Julia Estermann

traveled in 28 countries Read more

Südamerika 2022
- Show trip
- Add to bucket listRemove from bucket list
- Share
- Dec 9, 2022
- ☀️ 21 °C
- Altitude: 57 m
- Chile Valparaíso Casa Mirador de Lukas -33.041115, -71.62793333°2’28” S 71°37’41” W
Day 33
Valparaíso - Tag 2
December 9, 2022 in Chile ⋅ ☀️ 21 °C
Well s zMorge im Hostel erst ab de 9i esch hemmer mösse/döffe usschlofe.🤗 Aschliessend semmer uf Erkondigstour dör es paar wiiteri vo dene 42 Hügle in Valparaíso.👟 Ou osserhalb vode Touriste-Region semmer emmer weder uf wonderschöni Streetart troffe ond hend einigi Höhemeter ond onzähligi Stägetrett hender üs brocht.🎨 Weder am Hafe semmer döre Wiehnachtsmärt gschländeret, womer alli vorstellbare nötzleche ond onnötze Sache cha choufe.🎅🏽 Imene Beizli zMetzt im Märt semmer änegsässe zom öpis ässe ond debi chli Qwixx spele.🎲 Die wiiteri Erkondigstour hemmer abkörzt wäg de Hetz ond send zrog is Hostel zom de Schatte im Garte-Sitzplatz z gniesse.🌞 Onterhaltsam esch v.a. en igfleischti Argentinierin gse, wo im WM-Viertelfinal metgfieberet hed.⚽ S Penalty-Schiesse esch denn zomene rechtige Spektakel worde. D Holländer ond Argentinier im Hostel send voller Emotione debi gse.🤭 ZNacht heds weder traditionell Chilenisch gä: Pastel de Choclo, Bier us Patagonie ond Pisco Sour.🍸Read more
See translation
14 likes
Südamerika 2022
- Show trip
- Add to bucket listRemove from bucket list
- Share
- Dec 8, 2022
- ☀️ 20 °C
- Altitude: 20 m
- Chile Valparaíso Playa Ancha Caleta Torpederas -33.021818, -71.64360433°1’19” S 71°38’37” W
Day 32
Valparaíso - Tag 1
December 8, 2022 in Chile ⋅ ☀️ 20 °C
Au in Chile esch am 8. Dezämber en Fiirtig, drom reisemer förs verlängerete Weekend noch Valparaíso. 🌴 Das schöne Städtli am pazifische Ozean erreichemer om d Mittagsziit metem Bus. 🌊 Zor üsere Öberraschig gfendemer ufem Wäg zom Hostel sogar en Wiehnachtsmäärt - fast wie dehei eifach bi 30° Ossetemperatur. 🎅 Zerst semmer mol ziellos dör die velle Gässli gloffe ond hend üs denn entschede, üs anere Walking-Tour azschliesse. 👣 I dene 3h hemmer ganz huufe gschechtlechi Inputs zo Politik, Kultur ond Konst vo dem Köstestädtli erfahre. 🧐 Noch dere Fluet a Informatione hemmer zerst e Stärkig brucht ond üs mitemne traditionelle chilenische Ässe verwöhnt - Chupa de Mariscos ond Chorrillanas. 😋 Per Zuefall hemmer es schwedischs Gschwöstertepäärli (Frieda & Hampus) ide ältiste Brauerei Chiles weder troffe ond send chorzerhand mit ehne de Sonneontergang bimne Bierli go luege. 🌅🍻Read more
See translation
11 likes
Südamerika 2022
- Show trip
- Add to bucket listRemove from bucket list
- Share
- Dec 7, 2022
- ☀️ 30 °C
- Altitude: 846 m
- Chile Santiago Lo Contador Cerro San Cristóbal -33.425322, -70.63318233°25’31” S 70°37’59” W
Day 31
Santiago de Chile - Tag 2
December 7, 2022 in Chile ⋅ ☀️ 30 °C
Am zwöite Tag vo üsem Ufenthalt in Santiago wemmer d Stadt vo obe gseh. 👀 Mir möchet üs mitem Funiculare ufe Wäg uf de Cerro San Cristobal, wo e riisigi Maria-Statue stoot. 🛤 Osserdem hedmer en wonderbare Usblick öber die onzählige Hochhüüser. 🌆 Mitem Seilbähndli esches de weder abe uf Stadtniveau gange. Zom Zmittag semmer iigalde gsi, bide Gäst vo gester - Ignacio ond Andrea. 🤗 I dem wonderschöne Huus hemmer no wiiteri Gäst könneglehrt - zwöi Peter's vo Holland. 🇳🇱 Verchöstiget semmer mitemne wonderbare peruanische Gricht worde, Aji d Gallina. 😋 Onterhalte vo de onzählige Reisebrichte, esch de Nomittag im Flog verbii gange ond bim Bleck of d Uhr esches scho Obe am 6i gsi. 😮 Ufem Wäg Rechtig hei, semmer nochli dör d Strosse gschuenet ond hend öppis Znacht gässe.👣 Metem Gfühl, uf e gueti Art erschöpft z'sii, freuemer üs uf üses Bett. 🛏Read more
See translation
11 likes
Südamerika 2022
- Show trip
- Add to bucket listRemove from bucket list
- Share
- Dec 6, 2022
- ☀️ 30 °C
- Altitude: 581 m
- Chile Santiago Barrio Bellavista Santa Lucia Hill -33.438055, -70.64109133°26’17” S 70°38’28” W
Day 30
Santiago de Chile - Tag 1
December 6, 2022 in Chile ⋅ ☀️ 30 °C
Nochem Wäsche ond Wochenändtrip organisiere hemmer üs höt morge met de Metro ufe Wäg is Zentrum gmacht ond als ersts es Kafi gsuecht.☕ Gstärcht hemmer d Moneda agluegt ond die im Ontergschoss liegende Artesanía- ond Konst-Usstellige bsuecht.🏛️ Nochär semmer im Buchgfühl noche dör alli mögleche Strosse im Zentrum gloufe ond hend so scho en Idrock vo dere Grossstadt met >5Mio. Iwohner becho. 🌁 Onzähligi Määrtständ, verschedensti Gröch ond Grüüsch ond Masse vo Lüüt hend de hötigi Tag prägt.👃🏽👂🏽 Das esch noch de ruhige Landschaft grad chli e Kulturschock gse.🤯 Zom chli us de Mängi usecho semmer nochem zMettag ufe Cerro Santa Lucia gloufe, womer e schöne Bleck öber d Stadt gha hend.🔭 De nöchsti Fixponkt esch de Match Schwiiz-Portugal gse, womer inere Bar in Lastarria gluegt hend.🍺 Müed vode Sonne ond allne Idröck semmer hei zos Hodels. Zäme met ehne ond ehrem Bsuech (es chilenischs Päärli) hemmer de Obe bimene schwiizer Raclette verbrocht.🧀Read more
See translation
12 likes
Südamerika 2022
- Show trip
- Add to bucket listRemove from bucket list
- Share
- Dec 5, 2022
- ☀️ 30 °C
- Altitude: 541 m
- Chile Santiago Quinta Normal -33.447183, -70.67127333°26’50” S 70°40’17” W
Day 29
Vo San Pedro noch Santiago de Chile
December 5, 2022 in Chile ⋅ ☀️ 30 °C
Es esch weder emol Reisetag, dasmol nämmer aber es anders Transportmettel - s Flogzüüg. 🛩 Damit üs au joh die Schwiizer Sackmässer ned ade Gepäckekontrolle abgno wärdet, heissts höt nomol ompacke ond de Rocksack weder ordne.🎒 Nochhär hed sich jede vo üs individuell uf di letschti Tour dörs Städtli begäh ond s eint oder andere ergatteret. 🎲 S Büssli före Transfer a Floghafe z Calama hed üs pönktlich abgholt - zom Glöck send ned mir die öberzählige Passagier gsi, wo weder hend mösse usstiige. 🫡 Ziit am Floghafe hemmer mitem WM-Speli Brasilie gäge Südkorea öberbröckt. ⚽️ Noch 2h Flog semmer in Santiago de Chile glandet. Ned nome de Ort hemmer gwächslet sondern au s Landschaftsbeld hed sich ide Zwöscheziit veränderet. Lang heds onder üs nome Steiwüesti gä, bevors de chorz vor de Stadt immer je grüener worde esch. 🏔🌴 Santiago schiint üs im Verglich zo dem, wo mir üs ide letschte Woche gwöhnt gsi send, sehr modern.🏙 Die schwiizer Bekannte vo de Julia (Lisa, Thomas & Pascale) hend üs i ihrem Huus härzlich in Empfang gno ond die erste Reisebrichte send bimne Glas Wy ond emne chalte Plättli uustuscht worde. 🥰Read more
See translation
8 likes
Südamerika 2022
- Show trip
- Add to bucket listRemove from bucket list
- Share
- Dec 4, 2022
- ⛅ -3 °C
- Altitude: 4,320 m
- Chile Antofagasta El Tatio -22.330703, -68.0109822°19’51” S 68°0’40” W
Day 28
Geysers del Tatio
December 4, 2022 in Chile ⋅ ⛅ -3 °C
De Wecker hed üs am morge am 4i usem Schlof gresse.🤯 No im Halbschlof hemmer üsi gfühlte 10 Schechte Chleider montiert, wells uf 4300M.ü.M. Minusgrad agseid gha hed.🥶 Üse Bus hed üs pönktlech abgholt ond es esch losgange rechtig Vulkangägend im Norde vo San Pedro.🌋 Nochemne chorze Powernap semmer scho det gse, so wie velli anderi Reisebüssli ou.🚐🚐🚐 D Stemmig esch sehr mysthisch gse, solang d Sonne no hender de Vulkän versteckt gse esch.🤩 Mer hend üs aber ou gfröit wo si de före cho esch, wells diräkt chli wärmer worde esch ond d Landschaft ganz veränderet usgse hed.🥰 Üse Guide de Felipe hed üs einiges öber die geologische Hendergrönd vode Geysir erklärt.🧐 I allne Rechtige heds brodlet, dampft ond Wasserfontäne gsprötzt.🌪️ Bim 2.Stopp eschs zMorge agseid gse... was förnes Buffet för zmetzt ide Wüesti.🤤 S nöchste Landschafts-Spektakel hed üs de grad nomou de Atem groubt: e farbefrohi Lagune met Vulkän im Hendergrond. Osserdem onzähligi Vogel- ond Flamingo-Arte, Vicuñas, u.v.m.🫶🏼 Zrog im Hostel hemmer zerst mou e Powernap brucht.😴 Aschliessend hemmer de Nommitag met üsne Metbewohner ide Hängematte verbrocht.👩🏼‍🤝‍👩🏻Read more
See translation
Traveler 🥰🥰
12/6/22Reply
12 likes
Südamerika 2022
- Show trip
- Add to bucket listRemove from bucket list
- Share
- Dec 3, 2022
- ☀️ 22 °C
- Altitude: 2,613 m
- Chile Antofagasta San Pedro de Atacama -22.892681, -68.22069922°53’34” S 68°13’15” W
Day 27
San Pedro met 2 & 4 Füess
December 3, 2022 in Chile ⋅ ☀️ 22 °C
Usgschlofe hemmer gmüetlech zMorge gno ond öberleid wasmer höt wönd mache.🤔 Well mer ned hend welle uf de fuule Huut hocke, hemmer üs entschede ufe Pukará Quitór zloufe.💪🏼 Das esch e chline Högel ide Nöchi vo San Pedro de Atacama, wo früehner d Incas heimisch gse send ond ez e Gedänkstätt för enthaupteti Atacameños esch.🪦 Natürlech semmer genau ide Mettagssonne gloufe, aber förs Panorama hend sech die ca. 3h Wanderig wörklech glohnt.😍 Ufem Röckwäg is Hostel hemmer Empanadas kouft ond nochem spote zMettag üs grad weder ufe Wäg gmacht zom go riite.🐎 Mer send met üsne Rösser (Gregor & Katharina) dör d Wüesti gritte, hend d Ussecht gnosse ond send noch 2h scho zemli müed aber glöcklech weder zrog uf San Pedro cho.🥰 Sälberkochets zNacht, chilenische Wii ond Facetime met de Ruugger am Probeweekend send üsi Obe-Aktivitäte gse.🍷 Morn gods weder sehr früeh us de Fädere.⏲️Read more
9 likes
Südamerika 2022
- Show trip
- Add to bucket listRemove from bucket list
- Share
- Dec 2, 2022
- ☀️ 22 °C
- Altitude: 2,554 m
- Chile Antofagasta Provincia de El Loa -22.952837, -68.30274122°57’10” S 68°18’10” W
Day 26
Mondlandig im Valle de la Luna
December 2, 2022 in Chile ⋅ ☀️ 22 °C
Auaa, üsi Setzbeihöcker... 🥴 Noch dene velle Stonde im Outo, bruchemer onbidengt mou weder chli Bewegig.🤙🏼 Üs esch z'Ohre cho, dosmer cha Bike-Toure mache, darom hemmer üs entschede Velos z miete ond e Tour uf eigeni Fust is Valle de la Luna z onternäh.🌔 Wäg de starche Sonne ide Wüesti, esches diräkt am Morge losgange. Icremet met 7 Schechte Sonnecreme ond usgröstet met gnueg Wasser förnes halbs Llama, semmer die 7km asphaltierti Stross bes zom Park-Igang gfahre. 🚲 Nochere chorze Wäginstruktion (alles im einzige Wäg noche💡) hemmer s O.K. becho, rechtig loszlegge. Met es paar Zwöschehalt wäg de Höchi/Steili/hertem Sattel hemmers zom erste Ussechtponkt gschafft, womer e chlini Wanderig öber d Düne ond Mondlandschaft gmacht hend.💪🏼 De Sattel esch denn behälfsmässig no polsteret worde.🥸 Uf de Strecki hemmer no wiiteri Ussechtspönkt bsuecht ond send plötzlech scho am Ändi acho. Zrog esches ide Mettagssonne ufem gliche Wäg gange, zom Glöck heds kei Sonnebrand gä.🤠 Noch 37km ond 300Höhemeter semmer glöcklech ond gschafft weder in San Pedro igfahre.🚲 Pönktlech zom Schwiizer-Match hemmer denn ou üsi hongrige Büch gföllt gha.🇨🇭 Zor Fiir vom Tag heds am Obe e Pisco gä. 🍸Read more
See translation
9 likes
Südamerika 2022
- Show trip
- Add to bucket listRemove from bucket list
- Share
- Dec 1, 2022
- ☀️ 22 °C
- Altitude: 2,435 m
- Chile Antofagasta San Pedro de Atacama -22.9115, -68.19822°54’41” S 68°11’53” W
Day 25
San Pedro de Atacama
December 1, 2022 in Chile ⋅ ☀️ 22 °C
Usschlofe imne gmüetliche Bett esch rechtig schön gsi.😇 De höttig Tag hemmer ade Erkondig vom schöne Städtli ond de Organisation vo üsne nöchste Täg gwedmet.🤓 Mir hend es omfang- ond uswahlriichs Zmorge i volle Zög gnosse.😋 Aschliessend esches los gange, üs vo Agentur zu Agentur, wo Tör a Tör greit gsii send, vorzarbeite ond Priise z vergliiche.💵 Üsi Absecht esch natürli au no gsi, e Öberblick z verschaffe, damit mir nochhär au chönd de Priis määrte - jo, mir send erfolgrich gsi.💪🏼 Nochdem s meiste planet gsi esch, hemmer üs gstärkt metere Empanada, wo üsi Grössevorstellig definitiv gsprängt hed.🤯 Drom heds au no grad för s Znacht glänget.🥳 I dem Restaurant semmer de grad au no Züge vonere Läbensmittelkontrolle mit Militär-Eskorte worde.🕴️ De Nomittag gniessemer ide Hängematte im Hostel ond lönd üs die wechtige WM-Speli au ned lo entgoo. ☀️Read more
See translation
9 likes
Südamerika 2022
- Show trip
- Add to bucket listRemove from bucket list
- Share
- Nov 30, 2022
- ☀️ 24 °C
- Altitude: 2,435 m
- Chile Antofagasta San Pedro de Atacama -22.9115, -68.19822°54’41” S 68°11’53” W
Day 24
Vo Uyuni noch San Pedro de Atacama
November 30, 2022 in Chile ⋅ ☀️ 24 °C
Weder mou zor früecher Stond, wod Hönd no Strossekämpf gfüehrt hend, semmer us de Fädere ond am 05:30Uhr ade Bushaltestell parat gstande.🐶 Zom Glöck heds zo üsne gester koufte trochne Brötli no es Tee vom Strosseverkäufer gä.🍵 Mer send zerst chli skeptisch gse, well üse Bus för die nöchste 12.5h ned ganz Semi-Cama wie buechet gse esch, sondern ganz e normale Car. Trotzdem hemmers üs bald bequem gmacht ond send los rechtig chilenischi Gränze.🇨🇱 Det hemmer üse beshär längsti Gränzöbergang gha... noch 2.5h astoh, usstämpfle, Froge beantworte ond Gepäck dörsueche hemmer gmeint ez hemmers gschafft, aber de hends grad no üse Sack voll argentinsche Pesos in 100er Böndeli entdeckt.💵🤷🏽‍♀️ Chorzi Verwerrig, well die Zollbeamti ned so schnell hed chönne omrächne ond chum hed chönne gloube dos das so wenig wärt esch.🫣 Gstärcht metemne Hotdog (completo) eschs wiiter gange ufe räschtlechi Wäg. D Landschaft esch wiiterhin wonderschön gse, ähnlech ond doch ganz anderst: meh Sand ond noch langer Ziit ide Wüesti ou öpe weder chli grüen.🏜️ Acho z San Pedro hemmer no inere Französin in Not gholfe, eres eigete Schloss z knacke ond send de uf d Suechi nochere Onterkonft för die nöchste Täg.👀 Bim drette Hostel ide gliche Stross hemmer denn es Plätzli gfonde.💪🏼 Met allem Bargäld weder ituscht hemmer üs es guets zNacht met Pisco Sour gönnt. 🍸Read more
See translation
10 likes

Join us: