Florina Steffen

Soodeli... Jetzt hanni ändlig Zit gfunde zum au no dr letschti, abschliessendi Bricht z schriebe ;) Kum binni wider zrugg goht s Plane und Organisiere schowider los :p Aber jetzt zerscht zu mim letschte Dag, bzw. zu minere Abreis am Sunntig Morge :D :/ Ich bi am 6:00 uffstande, demit ich denn am 7:00 ufe Bus ka...Gott isch das frieh gsi :p Ich ha denn alles zämmepackt und ha mi an Tisch gsetzt zum s Kärtli vo dr Abby z läse, wo si mir gschribe het... Ich ha brielt wie e Schlosshund...Trotz allem, dass ich mi uf Dehaim gfreut ha, hets abartig weh gmacht vo dört wäg z go, ich ha super zwei Mönet ka und d Abby und dr Oskar sinn eif die aller aller Beschte, so abartig tolli Mensche! Ich will unbedingt wider go! Ich bi dört also am Tisch ghoggt und ha vor mi ahne brielt, bis d Abby abe ko isch zum sich z berabschide und denn ischs briele grad nomol vo vorne losgange, mir hänn uns lang umarmt... Leider hets im Oskar nid glänggt vom Schaffe rächtzittig zrugg z si :/ Denn binni, no ganz in Trance vo däm Abschid in Bus zum Brighton Pier, woni dr National Express für an Fkughafe gnoh ha :) Wonni denn ändlig mit Musik usgrüschtet in Däm Bus für an Flughafe gsässe bis het sich d Vorfreud uf Dehaime breit gmacht und ich ha so viel Energie ka, dass ich im Bus nid ha könne still sitze... Ha gueti Musik glost und vor mi ahne danzt, d Blick vo de andere hänn mi überhaupt nid interessiert :p Fascht wäri am South terminl usgstige,has denn aber no gmerkt und bi denn witer zum Northterminal gfahre worde :p Dört binni denn schnurstracks durch d Gepäckkontrolle...Das isch voll cool gsi, wonni dur das tolle pipsitörli bi(wo bi mir zum glügg nid pipslet het 😅) Het mi dr eini vi de Agstellte dört gfroggt welles mi Gepäck sig und denn het dä mir mis ganze Gepäck ihpackt, sodass ich nur no mi Jacke, Musik und mi Köfferli ha miesse schnappe und in Abflughalle go 💪 Leider hanni irge dwie fascht 2h ufe Flug miesse warte...Ich bi aber ins Starbucks(ich heiss jetzt Vulnerina oder so) Wonni denn ans Gate ko bi isch es zackig gange bis mir im flugi gsi sinn... Im Flugi hänn mr denn no miesse ufe Abflug warte und denn isch es richtig Haime gange :D Wonni in Basel ako bi hanni ohni Problem mi Gepäck gfunde und bi ohni überlege use... Doch dört het mi e riise Überraschig erwartet 👍👍 Praktisch die ganz Familie(Gotti, Götti etc) und d Anja und dr Tim hänn mi in Empfang gnoh 😍 Ich ha nümm ufghört zittere, ich ha mi so abartig gfreut, DANGGE DANGGE AN ALLI WO KO SINN!!! Drnoch hets no e Apero bi uns Dehaim gäh :) 👍
Jetzt binni scgowider e paar Däg dehaim und bi au scho im Rhy gsi 👍
So das isch jetzt mi letschte Bricht gsi vo Brighton, dangge an alli wo so flissig mitgläse hänn 👍 wär weiss, vlt gangi widermol so neume ahne und denn sinn dir hörzlig ihglade wider mit mir mini Idrügg und Erfahrige z teile, bis dörte wünsch ich euch e gueti Zit und ich feu mi druf euch alli wider z gseh :)
bye bye and thank you very much, see you and take care 👍Read more