Planlos geht der Plan los 🦧

Agustus 2023 - Mei 2024

Mitemene Oneway Ticket richtig Tahiti, emene gfüllte Rucksack und es paar Darvidas gaz los... ✈️🌴🎒 Baca selengkapnya

Sedang bepergian

82footprint
7negara
267hari
697foto
48video
49,8kkilometer
35,5kkilometer
2,2kkilometer
854kilometer

Ikuti Kalender Bagikan Daftar bucket

Tanggal menurun

Pelancong Planlos geht der Plan los 🦧
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 9 Mei 2024
- ☁️ 24 °C
- Ketinggian: 829 mi
- Nepal Pashchimanchal PokharaN.P.Prithvi-Chok 28.208415, 83.98819128°12’30” N 83°59’17” E
1
Hari 256
Nepal 🇳🇵
9 Mei, Nepal ⋅ ☁️ 24 °C
6 Wochen durfte ich dieses schöne und vielfältige Land bereisen.
Was mir am meisten gefallen hat? Ich glaube fast die Nepalische Kultur, die Herzlichkeit und die Bescheidenheit. Egal wie viel oder wenig sie haben, die Nepalesen sind super freundlich, hilfsbereit und schauen einen als Menschen und nicht als Portmonnaie an.

Ich habe in der Zeit dort viele wunderbare Menschen kennengelernt, vor Augen geführt bekommen, dass man nicht immer viel braucht, um glücklich zu sein und dass es schön und befreiend sein kann zu geben anstatt nur zu nehmen.

Nepal war definitiv ein sehr magischer Ort und ich bin dankbar hatte ich die Möglichkeit diesen Ort besuchen zu dürfen 🙏🏼💫

🇳🇵📿🕉️🧘🏼‍♀️⛰️🐘🐯🐃🏏🪂🥾Baca selengkapnya
Lihat terjemahan
Pelancong 🤩🤩🤩
5dBalas
Pelancong So schöne Worte! ✨
4dBalasMenerjemahkan
14 suka
Pelancong Planlos geht der Plan los 🦧
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 2 Mei 2024
- ☀️ 30 °C
- Ketinggian: 876 mi
- Nepal Gandaki Pradesh Pokhara Lekhnath Ambote 28.239007, 83.92431728°14’20” N 83°55’28” E
1
Hari 249
Yogaretreat
2 Mei, Nepal ⋅ ☀️ 30 °C
7 Täg bini ide nöchi vo Pokhara imene Yogaretreat gsi und ich muss sege ich ha Für gfasst. 🧘🏼‍♀️🕉️🇳🇵🔥

Am Morge am 6i hed de Tag mit meditiere agfange (biz früeh für mich aber mer gwönnt sich drah) de hemmer e Yogalession gah, z Morge (Highlight des Tages), Yoga Nindra (sogenanntes Schlafyoga - und ja die wenigste hends gschafft i dere Stund wach z blibe, eidütig e gueti Methode wemmer nid cha ischlafe), z Mittag, Yogasession, z Nacht und numal Meditation (meistens Mantra-singe).
Singing Bowls, Nose cleaning und Meditationswalks heds au öppedie geh.

Zwüschedinne hani glaub es paar vode spannendste Gsprächt vo minere Reis gah mit de Lüt vom Retreat. Das isch eifach mit Abstand s beste bim Reise die tiefgründige Gspräch über Gott und die Welt. Es isch sooo spannend was anderi über gwüssigi Themene denked - mängisch hed mer total die glich Meinig, mängisch total unterschidlich.

E sehr schöni Ziit gsi, mit coole Lüt, die möcheds am Schluss vom Tag eifach us. OM schanti schanti schanti...🕉️Baca selengkapnya
Lihat terjemahan
Pelancong Yoga isch eifach super 🫶
5dBalasMenerjemahkan
14 suka
Pelancong Planlos geht der Plan los 🦧
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 19 Apr 2024
- ⛅ 4 °C
- Ketinggian: 3.661 mi
- Nepal Gandaki Pradesh Nāwalbeshi̇̄28.649219, 84.10395528°38’57” N 84°6’14” E
Hari 236
Annapurna Circuit die Hälfte 2.0
19 April, Nepal ⋅ ⛅ 4 °C
Die kommende Täg sind wie folgt abglofe: Tagwach, Packe, Wanderschueh ah, z Morge, 6-7 Stund wandere, is nüe Guesthouse izieh, chille bis es z Nacht gid und wieder vo vorne.
Ich has gnosse wieder irgendwo ide Berge z si und z wandere - ja wenn das mis jüngere ich wür ghöre 😅

D Wandrig isch de biz kürzer worde als denkt, will ich mier e Gripp ufglese ha. Naja 7 echt cooli Wandertäg hani gah! 🤩🏞️⛰️🇳🇵Baca selengkapnya
Lihat terjemahan
16 suka
Pelancong Planlos geht der Plan los 🦧
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 18 Apr 2024
- ☁️ 4 °C
- Ketinggian: 3.776 mi
- Nepal Pashchimanchal Gandakī Zone Bhratang 28.574357, 84.19093428°34’28” N 84°11’27” E
Hari 235
Annapurna Circuit die Hälfte
18 April, Nepal ⋅ ☁️ 4 °C
Treking in Nepal isch wie Skifahre ide Schwiiz, ein Must-Do.

Im Hostel hani sponti eine atroffe wo au de Annapurna Circuit hed welle mache und mer hend üs de entschlosse die zwoi/drü wochig Wandrig zemme i agriff z neh.

Ei Tag hani brucht zum all mini restliche Trekingmaterialie zemme z becho, s Permit z hole und z packe für d Wandrig.

Am Morge 5.30 ischs de mit em überladene Touribus los richtig Startort. De Bus isch so überfüllt gsi, das paar Lüt die ganz Busfahrt (5h) hend müsse stah. Ich bi zum Glück mal biz z früeh drah gsi (man glaubt es kaum) und ha chönne e Platz ergattere. Nachere holprige Fahrt simmer de endli acho und d Wanderig hed gstarted. Mier sind paar vode wenige gsi wo vo ganz une gstarted hend, vil sind mit em Jeep nu biz wiiter ufegfahre aber mich hätt a dem Tag niemer meh ines Auto inebrunge.Baca selengkapnya
Lihat terjemahan
12 suka
Pelancong Planlos geht der Plan los 🦧
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 12 Apr 2024
- ☁️ 34 °C
- Ketinggian: 180 mi
- Nepal Province 3 Bharatpur Devichok 27.65716, 84.36554727°39’26” N 84°21’56” E
Hari 229
Ade sege
12 April, Nepal ⋅ ☁️ 34 °C
Bim Reise trifft mer vil tolli Mensche. Lüt wo eim öppis lerned, Lüt mit dene mer eifach Spass hed, Lüt mit dene wommer stunde cha rede... Es isch so wunderschön z gseh das es überall uf dere Welt eifach gueti Mänsche hed und ich bi devo überzoge me cha überall Fründe finde.
Was aber au zum Reise ghört ischs Tschüss sege.
Je nachdem welang mer zemme unterwegs gsi isch, was mer erlebt hed, wie guet mer sich verstande hed fallts eim eifacher oder schwerer. Aber mier isch ufgfalle nach 7 Mönet on the Road. Es wird liechter, me gwönnt sich dra. E komische Gedanke aber es isch so. Me weiss d Begegnig isch limitiert, jede hed sini Route, und mer findet wieder nüi Lüt.

#travethoughts

Ich bi grad ufem Weg Richtig Pokhara und d Busfahrt isch es Abentür für sich. Unebeni Strasse, Fahrer sehr wahrschidli ohni gültige Uswis, Weg wos nebedrah gredi s Loch drab gad, Locals im Bus am bette das mer Heil achömed und en sehr guete z Mittagsspot wo mich Locals vom Bus iglade hend und ich ha döffe mit ihne die feine Sache probiere.Baca selengkapnya
Lihat terjemahan
10 suka
Pelancong Planlos geht der Plan los 🦧
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 11 Apr 2024
- ☀️ 36 °C
- Ketinggian: 154 mi
- Nepal Province 3 Bharatpur Bhagauli̇̄27.596851, 84.27871627°35’49” N 84°16’43” E
Hari 228
Lesti Schueltag
11 April, Nepal ⋅ ☀️ 36 °C
A üsem leste Tag hemmer nu d Büecher beschrifted wo mer vode Spende us hend chöne chaufe. Si wärded afangs Schueljahr ade Kidis verteilt.

Am Samstig fad s Nepalische Nüjahr ah und drum giz es grosses Festival bim Nationalpark wommer gester nu sind go uschecke.Baca selengkapnya
Lihat terjemahan
11 suka
Pelancong Planlos geht der Plan los 🦧
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 10 Apr 2024
- ☀️ 36 °C
- Ketinggian: 151 mi
- Nepal Province 3 Bharatpur Bhagauli̇̄27.596729, 84.28142527°35’48” N 84°16’53” E
Hari 227
Chitwan zwoiti Woche
10 April, Nepal ⋅ ☀️ 36 °C
Will mers ide Schuel so guet gfalle hed bini nu e Woche länger blube.
D Kidis sind so dankbar gsi und hend üs immer wieder Zeichnige geh oder üs Sache bastled.😊

Am Weekend simmer zunere Vor-Hochziitfir iglade worde. Immer bimene Nüstart (Hochziit/Nüe Job...) wird s Hus usgräuchered - idem es Für im Wohnzimmer gmacht wird und Opfergabe dethi brunge werded - wo d Fraue zuebereitet - und de nach de Zeromonie a alli verteilt wird. D Idee dehinder isch das mer vo use und vo inne die gueti Spirit i sich hed.
De Bräutigam hed üs de sogar zu sinere Hochziit iglade, zwoi Frömdi Lüt!Baca selengkapnya
Lihat terjemahan
14 suka
Pelancong Planlos geht der Plan los 🦧
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 3 Apr 2024
- ⛅ 36 °C
- Ketinggian: 155 mi
- Nepal Province 3 Bharatpur Bhagauli̇̄27.596606, 84.278827°35’48” N 84°16’44” E
Hari 220
Chitwan: Teaching und chli si
3 April, Nepal ⋅ ⛅ 36 °C
Irgendwo im Weste vo Nepal bini es Volunteering am mache.

Am Morgefrüeh wird jewils 1 Stund gjätted und am 12i fad d Englischklass ah. Im Moment hend d Kidis Summerferie und am Tara (Schuelleiter) sini Schuel hed es Englischprogramm für d Schüeler insziniert demit sie ihri Englischskills chönd verbessere.
D Chind sind unendlich dankbar und möched sehr schnell fortschritt, was vilicht au ade guete Lehrer lid 😉✌🏼

2 Stund gad de ganz Kurs. Debi döf d Lehrerpause natürli au nid fehle. Üs wird täglich Milktea und es feins s Z'Mittag serviert - nid schlecht. D Klass endet meistens mit enere Umarmig, d Chind hend hie d Lehrer oder eifach üs Touris sehr gern. Mier bechömed au regelmässig Zeichnige oder wärded zu de Kidis hei iglade. 🏠

En tolli Erfahrig, mit Iblick ines Lebe wo so andersch is als das wo mier so kenned. Au wenns schüst hie nid so vil gid zum mache, d Chind chönd eim echt vil geh. 😊Baca selengkapnya
Lihat terjemahan
Pelancong Schön dass du das machsch,bi richtig stolz.😘
03/04/24BalasMenerjemahkan
Pelancong So cool ☺️👍
04/04/24BalasMenerjemahkan
15 suka
Pelancong Planlos geht der Plan los 🦧
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 30 Mar 2024
- ⛅ 33 °C
- Ketinggian: 159 mi
- Nepal Province 3 Bharatpur Bhagauli̇̄27.597072, 84.28392127°35’49” N 84°17’2” E
Hari 216
Dschungel Walking Tour
30 Maret, Nepal ⋅ ⛅ 33 °C
Hüt, 5 am Morge isch tagwach gsi. Ab i Dschungel.

Mitem Tucktuck simmer richtig Dschungel gfahre, wo üs üse Guide empfange hed. Im Park heds Krokodil, Tiger, Elefante, Nashörner, Schlange und üse Guide isch bewaffnet gsi mitemen BAMBUSSTECKE. Super! Sicher hemmer üs Gfühlt - Nicht! Ich bi echt froh gsi wommer wieder zrug gsi sind. 😅
Mer hend aber echt cooli Sache gseh, Pfaus, 2 wildi Elefante wo schienbar mängisch is Dorf chömed und Lüt oder Küeh ide gegen umerühred. Ja de Typ hed eidütig es paar Gschichte uf Lager und definitiv nid nur schöni!

Vil Reh hemmer gseh, Nashörnern und Tiger leider nid au wemmer echt lang nach ine gsuecht hend aber defür hemmer ihri Spure im Sand gseh, echt Idrücklich und ehrlichgseid heds mi gar nid so gjuckt das mer sie nid gseh hend wil, obwohl mer mittlerwile alli mitemene Bambusstecke bewaffnet gsi sind, sie sind halt eifach doch Wildtier!

Acht Stund im Dschungel, agriffe worde usschliesslich vonere Stecke-raupe aber uf all Fäll es cools Abentür gsi, die nöchst Safari machi aber sicher mitemene Auto.

🐅🐘🐊🦌Baca selengkapnya
Lihat terjemahan
11 suka
Pelancong Planlos geht der Plan los 🦧
- Tampilkan perjalanan
- Tambahkan ke daftar bucketHapus dari daftar bucket
- Bagikan
- 28 Mar 2024 13.52
- ☁️ 22 °C
- Ketinggian: 1.285 mi
- Nepal Madhyamanchal Gonggabu Siddhitol Mahadev Khola 27.733892, 85.30833527°44’2” N 85°18’30” E
Hari 214
Abentür
28 Maret, Nepal ⋅ ☁️ 22 °C
de Moment wenn i irgendeme Bus hocksch, hoffsch es isch de richtig und nu meh hoffsch das heil achunsch. Drü Stund warte schient hie normal z s😅
D Strasse und de Verkehr hie in Kathmandu sind öppis eigeds.
Und genau so Sache möcheds am End vom Tag us, mal luege wo ich lande wird. Peace out ✌🏼
Adventuretime 😎Baca selengkapnya
Lihat terjemahan
12 suka

Muat lebih banyak