検索条件をリセット
Americas TripAmericas Trip
衛星ルートを編集

Americas Trip

9月 - 10月 2022
Canada - Chile - Argentina もっと詳しく
  • 30足跡
  • 3国
  • 59日間
  • 294写真
  • 1動画
  • 42.3千キロ
  • 35.6千キロ
フォローする カレンダー 共有 死ぬまでにやっておきたいことリスト
日付の昇順
  • 旅行者Americas Trip
    日21

    Canmore, kei Bäre und s Crazyweed

    2022年9月21日, カナダ ⋅ ☀️ 17 °C

    Am Morge früeh hämmer euses Airbnb verlah und hend aus uf de Weg zu eusem Bus gmacht. Di negste Täge reise mer vo Calgary abe bis nach Vancouver mit jenste chlinere und grössere Stops ide Rockie Mountains und em Okanagan Valley.

    Erste Stop: Canmore.

    Canmore isch es chlises Städtli ide nöchi zum eher bekannte Banff ide Rocky Mountains. Umgeh vo massive und wunderschöne Berge simmer am Morge am 9 dete acho und händ euses Gepäck äfeng im Hotel abglade. Nachdem mer eus im Städtli chli umegluegt händ, hämmer eigentlich e Rafting tour welle mache, aber leider sind die bis nögst Wuche nöd buechbar, schade. Den gömmer hald go wandere. Und ersch jetzt hanich usegfunde das d Simona mega vil Angst hett uf Bäre zträffe. Das isch da definitiv möglich, aber doch eher unwahrschinlich. Trotdem warned eim die Iiheimische wemmer id Natur gaht söllmer en Bearspray mitneh (das isch en Pfefferspray für Bäre). Mir händ eus denn so eine gmietet und sind uf en Spaziergang am Bow River entlang. Die Gegend isch eifach wunderschön, mer chönt echt Stunde det go lauffe (also ich, d Simona nöd. Grund: Bäre 😂). Mir händ leider kei Bäre gseh. Nachem lauffe hemmer eus es Bier verdient und sind id Canmore Brewing Company. Nacher simmer entli is Hotel icheckt und hend es chli usgruebt. Am Abig simmer im Restaurant Crazyweeds go ässe. Das isch es Restaurant mit mega moderner Chuchi (eher untypisch für sones Bergdorf) und isch mega fein gsi, mis Bavette Steak mit Chimichurri isch meeeeega gsi. Nachem znacht simmer den zrugg is Hotel, da mer am nögste Morge wieder sehr früeh use müend. Next Stop: Salmon Arm.    もっと詳しく

    翻訳をご覧ください
  • 旅行者Americas Trip
    日22

    Salmon Arm, an Pelikan und en Dütsche

    2022年9月22日, カナダ ⋅ ☁️ 18 °C

    Salmon Arm, euse nöchsti Stop uf de Reis hämmer bis anhin gar nöd kännt. Mit händ eigentli nur da welle e Nacht verbringe willmer nöd 8-9 Stund händ welle im Bus hocke. Nachere churzwilige Fahrt vo Canmore nach Salmon Arm (eusi Fahrerin hett es extrems Mitteiligsbedürfnis gha) hemmer eus uf de Weg zu eusem Hotel gmacht und debi en erste Blick uf Salmon Arm gworfe. Joa...es isch rein optisch schomal nüt speziells. Gläge am TransCanada Highway isches au nöd sehr Fuessgängerfründlich. Mir händs dänn irgendwie zum Hotel gschafft und au säb hät usgseh wie die Motels womer amel ide Nachrichte gseht 😂 ihr wüssed was ich meine. Nacheme churze Abstecher id Mall (d Simona hett neui Hose brucht) simmer denn richtig Sushwap Lake (ja es hett tatsächlich au Natur da) und det isches echt schön gsi, es het sogar Pelikan gha. Eifach d lüüt i dem Ort sind eus bitz komisch vorcho. Mir sind nacher is einzige Brewpub in Salmon Arm go ässe. Dete hett de Chälner en extrem uffälige Dialekt gha und wonen gad he welle fröge vo wo er chunnt herter scho: "Aus Bayern komm ich" gantwortet. De Matthias isch en echt coole typ gsi und hett eus bitz meh über de Ort verrate. Anschinend isches es mal e KKK Hochburg in Kanada gsi und es gäbi, sägemers mal so, eher wenig Usländer da 😂 Aber er hät au gmeint d Stadt wachi langsam chli uf und werdi moderner. S Esse ide Barley Station isch ganz ok gsi, aber bide Bier hets paar ganz gueti debi gha. De Matthias het eus den na par mega nützlichi Tipps geh für Argentinie, womer natürli dankend agno hend. Das nacher scho spaat gsi isch simmer den au is Hotel zrugg. Am nögste Morge simmer ide Shushwap Pie Company go brunche, was fein gsi isch, und den churz chli im Zentrum spaziert. Mir hend den doch nach en chline Teil vo Salmon Arm gfunde wo ganz hünsch isch. Aber ja d lüt da sind sehr speziell, sägemer so: ich han nonie so vil Pick-up Trucks i mim läbe gseh. Eine defo hett en abbrochene Hockeyschläger als Fahnestange für sini Kanadafahne benutzt, und denäbed en groooossse F*ck Trudeau chläber gha 😂 Mir sind also gar nöd eso truurig gsi womer den entli eusi Bus nach Kamloops gna hend.

    De simer den 2h spöter acho. Da hets eus den scho besser gfalle. Nacheme super zNacht im "Brownstone" (Elch Hackbrate und Sockeye Lachs) simmer na schnell im Red Collar es paar Bierli go neh und denn au scho is Bett. Ime Hotel, es richtigs, nöd eis us de Nachrichte. Gesichteti Bäre: 0    もっと詳しく

    翻訳をご覧ください
  • 旅行者Americas Trip
    日24

    Kamloops, Wii und Wüesti

    2022年9月24日, カナダ ⋅ ⛅ 21 °C

    Am nöchste Tag in Kamloops hämer den en guete zmorge id Brynns bakery gholt. E paar minute spöter simer den vom Wiibus abholt worde. Ja ihr häbd richtig gläse, mir sind uf e Wiitour gange. D Okanagan Region isch nämli die bekanntisti Wiiregion in Kanada. Mir händ 3 verschiedeni Wineries bsuecht und dete je 3 Wii degustiert. Sie sind nöd schlächt gsi, aber ich dänke a europäischo Wii chömeds nöd ane. D Gruppe isch eigentli zimmli lustig gsi, alles liechti Alkoholiker vo Kanada... Also passed zu eus. Am Abig simmer den im Noble Pig (Es Brewpub, entli wieder Bier) go zNacht esse und denn zrugg is Hotel. Isch en lange tag gsi.もっと詳しく

    翻訳をご覧ください
  • 旅行者Americas Trip
    日25

    Kelowna, vili Brauereie und es Reh

    2022年9月25日, カナダ ⋅ ☀️ 25 °C

    Am nöchste Tag simer ab uf de nögst Bus nach Kelowna am Okanagan Lake. In Kelowna hämmer es cools Airbnb e bitz usserhalb vom Zentrum gha, wo genau im Brewery District gläge isch, Perfekt! Mir händ dänn au grad inere Brauerei z nacht gässe, ide Vice&Virtue hämmer so zimmli alli Bier probiert und dezue fantastisch gässe (Huusgmachti Gnocchi mit Pilz 😍) d Bier sind au alli mega guet gsi. I dem Brewery district sind öppe 10 Brauereie näbenand, also hämmer denkt mer probieret gad no 2 anderi. d Jackknife und Bad Tattoo Brewery sind beid au zimmli guet ok gsi, aber nöd annähernd so wie die Erst.

    Am nögste Tag simer im Sprout Cafe go ässe, en grauehafte Hipsterschuppe mit entsprechend arrgoantem service, ich ha gad chli Heiweh nach Züri übercho 😂 Da min Koffer bitzli glitte hät uf dere Reis (50CHF Koffer usem Coop, genau das ischer au Wert gsi) hämer nacher id Orchard Park Mall müesse en neue go chauffe. Nacheme usgiebige Shopping-trip simmer den dihei go uusruebe und am am Abig im Salt&Brick go ässe. Dete sind allr gricht zum Teile, wasi zimmli es guets System gfunde han. S Risotto mit Kalbsäggli isch min Favorit gsi.

    A eusem letste Tag in Kelowna hämer was gmacht? E Food Tour natürlich. De Guide Andrew hät zimli eus cooli Ort zeigt, er sälber isch en ehemalige Sportkommentator und so hätter au gredet (bitz nervig, aber hey guets ässe). Euse Favorit isches Koreanisch/Italienisches Fusion Resti gsi und mir händ au gad für de Znacht reserviert dete. Tour isch würkli abwechsligsriich gsi, und mer hend sogar en Absinth us der Region chönne probiere. Nöd die bescht Food Tour bis jetzt, aber zimmli guet. Nacher hämer eus no e Bootstour buecht und sind ufem Okanagan mitem Tikiboot umegschipperet, das isch zwär nöd schlächt gsi, aber au nöd würkli unterhaltsam. Am Abig simer im Gather go ässe ( das Resti vo de Tour). S Esse isch wieder mega gsi (Pork Belly in Gochujang Jus), aber d Chellnerin hett eus bstellig vergässe und mir hend ewigs gwartet. Womer sie druff ahgsproche hend, hets sie gmeint d Chuchi sege sehr im Stress hüt. Ja cool, aber all um eus ume wo nach eus cho sind händ ihres Esse scho. Ihri Antwort: Jaaaa, ihr händ ja zerrsch Vorspiis gha, und ich han eues esse ersch bstellt nachdem ihr fertig gsi sind. Brot, eusi Vorspiis isch BROT gsi. Säg eifach du häsches vergässe du Totsch. Anyway, nacheme ässe simmer no es Abschiedsbier ide BNA Brewery go näh und den Hei. Womer usem Taxi uusgstige sind, isch den es Reh ide Gägend spaziert und hett in Seelerueh Pflanze ide Gärte gfrässe 😂 Gsichteti Bäre: 0, Gsichteti Reh: 1

    Morn gahts ab nach Vancouver!    もっと詳しく

    翻訳をご覧ください
  • 旅行者Americas Trip
    日28

    Vancouver, Sushi und Canucks

    2022年9月28日, カナダ ⋅ ⛅ 20 °C

    Und am Morge vom nöchste Tag isches dänn los gange. E zimmli langi Busfahrt (6 Stunde) vo Kelowna nach Vancouver. Mer sind dänn womer acho sind au dementsprechend uf de schnurre gsi dasmer nur churz uf Gastown spazieret sind zum im Di Beppe go Pasta äse (absolut fantastisch gsi).

    Am nögste Tag simmer den endlich würkli use nach Vancouver. Zerst simmer richtig East Van wil d Simona es neus (bruchts) Kameraobjektiv bruucht hät. Und wemmer in East Van isch, isch die nögsti Brauerei au nöd wiit. Das heisst mer sind nacher direkt ab id Superflux für es paar mega hammer Bier und en Brazilian Hot Dog. Nachdem mer eus suscht nachli ide Gägend umegluegt händ simmer denn zrugg is Hotel.

    Am Abig simer im Minami go Sushi ässe. Vancouver isch ja bekannt für guets Sushi aber s Minami isch ganz es anders Level. Die mached Sushi wo mitem Bunsebrenner a grösted wird, Aburi nennt sich das, isch absolut genial. Nach dem super Esse simmer den ab id Rogers Arena go d Vancouver Canucks luege. Es isch zwar nur es Preseason Spiel gege d Seattle Kraken gsi, aber es hett trotzdem viel Spass gmacht. De Simona ihre ersti Sportevent live imene Stadion 😂 (D Canucks hend natürli verlore, nachere 3:0 füehrig)    もっと詳しく

    翻訳をご覧ください
  • 旅行者Americas Trip
    日30

    Victoria, Wahl und en Schwan

    2022年9月30日, カナダ ⋅ ☀️ 16 °C

    A dem Tag simer nach Victoria für en Daytrip. D Simona het mir zum Geburtstag es Whale Watching dete geschenkt. Nachdem mer im Hotel icheckt hend hemmer das Städtli begutachtet und d Simona hett gfunde ihre gfallts viiiil besser als Vancouver, naja jedem das seine. Es isch aber echt schön dete. Am spötere Namitag hemmer den entli uf euses Schiff fürs Whale Watching chönne. Und das isch echt es mega Erlebniss gsi. Mir sind mega lang 3 Buckelwahl gfolgt wo anschinend recht freud gha hend sich z zeige. De eint het sogar en riese Sprung usem Wasser gmacht (es git leider kei Föteli defo). Ufem Rückweg hemmer na Seelöwe und Robbe gseh. Was für es cools Gschenk. Es isch zwar Massetourismus, aber mer lernt au einiges debi.

    Znacht hemmer den wiedermal Japanisch (Fusion) gässe, ich denke mer chan da e Muster erkenne 😂 S esse im Nubo isch mega guet gsi und de service meeeega fründlich. Chamer echt nur weiterempfehle. Nacher simer na is Swans Brewpub. Wiemer uf de Föteli gaeht bin ich nöd 100% zfride gsi mit de Qualität. Und nach dem Absacker simer zrugg is Hotel.    もっと詳しく

    翻訳をご覧ください
  • 旅行者Americas Trip
    日31

    Poste, Pizza und Party

    2022年10月1日, カナダ ⋅ ☀️ 22 °C

    Am Samstig hemmer isches den mal wieder ziit zum lädele gsi. Mir sind d Robson Street ufe und abe gloffe und hend e paar chlini Sache iikauft.

    Am Abig simer ode Strathcona Brewery go ässe. Die händ nämli nöd nur mega guets Bier sondern au Sourdough Pizza. Und die isch de hammer gsi. Als Dessert hetts den na gfüllti Dattle geh, was au super gsi isch. Negste Stop isch d Container Brewery gsi und das isch echt speziell gsi. Nebed zimmli spannende Bier und em sehr ekzentrische Service(die eint Chellnerin isch öppe 50i gsi, het sich aber agleit und verhaöte wie 16i), hett dusse na en Electro DJ uufgleit. D lüt sind all mega lustig (wänn glaub au zimmli bekifft) gsi.

    Nach dem Stop hämer den es Uber gna und sind is Roxy ade Granville gfahre zum nachli Party mache. Nach 1-2 Drinks meh hemmer eus den wieder uf de Heiweg gmacht. Super Abig gsi.    もっと詳しく

    翻訳をご覧ください
  • 旅行者Americas Trip
    日32

    Wahle, Stanley Park und e Tour

    2022年10月2日, カナダ ⋅ ☀️ 23 °C

    Oh mann, am Sunntig hämer beid es bitzli en Kater gha. Ich ha mini bald 33i definitiv gmerkt. Mir hend den müesse uf Richmond fahre is Bulgarische Konsulat, will in Bulgarie wahle sind und d Simona als gueti Bürgerin het welle go Abstimme.

    Ufem weg zrugg simmer den in Japadog (Ja Mösi und Tanja, in Japadog 😍😂) Für all wo nöd scho Fans sind, de Japadog macht mega spezielle HotDogs, mir hend Wagyu gha mit diverse Toppings (siehe Fotos).

    Immerna verkateret simmer denn no bitz in Stanley Park go spaziere bevor mer, ja ihr lesed richtig, ane Brewery Tour gange sind. Nach de erste paar Bierli isch den de Kater endgültig verschwunde. Eusi Gruppe isch mega lustig gsi, alle hend sich mitenand verstande und I jeder Brauerei simer mit anderne lüt am Tisch gehockt (De Guide isch unbruchbar gsi, er het eus praktisch nur gfahre zude Ort und suscht bix gmacht). Mer hend eus mega guet mit em Jackson und de Kim us de UK (Newcastle) verstande. Aie wohned sit churzem in Edinburgh, wo d Simona und ich ja besser känned als vili Iiheimischi. Mir sind mit ihne nach de Tour denn auna go znacht esse im Steamworks. Sind echt Zwei mega gueti gsi, und trinkfest (Brite 🤷). Nacher simmer denn nüme wiiter, es isch es anstrengends Wuchenend gsi.    もっと詳しく

    翻訳をご覧ください
  • 旅行者Americas Trip
    日33

    Birthday, Buddies und Beer

    2022年10月3日, カナダ ⋅ ☀️ 22 °C

    Min Geburtstag (Whoop Whoop). Da mer ja am Wuchenend scho guet gfiiret hend hemmer hüt weniger Programm gha. Mir sind für de zmittag is Kingyo (Ja, Japanischi Izakaya), was e riise Empfehlig vo mim ehemalige Lehrer und guete Kolleg Dave gsi isch. Mega guets Esse, und de Simona ihre Kampf Udon Nudle mit Stäbli ässe isch au mega lustig gsi.

    Nacher sim uf English Bay spaziert und dete s schöne Wetter gnosse.

    Am abig hemmer im Superbaba in Mt. Pleasant en chlinere Snack gässe, bevor mir eus mitem Dave und em Gabe, mine 2 guete Kollege us Vancouver troffe hend. Mir sind id Electric Bicycle Brewery und id 33 Acres Brewery. Mir hend zwar kei Föteli gmacht aber es isch en mega guete Abig gsi und ich han endlich d Bier woni am Dav mitbracht ha chönne abgeh (Ich ha die vo Europa bis nach Kanada gschleppt). Es isch echt hammer gsi die 2 wieder zgseh.    もっと詳しく

    翻訳をご覧ください
  • 旅行者Americas Trip
    日34

    Granville Island, Florence und Sushi

    2022年10月4日, カナダ ⋅ ⛅ 20 °C

    A eusem letste ganze Tag in Vancouver simer na mit de Ferry uf Granville Island gfahre zum ufem Märt fein go ässe und echli iichauffe. Mir händ es mega feins Pad Siew gässe (mega gueti Thai nudle, sowas hani nanie gha) und d Lee's Donuts sind au immer en bsuech wert.

    Am Abig hemmer eus den vom Minami Sushi is Hotel bstellt wilmer nöd zwiit weg hend welle. Mir händ nämli Billet für Florence + The Machine kauft und d Rogers Arena isch direkt nebed em Hotel gsi.

    S Konzert isch wükli guet gsi, obwohl das ja nöd so mini Musig isch. Ich ha den na probiert alli verschiedene Bier wos ide Arena git z probiere (vo de Stanley Park Brewery hanis gschafft, uf Budweiser, Stella und Bud Light hani verzichtet). So das wärs praktisch gsi mit Vancouver und Kanada, morn morge gehts direkt zum Flughafe. Zerrscht nach Toronto und vo dete zum nögste Stop: Santiago de Chile. Danke Vancouver, du bisch eifach die best Stadt.    もっと詳しく

    翻訳をご覧ください
  • 2024© FindPenguins
  • ホーム
  • 当社について
  • ブログ
  • グループ追跡
  • プレス
  • 規約
  • プライバシー & Cookies
  • サポート
  • 印象
  • 日本語