Kolumbien | FindPenguins

Data ascendente

Kolumbien
- Exibir viagem
- Adicionar à lista de metasRemover da lista de metas
- Compartilhar
- 13 de jul. de 2023
- ⛅ 28 °C
- Altitude: 1.527 m
- Colômbia Departamento de Antioquia Medellín Manila Quebrada La Poblada 6.213756, -75.5729226°12’50” N 75°34’23” W
1
Dia 11
Valle del Cocora
13 de julho de 2023, Colômbia ⋅ ⛅ 28 °C
Hüt sind mir mit em Jeep richtig Valle del Cocora gfahre. Dete sind die bekannte Quindío-Wachspalme. Die Wachspalme sind au grad de Nationalbaum vo Kolumbie und sie werdid bis zu 60 Meter höch. I dem Tal sind mir eifach es bitz go wandere und hend die schöni Landschaft gnossä. Retour Fahrt hend mir dene dörfä hinä ufem Jeep gniesse.😁

Am Nami hend mir dene numal das schöne Städtli i volle züg gnossä, bevor mir am Abig mit em Nachtbus üs uf de Weg nach Medellín gmacht hend.Leia mais
Ver tradução
Viajante Einmal mehr tolle Bilder - weiter so 👏😀
15/07/2023ResponderTraduzir
3 curtidas
Kolumbien
- Exibir viagem
- Adicionar à lista de metasRemover da lista de metas
- Compartilhar
- 14 de jul. de 2023
- ☁️ 27 °C
- Altitude: 1.523 m
- Colômbia Departamento de Antioquia Medellín Manila Quebrada La Poblada 6.213867, -75.5723876°12’50” N 75°34’21” W
Dia 12
Gestrandet in Medellín
14 de julho de 2023, Colômbia ⋅ ☁️ 27 °C
Nachere wiitere Nachtbusfahrt vo Salento - Armenia - Medellín simmer am früehe Morge ide ehemals gfährlichste Stadt uf de Welt acho. Da mer nonig hend chönne ihchecke, hemmer welle chli go d Stadt erkunde. Uf empfehlig vode Rezeptionistin hii hemmer entschiede uf San Antonio (Downtown vo Medellín) z gah. Wo den s Uber azeigt hed es gieng en Halbstund, hemmer üüs nüd gross debii dänkt. Doch wo de s Uber paar Minute vorem Ziel irgendwo zwüsche Ruinene, Local-Hüüser und üs als einzige Touriste gsii isch, isch üs de mal z Sinn cho de Uberfahrer z frage, öbmer z richtige San Antonio ahgäh hend. Natürlich isches komplett en falsche Stadtteil gsi, meh chli Favelas, wo aber au San Antonio gheisse hed. De Uberfahrer hed üs de fründlicherwiis wieder us dere Lag usebrunge und üs ah richtig Ort anebrunge😮‍💨

Endlich im Downtown acho, hemmer en 3.5h Walkingtour dur d Stadt gmacht und so vieles über d Gschicht und d Kultur vo Medellín känneglernt.

Midem feine Znacht, me chline Rüschli vo eim Cocktail und absoluter Übermüedig, simmer alli Nudelfertig go pfuuse♥️Leia mais
Ver tradução
4 curtidas
Kolumbien
- Exibir viagem
- Adicionar à lista de metasRemover da lista de metas
- Compartilhar
- 15 de jul. de 2023
- ☀️ 23 °C
- Altitude: 1.998 m
- Colômbia Departamento de Antioquia Guatapé Piedra El Peñol El Peñón de Guatapé 6.219361, -75.1794436°13’10” N 75°10’46” W
Dia 13
El Peñón de Guatapé
15 de julho de 2023, Colômbia ⋅ ☀️ 23 °C
Friä simmer hit üf, um de Bus üf Guatapé z verwitschä. Diä Rund 700 Stägä üfä Stei üfä hemmer hinder yys bracht. D Üssicht vu dert obä isch wirkli scheen gsi. Nachem Abstieg hemmer yysers wohlverdiäntä Zmorgä im härzigä Örtli zu yys gnu.Leia mais
Ver tradução
4 curtidas
Kolumbien
- Exibir viagem
- Adicionar à lista de metasRemover da lista de metas
- Compartilhar
- 16 de jul. de 2023
- ⛅ 27 °C
- Altitude: 1.565 m
- Colômbia Departamento de Antioquia Medellín Veinte de Julio 6.253138, -75.6227726°15’11” N 75°37’22” W
Dia 14
Favelas - Comuna 13
16 de julho de 2023, Colômbia ⋅ ⛅ 27 °C
Hüt hend mir s’erstmal usgschlafe und üs nachher es richtig guets Zmorgä gönnt.😍

Am Namittag hend mir dene en Tour i de Comuna 13 gmacht. De George üse Tour Guide hed üs meh über die damalig Situation i de Favelas verzählt. Comuna 13 isch mittlerwille en sehr touristische Ort, dass sie sogar en Rolltreppe het. De Wandel vo dere Stadt und au vo de Comuna 13 isch sehr beeidruckend!

Mir könnt würklich sege die Stadt het sich sehr gmacht und mir hend üs i dene paar Täg au sehr sicher gfühlt.Leia mais
Ver tradução
4 curtidas
Kolumbien
- Exibir viagem
- Adicionar à lista de metasRemover da lista de metas
- Compartilhar
- 18 de jul. de 2023
- ☁️ 24 °C
- Altitude: 1.119 m
- Colômbia Departamento del Magdalena Ciénaga 11.095179, -73.83515911°5’43” N 73°50’7” W
1
Dia 16
Tayrona Nationalpark und Santa Marta
18 de julho de 2023, Colômbia ⋅ ☁️ 24 °C
Nach dem mer vo Medellin uf Cartgena gfloge sind, hemmer vo dett us gad driekt en Bus nach Santa Marta gnuu. Nach einige verwirrte minute mit de Taxifahrer und de druf folgende übertüürte Taxifahrt simmer im Hotel achoo. Wiedermal mit absolute Kommunikationsproblem isch den d Julia us wellem Grund au immer imene 2km/h schnelle Lift inne glandet. Nach dem Gaudi und Lachflash hemmer den endlich chönne is Bett liggä und pfuusä.

Am nächst Tag ischs früeh los gange ih Tayrona Nationalpark. Mer hend vode Stadt uus en Local-Bus gnu und sind 1h dett anegfahre. Den simmer ih park inne und midem Schwiizer-Effizienz-Tempo loosgloffe. Nach dem mer de Influencer Strand bsuecht hend und üs das chli zu crowded gsi isch, hemmer üs amene andere Strand niderglah und d Desi hed sicher wiedermal en Sunnebrand igfange. Wommer de wieder hend müesse zrug, simmer pfluudinass vom Räge allne andere Toursi verbii präschd, was ab und zue für Chopfschüttle gsorgt hed. Nachme feine Znacht simmer de scho gli go ligge und hend üs Mental für die nächschd Busfahrt am nächste Tag uf Cartagena vorbereitet.Leia mais
Ver tradução
Viajante Hammerfotos 👌
21/07/2023ResponderTraduzir
4 curtidas
Kolumbien
- Exibir viagem
- Adicionar à lista de metasRemover da lista de metas
- Compartilhar
- 20 de jul. de 2023
- ☀️ 34 °C
- Altitude: 13 m
- Colômbia Departamento de Bolívar Cartagena Amberes Acueducto Cartagena 10.404009, -75.51554910°24’14” N 75°30’56” W
Dia 18
3 Tage Cartagena
20 de julho de 2023, Colômbia ⋅ ☀️ 34 °C
Cartagena isch bereits üse letschti Stopp in Kolumbie und mir hend bereits gwüsst, dass das en super Ort für de Usgang isch. Darum sind mir bereits am erste Abig es paar Mojitos go schlürfä und hend dene sogar nu üses Tanzbei gschwungä. Üs agschlosse hed sich d Naila vo Frankrich und isch üse nüü Buddy worde. Meh Details gids nid, mer hend uf jedefall alli Kater gha am nächste Tag und die 2.50.- Mojitos verflueched.

Darum hend mir schnell entschiede, dass das hüt en gmüetliche Tag im Städtli wird werde. Zuefälligerwiis simmer ane Parade zuechegloffe vo College Student:inne zur Fiir vom Unabhängigkeitstag vo Kolumbie (20.06.)
Zu de krönig hend mit dene am Abig nu de wunderschöni Sunneuntergang betrachet.

Ah üsem letschte Abig in Cartagena hend mir numal welle alles usehole. Darum hend mir nu en Salsa Klass gmacht um dene de Kolumbianer zeigt wie guet Schwiizer könnt tanze.
(Qualität vo üsne Tanzkünst isch zwar fraglich gsi, aber ich glaub mehr hend üs gegenüber de Kolumbianische Fraue nid schlecht gschlage😂)Leia mais
Ver tradução
4 curtidas
Kolumbien
- Exibir viagem
- Adicionar à lista de metasRemover da lista de metas
- Compartilhar
- 30 de jul. de 2023 15:07
- 🌬 30 °C
- Altitude: 2 m
- Aruba Eagle Beach Druif 12.552457, -70.05588512°33’9” N 70°3’21” W
1
Dia 28
Ami-Seniore Inslä Aruba
30 de julho de 2023, Aruba ⋅ 🌬 30 °C
Schwären härzens hemmer üüs für en Wuche müesse vo Kolumbie verabschiede und hend üs ufe Wäg nach Aruba gmacht. Im Hotel acho hemmer gmerkt, dasmer s Durchschnittsalter uf dere Insle absolut wirded abezieh und de Nationalitätemix chlii ufwirble, das uf dere Insle irgendiwe nur alles Amerikaner ime gha hed.

S Programm in Aruba hed wiefolgt usgseeh: Julia und Desi am Tag dure am Strand am chille, zwüsched inne die eint oder ander Sporteinheit sowie ässe und schlafe. S ADHS- Chind Jessica hed sich mid Tauche selber beschäftig und so nur öbbe die die andere am Strand joined.

Ah eim Tag hemmer es absoluts Rennsuto gmietet und sind mit dem um d Inslä umegfurzed. S Offroad verbot ignorierend hemmer wunderschöni Stränd und paar halbpatzigi Lüchttürm gseh.Leia mais
Ver tradução
Viajante Coole Truppe 😀 🇨🇴
30/07/2023ResponderTraduzir
2 curtidas