Reset search
Üsi Australiäreis 22/23Üsi Australiäreis 22/23
SatelliteEdit route

Üsi Australiäreis 22/23

December 2022 - March 2023
Üses zwöitä Abentüür z Australiä. Nachdäm mir z'letschtä mau im 2019 vo Perth, dürä Nullarbor richtig Alice Spring, Cairns u när dr Ostküstä uf Sydney gfahrä si, göh mir dasmau Südaustralia u Tasmania gah erkundä. Read more
  • 46footprints
  • 3countries
  • 85days
  • 341photos
  • 2videos
  • 26.1kkilometers
  • 16.3kkilometers
Follow Calendar Share Bucket list
Date ascending
  • TravelerÜsi Australiäreis 22/23
    Day 22

    Weiter gehts...

    December 30, 2022 in Australia ⋅ ⛅ 21 °C

    Am morgä isch dr Christian mitem Pete, dr Carol u ämänä Nachbuur gah z Outo im Bush holä. Obwouh das Outo zum usäzieh o wieder iigsoffä isch, hei sis zum Glück schlussändlich doch nu gschafft 😅

    Wo si wieder zrüg cho si hei mir üser Sachä fertig packt, hei üs verabschidet u de het üs dr Pete uf Albury gfahrä, wo mir üses Outo fürd Wiiterreis abghout hei.
    Nach ca. 4h u mehrerä churzä Gwitter si mir heil z Canberra aacho 🙂
    Jetzt si mir gspannt, was di Stadt aues z bietä het 🤔😎    Read more

    See translation
  • TravelerÜsi Australiäreis 22/23
    1
    Day 23

    Happy New Year 🎆

    December 31, 2022 in Australia ⋅ ⛅ 17 °C

    Happy New Year a aui u ä guetä Rutsch 🎆🥳

    Hüt dürä Tag dürä si mir mau chli Canberra gah aaluegä. Äs isch erstuunlicherwiis sehr grüen u wäg dä Schueuferiä o sehr ruhig hiä. Äs isch chum ä Mönsch uf dr Strass u das ir Houptstadt vo Australiä 🤔

    Für am Aabä si mir vo Bekanntä vo üs iigladä wordä zum mit ihnä u ihrnä Kollegä Silvester z fiirä. Äs het feins, grosses BBQ mit viu verschidnigem Fleisch 🥩 u Salät 🥗 gäh. Äs isch mega gmüetlich gsi u si mega nätti Lüüt wo mir hiä wieder hei dörfä kennä lernä 😊    Read more

    See translation
  • TravelerÜsi Australiäreis 22/23
    Day 25

    Mount Ainslie und Parliament Houses

    January 2, 2023 in Australia ⋅ ⛅ 25 °C

    Geschter si mir ufä Mount Ainslie ufä gloffä. Dr Wäg dert ufä isch wunderschön gsi mit 1000 vo Schmetterlingä 🦋. D Ussicht ufd Stadt ud Umgäbig isch o eifach dr Hammer gsi 😎
    Aaschliessend si mir nu d Anzac Parade abgloffä, dert si diversi Memorials vo Chriegä wo Australiä involviert gsi si.

    Hüt si mir gah di zwöi Parliament Houses gah aaluegä. Z Old Parliament House isch meh äs Museum isch aber würk sehr interessant gsi u vorauem riesig, u drbi hei mir nid mau d heufti drvo gseh 🤔
    Z New Parliament House isch drfür nid ganz so interessant gsi. U bir Sicherheitskontrouä für z inägah si dummerwiis onu üser Stadtplan verlorä gangä 🤦‍♀️ zum Glück hei mir aber üser Hüet wieder zrüg becho, obwou diä onu im Röntägrät steckä blibä si 😅

    Am Schluss si mir när nu inä Kanadischi Bar öbbis gsi gah trinkä u het dert nu z kanadischä Menü Poutine probiert 😋    Read more

    See translation
  • TravelerÜsi Australiäreis 22/23
    Day 26

    Black Mountain Tower

    January 3, 2023 in Australia ⋅ ☀️ 23 °C

    Hüt morgä hei mir üs ufä Wäg richtig Black Mountain Tower gmacht. Ungerwägs hei mir birä Bäckerei ghautä wüu mir nu äs Sandwich🥪 hei wöuä gah holä für ungerwägs. Näbscht ca 6 verschidnigä Brot 🍞 hets aber nur nu Dessert🍪 gha. Z Brot isch aber drfür mega fein gsi 😋

    Für zu däm Tower ufä si mir zersch dürä Botanic Garden gloffä. Di erscht Station isch dr Rägäwaud gsi, das het üs super gfauä. Drfür isch nach 45 min bim Tower obä d Ernüechterig cho. Dä isch nämlich im Momänt zuä u entsprächend hei mir ufgrund vo dä Böim überhoupt nüd abä gseh ☹ nachemnä Momänt hei mir aber gseh, dasses uf dr angerä Siitä 10 Min Fuesswäg wiiter unger ä Lookout het. Dert isch d Ussicht zwar huufä besser gsi, aber nid das wo erwartet 😅
    Drum si mir haut chli enttüscht wieder abä u hei nu chli dr Botanic Garden gnossä.

    Ufem heiwäg si mir nu ids Stadtzentrum chli gah umäluegä. Würk viu hets aber nid gäh z gseh, het paar einzelni Lädä u äs Iichoufszentrum gha. Jetzt si mir nu chli ufem Baukon äs Bierli am trinkä u ds schönä Wätter am gniessä 😎🍺    Read more

    See translation
  • TravelerÜsi Australiäreis 22/23
    Day 27

    National Arboretum Canberra

    January 4, 2023 in Australia ⋅ ⛅ 16 °C

    Am Morgä si mir öbbä einisch ufgstangä u si richtig National Arboretum abgfahrä. Dert hets äs paar chliineri Walking Trails u ganz spezielli Böim. Churz nach dä 8ti si mir dert abgloffä. Fürä Start hei mir üs dr aasträngendsch Wäg, wos ir Beschribig gheissä het das mä d Bei guet gspüri u so, usgwäut. Entsprächend hei mir üs i Gedankä scho druf vorbereitet, dass di 3.3 km aasträngend wärdä 😅 Nachdäm mir aber relativ schnäu wieder am Ziel gsi si, hei mir müessä sägä, das di letschtä 2 Wanderigä wo mir gmacht hei ä huufä aasträngender gsi si 🤦🏼‍♀️ Drum hei mir amänä angerä Ort wieder wöuä zrüg loufä, aber dä Wäg isch leider gsperrt gsi. De hei mir üs haut fürnä angerä Trail entschiidä zum machä. O dä isch überhoupt nüd aasträngend gsi, drfür aber hammer usblick.

    Nachem 2tä Trail si mir nu gah d Bonsai usstellig aaluegä. Das isch scho iidrücklich gsi, dr eutischt Bonsai wo dert isch gsi isch nur ganz ä chliinä gsi aber het Jahrgang 1937 gha 😳

    Am Namittag hei mir eigech ä Freakshake wöuä gah trinkä, dass sig ä speziellä Miuchshake. Aber natürlich het genau dä Ort hüt zuä gha, obwouh sogar ar Tür aagschribä gsi wär, dass är eigech offä hätt 😑 De si mir haut drfür öbbis chliises gah zmittag ässä u äs Glace hets drfür onu grad gäh 😁

    Jetzt si mir daheimä am packä u morn geiz de wiiter ad Ostküste, richtig Long Beach 🚗🏝️ (Hoffä z Gwitter isch de bis denn o wieder dürä 😅⛈️)    Read more

    See translation
  • TravelerÜsi Australiäreis 22/23
    1
    Day 28

    Vo Canberra nach Long Beach

    January 5, 2023 in Australia ⋅ ⛅ 18 °C

    Hüt morgä bi Zytä si mir z Canberra abgfahrä richtig East Coast. Üsä 1. Punkt uf dr Listä wärä d Minnamurra Falls gsi. Nacherä aasträngendä u närvä ufriebendä fahrt überä Macquire Pass si mir äntlich dert aacho, nur um festzsteuä, dass mä genau hüt nid zu däm Wasserfau cha loufä wägem Rägä 🙁 Zum Glück hei mir aber ja nu ä angerä Wasserfau, Gerringong Falls, uf dr Listä, wo nid mau so wiit äwäg isch. Bim luegä wos dürä geit hei mir aber festgsteut, dass d Strass für dert härä gsperrt isch 🤦🏼‍♀️ U dr Umwäg wär über 1h gsi u da z Wätter eh nid so toll gsi isch, hei mir haut de dr nächscht Punkt uf üserer Listä aagstüüret.

    Im Dorf Kiama isch z Wätter scho ziemlich besser gsi, äs het eifach extrem gwindet 😅 Entsprächend isch aber das Blowhole extremer gsi u zum Teil hets ziemlich Wasser usä usägsprützt.

    Z Mollymook si mir hüt z'erschtä mau i denä Feriä chli am Strand gah spazierä. Schad isches nid ganz so warm gsi, süsch wärs mega schön gsi zum nu chli lenger si 🏖️ Nid wiit wäg isch z Dörfli Ulladulla cho wo mir nu si gsi gah aaluegä. Das het üs jetzt aber nid ganz so guet gfauä, äs het o extrem viu Verchehr gha.

    Gägä Aabä si mir z Long Beach bi üserä hütigä Ungerkunft aacho. Hüt si mir bir Janine daheim, si vermietet äs paar Zimmer i ihrem Huus. Näbscht üs hets nu 2 angeri Parteiä u äs paar Camper rund um z Huus. U mega viu Kangaroo hets o um, dr Christian het sogar zwöinä chönnä bim kämpfä zuäluegä 🤨

    Jetzt si mir nu am luegä wis morn wiiter geit 😊    Read more

    See translation
  • TravelerÜsi Australiäreis 22/23
    1
    Day 29

    Vo Long Beach nach Eden

    January 6, 2023 in Australia ⋅ ⛅ 17 °C

    Da einä vo dä angernä Feriägescht so luut gschnarchlet het, hei mir säuber leider nid ganz so viu gschlafä😩 Zum Glück hei mir aber eh am morgä früech wöuä ufstah, dass mir o bi Zytä chö wiiterfahrä. Bim z Morgä ässä uf dr Terrassä usä hei mir wieder Kangaroos bim kämpfä gseh gha 😅

    Us erschts si mir richtig Australia Rocks gfahrä. Da mir nid drmit grächnet hei dases dert Seelöiä 🦭 het, hei mir üs umso meh drüber gfröit, vorauem wüu grad so viu gsi si 😍 Aber o süsch isches wieder ä iidrücklichä Ort gsi wo mä guet gseh het, weli gwaut Wasser eigech het.

    Us nächschts hei mir z Tilda aaghautä. Das isch mega äs härzigs Dörfli mit autä Hüüser u i jedem Huus isch ä Ladä gsi. Leider hets aber mega viu Lüüt gha, drum isches rächt müehsam wordä mit Parkplatz suechä. Zum Glück hei mir aber einä gfungä u hei inä Lollyshop chönnä ganes Kaffee trinkä 😊 U natürlich hani nid angers chönnä aus nu Lollys z choufä 😉

    När isches wiiter gangä richtig Horse Head Rock. Vom Parkplatz us hei mir nu ca. 20 Min dürä Bush müessä loufä. Isch nu speziell gsi so dür z Dickicht dürä z loufä, zum teil isches eim nüm ganz so wouh gsi i däm höchä Gras u i dä Flipflops 🤦🏼‍♀️🐍 Zum Glück hei mir aber nur äs paar grossi Eidechsli🦎 gseh, wo aber ufä erscht Blick usgseh hei wi Schlangä 😬. Dr Usblick vom Lookout isch drfür aber ungloublich gsi 😃

    Z Bermagui si mir hüt gah z Mittag ässä, anschiinend gäbs hiä di beschtä Fish & Chips, wo dr Christian grad probiärt het. I ha stattdessä wieder mau Äntä gha, äs isch wieder mau mega fein gsi 😋

    Jetzt si mir z Eden im Motel am morgigä Tag besprächä u hoffä, dasses bi üsnä Nachbari nid nu ä Schleggerei git, äs isch ämu afä chli luut wordä vori 😅    Read more

    See translation
  • TravelerÜsi Australiäreis 22/23
    1
    Day 30

    Vo Eden nach Sale

    January 7, 2023 in Australia ⋅ ☀️ 20 °C

    Am Morgä früech hei mir üser Sachä wieder packt u si zersch mau a zwöi Lookouts z Eden chli gah luegä u chli gah umäloufä. Speter si mir iz Killer Whale Museum gangä. Das isch mega interessant gsi. Anno dazumal hei d Killerwal dä Lüüt vo Eden ghulfä bim Walfang i däm si di angerä Wal id Bucht triebä hei u dä Walfänger dr Wäg zum Wal zeigt hei 😳

    Speter si mir richtig Genoa Peak gfahrä, wo mir dr Genoa Peak Track gmacht hei. Dr Wäg zum Parkplatz isch ä Dirt-Road gsi u ungerwägs hei mir sogar nu müessä usstiigä u dr Wäg vomänä Boum freiruumä das mir überhoupt dürä cho si 😅
    Dr Wanderwäg het sehr a eim idr Schwiiz gliichä, ussert dases überau verbrönnti Böim (nu vom grossä Füür 2019/2020 nachä) gha het. D' Ussicht vo dobä isch eifach dr Hammer gsi 😍

    Im Namittag innä hei mirs doch nu zu dä Salmon Rocks gschafft, obwouh mir ke Internet meh gha hei u so z Navi eigech nüm würk hei chönnä bruuchä 🤦🏼‍♀️
    Zum Glück isch mau äntlich wieder richtig schöns Wätter gsi, de hei mirs nu chli am Strand chönnä gniessä, bevor mir de nach Sale, zu üserer hütigä Unterkunft gfahrä si.    Read more

    See translation
  • TravelerÜsi Australiäreis 22/23
    1
    Day 31

    Uf dr Suechi nach Koalas...

    January 8, 2023 in Australia ⋅ ☀️ 21 °C

    Nachem ufstah hei mir üs scho gli ufä Wäg nach Paynesville gmacht. Vo dert us si mir mit dr Fähri uf Raymond Island gangä gah luegä, ob mir äs paar wildi Koalas gseh. U tatsächlich... Nid 5min uf dr Inslä hei mir scho dr erscht gseh im Boum obä hockä 😃 u i jedem eggä vor Inslä het mä wieder einä gseh 😊 Äs het sich auso totau glohnet dr Wäg vo geschter wieder ä Teil retour z fahrä...

    Nachdäm mir einisch um d Inslä umägloffä si, hei mir di nächscht Fähri wieder zrüg gnu uf Paynesville. Vo dert us si mir nu zum Eagle Point gangä, vo wo us mä ä schönä Überblick über d Gägend gha het.

    U da z Wätter hüt eifach dr Hammer gsi isch, hei mir dr Nami nu chli im Botanic Garden vo Sale verbracht. Süsch isch hüt hiä i däm Städtli nid viu los gsi, äs het eigech aues zuä gha wi daheimä amänä Sunntig aubä oo 🤷🏼‍♀️

    Hoffä morn isch de z' Wätter o wieder so guet wie hüt, dass mir de mau chli a Strand chönntä 😊    Read more

    See translation
  • TravelerÜsi Australiäreis 22/23
    Day 33

    Zwüschä Strand u Rägäwaud

    January 10, 2023 in Australia ⋅ ☀️ 22 °C

    Leider hets geschter nid so ganz klappet mit üsem erhofftä Tag am Strand. Obwouh z Wätter grundsätzlich super gsi wär, hets starchi Wällä u Strömigä gha, drum het mä nid iz Wasser chönnä. Am Strand säuber het mäs o fasch nid usghautä, da wäg dä Wällä mega viu Dunscht ir Luft gsi isch 🤦🏼‍♀️ U süsch isch de i derä Gägend überhoupt nüd los gsi. Drum si mir haut süsch chli gah umäluegä, unger angerem id Wetlands vo Sale und d Swing Bridge. Dert isches o mega schön u mega ruhig gsi 😊

    Hüt hei mir üsi Reis fortgsetzt u si richtig Frankston abgfahrä. Ungerwägs si mir nu d Dörfli Trafalgar, Yarragon u Warragul gah aaluegä, sowie onu ä churzä Rägäwald Trail gah machä. Da mir vo usä überhoupt nid mit Rägäwald grächnet hei, si mir mega überrascht gsi, dass so ä wunderschönä Fläck isch 😃

    Nachdäm mir z Frankston üsi nöi Unterkunft bezogä hei, si mir grad uf Mornington chli a Strand gfahrä u hei dert dr Tag nu chli lah usklingä 😎    Read more

    See translation
  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English