Reset search
Sarie BotesSarie Botes
SatelliteEdit route
Living in: Hartswater, South Africa Read more Hartswater, South Africa
  • TravelerFire & Ice
    Day 17

    Fairbanks & Noordpool

    January 5, 2023 in the United States ⋅ ⛅ -14 °C

    Vanoggend 'n Uber gekry om ons lughawe toe te vat sodat ons ons huurmotor daar kan kry. Werk (en lyk) hier bietjie anders as in SA. Die eienaar vd motor het hom iewers deur die nag by die lughawe gaan los en dis waar ons hom vanoggend gekry het. Die motors word ingeprop sodat hul nie skade agv lae temps kry nie. Ons Coach Surf weer en het n baie oulike gasheer/vrou. Hulle het sonpanele op hul dak, maar ek dink nie dis baie effektief nie. Dis oral spierwit gesneeu hier in Fairbanks. Was vanoggend ' n lekker oggend met sonskyn war hier en daar deurkom. Ons was Noordpool toe... skoonwit gesneeu en pragtig. Ons het tot warm kakao by vader krismis se huis gedrink.
    Toe weer terug Fairbanks toe. Ons wou iets kry om te eet... sien toe die hardgekookte eiers... maar los dit toe.
    Was na Fairbanks se info sentrum wat ons mooi gehelp het om nog aktiwiteie te bespreek. Kon nie tyd mors nie. Moes vaaand 7 uur by die ysmuseum by Chena hotspring wees.    Read more

  • TravelerFire & Ice
    2
    Day 15

    Dog sledding!

    January 3, 2023 in the United States ⋅ ⛅ -3 °C

    Wat 'n belewenis!!!

    Na ontbyt besluit ons om na Wasilla te ry om Alaska se tradisionele sport te ervaar. En was dit n ervaring?! Ek kon nie ophou kyk na al die mooi rondom my nie!

    "How great Thou art!"

    Ons word vriendelik ingenooi na n klein, cozy plekkie met n paar afgetrede honde wat voor die kaggel lê. Voel soos huis. En liefde.
    Ons kry toe ons sneeupakke om aan te trek. Na n gestoei is ons in en gereed om honde te gaan ontmoet. Daardie hondehokke staan eintlik op stelte. Die 2 tot 3 voet sneeu laat dit lyk of hul op grond staan.
    Gereed om te gaan! Die Alaskan Huskies trek hul skouertjies krom om die slee aan die beweeg te kry - maar dan hol hulle! Op die muscher se "Ha!" en "Gie!" weet hulle om links of regs te draai. Ons het die slee 1x byna gerol - en Marise byna in die proses verloor 🤭 en toe is dit teen n opdraende my beurt! 🤪 Soos n skilpad op sy dop!!! As ek met my hande druk om op te staan, sak ek tot teen my skouer weg in die sneeu! Was n gestoei!! Maar met Marise se hulp, is ek toe darem weer op my voete! Groot pret!!!    Read more

  • TravelerFire & Ice
    Day 15

    Anchorage

    January 3, 2023 in the United States ⋅ ⛅ -3 °C

    Laataand in Anchorage aangekom. Ons "Coach Surfing hosts" was so gaaf om ons by die lughawe te kom haal. Met landing het ons gesien dat hier heelwat meer sneeu as in Juneau is. Tot die hout eende in die lughawe gebou het serpe aan! 😅 Dis pragtig! Ons is reguit na Chris en Carla se huis toe, bietjie gesels en toe gaan slaap. Marise maak my wakker... hier lê n moose reg by ons venster en slaap! Dis waauw! Ons gasheer klop ook en sê ons moet gou kom kyk, die moose loop toe by die voordeur verby. Ons 1e moose was n m-o-o-se surprise!!! 😁
    Ons het klaargemaak en gery om vriende vir ontbyt te ontmoet. Kan ons oë byna nie glo met al die sneeu rondom ons nie.
    Reuse koffie en Reindeer omelet was heerlik. Heerlik gekuier ook. Nou is ons gereed vir aksie! Ons gaan dog sledding doen!    Read more

  • TravelerFire & Ice
    Day 14

    Polar bear Dip

    January 2, 2023 in the United States ⋅ ☁️ -1 °C

    Dis die een ding waaroor ek vd begin af grootoog was! Om soos 'n ysbeer - willekeurig - in 'n ysige, arktiese see in te hardloop... 🤨 Dit het my laat dink aan Antjie Krog... 😳
    Ernstige "mind games"! Ek het die see en klippiesstrand gekyk en gekyk.... en toe hoor ek: "Two minutes to go, take off your clothes..." Soos n slagskaap wat na die pale gelei is... Net weer die "5-4-3-2-go" gehoor en toe strompel ek saam die gillende, jillende klomp in! Ek het nie kans gesien om my kop onder daai water te dip nie.. het net tot onder my arms gevorder en in my gedagtes vinnig uitgedraf. In werklikheid was als só koud en stram.om te beweeg. Sou gehelp het as daar vuur in die vuurmaakplek was! Wel... ek het darem my sertifikaatjie! En anders as Antjie Krog... leef ek nog! 😉Read more

  • TravelerFire & Ice
    13
    Day 13

    Mendanhall gletser

    January 1, 2023 in the United States ⋅ 🌧 5 °C

    Ek kan nie die gevoel beskryf van toe ons om n draai kom en skielik is die gletser groot en blou voor ons! Ons het redelik ver oor die sneeu/ys gestap om nader aan Mendenhall te kom. My mond het oopgehang... verskillende teksture en net plat en wit waar jy kyk! Die 1e stuk ys het my gefassineer. Min of meer knie hoogte - soos 'n groot stuk glas! Kon geen onsuiwerhede daarin sien nie.
    Stap toe verder en kry toe n veel groter stuk gletser wat daar "gestrand" het. Dis só mooi en spesiaal. Dis waaauw!!! Oppad terug het ek uitgevind dat sneeuskoene ook baie vinnig op n dun lagie ys kan glip! My 1e ontmoeting met n gletser was super!!!    Read more

  • TravelerFire & Ice
    Day 13

    Juneau en omgewing

    January 1, 2023 in the United States ⋅ 🌧 7 °C

    Pas vd vliegtuig af en ons vat die pad! Letterlik! Dis sprokiesmooi!! Ek kan nie genoeg hiervan kry nie!!! Die foto's is in volkleur. Oral is waterstroompies/valle wat vries... erg mooi! Sneeu lê lekker diep en ons sak tot byna by ons knië in as ons loop. Dis lekker!!
    Oral langs die pad is mense se posbusse... maw hier is ook n posdiens wat werk. Iets wat ons nie ken nie! 😆
    Dit raak so net na 3 in die middag donker en ons gaan soek oujaars kos. Stop langs die ou oom wat in die straatbiblioteek vir hom n boek uithaal, met die gedagte om hom te vra of hy weet waar ons kan eet. Toe ek uitklim, is dit op ys en ek voel ek gaan enige oomblik skielik en onwillekeurig van rigting verander! Die oom kyk my baie kwaai aan en bulder in knorrige stem: "Listen lady i do not understand a damn single word what you are saying, but you have to..." en hy beduie met sy hand dat ek nie nader moet kom nie. Later kry on darem 2 vriendelike mense wat graag help. Toe kry ons nie die plekke waarheen hulle ons gehelp het nie. Ons stop toe by "Bubble tea" en bestel n naam wat ons ook nie mooi verstaan nie. Ons was baie dankbaar toe ons heerlike, warm huiskos kry... mét groente!!!
    Nog n draai deur Juneau gery en tipiese straat afgeneem. Die huise is teen n redelike helling gebou en net toe ek wonder hoe veilig dit is... toe sien ons dat dit eintlik maar n risiko bly! Sneeu en stompe kom met n spoed van bo af en vernietig als wat voorkom. Ons het slaapplek gekry en was omtrent net na 6 in die aand in die bed. Nou oppad na Mendenhall gletser....    Read more

  • TravelerFire & Ice
    Day 13

    Ons land in Alaska!

    January 1, 2023 in the United States ⋅ 🌧 6 °C

    Ons is in die lug met Air Alaska! Klink my boks water is nou beter hier rond - of op die vliegtuig in elk geval!
    Soos die vliegtuig laer sak, sien ons gou dat hier al heelwat sneeu is. Juneau wat die hoofstad van Alaska is, is in terme van 'stad', nie baie groot nie. Daar is geen pad verbinding na Juneau nie. Slegs bereikbaar deur die lug, of water.
    Ons 1e ontmoeting met die ysbeer en grizlie is n verrassing! Hulle is nogals groter as wat ek gedink het. Gelukkig is hierdie in glaskaste! Buite die lughawe gebou is 'n "Serve Animal Relief" area.
    Herwinning is hier meer kleurvol as in Kanada. Ons hier n motor om die wêreld te verken... kyk die mooi nommerplaat!    Read more

  • TravelerFire & Ice
    Day 12

    Laaste dag op die vriendelike Eiland

    December 31, 2022 in the United States ⋅ ⛅ 6 °C

    Ons laaste dag by Bets-hulle... 🤔
    Bets, Marise, Chrissa en ek het vroegoggend (@8😆) gou langs die see gaan stap... klippies strand met baie uitgespoelde houtstompe. Almal deur water geloop om seker te maak ons skoene is waterdig en reg vir Alaska. Die hele eiland se paaie kronkel tussen natuurlike woud deur - pragtig!
    Daarna moes ons roer om betyds by Victoria lughawe te kom. Gou saam met Bets laaste kuiertjie en Kambucha ingekry en toe vlieg ons na Vancouver en toe na Seatle waar ons geslaap het... gelukkig nie "Sleepless in Seatle" nie! 😇
    Vanoggend die shuttle @6 gekry en nou.... NOU IS ONS IN DIE VLIEGTUIG OPPAD NA JUNEAU!!!!    Read more

  • TravelerFire & Ice
    Day 11

    Familietyd

    December 30, 2022 in Canada ⋅ ⛅ 7 °C

    Gisteraand/middag was ons na Thrifties om paar goedjies vir voorgereg te gaan koop. Die uidrukking dat "enige iets varser, nog groei", kry hier nuwe betekenis! Die kruie, krappe en krewe groei dommer net daar in hul yskas/tenk! Bokant die krewe is n poster wat aankondig dat hul sommer net hier gou jou "gereg" kan stoom! 🤪
    Was verrassing om ons eie SA Ceres vrugtesap tussen al die baie soorte sappe te sien.
    Die bruin en geel lekkerny is n Nanaimo bar... eg Kanadees en heerlik! Op die eiland is ook n dorpie met die naam Nanaimo. Oral waar ons kom is herwinning n groot ding en dit lyk of die Kanadese dit outomaties doen.
    Marise het n heerlike voorgereg bord gemaak, net voor ons Paul se kerrie hoender geëet het.
    Iewers deur die oggend het ons gou na Mathew se basketbal toernooi by UVic (Universiteit van Victoria), gaan kyk. Die mannetjie doen baie goed met sy sport.    Read more

Join us:

FindPenguins for iOSFindPenguins for Android

  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English