Suche zurücksetzen
Noord kus 2024
  • Vander Wonders
  • Vander Wonders

Noord kus 2024

Ein 30-Tage Abenteuer von Vander Wonders Weiterlesen
FolgenÜbersichtÜbersichtKalenderKalenderFotosFotosTeilenTeilenBucket List
Neuste zuerst
  • Beginn der Reise
    7. Dezember 2024
    Vander WondersNoord kus 2024Reisender

    Roadtrip vir die manne!

    7. Dezember 2024 in Südafrika ⋅ ⛅ 18 °C

    Ek en Franco het 5:00 die oggend van die huis af vertrek, maar is eers deur die GPS bietjie om die bos gelei – dit het ons selfs op ’n grondpad laat beland voordat ons uiteindelik die N3 bereik het.

    Ek kan nie verstaan hoe tegnologie werk nie. Hoe verander die instelling op my Google Maps na “vermy tolhekke” sonder dat ek dit self gedoen het? In elk geval, ek beweeg aan met my lewe...

    Ons het baie lekker gery tot by Pietermaritzburg, maar van daar af was daar padwerke tot in Pinetown, waar ons soms net 10 km/h kon ry. Gelukkig het ons steeds genoeg tyd gehad om by ons hotel in te boek, die kar af te pak en die sleepwa te stoor voordat ons die meisies by die lughawe moes gaan haal. As ’n kantnota: ek was verbaas oor hoe besig die pad in die rigting van Johannesburg was.

    Ons het die dag afgesluit met ’n lekker swem in die hotel se swembad en uiteet by Ocean Basket.

    {Roedolf}    Weiterlesen

    Übersetzung anzeigen
  • Vander WondersNoord kus 2024Reisender

    Eerste toets vir Ninja en trollie!

    8. Dezember 2024 in Südafrika ⋅ ⛅ 26 °C

    Die wind waai behoorlik vanoggend, maar die Vaalies gaan see toe, pappie!

    Dit was ’n lekker toets om te sien of ons nuwe strandtent, die “Sun Ninja,” in die wind sou werk – en dit het soos ’n bom gewerk. Ek dink my gazebo sou al in twee gebreek het nog voordat ek dit in die wind kon oopmaak.

    Verder werk ons trollie ook uitstekend; ek dra my nie meer dood strand toe nie.

    My Temu-aankoop, die opblaas-hangmat, het ook sy ding gedoen in die stormwind – dit vul vinnig met lug. Maar ek dink nie dit sal werk as dit windstil is nie; ek is heeltemal te stadig om dit self vol lug te kry.

    {Roedolf}    Weiterlesen

    Übersetzung anzeigen
  • Vander WondersNoord kus 2024Reisender

    Middag ete saam met die Barnards

    8. Dezember 2024 in Südafrika ⋅ 🌬 29 °C

    Ons ontmoet die Barnards vir 'n ontbyt/middagete en kuier heerlik terwyl albei ons babas uitgepass is van al die aksie van die oggend.

    Ons herleef die tyd wat ons by hulle in Australië was en vergelyk selfs 'n groep-selfie wat ek toe geneem het met die een nou. Ons het almal ouer geword, maar mens sien dit die meeste in Allisa en Cooper, wat nou nie meer babas is nie. Dis wonderlik om sulke jarelange vriendskappe te hê!

    {Roedolf}    Weiterlesen

    Übersetzung anzeigen
  • Vander WondersNoord kus 2024Reisender

    Dinsdag strand

    10. Dezember 2024 in Südafrika ⋅ ☁️ 28 °C

    Tweede stranddag, en ons probeer die dome-tent vir die eerste keer in amper sewe jaar wat ek die ding besit.

    Dis nogal 'n verbasend groot tent, en Maya slaap soos 'n dooie in die tent.

    Ek en Boeta besoek ook Gateway Mall die middag om vir Isabel verjaarsdaggeskenkies te koop, en die LEGO-winkel kry natuurlik die meeste van Boeta se fokus.

    {Roedolf}    Weiterlesen

    Übersetzung anzeigen
  • Vander WondersNoord kus 2024Reisender

    Mamma verjaar

    11. Dezember 2024 in Südafrika ⋅ ⛅ 29 °C

    Ons begin die oggend met die tradisionele uitdeel van geskenke. Ek en Franco is voor Isabel wakker, en ek probeer hom in die bed hou sodat Isabel nog 'n bietjie kan slaap. Toe ek hoor dat Maya begin kriewel, maak ek koffie om saam met die geskenke vir Isabel te neem, maar Franco kan nie langer wag nie. Toe ek in die kamer kom, het hy reeds begin geskenke uitdeel sonder my.

    Ons geniet 'n heerlike gesinswandeling op die promenade en sluit dit af met ontbyt by Doppio Zero.

    Daarna ry ons na die Barnards, waar ons saam met hulle Isabel se verjaardag vier met 'n surf en turf-ete. Maar eers kry Franco 'n bloublasier om sy arm op die strand.

    Dit was 'n baie lekker dag om my vrou se verjaardag te vier!

    {Roedolf}    Weiterlesen

    Übersetzung anzeigen
  • Vander WondersNoord kus 2024Reisender

    Stoele teen die see

    12. Dezember 2024 in Südafrika ⋅ ☀️ 30 °C

    Isabel los ons strandsak vroeg die oggend by die stoele voor teen die strand by die swembad, sodat ons die hele dag lekker daar kan ontspan.

    Dis ’n lui-lekker dag langs die swembad en strand. Ons eet ’n heerlike pizza en lekkers van Sweets from Heaven. Die keuse van lekkers was baie snaaks, want die vorige keer wat ek en Franco dit gedoen het, was in Europa, waar ons die helfte moes terugplaas oor dit so duur was. Toe ons hierdie keer ons pakkie vir die kassier gee om te weeg, sê Franco: “Hoeveel moet ons terugsit, Pappa?” Dit was te kostelik om te besef watter impak daardie dag op hom gehad het; hierdie keer kon ons egter alles wat ons gekies het, neem, en hy het heerlik daaraan gesmul.

    Om een of ander rede maak hulle die swembad toe tussen 13:00 en 14:00, so toe gaan eet ons maar ’n roomys in daardie tyd.

    Franco en Maya ontdek die kinderspeelarea in die hotel, wat amper ons middagslapie gekos het omdat ons hulle nie daar kon uitkry nie.

    {Roedolf}    Weiterlesen

    Übersetzung anzeigen
  • Vander WondersNoord kus 2024Reisender

    Foam party

    13. Dezember 2024 in Südafrika ⋅ ☁️ 25 °C

    Die weer is nie wonderlik nie, so ons begin ons oggend by die mall en ‘n woolies breakfast.

    Na ‘n middagslapie sien Franco daar is ‘n foam party by die swembad en ons kry hom amper nie uit die skuim uit nie.

    Ons sluit nog ‘n lekker dag af by Ocean basket.

    {Roedolf}    Weiterlesen

    Übersetzung anzeigen
  • Vander WondersNoord kus 2024Reisender

    Laaste bietjie Sands

    14. Dezember 2024 in Südafrika ⋅ ☁️ 23 °C

    Nadat ek die kar en die sleepwa gepak het, hang ons nog 'n bietjie uit by die hotel se swembad.

    Ons koop uiteindelik die wafel waarvoor ons al die hele week lus is by Milky Lane, maar dit was teleurstellend. Die wafel is meer soos 'n pannekoek met wafelribbels; dit is regtig ongelooflik dun. Duidelik het Milky Lane die prys oor jare dieselfde gehou, maar die wafels kleiner en kleiner gemaak. Ek sal nie sommer weer een koop nie.

    Franco was ongeskik met sy ma en het op 'n lelike manier op 'n roomys aangedring. Toe sê ek vir hom hy kry nie een nie, selfs al koop ons een. Toe ek met die wafel daar aankom, sê hy ewe: 'Dankie, Pappa!' Maar tot sy teleurstelling het ek by my woord gehou en nie vir hom een gekoop nie.

    Sjoe, ek het hom jammer gekry; dit was 'n harde les om te leer. Hy het eers met sy handdoek oor sy kop gesit om nie te sien hoe ons die wafel eet nie, en toe gaan sokker speel omdat hy vir my vies was. Dis wel 'n les wat hy nie sal vergeet nie, dis is dit goed dat ek my woord gehou het.

    {Roedolf}    Weiterlesen

    Übersetzung anzeigen
  • Vander WondersNoord kus 2024Reisender

    Aankoms in Balito

    14. Dezember 2024 in Südafrika ⋅ ☁️ 24 °C

    Ons het net ná 14:00 by ons nuwe plekkie aangekom, en dit het ons verwagtinge oortref.

    Die uitsig is ongelooflik; die huis vloei lekker uit na die stoep, en dit voel asof die see letterlik teen jou is.

    Daar is ook 'n wonderlike swembad waar mens kan ontspan en na die see kyk.

    Ons sal beslis weer Pebble Beach 6 huur.

    {Roedolf}    Weiterlesen

    Übersetzung anzeigen
  • Vander WondersNoord kus 2024Reisender

    Granny pools uit probeer

    15. Dezember 2024 in Südafrika ⋅ 🌬 29 °C

    Reg voor ons plek is daar rotse met poele en onder andere 'n getypoel wat deur die rotse en 'n muur gevorm is.

    Ons gaan probeer dit vir 'n stranddag.

    Die lekker deel daarvan is dat dit nie tussen duisende mense soos aan die ander kant op die strand is nie.

    Maar my liefste vroutjie kies om kamp op te slaan bo-op die rotse se punt, waar ek my dood stoei om ons tentjie op te slaan, want die wind waai dit heeltyd plat.

    Franco geniet natuurlik die vissies in die poele baie.

    Daarna ry ek en hy lughawe toe om vir oupa en ouma te gaan haal en kry die swaarkry met 'n roomys klaar.

    Die dag eindig met twee hoenders op die kole en lekker aankoms-kuier saam met my ouers.

    {Roedolf}    Weiterlesen

    Übersetzung anzeigen
  • Vander WondersNoord kus 2024Reisender

    Granny pools take two

    16. Dezember 2024 in Südafrika ⋅ ☁️ 27 °C

    Vandag slaan ek die tent op in die meer beskutte deel van die rotse, en dit werk soos 'n droom.

    Ek, Oupa en Isabel snorkel almal heerlik in die getypoel. Ons is almal baie verras oor die hoeveelheid lewe in die poel.

    Daar is ongelooflik baie visse, en selfs die koraal oorleef in die poel, selfs met honderde mense wat elke dag daar swem.

    Ek kry egter nie vir Franco oortuig om saam met my te snorkel nie. Hy was een keer vinnig saam met my in, maar het aan my arm vasgeklou en dit nie geniet nie.

    Die snorkel het my net lus gemaak om weer te duik, iets wat nogal moeilik is in hierdie stadium van ons lewens met die kinders wat nog te klein is om dit saam met ons te doen. Ons het probeer om 'n duik te reël op die trip, maar die naaste duikplek is 'n uur en 'n half se ry weg, dis net eenvoudig te ver.

    {Roedolf}    Weiterlesen

    Übersetzung anzeigen
  • Vander WondersNoord kus 2024Reisender

    Bure date night

    16. Dezember 2024 in Südafrika ⋅ ☁️ 23 °C

    Wat 'n voorreg om bure te hê met wie mens die lewe kan saam doen.

    Of dit nou op 'n gewone weeksdagmiddag is wanneer die kinders saam in die straat speel en dit op 'n kuier uitdraai, of 'n beplande kuier by die see, dis heerlik.

    Dit was veral lekker om vir 'n slag sonder die kinders net te kon kuier en die wêreld se probleme op te los.

    {Roedolf}    Weiterlesen

    Übersetzung anzeigen
  • Vander WondersNoord kus 2024Reisender

    Pret saam met Oupa en Ouma

    17. Dezember 2024 in Südafrika ⋅ ⛅ 23 °C

    Oggende met die Franco en Maya.
    Ons kuier saam met Roedolf en Isabel in Balito was ‘n fees, ‘n gerieflike huis met ‘n asemrowende uitsig en goeie weer het als help bydrae tot n onvergeetlike ervaring.
    Dit was egter so spesiaal om soggens wakker te word en van vroeg af deel van Franco en Maya se dag te wees.
    Franco het omtrent elke oggend ‘n nuwe verbeeldingsvlug gehad: hy span ‘n kombers oor die opening tussen die 2 enkelbeddens en noem dit sy "finish-line". Hy hardloop dan van die sitkamer af in dramatiese stadige aksie en breek dan met groot fanfare die "lyn"! Dan moet ons dienooreenkomstige groot applaus lewer. Ek moet net noem wanneer die "wedloop" begin sit hy homself op gepaste wys af met: "on your marks....get set....go"🤣
    Baie kere moes Maya ook deelneem. Hy hou haar onder die armpies, "hardloop saam" en dan breek hulle saam die lyn !! Nodeloos om te sê sy geniet die speletjie terdee.
    Ander kere het hy vir hulle ‘n den gebou. Al die duvets, komberse, handdoeke en kussings word as boumateriaal gebruik. Dit is ‘n lang proses om sy struktuur te kry presies soos hy ingedagte het. Dan word ‘n noodliggie ingebring vir lig in d duister den. Laastens kom die kosvoorrade aanboord-piesangs en appels. Maya sit rustig en tevrede saam in warm "tuiste".....eet saam appel en piesang, terwyl haar Boeta praatjies maak. 🤗
    Sommige oggende het Maya alleen in ons kamer gekuier. Ek sal veral haar warm oggend slapies in my arm vir baie lank onthou en koester.❣️

    {Ouma Martie}    Weiterlesen

    Übersetzung anzeigen
  • Vander WondersNoord kus 2024Reisender

    Ons kinders slaap in hulle eie kooi

    17. Dezember 2024 in Südafrika ⋅ ☁️ 23 °C

    Ons het gedurende hierdie deel van die vakansie probeer om vir Maya en Franco saam in een bed te laat slaap.

    Maya slaap dan makliker deur, want sy voel sy teenwoordigheid. Hy is ook so oulik met haar en help om haar bottel vas te hou.

    Ons vra hom of sy hom pla, maar hy hou vol dat dit vir hom lekker is dat sy by hom slaap. Hy is eintlik nogal erg oor haar!

    {Roedolf}    Weiterlesen

    Übersetzung anzeigen
  • Vander WondersNoord kus 2024Reisender

    Twee dates

    17. Dezember 2024 in Südafrika ⋅ ☁️ 22 °C

    Ons kry eintlik maar min tyd deesdae om net ons twee tyd saam te spandeer, so ons moet maar elke kans vat wat ons kan kry.

    Ons gaan drink een aand 'n drankie by 2nd on Main nadat al die kinders in die bed is en my ouers daar is sou hulle wakker word.

    Ons drink ook 'n koffie saam by Seattle Coffee na 'n oggend se draffie.

    Dis so belangrik om sulke tye te hê wat ons help om weer die konneksie te koester, veral na die jaar wat ons gehad het, is konnekteer-tyd broodnodig.

    Isabel bly my beste vriend en die persoon met wie ek eintlik die meeste tyd wil spandeer, al kry ons nie nou regtig tyd daarvoor nie. Ons kan darem terugdink aan tye soos op die 25-dag cruise waar ons 25 aande in 'n ry op dates was met luukse aandetes en Broadway-vertonings daarna. Dit was makliker tye vir ons verhouding.

    {Roedolf}    Weiterlesen

    Übersetzung anzeigen
  • Vander WondersNoord kus 2024Reisender

    Zimbali gholf

    19. Dezember 2024 in Südafrika ⋅ 🌧 23 °C

    Ten spyte van die feit dat ons meeste van die eerste nege sop nat gereën het was dit ‘n lekker eerste nege.

    Toe vat ons ‘n lang ontbyt en gaan terug en kry die res van die rondte seni droog klaar.

    Ek en Alwyn drink ‘n paar lekker doppe, hy drink nie baie nie so dis ‘n spesiale geleentheid.

    {Roedolf}    Weiterlesen

    Übersetzung anzeigen
  • Vander WondersNoord kus 2024Reisender

    Reëndag

    19. Dezember 2024 in Südafrika ⋅ 🌧 23 °C

    Dis ‘n reënerig dag, ouma en Franco bak gemmerbroodmannetjies , die manne speel gholf en ek en Maya gaan bietjie in die winkels rondflenter. Ek drink n lekker koffie en sy speel op die bank , na n natreën stint , raak sy aan die slaap en ek kon lekker browse in die “designer” winkels. Dis heerlik om rond te loop sonder om gejaagd te wees.

    {Issy}    Weiterlesen

    Übersetzung anzeigen
  • Vander WondersNoord kus 2024Reisender

    Stranddag saam ons bure

    20. Dezember 2024 in Südafrika ⋅ 🌬 28 °C

    Ons spandeer die oggend saam die Mullers op Thompsons beach. Franco maak ons bietjie lam want hy kan nie vinnig genoeg in die see kom nie en ons is eintlik nog besig om op te slaan. Ek hou hom dop in die see met Maya op die heup. Na ons nesgeskrop het , het ons n lieflike stranddag. Die kinders swem en baljaar . My hotdogs en opgesnyde wortels, komkommer en hoenderworsies saam die Hummus is ‘n treffer , almal is hongerig na die strand en smul te lekker.

    Ons stap na die weggesteekte strandjie en swem te lekker in die getypoel. Dis heerlik om sulke lekker mense as ons bure te hê. Willem Daniel is 16 maande en ons verstaan mekaar se wêrelde enmaak lekker saam babas groot. Ons lag en kuier te lekker.

    {Issy}    Weiterlesen

    Übersetzung anzeigen
  • Vander WondersNoord kus 2024Reisender

    Christmas bay

    21. Dezember 2024 in Südafrika ⋅ ☀️ 29 °C

    Die bestuurder van 2nd on Main het vir my en Isabel van Christmas Bay vertel, en sy voorstel was glad nie teleurstellend nie. Dis regtig pragtig hier, en wat nog beter is: daar is omtrent niemand anders nie.

    Eers het ek en Boeta met sy boogieboard in die sloep gespeel, en toe die gety laer word, kon ons lekker in ’n poeletjie sit.

    Twee oud-Affies en hulle gesinne het dieselfde plan as ons gehad—Pierre Goosen en Danie Opperman.

    Dis egter so warm dat die sand mens se voete letterlike blase kan brand.

    {Roedolf}    Weiterlesen

    Übersetzung anzeigen
  • 2026© FindPenguins
  • Start
  • Über uns
  • Gruppen-Tracking
  • Presse
  • Nutzungsbedingungen
  • Datenschutz & Cookies
  • Hilfe-Center
  • Impressum