Nulstil søgning
AlineeAlinee
SatellitRediger rute
live now, this life is yours ✌🏽 Læs mere Unterägeri, Schweiz
  • RejsendeSüdostasien 🌏 und USA 🇺🇸
    Dag 14–15

    Laos

    13. november 2023, Laos ⋅ ⛅ 28 °C

    Gester Namittag simmer vo Hanoi uf Laos gfloge. Vietnam hämmer verlah und somit started es neus Abentür ime neue Land! So guet wie hüt hani scho lang nümme pennt. 😂 Jez gömmer de Buddhatempel in Vientiane go ahluege, da isches VILL ruhiger als überall womer vorig gsi sind, d‘Strasse sind friedlicher und es isch ned so chaotisch überall! 😂 Laos isch bekannt für die schön Natur, drum freu ich mich extrem! 😍✌🏽Læs mere

    Se oversættelse
  • RejsendeSüdostasien 🌏 und USA 🇺🇸
    1111
    Dag 12–13

    Hanoi

    11. november 2023, Vietnam ⋅ ☀️ 30 °C

    De letschti Tag in Vietnam hed gstarted. Wow wie schnell die Ziit eifach vergaht wenn mer jede Tag öpis neus gseht und so vill Ihdrück cha sammle! Vo Ha Long simmer 4h zrugg uf Hanoi gfahre. Am Namittag hämmer en chlini Stadtfüehrig becho mit allne Sehenswürdigkeite so dass mer denn selbstständig chönd die Sache go ahluege wo eim interessiered. Ungeplant simmer ade Schwizer Botschaft duregloffe wo üs sogar no zuegwunke worde isch! #bizliHeimat.
    Ganz obe uf de Liste isch au die bekannti Train-Street gstande, det fahrt de Zug direkt dur d‘Läde und Restaurant dure, en Schnappschuss wärt. 😉
    Es bizli schockiert simmer gsi womer das gseh händ, es isch vill z schnäll gange!!!? Au ad Train-Street simmer per Zuefall wieder härecho, am Namittag simmer scho eisch gsi und es hed vill z’vill Lüt gha drum hämmer gfunde okey ich glaub mer lönds lah si. Zudem muess mer Glück ha zum inecho, mer cha ned eifach inegah und zägg mer isch da. Sondern en Person ladet eim ih, ja genau, mer wird so z‘säge ihglade. Mer händ eigentlich welle s‘Old-Quarter ahluege und zäägg simmer det gsi, wo mer den au scho ihglade worde sind! 😂 Ufeme Plastikstuehl hämmer üses Cola gschlürft und de Zug isch cho. WOOOW!!! Was ein Erlebnis. Das muess mer würkli gseh ha in Hanoi!!
    Nachher go Znacht ässe und „1“ go näh… Ups…. Es sind denn meh als 1 worde drum bini nümm dezue cho am gliche Abig öpis z‘schribe. 😂😂 de letschti Abig in Vietnam, hed somit SEHR guet g‘ändet. Witer gahts mitem Flugzüg uf LAOS!!!! 😍✌🏽✌🏽    Læs mere

    Se oversættelse
  • RejsendeSüdostasien 🌏 und USA 🇺🇸
    113
    Dag 11

    Halong Bay

    10. november 2023, Vietnam ⋅ ☀️ 31 °C

    Ahcho in……HALONG BAYYY
    Woop woop! Also eigentlich in Hanoi. Aber vo dete us simmer mitem Bus 4h uf Ha Long womer wieder es wunderschöns Zimmer gha händ, den hämmer en Tagesbootstour ad Halong Bay gmacht. Wie unglaublich ihdrücklich das isch… öpis womer immer nur uf Föteli gseh hed mal mit de eignige Auge dörffe z‘gseh! Ich bin beeihdruckt, eifach so schön da. Ufem Boot heds Zmittag gäh und mer sind überall chli umegfahre und händ die schöne Kalksteiinsle und Küste erkundet. Go bade isch üs leider verbote worde wills det vill Unfäll git, vorallem wenn mer vom Boot direkt is Wasser gumped. Defür simmer no go Kajak fahre und händ so die ville Inseli und Buchte chönne erchunde. Das isch ja mal cool gsi! 😍Læs mere

    Se oversættelse
  • RejsendeSüdostasien 🌏 und USA 🇺🇸
    2
    1
    Dag 10–11

    Phong Nha

    9. november 2023, Vietnam ⋅ ☁️ 28 °C

    Vo überall här chömeds die Caves go ahluege, die berüehmti Paradise Cave und Phong Nha Cave in Phong Nha. 😂
    Ufeme chli holprige Wäg mitem Büssli ischs am Morge am 9i zu de Phong Nha Cave gange. Das isch en Höhli wo mehreri 100 Meter umfasst mit zahlriche Stalaktite und Stalagmite. Es isch sehr rutschig gsi dinne wills vo überallhär obe abetropfet. Üse Tourguide heds einisch d‘Stäge abegschletzt drum simmer sehr vorsichtig gsi! Wemmer gnueg Vorstelligsvermöge gha hed, hed mer sich bi de einte Gestei chönne en Figur dezue ihbilde. Ich han en Elefant miteme Einhorn gseh. 😂🐘🦄
    Am Mittag simmer denn go ässe wo üs en Familie so vill Ässe uf de Tisch gstellt hed das mer dänkt hend mier möged nümm. Das isch denn ned alles gsi, sie händ au immer wieder Nachschub bracht, sogar Pommes händs no gmacht. 😋 Witer simmer den mitem Boot womer en Schwimmweste ahgleit händ zu de andere Cave, d‘Paradise Cave. Am Ihgang isch es riiise schwarzes Loch gsi, womer denn mit üsne Boot inegfahre sind, 2 Fraue hämmer gha wo denn gruederet hend, die hend grad echli Müüs gha. 😂 Au dete sind ihdrücklichi Stalaktite und Stalagmite gsi, de Höchsti Punkt mitem momentane Wasserstand isch 53 Meter id Höchi gsi. Bim Wäg id Höhli ine und au bim Wäg use heds mier sicher 4x ufe Chopf tropft, bi dere Höhli sig das eher sälte und es tropft amig au uf niemert aber die wos breicht heder gseit, wärded ganz vill Glück ha. Ich hoffe ez mal das stimmt. 😊😇
    Am 17.00 gahts witer mitem Nachtzug richtig Hauptstadt vo Vietnam: HANOI !!    Læs mere

  • RejsendeSüdostasien 🌏 und USA 🇺🇸
    1112
    Dag 9

    Hue

    8. november 2023, Vietnam ⋅ ☁️ 25 °C

    Töfflitour hed hüt Morge stattgfunde! Mer sind zu verschidnige Ort gfahre und händ Sache ahgluegt. Zerst hämmer en Halt gmacht ime Dörfli miteme Markt wos früschi Sache verchauft händ wie Gmües und Meeresfrücht. Fleisch heds au ganz vill gäh, s‘trurige isch gsi das die meischte Fisch eifach det gläge sind und no zapplet händ. Chlini Bibeli händs au inere Kartonschachtle gha wo no alli am läbe gsi sind… aber das isch da halt eifach normal und die känned das ned andersch. Defür hed s‘Gmües und alli die sälbergmachte Sache mega guet usgseh! Denn simmer bi iheimische go luege wie sie im Hushalt läbed und sälber Fisch fanged und Riis zuebereited. Nachher simmer witer go luege wies Räucherstäbli sälber härstelled, die gits da tonnewiis und ih villne verschidnige Düfter wie Zitrone, Yasmin, Zimt etc. En Frau hed üs denn zeigt wie mer die macht, ich ha au no es Pack kauft zum mitheinäh. Denn simmer no zum Thien Mu-Pagode das isch en buddhistische Tempel gsi. Sehr spannend, mer händ au grad d‘Mönche gseh ufem Wäg in Tempel. Nachher simmer wieder retour und denn heds doch no ahfah rägne, üsi Töfffahrer händ aber vorgsorgt und für üs alli en Rägeponcho debi gha! Am Namittag simmer denn mitem Bus 4h as nächste Ziil uf Phonh Nha gfahre, und ässed jez. Morn gahts zu de berüehmte Caves! Hüt hämmer es wunderschöns Hotelzimmer, mal en Abwächslig näbed 6-Bett Hostel-Zimmer! 😉Læs mere

  • RejsendeSüdostasien 🌏 und USA 🇺🇸
    Dag 8–9

    Hue

    7. november 2023, Vietnam ⋅ 🌩️ 25 °C

    Hüt Morge isches mitem Bus witer Richtig Norde gange. 3.5 h simmer gfahre, es hed richtig guet tah eifach chli im Bus sitze, Musig lose und usem Fänster luege. Hüt heds zimmli deftig abegschiffed, uf de Strasse sind die mit ihrne Töffli schier nümm vom Fläck cho. Leider hämmer üsi Töfflitour somit müesse verschiebe uf morn Morge, wills wägem Räge ned möglich gsi isch. Hoffemer morn isch s‘Wätter chli besser. Defür simmer d‘Zitadelle in Hue go ahluege, das isch früehner d‘Residenz gsi vo de vietnamesische Kaiser vo de damals Nguyen-Dynastie (Hauptstadt vo früehner). Die ganzi Sehenswürdigkeit isch vill grösser gsi als erwarted, mit jegliche Gärtli, Gräber vo Kaiser, Brugge, und so witer. Uf jedefall en Bsuech wärt gsi. Hüt Abig ha ich zur Abwächslig mal en Pizza zum z‘Nacht probiert und ich muess säge, die isch richtig fett guet gsi! 😝
    Und jetzt rägnets scho wieder i Ström, hoffentlich beruhigts sich gli, ich möcht nämmli umbedingt uf die vierstündigi Töfflitour morn! 🤪    Læs mere

    Se oversættelse
  • RejsendeSüdostasien 🌏 und USA 🇺🇸
    21
    Dag 7

    Hoi An

    6. november 2023, Vietnam ⋅ ⛅ 30 °C

    Nacheme feine Zmorge simmer is Dörfli zumene Nudel-Restaurant. Ned go ässe primär sonder go sälber Nudle mache! En Nudel-Chochkurs! Ja liebi Lüt, für die wo jetzt meined ich cha mal probiere vietnamesischi Nudle nache z‘choche, uf eigeni Gfahr. 😜😂
    En härzigi Vietnamesin hed üs alles zeigt, den hämmer sälber as Wärch dörffe. Üsi sälbergmachte Nudle hämmer denn am Schluss dörffe ässe! Obwohls da vill z‘heiss isch und mer meine müsst mer hed kei Appetit, gaht da alles abe. 😂
    Üses Hostel hed en schöne Pool, aber vorluter Usflüg chömemer gar ned dezue zum e Schwumm go mache!! De simmer am Namittag no en traditionelli Show ide Stadt go luege, ich cha gar ned ufhöre die wunderschöne Laterne und Huusegge z’fötele…
    Am Abig hämmer zum Abschluss es Latärnli miteme Cherzli in Fluss inegsetzt, die Iheimische sägid mer dörf sich öpis wünsche und s‘Latärnli denn lah gah lah. ✨🩵
    Morn Morge gahts witer uf Hue. Uf vili witeri Abentür!!! 😍    Læs mere

    Se oversættelse
  • RejsendeSüdostasien 🌏 und USA 🇺🇸
    22
    Dag 6–8

    Hoi An

    5. november 2023, Vietnam ⋅ ☀️ 25 °C

    Hoi An, das chline Städtli hed mis Härz jez scho erobered!! Am morgefrüeh simmer mitem Nachtzug ahcho, direkt go Zmorge ässe und denn go s‘Städtli erkunde. Hoi An isch bekannt für die bunti Stadt mit zahlriche chline Kanäl, erinnered scho fast ah Venedig. Mit farbig sind d‘Hüser und natürlich die vile wunderschöne Laterne gmeint wos überall händ - wo ide Nacht no schöner sind wenns lüchted!! Oh, wie schön… Am Namittag hämmer en Velotour gmacht mitere Stadtfüehrerin, sie hed Hi gheisse, mer sind zerscht ned drus cho. 🤣 Dur Riisfälder gfahre wos plötzlich afah rägne hed, womer dänn bi Locals sind go luege wies läbid und Riis ahpflanzed, sälber händ dörffe Sojapudding mache und ihri Fälder bewässere und zum Schluss de krönendi Abschluss: IME BAMBUSS-BOOT MITFAHRE!!! S‘absolute Highlight vom Tag, mier hend soooo vill Spass gha und glachet bis üs de Buch wehtah hed! 🤣 Unvergässlich. Bambus-Boot sind rund, mer cha uf 2 Variante mitfahre:
    1. mer fahrt eifach mit (langwilig)
    Oder
    2. de Fahrer dreiht mit sim Paddel s‘ganze Bötli wild um sich ume bis mer schier usem Bötli gheit (LUSTIG!!!)

    100% recommended.
    Ich liebs.

    Zrugg simmer miteme Boot wieder is Städtli und jez bini im Bett scho schier am ihschlafe. Die Erläbnis da, sind eifach unglaublich. 🩵💜🧡💛    Læs mere

    Se oversættelse
  • RejsendeSüdostasien 🌏 und USA 🇺🇸
    4
    Dag 5

    Nha Trang

    4. november 2023, Vietnam ⋅ ⛅ 29 °C

    Hüt hani de Tag nomal z‘Nha Trang verbrunge. Am Vormittag simmer is Schlamm-Bad, det simmer würkli im Dräck go bade 😜 Ingesamt simmer dur 4 verschidnigi Pools gange (Schlammpool, Hotpool, Whirlpool und isbad)
    Das isch richtig witzig gsi! Hüt Abig gahts witers mitem Nachtzug uf Hoi An, bi de Vietnamese eis vo de beliebtiste und schönste Städtli, bin gspannt will det chamer au ganz vill Sache undernäh!    Læs mere

    Se oversættelse
  • RejsendeSüdostasien 🌏 und USA 🇺🇸
    122
    Dag 4–5

    Nha Trang

    3. november 2023, Vietnam ⋅ ☁️ 30 °C

    Nachere Fahrt am Donstig-Abig am 20:00 mitem Nachtzug vo Ho Chi Minh bini in Nha Trang am Morge am 06:00 verwachet. Verwachet isch glaub falsch gseit, würkli schlafe hed mer im Zug ned chönne wills sehr lut und holperig gsi isch, defür hed mer aber abem Sunneufgang chönne d‘Landschaft usem Fänster gnüsse. Witer is nächste Hostel und am Strand go z‘Morge ässe ischs denn zume Tempel gange. Mer hed lustigi Gwänder chönne uslehne - demit mer au dementsprechend bekleidet isch. 😉 En riese Buddha simmer den au no go besichtige, hüt schlaf ich sicher wieder wunderbar! Morn gahts denn zume sogenannte mud-bath (es Schlammbad 😏) sött ahschinend Mineralie und anderi wichtigi Stoff dinne ha zum au d‘Huut regeneriere und isch da sehr bekannt.
    See yaaa ✌🏽    Læs mere

    Se oversættelse

Bliv medlem:

FindPenguins til iOSFindPenguins til Android

  • 2024© FindPenguins
  • Hjem
  • Om os
  • Blog
  • Gruppesporing
  • Presse
  • Betingelser
  • Privatliv & Cookies
  • Support
  • Aftryk
  • Dansk