Reset search
Salome ErneSalome Erne
SatelliteEdit route
traveled in 30 countries Read more
  • TravelerMarokko
    Day 13

    Marrakesch - 1001 Night 🌅🐒🐍

    February 28 in Morocco ⋅ ☀️ 25 °C

    Über eh ziemli moderni Autobahn ishes vo Essaouira zruck nach Marrakesh gange. Marrakesh de inbegriff vo 1000 & 1 Nacht het eus mit sunnigem Wetter undere liechte Briese begrüesst.

    Mitme ortsansässige Tourguide hemmer eh Tour dur Marrakesh gmacht. Mir hend diversi Paläst, Moscheä & anderi impossanti Bautene agluegt. Sind durs Judeviertel und eh Koran Schuel go aluege.

    Nachem Mittag simmer uf de Djemaa el Fna-Platz, de Gauklerplatz vo Marrakesh. Am Mittag ish no ziemlich gsitteds Triibe xi, wo mir den aber am Abig wieder cho sind ish Rambazamba xii. Verschiedeni Essenständ, Schlangebeschwörer, Märlierzähler, Wahrsäger, tanzendi Affe, Henna Künstlerinne & no so vieles meh. Überem Djemaa el Fna hets viele Rooftop Bars geh, ih einere vo dene hend mir de Sunneuntergang gnosse 🥰

    Am Nomi simmer dur d‘Souks vo Marrakesch und hend eus es paar gueti Schnäppli erhandlet 😁 D‘Souks sind unendlich langi Gasse, Plätz, unterirdischi Wäg wos 10000igi verschiedeni Marktständ git. Meh cha alles kaufe was aim s‘herz begehrt. Über gueti tüüri Lederwaare, Louis Vittons Fake, Gwürz, Gemües, Frücht bis zu Kameleon & Schildkrote 😔

    Am Abig hemmer eus vom Brahim verabschieded und eus bedankt bi ihm und em Fritz bimne tolle Znacht ime Resti über de Dächer vo Marrakesch.

    Bsslama & Choukran Marokko 🥰    Read more

    See translation
  • TravelerMarokko
    Day 12

    Essaouira - The city of wind 🌬️🍃

    February 27 in Morocco ⋅ 🌬 19 °C

    Vom trochene Aid Ben Haddou ishes mitem Bus is 400km entfernte Essaouira ahde Atlantikküste gange.

    Essaouira isch eh französischi Kolonialstadt. Es ish alles us Stai baue und die maischte Hüsli sind wiis, Es ish supper verwinkled und het 1000igi chlini Gäsli.

    Underwägs simmer eh chlini Arganöl Fabrik go aluege, die wierd vo Fraue gführt und vom Staat unterstützt. Marokko ish de einzig Ort uf de Welt wo das chostbare, au goldigs Öl gnennt produziere cha. Nur do giz die seltene Bäum, mit de Nüss als Frücht, wos Öl gebet.

    In Essaouira hemmer imne wunderschöne Riad mit fantastischem Blick ufs Meer übernachted. Essaouira ish umgeh vo alte Stadtmuure und sogar die alte Kanone stönd no alli döte 😎

    Mir sind gone Holzwerstatt aluege wo wunderschöni Stuck alli no handgmacht hergstellt werded. Am Abig hemmer ufere tolle Rooftop Terasse Znacht gesse, mit marokkanischer Live Musik.    Read more

    See translation
  • TravelerMarokko
    Day 11

    Aid Ben Haddou - Bye bye Desert 🌃

    February 26 in Morocco ⋅ 🌬 21 °C

    Früh am Morge simmer mit 4x4 abgholt worde und sind losdüset richtig Zivilisation. Nachdem mir d’Wüesti verloh hend sind mir am Grund vomene früehnrige Ozean (Urmeer Tethys) gfahre. Döte hemmer ganz viel Fosilie gfunde.

    Wiiter ishes über Stock und Stai und den duren Trocke See, döt simmer mit 100km/h duregrast wells ganz flach xi ish. Am End vo dem See hets eh Fata Morgana gha, es het usxeh als gäbis Wasser es het aber niergends gha. Es ish eh Spieglig xi.

    Inere wiitere Oase hemmer zum Zmittag es Picknick gmacht.

    Zruck ihde normale Zivilisation simmer wieder ih euse Reisebus und über s‘Atlasgebirge richtig Aid Ben Haddou gfahre.

    Aid Ben Haddou ish im Süde vo Marokko und sit 1987 Unesco Weltkulturerbe, es ish s‘maischt Fotografierte Sujet vo Marokko. Ih dere wunderschöne alte Stadt us vielne alte Hüser, Spiicher & Türm sind scho viel berüehmti Film & Serie drüllt worde. ZB. Game of Thrones oder Gladiator.

    Eusi Unterkunft ish imne wunderschöne Riad xi, es ish unglaublich toll xi under eh tuschi mit flüssend Wasser stah 😍💦    Read more

    See translation
  • TravelerMarokko
    Day 10

    Erg Chégaga - Last day in Desert 🏜️🐪

    February 25 in Morocco ⋅ ☀️ 27 °C

    Eimol meh früeh am morge simmer losglaufe zu eusem ledschte Ziel. Wieder eh längeri Route vo circa 13 km. Zerscht simmer direkt uf de Erg Zaher ufe, die gröschti Düne ihde Umgebig (ca 100 Meter hoch) Eimal meh es wunderschöns Panorama.

    s‘verruckte ish im Sand chash afach Grad ufe und abe uf die Dünene laufe oder über de Grat fascht drüber springe, es cha dir nüt passiere und dini Füess hebed immer.

    Nachem Erg Zaher ishes witer über diversi chlini und grossi Düne gange, das ish es ziemli guets Training xi 🙈

    Im Verlauf hemmer die sandigi Wüesti verlah und hend es mittlerwile uströchnets Flussbett vom Dra Fluss überquert. Nachem Mittag simmer inere Oase acho, laider giz döte ih Moment kai Wasser meh well d‘Regierig amne andere Ort en Stausee baue het. Ih de Oase hets viel Tamariske gha.

    Wiiter ishes wieder dur sandigi Wüesti wo mir au euses ledschte Lager ufgschlage hend. De Namitag hend mir dank wenig Wind wieder chöne uf de Düne gnüsse. Chli laufe, läse oder pfuuse 😴

    Am Abig hemmer sledschte mol dörfe sfaine Esse vom Kuchichäschtli gnüsse mit waschechtem 1001 Nacht Feeling 🥰

    Mir hend d‘Manschaft mitme grosszügige Trinkgeld und Kleider wo mir nüme bruchet verabschidet. Kleider chönd sie selber phalte oder ihrne Familie bringe.

    Voller Froiid uf die morgigi Duschi und viel tolle Idrück bini igschlofe 😴    Read more

    See translation
  • TravelerMarokko
    Day 9

    Erg Zaher - stormy Day 🌪️🏜️

    February 24 in Morocco ⋅ 🌬 23 °C

    Hüt morge hemmer euses Lager wieder abbroche und sind ufbroche zum Erg Zaher, de gröste Düne ihde Umgebig, ca 100 Meter hoch. Es het ziemli fescht gwindet & ih bi sehr froh xi um de Turban 🙈

    Underwägs simmer no amne Schlangebaum verbi cho, de Brahim het chli zauberet und den ish tatsächlich eh Schlange usecho 😂

    Nachere ziemli kurze Wanderig, knapp 10km simmer sho ih eusem Lager acho. Nacheme guete Zmittag hemmer chli pfüselet oder gläse im Zelt, es het immerno ziemli gwindet & ish nöd so swetter xi zum usegoh 🙈

    Am Abig het eus de Brahim Berber Hochziit erklärt, es git en Hochziitsmarkt wo sich Manne & Fraue „usstelled“. Nachdem mer öpper usgwählt het, chammer mit de Familie zemesitze und wenns für alli passt wird ghüroted 💒 d‘Hochziit gaht öppe ei Wuche & sganze Dorf fiired mit 🎉    Read more

    See translation
  • TravelerMarokko
    Day 8

    Erg Zmila - one day off ⚽️🥾

    February 23 in Morocco ⋅ 🌙 22 °C

    Hüt lömmer euses Camp loh stoh & gnüssed de Tag ihde Düne. Am Morge hemmer eh wunderschöni Düne Wanderig gmacht 😍 & hend wieder alti Tonscherbe vo früehnrige Völker xeh.

    Menschehandel ish bi eus es täglichs Thema, fürd „Gazellene“ (Fraue) werded immer wieder Dromedar bote 😂 De Reto und de Brahim sind sho fescht am verhandle 😅😅😅

    Am Namittag hets es Fuessballmätschli, Schwiiz gege Marokko geh, sish natürlich sehr fair zue und her gange. D‘Schwiiz het den aber 6:2 gwunne 🎉🥳

    Nachem Sunneuntergang und em allgemeine Wäsche hemmer mitme mässig chüele Bierli uf euse Sieg agstosse 🍻

    Hüt hend Dromedar wiedermal Wasser becho, die chönd sehr lang ohni Wasser, wenn sie aber nüme so möged laufe hend sie Durst. So hend die hüt mol gschnell paar hundert Liter Wasser weggsoffe 🙈 s‘Wasser hend Dromedartriiber usme entfernte Salzwasserbrunne gholt, Salzwasser segi kais Problem für sii.

    Zum Znacht hets vieel Poulet & diversi Gmües geh & wie immer Fruchtsalat zum Dessert. Nacheme erneute Bärbermärli & emne Gläsli Rootwii simmer ih eusne Zelt inen tüüfe Schlaf gfalle. 😴    Read more

    See translation
  • TravelerMarokko
    Day 7

    Erg Zmila - endless Dunes 🌵🏜️🐪

    February 22 in Morocco ⋅ ☀️ 26 °C

    Nachere liecht kältere Nacht simmer wieder mitme feine Zmorge gweckt worde und wiiter gwanderet. 16 km und paar Sanddüne spöter simmer ih eusem neue Lager acho.

    Mir sind hüt ahm Grab vom Sidi Naji verbi cho, en heillige Nomad. Hend vieli alti Stadtmuure und Marktplätz xeh. Übrig blibe sind Tonscherbe und vieeel Knoche und Skelet. Da die maishte Skelet nöd nach Mekka usgrichted sind, gaht mer devo us, dass sie ihde Wüesti ums Lebe cho sind, ufgrund vo Sandstürm, Krankheite oder Wasserknappheit.

    Zum Zmittag heds wieder eh wunderbari vielfalt vo Salöt und Linse geh. Natürlich giz au Dessert und Berberkaffi hinedri. De Applaus oder s‘Ständli fürs Kuchichästli dörf au nie fähle 😅

    Ah eusem Platz heds riesigi Düne bis zu 100 Meter und de Sand nimmt ezd würkli überhand. Endlosi wiitsicht und nüt als Düne, wunderschön 😍

    Am Abig simmer uf Düne uf go de Sunneuntergang luege. De Brahim het üs düne derabzoge, hahaha & schluss und endlich hend sich alli die düne derab zoge und sind wieder chind xi 😂 chline Krieg usbroche 😁

    Nachher hend eus Berber zeiged wie sie Sandbrot mached. Sie mached Füür überem Sand nemed Gluese weg und bedecket s‘Brootlaib mit haissem Sand. Nachher wirds wieder usegnoh, tip top suber gmacht und denn hemmers chöne esse. Het gschmöckt wie Focaccia. - Berber Pizza 😂

    Nacheme wunderbare Znacht het de Brahim eus no es Berber Märli verzelld vo Aisha & Ali 🙈    Read more

    See translation
  • TravelerMarokko
    Day 6

    Arg Sidi Naji - deeper in the Desert 🏜️🐪

    February 21 in Morocco ⋅ ☀️ 19 °C

    Nacher erstunlich guete Nacht simmer am Morge mit de Sunne ufgstande. Uf de Düne obe hets Zmorge geh, mit Sicht uf de Sunneufgang 🌅

    Nachem Zmorge ish en Teil vo eusere Karavana mit eus mitcho & de anderi Teil het alli Zelt abbroche. 14 km , knappi 4 Stund simmer dur endlosi Wüesti gloffe. Hend Dromedare, Käfer & Fosilie xeh & sogar menschlichi Skelett 🫣 Die wo nüme hend möge laufe hend chöne ufem Dromedar riite. De Reto & ich sind natürlich alles gloffe 😁

    Ih eusem Camping acho hemmer zerst mal en Tee becho & den hets supper guete Zmittag geh.

    Nachher hemmer chöne ruebe oder es chlises Mittagsschlöfli mache. Am Nomi hemmer eus eusi Ziit mit Fuessball spiele, relaxe oder Yoga uf de düne oder afach achli sii und plaudere vertribe.

    Jede Abig bechunt jede es Becki mit Wasser zum sich wäsche. Nachher giz Apero uf de Düne mit Sunneuntergang & den en supperfaine Znacht.    Read more

    See translation
  • TravelerMarokko
    Day 5

    Dra Tal & Zagora - to the Desert 🏜️

    February 20 in Morocco ⋅ ⛅ 25 °C

    Mitem Büsli ishes zerscht durchs Dra Tal, wos die gröschte Palmeplantage vo ganz Marokko git richtig Zagora gange.

    Underwägs simmer s‘Bewässerigsystem vo Marokko gnäuer go aluege. Die sogenante Foggaras. Das sind unterirdischi Verbindige dur Stolle, tlw bis zu 40km lang. Zwüschet ine sind überall Schächt wos Regewasser, oder au „Schneewasser“ wenns taut, in Stolle abe bringt. De Stolle führt den s‘Wasser richtig Oase. Eigentlich unterirdischi, künstlich erstellti Flüss.

    D‘Landschaft isch immer karger & trochener worde. s‘Lebe vo de Lüt immer aifacher. Meh hend meh Eseli, Muultier und Ziegeherde xeh & weniger Autos.

    De ledschti Halt hed ihde Wüestestadt Zagora stattgfunde, Zmittag esse und die ledschte Sache ikauft, unter anderem au es Tuech für jede, das mir chönd Turban binde zum laufe.

    Irgendwenn isch d‘Strass fertig xi und es ish nurno Wüesti xi. Döte hend mir eusi Karawane troffe. Mir sind ca. 1.5 Stunde glaufe und hend den döte euses Lager fürd Nacht gha :)

    Es git es Toilettenzelt, Loch im Bode ihde mitti 😂, es Essenszelt & es Kuchizelt. De Kuchichef heisst: Chuchichäschtli, er lost würkli uf das. Mir hend ganz en tolle Apero und es supper fains Znacht becho 😍

    Gschlafe hemmer im Zelt. ⛺️😴    Read more

    See translation
  • TravelerMarokko
    1
    Day 4

    Jebel Sarho - Baba Nali Felsen Hike 🪨🥾

    February 19 in Morocco ⋅ ☀️ 26 °C

    Nacheme riichhaltige marokkanische Frühestück simmer mit eusem Büsli richtig Jebel Sarho gfahre, euses Ziel, eh Wanderig zum Baba Nali Felse.

    D‘Landschaft ish karg, troche ih diverse Bruun & Orange Tön, mit vereinzelte Oase zwüschet ine. Eh Oase ish an und für sich eifach eh natürlichi Wasserquelle mit logischerwiis viel Grüen rundume.

    Underwägs hend mir viel Iheimische Familie & Kind troffe wo mir Süessigkeite und Frücht verteilt hend.

    D‘Wanderig zum Felse ish wunderschön xi, mitme gigantische Panorama, waiss io nöd wies ufem Mars usxeht, aber würds mir so vorstelle 🙈

    Nach de Wanderig simmer binere Berber Familie zum Tee iglade xi und hend ihres Huus chöne aluege. Sehr sehr eifach wie die wohned, nödmol eh Matratze zum schlofe. Aber es Handy hends gha. Kind hend uh froiid gha und sind vo eusere Gruppe mit Schrieber, Kleider & süessem beschenkt worde.    Read more

    See translation

Join us:

FindPenguins for iOSFindPenguins for Android

  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English