Reset search
Weltreise 1.0Weltreise 1.0
SatelliteEdit route

Weltreise 1.0

November 2022 - July 2023
A 253-day adventure by Robin & Lara Read more
+13
  • 156footprints
  • 21countries
  • 253days
  • 2.0kphotos
  • 142videos
  • 91.8kkilometers
  • 53.7kkilometers
  • 19.4kkilometers
  • 9.9kkilometers
  • 1.5kkilometers
  • 584sea miles
  • 899kilometers
  • 260sea miles
  • 236kilometers
  • 166kilometers
  • 156kilometers
  • 72kilometers
  • 5kilometers
Follow Calendar Share Bucket list
Date descending
  • Weltreise 1.0
    1
    Day 253

    Adios Weltreis 1.0

    July 13, 2023 in Switzerland ⋅ ☁️ 17 °C

    Dankä für de super schöni Empfang! 💙
    mir sind ez schu wieder e wuchä da, aber simmer würgli da. Nei, nöd würgli. es isch alles nuch sureal und mängisch fraged mir üs au simmer würgli 9 münet weg gsi🤔 alles isch schu i witerferni und doch nu present.
    es isch eifach e hammer ziit gsi und mir vermisseds wahnsinnig. also mir würed gad wieder gu.
    mir mached ez zerst nu chli work and travel 😂 i dr schwiiz und überbrücked mit chlinerä reisä, bis mir de wieder e grossi in agriff nänd weltreis 2.0😁
    es isch definitiv nöd so as üserä durst nach reisä gstillt isch. nei es het eher nüi dimensionä und usmass agnu. z füür isch nöd glöscht, sondern mir hend ez es inferno💥💥
    mir hend so viel idee amerika, gröndland, alaska, kanada, afrika und länder womer numal mönd und und und😍 d welt het eifach so viel z bütä.
    Dankä welt für alles! see you soon🌏🌎🌍
    dankä allnä fürs fliessig folgä und like😘    Read more

    See translation
  • Weltreise 1.0
    2
    Day 252

    Singapur #2

    July 12, 2023 in Singapore ⋅ ⛅ 29 °C

    Singapur isch riiesig. aso nei eigentli nöd. es isch sogar chliner als d schwiiz, aber will alles ei grossi stadt isch, isch singapur riesig. es het unzähligi türi ichaufcentrer, woo riesig und ich meine würgli riesig sind.
    z essä da isch überraschend günstig. es chunt natürli druf a wo as gu essä gasch, aber me het unzäähligi variante. ich glaub mir hend nu niä sonä riiesigs food agebot ka we da. eifach wahnsinn. überall und würgli überall gits essä. i jedem ichaufscenter hets riesigi foodhallenä und uf de strasse wimmleds nur so vor foodständ🤤😋 allgemein ischs nöd gad so tür we erwartet, bus und u-bahn fahre isch au mega günstig.
    alles isch au viel gruäner als erwartet. überall hets bäum und parks. au riesigi nationalparks. mir sind sehr positiv überrasch vu singapur. mir hend gar kei erwartigä ka, aber isch echt nu cool da.
    und wänn mir wiedermal über singapur flüged, bued mir definitiv wieder en stopp i. 😁    Read more

    See translation
  • Weltreise 1.0
    Day 250

    Singapur #1

    July 10, 2023 in Singapore ⋅ ☁️ 26 °C

    lande tömmer in singapur, aber simmer au würgli det? 😂
    mir landed spaht am abed und nänd es taxi is hotel.
    am nächstä morgä mached mir üs uf entdeckigsreis.
    mir landed zwüschezitlich in indiä, reised de witer nach china und dr abed lümmer de wieder in singapur usklingä😊
    singapur het unglaublich viiel feins essä z bütä😋🤤😋🤤 chli indisch zum z mittag witer gahts mit zwüsched durä chli snääckä und zum z nacht witeri asiatischi köstlichkeitä🤭😋🤤 en fuässmassage gönned mir üs au nu😊
    in singapur hets es riesigs netzt vu u-bahn und ichaufscenter. da sich z recht findä und zum teil nur schu dr richtig usgang findä isch e challenges 💪 95% vu de läde da sind gucci, prada etc. also genau üseri prisklass🤭😂    Read more

    See translation
  • Weltreise 1.0
    22
    Day 249

    bye 🇭🇲🦘🕷️🐍🐨

    July 9, 2023 in Australia ⋅ ☁️ 20 °C

    diä letschtä täg verbringed mir ider city. perth isch e richtig cool stadt. es het es riesigs agebot a essä, viel grossi parks und isch dur das sehr gruän. perth isch echt mega vielsitig.
    mir günd numal verschiedeni parks gu aluägä und au numal i diä womer schu gsi sind😁
    mir gnüssed üseri letschtä täg mit guätem essä, guäter gsellschaft (üs selber 😉) und ziehnd üs australiä numal richtig inä.
    mir versuäched für mich nu es chleid, für diä bevorstehnd hochziit vum visnu und dr simi z gfindä. es isch in australiä aber winter, somit eher schwierig. es chleid hani de doch gfundä, aber nöd fürd hochziit, sondern fürd d wiehnacht. au mal guät wänn i ez schu weiss wasi aleggä😂😂
    und ja irgendwänn isch dä der tag x chu und mir mönd üs vu australiä verabschiedä.

    australiä du bisch richtig cool, du hesch ä cooli landschaft, cooli lüt und suuper cooli tier🤩
    du hesch üs vum erstä moment äweg umghauä. mir chend wieder!! see you soon💙💪    Read more

    See translation
  • Weltreise 1.0
    Day 246

    avon und swan valley 🦘🍷🥰

    July 6, 2023 in Australia ⋅ ☁️ 15 °C

    mir sind ez relativ nach bi perth.
    mit abäfahre het me schnell gmerkt, as da alles viel gruäner isch und es het tasächli wälder. plötzli het sich diä ganz umgebig vu trockä und wenig bewachsä zu gruän und wiisä mit riesigä bäum gänderet. schu speziell.
    bim ufä fahre isch eim das gar nöd so bewusst gsi we alles immer trockner wird, aber ez gseht me dr unterschied defintiv extrem.
    mir sind nu userhalb vu perth, aber es lauft defintiv wieder me. 😁
    plant isch mal nu gsi, as mir nu me in südä abe fahred. irgendwiä hemmer aber kei luscht mi al zu wit fahrä, also blibed mir da und mached das de bim nächstämal australiä😊
    mir blibed paar täg im swan valley und mached e wiitour. z swan valley isch bekannt für guätä wii🍷
    zwüsched durä mached mir nu paar chlini wanderigä i de nahglegenä nationalpark z. b. avon valley🦘
    entli gsemmer au wieder kängurus😍
    a eim ort sind sicher fast 50 stuck🥰
    mir gsehnd nu eis riiesigs känguru mit mukis🦘💪 es isch es graus riesäkänguru nöd ganz so gross, we z rotä aber sehr muskulös💪    Read more

    See translation
  • Weltreise 1.0
    Day 243

    Golden Outback

    July 3, 2023 in Australia ⋅ ☀️ 19 °C

    mir reised im inland witerzrugg richtig perth. z inland isch en teil vum outback. z outback isch aber natürli riesig😁 und das isch nur en ganz, ganz chlinä teil.
    mir fahred a witerä iseerzminä verbi. westaustraliä isch nebed china dr zweit grössti lieferant.
    z inland isch fruähner au bekannt gsi für goldabbu. me gseht hüt nu de wenigä, chlinä dörfli a, as goldgräber dörfli gsi sind.
    z inland isch recht usgstorbä. i de dörfli musch froh si wend mal anderi menschä triffsch😂 aber isch herrlich du bisch dr natur immer nu sehr nach.
    mir mached numal chli bush walking, aber es zeiged sich nur paar vögel. 😁 mir hend schöni, einsami schlafplätz mit flüss und seeli, wo tatsächli wasser hend. mir hoffed natürli as vieli turstigi tier verbi luäged, aber anschienend hets nu me so quellenä.
    z rotä riesäkänguru blibt verborgä🦘🦘
    mir gsehnd merfach riesigi welläsittich schwärm. diä sind so schnell unterwegs, chame fast nöd festhaltä.
    immerwieder zeiged sich au numal schöni wildbluämä.
    jede tag chend üs numal mehreri sondertransport mit riiiesä maschinenä entgegä. sicher alles fürä iseerzabbu.    Read more

    See translation
  • Weltreise 1.0
    Day 240

    Mt Bruce und Wildbluämä

    June 30, 2023 in Australia ⋅ 🌬 17 °C

    am letschtä tag im park erklimmed mir nuch dr zweithöchsti berg in westaustraliä. sage und schreibe 1'234 m höch😂 mir sind au überwältigt as mir das gschafft hend. 💪 dr ufstieg het zwei, drü schwierigeri stelle ka, aber sust recht easy gsi.
    mir hend zwar nöd würgli, wiä erhofft tier gseh, aber drfür wunderschöni wildbluämä😍
    in ganz westaustraliä isch abem juli wildbluämäziit. tolli farbä😍😍
    wer angst vor spinnä und schlangä het, muss im winter uf australiä🕷️🕸️🐍 es isch sozägä spinne und schlangä fri😂    Read more

    See translation
  • Weltreise 1.0
    1
    Day 239

    Karijini Nationalpark

    June 29, 2023 in Australia ⋅ ☀️ 14 °C

    vu vielnä, eb iheimisch oder touri, wird das als dr schönsti nationalpark in ganz australiä bezeichned.
    es isch üserä letschti längeri stopp bevors nu me richtig südä abä gaht.
    mir sind zwar nur chlei richtig südä abä gfahrä, aber d temperaturä sind gad wieder anderst. diä ersti nacht, womer gad vorem park gschlafe hend, isch eidütig wieder chälter und mir mönd üs zerst wieder a das gwöhnä. 😁
    im park selber isch de komischerwis wieder chlei wärmer, aber summertemperaturä hemmer definitiv nümmä.
    dr park isch einzigartig. d felswänd sind gigantisch und fasziniered gschichtet über millionä vu jahr🤩
    tier gsend mir leider nöd we erhofft.
    mir hend schlangä und spinnä wellä gseh, aber diä befindet sich imnä art winterschlaf. z nächstmal de😉 das rotä riesä känguru und ä anderi art vu felskänguru blibed au versteckt.
    d wanderigä im park sind richtig cool. es het ganz viel verschiedeni. bi de eintä musch halbä chletterä, umäbalancierä, dur flüss durä laufä etc. mir mached alli wanderigä und jedi isch richtig cool uf sini art. d ziit wos fürd d wanderigä a gend sind viiel z lang😂 au wänn mir ganz langsma laufed, bruched mir nie so lang.
    überall hets chlini pools wome chan bade, aber für das ischs üs z chalt. es paar sind härter as mir und baded😊 au uhni as mir viel tier gseh hend, isch dr park absolut es highlight. ebs dr schönst isch, chend mir nöd beurteilä, da mir z wenig vu australiä gseh hend. aber verdient heti ers sicher😁💪
    womer zum park gfahrä sind hemmer numal dingos gseh am strasserand snäckä.    Read more

    See translation
  • Weltreise 1.0
    2
    Day 237

    Karratha und umgebig 🗿

    June 27, 2023 in Australia ⋅ ☀️ 25 °C

    mir mached üs ufä weg witer richtig nordä. d region da heisst pilbara.
    i dr pilbara region hets wieder me aboriginals. grundsätzlich triffsch d aboriginal nur i de chli grösserä städt a. i chlinä dörfli hemmer bis ez nu kei gseh.
    im murujuga nationalpark chame 30'000 jährigi felsmaleriä vu de aboriginal gu aluägä. wahnsinn as das immer nu gsehsch. 😊
    leider isch der nationalpark umgi vunerä risigä erdgas odr öl-industrie. sust heds da au vill iseerzmine und salzplantage.
    mir günd au numal gu schnorchlä, aber würgli viel gits nöd z holä😂
    es paar fischli gsehnd mir de doch nu. isch wohl z letschtämal gsi uf derä reis🤫
    es het paar historischi dörfli i dr umgebig, aber würgli überzügä tuät üs das nöd. dank ebbe und flut gsehnd mir de nu paar tintäfischli uf de felsä. eis sprützt üs bim verbilaufä mehrmals mit wasser ah😂😂
    mir versuäched nu chli me id aboriginal kultur i ztauchä.
    es het nu es art center i derä region, wo me zuäluägä cha, we d aboriginal wunderschöni bilder und skulputurä afertiged. kunst isch de aboriginals sehr wichtig.
    in port hedland gsehnd mir per zuäfall nu e community verastaltig fürd aboriginals, wo vu dr polizi usgrichtet wird.
    es isch en anschienend irgendes fest. was genau hemmer nunig usägfundä, aber es gaht nu bis am mäntig und mir hoffed, as mir nu me vu denä verastaltigä gsehnd.
    si hend en traditionellä tanz ufgfuährt, wo mir leider verpasst hend.
    leider sind au da d uriwohner diä ärmstä vu de arme. we i jedem und würgli jedem land womer bis ez gsi sind😔 schlimm und turig.
    a gwüssä ort, werded si au hüt nu unterdrückt.
    uf de strasse gsehnd mir immrwiedr riiesigi lastwäge, wo bis zu 60 meter lang sind und uf dr fahrt richtig südä abä gsehnd mir nu unzähligi sondertransport mit riiiesigä maschinä.    Read more

    See translation
  • Weltreise 1.0
    Day 233

    Tauchä am Ningaloo Reef

    June 23, 2023 in Australia ⋅ ☀️ 21 °C

    mir wänd natürli d unterwasserwelt im ningaloo reef nu gnauer erforschä. bis jetzt simmer obädrüber gschnorchlet und ez wemmer natürli au nu undädurä tauchä🤩
    am erstä tauchtag fahred mir zunerä chlinä inslä, wo für sis wunderschönä korallämeer bekannt isch. es het weichi und härtikorallä.
    bim abtauchä lüchtet dir vum erstä moment ä weg, alles i de schönstä farbä entgegä (blau, rosa, violet, gruän etc.)
    alles isch riesig💪 mir sind gflasht, we chan öppis nur so schön si.
    mir gsehnd vieli chlini und grossi fisch, en wisspitz riffhai und es schildchrötli. aber z highlight blibt z Korallämeer. alles lebt und bewegt sich wow, wow, wooow😍😍
    am zweitä tag gümmer chli anä nächerä tauchspot🥰
    bim abtauchä gseht mä schu we alles vollä fisch isch. es wimmlet nur so vor lebä.
    als würed üs alli wellä hallo sägä😁
    mir gsehnd so viel sache unglaublich🥰
    und plötzli schwimmed zwei Mantas a üs vrbi🤩
    💪 besser chans nümmä werdä. si schwimmed immer wieder a üs vrbi.
    woow, diä tier sind eifach hammer.

    was mir so gseh hend:
    wisspitz riffhai
    fransenteppichhai 😂
    mantas
    tintäfisch
    Federschwanz Stachelrochä
    Meerschlangenä
    rotfeuerfisch (nöd im Video)
    moräne
    langflossen fledermausfisch
    div. papagaiefisch
    seegurkä
    div. tropischi fisch
    und vieles me😍😍

    bim zruggfahrä gsehnd mir numal buckelwal. es paar schwimmed direkt nebed üs durä 😍😍😍🐋🐳
    mir sind sprachlos und eifach nur happy. diä bestä tauchgäng sind das gsi.
    z ningaloo reef isch sowas vunerä reis wert. wunderschöns, intackts riff, usert der teil in coral bay.
    mir chend defintiv wieder🥰 mir werded au sicher nu paar nächt vu dir träumä💙    Read more

    See translation
  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English