Soho

Hüt gahts wieder zrug uf London für no es paar kulturelli Täg 🤓 Und natürli reisi wieder mitem Zug, s letschte Mal für die Reis. Zum an Bahnhof cho hani mer aber es Uber gönnt, willi gar kei Motivation gfunde ha, zum mit mim Gepäck inen Bus 😇 Ich han de Zug ersch am 12:54 aso bini vorher no gmüetlich en Zmorge go neh gad gägenüber vom Bahnhof.

Dasmal isch zwar au wieder churzfristig en Gleiswächsel gsi, aber immerhin ufem gliiche Perron, dassi eifach uf die ander Siite ha chöne stah 😮‍💨 Und es isch denn no e Frau uf mim Platz ghocked woni in Zug bi, sie isch denn aber eifach kommentarlos uf de Sitz uf de andere Gangsiite gwächslet 😅🤷‍♀️ Susch isches zum Glück ereignislos gsi und nach knapp 2 Stund bini denn wieder in London Paddington acho. Vo deht us hani direkt id U-Bahn chöne wo innerhalb vo 10min am Picadilly Circus achunt. I de UK hends au irgendwie immer so gueti Werbige und zwei Biespiel hani mal agfüegt 😁 Mis Hotel isch gad 2min vo de Picadilly Circus Station, aso zmitzt im Zentrum ine, aber doch inere Siitestrass wos ruhiger isch 👌 Und bin sehr froh gsi, hani nüme zwiit müesse laufe, mis Gepäck wird doch mit de Ziit rächt schwer. Im Hotel het denn au de eint Mitarbeiter gfunde ich heg ja en riese Rucksack 😅

Sobaldi mis Gepäck ha chöne im Zimmer ablade, hani eis wichtigs To-Do äntli welle erledige: ich han no alti 10 Pfund Note gha, wo sitem 2018 nüme gültig sind und irgendwie hanis bisher noni gschaft die zwächsle 🤭 Ich has letscht Jahr scho mal probiert, aber deht het mi jedi Bank und s Post Office woni ane bi zu de Bank of England verwiese 🙄 Aso hanis denn nöd gmacht. Aber jetzt isch fertig gsi und nach erneutem Google hani usegfunde, dassi bi bestimmte Post Offices verbi cha und die eifach uswächsle - tönt fasch zu eifach 🤔 Aber es isch denn würkli ohni Problem gange und es sind doch 90 Pfund gsi, het sich definitiv glohnt 💰💰 Nach dere erfolgriiche Tat hani mi ja denn wohlverdient chöne go erhole 🥱Read more