Reset search
Lara BohrerLara Bohrer
SatelliteEdit route
traveled in 57 countries Read more Schweiz
  • Weltreise 1.0
    22
    Day 249

    bye 🇭🇲🦘🕷️🐍🐨

    July 9, 2023 in Australia ⋅ ☁️ 20 °C

    diä letschtä täg verbringed mir ider city. perth isch e richtig cool stadt. es het es riesigs agebot a essä, viel grossi parks und isch dur das sehr gruän. perth isch echt mega vielsitig.
    mir günd numal verschiedeni parks gu aluägä und au numal i diä womer schu gsi sind😁
    mir gnüssed üseri letschtä täg mit guätem essä, guäter gsellschaft (üs selber 😉) und ziehnd üs australiä numal richtig inä.
    mir versuäched für mich nu es chleid, für diä bevorstehnd hochziit vum visnu und dr simi z gfindä. es isch in australiä aber winter, somit eher schwierig. es chleid hani de doch gfundä, aber nöd fürd hochziit, sondern fürd d wiehnacht. au mal guät wänn i ez schu weiss wasi aleggä😂😂
    und ja irgendwänn isch dä der tag x chu und mir mönd üs vu australiä verabschiedä.

    australiä du bisch richtig cool, du hesch ä cooli landschaft, cooli lüt und suuper cooli tier🤩
    du hesch üs vum erstä moment äweg umghauä. mir chend wieder!! see you soon💙💪    Read more

    See translation
  • Weltreise 1.0
    Day 246

    avon und swan valley 🦘🍷🥰

    July 6, 2023 in Australia ⋅ ☁️ 15 °C

    mir sind ez relativ nach bi perth.
    mit abäfahre het me schnell gmerkt, as da alles viel gruäner isch und es het tasächli wälder. plötzli het sich diä ganz umgebig vu trockä und wenig bewachsä zu gruän und wiisä mit riesigä bäum gänderet. schu speziell.
    bim ufä fahre isch eim das gar nöd so bewusst gsi we alles immer trockner wird, aber ez gseht me dr unterschied defintiv extrem.
    mir sind nu userhalb vu perth, aber es lauft defintiv wieder me. 😁
    plant isch mal nu gsi, as mir nu me in südä abe fahred. irgendwiä hemmer aber kei luscht mi al zu wit fahrä, also blibed mir da und mached das de bim nächstämal australiä😊
    mir blibed paar täg im swan valley und mached e wiitour. z swan valley isch bekannt für guätä wii🍷
    zwüsched durä mached mir nu paar chlini wanderigä i de nahglegenä nationalpark z. b. avon valley🦘
    entli gsemmer au wieder kängurus😍
    a eim ort sind sicher fast 50 stuck🥰
    mir gsehnd nu eis riiesigs känguru mit mukis🦘💪 es isch es graus riesäkänguru nöd ganz so gross, we z rotä aber sehr muskulös💪    Read more

    See translation
  • Weltreise 1.0
    Day 243

    Golden Outback

    July 3, 2023 in Australia ⋅ ☀️ 19 °C

    mir reised im inland witerzrugg richtig perth. z inland isch en teil vum outback. z outback isch aber natürli riesig😁 und das isch nur en ganz, ganz chlinä teil.
    mir fahred a witerä iseerzminä verbi. westaustraliä isch nebed china dr zweit grössti lieferant.
    z inland isch fruähner au bekannt gsi für goldabbu. me gseht hüt nu de wenigä, chlinä dörfli a, as goldgräber dörfli gsi sind.
    z inland isch recht usgstorbä. i de dörfli musch froh si wend mal anderi menschä triffsch😂 aber isch herrlich du bisch dr natur immer nu sehr nach.
    mir mached numal chli bush walking, aber es zeiged sich nur paar vögel. 😁 mir hend schöni, einsami schlafplätz mit flüss und seeli, wo tatsächli wasser hend. mir hoffed natürli as vieli turstigi tier verbi luäged, aber anschienend hets nu me so quellenä.
    z rotä riesäkänguru blibt verborgä🦘🦘
    mir gsehnd merfach riesigi welläsittich schwärm. diä sind so schnell unterwegs, chame fast nöd festhaltä.
    immerwieder zeiged sich au numal schöni wildbluämä.
    jede tag chend üs numal mehreri sondertransport mit riiiesä maschinenä entgegä. sicher alles fürä iseerzabbu.    Read more

    See translation
  • Weltreise 1.0
    Day 240

    Mt Bruce und Wildbluämä

    June 30, 2023 in Australia ⋅ 🌬 17 °C

    am letschtä tag im park erklimmed mir nuch dr zweithöchsti berg in westaustraliä. sage und schreibe 1'234 m höch😂 mir sind au überwältigt as mir das gschafft hend. 💪 dr ufstieg het zwei, drü schwierigeri stelle ka, aber sust recht easy gsi.
    mir hend zwar nöd würgli, wiä erhofft tier gseh, aber drfür wunderschöni wildbluämä😍
    in ganz westaustraliä isch abem juli wildbluämäziit. tolli farbä😍😍
    wer angst vor spinnä und schlangä het, muss im winter uf australiä🕷️🕸️🐍 es isch sozägä spinne und schlangä fri😂    Read more

    See translation
  • Weltreise 1.0
    1
    Day 239

    Karijini Nationalpark

    June 29, 2023 in Australia ⋅ ☀️ 14 °C

    vu vielnä, eb iheimisch oder touri, wird das als dr schönsti nationalpark in ganz australiä bezeichned.
    es isch üserä letschti längeri stopp bevors nu me richtig südä abä gaht.
    mir sind zwar nur chlei richtig südä abä gfahrä, aber d temperaturä sind gad wieder anderst. diä ersti nacht, womer gad vorem park gschlafe hend, isch eidütig wieder chälter und mir mönd üs zerst wieder a das gwöhnä. 😁
    im park selber isch de komischerwis wieder chlei wärmer, aber summertemperaturä hemmer definitiv nümmä.
    dr park isch einzigartig. d felswänd sind gigantisch und fasziniered gschichtet über millionä vu jahr🤩
    tier gsend mir leider nöd we erhofft.
    mir hend schlangä und spinnä wellä gseh, aber diä befindet sich imnä art winterschlaf. z nächstmal de😉 das rotä riesä känguru und ä anderi art vu felskänguru blibed au versteckt.
    d wanderigä im park sind richtig cool. es het ganz viel verschiedeni. bi de eintä musch halbä chletterä, umäbalancierä, dur flüss durä laufä etc. mir mached alli wanderigä und jedi isch richtig cool uf sini art. d ziit wos fürd d wanderigä a gend sind viiel z lang😂 au wänn mir ganz langsma laufed, bruched mir nie so lang.
    überall hets chlini pools wome chan bade, aber für das ischs üs z chalt. es paar sind härter as mir und baded😊 au uhni as mir viel tier gseh hend, isch dr park absolut es highlight. ebs dr schönst isch, chend mir nöd beurteilä, da mir z wenig vu australiä gseh hend. aber verdient heti ers sicher😁💪
    womer zum park gfahrä sind hemmer numal dingos gseh am strasserand snäckä.    Read more

    See translation
  • Weltreise 1.0
    2
    Day 237

    Karratha und umgebig 🗿

    June 27, 2023 in Australia ⋅ ☀️ 25 °C

    mir mached üs ufä weg witer richtig nordä. d region da heisst pilbara.
    i dr pilbara region hets wieder me aboriginals. grundsätzlich triffsch d aboriginal nur i de chli grösserä städt a. i chlinä dörfli hemmer bis ez nu kei gseh.
    im murujuga nationalpark chame 30'000 jährigi felsmaleriä vu de aboriginal gu aluägä. wahnsinn as das immer nu gsehsch. 😊
    leider isch der nationalpark umgi vunerä risigä erdgas odr öl-industrie. sust heds da au vill iseerzmine und salzplantage.
    mir günd au numal gu schnorchlä, aber würgli viel gits nöd z holä😂
    es paar fischli gsehnd mir de doch nu. isch wohl z letschtämal gsi uf derä reis🤫
    es het paar historischi dörfli i dr umgebig, aber würgli überzügä tuät üs das nöd. dank ebbe und flut gsehnd mir de nu paar tintäfischli uf de felsä. eis sprützt üs bim verbilaufä mehrmals mit wasser ah😂😂
    mir versuäched nu chli me id aboriginal kultur i ztauchä.
    es het nu es art center i derä region, wo me zuäluägä cha, we d aboriginal wunderschöni bilder und skulputurä afertiged. kunst isch de aboriginals sehr wichtig.
    in port hedland gsehnd mir per zuäfall nu e community verastaltig fürd aboriginals, wo vu dr polizi usgrichtet wird.
    es isch en anschienend irgendes fest. was genau hemmer nunig usägfundä, aber es gaht nu bis am mäntig und mir hoffed, as mir nu me vu denä verastaltigä gsehnd.
    si hend en traditionellä tanz ufgfuährt, wo mir leider verpasst hend.
    leider sind au da d uriwohner diä ärmstä vu de arme. we i jedem und würgli jedem land womer bis ez gsi sind😔 schlimm und turig.
    a gwüssä ort, werded si au hüt nu unterdrückt.
    uf de strasse gsehnd mir immrwiedr riiesigi lastwäge, wo bis zu 60 meter lang sind und uf dr fahrt richtig südä abä gsehnd mir nu unzähligi sondertransport mit riiiesigä maschinä.    Read more

    See translation
  • Weltreise 1.0
    Day 233

    Tauchä am Ningaloo Reef

    June 23, 2023 in Australia ⋅ ☀️ 21 °C

    mir wänd natürli d unterwasserwelt im ningaloo reef nu gnauer erforschä. bis jetzt simmer obädrüber gschnorchlet und ez wemmer natürli au nu undädurä tauchä🤩
    am erstä tauchtag fahred mir zunerä chlinä inslä, wo für sis wunderschönä korallämeer bekannt isch. es het weichi und härtikorallä.
    bim abtauchä lüchtet dir vum erstä moment ä weg, alles i de schönstä farbä entgegä (blau, rosa, violet, gruän etc.)
    alles isch riesig💪 mir sind gflasht, we chan öppis nur so schön si.
    mir gsehnd vieli chlini und grossi fisch, en wisspitz riffhai und es schildchrötli. aber z highlight blibt z Korallämeer. alles lebt und bewegt sich wow, wow, wooow😍😍
    am zweitä tag gümmer chli anä nächerä tauchspot🥰
    bim abtauchä gseht mä schu we alles vollä fisch isch. es wimmlet nur so vor lebä.
    als würed üs alli wellä hallo sägä😁
    mir gsehnd so viel sache unglaublich🥰
    und plötzli schwimmed zwei Mantas a üs vrbi🤩
    💪 besser chans nümmä werdä. si schwimmed immer wieder a üs vrbi.
    woow, diä tier sind eifach hammer.

    was mir so gseh hend:
    wisspitz riffhai
    fransenteppichhai 😂
    mantas
    tintäfisch
    Federschwanz Stachelrochä
    Meerschlangenä
    rotfeuerfisch (nöd im Video)
    moräne
    langflossen fledermausfisch
    div. papagaiefisch
    seegurkä
    div. tropischi fisch
    und vieles me😍😍

    bim zruggfahrä gsehnd mir numal buckelwal. es paar schwimmed direkt nebed üs durä 😍😍😍🐋🐳
    mir sind sprachlos und eifach nur happy. diä bestä tauchgäng sind das gsi.
    z ningaloo reef isch sowas vunerä reis wert. wunderschöns, intackts riff, usert der teil in coral bay.
    mir chend defintiv wieder🥰 mir werded au sicher nu paar nächt vu dir träumä💙    Read more

    See translation
  • Weltreise 1.0
    21
    Day 231

    Walhai 🐋🦈

    June 21, 2023, Indian Ocean ⋅ 🌬 21 °C

    Am ningaloo reef isch walhai saison und diä wend mir natürli au nöd verpassä🐋🦈
    mir hend ja z glück ka, dass mir diä gigante bereits unerwartet in panama gseh hend. 😍
    in westaustraliä isch vu mai bis ca. mitti juli walhai, manta und buckelwal saison.
    d mantas sind das ganzä jahr da, aber i denä münet sinds eifach bsunders viel und diä anderä zwei reised da durä um diä ziit😍
    de walhai isch dr grössti fisch und somit au dr grössti hai🦈, aber absolut ungfährlich. er isch vegi.
    über d walhai selber weiss me nöd so viel, da si immer nur e kurzi ziit us dr tüüfi uftauched und de irgendwänn wieder zruck in diä untüüfä abtauched.
    dur das sinds sehr wenig erforscht. fortpflanzä tuät sich en walhai fruähstens mit 10ni und er cha bis 100ti werde.
    d walhai sind starch gfährdet.
    dr natürlich feind, isch grundsätzlich dr mensch, wänns de walhaiä z nach chend, dr schiffsverkehr oder leider gjagt werded. i de asiatischä länder isch das leider au bi denä tier nuch dr fall. 😥😑
    mir mached e walhai tour wo mir mit inä chend schwimmä, aber natürli druf gachtet wird as mir nöd z nach herä günd und alli reglä befolgt werded. mir mönd jederziit zwingend gnuäg abstand vu ihm ha.
    es isch es absolut hammer erlebnis und mir chend ganzi sechs mal mitemä walhai schwimmä. 😍😍
    drbi hemmer e fotografin, wo vum walhai fotis macht.
    westaustraliä het das einzigä center, wo für erhalt und erfoschrig vum walhai zuäständig isch und d walhai wärded da au gschützt.
    jede walhai het es individuells fleckäbild, was we dr fingerabdruck bi üs isch.
    darum sind fotografe drbi zum usefinde eb der walhai letschts jahr schu da gsi isch etc.
    für üs isch das natürli au super, so gits eimaligi erinnerigsföteli.
    bim zruckfahrä gsehnd mir nu unzähligi mantas womer de au numal is wasser chend, zum si gu beobachtä und au nu unzähligi buckelwal.
    es gumped keinä usä, aber überall gsehnd mir we d buckelwal uftauched und z wasser usäblased.
    en absolut einzigartigä tag gsi. 🤩🥰😍🐋🦈    Read more

    See translation
  • Weltreise 1.0
    Day 229

    Cape Range Nationalpark 🦇🦘🦅😍

    June 19, 2023 in Australia ⋅ 🌧 23 °C

    für üs gahts ez in nächstä nationalpark.
    plant isch eigentli mal gsi, dass mir zweimal z mitzt im nationalpark übernachted. es het det ganz viel chlini plätz, wod für wenig geld chasch übernachtä.
    mir sind relativ spaht am abed dra gsi, aber sind grundsätzlich drvu usgangä as mir sicher nu en platz gfinded.
    mir sind de extra in hinderstä gfahrä, so dass mir üs vu hindä nach vornä schaffä chend.
    det achu isch de aber uferä tafelä gstandä, me müssi vorreserviärä ups🤫 und das gilt für alli plätz.
    es het churz nachem parkigang es visitor center mit internet ka. also du hesch mitem internet ufd buächigssitä vu de plätz chänä, me nöd.
    mir hend üs ufä weg dethi gmacht und mittlerwilä ischs dunkel. mir gsehnd üserä erstä dingo und dummi känguru wo uf dr strass hogged und ufä sicherä tod warted oder me weiss es nöd. mir halted nebed eim und versuächets weg z schüchä, aber würgli beidruckt ischs nöd. irgendwänn hüpfts de doch mal nu weg😶
    achu bim visitor center merked mir de schnell as alles usbuäched isch. 🙄 und was ez.
    zum glück hets ider nächi vum igang nu ei grossä camping wos genau nu ei platz fri het. im dorf vornä isch au alles usbuächet. mir hend wieder eimal me glück😁 alütä chame mit de notfalltelefon wos da uf de camping het. z büro isch natürli zuä gsi. mir sind sicher mind. zwei stund hi und her gfahrä.

    dr park isch für sini canyons und wünderschönä stränd mit riff bekannt.
    bim heräfahrä mached mir üseri erst wanderig und diä nächstä zwei täg wemmer wanderä und schnorchlä.
    z wetter macht am erstä tag nöd mit und es schiffed dr ganzi tag.
    also entscheided mir üs bewusst drzuä zum nüt mache.
    es isch wahrschindli fast es halbsjahr her, wo mir z letschtmal würgli eifach mal nüt gmacht hend😅 jede tag hemmer üs inä nüs abentür gstürzt und üseri reis voll uskostet. es tuät aber au mal guät.
    am zweitä tag mached mir zwei wanderigä und schnorchled a diversä ort am ningaloo reef. d wanderigä sind super und mir gsehnd mega viel tier😍 unzähligi felskängurus, sogar eis mit baby im bütel😍 Flughünd (achtung kei fledermus viel grösser und vegi) und au bim schnorchlä gsehmmer u viel und e riiiesigä federschwanz-stachelrochen😍 mind. 2 meter. z koralläriff isch da gsund und alles isch intackt. so we mir das wend gseh.
    richtig schönä tag gsi und en absolut einzigartigä park. chli öppis vum grand canyon eifach nu mitemä wunderschönä riff.

    bi der zweitä wanderig simmer öppä 200 M.ü.M gsi und de het ufem gipfel e australieri am telefon zu eim gseit si säged unglaubli höch, sogar höcher as dr adler🦅😂😂 en adler isch under üs durä gflogä. so wit ufä chunt er natürli nöd.
    mir hend so mösä lachä.😁😉    Read more

    See translation
  • Weltreise 1.0
    2
    Day 226

    Coral Bay 🐟🐠🐡

    June 16, 2023 in Australia ⋅ ☁️ 25 °C

    mir mached üs ufä weg richtig carnavon zum wäsche und poschnä. es isch diä letschti chlei grösser stadt und somit guät zum poschnä.
    bim ufä fahre merked mir de schnell as diä begegnig mitem riesäadler gar nöd so selte isch we gedacht. 🤫 mir gsehnd immer mal wieder einä am strassärad am snäcke vu totätier oder ufemä baum hoggä und usschau haltä fürä nächstä snack. trotzdem immer nu beeidruckend🦅 mir schlafed de numal ufemä grossä parkplatz wo gratis isch und mached üs de am morgä uf zur coral bay.
    mir günd det hauptsächli gu schnorchlä.
    mir befinded üs ez am ningaloo reef. z zweitä grossä riff vu australiä.
    z guätä am ningaloo reef isch asmä direkt vum strand drzuä chunt und keis boot brucht.
    mir günd a hauptstrand und will z wasser so klar isch gsehmmer schu vu land us einzelni grossi und farbigi fisch. woow das fangt ja schumal guät ah.
    z wasser da isch defintiv wärmer as bim letschtämal,😁
    mir gsehnd unzähligi farbigi fisch grossi, chlini. woow so viel fisch uf eim hufä hemmer schu lang nümmä gseh😍
    leider zeigt sich aber au zerstmal we schlimm as dr klimawandel üseri korallä zerstört. mir gsehnd zerstmal e koralläbleichi.
    z ganzä riff isch zwar vollä fisch aber uhni farb. alles isch trist und würkt tod. me chan aber defintiv erahnä we atemberaubend alles mal gsi isch. es gseht au ez nu schön us. riesigi korallä wo zum teil we rosä oder bluämä usgsehnd, aber leider fast tod. koralläbleichi isch in australiä es riiesä thema und vorallem es riiesigs problem.
    mir sind bis ez uf üserer reis so vielmal gu schnorchlä oder tauchä und hend immer en intackts reef gseh und de sowas gseh tuät wee. 😥 und macht nachdenkli.
    es isch nunig tod sust wäred nöd so viel fisch da, aber es brucht 10 bis 15 jahr zum erholä und z wichtigstä isch as z wasser nöd dörf wärmer werdä. tja, aber ich glaub da dra wird scheiterä, da mir ja bekanntlich es problem mit dr klimaerwärmig hend.
    mir hoffed as dr rest vum riff nu kei bleichi erlebt het. trotzdem ischs würgli schü gsi, sonä grossi vielfalt vu fisch zgseh. 🐟🐡🐠🦈

    in australiä gits überall tomatä sauce. grundsätzlich ischs nüt anders als ketchup, aber lut de australier ischs öppis ganz anders😂😂 ja nöd als ketchup bezeichnä😂 hemmer bi üserer letschtä tour erfahrä.    Read more

    See translation

Join us:

FindPenguins for iOSFindPenguins for Android

  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English