Reset search
Costa RicaCosta Rica
SatelliteEdit route

Costa Rica

January - May 2023
A 133-day adventure by Riccarda Read more
  • 49footprints
  • 3countries
  • 133days
  • 369photos
  • 60videos
  • 16.0kkilometers
  • 14.9kkilometers
Follow Calendar Share Bucket list
Date ascending
  • TravelerCosta Rica
    Day 13

    E gmüetleche Tag im Hotel

    January 18, 2023 in Costa Rica ⋅ ⛅ 27 °C

    Höt hani e gnüetleche Tag mehrheitlech im Hostel gha. Am Morge beni am 6i ufgstande ond als ersts e Halbstond i Wald (ech glaube es esch Rägewald). Ech ha ghofft dass so früeh am Morge e chli meh Tier wach send ond ech sie gseh. Leider hani aber ned so vell Glöck gha. Aber es hed trotzdem sehr guet do. Ech gniesse de Wald do rechtig. Es hed ganz vell verschednigi Pflanze ond öberall ghört mer d Tier. Am sebni hani de e Yoga Stond gha. Es ged i dem Hostel a de meiste Täg am Morge am 7i ond am Obe am 6i e Lektion. D Stond hed im ne Pavillon zmetzt im Wald. Es hed rechtig guet do de Tag so ruhig ond i dere Atmosphäre z starte. Nochem Zmorge hani de es paar Stond gschaffed. Ech mache emmer no es paar Sache för s Praktikum z Schwede fertig ond ha au no soscht es paar To Dos gha. Am Nomi hani eigentli welle ane Strand laufe. Ufem Weg hätti aber dor e Barriere mösse woni zemlech secher ned hät döffe. Drom hani omkehrt ond be stattdesse nomol i Wald. Ond das hed sech glohnt. Ech ha ganz lang ond vo zemlech nöch chönne i es paar Äffli zueluege. Leider hani aber d Kamera ned debi gha ond ha nor metem Handy chönne fötele. Zom Znacht hani nomol is Restaurant vom Hostel welle wels am erste Tag so guet gsi esch. Das woni das mol bstellt ha esch chli weniger guet (ond vorallem chli scharf) gsi.Read more

    See translation
  • TravelerCosta Rica
    Day 14

    Witer uf Jaco

    January 19, 2023 in Costa Rica ⋅ ⛅ 28 °C

    Höt eschs scho weder Ziit zom witerreise. Bevor ech mini Koffere aber ganz packt ha beni nomol ine Yogastond gange. Das mol esch sie chli asprochsvoller gsi ond es werd definitiv Moskelkater gäh, aber es hed au guet do. Ond ech ha wäred de Stond blaui Morphoschmätterling gseh. Das esch eini vo de grösste Schmetterling Arte wos ged. Nochem Yoga hani Zmorge gässe, mini Sache packt ond uschecked. Weli aber no es paar Stond Ziit gha ha beni nomol i Wald henderem Hostel. Das mol hani weniger Glöck gha met Tier gseh, aber ech has au so gnosse. De hani im Hostel Restaurant no es Kaffi gno ond chli recherchiert wasi am neue Ort, z Jaco, alles wet gseh. Z Jaco treffi die erste zwöi vo mine Kollege. D Busfahrt uf Jaco esch tiptop gloffe ond ech be fast glichziitig wie de Philip acho. Bim ichecke is Hotel hemmer e chli es komischs Gfühl gha wie seriös das Hotel esch. Aber s Zimmer wo mer hend passt super för eus. Als ersts semmer de a Strand. Es esch öpe füfi gsi ond d Sonne esch langsam abegange. Es esch rechtig schöni Feriestemmig gsi. Glichziitig hemmer no metem Saad chli metzettered öb ers ufe Bus uf Jaco schafft. Er esch erst grad z San José glandet ond de Flog hed verpspötig gha. Schlossendli heds aber grad no glänged. Währeddem mer uf ehn gwarted hend semmer öpis go Znacht esse ond öpis Chlises förs Zmorge morn go poste. Aber mer send de alli Froh gsi wo er acho esch ond mer hend chönne go schlofe.Read more

    See translation
  • TravelerCosta Rica
    Day 15

    Eusi Täg z Jaco

    January 20, 2023 in Costa Rica ⋅ ☀️ 28 °C

    Die letzte paar Täg semmer z Jaco gsi. Jaco esch es chlises Städtli ade Westküste ond ech glaub es esch au chli als Party Ort bekannt. Woni zerst acho be hani ned so es guets Gfühl gha. Alles hed ned so schön ond sehr touristisch gwerkt. Met de Ziit heds mer de aber doch chli meh gfalle. Vor allem de Strand esch wonderschön. Er esch recht lang, öpe 2km, ond direkt gege Weste grechtet. Das heisst am Obe hemmer emmer wonderschöni Sonneontergäng chönne luege. Dore Tag esch es mega heiss worde. Drom hed eusi Tagesroutine eigentli jede Tag e zwöistöndigi Mettagspause im klimstisierte Hotelzimmer beinhaltet. Meistens semmer am Morge zerst a Strand, de öpis go Zmittag ässe ond de öpe am vieri weder a Strand före Sonneontergang. S Meer esch super gsi zom bade. Schön warm ond e chli wellig. Am einte Tag send d Welle aber au chli stärcher worde ond de hemmet scho chli müesse ufpasse dass sie eus ned zfest metrissed. Ond am einte Tag hani au mini erst Begägnig metere Qualle gha. Sie hed mi am Arm ond Fuess verwötscht, aber es esch zom Glöck ned so e grossi gsi ond es hed nor am Afang chli brönnt. Gässe hemmer es paar mol i ganz traditionelle Restaurants. De Vorteil dass euses Hotel chli witer wäg vom Strand gsi esch esch gsi dases lokali Restaurants ganz ide nöchi gha hed. Es hed au e chline Frochtlade gha. Det hani mer m Morge amig e Smoothie gholt.Read more

    See translation
  • TravelerCosta Rica
    Day 16

    Carara Nationalpark

    January 21, 2023 in Costa Rica ⋅ ☀️ 29 °C

    Wels ide Nöchi en Nationalpark gha hed hemmer einisch au e Tagesusflog det he gmacht. Es esch de Carara Nationalpark gsi ond es hed weder e eifache Wanderweg döre Rägewald gha. Ufem Weg hemmer zwöi wonderschöni Aras gseh (das send die rote Papageie wo Pirate amig uf de Scholtere hend). Ond henter eus esch e grossi Senioregroppe Schwizer gsi :). Nochem Nationalpark semmer no zo de Krokodil Brogg wo ide nöchi gsi esch. Ech ha ned so vell erwartet, aber mer hend tatsächlech ganz vell Krokis gseh. Vor allem wenn sie sech bewegt hend eschs scho no iidröcklech gsi die ide Wildnis z gseh. Ond d Brogg esch gnueg höch gsi zom ned es mulmigs Gfühl z becho.Read more

    See translation
  • TravelerCosta Rica
    Day 18

    Einisch quer dor Costa Rica

    January 23, 2023 in Costa Rica ⋅ ⛅ 28 °C

    Höt esches wiiter wiiter gange öber San José uf Puerto Viejo de Talamanca ade Karibik Küste. Am Morge am nüni esch euse erst Bus gfahre. D Fahrt wo eigentli 2 Stond hät selle dure hed wegem Verkehr öpe 3.5 dured. Aber mer hend zom Glöck gnueg Ziit iplaned zom Omstige z San José. Wo mer acho send hemmer müesse de Busbahnhof wächsle. D Büs do send vo verschednige Firmene ond jedi Firma hed ere eigeti Bahnhof ergendwo ide Stadt. Euse esch zom Glöck grad ide Nöchi gsi, aber mer chönnt au Päch ha ond zerst dor die ganz Stadt müesse laufe. Ufem Weg hemmer die agnähmere Temperature gnosse. Z San José esches dütlech chüeler als z Jaco (aber emmer no warm). Am neue Bahnhof hemmer de als ersts welle d Tickets am Schalter chaufe. De Verkäufer esch aber grad ide Mittagspause gsi. Drom han ech gseid ech warte ond desi send go erkonde wo mer chönnted Zmittag ässe. Ech wär zvorderst ide Schlange gsi aber wo de Schalter ufdo hed hani gseh das mer ned cha met Karte zahle. Natürli hani ned gnueg Bargäld för alli Tickets gha ond ha mi uf d Siite gstellt. No bevor desi zrog cho send send de aber alli Tickets för de Bus wo mer hend welle näh usverkauft gsi. Es esch scho chli blöd gsi, aber zom Glöck heds am 4i (2 Stond spöter) nomol e Bus gha. Währedem warte send de d Marie ond d Isabel no zo eus gstosse. Sie send vor zwöi Täg z Costa Rica acho ond send jetzt no z San José gsi. Jetzt semmer aber alli zäme wiiter. Währedem warte hemmer imne Soda (das send die traditionelle/lokale Restaurants do) Zmittag gässe ond enand chli verzellt was mer bisher scho erläbt hend. D Ziit esch schnell verbi gange ond scho gli hemmer i euse Bus chönne. De Bus esch super agnähm gsi ond hed sogar e Klimaalag gha. De ersti Teil vo de Fahrt esch super schön gsi. Mer send dör Bärge ond Hügel wo voll met Rägewald send gfahre. Ech has rechtig gnosse chli usem Fenster z luege. Denn esches aber scho gli donkel worde ond mer hend alli chli gschlofe oder Musig glosst. Die ganz Fahrt hed öpe 5 Stond dured. Acho in Puerto Viejo hemmer es Taxi welle näh zo eusem AirBnB. Z Fuess wärs öpe e Halbstond ade Hauptstross entlang gange. Im Donkle wär das chli gförlech gsi. Es hed aber kei Taxis sondern nor TukTuks gäh. Det esch min Koffer e dütleche Nochteil gsi. Desi hend aber zom Glöck alli nor e Rocksack ond so hemmer doch ergendwie uf die TukTuks passed. Es esch e chli e Challenge gsi euses Hüsli z gfende, aber onterwegs hemmer sogar es Fuultier gseh ond wo mer entli acho send hend e rechtig, rechtig positivi Öberraschig gwarted. Euses Hüsli esch onglaublech schön. Es esch fast alles komplett verosse ond nor öberdacht. Zode Zimmer heds Schiebetöre, aber au die verschliessed ned ganz. Es hed e grosse Stobebereich ond e grossi, schöni Chochi. Sogar s Bad hed gäge use nor Vorhäng ond kei rechtigi Wänd. Mer fühled eus also rechtig ide Natur do. Hiterem Hus heds es chlises Gärtli ond det hemmer au scho Tier gseh. Alles i allem gods eus aso rechtig guet do :)
    PS: Föteli hani höt leider keini gmacht..    Read more

    See translation
  • TravelerCosta Rica
    Day 25

    Euse ersti Schueltag

    January 30, 2023 in Costa Rica ⋅ ⛅ 25 °C

    Höt hemmer euse ersti Schueltag a de Universidad Nacional de Costa Rica gha. S Programm hed offiziell am 9:30 agfange. Wel mer ned genau gwösst hend wie lang mer metem Taxi det he hend semmer gnueg gli gange ond hend de no öpe e halb Stond Ziit gha zom de Campus chli aluege. Die Fakultät wo mer ez dezueghöred esch ned am Hauptstandort vo de Uni drom esch de Campus ned so gross gsi. Es hed aber trotzdem mehreri Gebäude, es Wohnhus, en Cafeteria, es Fitness Center ond sogar e lange Pool (wo mer aber ned döfid bruche). Eusi ersti Stond esch e chlini Ifüerig vom International Office gsi. E Mitarbeiteri hed eus e chlini Iifüerig zo Costa Rica gäh ond eus die wechtigste Infos gäh wo mer bruched. Zwöschedöre semmer alli chli is chalte Wasser grüert worde, wel es esch ned emmer so eifach gsi z verstoh was sie verzellt (alles uf spanisch..). Aber ech glaub mer hend eus ned schlächt gschlage. Am Mittag hemmer zäme met zwöi Professore ond 4 Studente usem Partner Programm do gässe. Bevor mer hend döffe ässe hemmer aber alli eus müesse vorstelle ond e chli öpis dröber verzelle was mer z Costa Rica gärn wetted mache. Au uf spanisch. Aber ech glaube alli hend ongefähr verstande wasi ha welle säge ;). Nochem Ässe hemmer e chlini Füehrig dör die zwöi Hauptgebäude becho. Ufem Wäg hemmer bi jedem Büro halt gmacht ond eus öperem vorgstellt. Es send chli vell Näme gsi om sech z merke wer das alles gsi esch, aber es esch au no schön gsi z gseh dass do alli Freud hend das mer do send. Noch de Tour semmer nomol i Vorläsigsrum ond hend d Agenda för die nöchste paar Woche agluegt. Mer hend ez zwöi Woche fast jede Tag am Morge ond am Nomi e Vorläsig a de Uni. I de drette Woche hemmer kei Vorläsig meh aber send no bis am Donnstig done. Denn gömmer de wiiter uf Hojancha wo mer nocher au bis Endi April send. Öpe am 15:00 hemmer Fürobe gha. Es esch zwor e relativ chorze Tag gsi, aber wel mer so vell uf spanisch gsi esch esches doch en asträngende Tag gsi. Wel mer alli no es paar anderi Sache ztue gha hend semmer vorem Heigoh no ines Kaffi im Zentrum vo Heredia gange. Det hemmer alli no chli a eusne eigete Sache wiitergschaffed bevor mer de hei send ond eus rechtig feini Wraps zom Znacht gmacht hend. Jetzt esch grad chorz vor 10i ond mer send alli scho fast oder ganz im Bett. Aber das esch au guet so wel morn werds secher au weder sträng.Read more

    See translation
  • TravelerCosta Rica
    Day 26

    De Alltag hed agfange

    January 31, 2023 in Costa Rica

    Höt semmer de ganz Tag ide Uni gsi. Obwohl die erst Vorläsig erst am 9.30 agfange hed semmer scho vell gliiner los wel mer höt de Bus gno hend. Do mues met emmer gnueg Ziit för de Bus iiplane wel mer ned ganz secher cha sii wenn daser tatsächli chond. Höt esches guet gsi das met gnueg früeh gange send wel mer hend öpe e Halbstond müesse warte. Woner de aber cho esch esch alles tiptop gange ond mer send trotzdem no zfrüeh ade Uni gsi. Höt hemmet de ersti typischi Schueltag a de Uni gha. Das heisst mer hend am Vormittag ond am Nomittag je ei Vorläsig. D Vorläsige send emmer vo anderne Professore wo eus e Iibleck i eres Forschigsfeld gänd. Dör das hemmer e chli meh Idee was genau mer chönd mache för d Masterarbet ond wer eus debi vellecht chönnt helfe wenn mer Froge hend. Förs Zmettag semmer is chline Soda (es traditionells Restaurant z Costa Rica) ufem Campus gange. Mer send zäme ghocked met es paar vo eusne Professore ond hend weder chli chönne euses spanisch üebe. Es esch no cool dass do alli Verständnis hend dass mers noni so guet chönd aber sie trotzdem ned uf änglisch wechsled. So chömmer alli vell meh dezue lehre. D Vorläsig am Nomi hani recht asträngend gfonde. Obwohls jo nor es paar Stond am Tag send wo mer aktiv ide Uni müend sii esches met de neue Sproch scho gnueg sträng. Noch de Vorläsig semmer no onerwarted binere chline Geburtstagsparty debi gsi. S Team vo eusere Fakultät fiired anschinend emmer Endi Monet d Gebortstäg vo dene wo i dem Monet Gebortstag gha hend. Ech has härzig gfonde dass sie emmer zäme fiired aber ech mues zuegäh dasi vom Chueche do weniger Fan be.. Vorem Heigo hemmer eigentli no welle go schwimme. Öpe 20 Minute z Fuess vom Airbnb heds es chlises Freibad. Wo mer det aber acho send hends eus gseid dases onter de Woche emmer nor vo 11-13 offe hed. Drom semmer de halt doch direkt hei ond hend Znacht gässe. Euse normali Rhythmus esch öpe am 10i is Bett ond de zwösche 6i ond 7i ufstoh. Höt aber ned. D Studentinne ond Studente wo mer gester kenne glehrt hend hend eus gfrogt öb mer met ehne wetted öpis go trenke noch erere Vorläsig. Drom hemmer eus met ehne am 10i z San José troffe (öpe 30min vo eusem Airbnb). Obwohls chli spot gsi esch beni trotzdem froh das mer gange send. Es esch cool do au es paar Lüt kenne z lehre ond chli meh öber sie z erfahre. Die meiste send ursprönglech vo anderne Länder in Latinamerika, drom hends ganz vell neus z lehre gäh. Wos de aber gheisse hed das d Bar gli zuetued beni ned so trurig gsi ond mer hend üs ufe Heiweg gmacht.Read more

    See translation
  • TravelerCosta Rica
    Day 27

    E wiitere Tag a de Uni

    February 1, 2023 in Costa Rica ⋅ ☀️ 24 °C

    Au höt hemmer weder zwöi Lektione a de Uni gha. Bevors los ad Uni gange esch hani aber no es online Meeting met mim Betreuer för d Masterarbet vo Lund gha. Es esch es relativ chorzes Meeting gsi wel ech gar noni so weiss was ech ide Arbet wet mache. Mängisch eschs chli schwerig wel ech ha s Gfühl alli andere hend scho e Plan was sie wie wennd mache ond ech be mis Thema no sehr vell am wächsle. Die erst Lektion a de Uni höt Morge hed das aber e chli gänderet. D Professorin hed eus öpis präsentiert wo mech mega interessiert hed ond ech ha sie gfrogt öb ech die oder nöchst Woche nomol daf be ere verbi cho zom bespräche was es guets Thema i dem Bereich chönnt si. Öbere Mettag hemmer e sehr langi Pause vom 11i bis am 3 gha. Die Ziit hani gnötzt zom entli mol lang ufgschobni To Dos z erledige. Es hed sech rechtig guet agfühlt det emol es Höggeli dehender z setze. Noch dere zwöite Vorläsig semmer de metem Bus hei. Es esch scho onglaublech wie vell Verkehr s do hed währed de Rushhour.. Aber ergendwenn hemmers de doch hei gschafft ond hend e gmüetleche Obe dehei gha.Read more

    See translation
  • TravelerCosta Rica
    Day 28

    E freie Tag

    February 2, 2023 in Costa Rica ⋅ ☀️ 22 °C

    Höt hemmer frei gha. De grösst Teil vom Tag semmer dehei gsi. Ech ha ruhig es paar To Dos erlediget ond d Ziit au gnötzt zom eifach elei chli öpis z mache. Öbere Mittag semmer alli zäme is Freibad gange. Es esch s gliche gsi wie am Afang vo de Woche ond höt hemmer endli mol Ziit gha zwösche 11 ond 1. S Wasser esch iischalt gsi, aber wel ech ned so trainiert be im Schwimme hani schnell warm öbercho.. ;). Nochem Schwemme hemmer eus no chli id Sonne gleid. Ech ha zom Glöck gnueg Sonnecreme igstreche, aber bi es paarne hed das am Obe zonere liechte rote Öberraschig gfüert... Am Nomitag hani mine Laptop veruse i euses chline Gärtli gno ond ha det chli gschaffed ond spanisch güebt. Das hed guet do wel eusi Wohnig esch rechtig düster ond det bechond mer chli schnell schlächti Lune fendi. Zom Znacht heds sälber gmachti Pizza (met selber gmachtem Teig) gäh. Rechtig fein. Ond ech ha glichziitig au no es Brot bached wel mer send alli vom Brot do ned e so öberzügt...Read more

    See translation
  • TravelerCosta Rica
    Day 29

    .

    February 3, 2023 in Costa Rica ⋅ ☀️ 22 °C

    Höt esch eusi ersti Schuelwoche scho verbi ond das heisst mer send scho i de Hälfti vo eusere Ziit a de Universidad Nacional. Mer hend am Morge e Vorläsig zom Thema Nachhaltigkeitspolitik in Costa Rica gha. D Vorläsig esch vom Leiter vo eusere Fakultät gsi ond es esch sehr spannend gsi. Vor allem hed mer au s Spanisch mega Spass gmacht, ech has verstande ond gmerkt dasi scho Fortschrett gmacht ha. Noch de Vorläsig hemmer de Bus Rechtig Heredia gno ond send imne schöne Kaffi no chli go schaffe. Näbem Kaffi esch e grossi Mall gsi. Ech ha det no verbi müesse wel ech es neus Laptop Kabel bruche. Ech ha anschinend e schlechte Adapter kauft ond dä hed mis Ladekabel kaputt gmacht... D Mall esch riesig ond sie hed au es rechtigs Freiziit Ahgebot. Es hed Klättertörm ond e Gompischloss Alag för d Chend ond ufem Dach heds e Ussechtsplattform wo mer bis uf San José gsehd. Gäge Obe semmer de vom Kaffi hei glaufe. Es esch öpe e Halbstond Wäg gsi ond onterwegs hend eus d Lokifahrer ond d Entsorgigsmänner zuegwonke, mer gsänd also offesechtlech rechtig Europäisch us ond falled do uf... Mer hend eus au gfreut de Zog endli mol z gseh wel dä macht jede Morge ond jede Obe emmer e riise Krach. Do gez nämli kei Schranke ond drom huped er eifach konstant wen er chond. Mängisch gänz schön asträngend. Am Obe hemmer alli zäme e Film gluegt ond so e ruhige Obe gnosse.Read more

    See translation
  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English