Weltreis

aprile - ottobre 2018

Un’avventura di 175 giorni di Sämy und Martina Leggi altro

225impronte
14paesi
175giorni
1,1kfotografie
0video
65,0kchilometri
53,8kchilometri

Segui Calendario Condividi Lista dei desideri

Data ascendente

Viaggiatore Weltreis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 26 apr 2018, 17:14
- ⛅ 16 °C
- Altitudine: 221 m
- Sud Africa Province of the Western Cape Stellenbosch Franschhoek -33.905, 19.1016733°54’18” S 19°6’6” E
Giorno 8
Spa Day
26 aprile 2018, Sud Africa ⋅ ⛅ 16 °C
Mit churze Underbrüch hets die ganz Nacht und de ganz Tag gschiffet... es het richtig gosse! Uf de Strasse hend sich scho afange Bäch bilde wel sWasser nid guet het chenne abfliesse... somit ideale Tag für en Spa Bsuech :) mer hend eus en Partner-Massage im Leeu Estate Spa gönnt, oder wie de Sämy seit "a taste of heaven". Mer sind vu Chopf bis Fuess verwöhnt worde, mit Peeling, Öl, Cremli, Massage... und alles immer herrlich duftend und in knappe heisse Hösli (Zitat Sämy). Quasi neugebore hemmer das Erlebnis mimne Champagner vorem Kamin mit Blick ufd Wiiberge derfe abrunde. Pünktlich denn isch au dSunne wieder fürecho und so hemmer nu chli chenne durch sAwese spaziergängle.*Leggi altro
Guarda la traduzione
1 mi piace
Viaggiatore Weltreis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 27 apr 2018, 17:23
- ☀️ 20 °C
- Altitudine: 98 m
- Sud Africa Province of the Western Cape Bitou Plettenberg Bay Lookout Rocks -34.05501, 23.3699334°3’18” S 23°22’12” E
Giorno 9
500 km
27 aprile 2018, Sud Africa ⋅ ☀️ 20 °C
Bis etz simmer ja nid grad wit cho, Kapstadt isch immer in Richwiiti gsi... darum simmer hüt mal chli wiiter gfahre und hend stolzi 500km hinder eus bracht. Zerscht über de Franschhoek Pass, da chunnt mer zunere Hochebene mit fascht leere Stauseeä... die Seeä wäred s Wasserreservoir für Kapstadt. Obwohls in de letschte Täg so vil gregnet het, sind nach wie vor zimli leer. Dernach simmer wiiter, die halb Garden Route entlang bis uf Plettenberg Bay. D Landschafte ufem Weg da ane sind sehr abwechsligsrich, vu trochne Steppe, waldige Hügel bis fascht scho Kanada-style Lagune. D Strasse sind tiptop zwäg und de Vercher isch sehr ordentlich: langsami Autos und LKWs wiiched jewils uf de breit Pannestreife us, damit mer sicher cha überhole... jedes Auto dankt denn au ganz höflich mit Liechtsignal. Da in Plettenberg Bay hemmer es härzigs Hostel gfunde, da zahlemer grad mal 38CHF für es Doppelzimmer! so chemmer chli spare zum eus die eher türe Game Lodges chenne leiste :)Leggi altro
Guarda la traduzione
1 mi piace
Viaggiatore Weltreis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 28 apr 2018, 17:08
- ⛅ 18 °C
- Altitudine: 319 m
- Sud Africa Province of the Western Cape Knysna Bibby’s Hoek -33.92667, 22.9566733°55’36” S 22°57’24” E
Giorno 10
Green Africa
28 aprile 2018, Sud Africa ⋅ ⛅ 18 °C
Geschter Abig hemmer bimne Bier de Peter kenneglernt, en waschechte Südafrikaner wo chli usgseht wie de Jorah vu Game of Thrones. Er het scho in Ägypte Schiff baut, im Atlantik nach Wrack gsuecht, nach 30 wilde Jahr ischer zimli gezeichnet vum Lebe, wohnt ufere Farm und macht jetzt Glegeheitsjobs in Plett. Mer hend sehr interessanti Gspräch gha, über Apartheid, Trump und Artificial Intelligence - immer gspickt mit Tequila Shots :)
Hüt Morge hemmer de Peter numal troffe und sind mit sim 30 jährige Toyota an Harkerville Market ga zmörgele und hend na Rege-bedingt chli gfuulenzt. Später hets wieder ufgrisse, de simmer in Goudveld Forest ga spaziergängle. Südafrika isch da wahnsinnig grüen, unglaublich!
Etz simmer zrugg im Hostel und hend grad de Laurent kenneglernt. En Franzos, wo mal en Back-Wettbewerb gwunne het (obwohl er bache hasst) und dank dem uf Lausanne and Hotelfachschuel het chenne... und etz machter exzellenti Steaks imene Hostel in Plett. :o Geschichten, die das Leben schreibt!*Leggi altro
Guarda la traduzione
0 mi piace
Viaggiatore Weltreis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 29 apr 2018, 15:18
- ⛅ 19 °C
- Altitudine: 32 m
- Sud Africa Province of the Western Cape Bitou Vyekraal Sandbaai -34.105, 23.3916734°6’18” S 23°23’30” E
Giorno 11
Robberg alias Seal City Pt.1
29 aprile 2018, Sud Africa ⋅ ⛅ 19 °C
Bi strahlendem Sunneschin simmer hüt wieder mal chli länger ga wandere. Grad nebed Plett isch d Halbinsle Robberg, wos en mehrstündige Trail de Küste deruf und derab git. Uf dr Festland-siite hets en ganzi Kolonie an Robbe, mer ghörts und schmöckts scho vu wiitem. Sie liged so dicht binenand asmer de Fels fascht nüm gseht und striited mängisch luutstrarch. De Sämy het druf abe Robberg in Seal City umbenennt :) am Mittag hemmer am üsserste Spitz picknicked und junge Robbe bim spile in de Welle chenne zueluege, wie Delfine sinds immer wieder us de Welle gsprunge und de Sämy het grad d Surflust packt :) d Siite vum Indische Ozean isch wilder, mit höche Felsklippe und idrückliche Wellegäng. I dr Bucht vor Plett heigs offebar es paar Great Whites, doch leider hemmer keine zgseh becho.
Etz entspanned mer ufere Sunneterrasse bi Bier und Cider und lend de Tag gmüetlich la usklinge :)*Leggi altro
Guarda la traduzione
0 mi piace
Viaggiatore Weltreis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 29 apr 2018, 17:17
- ☀️ 17 °C
- Altitudine: 22 m
- Sud Africa Province of the Western Cape Suidoosbank -34.10933, 23.4015834°6’34” S 23°24’6” E
Giorno 11
Robberg alias Seal City Pt.2
29 aprile 2018, Sud Africa ⋅ ☀️ 17 °C
Viaggiatore 2018 im Sand und zwei strahlende Gsichter. En gluneni Foti !!
29/04/18Risposta
0 mi piace
Viaggiatore Weltreis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 30 apr 2018, 16:47
- ☀️ 17 °C
- Altitudine: 200 m
- Sud Africa Province of the Western Cape Bitou Harkerville Bosrivier -34.03833, 23.2734°2’18” S 23°16’12” E
Giorno 12
Elephant Sanctuary
30 aprile 2018, Sud Africa ⋅ ☀️ 17 °C
De hütig Tag het nid ideal agfange. Nachdem mer geschter Abig de erscht Reisestriit gha hend, wel mer eus nid uf en Route für die negschte paar Täg hend chenne einige, isch d Martina hüt morge miteme Hexeschuss im Schultere/Nacke Bereich ufgwacht... zimli schmerzhafti Aglegeheit und nid optimal für grossi Plän :( somit hemmers gmüetlich gno, mit spatem Zmorge am Meer und döse a dr Sunne. Ufem Rückweg vu Knysna simmer in Elephant Sanctuary, en private Park wo sie verletzti und Waise Elefante ufnehmed und ufpäppeled. Mer hend sie chenne füettere und sind nu mit ihne in Sunneundergang gloffe :) au Zebras hets im Park gha, offebar lebed sie au in freier Wildbahn zämä, beschützed und underhaltet sich gegesiitig.
Fun Fact: Elefante essed pro Tag 200kg (sie sind eigentlich nur am esse, laufe und schlafe) und trinked bis zu 150lt. Nebedem Mage hend sie nu es Wasserreservoir, d.h. wenn sie mal länger ohni Wasser mend uscho chend sie das fülle und trinked resp. chüeled sich denn mit dem Wasser ab. Unglaublichi Tier!Leggi altro
Guarda la traduzione
Viaggiatore Säm kei nadle mitgno?? 😅😅
30/04/18Risposta
Viaggiatore Walking with elephants - very impressive!!
01/05/18Risposta
Viaggiatore Paar mal probiert mit miner nadla ste :-)
01/05/18Risposta
2 altri commenti
0 mi piace
Viaggiatore Weltreis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 1 mag 2018, 13:10
- ☀️ 25 °C
- Altitudine: 307 m
- Sud Africa Eastern Cape Kou-Kamma Sanddrif -33.965, 24.0233°57’54” S 24°1’12” E
Giorno 13
Striptease River Trail
1 maggio 2018, Sud Africa ⋅ ☀️ 25 °C
Dank Wärmepflaster, Schmerzmittel und Sämys Physio-Sohn-Händ isch de Martina ihre Hexeschuss scho zimli abklunge. Merci Säm :*
Hüt hemmer en stahlend schöne Summertag mit fascht 30 Grad gha, somit hemmer denkt machemer en schattigi Wald-Wanderig. Im Tsitsikamma National Park gits en Striptease River Trail, wohl so gnennt wel de Weg an 11 Badepools verbifüehrt. Die Pools hend zimli eindütigi Näme: Honeymoon Pool, Bikini Pool, Topless Pool, Boobs Pool etc. und nei, das sind nid vum Sämy vergebni Näme :) s Wasser in dene Pools isch wie scho in de Skeleton Gorge in Kapstadt rot verfärbt gsi (wege de Vegetation im Izugsgebiet) aber offebar isches sehr reins Wasser, womer au direkt so vum Bach chennti trinke. De Trail isch sehr interessant und scho teilwis nu aspruchsvoll gsi, über Stock und Stei, durch Gebüsch, Farne und anderene Dornegwächs. De Trail isch teilwis so zuegwachse gsi, asmer gar nüm recht gwüsst hend, wo mer selled laufe... En Teil vu dr Strecki lauft mer au im Flussbett und hüpft vu Stei zu Stei s Tal deruf.
Wels hüt so schön warm isch gsi hemmer eus au in zwei vu de iischalte Pools gwagt... Wer hätti dänkt as euse erschti Wasser-Badekontakt in Südafrika nid öppe im Ozean si würd, sondern imene rote Gebirgsbach :)
Hüt übernachtemer nu im Tsitsikamma NP, inere richtige Holzfäller-Blockhütte. Mer ghört d Brandig tose und im Resti gilts früschi Austere für 1CHF/Stk... am Sämy sis Paradies :) Föteli folged morn bi Tagesliecht.*Leggi altro
Guarda la traduzione
0 mi piace
Viaggiatore Weltreis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 2 mag 2018, 15:28
- 🌬 19 °C
- Altitudine: 171 m
- Sud Africa Eastern Cape Nelson Mandela Bay Hunter's Retreat -33.98333, 25.4566733°58’60” S 25°27’24” E
Giorno 14
Full Throttle Pt.1
2 maggio 2018, Sud Africa ⋅ 🌬 19 °C
Im Tsitsikamma NP gaht mer offebar ga schlafe wenns dunkel wird, somit sind mer hüt scho relativ früeh uf gsi. Dementsprechend hemmer hüt au vil ufem Programm gha: zerscht de Storms River Mouth Hike (en churzi Wanderig zumene Lookout im Tsitsikamma) und denn Ziplining über Wasserfäll, mit bis zu 211m Talüberquerig. Vumene andere Pärli det hemmer denn de Gheimtipp becho, in Kragga Kamma Game Park zga. Churz nach de 3 simmer det acho und hend eigentlich nid bsunders vil erwartet...doch scho nach 20m im Park hemmer die erschte Zebras, Antilope und Strüss gseh. Bizli wiiter sind nu Giraffe, Büffel und Wildsäü derzue cho. Die grösst Überraschig isch aber es Rhinozeros mit Baby gsi, das het hinder enere Kurve grad so uf üs gwartet... nid emal 10m vum Auto entfernt! Da hemmer scho grad zimli Respekt gha und hend die Familie nid lang welle störe... doch scho gli hemmer gmerkt, as die Tier sich offebar durch es paar Mänschli im Auto nid lend la beidrucke... d Zebras und Wildsäü sind eus regelrecht im Weg gstande und hend gar nid vu dr Strass drab welle... und das ganze Erlebnis het grad mal 90 Rand, also 7.30 CHF pro Person choschtet :o etz mend aber die türe Private Reserve und Krüger NP was zbiete ha! Zum Tagesabschluss simmer nu uf Addo gfahre, morn gahts in Addo Elephant Park :)Leggi altro
Guarda la traduzione
0 mi piace
Viaggiatore Weltreis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 2 mag 2018, 16:21
- 🌬 18 °C
- Altitudine: 133 m
- Sud Africa Eastern Cape Nelson Mandela Bay Hunter's Retreat -33.98667, 25.4583333°59’12” S 25°27’30” E
Giorno 14
Full Throttle Pt.2
2 maggio 2018, Sud Africa ⋅ 🌬 18 °C
0 mi piace
Viaggiatore Weltreis
- Mostra viaggio
- Aggiungi alla lista dei desideriRimuovi dalla lista dei desideri
- Condividi
- 3 mag 2018, 14:39
- ⛅ 16 °C
- Altitudine: 310 m
- Sud Africa Eastern Cape Addo Heights -33.57, 25.80533°34’12” S 25°48’18” E
Giorno 15
Addo Elephant National Park
3 maggio 2018, Sud Africa ⋅ ⛅ 16 °C
Hüt simmer als Jäger underwegs gsi, bewaffnet mit Landcharte, Feldstecher und Handy (alias Fotoapparat). De Addo Elephant National Park isch um es Vielfaches grösser als de gestrig Kragga Kamma NP, sehr dicht bewachse und rise Distanze zwüsche de Strasse... somit hemmer bezwiiflet, hüt wildi Tier us dr Nöchi z gseh. Doch scho bald hemmer gmerkt as de NP nid umsuscht Elephant NP heisst, mer hend mehreri Begegnige mit Elefante Herde gha, teilwis nur paar Meter vum Auto entfernt bimene Wasserloch! Wie scho geschter sind die Tier völlig unbeidruckt vu eus gsi, ganz im Gegesatz zu eus vor ihne :) hüt hemmer au glernt, as Elefante nid nur mim Rüssel trompete chend, sondern au tüf grummlet und so sehr ähnlich wienen Leu töned! Sie gsehnd vermuetlich härziger und tapsiger us als sie effektiv sind... uf jede Fall en fantastische Tag gha, hend eus schön chenne Zit la und eus strikt ad Vorschrift ghalte, kei Fuess usem Auto zsetze.
Nebed Elefante hemmer nu Herde an Büffel, Antilope, Kunus, Zebras und vili Wildsäü Familiene gseh - so vil, asmer am Schluss nüm extra für sie halted hend...
En Schakal hemmer au chenne entdecke, aber bisher hemmer nu kei grossi Chatze gseh - hoffentlich denn in de negschte Täg in dr Amakhala Game Reserve.
Etz entspannemer eusi müede Auge und duregschüttelte Glieder und fiired euse dritt Jahrestag :)Leggi altro
Guarda la traduzione
0 mi piace