- Show trip
- Add to bucket listRemove from bucket list
- Share
- Jul 16, 2024
- ☁️ 26 °C
- Altitude: 1,386 m
CanadaAlbertaBanffSaint Paul's Presbyterian Church51°10’43” N 115°34’17” W
Banff
![](http://d2k8htqlk8yn1a.cloudfront.net/img/flags-png/ca.png)
Am mäntig morge früeh hed üs d karin mit en truck vom dave zu de wohnmobilvermietig bracht. Det hed alles schnell ond riibigslos klapped ond mer send bald scho on the road gsi ✌🏻
Üses erste ziel esch banff gsi. Zerst heds aber no en stopp im walmart gä. Nachdem die 4 hüehner ändlich alles gfonde hend wos bruchid eschs de rechtig los gange. Am spötere namittag semmer de z banff acho ond hend üs ufem campingplatz igrechted. De erich ond d larissa send no chli nostalgisch worde, das ganze erinneret sie halt scho sehr a ehre 7 wöchig campingtripp ide USA. De obig hed mer de gmüetlich ufem campingplatz verbracht met me feine, sälbergchochte znacht ond es paar drinks ✌🏻
Am nächste morge eschs mitm bus id stadt banff ond denn wiiter a johnson lake gange. Det hed mer imne stündli gmüetlich chönne rundume spaziere ond sich denn als belohnig im see abchüehle.
Als nächsts no e stopp bim minnewanka lake (grösser, wunderschön aber au chälter. D füess ineghebt händ alli, das hed de aber au glänget, wobi de erich ond d birgit gfunde hend das chönnteds de ganz tag mache, sooo agnähm) ond scho esches mitm bus zrugg uf banff. Det heds zerst mal es chalts bier gä imene pub wo scho so öpis wie am erich sini stammbar esch in banff, er gad det nämli jedes mal eis go zieh wenner z banff esch. Denn heds no znacht imne resti gä ond nach dem esches mit vollgstopfte büch im vollgstopfte bus weder zrug ufe camping.
Ich ha vo all dem leider ned so vill miterläbt, weisses nor vom ghöre säge, aber was wotsch, ich bi chli ond gälb ond cha ned sälber laufe, da muesch zfriede si mit dem wod öberchunsch 🤷🏼♀️
Peace out
Flat EricRead more
Traveler
🤣