Tyhjennä haku
Südamerika 2022Südamerika 2022
SatelliittiMuokkaa reittiä

Südamerika 2022

marraskuuta - joulukuuta 2022
53-päiväinen seikkaillu — Sarah & Julia Lue lisää
  • 53jalanjäljet
  • 7maat
  • 53päivää
  • 384valokuvat
  • 0videot
  • 32,8kkilometriä
  • 26,3kkilometriä
Seuraa Kalenteri Jaa Toivelista
Päiväys ulos
  • Südamerika 2022
    2
    Päivä 21

    Naturspektakel Bolivien - Tag 3

    27. marraskuuta 2022, Bolivia ⋅ ☀️ 20 °C

    Polques - Copa del Mundo - Camello Petrificado - Ciudad de Piedras - Laguna Negra - Cañón del Cóndor - Julaca - Puerto Chuvica - Hotel de Sal

    Pönktlech zom Sonneufgang semmer am 5i ufgstande ond hend zerst mou 30min ufs zMorge gwartet, well d Chochi auä verschlofe hed.🙄 Gstärcht met Pancakes semmer abfahrbereit gse ond hend nomou 30min gwartet, well d Chochi üses zMettag no hed mösse vorbereite.🤷🏽‍♀️ So semmer met 1h Verspötig los ufne 2.5h Autofahrt zor Ciudad de Piedra. Die Felsformatione send zMetzt im Nirgendwo uftoucht, als hätt si öper det abgstellt. Onder anderem hemmer e Wältcup-Pokal, es Kamel, Aladin-Schueh, u.v.m. gse. 🏆🐫👢 Es hed ou no e chlini Chlättereinheit ufne Fels gä, womer zemli schwindelfrei hed mösse si, deför eschmer met de Ussecht belohnt worde. 🧗
    Aschliessend semmer imene Dörfli bestehend us 2 Hüser go zMettag ässe. Diräkt hender de Verpflegigsstell, semmer zode Laguna Negra gloffe, wo ou de Kondor ide Vulkan-Felse heimisch esch. De Röckwäg esch wie usem Bilderbuech gse: d Lamas hend ufere grüene Wiise hendermne kristallblaue Teich friedlech graset ond üs in Rueh lo föteli mache.🦙🥰
    Ufem Wäg zode Onterkonft semmer ane Nöieröffnig vonere Bar zMetzt im Nirgendwo (Julaca) iglade gse. Met bolivianischem Bier ond Latinomusig, hend alli Touris d Höfte gschwonge ond mer hend sogar no met de iheimische Chend töggelet.💃
    Well de Sonneontergang i Näbel gheit esch, beziehmer diräkt üsi Onterkonft, wo komplett us Salz bestohd: Wänd, Tesch, Stüehl ond sogar s'Bett. 🌫️🧂 Met Speli ond feinem Ässe werd de letscht Obe met de Groppe im Cherzeschiin (Stromusfall) usklonge.🕯️    Lue lisää

    Katso käännös
  • Südamerika 2022
    1
    Päivä 22

    Naturspektakel Bolivien - Tag 4

    28. marraskuuta 2022, Bolivia ⋅ ☀️ 18 °C

    Salar de Uyuni - Isla de Incahuasi - Fotos cómicas en el salar - Patio de las Banderas - figuras de sal - cementerio de trenes

    No bi schönstem Stärnehimmel hemmer üs am Morge am 4ii ufe Wäg döre Salar zode Isla Incahuasi gmacht. ⭐️ Wiit ond breit esch nüüt anders als Salz sechtbar gsii ond mir hend üs im Auto scho bald afo froge, wie ächt üse Guide de Wäg zode Insle weiss - Erfahrigswärt. 🥸 Pönktlich zom Sonneufgang hemmer die chlii Insle erklomme ond hend das Spektakel gnosse. 🌅 Höt gits s' Zmorge för einisch usem Kofferuum vom Jeep, zmetzt ufem Salar - sogar d Vögel hend freud gha am Chueche. 😋 Aschliessend esch s Fotoshooting ufem Programm gstande.📸 För das simmer e halbi Ewigkeit döre ändlosi (10'000km²) Salar de Uyuni gfahre. Mir hend üsi kreativi Odere gfonde ond üs in Regiearbet güebt, damit d Föteli au perfekt wärdet. 🤓 Ufem Salar gits au no es Hotel, verschedensti Figure us Salz ond e Flaggegarte - das hed üs aber weniger interessiert, drom semmer de zögig wiitergfahre. De Abschloss vo üsere 4-Tagestour möchemer noch 1'200km Strecki bim Zogfredhof (Cementerio de trenes). 🚂 Mitemne Rocksack voller Idröck vode atemberaubende Landschafte, de onzählige Tier ond de iiheimische Mönsche verabschedemer üs z Uyuni vo üsere Groppe ond vo üsem Guide em Roman. 🥰Lue lisää

    Katso käännös
  • Südamerika 2022
    Päivä 23

    Uyuni

    29. marraskuuta 2022, Bolivia ⋅ ☀️ 19 °C

    Üse Powernap vo gester esch noni gnueg gsi, drom hemmer höt nochli usgschlofe. 😴 S Zmorge im Hostel esch genial und super fein gsi. Höt send weder diversi Erledigonge agstande:
    Busticket noch San Pedro de Atacama chaufe ✔️
    Chleider wäsche ✔️
    Snacks chaufe ✔️
    Zodem semmer s Städtli Uyuni go uskonschafte met de verschedene Määrtständ, wenige moderne Gebäude näbst de vellne Bachsteihüüser ond üses Buech hemmer au weder mou vöregno. 🤗 Es isch üse letschti Obe in Bolivie darum hemmer üs vorgno üses Bargäld no i Ässe z investiere. E Fläsche Wy, e Vorspiis för e ganzi Familie ond en halbe (leider) Hauptgang spöter, hemmer gmerkt dass üsi Mäge eifach z chlii send för so vell ässe 😂🤦‍♀️ - ond mir hend immer no Gäld vörig gha. 😂 Laufe esch fast scho e Qual gsi, zrogg im Hostel semmer wie zwöi toti Fisch am Tesch ghockt ond hend no de leschti Schlock Wy tronke. 🍷 Ab id Fädere, morn goz früeh wiiter. 🫡    Lue lisää

    Katso käännös
  • Südamerika 2022
    Päivä 24

    Vo Uyuni noch San Pedro de Atacama

    30. marraskuuta 2022, Chile ⋅ ☀️ 24 °C

    Weder mou zor früecher Stond, wod Hönd no Strossekämpf gfüehrt hend, semmer us de Fädere ond am 05:30Uhr ade Bushaltestell parat gstande.🐶 Zom Glöck heds zo üsne gester koufte trochne Brötli no es Tee vom Strosseverkäufer gä.🍵 Mer send zerst chli skeptisch gse, well üse Bus för die nöchste 12.5h ned ganz Semi-Cama wie buechet gse esch, sondern ganz e normale Car. Trotzdem hemmers üs bald bequem gmacht ond send los rechtig chilenischi Gränze.🇨🇱 Det hemmer üse beshär längsti Gränzöbergang gha... noch 2.5h astoh, usstämpfle, Froge beantworte ond Gepäck dörsueche hemmer gmeint ez hemmers gschafft, aber de hends grad no üse Sack voll argentinsche Pesos in 100er Böndeli entdeckt.💵🤷🏽‍♀️ Chorzi Verwerrig, well die Zollbeamti ned so schnell hed chönne omrächne ond chum hed chönne gloube dos das so wenig wärt esch.🫣 Gstärcht metemne Hotdog (completo) eschs wiiter gange ufe räschtlechi Wäg. D Landschaft esch wiiterhin wonderschön gse, ähnlech ond doch ganz anderst: meh Sand ond noch langer Ziit ide Wüesti ou öpe weder chli grüen.🏜️ Acho z San Pedro hemmer no inere Französin in Not gholfe, eres eigete Schloss z knacke ond send de uf d Suechi nochere Onterkonft för die nöchste Täg.👀 Bim drette Hostel ide gliche Stross hemmer denn es Plätzli gfonde.💪🏼 Met allem Bargäld weder ituscht hemmer üs es guets zNacht met Pisco Sour gönnt. 🍸Lue lisää

    Katso käännös
  • Südamerika 2022
    Päivä 25

    San Pedro de Atacama

    1. joulukuuta 2022, Chile ⋅ ☀️ 22 °C

    Usschlofe imne gmüetliche Bett esch rechtig schön gsi.😇 De höttig Tag hemmer ade Erkondig vom schöne Städtli ond de Organisation vo üsne nöchste Täg gwedmet.🤓 Mir hend es omfang- ond uswahlriichs Zmorge i volle Zög gnosse.😋 Aschliessend esches los gange, üs vo Agentur zu Agentur, wo Tör a Tör greit gsii send, vorzarbeite ond Priise z vergliiche.💵 Üsi Absecht esch natürli au no gsi, e Öberblick z verschaffe, damit mir nochhär au chönd de Priis määrte - jo, mir send erfolgrich gsi.💪🏼 Nochdem s meiste planet gsi esch, hemmer üs gstärkt metere Empanada, wo üsi Grössevorstellig definitiv gsprängt hed.🤯 Drom heds au no grad för s Znacht glänget.🥳 I dem Restaurant semmer de grad au no Züge vonere Läbensmittelkontrolle mit Militär-Eskorte worde.🕴️ De Nomittag gniessemer ide Hängematte im Hostel ond lönd üs die wechtige WM-Speli au ned lo entgoo. ☀️Lue lisää

    Katso käännös
  • Südamerika 2022
    Päivä 26

    Mondlandig im Valle de la Luna

    2. joulukuuta 2022, Chile ⋅ ☀️ 22 °C

    Auaa, üsi Setzbeihöcker... 🥴 Noch dene velle Stonde im Outo, bruchemer onbidengt mou weder chli Bewegig.🤙🏼 Üs esch z'Ohre cho, dosmer cha Bike-Toure mache, darom hemmer üs entschede Velos z miete ond e Tour uf eigeni Fust is Valle de la Luna z onternäh.🌔 Wäg de starche Sonne ide Wüesti, esches diräkt am Morge losgange. Icremet met 7 Schechte Sonnecreme ond usgröstet met gnueg Wasser förnes halbs Llama, semmer die 7km asphaltierti Stross bes zom Park-Igang gfahre. 🚲 Nochere chorze Wäginstruktion (alles im einzige Wäg noche💡) hemmer s O.K. becho, rechtig loszlegge. Met es paar Zwöschehalt wäg de Höchi/Steili/hertem Sattel hemmers zom erste Ussechtponkt gschafft, womer e chlini Wanderig öber d Düne ond Mondlandschaft gmacht hend.💪🏼 De Sattel esch denn behälfsmässig no polsteret worde.🥸 Uf de Strecki hemmer no wiiteri Ussechtspönkt bsuecht ond send plötzlech scho am Ändi acho. Zrog esches ide Mettagssonne ufem gliche Wäg gange, zom Glöck heds kei Sonnebrand gä.🤠 Noch 37km ond 300Höhemeter semmer glöcklech ond gschafft weder in San Pedro igfahre.🚲 Pönktlech zom Schwiizer-Match hemmer denn ou üsi hongrige Büch gföllt gha.🇨🇭 Zor Fiir vom Tag heds am Obe e Pisco gä. 🍸Lue lisää

    Katso käännös
  • Südamerika 2022
    Päivä 27

    San Pedro met 2 & 4 Füess

    3. joulukuuta 2022, Chile ⋅ ☀️ 22 °C

    Usgschlofe hemmer gmüetlech zMorge gno ond öberleid wasmer höt wönd mache.🤔 Well mer ned hend welle uf de fuule Huut hocke, hemmer üs entschede ufe Pukará Quitór zloufe.💪🏼 Das esch e chline Högel ide Nöchi vo San Pedro de Atacama, wo früehner d Incas heimisch gse send ond ez e Gedänkstätt för enthaupteti Atacameños esch.🪦 Natürlech semmer genau ide Mettagssonne gloufe, aber förs Panorama hend sech die ca. 3h Wanderig wörklech glohnt.😍 Ufem Röckwäg is Hostel hemmer Empanadas kouft ond nochem spote zMettag üs grad weder ufe Wäg gmacht zom go riite.🐎 Mer send met üsne Rösser (Gregor & Katharina) dör d Wüesti gritte, hend d Ussecht gnosse ond send noch 2h scho zemli müed aber glöcklech weder zrog uf San Pedro cho.🥰 Sälberkochets zNacht, chilenische Wii ond Facetime met de Ruugger am Probeweekend send üsi Obe-Aktivitäte gse.🍷 Morn gods weder sehr früeh us de Fädere.⏲️Lue lisää

    Katso käännös
  • Südamerika 2022
    Päivä 28

    Geysers del Tatio

    4. joulukuuta 2022, Chile ⋅ ⛅ -3 °C

    De Wecker hed üs am morge am 4i usem Schlof gresse.🤯 No im Halbschlof hemmer üsi gfühlte 10 Schechte Chleider montiert, wells uf 4300M.ü.M. Minusgrad agseid gha hed.🥶 Üse Bus hed üs pönktlech abgholt ond es esch losgange rechtig Vulkangägend im Norde vo San Pedro.🌋 Nochemne chorze Powernap semmer scho det gse, so wie velli anderi Reisebüssli ou.🚐🚐🚐 D Stemmig esch sehr mysthisch gse, solang d Sonne no hender de Vulkän versteckt gse esch.🤩 Mer hend üs aber ou gfröit wo si de före cho esch, wells diräkt chli wärmer worde esch ond d Landschaft ganz veränderet usgse hed.🥰 Üse Guide de Felipe hed üs einiges öber die geologische Hendergrönd vode Geysir erklärt.🧐 I allne Rechtige heds brodlet, dampft ond Wasserfontäne gsprötzt.🌪️ Bim 2.Stopp eschs zMorge agseid gse... was förnes Buffet för zmetzt ide Wüesti.🤤 S nöchste Landschafts-Spektakel hed üs de grad nomou de Atem groubt: e farbefrohi Lagune met Vulkän im Hendergrond. Osserdem onzähligi Vogel- ond Flamingo-Arte, Vicuñas, u.v.m.🫶🏼 Zrog im Hostel hemmer zerst mou e Powernap brucht.😴 Aschliessend hemmer de Nommitag met üsne Metbewohner ide Hängematte verbrocht.👩🏼‍🤝‍👩🏻Lue lisää

    Katso käännös
  • Südamerika 2022
    Päivä 29

    Vo San Pedro noch Santiago de Chile

    5. joulukuuta 2022, Chile ⋅ ☀️ 30 °C

    Es esch weder emol Reisetag, dasmol nämmer aber es anders Transportmettel - s Flogzüüg. 🛩 Damit üs au joh die Schwiizer Sackmässer ned ade Gepäckekontrolle abgno wärdet, heissts höt nomol ompacke ond de Rocksack weder ordne.🎒 Nochhär hed sich jede vo üs individuell uf di letschti Tour dörs Städtli begäh ond s eint oder andere ergatteret. 🎲 S Büssli före Transfer a Floghafe z Calama hed üs pönktlich abgholt - zom Glöck send ned mir die öberzählige Passagier gsi, wo weder hend mösse usstiige. 🫡 Ziit am Floghafe hemmer mitem WM-Speli Brasilie gäge Südkorea öberbröckt. ⚽️ Noch 2h Flog semmer in Santiago de Chile glandet. Ned nome de Ort hemmer gwächslet sondern au s Landschaftsbeld hed sich ide Zwöscheziit veränderet. Lang heds onder üs nome Steiwüesti gä, bevors de chorz vor de Stadt immer je grüener worde esch. 🏔🌴 Santiago schiint üs im Verglich zo dem, wo mir üs ide letschte Woche gwöhnt gsi send, sehr modern.🏙 Die schwiizer Bekannte vo de Julia (Lisa, Thomas & Pascale) hend üs i ihrem Huus härzlich in Empfang gno ond die erste Reisebrichte send bimne Glas Wy ond emne chalte Plättli uustuscht worde. 🥰Lue lisää

    Katso käännös
  • Südamerika 2022
    Päivä 30

    Santiago de Chile - Tag 1

    6. joulukuuta 2022, Chile ⋅ ☀️ 30 °C

    Nochem Wäsche ond Wochenändtrip organisiere hemmer üs höt morge met de Metro ufe Wäg is Zentrum gmacht ond als ersts es Kafi gsuecht.☕ Gstärcht hemmer d Moneda agluegt ond die im Ontergschoss liegende Artesanía- ond Konst-Usstellige bsuecht.🏛️ Nochär semmer im Buchgfühl noche dör alli mögleche Strosse im Zentrum gloufe ond hend so scho en Idrock vo dere Grossstadt met >5Mio. Iwohner becho. 🌁 Onzähligi Määrtständ, verschedensti Gröch ond Grüüsch ond Masse vo Lüüt hend de hötigi Tag prägt.👃🏽👂🏽 Das esch noch de ruhige Landschaft grad chli e Kulturschock gse.🤯 Zom chli us de Mängi usecho semmer nochem zMettag ufe Cerro Santa Lucia gloufe, womer e schöne Bleck öber d Stadt gha hend.🔭 De nöchsti Fixponkt esch de Match Schwiiz-Portugal gse, womer inere Bar in Lastarria gluegt hend.🍺 Müed vode Sonne ond allne Idröck semmer hei zos Hodels. Zäme met ehne ond ehrem Bsuech (es chilenischs Päärli) hemmer de Obe bimene schwiizer Raclette verbrocht.🧀Lue lisää

    Katso käännös
  • 2024© FindPenguins
  • Koti
  • Tietoa meistä
  • Blogi
  • Ryhmän seuranta
  • Lehdistö
  • Ehdot
  • Yksityisyys & Cookies
  • Tuki
  • Merkintä
  • Suomalainen