Weltreise

Ogos 2018 - Ogos 2019

August 2018 - Juli 2019 Baca lagi

144footprint
27negara
372hari
804gambar
0video
93.1kkilometer
67.2kkilometer

Ikuti Kalendar Kongsi Senarai baldi

Pengembara Weltreise
- Tunjukkan perjalanan
- Tambah ke senarai baldiKeluarkan dari senarai baldi
- Kongsi
- 10 Ogo 2019, 7:20 PG
- 🌧 19 °C
- Altitud: 482 m
- Switzerland Kanton Schwyz Küssnacht (SZ)Küssnacht am Rigi 47.08616, 8.4346747°5’10” N 8°26’5” E
1
Hari 372
Deheime
10 Ogos 2019, Switzerland ⋅ 🌧 19 °C
372 Täg bin ich unterwägs gsii
25 Länder ha ich bsuecht
4 Kontinänte bereist
Unändlich viel Erläbnis blibed als Erinnerige ih mim Chopf

Jetzt eschs Ziit Hei z goh - Ziit för es anders Abentüür ☺️
Lihat terjemahan
Pengembara Mir sind so dankbar bisch du gsund, glücklich und mit so viel schöne Erinnerige wieder bi üs. 😍
10/08/19Balas
Pengembara liebi Irina, äs het mir unheimlich viel spass gmacht, dini Reis z verfolgä. dankä für dini interessantä beschribigä und die würkli guete fotene! so bini vo Arth us doch au ächli idä wält umäspaziert-wenigstens in gedankä. ich wünsch dir, dass du dich guet wieder iilbsch, und in neue läbesabschnitt viel gfreuts. mit liebe grüess, Barbara
12/08/19Balas
14 suka
Pengembara Weltreise
- Tunjukkan perjalanan
- Tambah ke senarai baldiKeluarkan dari senarai baldi
- Kongsi
- 8 Ogo 2019
- ⛅ 13 °C
- Altitud: 12 m
- Afrika Selatan Province of the Western Cape City of Cape Town Langa -33.94667, 18.52533°56’48” S 18°31’30” E
1
Hari 370
Kapstadt
8 Ogos 2019, Afrika Selatan ⋅ ⛅ 13 °C
Am Mäntig esch so ehn rägnerische Tag gsi, dass mer üs entschlosse händ ih es Museum z goh. Im Sklave Museum hämmer viel öber die trurigi Vergangeheit vo Kapstadt erfahre. Wo met use cho sind esch scho Zmittag Ziit gsii und mer händ üs mit zwoi vo de Tour im eastern food corner troffe. Det hämmer för 3.- riesigi Portione becho 😍. Am Nomittag simmer no uf ehn free walking tour und denn esch üs de Räge z blöd worde. Mer sind zrug is Hostel und händ de ganzi Nomittag Billiard gspielt.

Au am Ziistig heds no grägnet. Mer händ chli usgschlofe und sind denn is District 6 Museum. Das esch es Gebiet in Kapstadt wos d Bewohner ih de Ziit vo de Apartheid eifach us de Hüüser grüehrt händ. Mer händ üs vo ehnere Frau loh ume füehre wo sälber früehner det gwohnt hed und so alles werklich miterläbt hed. Am Nomittag simmer de no is Aquarium well ich no nie ih so ehmene riesige Aquarium gsii bi und de simmer no chli ah de Wasserfront umegloffe.

Am Mittwuch hämmer ehn Tour is Armeviertel (d Township) chli usserhalb vo de Stadt bueched. Das esch sehr spannend gsii und esch üs werklich nöch gange. Üse Guide hed üs verzellt was sie mit ihrem Projekt alles guets möched, wies de Lüüt probiered z hälfe und wo Problem ligged. Mer händ aber au werklich viel sehr armi Höttli gseh. Zuesätzlich hed üs üse Guide au ih eis Höttli wo d "Bar" esch mitgnoh. Es hed es Füür gha dinne und ganz viel Lüüt. Er hed es riesigs Bier bstellt wo mer ganz traditionell alli teilt händ.

Gester esch denn de letschti Tag vo minnere Wältreis ahbroche. De Luca und ich sind am Morge ihs Brownies&Downies - es Kaffi wo Lüt mit Downsyndrom usbilded wärded.

Zum no ehn coole Abschluss vo minere lange Reis z ha bi ich denn no uf ehn chlini Wanderig. Gstarted ha ich im Botanische Garte und bi vo det us zu ehmene Wasserfall deruf glofffe wo ich au no ehn schöni Ussicht über Kapstadt gha ha. Wo ich zrug cho bi sind de Luca und ich ih es mega härzigs äthiopischs Restaurant schön go ässe ☺️.Baca lagi
Lihat terjemahan
Pengembara Mir freued üs sooooooooooooooooooooooooo fest uf Dich❤😍😘
9/08/19Balas
Pengembara Jaaaaaa mier freued üs meeeeeeegaaaaaa feest uf dich😍😍❤️❤️
9/08/19Balas
Pengembara Ganz vell Nemo‘s😍
9/08/19Balas
2 lagi komen
9 suka
Pengembara Weltreise
- Tunjukkan perjalanan
- Tambah ke senarai baldiKeluarkan dari senarai baldi
- Kongsi
- 4 Ogo 2019
- ⛅ 11 °C
- Altitud: 7 m
- Afrika Selatan Province of the Western Cape City of Cape Town Maclear Beach -34.35548, 18.4738834°21’20” S 18°28’26” E
1
Hari 366
Kap der guten Hoffnung
4 Ogos 2019, Afrika Selatan ⋅ ⛅ 11 °C
Eini vo üsere Gruppe hed ehn Tag lang ehn Fahrer gmieted zum ahs Kap der guten Hoffnung fahre und no paar Ussichtspünkt unterwägs ahzluege. Mer händ döffe mitgoh und so all die tolle Sache ahluege. Alles sehr touristischi aber schöni Ort.

S Highlight för mich sind Pinguine gsii. Dene Tier eifach chli zuezluege wies umewatschled, sich im Wasser erfrüsched und schwimmed esch mega toll gsii!Baca lagi
Lihat terjemahan
Pengembara Pinguuuuuuus 😍
6/08/19Balas
Pengembara Jöööh...die sind jo lieb mitenand😊
7/08/19Balas
10 suka
Pengembara Weltreise
- Tunjukkan perjalanan
- Tambah ke senarai baldiKeluarkan dari senarai baldi
- Kongsi
- 2 Ogo 2019
- ⛅ 17 °C
- Altitud: 56 m
- Afrika Selatan Province of the Western Cape City of Cape Town Brakkefontein -33.64682, 18.4704833°38’49” S 18°28’14” E
Hari 364
Skydive
2 Ogos 2019, Afrika Selatan ⋅ ⛅ 17 °C
Mer händ üs entschiede als absoluti Muetbrob am ändi vo mim Trip no us ehmene Flugzüüg z gumpe und es esch sooooo cool gsii.

Scho de Flug ih dere chline Maschiene mit ehm ufschiebbare plastikfänster hed mich nervös gmacht 😂. Aber wo mer denn dobe gsi sind esch alles ganz schnell gange. Bei us ehm Flugzüüg hebe, Chopf hindere und äääääääääh wuhuuuu gnüsse 😄Baca lagi
Lihat terjemahan
Pengembara Wauw ....zum Glück hannis erst nachhär gwüsst...de Muet...bin ächt beiidruckt💪👍😘
7/08/19Balas
Pengembara Soooo coool😍 zum glück hesches doch gmacht😅🤩😘😘
7/08/19Balas
Pengembara 🤣🤣du heschs demfall au gwüsst🙈
7/08/19Balas
Pengembara Jaa sie heds sich überleit gha😅🙈
7/08/19Balas
10 suka
Pengembara Weltreise
- Tunjukkan perjalanan
- Tambah ke senarai baldiKeluarkan dari senarai baldi
- Kongsi
- 1 Ogo 2019
- ☀️ 16 °C
- Altitud: 30 m
- Afrika Selatan Province of the Western Cape City of Cape Town Schotschekloof Company's Garden -33.92521, 18.416533°55’31” S 18°24’59” E
Hari 363
Ersti Täg in Kapstadt
1 Ogos 2019, Afrika Selatan ⋅ ☀️ 16 °C
Es ged so viel z gseh ih dere multikulturelle Stadt!

Ah üsem erste Tag simmer zu de Burg der guten Hoffnung und am Nomittag mit ehnere Freewalkingtour ihs alte Sklaveviertel Bo-Kaap. Znacht hämmer ih ehmene Äthiopische Restaurant gässe. Mer händ beidi no nie äthiopsch probiert, händs aber mega gärn gha!

Ganz spontan simmer am Fritig go Skydive aber do machi ehn eignige Foodprint. Am Nomittag vo dem Tag hämmer de no ehn zwoiti Freewalkingtour gmacht und am Obig simmer mit de Gruppe ih es traditionells Restaurant im arme Viertel vo Kapstadt. Det hämmer es super Buffet begleited vo afrikanische Musig chönne gnüsse.

Am Samstig simmer früeh uf zum uf de Lions head laufe und de Sunneufgang luege. Nacher simmer ah ehn mega tolle organische Buuremärt (Oranjezicht). Det heds näb lokalem Gmües und Spezialitäte au schöni handgmachti Souvenirs und feins Ässe gäh. Nacher simmer no chli ah de Wasserfront entlang gloffe und händ denn es Nomittagsschlöfli gmacht zum am Obig weder fit sie mit de Lüüt wo vo de Gruppe no übrig sind go ässe und ih Usgang go.Baca lagi
Lihat terjemahan
Pengembara Jeah du hast äthiopische gegessen bin stolz auf dich 😂😋
6/08/19Balas
12 suka
Pengembara Weltreise
- Tunjukkan perjalanan
- Tambah ke senarai baldiKeluarkan dari senarai baldi
- Kongsi
- 31 Jul 2019
- ⛅ 14 °C
- Altitud: 44 m
- Afrika Selatan Province of the Western Cape City of Cape Town Gardens Devils Peak Forest Reserve -33.92731, 18.4102533°55’38” S 18°24’37” E
Hari 362
Tag 73: Ahkunft in Kapstadt
31 Julai 2019, Afrika Selatan ⋅ ⛅ 14 °C
Mer händs gschafft! 73 Täg bin ich mit dem grosse gälbe Bus unterwägs gsii. Mer sind 7 Lüüt (plus de Guide) wo die ganzi Tour mitgmacht händ und ganz viel meh wo unterwägs dezue cho sind - klar fallt do de Abschied ned ganz liecht.

Grad nach üsere Ahkunft hämmer üsi Wanderschueh ahgleid und sind uf de Tafelbärg gloffe, well so schön Wätter gsii esch. D Wanderig esch huerre sträng gsii - vorallem de Abewäg esch meeega ihd Bei. Aber d Ussicht hed sich glohnt!

Am Obig simmer denn mit de ganze Gruppe is Restaurant go ässe und de Peter hed üs ehn schöni Abschiedsred ghalte. Zum Glück bliibed die meiste Lüüt no paar Täg in Kapstadt so chömed ned grad alli Abschied uf einisch.Baca lagi
Lihat terjemahan
Pengembara Hammer ussicht hender ja gha😍
5/08/19Balas
Pengembara Jö schon vorbi 😢,ich freu mich Mega dich wieder zu sehen geniesset die letzten Tage. Ich freu mich wahnsinnig für dich das du soviel erleben durftest, da wirst du dein ganzes Leben lang noch davon zerren😘🤗😍
5/08/19Balas
10 suka
Pengembara Weltreise
- Tunjukkan perjalanan
- Tambah ke senarai baldiKeluarkan dari senarai baldi
- Kongsi
- 30 Jul 2019
- 🌧 14 °C
- Altitud: 111 m
- Afrika Selatan Province of the Western Cape Stellenbosch Stellenbosch University -33.9321, 18.8601533°55’56” S 18°51’37” E
Hari 361
Tag: 72 - 73 Stellenbosch
30 Julai 2019, Afrika Selatan ⋅ 🌧 14 °C
Stellenbosch esch üse letschti Halt vor Kapstadt. Es esch es chliises Städtli und eigentlich geds ned viel z tue - aber rundume heds viel Wii güeter 😍.

Mer sind also ehn ganze Tag uf ehn Wiitour. Sind vo eim Wiiguet zum andere gfahre worde und händ überall verschiednigi Wiisorte chönne probiere. Es hed au immer no chli Häppli gäh und natürlich Infos öberd Wii und Gschicht vo de Wiigüeter.

Wo mer zrug cho sind hämmer de zerst im Hostel chli Billiard gspielt und sind denn ih es chlises härzigs Restaurant go ässe.Baca lagi
Lihat terjemahan
9 suka
Pengembara Weltreise
- Tunjukkan perjalanan
- Tambah ke senarai baldiKeluarkan dari senarai baldi
- Kongsi
- 28 Jul 2019, 8:20 PG
- ⛅ 15 °C
- Altitud: 264 m
- Namibia Karas Kanebis -27.78278, 17.6068127°46’58” S 17°36’25” E
1 1
Hari 359
Tag 66 - 71: Fahrt uf Südafrika
28 Julai 2019, Namibia ⋅ ⛅ 15 °C
Vier Täg lang simmer vo Campingplatz zu Campingplatz gfahre und händ überall nur ei Nacht verbrocht. Am letschte vo dene Täg hämmer de d Gränzi uf Südafrika überquert und ich ha somit min letschti Gränzübergang hinder mich brocht.

Aber nur well mer jede Tag wiiter sind heissts ned dass mer nüt erläbt händ. Eigentlich sind das sogar sehr ereignisriichi Täg gsii.

Vo Swakopmund simmer zwoi Täg dor die namibischi Wüesti gfahre. Det hämmer die rote Düne för de Sunneufgang erklumme und sind de au no dor die wonderschöni Dünelandschaft gwandered. Ich ha immerno chli Muskelkater vom abe springe.

Am dritte Tag simmer am früehe Nomittag bi ehmene schöne Fluss ahcho und händ chli Ziit för üs gha. Sächs vo üs händ sich entschiede uf ehn Kayaktour z go. Es esch mega schön gsii! Aber gäg de Schluss eschs chli huerre sträng worde - mer händ ahnschiinend ganzi 15 km zruggleid und sind ca. 3 Stund unterwägs gsii.

Und höt hämmer d Gränzi uf Südafrika am früehe Morge überquert. Mer verbringedd Nacht uf ehmene Wii guet und wärded am Obig au no ehn Wii prob mitmache - tönt vielversprechend.Baca lagi
Lihat terjemahan
Pengembara Gseht mega verrückt us die düüne😍🙈
4/08/19Balas
Pengembara Hammer Foti...freue mich au uf ihn👍😘
4/08/19Balas
Pengembara Völlig ihm Rhythmus 👍
4/08/19Balas
8 suka
Pengembara Weltreise
- Tunjukkan perjalanan
- Tambah ke senarai baldiKeluarkan dari senarai baldi
- Kongsi
- 22 Jul 2019, 4:03 PTG
- ⛅ 15 °C
- Altitud: 20 m
- Namibia Erongo Swakopmund Swakopmund Pier -22.68, 14.5222°40’48” S 14°31’12” E
3
Hari 353
Tag 63 - 65: Swakopmund
22 Julai 2019, Namibia ⋅ ⛅ 15 °C
Nomol drüü Täg wäg vom Zält ih ehmene Hostel und chli Ziit för üs zum d Stadt erkunde. Swakopmund esch no sehr starch vo de dütsche Kolonie prägt. Mer chunnd fast überall dore wenn mer dütsch redt, de Stil vo de Gebäude mit hübsche Fuessgänger Zone erinnered ah europäischi Städt au wenn d Hüüser chli wie us Karton usgsähnd.

Vo de zahlrich ahbottnige Aktivitäte händ de Luca und ich üs förs Sandboarde entschiede. Mer händ rechtig viel Spass gha. Au wenn ich nonie uf ehmene Snowboard gstande bi esch das för mich ehn tolli Möglichkeit gsii mol öbbis ähnlichs uszprobiere. Mit de Hilf vom Guide ha ichs sogar gschafft d Schanze derab z gumpe (natürlich heds mich nacher grad umgrüehrt). De Luca hed scho bizli meh Erfahrig und esch so au ganz alleige d Schanze derab. Am Schluss hämmer alli no d Chance gha uf ehm Buuch de steili Högel derab z fahre. De Luca heds uf 64km/h und ich uf 65km/h gschafft (muhaha) .

Am Tag ohni Aktivitäte hämmer chli d Stadt erkunded. Mer sind am Morge feini Waffle go ässe und händ nacher viel Ziit ih ehmene Buechlade verbrocht. Am Nomittag simmer go spatziere, sind de Stäg entlang gloffe, händ chli Souvenirs ahgluegt und es Kaffi trunke.

Söscht simmer ih dere Stadt au no paar Mol fein go Znacht ässe und sind einisch ih die düütschi Bier Brauerei. Am letschte Obig sind es paar vo üs is Kino go König der Löwen luege. Es hed üs beidruckt wie ächt sie die ganze Tier animiert händ wo mer vor paar Täg no in ächt gseh händ.Baca lagi
Lihat terjemahan
Pengembara Ihr seht so herzig us 😍🤗
1/08/19Balas
Pengembara Danke ☺️😘
1/08/19Balas
Pengembara 😍😘
2/08/19Balas
9 suka
Pengembara Weltreise
- Tunjukkan perjalanan
- Tambah ke senarai baldiKeluarkan dari senarai baldi
- Kongsi
- 21 Jul 2019
- ☀️ 28 °C
- Altitud: 620 m
- Namibia Erongo Daures Constituency -20.4041, 14.0999820°24’15” S 14°5’60” E
2 2 2
Hari 352
Tag 62: Damaraland
21 Julai 2019, Namibia ⋅ ☀️ 28 °C
Am Morge hämmer ehn churze Stop bi ehmene Dorf vo ehmen afrikanische Stamm ihgleit und händ so Ziit gha die spezielli Kultur känne z lehre. Sie händ üs ganz stolz ihri traditionelle Chleider und Hüüser zeigt, händ üs ehri spezielli Art sich z wäsche zeigt und üs vieles über ihre Glaube verzellt. Vorallem interessant eschs wäsche gsii. Sie bruched kei Wasser sondern raüchered sich ih und bestriiched sich mit rotem Schlamm.

Nacher simmer wiiter gfahre und sind denn so am 4ri ah ehmene Ort mit riesige Felse zmitzt im Nüt usse ahcho. Det hämmer chönne ufe chlätere zum de Sunneuntergang luege. De Luca und ich sind no go Hölemolereie ahluege. Die Nacht hämmer üses Zält ned uspackt. Mer sind diräkt mit ehm Schlofsack uf de Felse gläge und händ d Stärne betrachted ☺️.Baca lagi
Lihat terjemahan
Pengembara Wauw...no fast meh Stärn alls zChile?
1/08/19Balas
Pengembara Romantik PUR
1/08/19Balas
Pengembara Halli Zäme...so,gniessiders ihr Stärnechind..wunderschöni Bilder hender gmacht...läbids no us...bald het üch de Alltag weder😉😘😘
1/08/19Balas
3 lagi komen
10 suka