Suche zurücksetzen
Adrian BorboaAdrian Borboa
SatellitRoute bearbeiten
war bereits in 11 Ländern Weiterlesen
  • Borboas trip
    Tag 160

    Uf Ross zu heisse Quellä

    8. März in Mexiko ⋅ ☀️ 30 °C

    Hüt folge mer de fährte vo de Cowboys in Mexiko. Uf rösser mache mer eus uf de weg zu heisse quellä. Es isch echli lustig i somene heisse land zu warme quellä ga, will mer eh de ganz tag am schwitze sind. De usflug het aber nache me guete abentür tönt. Ala mexiko het eus euse guide ganz churz erchlärt, wenn recht wotsch ziehsch gege rechts, wenn links wotsch gege links und zum ahalte ziehsch a de leine. Zag simmer die rösser gstiege und sind los😂😂. Es isch wie useme alte western film gsie, will über stock und stei und mehrmals dur en fluss gritte sind 😂😂.
    Euse guide het eus ganz vill über die gägend verzellt. Euse beidne hets super guet gfalle mit dene rösser en usflug mache🙃.

    Die heisse quelle sind teilwiis würklich heiss gsi. I dem gebiet vom mexiko gäbis kei volkän, es segi eifach e lava-adere wo das wasser so ufwärmt. Au wenns dusse öpe 30°C gsie isch, isch es mega schön gsie zum im warme wasser bade. Defür wemmer us em wasser cho isch, isch t luft schön chüel gsie🤣🤣. E schuelklass het au en usflug zu dene warme quelle gmacht. Die chind hend eus am afang echli lustig aglueged im sinn was die "gringos" da mached. Eine het sich den aber getraut zum fröge wo her mir sind. S iis isch broche gsie und sie hend eus ganz vill sache gfröged. Eis meitli het t jeannine gfröged "Que ondo", was heisst wie tüf, t jeannine het ihre gseit "gracias muy bien", danke sehr guet, will sie verstande het, "que onda" also was lauft. Das meitli het sie ganz entsetzt aglueged😂😂. Die chinde sind sich gegesiitig uf tschultere ghocked und hend so gegenenand kämpfed bis eine abe ist wasser keit. Am adrian hends au wellä uf tschultere hocke. Alli hend sich köstlich amüsiert.

    Mir sind natürlich wieder mit de rösser retour. Am Adrian sis hets echlo pressant ka und isch grad los gspeeded wo er dobe ghocked isch. Sis ross het nöd so guet glosed😂😂.

    De fahrer wo eus zrugg is hotel bracht het, het bi sich deheime aghalte zum eus frücht schänke. Es isch ganz verruckt, die hend im garte fast e migros. Er het eus öpe 20 sternfücht 2 papayas und na mangos gschänkt. Mir sind eusi beidi einig das sind die beste papayas gsie wommer je gesse hend 🤙🤙🙃🙃.

    De rest vom tag hemmer am pool verbracht und sind na paar tacitos go esse🥳🥳.    Weiterlesen

  • Borboas trip
    1
    Tag 160

    En Riiitusflug zu de thermische Quelle

    8. März in Mexiko ⋅ ☀️ 31 °C

    Gester hämer nach Biolumicsencia spontan e Tour für hüt buecht. Drum simer wieder bi eus abgholt worde und sind ines chlises Dörfli uf em Land gfahre. Dete hend zwei Rössli uf eus gwarted und mir sind, so öpe zum erste mal uf Rössli gritte😂 mit dene Rössli simer zu de thermische Quelle gritte. Uf em Weg simer 7x dur de glich Fluss und händ mal no e ganz anderi Sitte vo Mexiko gse. Det bi de Quelle acho, simer I die warme Quellene go bädele. Mir händ sälber chli müsse schmunzle, dass mer I sonere Hitz no heiss gönd go bade😂😂😂 aber hey nach de Quellene isches a de Luft grad agnäm gsi😂 det isch au no grad e Schuelklass gsi. Nach es paar prüfende Blick vo de Chinde, hends mit eus im Wasser scho Spieli gspielt. Sie hend am Adrian welle uf tschultere hocke und endend aberüere😂😂.
    Nachher simer mit de Rössli wieder zrug is Dörfli. De Fahrer het den bi sim Dihei no en Stopp gmacht und sind i sin Garte. Er het en Mangobaum, en Papayabaum, en Avocadobaum, en Sternfruchtbaum und en Guaranabaum. Uf besser als jede Supermarkt😁 er het eus Mangos, Papayas und soo viel Sternfrücht gschänkt, das mer gar nöd alli händ chöne träge😂. Zum Zmittag hämmer cochinita pibil ceviche gesse. Das isch en Schweinsbrate koched innere orange sauce🤪🤪.
    Nach em Usflug simer soo müed gsi, dass mer eimal meh de Nami verschlafe händ😂 aber s Guete isch, ez chömer das no mache und es isch soooo glich😂😂😂🥳🥳🥳    Weiterlesen

  • Borboas trip
    1
    Tag 157

    Und was lauft dihei? Part 2

    5. März in der Schweiz ⋅ ☁️ 7 °C

    So well ich keis Premiummitglied bi chani nöd so viel Bilder ue Lade😄 d.h. Part 2

    Rebi&Frank the Tank: Mir erkundet underdesse d Cu Chi Tunnels in Vietnam 🇻🇳

    Remy: Flissig am lerne fürd theoretischi Segelprüefig 😁🤓

    Cöre: Bi mir gits nüt neus🤗 aber negst wuche channi widder dr Pflastermerkurs leite🥳

    Tam&Marco: S'Jahr vo de Veränderige...😅 mir freuet eus, dasser im Mai wieder da sind zum helfe züglä!😉

    Marion: Ich schlürf am Strand in Sri Lanka massehaft Kokusnüsse🥥    Weiterlesen

  • Borboas trip
    Tag 157

    Und was lauft dihei? Part 1

    5. März in der Schweiz ⋅ ☁️ 5 °C

    Das au de Adrian und d Jeannine da mal döfed lese, gits en chline Itrag was den be ihrne liebste passiert☺ (ich ha ja zum Glück no dezuegang😎 das mussmer nochli usnutze)

    Lisa G. : Geschter, e feine Sunntigs-Zmorge 😄... ich freu mi glie wieder mit eu!!!🤗🥰

    Familie Borboa: Die glückliche Grosselter🥰❤

    Michil: Die Grössti umstellig isch bi mir grad das. Es herscht e grossi Vorfrooid aber au chli bamel vo dere Ufgabe🙂

    Fabi: Bi mir wachst sbüchli jede tag🩷 mir sind ez im dritte trimester acho. Es git kein Tag a dem sich d'Ellie nöd bewegt i mim buch🥰 ich gspür si immer au bim schaffe😄 au de michi gspürt si. sie isch so gross wie e kokosnuss= 1.2kg und ca. 37.9cm🥰

    Brielle: Playtime!🥳

    Gregi&Lisa: Hallo zeme
    Mir hend guet züglet u sind na am ihrume und ih gwöhne!😊
    Ich schaffe nur na ei wuche und dlisa zellt au scho täg, bis mir uf eusi chlini reis gönd!😎🥳
    Ganz liebe gruss, gnüssets witerhin u hebed eu sorg😘

    Gradi&Lee: Date nights are back 😊 Everybody is happy, even 👨‍👩‍👧

    Mir vermissed eu alli, gnüssed eui Ziit ganz fest!❤

    PS: aso hender das APP no? Es git so kei neui Iträg vo eu?🤔

    (Leider bini nöd in Bsitz vo allne Kontaktdate suscht het ich natürli sehr gern meh kontaktiert)    Weiterlesen

  • Borboas trip
    1
    Tag 155

    Delphin und Wal usflug

    3. März in Mexiko ⋅ ☀️ 30 °C

    Hüt simmer am 6 am morgä abgolt worde zum go delfin und walfisch beobachte im meer. Mir sind imene bötli recht wiit ufs meer usegfahre und hend immer wieder gwarted. Mit sind eus nöd ganz sicher gsie ob das mit delphin beobachte hüt na öpis wird. Eusi geduld het sich uszahlt. Mir hend en ganze schwarm delphin gseh wo au us em wasser gumped sind und e rolle i de luft gmacht hend. So cool 🥳🥳🥳. Die delfin sind sehr nöch a euse bötli cho, sodass mer sie fast hend chönd berühre. Mir hend u glück ka uf dem usflug, mir hend au Schildkröte gse, wo sich am Paare gsi sind und zwei wasserschlage uf em offnige ozean😀. Mir sind nomal es rechts stuck mit em bötli gfahre und sind klitsch nass worde, wommer uf t suechi nach walfisch gmacht hend. Au da simmer nöd 100% optimistisch gsie. Zum glück simmer falsch gläge und mir hend zwei walfisch chöne beobachte bim abtauche. So schöni tier 😁😁🤙😁. Uf em Rückweg hämer den sogar no e anderi Art Delfine gse, wo wie pünktlet agmalt gsi sind.

    Nach dem tolle usflug hemmer de rest vom tag am playa punta Zicatela verbracht 🙂.    Weiterlesen

  • Borboas trip
    1
    Tag 154

    Sieestaaa

    2. März in Mexiko ⋅ ☀️ 29 °C

    Am Morge hämer a dem Samstig Schuel gha. Nachher simer hei und hend e laaaangi Siesta gmacht🤣🤣🤣 aso anderst gseit, mir händ de ganz Nami gschlafe🤣🤣🤣 Am Abig simmer eimal me de Sunneuntergang go luege. De isch eifach sooooooo schööön🥰😍🥰😍Weiterlesen

  • Borboas trip
    1
    Tag 153

    Roca Blanca

    1. März in Mexiko ⋅ ⛅ 30 °C

    Da mir gemerkt händ, dass am Weekend Puerto extrem volle mit Lüüt isch, hämer am Fritig frei gno vo de Schuel und gönd defür am SA. Eus isch en Strand, öpe 1 Stund nördlich vo Puerto empfohle worde. Aso hämer eusi Tüechli und de Sunneschirm geschnappt und sind mitemene Colectivo (e Art Sammeltaxi) los. Scho verruckt, für fast 1 Stund fahre hend öpe 2 Fr. wele😁
    Das Colectivo het eus andere Chrüzig usegla, wo mer es Taxi händ müsse sueche.es isch en ältere Taxifahrer den uftaucht, wo praktisch nume no Silberzäh gha het. Mir händ en den uf 50 Pesos ca. 2.50 Fr. chöne abemärte, obwohl eich nur 20 Pesos wür choste😅
    Am Strand acho simer überwältigt gsi vo dem schier ändlose Strand mit vielne Palme, wo praktisch kei Lüüt gsi sind. De Taxifahrer het eus no de Tipp ge, über d Stei gah, dete seg de Strand Playa del Amor. Natürli hämer müsse go luege und es isch es Paradis uf Erde gsi. Es het au vieli Pelikane gha, dene mer het chönne zueluege, wie sie im Sinkfluug nach Fisch taucht sind😍😍😍
    Spöter simer ines Strandresti, wo mer en Fisch andere Ananassosse gässe händ, jaaaammi säge da nur no🤤🤤🤤
    Nach em ässe simer it Hängemattene und händ e Siesta gmacht, la Vida bonita🌴😎
    So isch en weitere traumhafte Tag ume gange🥰    Weiterlesen

  • Borboas trip
    1
    Tag 152

    Zweiti schuel wuche

    29. Februar in Mexiko ⋅ ☀️ 30 °C

    26-29 Februar 2024

    Hüt isch eusi zweiti Wuche i de spanisch Schuel. De Adrian isch wieder mit de Frau sabela todo de Vina 😅😅. T Jeannine isch innere super gruppe und isch scho fast flüssend im Spanisch 😎🤙🤙.

    Mir hend die wuche eusi tanzbei gschwunge und e salsa stund ka i de schuel.

    Au hemmer en chochkurs gmacht und hend glärnt wie mer Barbacoa macht🥳🥳. Das isch es gricht wo mer üblicherwiis am mexikanische hochziit isst😁. Leider het die chöchin echli en stress ka und ganz vill selber gmacht. Au hets keis rezäpt büechli gä. Mit hend so guet wies gaht ufgschriebe und föteli gmacht, aber na ja isch eso semi ideal gsie. S ergebnis isch wahnsinnig fein gsie 🤙😎. Zum Barbacoa hemmer e salsa-verde, mit grüene tomate, und agua de Jamaica, mit de hibiskusblüete, gmacht.

    Leider sind die aktivitäte vo de schuel nöd ganz eso super organisiert gsie wie mer eus das erhoft hend und au echli tür. Alles het 15USD pro stund kosted. Mir hend also Barbacoa für 60USD gesse was rund 50CHF sind. Locker 3 mal so vill wie barbacoa für 2 imeme resti würi choste 😅😅. Und ebe ohni würklich e aleitig zums nachoche isch das echli vill 😄😄. Ja nu...

    Am dunnstigabig simmer go babyschidkröti frei laa. Die sind umglaublich herzig gsie 😄😄. Zum dr bestand im meer zsichere werded t eier wo t schildkröte legged gsammed und gschützt usbrüeted. Die chammer den taufe und frei la. T jeannine het ihri carramba und am Adrian sini alberto tauft. Bim frei la sind möve cho zum sich die babyschidkröti schnappe. Das het eusi im herze wee gmacht 😢😢. Wenn t möve sich eusi hend wellä schnappe hemmer ihne sand agrüert. Eusi zwei hends is meer gschaft und mir hoffed ganz fest, das sie uf em weg sind zum glücklich grossi schildkrötte werde, 🙏🙏🙂.    Weiterlesen

  • Borboas trip
    Tag 148

    Mercato Benito Juárez

    25. Februar in Mexiko ⋅ ☀️ 29 °C

    Gäg de Mittag simer an grosse Mercato Benito Juarez gange. De sötti einiges grösser no si, als de wo bi eus I de nöchi isch. Es hegi dete au e ganz Strass vo Verkaufsständ wo Tamales mit diverse Füllige verkaufet. En Tamal isch us Maismehl mit Poulet oder was au immer mer möcht, imene Bananeblatt oder Maisblatt im Dampf kochet. Dete acho hämer eus zerst müsse durefräge, wo die Tamales sind. Mir sind leider scho biz spaat gsi, da hets nur no ei Frau gha, wo sie verkauft het. Aber mir hän den no Tamales becho, eine mit pollo und salsa verde und eine mit Pollo. Am Schluss no en süesse mit vanillecreme. Aiii que riccoo🤤🤤🤤
    Nach dere Stärkig simer wieder an Strand Principal, sind dur es paar Lädeli gspaziert und sind eus go abchüele. Dete hämer Pelikans entdeckt, wo grad eusi Lieblingsvögel worde sind🥰
    Spöter am Abig hämer a de Hauptstrass no es paar Taquitos und e Tlayuda mit de Iheimische gässe.    Weiterlesen

  • Borboas trip
    1
    Tag 147

    Chiller tag in Puerto Escondido

    24. Februar in Mexiko ⋅ ☀️ 30 °C

    Hüt mache mer eus en gmüetlich tag a de playa Carrizalillo wo eine vo de schönste stränd in in Puerto Escondido söti si. De Strand isch mega schön aber Dios Mio het das vill lüüt🙈🙈. Will mir kein Sunneschirm hend hemmer wellä uf liggebetter. Sie hend eus 500 Pesos, öpe 25CHF, verrechned die banditä 🤷‍♂️🤷‍♂️. Am schluss hemmers zahlt will mer müed und heiss ka hend😅. Puerto Escondido, wo uf dütsch de verstecki hafe heisst, isch nüme ganz eso verstecked🙃🙃.

    Am Abig hemmer de sunne undergang am strand glueged und dezue es ceviche sowie au tosdadas de camarón gesse.    Weiterlesen

Sei dabei:

FindPenguins für iOSFindPenguins für Android

  • 2024© FindPenguins
  • Start
  • Über uns
  • Blog
  • Gruppen-Tracking
  • Presse
  • Nutzungsbedingungen
  • Datenschutz & Cookies
  • Support
  • Impressum
  • Deutsch