Hamburg mit Harald | FindPenguins

Data ascendente

Hamburg mit Harald
- Exibir viagem
- Adicionar à lista de metasRemover da lista de metas
- Compartilhar
- 13 de abr. de 2023, 10:39
- ☁️ 7 °C
- Altitude: 400 m
- Suíça Kanton Basel-Landschaft Gelterkinden 47.466448, 7.8467347°27’59” N 7°50’48” E
Dia 1
Diplomarbeit done, Hamburg here we come!
13 de abril de 2023, Suíça ⋅ ☁️ 7 °C
D diplomarbeite si erfougrich abgä wordä und mir si i nächst zug igstigä für nach Hamburg. Natürlich heimer no chli proviant müesse ga bsorgä, dasmer de ja ke hunger hei uf üsere 9 stündigä reis. Ds Basu heimer nur 5 minute zum umstigä, was no chönnt knapp wärde wiumer ä geh beiträchtigti person derbi hei. Mir phaute öich ufem loufende, ussert d maylea die humplet.

CheyenneLeia mais
Ver tradução
11 curtidas
Hamburg mit Harald
- Exibir viagem
- Adicionar à lista de metasRemover da lista de metas
- Compartilhar
- 13 de abr. de 2023, 18:52
- ☁️ 10 °C
- Altitude: 34 m
- Alemanha Hamburg St. Georg Hamburg Central Station 53.550411, 10.00673353°33’1” N 10°0’24” E
Dia 1
9h gschafft
13 de abril de 2023, Alemanha ⋅ ☁️ 10 °C
D Zugfahrt isch abgsee vomene frömdverschuldete erbrächerische Zwüschefall sehr agnehm und erstunlich pünktlich verlüffe. Mir hei z Basel u z Frankfurt müesse umstige u si am 18.36 z Hamburg acho. Dert hez afamau gschiffet u mir si ufem Wäg izz Hostel aui feiechli nass worde. Nachdem mir üs hei früsch gmacht u troche agleit simir ufder Suechi nachemne Restaurand öppe e Stund dür Hamburg glüffe. Blöderwis heimir üs vorab nid würklich informiert wo dasmir chönnte ässe u so isch das ganze när haut chli lenger gange. Derfür heimir scho chli öppis vor Stadt gsee u am Schluss heimir de e Italiener gfunde u richtig guet Znacht gesse. Villicht isches ono chli feiner gsi wöumir aui doch zimmlich hunger hei ka. Nachem Znacht simir feiechli düre izz Bett.

MayleaLeia mais
Ver tradução
10 curtidas
Hamburg mit Harald
- Exibir viagem
- Adicionar à lista de metasRemover da lista de metas
- Compartilhar
- 14 de abr. de 2023, 10:00
- ☁️ 8 °C
- Altitude: 22 m
- Alemanha Hamburg Hamburg-Mitte Oberhafen 53.547432, 10.01100853°32’51” N 10°0’40” E
Dia 2
Hamburg - meine Perle
14 de abril de 2023, Alemanha ⋅ ☁️ 8 °C
Wie erkunde sächs Touristiker:inne e Stadt am beste? Richtig, mit em Hop on - Hop off Bus. Da mir no e Humplin a Stäcke drbi hei, isch ds aber sehr gäbig gsi. Bim Hafe simer de usgstige u si düre Elbtunnel gloffe. Dä geit unger em Wasser düre. Uf dr angere Site vom Hafe hets es Fischbrötli oder süsch öpis chlises z Mittag gäh. Gstärkt hei mer ner no die obligatorischi Haferundfahrt gmacht. När hei mer afe eis e Kaffipouse brucht, bevor mer zrugg iz Hostel si. Füre Heiwäg hei mer üs mau für nes anders Fortbewegigsmittu entschiede, was sehr fägig isch gsi.

MischLeia mais
Ver tradução
10 curtidas
Hamburg mit Harald
- Exibir viagem
- Adicionar à lista de metasRemover da lista de metas
- Compartilhar
- 14 de abr. de 2023, 23:48
- ☁️ 8 °C
- Altitude: 10 m
- Alemanha Hamburg HafenCity Zollkanal 53.543774, 9.98910553°32’38” N 9°59’21” E
Dia 2
MiniaturWUNDERland
14 de abril de 2023, Alemanha ⋅ ☁️ 8 °C
Dr Tag isch mit üsere E-Trottifahrt nid z'Änd gange.
Nachdem mir üs im Hotel si ga erfrüsche & hurti es Sekündeli ga abligä hei mir üs wieder mit de Trotti ufe Wäg zu Peter Pane gmacht. Dert hets usgfallni Burger, cooli Getränk & feini Dessärt gä. Nachdem mir gstercht si gsih simer witter zu mim persönleche Highlight vo dere Reis; ds Miniaturwunderland. Mir si vo 23:30 bis 01:00 Uhr derte gsih, willmer nid hei realisiert ds di Billet so schnäll wäg si. drum heimer also d Randzyte müesse nä. Ds MIWULA isch ei riisegi Modällisebahn wosech über verschideni Stockwärch erstreckt. Ufteilt isch ds ganze i Länder, teilwis sehr wahrheitsgetreu u teilwiis mit fiktive Element. Mir hei begeisteret aller chline Details agluegt & obwohl mer zu so später Stund glich afa chli müed si gsih nach däm lange Tag, heimer aller es riise Gaudi ka.
Wosi am eis am Morge hei zue ta heimer aller gfunde dsmer z nächste Mal meh Zyt wei irächne. Trotzdem simer froh gsih dsmer iz chöi ga ligä u dr nächst Tag gstercht i Agriff nä.

~FäbsLeia mais
Ver tradução
7 curtidas
Hamburg mit Harald
- Exibir viagem
- Adicionar à lista de metasRemover da lista de metas
- Compartilhar
- 15 de abr. de 2023, 13:21
- ☁️ 13 °C
- Altitude: 11 m
- Alemanha Hamburg HafenCity Magdeburger Hafen 53.543152, 9.99975553°32’35” N 9°59’59” E
Dia 3
Maritime Reizüberflutung
15 de abril de 2023, Alemanha ⋅ ☁️ 13 °C
Da z Wätter am Samsti nid eso wahnsinnig guet gmoude isch gsi heimir üs entschide z Internationale Maritime Museum ga z bsueche. Das Museum isch ir Speicherstadt u het Usstellige zu verschidene Theme rund umd Schifffahrt uf 9(!) Etage. Vo Sägle über Fische oder Cargo bis zu Passagierschiff oder Pirate, es git zu jedem Thema öppis. Mir heinis öppe 4h dür tuusigi vo Modällschiff, alti Malereie, interaktivi Usstelligsmodäll, technischi Erklärige und so witter kämpft. Bir 9te Etage acho simir aui chli erschlage gsi vo dene ganze Idrück. Aber es isch sehr spannend gsi.
Nachem Museum heimir no öppis gässe dert u der Museumslade erkundet. Wöu z Wätter am Nami när glich no het uftaa simir no chli id Stadt ga Lädele u ga Käfele...

MayleaLeia mais
Ver tradução
Viajante Ich wär im absolutu Himmel gsi 😍😍
16/04/2023ResponderTraduzir
Viajante jaaa sogar mier hets gfalle 😍
16/04/2023ResponderTraduzir
5 curtidas
Hamburg mit Harald
- Exibir viagem
- Adicionar à lista de metasRemover da lista de metas
- Compartilhar
- 15 de abr. de 2023, 23:41
- ☁️ 8 °C
- Altitude: 26 m
- Alemanha Hamburg St. Pauli Reeperbahn 53.549775, 9.95813753°32’59” N 9°57’29” E
Dia 3
Harald auf der Reeperbahn
15 de abril de 2023, Alemanha ⋅ ☁️ 8 °C
Punkt 19:00 hei mir üs de aui zäme wieder ir Nechi vor Reeperbahn troffe, gnau gno bim Tattoostudio „endless pain“ (was fürne vertrouenswürdige Name). Vier vo üsem Grüppli hei nämlech am Vortag ä Termin abgmacht, zum äs gmeinsams Tattoo z’mache. Ungefähr 1h und chli (aber zum glück nid ändlose) Schmärze speter simer umnes chlises Dino-Tattoo am Fuess riicher gsi. Dä Dino het natürlech no ä Name brucht und mir heine us diverse Gründ „Harald“ touft. 🦕

Nachem tattowiere heimer äs Restaurant gsuecht und wo dr bevorzugt Taco Lade aber vou isch gsi heimer scho dänkt mir müesse üs miteme Reeperbahn-Döner oder Reeperbahn-Burger vomne schmuddelige Imbiss zfride gäh. Mir hei aber när meh oder weniger per Zuefau äs super vitnamesischs Resti gfunge und fein Znacht gässe. 🍛

Nachdäm simer nochli dürt Reeperbahn gschlendert und hei aui die kurlige Gstaute beobachtet und däm bunte Tribe chli zuegluegt und ire (aständige) Bar dr Aabe lah usklinge. 🍻

Mir hei üs de entschlosse am Morge chli früecher ufzstah für ufe Fischmarkt z‘gah, statt t‘Nacht düre z‘mache und direkt z‘gah. 🐟

KellyLeia mais
Ver tradução
Viajante Wärdet au elter nüt meh mit düre mache🤣🤣
16/04/2023ResponderTraduzir
Viajante ja säg nüt 😵‍💫😂
16/04/2023ResponderTraduzir
10 curtidas
Hamburg mit Harald
- Exibir viagem
- Adicionar à lista de metasRemover da lista de metas
- Compartilhar
- 16 de abr. de 2023, 07:30
- ☁️ 8 °C
- Altitude: 120 m
- Alemanha Hessen Hanau Wolfgang Wolfgang (Kr Hanau)50.122111, 8.95531250°7’20” N 8°57’19” E
Dia 4
Fischmarkt zum Abschluss
16 de abril de 2023, Alemanha ⋅ ☁️ 8 °C
Nach ere churze Nacht simer am 6.30 ume uf für a Fischmarkt. Dä isch aube am Sunntig morge. Chli müed simer de bi däm Fischgruch übere Märit gschlenderet. När simer ume zrugg iz Hostel zum fertig packe. Sitem Mittag höckle mer iz ume im Zug für hei, tüe Spieli spile, plöiderle oder pfüsele...

MischLeia mais
Ver tradução
9 curtidas
Hamburg mit Harald
- Exibir viagem
- Adicionar à lista de metasRemover da lista de metas
- Compartilhar
- 16 de abr. de 2023, 20:23
- 🌧 7 °C
- Altitude: 559 m
- Suíça Canton de Berne Thun Westquartier Thun 46.754454, 7.62977746°45’16” N 7°37’47” E
Dia 4
Er rollt.
16 de abril de 2023, Suíça ⋅ 🌧 7 °C
Üsi Reis ändet mitere wilde Zugfahrt. Näbst stündige Usflüg für Kafi z hole, chlinere Usenandersetzige mit Mitreisende, striicheleinheite vo frömde chind („darf ich dich streicheln?“) und eme riese gsou i üsem snacktäschli u uf sämtleche Kleidigsstück vor Cheyenne hei mir e gmüetlechi Heireis mit vilne Spili u Dehnigsüebige hinder üs. Itz simer de froh simer dehei u müesse d grinde vo de andere afemal nüm aluege. Nei es isch also voll ok gsi üses Usflügli. Auf ein Andermal, Fäbsi u MikiLeia mais
Ver tradução
Viajante ok gsi, miechi nomal weni müesst
16/04/2023ResponderTraduzir
Viajante mit dir giengi jederzyt wäg ❤️
16/04/2023ResponderTraduzir
Viajante ❤️❤️
16/04/2023ResponderTraduzir
4 mais comentários
13 curtidas