Restablecer búsqueda
Süd-Ost AsienSüd-Ost Asien
SatelitalEditar ruta

Süd-Ost Asien

abril 2023 - mayo 2024
Zwei Chaote uf enre eher planlose Südost-Asie-Reis ❤️ Leer más
Actualmente viajando
  • 44huellas
  • 5países
  • 392días
  • 325fotos
  • 14videos
  • 22,8kkilómetros
  • 11,0kkilómetros
Seguir Calendario Compartir Lista de deseos
Fecha ascendente
  • ViajeroSüd-Ost Asien
    Día 11

    Khao Sok Nationalpark

    26 de abril de 2023, Tailandia ⋅ ☁️ 33 °C

    Am Busbahnhof in Krabi hemmer no keis Ziel gha - det chli gluegt, wases so für Ziel git, hemmer eus für de Khao Sok Nationalpark entschide 🌿 nach guet 3 Stund ime maximal unbequeme Bus simmer imne super tolle Jungle-Hotel acho, gfüehrt vo zwei sehr symphatische Dudes. Mer hend eus sofort uh mega wohl gfühlt & wie zwei Engeli gschlafe i eusem Jungle-Bungalow 🤗 am Tag druf simmer in Nationalpark, e vorbuechti Tour go mache. De Guide isch uh huere en astrengende Dude gsi wo sini Gäst meh agschreit als mit ihne gredet het - bis de Jonas igendwenn gfrögt het, eber immer so viel redet binre Tour dur d'Natur. Ab denn ischer ruhiger worde. De See, en Stausee btw, isch mega gross, vo uh mega intensivem blau & pipiwarm 😅 e würklichi Abküehlig ischer ned gsi, im Gegeteil zum Fluss wo denn dur d'Grotte gflosse isch womer duregwanderet sind.

    Womer zrugg is Hotel cho sind, het sich usegstellt dass es für die zweit Nacht e Fehlbuechig geh het & mir ines Treehouse-Hotel zügle döfed, zahlt vom alte Hotel. Rucksäck hine uf de PickUp gschmisse & 10min Fahrt unterem Sternehimmel spöter simmer det gsi - und meh oder weniger sofort igschlafe 😴

    Mir hend eus ab ezze vorgnoh, nüme voruszplane & jede Tag am Morge luege, wohi er eus füehrt. Kei vorbuechti Toure meh & kei Hotels meh meh als ei Nacht bueche; so sparemer Geld, Nerve & unschöni Erlebnis wie das mit dem unsymphatische Guide. Mir schwitzed jede Tag wie blöd, hend eus an gegesitige Gruch vo Schweiss meh als gwöhnt, chönd teils nur ufeme Stehklo ufs WC und euse Popo nur mit ere Duschbrause abdusche 😐 Eis isch defintitiv klar: Mir chömed eus uf dere Reis uf verschiedene Ebene nöcher & gwöhned eus a neui Standarts 😄    Leer más

    Ver traducción
  • ViajeroSüd-Ost Asien
    Día 12

    Autostopp bis Surat Thani

    27 de abril de 2023, Tailandia ⋅ ☁️ 34 °C

    Mir wänd Geld spare! Mit dem Gedanke simmer am Morge usem Hotel im Khao Sok Nationalpark uscheckt & hend eus uf de Weg in Richtig Surat Thani gmacht. Wie, das hemmer nonig so gnau gwüsst - aber eus isch wichtig gsi, bizz weniger usgeh als die letschte paar Täg. Tally isch voll im Abentür-Modus gsi & het Autostopp vorgschlage. Und so simmer am Strasserand ghockt mit eusne Smoothies & hend de Duume useghebet - und s'vierte Auto het gad aghalte. Quote Jonas: "No way!" 😄 Zwei thailändischi Fraue hend ihre ganz Stuff no meh zemmegrumt, so das mir iquetscht hend chönne mitfahre. Es het denn en churze Zwüschestopp binre Art Badi geh - en Fluss, gstaut mit Betonelement. Nat & Mam, so hend die zwei Fraue gheisse, sind es Paar, die eint vo beidne lebt in Australie inre Fake-Ehe mit eme guete Fründ, sie det schaffe cha - Heartcontract nennt sie das 😊 Nach guet 3 Stund hend eus die beide uselah & mir sind in Surat Thani anre Bushhaltestell gstrandet, vo wo us mir eus denn de Weg an Bahnhof gsuecht hend....Leer más

    Ver traducción
  • ViajeroSüd-Ost Asien
    Día 12

    Trainstation Chumpon

    27 de abril de 2023, Tailandia ⋅ ☁️ 33 °C

    In Surat Thani hemmer es Zugticket uf Chumphon buecht - und scho 2 Stund vor de reguläre Abfahrt het d'Schaffnerin chönne sege, dass de Zug 1.5h Verspätig het 😄 aso hemmer Zit mit Esse & Henge totgschlage, bevor mer denn imene Zug mit offene Fenster uf Chumphon gfahre sind. Tooooodmüed und überwältigt vo Idrück, Begegnige & Erlebnis simmer denn Zabig is Bett gheit 😴Leer más

    Ver traducción
  • ViajeroSüd-Ost Asien
    Día 13

    Strandferie in Chumphon

    28 de abril de 2023, Tailandia ⋅ ☁️ 33 °C

    Chumphon isch ez nedmal sone schöni Stadt 😆 nachdem mer Wösch gmacht hend & en Kafi trunke hend, hemmer scho gnueg gha devo. Mir sind de Empfehlig vome Local gfolgt & mitem Roller an Strand gfahre - und denn het Tally zersch mal en Kreislaufkollaps gha 🥲 aber ja, sie het au scho besseri Idee gha als nüt trinke usser en Kafi bi 35 Grad 😅 mer sind denn zwungenermasse voreme Kafi gsi, wo de Jonas Trinke gholt het - und ab Moment womer det gsi sind, hemmer nüm weg welle. Es isch es chlises Kunst-Kafi gsi wo amigs au chlini Bands spieled. Super gueti Energie, mega fründlichi Lüt & gueti Getränk 🍹🥂🧋 Leider isch ihres Guesthouse scho usbuecht gsi, warum mer denn is nebeddrah liegende Chumphon Cabana Resort go fröge sind & no es Zimmer fasch ganz am Strand becho hend 😍 mer hend glese, badet, fein gesse & eifach nur chillt - es het sich richtig agfühlt, zum eifach mal chli sii amene Ort! 😊Leer más

    Ver traducción
  • ViajeroSüd-Ost Asien
    Día 17

    Koh Tao 🐢❤️

    2 de mayo de 2023, Tailandia ⋅ ☁️ 30 °C

    Koh Tao - e Insle, wo eus uh mega us eusere Komfortzone usegholt het. Nach 4 Täg Henge hemmer entschide, eus nach Phi Phi Island doch nomal uf e Insle z'wage. En Schwizer womer in Chumphon kenneglernt hend het eus New Heaven Dive Resort empfohle; det hemmer gad en 3tägige Open Water Dive Kurs buecht. Am Zischtig am 7ni am Morge ischs Schiff gfahre, am 9i simmer acho & am 9.3p isch euse Kurs losgange 🥴 Mir hend de Naz, euse Instruktor kenneglernt & er het eus am erste Tag a Basics erklärt & s'Equipment zeigt. Wie bereitet mers vor, wie leit mers ah etc - und denn simmer in Pool go Üebe. Tally het am Afang recht Müeh gha, zum sich gah lah & druf vertraue, das au unter Wasser alles funktioniert und sie WÜRKLI schnufe cha, wenn au nöd dur d'Nase. Nach ca. 3 Stund im Pool simmer ziemlich duregfrore (!) gsi & froh, wo mer vom Naz in Firabig entlah worde sind. Mir hend ihn denn am Abig nomal troffe zum zemme de Sunneuntergang luege; er isch en richtig coole Typ 😄

    Am zweite Tag simmer ufs Meer usegfahre & det go Tauche, mal bis uf 10 Meter abe. Und ja, was söllemer sege - WOW! Mir sind beidi völlig sprachlos zruggcho vo dene Tauchgäng. Die Unterwasserwelt isch eifach atemberaubend schön & vielfältig; sie het eus völlig i ihre Bann zoge! 😍 es het denn glich no en churze Panikmoment geh, womer e Üebig zum Luft teile gmacht hend.. de Jonas het de Tally sin Ersatzregulator müsse geh - und hett en ihre verkehrt ume aneghebt. Tally het kei Luft becho, sondern nur s'Muul voll Wasser & panischi Auge. De Naz het reagiert, ihre sin Ersatzregulator geh & so Tally beruhigt 😅 aso ja, wüki es atemberaubends Erlebnis.. Nachdem mer d'Üebig denn no richtig gmacht hend, simmer eifach no go umeschwümme - und hend tatsächlich no e Schildkrot gseh! 😍🐢

    Am dritte Tag simmer wieder is Meer & hend eus nachem zweite Tauchgang offiziell Open Water Divers döfe nenne! 🤝

    Die restlich Zit uf de Insle hemmer für Verschiedenes gnutzt. Mir sind go Iisbade igendwo ide Hügel obe. Het richtig guet tah, so bi 0 Grad go bade - scho fasch so, wie wemmer im Winter ide Altstadt vo Winti amigs in Brunne sind 🥶 mer sind viel go Schnorchle, hend uhhhh mega fein gesse (danke Naz für all die Empfehlige) & Tally het de Jonas no dezue bracht, uf en Felse im Meer klettere und inegumpe 😁 mir hend es chlises Dihei gfunde uf Koh Tao - das au wüki dank em Naz, womer regelmässig zum Esse oder Kafi troffe hend, eimal no go Tauche sind nach eusem Kurs & wo eus au wüki viel über d'Insle verzellt het ❤️

    Es isch schön, wemmer chli e Routine het, au wemmer uf some Abentür isch. Und doch schlicht sich igendwenn chli de Wunsch ih, chönne witerzieh & neui Gegende kennelerne. Und so simmer denn am Mittwuch, 10te Mai - e Wuche nachdem mer uf Koh Tao acho sind - ufs Schiff in Richtig Koh Phangan gstige 🥂😊    Leer más

    Ver traducción
  • ViajeroSüd-Ost Asien
    Día 29

    Koh Phangan

    14 de mayo de 2023, Tailandia ⋅ ☀️ 32 °C

    Mir hend Koh Tao hinder eus lah & sind uf Fähre in Richtig Koh Phangan gstige. Det acho, hemmer eifach mal nüt gmacht 😴 mir sind so erschöpft gsi vodere Wuche in Koh Tao, dasmer beidi null Energie & Wille gha hend, igendwie die Insle erkunde.. plus hemmer gmerkt, dasmer beidi chli i eus zruggzoge sind & nöd gross mitenand kommuniziere möged 🥴 so hemmer de erst Tag eifach am Strand verbracht, sind am Abig no bi sonre Beach-Bar go Znachtesse & sind churz in Gnuss vo chli elektronischer Musig cho - d'Party isch aber "ersch" am 9i losgange, mir scho am halbi 7ni dete & gschluchet vom Tag, warum denn lieber is Bett als go Tanze sind 🤭

    Am Tag druf hemmer s'Hotel gwechslet, chli am Pool chillt & scho bald druf abe de Sigi, en Kolleg vom Jonas us Fasnachtszite troffe. Bizz was trunke, biz gsnacked, viel greded - und scho bald isch Zit gsi zum Znachtesse.

    Am Samschtig simmer mitem Sigi zemme go Tauche. Mir sind e gueti Stund usegfahre mitem Schiff, bevor mer wieder id Tüfene vode Unterwasserwelt itaucht sind 🐠🐡🐙🦀🐟 Es isch unglaublich schön gsi! Eimal wo Tally um sich gluegt het isch sie eifach komplett umringt gsi vo Fisch; obe, une, links & rechts sind 196391 verschiedeni Fischli gschwumme. Eimal meh eifach e richtig tolli Erfahrig!

    Am Sunntig hemmer mitem Sigi no Zmorge gesse & eus denn spontan entschide, ufs Schiff zrugg uf Koh Tao z'stige - ohni z'wüsse, welles Abentür de Entscheid mit sich bringt 💁‍♀️    Leer más

    Ver traducción
  • ViajeroSüd-Ost Asien
    Día 29

    4 hours on Koh Tao

    14 de mayo de 2023, Tailandia ⋅ ☀️ 32 °C

    Also, da sitzemer so ufem Schiff uf Koh Tao. Und hend eig gseit, mer gönd am Tag druf ufs Immigration-Büro, euses Thailand-Visum go verlängere, will das am 16te uslauft. Well, iwie het eus das Geld denn doch greut - mir hend ja au scho es gültigs Visum für Cambodia gha. Churzerhand hemmer entschide, bis am Zischtig demfall uf Cambodia uszreise - heisst, mir hend am Mäntigabig in Bankok müsse si.

    Uf Koh Tao acho, isch Tally direkt is Tattoostudio, sich no es Erinnerigstattoo vo ihre (bis jetzt) Lieblingsinsle go steche. I dere Zit isch de Jonas es Ticket für d'Fähre ufs Festland go organisiere - en Frachter, wo au Passagier mitfüehrt.    Leer más

    Ver traducción
  • ViajeroSüd-Ost Asien
    Día 30

    Landed in Chumphon

    15 de mayo de 2023, Tailandia ⋅ ☁️ 26 °C

    Tattoo fertig, Znacht gesse & ab ufs Schiff. Am 9i hemmer abgleit, am 5i am Morge simmer in Chumphon acho - und hend so guet gschlafe wie lang nöd 😄 churz druf abe het eus en Bus abgholt & mer sind i 7 Stund uf Bangkok ufegrast!Leer más

    Ver traducción
  • ViajeroSüd-Ost Asien
    Día 30

    Bangkok Baby!

    15 de mayo de 2023, Tailandia ⋅ ☁️ 35 °C

    Mir hends gschafft: Nach ere chaotische Reis simmer endlich in Bangkok acho! 🙏🥳 Mir hend eus es Hotel gnoh, womer e zweiti Uslegeordnig mit all eusem Stuff gmacht hend, zum denn es zweits Päkli mit Stuff id Schwiz schicke.

    Nacheme churze Abstecher ad Khao San Road simmer denn zrugg is Hotel, zum no es paar Stund schlafe, bevor denn de Bus am 1.45 Uhr ide Nacht in Richtig Kambodscha gfahre isch 😴 nochli verschlafe, aber ufgregt simmer igstige & hend Thailand hinder eus lah.    Leer más

    Ver traducción
  • ViajeroSüd-Ost Asien
    Día 31

    Arrived in Cambodia

    16 de mayo de 2023, Camboya ⋅ ⛅ 36 °C

    So. Knapp 48 Stund, nachdem mer ufem Schiff vo Koh Phangan uf Koh Tao entschide hend, doch no uf Cambodia usreise, simmer über Grenze gloffe 🤝 das het ohni Problem klappt; mir hend eusi Päss & s'Visum müsse zeige und sind ineglah worde.

    Poi Pet, d'Grenzstadt womer denn aumal e Nacht blibe sind, isch wüki nüt schöns. Mir sind gmusteret worde, als wäred mer Aliens, niemer het English chönne & mer sind eus allgemein gad chli verlore vorcho. Kambodscha handlet mit 2 Währige, US Dollar und ihri eigete Riel. Und willmer so näch vode Grenze gsi sind, hends auno mit Thaibaht ghandlet - maximali Verwirrig isch aso ume gsi 🥲

    Zabig simmer beidi mega gnuddled gsi. De Tag idere neue Stadt, gad au no in Kombi mit dere doch stressige Reis uf Kambodscha, het eus voll fertig gmacht - körperlich, aber au emotional. Mir hend nurno zrugg is Hotel welle, öppis esse & denn pfuse. Beid simmer i so Moment froh, dasmer nöd allei uf dem Abentür sind, sondern de besti Fründ und somit es Stuck Dihei immer debi hend ❤️    Leer más

    Ver traducción