Evrópa 2017

Et 93-dagers eventyr av Þangað og heim aftur Les mer

Følg Oversikt Kalender Del

Fotspor
Bilder

Reisens start
20. mars 2017
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 1
mandag 20. mars 2017 13:30
⛅ 2 °C
Høyde: 30 m
Island Grafarvogur 64.12652, -21.8174464°7’35” N 21°49’3” W
Heima í Reykjavík
20. mars 2017, Island ⋅ ⛅ 2 °C
(Af einhverjum orsökum staðsetur vefsíðan mig í Grafarvogi, en hvað um það).

Ég flutti mig hingað af blog.is af því að það er auðveldara að blogga hérna þegar maður er á ferðalagi. Það er meira að segja til FindPenguins app sem er hægt að nota þó maður sé ekki í netsambandi - þá býr maður til færslurnar og þær fara út á vefinn næst þegar maður er í netsambandi. Þetta umhverfi er reyndar talsvert takmarkaðra en blog.is, en á móti kemur að það er þægilegt í notkun.

Tíminn líður annars hægt þessa dagana.

Ég legg af stað í langferð til Evrópu 3. maí. Fer héðan til Seyðisfjarðar 30. apríl eða 1. maí til að taka Norrænu til meginlandsins, og kem til Danmerkur 6 maí. Það fer eftir veðri og færð hvort ég fer norðurleiðina eða þá syðri, en það væri óneitanlega gaman að stoppa í smástund á Akureyri.

Frá Danmörku bruna ég, eftir heimsókn til ættingja í Árósum, niður til Þýskalands. Þar ætla ég að keyra hring sem þræðir næstum öll þýsku ríkin og einnig hluta af Alsace-héraði í Frakklandi. Kannski kíki ég til Austurríkis, Sviss og Liechtenstein líka.

Ég er búin að borga miðann og er andlega tilbúin. Það er hins vegar komið babb í bátinn: bíllinn minn hefur undanfarið pundað á mig villuboðum sem virðast tengjast einhverju rugli í tölvukerfinu, en gæti verið vélræn bilun sem þeir hjá Heklu finna ekki. Mjög grunsamlegt í bíl sem féll úr ábyrgð fyrir minna en hálfu árí síðan.Les mer
Se oversettelse
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 1
mandag 20. mars 2017 14:17
☁️ 1 °C
Høyde: 30 m
Island Grafarvogur 64.126521, -21.81743964°7’35” N 21°49’3” W
Útþrá
20. mars 2017, Island ⋅ ☁️ 1 °C
Það hefur staðið til að fara í þetta ferðalag síðan ég eignaðist ferðabílinn minn í nóvember 2014, eða öllu heldur frá því að innréttingum á honum lauk.

Bíllinn sem um ræðir er Volkswagen Caddy Maxi skutla sem við pabbi innréttuðum veturinn 2014-15. Í honum eru öll helstu þægindi önnur en heitt rennandi vatn og sturta. Þó að það sé ekki hægt að standa uppréttur þar inni er hann mjög þægilegur og mætti eiginlega segja að þetta sé lokrekkja á hjólum. Ég fjallaði um innréttinguna og fyrstu ferðalögin á blog.is: http://brenninetla.blog.is/blog/blablabla/categ…

Ég æfðist í að ferðast á honum sumarið 2015, þegar ég var á ferðinni meira og minna allt sumarið. Sumarið 2016 svaf ég bara einu sinni í honum, enda fór megnið af sumrinu í 3 vikna ferð til Bandaríkjanna og mánarardvöl á Heilsustofnun Náttúrulækningafélagsins í Hveragerði.

En sem sagt: ég hef verið að hugsa um svona ferð frá því að ég svaf fyrstu nóttina í bílnum, í frosti og næðingi á Grundarfirði vorið 2015.Les mer
Se oversettelse
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 3
onsdag 22. mars 2017 11:15
☀️ -9 °C
Høyde: 1 244 m
Island 64.737697, -18.79341964°44’16” N 18°47’36” W
Áfangastaðir
22. mars 2017, Island ⋅ ☀️ -9 °C
Hvernig velur maður sér áfangastaði fyrir flakkferð? Það er ósköp gaman að mæta bara á staðinn og ráfa um og uppgötva staði og njóta ferðafrelsisins, en maður vill líka fá eins mikið út úr ferðalögum og hægt er. Til þess þarf einhverja grunnskipulagningu, t.d. lista yfir áhugaverða staði og hagnýtar upplýsingar um þá, s.s. hvenær þeir eru opnir og hvort þeir loka á einhverjum tilteknum vikudögum og hvort maður er á ferðinni á opinberum frídegi – ég verð t.d. á ferðinni á uppstigningardag, sem er frídagur í Þýskalandi.

Eins og ég minntist á áður byggist ferðalagið á stöðum á heimsminjaskrá UNESCO, og heimsókn í Neuschwanstein-kastala. Ég bætti síðan við nokkrum minna þekktum stöðum sem ég fann á hinni frábæru vefsíðu Atlas Obscura (http://www.atlasobscura.com/) sem voru í leiðinni eða rétt hjá henni. Loks bættust við nokkrir staðir sem fólk mælti með við mig, og áhugaverðir staðir sem ég rakst á á netvafri.

Skyldustoppin eru, á þessum tímapunkti, eftirfarandi, með ástæðum:

+Aarhus í Danmörku. Þar á ég ættingja sem hafa boðið mér í kaffi. Ég ætla líka að athuga hvort það eru einhverjar áhugaverðar sýningar í gangi í Aros-listasafninu.
+Flensburg í Þýskalandi. Þar er Caravan Center Nord, stærðarinnar húsbílaverslun sem ég ætla að kíkja í til að sjá hvort ég rek augun í eitthvað sem ég verð að eignast í bílinn.
+Lübeck. UNESCO.
+Wismar og Stralsund. UNESCO.
+Rügen-eyja. Jasmund þjóðgarðurinn og náttúrufegurð.
+Berlín. UNESCO og fleira: Safnaeyjan, önnur söfn (t.d Trabant-safnið) og menning. Líka KaDeWe-stórverslunin.
+Potsdam. UNESCO: Sansoucci-höll og garðarnir í kringum hana, og fallegur miðbær.
+Dessau-Wörlitz-garðarnir. UNESCO. Skrúðgarðar í ýmsum stíl.
+Meissen. Postulínssafn og –verksmiðja.
+Dresden. Falleg borg.
+Bamberg. UNESCO. Lifandi safn.
+Berechtsgaden þjóðgarðurinn. Náttúrufegurð.
+Alpenstrasse. Falleg útsýnisleið frá Königsee-vatni til Bodensee-vatns. Fer hana sennilega ekki alla, en part úr henni. Skoða hugsanlega Zugspitze-fjall og Röthbachfall-foss.
+Neuschwanstein og Hohenschwangau.
+St. Gallen í Sviss. UNESCO.
+Reichenau-eyja á Bodensee. UNESCO. Skrúðgarður.
+Colmar í frakklandi. Falleg borg.
+Strasbourg í Frakklandi, UNESCO.
+Bergpark Wilhelmshöhe í Kassel, Þýskalandi. UNESCO. Garður.
+Corvey-höll. UNESCO.

„Kannski“ staðirnir eru hins vegar þrisvar sinnum fleiri.Les mer
Se oversettelse
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 5
fredag 24. mars 2017 10:50
⛅ 22 °C
Høyde: 839 m
Island 65, -1865°0’0” N 18°0’0” W
Ferðakvíði
24. mars 2017, Island ⋅ ⛅ 22 °C
Ég er þannig að tilhlökkunin er hluti af ferðalaginu. Hún drífur mig áfram við gerð ferðaáætlunar og færir mér vellíðan þegar ég hugsa um það sem fram undan er. Nú er tilhlökkunin í tengslum við ferðalagið hins vegar að snúast upp í andstæðu sína.

Mér líður alls ekki vel að vita að það er eitthvað að angra blessaðan bílinn minn. Þegar hann er orðinn heitur í akstri sýnir hann villuljós sem er kallað glóðarkertaljós, en getur staðið fyrir meira en tug af mismunandi og mis-alvarlegum vandamálum. Mig langar mjög lítið að sitja á biluðum bíl einhvers staðar úti í sveit í Danmörku, hvað þá á hraðbraut í Þýskalandi. Ég er búin að hafa samband við Heklu (aftur) og vonast til að þeir geti komið bílnum að í skoðun sem allra fyrst.

Þangað til þarf ég að finna leið til að takast á við ferðakvíðann sem er að hellast yfir mig.Les mer
Se oversettelse
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 18
torsdag 6. april 2017 11:44
☀️ 19 °C
Høyde: 839 m
Island 65, -1865°0’0” N 18°0’0” W
Fór með bílinn á verkstæði í morgun
6. april 2017, Island ⋅ ☀️ 19 °C
Fékk þar að vita að gamla vandamálið, sem snerist um einhvern spíss í endsneytisinnspýtingunni, hefði aldrei sést áður þar á bæ. Þetta er ekki beinlínis traustvekjandi. Ég vona bara að það leysist úr nýja vandamálinu í þessari heimsókn.Les mer
Se oversettelse
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 19
fredag 7. april 2017 09:02
🌧 7 °C
Høyde: 32 m
Island Tjörnin 64.142301, -21.93140664°8’32” N 21°55’53” W
Jæja, þá er bílavandamálið vonandi leyst
7. april 2017, Island ⋅ 🌧 7 °C
Fékk símtal frá Heklu og villuboðin virðast stafa af því að það gleymdist að gera eitthvað í innkölluninni um daginn, þannig að ég þarf ekkert að borga. Vona að þetta sé það síðasta sem ég hef af Heklu að segja í bili.Les mer
Se oversettelse
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 19
fredag 7. april 2017 13:19
☁️ 7 °C
Høyde: 32 m
Island Tjörnin 64.142301, -21.93140664°8’32” N 21°55’53” W
Þetta er allt að koma...
7. april 2017, Island ⋅ ☁️ 7 °C
Ég fór um daginn og varð mér út um kortabók fyrir Evrópu og alþjóðlegt tjaldbúðaskírteini hjá FÍB. Gleymdi auðvitað að kaupa ÍS-merkið til að setja aftan á bílinn, þannig að það verður tekinn annar labbitúr niður á Skúlagötu í nánustu framtíð.

Svo fór ég til tryggingafélagsins míns í gær og fék tryggingavottorð fyrir bílinn og annað fyrir sjálfa mig.

En þetta er ekki búið - ó nei. Þegar út kemur þarf ég að verða mér út um Umweltplakette, sem er umhverfisvottun fyrir bílinn þannig að ég geti farið með hann in á Umweltzone - svæði í þýskum borgum þar sem umferð án slíks miða er bönnuð. Miðinn sýnir að bíllinn mengi nógu lítið til að mega koma inn á þessi svæði.

Svo þarf ég bílastæðisskífu til að geta lagt í ókeypis bílastæði þar sem einungis er leyft að leggja í takmarkaðan tíma.

Þá held ég að allt verði loksins komið.Les mer
Se oversettelse
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 25
torsdag 13. april 2017 09:21
⛅ 1 °C
Høyde: 24 m
Island Reykjavík 64.13538, -21.8961364°8’7” N 21°53’46” W
Undirbúningurinn heldur áfram
13. april 2017, Island ⋅ ⛅ 1 °C
Í gær tók ég mig til og bar inn úr bílnum allt sem í honum var og sem ekki tilheyrir honum beinlínis, s.s. landakort, teppi, útivistarfatnað og skó sem ég hef í honum árið um kring. Allt sem ég ætla að taka með í ferðina fer síðan út aftur, en ekki fyrr en ég er búin að þrífa bílinn að innan og utan, þvo það sem þarf að þvo af dótinu, og finna nýtt í staðinn fyrir það sem er skemmt eða ónýtt.

Ég gramsaði líka í geymslunni hjá mér og náði í sumt af búnaðinum sem ég tek bara með í ferðalög, t.d. diska og annað matartengt, og svo bjó ég til pláss í stofunni hjá mér með þremur kössum sem ég hef verið að tína í hluti og fatnað sem á að fara í ferðina, svo það verði örugglega á vísum stað þegar kemur að því að pakka í bílinn. Ég hef líka verið að þvo þvott á fullu, til að hafa öll föt tilbúin og teppi og annað hreint þegar að því kemur að fara með allt út í bílinn.

Páskana ætla ég síðan að nota til að þrífa bílinn rækilega að innan og tjöruhreinsa hann að utan.

Þegar ég kem í vinnuna aftur eftir fríið ætla ég síðan að fara í skanna sem þar er og skanna alla ferðapappírana og vista þá út á skýinu til að geta nálgast þá hvaðan sem er.Les mer
Se oversettelse
Hljómar spennandi. Þegar ég skrifa þetta komment kemur texti fyrir ofan: Enter = send. Don't forget your name. Þýðir það að þú sjáir ekki hver sendir nema ég (Sólveig) segi til nafns sérstaklega?
13.04.2017Svar
Hlakka til að fylgjast með ferðalaginu. Kv. Anna Kap.
13.04.2017Svar
Það verður spennandi að fá að fylgjast með :)
13.04.2017Svar
2 flere kommentarer
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 25
torsdag 13. april 2017 22:18
☁️ 0 °C
Høyde: 8 m
Island Tjörnin 64.1432, -21.946664°8’36” N 21°56’48” W
Búin að þrífa bílinn...
13. april 2017, Island ⋅ ☁️ 0 °C
Bíllinn er orðinn skínandi hreinn að innan og angar af viðarolíunni sem pabbi bar á innréttinguna, og tjöruhreinsun er líka lokið. Nú er bara eftir að bóna hann, sem gerist á morgun. Í fyrramálið fer ég væntanlega út og prófa að pakka í bílinn, til að sjá hvort ég þarf að skera niður farangurinn...Les mer
Se oversettelse
Hlakka til að fylgjast með ævintýrum þínum í gegnum bloggið ;) kv. Svava
16.04.2017Svar
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 30
tirsdag 18. april 2017 10:45
⛅ 4 °C
Høyde: 30 m
Island Grafarvogur 64.126521, -21.81743964°7’35” N 21°49’3” W
Það er skrítin tilfinning...
18. april 2017, Island ⋅ ⛅ 4 °C
...að vera að pakka niður fyrir svona langt ferðalag og þurfa ekki að hugsa um að halda þyngdinni og fyrirferðinni á farangrinum undir 23 kg í einni tösku. Auðvitað er ákveðið hámark til staðar – ég er með tiltekið pláss sem ég get notað undir rúminu, í skúffunum í innréttingunni og í holrúminu á bak við sætin, en það er langtum stærra en þessi venjulega ferðataska, og svo getur bíllinn tekið rúmlega 700 kg farm, sem er mun meira en ég þarf, jafnvel þegar tekið er tillit til þyngdarinnar á innréttingunni.

Myndirnar sýna það pláss sem ég hef undir rúminu.

Vanalega þegar ég fer í ferðalög til útlanda reyni ég að halda farangrinum í lágmarki, og reyndar er það svo að því lengri sem ferðin er, því minni farangur tek ég með mér, helst þannig að ég get tekið allt með mér í handfarangri.

Þegar ferðalagið er styttra en 2 vikur nenni ég nefnilega ekki að standa í því að þvo þvott og tek því með mér föt til skiptanna fyrir allan tímann, en á lengra ferðalagi geri ég ráð fyrir að þvo af mér og get því tekið með mér minna af fötum.

Nú er ég í þeirri stöðu að geta tekið með mér meira af fötum en ég mundi venjulega gera í svona langt ferðalag, en þarf jafnframt að geta þvegið þau saman, því ég hef ekki ætlað mér að vera með föt fyrir alla ferðina án þvotta. Þau mundu nefnilega taka all of mikið pláss. Sem betur fer verð ég í gistingu á tjaldstæðum og á þeim flestum eru þvottavélar, þannig að ég þarf ekki einu sinni að hafa áhyggjur af því að ég sé að missa af einhverju, sitjandi inni á almenningsþvottahúsi og haldandi vörð um fötin, heldur get ég þvegið þegar ég kem í næturstað og nýtt biðtímann í að fá mér að borða eða skipuleggja næsta dag. Ég vona bara að ég lendi ekki í vandræðum ef það verður leitað í bílnum hjá mér á leiðinni í eða úr landi, því hvítt duft í litlum poka gæti vakið grunsemdir...Les mer
Se oversettelse
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 31
onsdag 19. april 2017 06:58
☁️ 5 °C
Høyde: 54 m
Island Reykjavíkurborg 64.122922, -21.81637664°7’23” N 21°48’59” W
Fastir punktar
19. april 2017, Island ⋅ ☁️ 5 °C
Einhver minntist á það við mig um daginn að ég væri með ansi marga staði á ferðaáætluninni minni fyrir þessa reisu, en málið er að þetta er bara óskalisti. Svo eru sumir staðirnir á honum bara leiðarpunktar, næturstaðir eða stutt stopp. Ég skipulegg allar mínar ferðir þannig að ég geri ráð fyrir ótakmörkuðm tíma og set allt sem er spennandi á listann, en er síðan bara með nokkra valda staði sem ég verð að sjá.

Hér er ferðaáætlunin eins og hún var í nóvember í fyrra:
1. hluti:http://brenninetla.blog.is/blog/blablabla/entry…
2. hluti: http://brenninetla.blog.is/blog/blablabla/entry…

Í þessari ferð eru föstu punktarnir sem hér segir:
*Flensburg, af því að hún er fyrsta borgin sem ég kem til í Þýskalandi og þar er stór húsbílaverslun sem ég ætla í, og svo þarf ég að fara í heimsókn til þýska bifreiðaeftirlitsins, TÜV, og fá hjá þeim Umwelt-Plakette. Það er vottorð um að bíllinn hafi verið mengunarmældur og ég megi fara á honum inn á Umwelszone, sem eru svæði í borgum þar sem verið er að reyna að halda mengun í skefjum. Ég vil nefnilega ekki hætta á að villast inn á slíkt svæði og fá fyrir það sekt.
*Rügen-eyja.
*Berlín og Potsdam.
*Bamberg.
*Berechtsgaden-þjóðgarðurinn og Königsee-vatn.
*Alpenstrasse. (Af þessu síðasta tvennu má sjá að ferðaáætlunin hefur tekið talsverðum breytingum, enda ákvað ég að það væri alveg þess virði að bæta við smá náttúruskoðun).
*Neuschwanstein-kastali.
*Reichenau- og Mainau-eyjar á Bodensee-vatni.
*Colmar og Strasbourg í Frakklandi.

Svo getur hugsast að ég bæti saxneska Sviss við þennan fastalista, en þar er mikil náttúrufegurð og áhugaverðar sandsteinsmyndanir á bökkum Saxelfar.

En hér er a.m.k. skjáskot af fyrirrhugaðri leið, og hlekkur á stærra eintak á My Maps: https://drive.google.com/open?id=17nIAMDk-JOrhl…Les mer
Se oversettelse
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 39
torsdag 27. april 2017 09:40
⛅ 7 °C
Høyde: 29 m
Island Reykjavík 64.132031, -21.89695364°7’55” N 21°53’49” W
Spennan eykst
27. april 2017, Island ⋅ ⛅ 7 °C
Jæja, þá er innan við vika til brottfarar, og titringurinn er að byrja. Ég er yfirleitt pollróleg dagana fyrir ferðalög og tek síðan út spenninginn með svefnleysi nóttina fyrir brottför, en núna er svo margt sem ég þarf að huga að sem ég hef ekki þurft að huga að áður, að ég er bara orðin pínu stressuð.

Er ég með alla pappíra sem tengjast bílnum? (já)
Er bíllinn í lagi? (svo segja þeir hjá Heklu)
Er ég búin að þessu? (já)
En hinu? (kannski)
Hvað með þetta? (nei)

Ég veit að ég á eftir að kaupa meiri gjaldeyri, setja sumardekkin undir bílinn og bera fötin mín, hreinlætisvörur, matvæli, dýnu, klósett og kælibox út í hann, og versla ýmislegt smálegt fyrir ferðina – aðallega mat fyrir innanlandslegginn. Ekki væri verra þvo bílinn aftur, því við pabbi vorum ekki fyrr búin að tjöruhreinsa hann, þvo og bóna þegar það kom rigning og öskufok í kjölfarið, þannig að hann er orðinn grá-brún-flekkóttur og talsvert meira áberandi skítugur en fyrir tjöruhreinsunina. En ég held ég geymi það þangað til á Seyðisfirði – hann verður hvort sem er grútskítugur á leiðinni. Þetta er ókosturinn við að eiga hvítan bíl - þeir eru svo afskaplega áberandi skítsælir.

Svo þarf að pakka niður því sem ég ætla að hafa með mér upp í skipið.

Loks þarf að ganga frá ýmsu smálegu heima fyrir og í vinnunni, t.d. ræða hversu oft þarf að koma til að vökva blómin mín og hirða póstinn, koma blómunum á skrifstofunni minni í pössun, veita einhverjum umboð til að greiða atkvæði fyrir mína hönd á húsfundinum sem verður haldinn daginn eftir að ég fer, og loks skila páfagauknum sem ég er með í láni frá litla bróður.Les mer
Se oversettelse
Mundu bara að blogga mikið og oft svo við getum nú fylgst með ævintýrum þínum í gegnum netið :) Kv.Svava
27.04.2017Svar
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 40
fredag 28. april 2017 07:23
🌧 4 °C
Høyde: 32 m
Island Hafnarfjarðarkaupstaður 64.02325, -21.96743864°1’24” N 21°58’3” W
Næstum búin að pakka í bílinn
28. april 2017, Island ⋅ 🌧 4 °C
Það kom mér á óvart að mér tókst ekki að fylla í allt pláss í bílnum. Fötin eru komin út, svo og öll eldurnar- og mataráhöld og ýmsar nauðsynjar, ásamt kortum og leiðsögubókum og búnaði sem tilheyrir bílnum og ég tók inn til að eiga auðveldara með að þrífa hann að innnan. Það eru samt ennþá tvær skúffur tómar og þegar ég er búin að setja í þær það sem þangað á að fara (spjaldtölvan, prentarinn, myndavélin, handavinna og dót sem tilheyrir ferðadagbókarskrifum) verður miðhólfið undir rúmbekknum tómt. Sem er auðvitað fínt, því ég þekki sjálfa mig og veit að ég á eftir að versla eitthvað í ferðinni. Þangað fara því tveir tómir kassar til að byrja með.Les mer
Se oversettelse
Þessi kassar verða nú ekki tómir lengi...þú finnur örugglega fullt af bráð(ó)nauðsynlegum hlutum í ferðinni ;) Kv. Svava
28.04.2017Svar
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 43
mandag 1. mai 2017 11:17
🌧 7 °C
Høyde: 21 m
Island Reykjavík 64.1383, -21.895964°8’18” N 21°53’45” W
Í byrjun ferðar
1. mai 2017, Island ⋅ 🌧 7 °C
Mér finnst þetta vera góð byrjun (sjá mynd)
Se oversettelse
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 43
mandag 1. mai 2017 14:27
⛅ 13 °C
Høyde: 15 m
Island Varmahlíð 65.55323, -19.4458165°33’12” N 19°26’45” W
Varmahlíð
1. mai 2017, Island ⋅ ⛅ 13 °C
Spurning: Hvað er verra en að keyra í sviptivindasömu roki?

Svar: Að keyra í sviptivindasömu roki og vera í spreng.
Se oversettelse
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 44
tirsdag 2. mai 2017 11:44
☁️ 9 °C
Høyde: 21 m
Island Egilsstaðir 65.26061, -14.408765°15’38” N 14°24’31” W
Á Egilsstöðum
2. mai 2017, Island ⋅ ☁️ 9 °C
Veðrið var svo leiðinlegt í gær að ég ók, með fáum stoppum, á Egilsstaði í gær. Ég hafði ætlað að taka því rólega, stoppa oft, teygja úr mér, jafnvel fara í labbitúr um Akureyri, en það freistaði mín ekki, og því er ég hingað komin. Nú ætla ég að skoða mig um, fara kannski í labbtúrinn sem ég missti af í gær, kíkja í búðir, lesa og slappa af.Les mer
Se oversettelse
Njóttu dagsins kv. Svava
02.05.2017Svar
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 44
tirsdag 2. mai 2017 17:03
☁️ 11 °C
Høyde: 21 m
Island Egilsstaðir 65.26066, -14.40865°15’38” N 14°24’29” W
Búin að skoða mig um...
2. mai 2017, Island ⋅ ☁️ 11 °C
Gekk upp að Hengifossi og fékk þar góðan 5 km labbitúr. Fór að Skriðuklaustri, og sá etv. orminn...
Se oversettelse
Strax byrjuð í skoðunarferðum og ævintýrið rétt að byrja ;) Kv. Svava
02.05.2017Svar
Þarna ertu komin á slóðir afa míns. Gaman að sjá mynd af Hengifossi. Fylgist spennt með :) Kv. Lára
03.05.2017Svar
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 45
onsdag 3. mai 2017 12:41
⛅ 16 °C
Høyde: 4 m
Island Seysdisfjordur Port 65.26176, -13.9999565°15’42” N 13°59’60” W
Komin á Seyðisfjörð
3. mai 2017, Island ⋅ ⛅ 16 °C
Var hér í nótt. Rúntaði um allt og skoðaði bæinn og í dag er veður til að fara á röltið. Norræna beið mín í höfn - verst að geta ekki farið um borð og sofið þar...
Se oversettelse
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 45
onsdag 3. mai 2017 16:35
☀️ 19 °C
Høyde: 6 m
Island Seysdisfjordur Port 65.26383, -14.0066765°15’50” N 14°0’24” W
Bíða, bíða, bíða
3. mai 2017, Island ⋅ ☀️ 19 °C
Nú bíður maður bara eftir að vera hleypt upp í skip.
Se oversettelse
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 45
onsdag 3. mai 2017 19:20
☀️ 15 °C
Høyde: 10 m
Island Seysdisfjordur Port 65.2638, -14.0021165°15’50” N 14°0’8” W
Komin um borð
3. mai 2017, Island ⋅ ☀️ 15 °C
Það er góð sjóveðurspá alla leið, og það á að vera fínt veður í Þórshöfn á morgun.
Se oversettelse
Flott, hlakka til að fá fréttir frá Færeyjum á morgun ;) kv. Svava
03.05.2017Svar
Hallbjörn RúnarssonHoho. Við erum fyrir utan heima á bakvið. Ef þu ert með sima geturðu hringt í 004521811654
06.05.2017Svar
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 46
torsdag 4. mai 2017 15:47
☀️ 13 °C
Høyde: 33 m
Danmark Vejen 55.4812, 9.137955°28’52” N 9°8’16” E
Fréttir frá Tórshavn
4. mai 2017, Danmark ⋅ ☀️ 13 °C
Ég komst hvergi í wifi-samband í Þórshöfn, og er reyndar komin til Danmerkur, en hér er mynd frá Þórshöfn.
Se oversettelse
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 49
søndag 7. mai 2017 10:07
☀️ 15 °C
Høyde: 64 m
Danmark Daugård 55.73391, 9.7088355°44’2” N 9°42’32” E
Daugård, Denmark
7. mai 2017, Danmark ⋅ ☀️ 15 °C
Mér skilst á frændfólki mínu sem ég heimsótti í Aarhus að vorið og ég höfum valið sama dag til að koma til Danmerkur. Hér var heitt og sól og notalegt að sitja úti í sólinni og njóta blíðunar.
Ég hóf strax landkönnun og heimsótti Ejer Bavnehoj, sem mér var kennt í barnaskóla að væri hæsti landfræðilegi punktur Danmerkur (hann er það ekki). En auðvitað þurfti að hækka hann aðeins (sjá mynd).
Verandi andstyggilegur Íslendingur var ég með hláturinn sjóðandi í mér á meðan á heimsókninni stóð.
Ók 280 km.Les mer
Se oversettelse
Dásamlegt! Kv. Lára
08.05.2017Svar
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 49
søndag 7. mai 2017 10:09
☀️ 15 °C
Høyde: 64 m
Danmark Daugård 55.73391, 9.7088355°44’2” N 9°42’32” E
Daugård, Denmark
7. mai 2017, Danmark ⋅ ☀️ 15 °C
Var hér í nótt, á yndislega fallegu tjaldstæði.

Sit nú og sötra kaffi á MacD... og er búin að uppgötva að ég er með sjóriðu. Það virðist allt vera á hreyfingu í kringum mig.

Stefni á að vera í Plön í Þýskalandi í nótt.Les mer
Se oversettelse
Frábært, greinilega sól og sumar hjá þér og við vonum að það haldist þannig áfram ;) bestu ferðakveðjur úr Vættaborgum
07.05.2017Svar
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 50
mandag 8. mai 2017 12:19
⛅ 8 °C
Høyde: 6 m
Tyskland Alter Hafen 53.89382, 11.4510953°53’38” N 11°27’4” E
Wismar, Germany
8. mai 2017, Tyskland ⋅ ⛅ 8 °C
Var á þessu fína stellplatz í nótt, langminnsti bíllinn á staðnum. Hin myndin sýnir stærsta farartækið.
Se oversettelse
Það er greinilega allt til í þessum húsbílabransa - engin smá stærð á trukknum! Kv.
08.05.2017Svar
ha ha náði ekki að kveðja - kv. Svava
08.05.2017Svar
0 liker
Evrópa 2017 Þangað og heim aftur
Vis reise
Legg til bøttelisteFjern fra bøtteliste
Del
Dag 50
mandag 8. mai 2017 12:23
☀️ 7 °C
Høyde: 12 m
Tyskland Langenhanshäger Bach 54.29365, 12.7311554°17’37” N 12°43’52” E
Vissi að gat ekki enst...
8. mai 2017, Tyskland ⋅ ☀️ 7 °C
Eftir sólina í gær er veðrið nú svalt og hvasst, með rigningu á köflum.
Ímyndið ykkur akstur á Kjalarnesinu í roki. Nema meðalhraðinn er 120 km/klst á hægri akreininni. Það er dagurinn hjá mér síðustu 100 km.

P.s. Ég er ennþá með sjóriðu.Les mer
Se oversettelse
0 liker