- Näytä matka
- Lisää toivelistallePoista toivelistalta
- Jaa
- 19.11.2023 klo 15.38
- ☁️ 25 °C
- Korkeus: 15 m
- VietnamTỉnh Phú YênThị Xã Sông CầuLong ThạnhNúi Ong Bai13°39’24” N 109°12’19” E
Downhillfloodway
19. marraskuuta 2023, Vietnam ⋅ ☁️ 25 °C
Z Wätter ladet im Momänt ganz und garnid i für izz Meer ga z bade oder am Strand z läse. Aber der Nils brucht sowiso no e nöie Heum und der Moriz wot ono d Stadt gsee drum fahremir z drit guet 20 Minute nach Quy Nhony. Das isch e härzigi chlini Stadt aber würcklich viu zum entdecke giz gloub nid. Mir hei (widermau) e Tämpu gfunde u gaaaanz viiiiu Bonsais. Das schint hie es rise Ding z si die stö überau ume. Mir hei chli Käfelet, der Nils het e knall Rote nöie Heum gfunde u der Moriz het e Plache gfunde woner bi sim Töf zumene Schutzschiud het umfunktioniert.
Wos gad nid het grägnet heimir beschlosse ufem Rückwäg no der eint Wasserfau ga azluege. Si vom Hostel het scho gmeint mi müessi es "guets Bike" ha für dert häre z cho und es isch nid uf Googlemaps izeichnet aber es gäbi e Strass. D Strass isch zersch zumene Strässli worde när zumene Wäg witer zumene Bächli u am Schluss simir bimene Gmisch zwüsche Downhill- (oder Upway- ) Strecki und Floodway glandet. Die zwöi Fahrer hei das aber souverän gmeisteret und i bi hingerdruffe froh gsi hani mini Sattelfestigkeit scho 2-3 mau trainiert.
Nach ca. 15 Minute, eim verlorene Turnschue, zwöi nöi gfundene Schlarpe u komplett verschlammte Chleider simir bim Wasserfau acho. Und es isch atemberoubend gsi! Z Wasser isch türkisblau gsi, es het 3 Äbine gha mit grosse Becki wome herrlich het chönne Bade drinne und mir si wit und breit die einzige Mönsche gsi. Mir si bis z oberst ufe klätteret und hei e Ussicht gha überd Bärge, d Muschufarme bis zum Meer ude nöche Insle..WAHNSINN!
Bir Rückfahrt heimir no e Hoger gfunde mitemne spezielle Gebilde obedruffe u hei beschlosse das ono ga z beguetachte. Es hetsich usegsteut dases e riiisigi Grabstette vomene Ehepaar isch. D Ussicht vo dert obe isch o nid schlechter gsi aus die vom Wasserfau us. Ufem Rückwäg heimir übrigens der verlornig Schueh wider gfunde und e Bar wo äuä nonid viu Touriste het gsee. Aber si het e supper ussicht gha ufd Muschelfarme und z Bier isch ou ganz okey gsi für Vietnamesischi Verhäutniss.
Gägdie 6i simir i üses Hostel zrügg cho u hei der Abe nachem Familydinner mit Spili spile verbracht.Lue lisää
Matkaaja Du mini güeti, was du uf dire schöne(Überraschigsreis) scho aues erläbt hei🙈 das wär würklech nid für mi🙂 Häbs witerhin guet u d gniess es. Lirbs Grüessli us d
Matkaaja Liebs Grüessli us Busswil🤗
Matkaaja merci viu mau das macheni🥰