Kanada und Westküste der USA

•Am Mänti Morge heimers nomau probiert u tatsächlech uf Ahieb ä Parkplatz gfunge in Harrison Hot Springs. Mir si dert ä heissi Quelle ga sueche, womer irgendwo im Internet öpis hei drvo glese. Mir heise zwar gfunge aber si isch zum einte z'heiss gsy, zum drin bade u zum andere ischs o nid so amächelig gsy.
•Gege Abe simer ufem Camping acho, wo sim Name definitiv grecht wird: mir si würklech dürnes paradiesischs Tau gfahre.
• Dert isch üs ä steili Wanderig zumne See empfohle worde, womer am Abe no hei gmacht.

▪︎Dr erst Teil vom Zisti isch chli id Hose. Mir hei ä Wanderig ir nächi vo Whistler usegsuecht, wo dr Areiseweg nid so üsem Van het entsproche - no meh Schlaglöcher u Chiesstrasse aus süsch... womer de endlech si dobe gsy, simer ono 45' ufere Chiesstrass ar pralle Sunne i di fauschi richtig gloffe (chöit drü mau rate, wär het navigiert😉). Womer zrügg si gsy bim Outo, heimer grad nüm so Lust gha uf witer wandere 😅. Drum simer när z'herzige Städtli Whistler ga aluege - zwar sehr touristisch aber schön zwäg gmacht.

•Hüt Morge heimer d'sea-to-sky Gondel in Squamisch gnoh u hei vo obe di schöni Ussicht u es paar Spazierwägli teilt (mit viiiune Touriste) u gnosse.
•Hüt Abe geits mit dr Fähre uf Vancouver Island. Uf ds fröie mr üs o sehr!Baca selengkapnya