckt und denn no in en chliine Zoo gangä.. sZiel wär gsii en spezielli SchwarzbäreArt zgseh, wo Wiies isch.. leidr hed sich abr de sogenannti „Kermode Bär“ ned welle Blicke lah, öbe bits heiss gsi🙈
Defür no eis zwei ander schöni Tier gseh, wie zum Bispiel en wiesse Wolf..🐺
Mid vielne Ihdrück vom Tag ischs müed is Hotel gangä.. gute Nacht✨Weiterlesen
Gefällt 6 mal
Flitterwuche 2023 Nathi&Thömi
- Reise anzeigen
- Zur Bucket List hinzufügenVon der Bucket List entfernen
- Teilen
- 11.08.2023
- ☁️ 16 °C
- Höhe über NN: 676 m
- Kanada British Columbia Blue River Eleanor Lake 52.108849, -119.31005952°6’32” N 119°18’36” W
Tag 28
dFahrt dur Clearwater richtig Blue River
11. August 2023 in Kanada ⋅ ☁️ 16 °C
Hüt gahds 2 1/2 Stund richtig Blue River.. uf dem Weg fahremer bi Clearwater dure, wo mer denn au paar Kilometer meh uf eus gno hend 😅 da heds nämli ganz viel schöni Wasserfäll, zum Helmcken Fall simmr dasmal ned, abr hend eine gfunde, wo verblüffend ähnlich usgsehd💧
unterwegs no en Hotdog gässe als Zwüschesnack🌭…(sogar dHotdogwürstli werdet da teilwiis fritiert😖)
zBlue River simr no en Zwüschestopp bimene See go mache..🥰
Nachem Ih-Checke ischs no zumene Floating Resteraunt gangä, wo‘s Toure Abüütet mideme grosse Kanu ufem Fluss.. üs isch das de abr bits zTür gsi, drum simmr de eifach im chicce Resteraunt öbis go trinke und Büroarbet go mache😅 dHotels bueched sich nämli ned vomallei😜
Ah ja ned jaaa zvergesse.. ufem Weg isch hüt no en Schwarzbär nebem Highway durezottlet.. Fotigrafin isch de abr zwenig schnell gsi zum Fötele😂🐻Weiterlesen
Gefällt 4 mal
Flitterwuche 2023 Nathi&Thömi
- Reise anzeigen
- Zur Bucket List hinzufügenVon der Bucket List entfernen
- Teilen
- 12.08.2023
- ☁️ 18 °C
- Höhe über NN: 999 m
- Kanada Alberta Pocahontas Punchbowl Falls 53.205124, -117.92710153°12’18” N 117°55’38” W
Tag 29
Rocky Mountains mier chömid😍
12. August 2023 in Kanada ⋅ ☁️ 18 °C
Hüt ischs richtig Jasper Nationalpark.. uf das hemmr eus bsundrigs gfreut, da eus de Bsuech a de Ort bi de ledschte Reis scho uu gfalle hed😊
De Weg isch entlang am „North Thombson River“ wo au als Highway vo de Fisch gnennt wird🐟🛣️
En Zwüschestopp am ihdrückliche Mount Robson🏔️ und bim Moos Lake..😍
zJasper ahcho simmr en Rundi dur sDörfli gloffe, bevor mer denn zu eusere Unterkunft gangä sind.. die isch en Halbstund wiitr obe gsi. Det dure simmr no nie gfahre und zum Glück hemmr das jetzt müesse..🤩 die See und Flüss und Berge.. wundrschöön..🤭
I eusem Blockhuuszimmer ahcho, simmr en rundi go Bädele und scho glii richtig Znacht😊🌄Weiterlesen
Gefällt 5 mal
Flitterwuche 2023 Nathi&Thömi
- Reise anzeigen
- Zur Bucket List hinzufügenVon der Bucket List entfernen
- Teilen
- 13.08.2023
- ☁️ 20 °C
- Höhe über NN: 1.686 m
- Kanada Alberta Moose Lake 52.723381, -117.63013552°43’24” N 117°37’48” W
Tag 30
Jasper, dur de Tag🥰
13. August 2023 in Kanada ⋅ ☁️ 20 °C
Hüt morge simmr los richtig See Tour🥳 ufem Weg simmr widr bi de wundrschöne Flüss verbii und hend da und det ahghaltet und dUssicht gnosse..😍 de ershte Hält sind bits nebedusse gsi und au ned Touristisch.. wo mer denn richtig Maligne Lake sind isches de au touristischer worde😅
Am Nami simmr de nomal zrug id Unterkunft en Schwumm🏊🏻‍♀️🏊🏽 go mache, bevors de am Abig uf en gfüehrti Bustour gangä isch… 🚌Weiterlesen
Gefällt 5 mal