Reset search
China
  • Alternativa Nómada
  • Alternativa Nómada

China

A 18-day adventure by Alternativa Nómada. Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    September 13, 2026
    Alternativa NómadaChinaTraveler

    Quianmen street

    September 14 in China ☀️ 26 °C

    Collemos unha boa oferta de Sichuan Airlines Madrid-Pekin á ida e Shanghái-Madrid á volta por 585€ por persoa. Os dous traxectos con escala en Chengdú. A oferta non nos deixaba comenzar a ruta nesa cidade, que sería o ideal, polo que tivemos que comenzar a ruta na cidade imperial.
    Escollemos como base na cidade o Manxin Mansion Beijing Qianmen Courtyard por 295€ con almorzo incluido por 3 noites, nun hutong renovado no corazón de Quianmen street moi fermoso e a 10 minutos da Praza Tianmen. Ambientazo no barrio a calquera hora do día. A maioría do turismo era chinés en setembro. A poucos metros está o Quanjude, un dos míticos do pato lacado en Beijin e a un paseo do Centro Nacional das Artes Escénicas. Moitas opcións gastronómicas á porta do hotel. Recomendado.    Read more

  • Alternativa NómadaChinaTraveler

    Parque Jinshan

    September 14 in China ☀️ 24 °C

    Despois dunha viaxe tan larga, a primera tarde serviunos para aclimatarnos e coñecer as zonas máis próximas ao hotel e darnos conta da magnitude da Cidade. Probamos os nosos primeiros Didis (o Uber chino): do aeroporto ao hotel pagamos menos de 10 euros por un traxecto de 40 km.

    A primeira visita foi o Centro Nacional das Artes Escénicas a través do hutong Beihuosang. O edificio é unha esfera de titanio enorme no medio dun lago aparentemente sen entradas (éntrase por un túnel subterráneo de cristal por debaixo da agua). Podes entrar sen pagar para ver o vestíbulo e a entrada baixo a auga.

    Comprobadas que as distancias en Beijing son superiores que o que aparentan no mapa un novo didi levounos ata a parte norte da Cidade Prohibida. Subimos ao máis alto do parque para ver o maior complexo palaciego do mundo desde o alto e facernos unha idea do que visitaríamos ao día seguinte. Entrada 2 yuanes por persona.

    Rodeamos a Cidade Prohibida polo leste para atravesar os hutones que rodean o complexo de camino a Wanfuging, unha zona peonil comercial que serviu para poñernos sobre aviso do espítitu de consumo desmedido que goberna a nova China e para bautizarnos na súa magnífica gastronomía    Read more

  • Alternativa NómadaChinaTraveler

    Wanfuging

    September 14 in China 🌙 22 °C

    Rúa peonil coas marcas máis exclusivas do mundo. A mesma rua comercial de todas as cidades do mundo. Nada novo. Non fixen 10000km para ver o mesmo

  • Alternativa NómadaChinaTraveler

    Ciudad Prohibida

    September 15 in China ☀️ 21 °C

    A pesar de que no mapa, o noso hotel, no barrio de Quianmen parecía estar a tiro de pedra da Cidade Prohibida, a magnitude desta cidade e non poder cruzar Tianmen para acceder fixo que tardaramos case 2 horas para estar dentro. Visita de 4 ou 5 horas para ver o imprescindible. Recibes audioguía e mapa interactivo coa entrada. É incrible, pero prepárate para ver milleiros de excursionistas locais!
    Levabamos xa mercadas as entradas da Cidade prohibida a través de Trip.com (16€ por persona) e polo que tiña lido, poderiamos entrar atravesando Tianmen Square polo que non fixen reserva directa da praza. Despois dunha hora camiñando para chegar á cola da entrada, un policía indícanos que non se pode entrar na praza sen reserva e que nos debemos dirixir á porta leste...

    Situada no corazón da China dende hai medio milenio, a maxestosa Cidade Prohibida (localmente Gù Gōng) foi a sede da corte de 24 emperadores e constitúe unha parada indispensable en calquera viaxe. Bautizada con este nome porque o acceso estaba estritamente vedado a quen non contase con autorización, trátase do complexo palaciego máis grande do planeta e do conxunto de arquitectura antiga mellor conservado do país. Agocha no seu interior 800 edificios que suman unhas 9000 estanciais, amais de múltiples patios, pavillóns e xardíns, polo que percorrela con calma levarache unhas cantas horas.    Read more

    See translation
  • Alternativa NómadaChinaTraveler

    Templo celestial

    September 15 in China ☀️ 28 °C

    O tempo que tardou o Didi en chegar desde a Cidade Prohibida foi suficiente para mercar as entradas a través de Trip.com.
    Este conxunto de salóns e altares, emprazado nun parque cheo de encanto, é un exemplo impecable da arquitectura Ming. Cada ano, os emperadores —considerados os «fillos do ceo»— acudían aquí para solicitar a aprobación divina e boas colleitas, así como para expiar os pecados dos seus súbditos mediante unha cerimonia de oracións e sacrificios rituais. Todo o complexo, que combina con mestría e simbolismo formas, cores e sons, é absolutamente singular; mentres, o parque que o rodean eríxese nun auténtico oasis para fuxir do bulicio e do caos de Pequín.

    A estrutura máis relevante de todo o recinto é o maxestoso Salón de Oración pola boas colleitas (Qínián Diàn; entrada: 20 ¥). Erguido sobre unha terraza de mármore de tres niveis, destaca polo seu tellado de tres beirados cubertos de tella azul violeta. Os seus piares de madeira sosteñen todo o peso da cuberta sen empregar un só clavo nin un gramo de cemento: un fito prodixioso para un edificio de 38 metros de altura e 30 metros de diámetro.    Read more

  • Alternativa NómadaChinaTraveler

    Gran muralla china

    September 16 in China ☀️ 23 °C

    Fomos a Mutianyu a desfrutar dun dos mellores tramos da muralla china. A pesar de atoparse a 70 km tardamos preto de 2 horas en chegar en Didi (28 euros ida, 25 volta) por culpa do tráfico de primeira hora.

    En canto saes dos distintos aneis da cidade, descende o tráfico e a velocidade de progreso do país. O rural é moi similar ao resto dos países asiáticos. Tamén as costumes: na viaxe de ida o condutor do Didi quixo pactar un prezo de volta e esperaba por nós, pero sen a protección da plataforma: non a aceptedes; en canto saiades haberá centos de coches agardando e contratar a través de plataforma dá garantía de seguridade (de prezo, de que non vos vai levar a algunha tenda ou de que vos pida máis cartos por chegar ao voso destino).

    Subimos en teleférico á torre 14 e camiñamos ata a número 20. Á volta podes volver a baixar en teleférico desde a torre 12, e en tobogán ou andando desde a torre 6. A recomendación é que levedes collida a entrada con bus (7.5€), a subida en teleférico (12.5€) e arriba decidades como queredes baixar en función das colas porque o prezo do teleférico e do tobogán é o mesmo.    Read more

  • Alternativa NómadaChinaTraveler

    Praza de Tiananmen

    September 16 in China ⛅ 26 °C

    A entrada á praza de Tiananmén é gratuíta e poden reservarse 8 días antes da visita. Nós collémola o día anterior porque pensábamos que coas entradas da Cidade Prohibida era suficiente... Pero non. Resérvase a través de páxina web ou dun mini programa de Wechat ou Alipay. Mellor que as traiades reservadas da casa porque non foi doado facelo (en chino) a través das app.

    É a praza pública máis grande do mundo e o verdadeiro centro do universo chinés. A súa estrutura actual é obra de Mao Zedong, quen a concibiu como un monumento á omnipotencia do Partido Comunista. Esta enorme extensión de formigón (440 000 m²) resulta sobrecolledora, aínda que as estritas medidas de seguridade réstanlle un punto de encanto. Con todo, sobra o espazo para pasear e gozar das súas impoñentes vistas, especialmente pola noite, cando a praza se ilumina por completo.

    Asistimos ao espectáculo de baixada de bandeira onde un escuadrón do Exército Popular de Liberación desfila a través da Porta da Paz Celestial cara á praza a un ritmo exacto de 108 pasos por minuto, xusto antes de arriar a bandeira chinesa que preside o recinto.

    Preside a praza a Porta da Paz Celestial desde a que Mao promulgou a República Chinesa en 1949. Tamén poden visitarse na praza o mausoleo de Mao, o Museo Nacional de China, o Gran Salón do Pobo (sé do poder lexislativo).

    Non é unha esaxeración dicir que a China moderna naceu na praza de Tiananmen. O 4 de maio de 1919, estudantes da Universidade de Pequín e doutras facultades manifestáronse na praza para denunciar a debilidade do país ante as vellas potencias coloniais e esixir un goberno máis firme e libre de corrupción. Aquelas protestas acenderon a mecha de mobilizacións por todo o territorio, avivaron o sentimento nacionalista e empurraron a moitos mozos chineses a implicarse na política e a tomar partido na guerra civil entre comunistas e nacionalistas, que culminaría coa victoria comunista en 1949.

    No 70º aniversario daquelas mobilizacións, a praza de Tiananmen volveu ser ocupada por estudantes da Universidade de Pequín e doutras facultades. Con todo, as protestas de 1989 non tiveron un final feliz. O 4 de xuño, os manifestantes prodemocracia que levaban meses acampados na praza foron desaloxados polo exército chinés. Moitos estudantes saíron ilesos, pero moitos pequineses que se congregaran a un quilómetro da praza para deter o avance das tropas non tiveron tanta sorte, e centos de persoas perderon a vida.

    En Occidente, Tiananmen está inevitablemente vinculada ás protestas de 1989, pero non así na China. Ben que moitos chineses lembran ou coñecen os sucesos de xuño de 1989, para a maioría a praza representa a supremacía do Partido Comunista.    Read more

  • Alternativa NómadaChinaTraveler

    Xian

    Sep 17–19 in China ⛅ 27 °C

    O tren bala de Beijing a Xi'an tarda 6 horas e custounos 70€ por persoa. Vin moitísimas recomendacións sobre a necesidade de chegar 2h antes á estación pero asegúrovos que con 20 minutos daravos tempo a tomar un café. En todas as estacións de tren, para pasar o control de seguridad e, facédeo pola porta na que estea o funcionario xa que os pasaportes extranxeiros non os len ás máquinas algunhas veces.

    Chegamos en Didi ao hotel Elegant Hotel Xi'an Bell Tower Yongning Gate (115€ dúas noites con almorzo e unhas vistas espectaculares desde a terraza) ao lado da porta sur da muralla en pouco máis de 15 minutos desde a estación de tren. Paseamos pola rúa da caligrafía, subimos á muralla antes de dirixirnos ao norte: torre da campá, torre do tambor, barrio musulmán e mezquita. Ningunha das visitas foi especialmente relevante así que se non queredes pagar as entradas ás torres e á mezquita podedes limitarvos a pasear polo barrio musulmán e pola muralla e probar a hamburguesa de Xi'an e sobre todo os fideos biangbiang.    Read more

  • Alternativa NómadaChinaTraveler

    Jianguomen Comprehensive Market

    September 18 in China ☁️ 20 °C

    Ninguna viaxe sen achegarnos a un mercado local. Este está ao leste da Cidade amurallada, nunha zona soamente habitada por locais. Non hai spots para fotos nin Luckin Coffee pero verás de preto a realidade tranquila dos habitantes de Xi'an na zona menos turísticaRead more

  • Alternativa NómadaChinaTraveler

    Guerreros de terracota de Xi'an

    September 18 in China ☁️ 20 °C

    Outro soño cumplido.

    Fomos en Didi (12 euros e 50 minutos por traxecto) a ver o mausoleo do emperador Qin Shi Huang: os guerreros de terracota (fosos 1, 2 e 3) e os xardíns Liyuan para ver os carros de bronce. Tiñamos entradas para o tramo de 14:30 - 15:30 pero entramos ás 13:30 sen problema. Canto máis tarde entres, menos xente atoparás: arredor das 16:30, despois de visitar os 3 fosos, voltamos ao primeiro e puidemos facer fotos cos guerreiros case a soas.

    Unha vez que chegas á entrada principal, tras pasar o control de acceso, merca un ticket para o carriño eléctrico e aforrarás 2km por 5 yuanes. Despois da visita aos guerreiros de terracota, debes dirixirte á salida e, fronte a estatua do emperador, toma un bus verde gratuito que leva aos xardíns. Alí debes mercar outro ticket para o carro eléctrico que custa 15 yuanes e serve tanto para a ida como para a volta.

    Nós visitamos os xardíns a piques de pechar e soamente tivemos tempo de visitar os carros de bronce. Para unha visita pausada precisarás todo o día e máis se vas en tempada alta. Creo que un bo consello sería visitar primeiro os xardíns e despois dirixirte aos fosos e así evitarás os grupos de turistas... Pero hai que ter a cabeza moi fría para estar alí e non visitar de cabeza aos guerreiros.    Read more

  • Alternativa NómadaChinaTraveler

    Chongqing

    Sep 19–21 in China ☁️ 23 °C

    O tren de Xi'an a Chongqing tarda 5 horas e media e custounos 62€.
    Escollemos Chaotianmen como base en Chongqing deslumbrados polas vistas e a piscina de cristal que o hotel Indition nos ofrecía. Foi unha boa elección (120 euros por noite) porque en contra do agardando, a maioría das visitas que tiñamos pensado, fixémolas á pé. Chongqing foi sorprendentemente a cidade máis camiñable das que visitamos.

    Chatotianmen é a lingua na que conflúen os ríos Yantzé e Jialing. Precisamente a súa posición xeográfica configurou o seu carácter comerciante de textís, que non desapareceu a pesar do turismo (a Raffles City foi construida en 2019) senón que se veu aumentada: é normal ver turistas nacionais e extranxeiros con maletas baleiras que encherán con prendas a custes moi baixos. Tamén é habitual ver aínda aos bangbang, porteadores tradicionais con barras de bambú, dispostos a axudar a quen o precise a cambio dun puñado de yuanes.
    As visitas máis interesantes da zona foron o Templo budista Luohan, algunas edificacións fermosas coma o Centro de artes escénicas, Hongyadong (visitámola de día, pola noite solamente desde a ponte pola masificación), a calle peatonal Jiefanbei (a típica rúa peonil coas mellores marcas do mundo - podes visitar o Monumento pola liberación do pobo), a praza Kuixinglou (chegas pensando que estás a nivel do río e cando te asomas á baranda do fondo, descubres que estás no piso 22), as vistas ao teleférico sobre o Yantzé desde os cafés de Baixanglu ou a aldea tradicional de Shibati.
    Hongyadong, a pesar da frivolidade na que se converteu - un centro comercial gastronómico cheo de xente, ruído e luces led - é unha homenaxe as primeiras construcións de Chongqing, situadas sobre pilotes de madeira, nos acantilados do río.

    As actividades máis chulas foron:
    - O espectáculo de drons. Faise todos os sábados e algún festivo na confluencia dos dous ríos. Nos fomos a velo ao pé do Gran Teatro, ao outro lado do río Jialing que ten a vantaxe de amenizar a espera coa iluminación da parte de Chaotianmen e a ponte Qianmen, que é unha pasada. Ademáis á volta, cruzas a ponte por riba de Hongyadong para poder vela iluminada sen ter que sufrir á multitude. Se non querés ir ata alí, na zona do Raffles City terás visión directa.
    - Chonqin 1949 é un dos espectáculos teatrais máis monumentais e tecnoloxicamente avanzados de China. Non se trata dunha obra de teatro convencional, senón dunha experiencia inmersiva a gran escala deseñada especificamente para reflectir a historia recente da cidade. ​A obra sitúase no outono de 1949, no momento clave da Guerra Civil Chinesa, xusto cando o Exército Popular de Liberación avanzaba para liberar Chongqing e o réxime do Kuomintang (KMT) estaba a punto de colapsar.
    Para acoller este espectáculo construíuse un teatro ex profeso con 5 aneis concéntricos que xiran 360 graos de xeito independente. Os sectores A e B móvense e xiran sincronizados coa acción, facendo que o público se desprace fisicamente a través das diferentes escenas. É unha auténtica pasada así que si podedes, non o perdades. Lendo un poco sobre o espectáculo e co traductor do móbil para as partes narradas seguiredes o fío sen problema. Para chegar, collemos un didi uns 25 minutos (4€). Entradas na sección A VIP - 35€ por persona)

    As visitas menos interesantes son ir mirar o monoraíl entrando na estación de Liziba (non está preto - hai que ir en didi) e o ferry pola confluencia dos ríos (3€) xa que as vistas son as mesmas que desde as orillas    Read more

  • Alternativa NómadaChinaTraveler

    Zhangjiajie - Montaña de Tianmen

    Sep 21–22 in China ☁️ 26 °C

    O traxecto de Chongqing a Zhangjiajie leva 3 horas en tren e custa 33€.

    Dividimos a visita a Zhangjiajie en dous hoteis: unha noite no centro da cidade para visitar a Montaña de Tianmen e as dúas seguintes en Wulingyuan para estar máis preto do Gran Cañón e sobre todo da porta leste do PN Forestal de Zhanjiajie.
    No centro, durmimos no Atour Hotel por 46 € cun xenial almorzo incluido e soamente a 5 minutos andando da estación do teleférico. Tiñamos collidas as entradas tipo A que inclúen a subida longa en teleférico á parte superior da montaña, os 7 tramos de escaleras mecánicas (si... Non estades a ler mal: pódese subir por escadas mecánicas tanto desde a praza ata a base da cova - evitando os 999 escalóns - como da base da cova á parte superior - este segundo tramo é obligatorio facelo por este medio) e o descenso no autobús polas 99 curvas máis o teleférico pequeno. Como están facendo unha megaestación xigantesca, tivemos que facer o mesmo percorrido que as entradas tipo B: teleférico pequeno, bus ata a praza, subir a pé os 999 escalóns e despois as escadas mecánicas ata arriba.
    Total que non vimos nada. Nada máis subir ao teleférico adiviñábase que a visibilidade a 1100 metros ía ser nula... E así foi. Fixemos tempo estampando selos nunhas libretas que mercamos na oficina de Correos, comimos na praza, subimos ata a parte superior e volvemos baixar unhas 3 horas despois pero a cousa ía a peor. Para facer a coña démoslle 25 rmb a un artista que editou unha foto en 3 minutos para que puideramos ver que tal lle quedamos á Porta do Ceo.
    Na parte superior da cova hai un Mcdonalds... E case tres millóns de chinos dando voltas en fila... Non quero pensar o balbordo que teñen que montar os seus guías nun día despexado e de tempada alta...

    Nota: en todos os sitios turísticos hai centos ou miles de excursións grupos locais aos que collen nas súas vilas, pónenlles unha gorra de cor para identifícalos e un audífono e os levan aos monumentos a que se comporten como zombies cada vez que un guía lles di que fagan unha foto. Vímolos na Cidade Prohibida, no Templo do Ceo, nos Guerreiros de Terracota de Xian ou nas zonas máis accesibles do PN Forestal de Zhanjiajie. Polo xeral, setembro é unha moi boa época para visitar China; a pesar das excursións, todos estes sitios están preparados (e perfectamente organizados) para recibir 20 veces máis de público do que atopamos nós.
    En Zhangjiajie tanto na Porta do Ceo como no PN tés que escollera unha franxa dunha hora cando mercas a entrada: no PN son moi estritos e non podes entrar fóra desa franxa, pero na Porta do Ceo si que nos deixaron entrar antes.    Read more

  • Alternativa NómadaChinaTraveler

    Wulingyuan - PN Forestal de Zhangjiajie

    Sep 22–24 in China ☁️ 19 °C

    Madrugamos para trasladarnos a Wulinyuan ao Zhangjiajie Four Seasons Lai · Riverside Resort Hotel (Baofeng Lake Scenic Area) (93€ por dúas noites) e chegar antes das 9 da mañá para que nos dera tempo a realizar todos os plans previstos pero apareceu a choiva... Estivemos a punto e cancelar a visita ao Gran Cañón e a ponte de Cristal pero no hotel dixéronnos que había visibilidade así que arriscamos.

    De Zhangjiajie centro a Wulinyuan hai un trayecto de 45 km e máis de media hora en Didi.

    Na visita ao Gran Cañón, tras cruzar a ponte de cristal máis alta e máis longa do mundo (desde a que podes facer puenting) baixas en ascensor, tirolina ou tobogán ata unha gran praza e despois dun paseo duns 45 minutos e tras un breve paseo en bote pola lagoa chegarás á salida. Podes facer todo o percorrido en menos de 3 horas. Desde o hotel outros 20 minutos en Didi por traxecto.
    Como chovía tanto, nós preferimos facer soamente o tramo da ponte de ida e volta para poder voltar ao hotel a ducharnos antes de entrar de 14 a 15h no PN (o hotel ten servicio de traslado e recollida á porta leste).

    O primeiro día fixemos a Ruta A: desde a porta leste colles un autobús hasta a estación inferior do teleférico da montaña Tianzi, subes no teleférico, outro autobús ata a praza e desde alí descendes camiñando ata o Pabellón Tianzi visitando varios miradouros. A néboa era tan densa que soamente podiamos adivinar algúns pináculos. Desde alí podes baixar camiñando 4 km ata a Ten Mile Natural Gallery. Como chovía de novo, nos desfixemos o camiño e alternando os buses na parte inferior do teleférico conseguimos chegar ata a galería (tras un paseo de 45 minutos que podes facer en tren) para ver por primeira vez e desde abaixo o que nos agardaba ao día seguinte.

    A Ruta B desde a porta leste, comeza cun bus ata o Ascensor Bailong, o elevador exterior máis alto do mundo. As vistas da subida son unha pasada - se podes, intenta entrar de primeiro no ascensor ou agarda ao seguinte para colocarte preto do cristal da parte posterior. Unha vez arriba, collerás un bus para visitar a zona de Yuanjiagie, na que están as famosas montañas que inspiraron a Cameron para crear o universo Avatar. Hai multitude miradouros nesta zona nos que nós puidemos fotografarnos con facilidades e desfrutalos sen aglomeracións a pesar de ser a zona máis masificada. Cando chegues ao Primeira Ponte baixo o ceo terás que buscar o bus que te leve a Wulong Village.

    Nesta zona, Yangiajie (non confundir), atoparás menos xente e un trekking moi exixente ata Tiambo Mansión. Creo que as vistas son impresionantes, e digo "creo" porque a néboa apareceu de novo e únicamente cando chegamos ao mirador, despois de 3 km dunha subida bastante dura. Baixamos e collemos o bus e tras un fermoso tramo de 20 minutos de baixada por escadas de madeira, chegamos ao teleférico de Huangshi Village. Subimos pero ao chegar arriba xa vimos que non había visibilidade algunha así que baixamos de novo no teleférico aforrando a hora e media de paseo ata o mirador. Todas as viaxes en teleférico son alucinantes pasando entre os pináculos e a néboa.

    Ao baixar, outro bus levounos ata a porta sur. Quedaban as dúas horas de paseo polo Golden Whip Stream ata a porta leste pero como as vistas son similares ás da Ten Miles Gallery, decidimos saír e coller o bus transfer entre portas (8rmb).

    A néboa fastidounos unha boa parte do parque pero a sensación que levo é que disfrutamos da mellor. Se tes dous días, podes repetir este percorrido, pero se non tes tempo, con visitar o Gran cañón pola mañá e pola tarde a zona de Yuanjiagie, creo que levas a esencia desta zona do mundo.    Read more

  • Alternativa NómadaChinaTraveler

    Fenghuang

    Sep 24–25 in China ☁️ 24 °C

    Tiñamos pensado ir a Fenghuang en Didi desde Zhangjiajie para facer unha breve parada en Furong (deixando as maletas no centro de visitantes) pero o coche que nos recolleu deixaba bastante que desexar (acostumádevos a subir a coches con cheiro a tabaco porque é inevitable salvo que collades servizos premium) e o condutor quixo pactar un prezo fóra da plataforma polo que cancelamos o servizo e cambiamos de plans. Un novo Didi levounos a estación de tren do centro da cidade e collemos tren directo a Fenghuang por 14€ (50´de traxecto).

    A vila é moi fermosa, importante no pasado como rexión fronteiriza pero que desde o comezo de século decatouse de que o turismo proporciona unha maior fonte de ingresos.
    Pola noite, as luces e os espectáculos de pouca calidade invaden as beiras do río e os seus arredores.

    Durmimos no Sulv Lianhua Hotel por 79€ con moi bo almorzo nunha habitación superior con vistas ao río e balcón. Esta a 10 minutos camiñando polo río da zona de máis ambiente e agradécese enormemente saír do barullo que se monta polas noites na zona de máis lea. Leváronnos de volta a estación de tren de maneira gratuita por unha boa valoración en Trip (aceptei a oferta porque a valoración ía ser boa de todos xeitos).    Read more

  • Alternativa NómadaChinaTraveler

    Pudong

    September 26 in China ⛅ 29 °C

    Chegamos a Shanghai despois dunha longa viaxe en tren bala desde Fenghuang (1500 km en 6 horas e 95€ por persoa). Escollimos un hotel na zona de Pudong, o Grand Soluxe Zhongyou (267 € por 4 noites sen almorzo - custaba 16€ por persoa e día e parecíame excesivo), moi ben situado e cunhas vistas espectaculares desde a cama).

    A mañá do primeiro día pasámola suando pola zona de Lujiazui. A calor e a humidade é agobiante en todo o país desde primeira hora. Subimos á Torre de Shanghai para facernos unha idea da magnitude da maior cidade de China. En vez de pagar os 15€ da entrada, subimos á Libraría Duyoun do piso 52 (gratuita previo rexistro a través do mini programa de Wechat pero debes pagar un café para saír á terraza 5€ - se entras a primeira hora (10.30h) vai primeiro á parte norte xa que desde aí tes vistas á Perla).

    Despois camiñamos polas pasarelas peonís elevadas para evitar o tráfico ata chegar ao pé dun dos edificios máis bonitos que vin na vida a pesar de que o NY Times o declarase coma un gran monstruo fálico de fealdad monumental: a Torre da Perla Oriental, a quinta torre de TV máis alta do mundo formada por cinco esferas unidas por columnas xigantes.

    Para cruzar o Río Huangpu e ver o skyline de fronte desde o Bund podes atravesar un tunel atrapaguiris Cheo de luces led por 6€ ou empregar o ferry local por poucos céntimos. Nos escollemos a segunda opción e as vistas son tan chulas como reconfortante o aire acondicionado do interior. As vistas desde a orilla oeste do río son unha fantasía; recoméndovos pasear o Bund de sur a norte vendo as distintas perspectivas do horizonte de rabuñaceos da outra beira competindo en beleza cos edificios neoclásicos e de tendencia europea.

    Tanto para os ferrys como para empregar o metro, tes que habilitar a tarxeta de transporte público de cada cidade en Alipay. Fichas á entrada é a saída e depende da distancia cobraránche máis ou menos, pero sempre moi pouco (é mellor alternativa ao Didi nesta cidade).    Read more

  • Alternativa NómadaChinaTraveler

    The Bund

    September 26 in China ⛅ 31 °C

    O Bund (Waitán en chinés) de Shanghai é un dos espazos máis animados de Shanghai, unha zona peonil de 2 quilómetros de lonxitude que discorre pola parte oeste do río Huangpu dentro da Antiga concesión internacional. Desde 1860 ata 1930 foi o rico e poderoso centro do asentamento extranxeiros de Shanghai.

    Ademais de ofrecer as mellores panorámicas da "Shanghai futurista", o Bund tamén é famoso polos edificios que o salpican, xa que constitúen un legado do primeiro distrito comercial de Shanghai. A zona foi coñecida como o "Wall Street de Oriente".

    A cantidade de xente que se reúne aquí a diario é sobrenatural, multiplicado por 1000 cando se achega a hora do encendido das luces arredor das 19h xa que neste paseo é desde onde se obteñen as mellores vistas de Pudong, o distrito de negocios onde se atopan os rañaceos.

    Dende o Bund comeza unha das rúas comerciais máis transitadas do mundo, a Nanking Road, 6 km peonís cheas de tendas das marcas máis exclusivas, de centros comerciais, tendas tecnolóxicas, concesionarios de coches eléctricos futuristas, espazos gastronómicos de prezos elevados... A quintaesencia do desfrute consumista elevado á enésima potencia. Nas rúas paralelas podes atopar numerosos restaurantes locais especializados, moitos recoñecidos con Big gourmand pero na propia rúa Nanking hai grandes espazos onde podes ver e probar o 100% das especialidades da zona (aquí non o probamos, pero si en Beijing e creo que foi unha experiencia satisfactoria de bautismo coa cocina chinesa).

    Entre a parte leste e oeste da Nanking Road está o Parque do pobo no que as fins de semana xúntanse centenares de pais e nais con anuncios sobre as bondades das súas fillas e fillos para atoparlles parella porque non está ben visto que estean solteiros cando se achegan aos 30. Os fillos por suposto non saben ou avergónzanse de que os seus pais fagan isto; a diferencia entre xeracións en China é tan grande como as distintas velocidades ás que viven as personas do rural contra aquellas que habitan nos círculos máis céntricos das cidades.

    Entre os grandes edificios do Bund agóchase un garito, o Captain hostel que ten unha terraza na parte superior desde a qué podedes desfrutar dunhas vistas marabillosas tomando unhas cañas. Iso si, a prezo noruego, a partir de 8 euros. Antes de saír á terraza hai un mapamundi con chinchetas dos visitantes do garito clandestino que me pareceu moi curioso (tédelo entre as fotos)    Read more

  • Alternativa NómadaChinaTraveler

    Barco museo de Louis Vuitton

    September 26 in China ☁️ 27 °C

    Atravesamos o parque do pobo cara a parte máis occidental da Nanjin West Road para visitar o museo de LV situado no interior dun edificio con forma de barco realmente espectacular. O percorrido interior e o contido son interesantes incluso para alguén a quen a moda lle interesa pouco facendo un percorrido pola traxectoria e todos os diseños do deseñador. A entrada é gratuita previa reserva na web (déronnos entradas para 1 hora despois).
    Aproveitamos o tempo para visitar xusto en fronte o Starbucks máis grande do mundo, que alberga un sistema xigantesco de tueste do café que podes ver en vivo.    Read more

  • Alternativa NómadaChinaTraveler

    Concesion francesa de Shanghái

    September 27 in China ☁️ 30 °C

    A Concesión Francesa de Shanghái foi un enclave colonial único que deixou unha pegada inesquecible na paisaxe urbana e cultural da cidade desde mediados do XIX. Administrada de xeito autónomo pola potencia gala, esta zona converteuse nun refuxio seguro e nun vibrante centro comercial e cosmopolita durante un período de profunda turbulencia en China.

    Urbanisticamente, diferenciouse polo seu coidadoso deseño inspirado nos bulevares europeos que xunto coas elegantes vivendas de estilo shikumen e as mansións coloniais, crearon unha estética híbrida inconfundible, coñecida localmente como o Fǎzūjiè.

    Máis alá da arquitectura, funcionou como un importante foco intelectual e político, acollendo figuras históricas clave e movementos clandestinos. As súas rúas arboreadas, cafés con terraza e galerías de arte continúan atraendo a visitantes que buscan conectar co pasado bohemio e descansar un pouco da voráxine da cidade. Se ben é certo que non xustifica unha viaxe, convértese nunha pausa necesaria en viaxes tan intensas.

    Agocha paradas interesantes como a Rúa Fuxing, ideal para contemplar as históricas mansións e vivendas shikumen, a animada Wukang Road, famosa polo seu icónico edificio en forma de proa de barco (o Wukang ou Flatiron chinés) ou o edificio que acolleu o Primeiro Congreso Nacional do Partido Comunista Chinés.

    ​Este lugar emblemático, situado na actual Xingye Road, acolleu en xullo de 1921 a reunión secreta na que se fundou oficialmente o partido con delegados de todo o país, incluído un novo Mao Zedong. O complexo foi restaurado meticulosamente e conta cun museo moderno adxunto que documenta os albores da China contemporánea, converténdose nunha visita histórica fundamental para entender a evolución política da cidade. Non fagades coma nós e tede en conta que pecha os luns.    Read more

  • Alternativa NómadaChinaTraveler

    Xardín Yuyuan

    September 27 in China ☁️ 29 °C

    O xardín Yuyuan (Xardín da Felicidade), situado no corazón do casco vello de Shanghai, é unha obra mestra da paisaxística clásica chinesa construída durante a dinastía Ming (no século XVI). Este oasis de tranquilidade destaca polas súas rochas ornamentais, os estanque repletos de carpas, os pavillóns tradicionais con tellados curvados e os delicados muros en forma de dragón que serpentean entre os recunchos.

    ​Arredor do xardín esténdese a Zona Vella ou Bazar de Yuyuan, un bullicioso labirinto de rúas peonís de arquitectura tradicional. Esta área comercial combina a esencia histórica coa vida moderna:

    ​Edificios comerciais tradicionais: Teitos vermellos e estruturas de madeira que hoxe albergan tendas de artesanía, recordos, té e xoiería.

    ​Gastronomía local: punto clave para probar os famosos xiaolongbao.

    ​A Ponte do Nove Curvas: un dos puntos máis emblemáticos, deseñada con xiros en ángulo recto para despistar aos malos espíritos.

    ​É un contraste fascinante onde o bulicio comercial e a tradición milenaria conviven xunto á modernidade vertixinosa de Shanghai.    Read more

  • Alternativa NómadaChinaTraveler

    Praza do século - Pudong

    September 28 in China ☁️ 28 °C

    Praza do Século (Century Square) no extremo da famosa Century Avenue (Shiji Dadao), funciona como un amplo espazo aberto e punto neurálxico que conecta a modernidade urbana coa cultura e o lecer.

    ​A contorna inmediata desta praza e a súa área de influencia albergan algúns dos puntos de interese máis destacados da zona:

    ​Museo de Ciencia e Tecnoloxía de Shanghai: situado xusto á beira da praza, é un enorme e innovador centro interactivo de divulgación científica, cunha estrutura acristalada impresionante e unha gran variedade de salas de exposicións e tecnoloxías aplicadas.

    ​O Museo de Shanghai (Sede Leste): É un dos museos de arte antiga e arqueoloxía máis importantes de China. Esta macro-sede acolle numerosas galerías permanentes adicadas exclusivamente a tesouros nacionais como bronces chineses, cerámicas, esculturas, caligrafía e pintura tradicional, converténdose nun epicentro cultural de primeiro nivel mundial.

    ​A Biblioteca Este de Shanghai (Shanghai Library East): é unha das bibliotecas máis grandes e innovadoras do mundo nun único edificio. Deseñada polo estudo Schmidt Hammer Lassen, a súa fachada de vidro simula un cristal tallado que parece flotar sobre as copas das árbores. Conta con miles de postos de lectura, decenas de espazos temáticos e unha integración perfecta coa natureza circundante.

    ​O Mercado de Falsificacións (AP Plaza): localizado no subsolo, xusto baixo a estación de metro de Shanghai Science and Technology Museum (Liña 2), atópase este coñecido centro comercial subterráneo. É un punto moi frecuentado por visitantes internacionais para adquirir artigos de imitación, roupa, complementos, recordos e electrónica, onde a práctica do regateo é indispensable.

    ​Parque do Século (Century Park): A poucos pasos da praza álcese o parque urbano máis grande de Shanghai, un pulmón verde con extensos lagos, praderías e zonas arboradas ideal para escapar do bulicio da metrópole.

    ​    Read more

  • Alternativa NómadaChinaTraveler

    Chengdú

    September 29 in China ☁️ 24 °C

    A fin da viaxe incluía unha escala en Chengdú que pensamos que sería suficiente para visitar o centro de conservación dos Pandas ou o Buda de Leshan pero os tempos e as distancias desde o aeroporto facían que supuxera un risco.

    Comezamos o día almorzando na zona VIP do aeroporto internacional de pudong convidados por Trip.com ao convertirme en usuario platino. Cómodos sillóns, estupenda cociña, cafés e bebidas fan recomendable agardar aí o avión aínda que teñas que pagar os 16€ da entrada.

    Desde o aeroporto de Chengdú (espectacular) collimos o metro (tamén espectacular) ata a praza Tianfu (tamén espectacular) situada a 60 km (1.3€). Tivemos tempo e forzas para camiñar ata o Panda xigante pola zona comercial de Taikoo Li pero o corpo non daba para máis e volvemos ao aeroporto a descansar a outra zona VIP, esta gratuita se estás en tránsito internacional    Read more

    Trip end
    September 30, 2026