Reset search
NorwegenNorwegen
SatelliteEdit route

Norwegen

May - June 2023
D Müm am de Norde entdecke. Read more
  • 21footprints
  • 3countries
  • 24days
  • 122photos
  • 1videos
  • 7.9kkilometers
  • 7.9kkilometers
Follow Calendar Share Bucket list
Date ascending
  • TravelerNorwegen
    Day 1

    Tag 1

    May 24, 2023 in Germany ⋅ ☁️ 11 °C

    Hüt isch mis Abendtüür losgange 😌. Ich bin also scho chli nervös gsi und han d Ziit mit mine Liebste nomal welle chli gnüsse. Drum isches hüt ca. am 10nii losgange anstatt wie plant am 9nii 😅. Wie sich jetzt usegstellt het isch das tip top gsi, will ich tatsächlich fast kei Verchehr gha ha und sogar mal die ganzi Autobahn für mich elei gha ha 🚗.
    Nach öppe 3.5h Fahrt hani in Hardheim en chline Zwüschestopp gmacht, debi s Schloss ahgluegt und en riesige Kaffi trunke. Nach dem Energieschuub bini wieder los und mit 30min Umweg (willi mi no verfahre ha) ah mim Ziel für hüt ahcho 📍. Da in Hofgeismar hani mi zwar no öppe 3Mal unentschiede woni wet pfuuse, aber ha jetzt mis Plätzli Gfunde und wird morn vo da richtig Wanderup düüse.    Read more

    See translation
  • TravelerNorwegen
    Day 2

    Tag 2

    May 25, 2023 in Denmark ⋅ 🌬 16 °C

    Nachere erholsame Nacht bini hüt Morge früeh in Tag gstartet und bi nachem erste Kaffi zerst mal goge mis Auto tanke, demit ich problemlos die nächst Etappe cha zruglegge. Mis erste Ziel hüt isch Bispingen gsi, dört hani nachere 2.5h Fahrt es Päusli gmacht und eh alti Kapelle besichtigt. Die isch vo inne grösser gsi als erwartet, aber trotzdem sehr herzig gsi. Nach dem Stopp bini so Energieglade gsi, dassi beschlosse ha, das s nächste Ziel ned Wanderup isch sondern Dänemark. Also bini ah Hamburg verbi düüst und ha mi gfreut woni vor mir ganz viel Chräne und Container entdeckt ha, im Hafe vo Hamburg. Für nomal en Zwüschestopp het d Euphorie aber ned glangt und churz druf abe bini auscho über die Dütsch/ Dänisch Grenze gfahre. Min hütige Schlafplatz isch dasmal ned ganz elei, defür am See und mit villne liebe Mensche.Read more

    See translation
  • TravelerNorwegen
    Day 3

    Tag 3

    May 26, 2023 in Norway ⋅ ⛅ 16 °C

    Hüt bini eimal quär dur Dänemark, demiti in Hirtshals mini vorbuechti Fähre verwütsche. Wie plant bini gnueg früeh dört gsi und han den vorem Check-in en Moment müsse warte, bisi drah cho bi. Bim Zuewiise vo minere warte Reihe, bini no falsch abboge und han den müsse vom Velo eskortiert werde, zude richtige Reihe. Endli uf de Fähre, hani mis Auto verlah und de Fähler gmacht, dassi fast nüt mitgno ha. Wieni spöter bemerkt ha, isch mer nüme zum Auto zrug cho bis 10min vor de Ahkunft. Das uf offner See au schwär isch mit Empfang, hani 3.5h dörfe nüt mache.
    Jetzt bini völlig übermüedet amene ruhige Plätzli, woni min Abig lah usklinge u d früeh wird goge pfuuse gah.    Read more

    See translation
  • TravelerNorwegen
    Day 4

    Tag 4

    May 27, 2023 in Norway ⋅ 🌙 7 °C

    Hüt Morge bini gmüetlich in Tag gstartet, nach doch fast 10h Schlaf. Uf de Norwegische Autobahn bini den richtig Norde ufe gfahre. Dört hani in Eidsvoll en erste Stopp gmacht und das Gebäude besichtigt, wo Norwege vo Dänemark unabhängig worde isch. Nach enere super Tour und emene feine Muffin bini wiiter gflitzt zumene Ussichtspunkt woni mi mega druff gfreut ha. Ufem Weg dört ane hets den Plötzlich überall nebed de Strass Schneeinseli gha und d Temperatur isch immer tüüfer gsunke. Womi s Navi denn zum "richtige" Ort gfüehrt het bini irgendwo im Nirgendwo gsi. Churz durf abe hani usegfunde dass de Ussichtspunkt zue het und ich es Plätzli bruch zum schlafe. Wills aber soo chalt gsi isch, bini doch nomal 71km wiiter gfahre, bisi endli en Platz gfunde ha woni mi wohl gfühlt ha. Dur die ganzi Ufregig het denn au min Buuch agfange chnurre und es isch Ziit gsi zum öpis warms chöcherle.Read more

    See translation
  • TravelerNorwegen
    Day 5

    Tag 5

    May 28, 2023 in Norway ⋅ 🌧 3 °C

    Hüt isch en richtig gruusige Tag gsi. Scho am Morgefrüeh hets grägnet und isch bedeckt und chalt gsi. Bi 5.5°C bini losgfahre nach Trondheim. Dört hani trotz rege en Halt gmacht wo sich glohnt het. D Architektur vom Städtli isch traumhaft und typisch norwegisch. D Hüüser sind da nähmli fast alli uf Stelze baut und zum teil au ufem Wasser. Nacheme Kaffi und enere mini Fotosession, bini wieder wiiter richtig Norde unterwegs gsi. S Ziel vo hüt isch Svenningdal Ovre gsi wo doch no es Stuck gsi isch zum fahre. Durs ewig schlechte Wetter und die negativ Wetterprognose (es chunt vielicht nochli goge schneeie) isch mini Stimmig irgendwenn em Wetter ahpasst gsi. Doch churz bevori ah mim Schlafplätzli ahcho bi, hani doch tatsächlich no dörfe en einmalige Moment erlebe. Ich han eifach en wibliche Elch dörfe gseh. Mir hend eus zerst ganz lang nume ahgluegt und irgendwenn hani denn glich no d Kamera zückt. Das magische Motiv vom Elch mitem Regeboge het mini Stimmig grad wieder usegrisse und mir zeigt wie schön doch d Welt isch.Read more

    See translation
  • TravelerNorwegen
    Day 6

    Tag 6

    May 29, 2023 in Norway ⋅ ☁️ 6 °C

    Hüt bini duregfrorre in Tag gstartet. Die letschti Nacht isch leider trotz Heizdecki und warmem Schlafsack ned würkli erholsam gsi. Nach mim übliche Zmorge hani d Autoheizig ufedreht und bi langsam losgfahre. Nach guet 1h Fahrt hets endli ufghört regne und anstatt de lang ersehnte Sunne ischs cho goge schneeie. Richtig dicki Flocke sind uf de Windschutzschiibe glandet und mini Sorg isch gwachse bezüglich de konstant sinkende Temperatur. Bi under 0°C hani denn scho mal läär gschluckt und mir überleit wie ich die kommende Nächt dörf verbringe. Nach langem überlegge isch denn de Entschluss gfalle, dassi imene Hotel wird schlafe. Zum Glück sind s Mami und de Papi zur Stell gsi und hend mir grad chöne wiiterhelfe und Hotels empfohlene wo guet sötted sii. Schnell druf abe hani den buecht und bi knapp 1h spöter ahcho. Da hani nach churzem Entspanne mini wiiter Reis umplant und em Wetter ahpasst. Nach dem bini fein goge esse. Jetzt gnüssi mis warme Bett und wird sicher glii goge schlafe gah zum die Stunde nahhole woni letscht Nacht ned gha ha.Read more

    See translation
  • TravelerNorwegen
    Day 7

    Tag 7

    May 30, 2023 in Norway ⋅ 🌧 5 °C

    Wohoo, scho eh ganzi Wuche bini unterwegs im Norde. Und hüt isch en richtige Tag im Auto gsi. Bi dene lange Fahrte, bini entweder am mitsinge bi mine lieblings Lieder oder am gmüetlich en Podcast lose. Hüt isches en Mix us bedem gsi und ich bi uf de schönste Strössli unterwegs gsi. Bi vielne chliine Päuseli, hani den amel auno chli müsse touristisch sii und chli gföteled 📷. Will ich hüt Schuel ha ischs hüt wieder eh Nacht im Warme. Ich ha nähmli es Airbnb gemietet, woni grad min Znacht am chöcherle bi und mini Wösch cha wäsche. Jetzt sammli nomal mini Energie für es Paar stund vorlesig und wird nachher sicher todmüed is Bett gheie 😊Read more

    See translation
  • TravelerNorwegen
    Day 8

    Tag 8

    May 31, 2023 in Norway ⋅ ☁️ 1 °C

    Nachere erholsame Nacht bini hüt Morge früeh ufgstande und ha welle d Insle Senja erkunde. Das hani denn au ih Tat umgsetzt und bi losgurkt zu mim erste Punkt. Bim Usstige zum es Föteli mache, bini aber dermasse verregnet worde (bi ih 2min völlig durchnässt gsi), dasi schnell wieder ihsgteige bi und ufs Selfie mitem Stativ verzichtet ha. Wieder on the road ischs Wetter ned würkli besser worde. Nacheme mini Schneesturm, extremem Wind, emene zuegfrorne See und öppe 5 Tunnel spöter bini denn würkli chli entüscht gsi vo Senja, willis mer eifach anderst vorgstellt ha. Irgendwenn hani nümme welle bliibe und bi gmüetlich wieder richtig Süde gfahre, woni hüt nomal wird imene Hotel pfuuse. Jetzt nachere Pizza und emene chline Spatziergang dur Narvik wirdi nochli entspanne und lese.Read more

    See translation
  • TravelerNorwegen
    Day 9

    Tag 9

    June 1, 2023 in Norway ⋅ ☁️ 4 °C

    Hüt halti mich churz, willi garned eso wiit cho bin. Ich han primär d Ussicht ufs Meer gnosse, die schönste Stränd und Buchte bsuecht. So öppe laht sich min Tag uf de Lofote beschriibe. Nach vielne Zwüschestopps hani irgendwenn au es Schlafplätzli gfunde, woni sogar no Schäfli als Bsuech gha ha. De Abig lahni usklinge mit viel Sunne und gueter Luune.Read more

    See translation
  • TravelerNorwegen
    Day 10

    Tag 10

    June 2, 2023 in Norway ⋅ 🌧 6 °C

    Da ich jetzt chli chürzeri Etappe ha, hani gmüetlich usgschlafe. Nachem ufstah hani grad en Kaffi gchocht und mis Müesli gmacht. Öppe am 10nii bini denn gstartet richtig de südlich Teil vode Lofote. In Svolvær hani min erste Stopp ihgleit und bi goge Pöstele, nebed Spezialitäte, hani auno min Lebesmittelvorrat gfüllt und bi wiiter Düst. Ufem Weg richtig Moskenes hani gfunde ich lueg schomal wegeme Schlafplätzli, will die doch recht begrenzt und begehrt sind da uf de Lofote. Nach längerem Sueche hani jetzt öpis gfunde, chlii witer oberhalb vo Moskenes. Endli ahcho, hanis mer gmüetlich gmacht, Znacht gesse und nochli glernt. Morn mussi d Lofote den leider wieder verlah und mit de Fähre richtig Bodo fahre.Read more

    See translation
  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English