Südamerika 2022

marraskuuta - joulukuuta 2022

53-päiväinen seikkaillu — Sarah & Julia Lue lisää

53jalanjäljet
7maat
53päivää
384valokuvat
0videot
32,8kkilometriä
26,3kkilometriä

Seuraa Kalenteri Jaa Toivelista

Südamerika 2022
- Näytä matka
- Lisää toivelistallePoista toivelistalta
- Jaa
- 7.11.2022 klo 17.20
- ⛅ 11 °C
- Korkeus: 420 m
- Sveitsi Kanton Zürich Kloten Kloten / Holberg Zurich Airport 47.453749, 8.55955247°27’13” N 8°33’34” E
1
Päivä 1
Flughafen Zürich
7. marraskuuta 2022, Sveitsi ⋅ ⛅ 11 °C
Ändlech esches sowiit ond mir flüüget ab noch Südamerika ! Met Sack ond Pack möchemer üs met Zwöschestopp in Madrid ufe Wäg noch Paraguay.
Ond Tschüss 🙋‍♀️
Katso käännös
Matkaaja ganz en guueti Reiiis ond gnüüsids ganz fescht😄
7.11.2022Vastaa
Matkaaja wünsche eu e tolli Reis mit villne Iidrück und das ihr glücklich wieder hei chömed. LG Alex
7.11.2022Vastaa
Matkaaja Ich wünsche euch eine tolle Reise, mit spannenden Eindrücken und vielen netten Begegnungen. Viel Glück und Freude. Ich freue mich auf eure Bilder und Reisebericht. Herzlichst Helene🍄🍀
8.11.2022Vastaa
11 tykkäystä
Südamerika 2022
- Näytä matka
- Lisää toivelistallePoista toivelistalta
- Jaa
- 8.11.2022 klo 18.17
- ☀️ 27 °C
- Korkeus: 128 m
- Paraguay Departamento Central Palomar -25.312372, -57.61325325°18’45” S 57°36’48” W
Päivä 2
Asunción - Tag 1
8. marraskuuta 2022, Paraguay ⋅ ☀️ 27 °C
Noch 17h flüge semmer höt Morge ändlech z Asunción acho. De Julia ehri Gastschwöster (Paz) ond eres Mami (Ana) hend üs härzlech empfange. ❤️ Nochemne stärchende zMorge semmer met Bolt los id Stadt. Prompt hemmer als ersts s "gföhrleche" aber schöne Viertel verwötscht. 🤷🏽‍♀️ E fröndleche Iheimische hed üs aber gärn usebegleitet. Zom Schloss no en Abstächer id Mall förne chline Snack....mmh Empanadas. Loco Driver im loco Verkehr zrog hei. 👻Lue lisää
Katso käännös
14 tykkäystä
Südamerika 2022
- Näytä matka
- Lisää toivelistallePoista toivelistalta
- Jaa
- 9.11.2022
- ⛅ 31 °C
- Korkeus: 134 m
- Paraguay Departamento Central Palomar -25.312428, -57.61313125°18’45” S 57°36’47” W
Päivä 3
Asunción - Tag 2
9. marraskuuta 2022, Paraguay ⋅ ⛅ 31 °C
Höt esch z Paraguay Zensus (Volkszählig) gse, darom hend alli Lüüt mösse dehei blibe vo 07:00 - 19:00 bes öper verbi cho esch met emne Frogeboge (typisch Latino). 🤷🏽‍♀️ För üs esch das grad super gse, so hemmer e Tag met de ganze Famelie vo de Paz gha. 👪 Mer hend vöu gässe (Asado=Grill) ond Terere tronke. S absolute Highlight esch d Teilete vo 2kg Schoggi 🍫 ond 750g Kambly-Guezli gse, mer hättid besser no meh metbrocht. 😅 Üs hends keis Stöck möge gönne (siehe Bild mit Messer 😉). D Schwiizer hend im Garte s Wätter gnosse metem Tomy & Lucky während d Latinos Siesta met A/C gmacht hend. ☀️Lue lisää
Katso käännös
Matkaaja Ond, wie schmöckt üch de original Mate? 🤪
9.11.2022Vastaa
Matkaaja TipTop, chlii intensiiver als üses El Tony 🙊
9.11.2022Vastaa
10 tykkäystä
Südamerika 2022
- Näytä matka
- Lisää toivelistallePoista toivelistalta
- Jaa
- 10.11.2022
- ☁️ 22 °C
- Korkeus: 124 m
- Paraguay Departamento de la Cordillera Inmaculada Concepción -25.260234, -57.08241125°15’37” S 57°4’57” W
Päivä 4
Cordillera
10. marraskuuta 2022, Paraguay ⋅ ☁️ 22 °C
San Lorenzo - Capiatá - Itaguá - Caacupé - Tobatí - Cerro Arco - Cerro Ybutu Silla - Atyrá - Altos - San Bernadino - Lago Ypacaraí

S Gschwöschterte-Duo (Guide Cynthia & Driver Alvaro) hend üs ide früene Morgestonde abgholt ond gedoldig döre ändlosi Stou us de Stadt use gfahre.😮‍💨 Ufem Wäg zode Basilica Caacupé hemmer scho verschedensti Sache gse: Uni, Konsthandwärk Ñanduti, traditionelle Gsang. Met süesser Stärchig (Media luna con Dulce de Leche & Guayaba) hemmer de Spetz vode Basilica erklomme. Aschliessend hemmer üs erfolgrich uf d Suechi gmacht nochemne Guide, wo sech met de Cerros (Högle) uskönnt.👀 Metemne Abstächer id Maskeschnetzerei, womer sogar sälber hend döffe Hand alegge, esch die nöchst Suechi losgange: de Wäg.😂 Aber es hed sech glohnt, d Ussecht esch phänomenal gse ond s Djungelfeeling met Räge komplett.🙉🌴🌵 Noch 2 erklommene Högle hemmer sehr hongrig SanBer erreicht, wod Eltere vom Duo üs met BoriBori ond Sopa Paraguaya verwöhnt hend.😋 Ez semmer gstärcht gse för üse (Pseudo-)Arbeitsisatz ide Poliklinik(li).👩🏽‍⚕️💉🩺 S Jobagebot stod.😉 Zrog eschs döre glich Stou hei gange.🚗🛻🚙
Frage an die Leser: Semmer ächt för die nöisti Werbekampagne vo ParaguayTurism engagiert worde? 🤔Lue lisää
Matkaaja SRF suecht no Nachfolger:inne für d'Mona Vetsch. Schicked doch es Demotape as Fernseh. Bin gspannt uf di nöchste Abentür. 🙂
11.11.2022Vastaa
11 tykkäystä
Südamerika 2022
- Näytä matka
- Lisää toivelistallePoista toivelistalta
- Jaa
- 11.11.2022 klo 14.00
- ⛅ 30 °C
- Korkeus: 99 m
- Paraguay Asunción Catedral -25.285013, -57.6299525°17’6” S 57°37’48” W
Päivä 5
Asuncíon - Tag 3
11. marraskuuta 2022, Paraguay ⋅ ⛅ 30 °C
Zom d' Stadt nomol chli besser könnezlehre, hed d' Maria Luz üs uf e rompligi Rondfahrt (sie könnt glaub ihri Kopplig ned so guet) metgno. 🚙🥴 Sie hed üs einigi historischi Plätz zeigt, onter anderem d Nationalbank, s Panteón ond verschedeni Regierigsgebäude.🏛 Am Rio Paraguay hend üs de d' Mosquitos fast ufgfrässe währenddesse mir es Päärli Üle 🦉 hend welle fötele.😬 Zom Zmittag hemmer üs met de Paz ond ehrne Arbetskolleginne ide Lido Bar troffe, wo mir traditionelli paraguayanischi Soppe probiert hend - die hend grad chli iigheizt.🥵 Am Obe esches metem Bus ufne 6-stöndigi Fahrt los noch Ciudad del Este gange. 🌇Lue lisää
Katso käännös
11 tykkäystä
Südamerika 2022
- Näytä matka
- Lisää toivelistallePoista toivelistalta
- Jaa
- 12.11.2022
- ☁️ 28 °C
- Korkeus: 238 m
- Brasilia Paraná Foz do Iguaçu -25.681671, -54.43801225°40’54” S 54°26’17” W
1
Päivä 6
Foz do Iguaçu
12. marraskuuta 2022, Brasilia ⋅ ☁️ 28 °C
Wie rechtigi Schwiizer semmer pönktlech ufgstande ond go zMorge nä.🇨🇭🕖 De "Horario Latino" louft aber anderst. Bes alli parat gse send, esches no 2-3h gange, mer hend halt de 5x zMorge ond so ou grad zMettag gässe gha.🤰🏽 Schlossändlech hemmer üs ufgmacht rechtig Brasilie ond hend zFuess d Gränze öberschrette.🇧🇷🚶🏽‍♀️ Bide Cataratas acho, hemmer als ersts e Boot-Safari gmacht metere Tour döre Djungel ond Boots-Reis onder d Wasserfäll.🛥️ Pflotschnass esches zFuess wiitergange ufem Panoramawäg zom das Naturwonder ou no vo obe azluege.📸 Emmer meh ond meh Wasserfäll send uftoucht ond ou a Land heds einigi Attraktione gä: Tukane, Affe, Schmätterling, Gekkos.🦜🐵🦎🦋 Zor Stärchig zwöschedöre heds Coxinha de Frango & Esfiha gä. 😋 Als wäremer ned scho gnueg nass, heds ufem Röckwäg no us Chöble gschöttet. 🌧️🛁 Zom Glöck semmer de grad imene Bus (ohni Schibe🙄🤦🏽‍♀️) gse. Emmerhin e gueti Abchüelig. Zrog öber d Gränze esches de einiges zackiger gange. De Obe lömmer ide Capitão Bar z Ciudad del Este lo usklinge.💃Lue lisää
Katso käännös
eifach en schöne Ort! 😊 Gnüssets ☀️
13.11.2022Vastaa
13 tykkäystä
Südamerika 2022
- Näytä matka
- Lisää toivelistallePoista toivelistalta
- Jaa
- 13.11.2022 klo 15.00
- 🌧 22 °C
- Korkeus: 230 m
- Paraguay Departamento del Alto Paraná San Isidro -25.5116, -54.649925°30’42” S 54°38’60” W
Päivä 7
Ciudad del Este
13. marraskuuta 2022, Paraguay ⋅ 🌧 22 °C
Nochere spannende Party-Nacht hemmer üs höt Morge chli meh Schlof gönnt. 😴 S' Ziel vom Tag esch gsii, s Zmorge ned verpasse - das hemmer natürli erreicht ond hend am Zmorgebuffet nomol rechtig zuegschlage. 😋 Wäg de schlächte Wätterprognose esch e gmüetliche Sonntig agseit gsi. 🛋 Ziit esch vergange wie im Flog ond scho hemmer üs ofe Wäg zode Bushaltestell gmacht. Mir hend üs scho gfreut, hemmer e früehnere Bus verwötscht, aber chorz nochem Iistige esch d' Freud schnell vergange gsi. 😨 I dem verrauchte ond verlotterte Bus hemmer ned welle die nöchste 6h verbrenge, drom semmer chorzerhand usgstege ond hend anere verlassene Tankstell bi Kilometer 10 of üse eigentlechi Bus gwartet. ⛽️ Det hemmer es paar kurligi Gstalte atroffe.🤠 Mit dütlich meh Komfort esches de zrog gange noch Asuncíon, wo mir scho härzlech empfange worde send.🌇Lue lisää
Katso käännös
7 tykkäystä
Südamerika 2022
- Näytä matka
- Lisää toivelistallePoista toivelistalta
- Jaa
- 14.11.2022
- ☀️ 29 °C
- Korkeus: 144 m
- Paraguay Asuncion Terminal -25.325879, -57.59608125°19’33” S 57°35’46” W
Päivä 8
Asunción - Tag 4
14. marraskuuta 2022, Paraguay ⋅ ☀️ 29 °C
De letschti Tag met Paz erere Famelie... 😔Nochem stränge Wochenänd hemmer chli Schlof nochegholt ond denn scho bald die frösch gwäschne Chleider weder packt.🎒 De Räscht vom Tag hemmer met de Famelie verbrocht, en Abstächer zode Abuela (Grosi) hed ou ned döffe fähle.👵🏾 Zom Absched heds es grosses Famelieässe met typisch paraguayanischem Ässe ond Wiii gä. Scho glii hemmer üs mösse verabschede ond met Sack ond Pack ufe Wäg mache ad Bushaltestell.🚌 Die Gastfröndschaft ond Härzlechkeit werd üs no lang in Erennerig blibe.❤️
De Bus brengt üs uf Corrientes (Argentinie). 🇦🇷 Wäge Protest ond Streiks in Bolivie, hemmer üse Plan chorzerhand omgstellt. Mer fröiid üs uf wiiteri Abentür in Nord-Argentinie. 🥳Lue lisää
Katso käännös
9 tykkäystä
Südamerika 2022
- Näytä matka
- Lisää toivelistallePoista toivelistalta
- Jaa
- 15.11.2022
- ☀️ 31 °C
- Korkeus: 66 m
- Argentiina Corrientes Province Departamento de Capital Corrientes -27.480011, -58.83031427°28’48” S 58°49’49” W
Päivä 9
Corrientes - Tag 1
15. marraskuuta 2022, Argentiina ⋅ ☀️ 31 °C
D'Landesgränze vo Argentinie hemmer am 02.00Uhr ide Nacht problemlos öberquert ond send met 4h Schlof am Morge früeh in Corrientes acho. 😴
Ufgab Nommere 1: Busticket chaufe ✅️
Nommere 2: Gäld useloh ✖️
Nommere 3: Wlan fende ✖️
Nommere 4 : Uber bstelle > siehe Problematik 2 ond 3 = unmöglech✖️‼️.
Noch 3.5km z' Fuess met 15kg Gepäck am Rögge semmer noch 40min noni mol ide Nöchi vom Zentrum gsi 🥵. Zom Glöck send d' Argentinier so helfsbereit ond hend üs chli Internet teilt 🙏. De Uber-Fahrer hed üs denn sicher zo üsere Onterkonft im Zentrum brocht. Gstärkt metemne fabelhafte Zmorge hemmer de doch gfonde mir gönd id Stadt uf Erkondigstour🌁- natürlich z' Fuess😉. Znacht heds ide schwemmende Bar 'Vera' gä - mmh dä Burger hemmer üs verdient😍. Bes zom Ändi vom Tag hemmer de glich no alli üsi Ufgabe gmeisteret ond send froh gse üsi schwäre Bei noch 14km ändlech chönne z' strecke👣.Lue lisää
Katso käännös
10 tykkäystä
Südamerika 2022
- Näytä matka
- Lisää toivelistallePoista toivelistalta
- Jaa
- 16.11.2022
- ☀️ 33 °C
- Korkeus: 53 m
- Argentiina Corrientes Province Departamento de Capital Bañado Sur -27.476204, -58.85573727°28’34” S 58°51’21” W
Päivä 10
Corrientes - Tag 2
16. marraskuuta 2022, Argentiina ⋅ ☀️ 33 °C
Höt Morge hemmer weder es guets Händli gha bim usläse vomne guete Kafi.🥞 Metem Buch voll Pancakes semmer ufe Wäg ad Costanera ond Playa vo Corrientes.🌴☀️ D Sonne hed üs fascht verbrötlet ond d Hetz hed üs dezue brocht üs im Schatte noche z bewege.🔥 Am Flossufer ah, hend Lüüt i chline Böötli trömmelet ond gsonge. Was för üs usgse hed wie en indigeni Tradition hed sech aber als Protest vo iheimische Fescher usegstellt.🎣 Zor Stärchig vor de lange Busfahrt hemmer üs no es gsonds aber grosses zMettag gönnt. Vollgfrässe ond platt vode Hetz hemmer üs met Uber ufe Wäg gmacht ad Bushaltestell (zom Glöck höt ned zFuess).🔥 D Stötzströmpf montiert, semmer ez för 14Stond onterwägs quer dör Argentinie bes uf Salta.🚌Lue lisää
Katso käännös
10 tykkäystä